بصراحة الكلمات احس فيها صعوبة وماتوقعت معناها كذا
بس شكل الرجال عندكم كورهم مثل ماقلتي يابس بقوة والحمدلله اني مو عندكم والا كان هالحين مغرومة
شكلي حفظت الدرس زين
ومو صكه
بانتظار الجديد
ربي يعطيك العافية
ودي ووردي

اهليــــــــــــن براعيه المراسيم...

والله يالنودي بعض كلماتكم بشرق ومعناها عندنآ بغرب

وبعض الكلمات اصلا موجوده باللهجه الخليجيه البحته

لو يلستي مع حريم كبار بالعمر من الشرقيه ماارح تفهمين عليهم
اتوقع عندكم نفس الشي وزاد انهم يحكون بسرعه
فتتداخل الكلمات ببعض فمستحيل نفهم الرطينه خخخخخخخ
ترجمي انتي الحين هع

بصراحه اشوف لهجتكم خليط من اللهجات

عندج مثلا رقآآد >> في القصيم يقولون ارقى ورقآ .. ورقيت مع الدرج
بمعنى صعدت الدرج..

راعه >> من الروع >> الخوف>> يمكن النطق والتشكيل يختلف بس المعنى
واضح

كاكيه>>> جنها كلمه هنديه >> كيا هي ؟؟ تيجي!!! ههههههه

بصرك >> بكيفك >> المبدعه انفاس كررتها على لسان زايد
يعني الكلمه متداوله بالخليج
عموما كنت اسمعها عند البدو بكثره
تبي تقعد والا بصرك ..>> تريدان تجلس والا بكيفك خخخخخخ
كور>> اخواننا الكويتين يقولون
مدام هالكور يشم الهوآ ماابصير هالشي
شفي يالنودي ان لهجتكم حلوه وممتعه بس تبي اللي يفهمها

بانتظار البقيه
ود واكثـــــــر

مساء الورد على الجميع
هلا ومسهلا بنودي
كاكيه ياحلوتنا؟
أول مادخلت من السده ركضت على الرقاد ودخلت المحضره وييت طوالي على المراسيم .. وش رايك نودي بيَضت الوجه؟
ان شاء الله درجاتي كـــــــــــامله بعد هالجمل المتعوب عليها>>فيس رافع يدّينه يدعي أنّه مو صكه..

الف شكر يالغلا على السؤال والأهتمام
والله تراني ماقطعت المتابعه أدخل وأسيّر على المراسيم بشكل سريع واليوم قلت لازم أطبق الكلمات عشان أبله نودي تصحح..

تسلمين على الأبداع المتواصل..
بأنتظار جديدك ان شاء الله...