السلام عليكم..
مهااااااااااااو والله اني استنيت لين تقريبا الساعه وحده وبعدين خلاص ماا اقدر افتح عيوني.. وكنت حااسه اني من اروح انام بتنزلين الجزء.. بس اهم شي اني قمت الصبح ولقيته ..اهوون الف مليوون مره انه ينزل وانا ناايمه من انه ماينزل ابد.بعيد الشر يعني.. والله يعطيتس العافيه..
المهم الجزء اليوووم وااثقه مليوون بالميه انه بداايه تغيير في مشااعر سلطان تجاة وودي اعترف لنفسه بهالشي والا ما اعترف ..عرف والا ما اعرف ..اهم شي انا عرفت ..هخهخهخه..

حاتم: اهلاا بك في الوضع المتأزم بين والديك.. فيه شي مستغربه منه.. وهو استغرابك من هالوضع اللي بينهم.. يعني هالوضع قبل ماكان موجود لما كنت عايش معهم؟؟ والا هو موجود بس موو بهالقووه اللي هو فيها الحين؟؟ امك متسلطه مررررررره..وابووك مسكين الله يعينه عليها.. لكن امك مالها الا حل من اثنين ياا انها تطلق ياا انها تروح لدكتور نفسي فعلاا.. يعني هي مااا وصلت لهالوضع الا لان عندها ترسبات قديمه ومشااكل اقدم ويمكن توها بدت تطلع عليها..والله مارحمت الا نجد احسها مومتهنيه بحايتها ابد دام امها متووتره نفسياا.. والله مرات احس ان تووتر الاب النفسي اهوون من تووتر الام..الام لو عندها امراض نفسيه يضيع البيت كله..بس الابو لو عنده امراض نفسيه تقدر الام تتصرف وتسيطر على البيت وتعووض غياب الاب ..بس الابو مسكين لو الام هي اللي تعبانه يضيع هو وعياله.. والا يروح يتزوج ثانيه ويعيش حياته ويترك الاولى باتمراضها واوجاعها وعيالها.. وعشان كذا يمكن ابو حاتم يتزوج وحده ثانيه غير ام حاتم..؟؟؟؟
وبعدين مبسووط انت الحين بمقابلات تالي الليل هذي.؟؟. الله يكفينا شركم لا تسوون شي وبعدين نتووتر بسببكم ..خبركم عاد ربعكم اللي يتابعونكم ملاقيف وماايبون أي شي يوتركم لان فيه توتر لهم..هع

الضبعه أمل : اقوووووووووووول رووحي بس ياااعديمه الذووق مسوويه نفستس ذووق واخلاق وجاايه بيت الرجال مع حرمته بكل وقاحه وتتعنطزين بجمالتس المغشوووش .. ياليت والله سلطان سااحبتس مع شوووشتس هاللي متعنطزه فيها ورااميتس بينهم ونااثر القديم قبل الجديد.. واللي طبعاا مأثر فيه اكثر من غيره هو القديم والا الجديد ماراح يكون لتس معه جديد دام وودي في حاضره وبتكون باذن الله بعد مستقبله.. انتي يااحقيره وش مسوويه بالرجال ؟؟وش اللي مسوويته يووم انه صاااير ماعاد يواطن جنس حواااء؟؟ مايحتاج ندري انتس خااينه بس وش نوع الخيانه اللي انتي مسوويتها هي وصلت طلعات والا بس مكالمات؟؟؟ السالفه فيها نت ..لايكون تتكلمين وتعرضين نفستس بهالغرف اللي يجي من وراها بلاوي؟؟؟؟

يزيد وفيصل : خطير انت ياافيصل تنفع طبيب نفسي .. شكل هاليزيد مااهوب راعي كلام بس انت عرفت له.. اجل من اوول جلسه الرجال معطيك علوم العاايله؟؟؟ وانت يزيد تدري انك تنفع تشتغل بالاقتصاد.. شخص متحمل مسؤولية نفسه ويفكر بمستقبله .. والاحلى من هذا كله انك تبي تعيش حياة مستقله بعدي عن الجووو المتووتر اللي في بيتكم.. الله يوفقك يااا شيخ.. اتوقع انك بتدرس اقتصاد او ادارة اعمال.. تنفع بهالمجالين..

طلال : انت اسمك من اليوم وطالع فزّاع.. والله ماقصرت وبيض الله وجهك يااشيخ.. خااطري بس تجي يوم وماتلقى فطوم فيه ..ابي اعرف وش بتفكر فيه؟؟؟ وش بتحس لما تشوفها مو موجوده؟؟؟ عاد تدري اليوم بالذات وانت بالمستشفى حسيت انك بتخطبهاااااا .. بالاول بتقول انك تدور على حرمه وهذي فطوم اختك تعرفها وتعرف اخلاقها .. وانك بزواجك منها تسكت ضميرك اللي مأنبك لان المقصود بالحادث انت مو ريان.. بس الهدف الاسااسي تبي تخبيه عنا وعن رووحك وهو انها اعجبتك هالبنيه المملووحه.. >>فيس كاشفك..
النوري: يااقلبي عليتس والله انتس بتاخذين الاجر العظيم على رحمتس بهالصغار.. وبعد فووقهم بتلقين لتس زوج.. جابر ترى بيتزوجتس..بس تبين الصدق عاد وبيني وبينتس ماااا ابيه يتزوجتس ياا النووري انتي تستاهلين واحد لتس خص نص موب واحد عنده زوجه وهو مايذكرها.. والله قهر لو انه صدق يحبها مانساها.. الله يخلف على مراايم دموعها سكااايب ورجلها نااسيها ولاهو ذااكر لها أي موووقف حلو في حياته.. ياللله خلي ترجع ذاكرته له باذن الله وبنزوجتس فيصل..>>فيس خاطره تتزوجين اعزب.

سلطان ووديان: يااااااااازينك ياا استااااذ سلطان.. تجنن وانت بوسط الحريم ومخلي القيااده لوديان ..احلى شي لما قلت للضبعه ان هالبيت لوديان وتسووي فيه اللي تبي.. حبيتك بقووه صراحه . طبعا هو انا احبك خلقه بس كذااا حسيت ان هالحب زاد اضعاف مضاعفه لانك مافشلت وودي وكسرتها قدام غريمتها وهالموقف هذاا بيعزز من قووة وديان قدام الضبعه طليقتكم.... اليووم احسك غير مووو مثل دايم متعنطز وشايف نفسك وبارد... والاهم من هذا وذاك انك بديت تحس بوديان.. اجل هي كتااب مفتوح..؟؟ يااويلك من الله ويووم هي كتاب مفتوح وشوووله تلعب باعصاابها.؟؟. هذي بريئه مو مثل الضبعه اللي كانت عندكم .. وبعدين وش هالتدخين اللي انت تشفطه شفط.؟؟. صحتك ياغالي تراها غاليه .. انتبه لنفسك وبطّل هاللي انت فيه.. تدري عاد حااسه انك بتبطّل تدخين ولعيوون وديان.. لاني واااثقه انك ماصرت تدخن الا عقب هالمعفنه الضبعه امل.. والا اول ما اتووقع انك كنت تدخن.. او يمكن تدخن بس مو بالشراهه اللي انت فيها الحين؟.. وعشان كذاا بما ان سبب التدخين اللي انت فيه زوجه سابقه بيكون تركك له سببه بعد الله الزوجه الثانيه.. صدقني وودي بتنسيك امل وسنين امل .. بس انت عطها فرصه وعط نفسك هالفرصه معها ..
وودي.. تدرين ماا عجبتيني ابد وانتي تهااوشين امل.. المفرووض سااحبتها من كشتها وحاذفتها على الدرج لين تطيح منه وهي متدربيه.. مو تقولين لها ان جيتي مره ثانيه تعالي بعد الاستئذان؟ وش هالادب ياختي.؟؟ اصلاا وش تبي تجي باستئذان والا بدونه.. .قوولي لها ان شفتس موطووطه مره ثاانيه على هالدرج حشيت رجولتس حش بعد ماا اكسر كل عظام سيقانتس ياا عديمه الاحساااس والكراامه.. >>فيس معصب..
المهم هالامل عرفتي ان نقطة ضعفها الجد .. هاتي صوورة هالجد ورزيها عندكم بالصاله عشان كل ماا جات وشاافته تتخرع لما تتخيل وش ممكن يسووي فيها لو عرف عن سواد وجهها>>فيس يخطط.

مهاااااااااو مشكووره على هالجزء الحلوو.. واللي فيه اختلااف بشخصية سلطان .. اتمنى ان هالاختلاف يستمر ويكون للافضل.. وتدرين عاد حاااسه ان السكر اللي كاااتبه يخص ودياان.. وبيكون يمكن اووووووول مره ومن فتره طويله مايكتب شي عن خيااانة امل..

بانتظار الجزء القاادم اذا الله احيانا بكل شوووق فلا تتركين انتظاارنا يطوووول..
دمتي بكل الود ياا عسل..

ابتَسَم أبتِسامَه غريبه لا تَعي حقيقة مَعانيها ابدا
رُغم انهالا تَندرج تَحت ابتِسامات الأستِهزاء تِلك اللتي تَشَبًعت مِنها
تَحركَت شَفتيه وفيحيح انفاسِه يَلفَح بَشرتها المُحمرًه

: وجهك يوم ينسحب اللون مِنه يصير شين !!
ارتَفعت حاجبيها وأعادت نَظرها الى عينيه بِ اثَبات :
محد طَلب رايِك !
سُلطان : مَجبوره تِسمَعينَه يالشينَه
امتَلأت عينيها بِ الدموع وقبل ان تَجمَع الأحرُف لِ تنثُرها بينَ يَديه
رافِضه بَل وَساخِطه على ما يَقول

تَخلل الى مَسامِعِها صوتَ انثوي ناعِم : اوووووه شَكلي جيت بَ وَقت
غَلَط
التَفَت اليها في حين مُحاوَلة وِديان مُواراة دَمعاتِهاالمُتأرجِحه .


,,


وبعديين في ذي النشبة

قطت وجهه الرجل عافها وما يبيها

وهي بكل وقاحه رازه الوية

بدون أحم ولا دستوور

بس

طلعنا منها بفايدة

يووم يشووف سلطان ثورة

وديان على الي ما تتسمى

وبعد وقفته مع الحق


بصراحة أكثر ما يعجبني

هو الوصف الأثيري الجميل الي يتوسط حوار

الأبطال

أمس كنت أسولف مع خواتي عن أبداعك

وحده منهم كانت تقوول لي وش لوون الحوار

بالعامية ووصف القصة والرواية يكوون بالفصحى

ما ظنتي حلوو

قلت لها بلاش ما قريتي لأنثى حلم

الأبداع مصوور في قمة الروعة والتناسق

والحرفية

ربي يسعد أيامك

انثى الحلم جزء رائع ومشوق خاصة بين سلطان و وديان صورتي لنا في هذا الجزء شعور الطفل عند فقدهم للأم روايتك تنبض با المشاعر و العواطف التي تجذب القاريء
اخيرا اعطتيني وجه و رديتي >>>> فيس طاير من الفرحة