الرزق على الله / للكاتبه : هارد لك يا قلبي .. - الصفحة 5

24-03-10, 07:34 PM

المشاركة رقم: 21

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء السادس عشر

جالسين بستراحه الفندق

ريميه: طلول مو كأنه طول التكسي
طلال: أي والله
ريميه: وتسند راسهاا على الغنفه .. اكره الانتظار اكرهه
طلال: ويقوم .. بشوف التكسي
راح طلال يشوف التكسي

ريميه: طلال اليوم مو على بعضه حتى كلمتة حبيبتي ماقالها ولا ابتسم ولا اخذ رايي بشي شلي غيره علي
طلال.. ويأشر لهاا: تعالي وصل

وراحت له ركبوا التكسي وطلال بيده كتلوج عن ديزني لاند

ريميه: طلال فيك شي .. وتمسك ايده
طلال.. ويرجع راسه على المقعد ويلف يطالعهاا : زهقااااااان
ريميه: من شنو قلبي
طلال: من نفسي
ريميه: واحد يزهق من طلولي
طلال: اااه ريميه احس اني مهموم التفكير بيذبحني
ريميه.. وتضم ايده لصدرها : سلامتك من الهم قول امين
طلال.. يبتسم ابتسامه صفراء ..امين
ريميه: جعل الهم فيني ولا فيك
طلال: لا انشالله
ريميه: إلا انشالله والله ماني مستحمله اشوفك زعلان قلبي تكفا روقهاا
طلال: من عيوني ماني مضيق خلقك
ريميه:لا يقلبي انا ابيك انت مايضيق خلقك
طلال: انشالله شفتي وين بنروح
ريميه: وين
طلال: ديزني لاند
ريميه: اللعاب
طلال: مدينة اللعاب حتى راح ننام هناااك
ريميه: اللــــــــــــــــــــــــــــــه
طلال: حاجز لنا فندق هناك لثلاث ايام من كبر المدينه يبي لنا اسبوع على مانخلصهاا
ريميه: هههههههههههههههههه
طلال: ليش تضحكين
ريميه: اتخيل شكلي اللعب
طلال: ههههههههههه مو بس انتي الناس كلها تلعب
ريميه: حتى الكبار
طلال: ايه حتى الشياب
ريميه: ابتسمت وقامت تطالع الكتلوج

طلال كان منبسط عاجبته فكرة المرشد عن الرحله وعاجبه ان ريميه ماتعرف شي وكل شي يقول لهاا تنبسط فيه وتستكشفه لاول مرره ..؟..

بعد مرور الوقت وصلوا للمدينه .؟.

ريميه:: اووف يالزحمه اللحين ننطر دور
طلال: هههاي ما عاد الا طلال ينطر دور لا قلبي حنا خالصين يالله مشينا
ريميه: ماتبي تحجز
طلال: لا خالص اقول لك

وياخذهاا ويدخلون للفندق اللي ساكنين فيه

طلال: خلي الشنطه هم يصعدونها وحنا بنمشي
ريميه: بس ودي اغير نعلتي عشان لابسه كعب
طلال: مو قلت البسي مريح
ريميه: ايه بس قلت بكشخ
طلال: ياحبكم للكشخه يالله انزين نصعد

وراحوا لغرفتهم ..؟..

ريميه.. وتلبس لها جوتي سبورت مقلم ومعاه شنطه كبيره شوي نفسه مقلمه ومربوطه فيه سكارف ملون ولبست مانتو سماوي وملفع سماوي ونقاب وتحته بنطرون بيج مع بدي سماوي

واما طلال فكان لابس جنز ديرتي فيه مخابي كبار من صوبين وشكل الجنز تحفه
وبدي صوف اسود وفوقه جيكيت سبورت لونه رصاصي عليه ارقام وشعارات
نوادي اجنبيه ولبس قبعه صوف لونهاا اسود وكان شكله يبهر شلون شعره طالع من تحت القبعه وملتف وجيكيته رافع غولته لفوق يدفي نفسه فيهاا ولابس جنطه رياضيه ونظارات سوده كبره مارت بوليس بظهره سوده حاط فيها له جوتي سبير وغيار له وبطل ماي ..

مسكوا بعض عقب ماتجهزوا وراحوا يلعبون ..

دخلوا اول شي لقاعة استيديو فيها قطار كان فيه خدع سنمائيه حرائق وشغلات حلوه

ريميه .. مبطله حلقهاا على الاخر: طلال طلال حريقه
طلال:هههههههههههههه لالالا كذب يابنت كذب
ريميه: يماا كانهاا حقيقيه
طلال: هذا خدع سنمائيه
ريميه: ايه
طلال: شوفي شوفي
ريميه: تلتفت .. يمااا .. وتنزل راسهاا بحضن طلال وتضربه برجله
طلال: ميت ضحك:هههههههههههههههههههههههههههههاي

وبعدهاا راحوو عروض الماجيك وانبسطوا فيهاا حيل

وراحوا لديزني لاند (الالعاب )
واللي فلوهاا فيهاا

طلال.. تعالي ريميه ناخذ لنا تذكار

ووقفوا قدام واحد ياخذ صور تذكاريه

وقفت ريميه وطلال جنبهاا حاط ايده على كتفهاا وظامهاا اخذوا الصوره وبعدهاا
مشووا

طلال .. بعد خمس دقايق وهو مسكر صوره : نفتحهاا
ريميه: يالله
لما فتحوها الاثنين : هههههههههههههههههههههههههههههههاي

كان كل واحد مسوي للثاني حركه طلال مطلع لسانه وريميه طاقه عيونها حول
كانت الصوره صدق معبره عن فرحتهم ..؟..

طلال: هههههههههههههههههههههههه الله يخسك محوله عيونك
ريميه: وانت مطلع لسانك
طلال: تعالي تعالي ندخل هاللعبه
ريميه: لالالا شكلها يخرع
طلال: يابنت تضحك ماتخرع
ريميه: وان طلعت تخوف ..
طلال: امممم اشتري لك اللي تبين
ريميه: يالله

ويدخلون اللعبه واللي هي عباره عن بيت مسكون

ريميه: طلال بطلع يالكذاب
طلال: خلاص مافي رجعه
ريميه: شنسوي
طلال: نمشي ولا ياخذنا الوحش ويدخلنا القفص <<يكذب عليها
ريميه: لالالالالا
طلال: خلاص مشيناا
ريميه.. ومتمسكه بطلال ..

مشوا شوي وينط عليهم وحش وعقبها ركضوا وركبوا اصنصير ومعاهم عايلتين اجانب لان نظام هاللعبه يدخلهاا معااه قروب

بعدها تفرق القروب وكلن ركب عربه تمشى فيه ..

وصياح الحريم غطي هالمكان ..؟..

ريميه .. يمه طلال في شي ينقط علي كنه ماي

رفعوا راسهم ولا راس وحش فوقهم ..

ريميه : أأأأأأأأأأأأأأأأأأأأأأأأأأأأأأأأأأأأأأأأأ وتحظن طلال وتبكي وماتبي تفكه
طلال.. ميت ضحك: ههههههههههههههههههههههههههههههه خلاص يابنت راح
ريميه: يالكذاب والله ما اسامحك ابد والله ما اسامحك
طلال: خلاص قلبي انا قصدي انا نستانس ونلعب خلاص قربنا نخلص
ريميه: ومنزله راسها : لا خلصنا قول لي

وتمت ريميه خاشه راسهاا بصدر طلال وطلال يطالع اللعبه ساكت

وخلصت اللعبه وريميه مبرطمه على طلال ماتبي تكلمه .

طلال.. حبيبي زعلان
ريميه: لا تكلمني
طلال: خلاص الحلو شنو يبي واشتري له
ريميه: مابي شي
طلال: ولا شي ولا شي
ريميه.. وتطالعه : لا تكلمني يالكذوب
طلال: ويكشر وينزل راسه وجلس بالكرسي هو بعد مبرطم ..
ريميه: ضاق خلقهاا انهاا زعلت طلال وراحت جلست جنبه : زعلان مني
طلال.. ساكت
ريميه: طلول زعلان
طلال: ايه زعلان لان حبيبتي زعلانه مني
ريميه: خلاص انا رضيت
طلال: يبتسم : ماتقولين لي كذاب مره ثانيه
ريميه: اصلن مسحتهاا من عقلي يعني شنو كذاب
طلال":ههههههههههههههههههههههههههههههه يالله مشيناا

وراحوا تغدوا بمطعم ماكدونالز وكملوا لعبهم لين الليل
راحوا عند قصر الاميره النائمه يشوفون الالعاب الناريه ونبسطوا فيهاا
حيييييييييل

مرت هاليومين وهم بين اللعاب وبين تسوق باسواق ديزني لاند .؟.

طلال.. اشتري هذي بعد
ريميه: أي حلوه بشتريهاا لشيوخه
طلال: ودانه
ريميه: بشتري هذي
طلال: اجل انا بشتري لعمر لعبه على ذوقي
ريميه: يالله

وقامت تشتري هدايا لخواااانهااا

وعقبهاا لما خلصوا رجعوا لفندقهم اللي في باريس كونتنتال..؟..

.......................

مطلق.. شيخه وينهاا
دانه: هذيك هي تلعب..
مطلق: ناديهاا لي
دانه .. راحت نادتهاا ..

اخذ مطلق شيخه وراح هو وياها لمحل اللعاب يبي يراضيها عقب الموقف اللي حطهاا فيه .. اشترت اللعاب لين قالت بس وكل لعبه تختارهاا يحطهاا
لهاا بالسله لين طلع من محل الالعب بي 900 ريال
وراحوا عقبهااا لمطعم شري لها وجبه وقام يتعشى هو وياهاا ..؟..

ورجعوا البيت وهي محمله بالالعاب ..؟..

شيخه .. تركض لجميله اللي جالسه هي وحوريه وام مطلق بالكراسي

شيخه: جميله شفتي مطلق شرى لي اللعاب واجد
جميله: اللــــــــــــــــــــه
ويجلس مطلق بالكرسي عند امه .. ويبتسم على براءة شيخه
شيخه: وشرى لي وجبه مطعم
جميله: الله قلتي له شكراا
شيخه: تطق راسهاا .. لا نسيت .. شكراا مطلق
مطلق.. يبتسم : العفــــــــــــــــــــو حبيبتي
ام مطلق: وليه ماشتريتوا لي وجبه
مطلق: افا الغاليه نفسها بوجبه ابشري وش تبين
ام مطلق: وش راي البنات
حوريه: نبي اممممم هرفي
مطلق: يهب ما تقول لا
حوريه: وشهوله تعزم اجل
مطلق: مجامله
حوريه: ماعلينا عمتي قالت تطلب لناا
مطلق: ههههههههههههه امزح وش تبون
ام مطلق: جيب اللي تبي
مطلق: جميله وش تبين
جميله: هااه كيفكم
حوريه: لالانبي ذوق جميله
جميله: الود ودي ما تطلبون
حوريه: ليه
جميله: لعاااااااااانه
الكل:هههههههههههههههههههههههههههه

وبعدها طلبوا وجباااات لهم وجلسوا ياكلوون ..؟..

.......................
مرت رحلة طلال وريميه بسرعه البرق وخلصت وحان موعد رجعتهم
راحوا لاماكن كثير منهاا متحف اللوفر وبرج ايفل وكوتوكامب اللي بغى ينغمى على ريميه فيه ..؟..

كان عباره عن متحف قديم دخلوه وصادفوا ممر ضيق ومضلم ولما وصلو للمتحف
شافوا جدار من جماجم واشكال مرعبه وصاحبتنا قلبهاا خريش وحلفت انها ماتجلس وطلعا هي وطلال منه ..؟..

طلال .. هاه وين جناطك
ريميه: عند الباب
طلال: شيكتي على كل شي
ريميه: أي مو ناسين شي
طلال: اجل يالله مشيناا

ويرحون المطار ومن المطاااار الى الرياض وصلو وخلصوا اجراءات الوصول
وكان بستقبالهم لولوه وفواز وسومه

لولوه: تمسكهاا بشري
ريميه: عال العال عندي لك سوالف
لولوه: شوقتينيي
ريميه: لما نجي البيت اقول لك

ركبوا كلهم سيارة فواز وراحوا لبيتهم وهم داخلين كان ابو طلال وام طلال جالسين

ابوطلال: هلاااا وغلاااا
طلال.. هلا فيك يالغالي
ام طلال.. تحظن ريميه: هلا ببنيتي
ريميه: الله يسلمك خاله
ابوطلال: شلونك ريميه
ريميه: تحب راس عمهاا .. بخير والله
ابوطلال: عسى انبسطتوا
الاثنين: الحمدلله
ام طلال: اشوفكم طولتوا عليناا
طلال: والله عجبنا الجو ولا شريك ريميه
ريميه: أي والله طلال مو عاجبه غير هالشانز
الكل:هههههههههههههههههههههههههه
طلال: وانتي موعاجبك غير المطاعم
الكل:هههههههههههههههههههههههه
ريميه: لا والله اقول له جوعانه يقول انا ماني مشتهي ويطلب لي انا وياكل معاي
الا ذابحك البخل
لولوه: وناااااااسه طلعت فضايحهم
طلال: كذا زين شمتي العذال فيناا
ريميه: ماعليك منهاا ناس ميتين حره وغيره
لولوه: انا غيرانه منك طيب ماااشي اعلمك الشغل
ريميه: لالالا مو قصدي
سومه: ماعلي منكم وين هديتي

وقام طلال .. فتح الشنطه وطلع الهداياا وقام عطي كل واحد هديته

بعدها تغدوا وكل واحد راح يسوي شغله

طلال: نروح البيت ريميه
ريميه: ودي اجلس مع لولوه شوي
طلال: كيفك المهم انا بروح البيت ارتاح وان خلصتي تعالي البيت
ريميه: انشالله

راح طلال لبيتهم وهو بالطريق يفكر يقول اكيد اللحين يخططون هي وياها
بس انا لهم خخخخخخخخخخخخخخخخخخ

لولوه : وجلست على السرير : هاه قولي
ريميه: كل شي قلت لك
لولوه: الصراحه ماودي اضيق خلقك
ريميه: ليه شنو فيه
لولوه: طلال اخوي طبعه كذا يحب اللي بيسافر معاه او يجلس معاه ينبسط مايحب احد مسافر معاه ويسب سفرته مع طلال واتوقع سوى هالشي من باب انه يبسطك مو انه خلاص حبك ومراح يطلقك
ريميه: اووف ليش ضيقتي خلقي
لولوه: هذي الصراحه بقول لك دليل طلال ما يحب بنت خالتي جود مايطيقهاا كل يحط عليهاا وهي بعد كانت تكرهه من كثر مايحط عليهاا
ريميه: بضيق .. ايه كملي
لولوه: ومره سافرنا انا وجود وسومه وطلال وفواز للنمساا
ريميه: وهي ليش قاطه وجهها معاكم
لولوه: اهلها سافروا لسترالياا وهي ماتحب استراليا فاجلست عندنا بالبيت وسافرت معانا
ريميه: وبعدين الزبده
لولوه: لو تشوفين شلون كان طلال يعاملهاا كانه عشيقهاا ينفذ طلباتها يشتري لها نقص عليها فلوس عطاهاا يمشيهاا وهي من عقب السفره تولعت فيه وصارت ماتشوف غيره
ريميه: تحريني انتي وجهك لا تكملين ترى بموت
لولوه: اسمعي بس طلال قال لي انه مايكن لها أي مشاعر سوى كل هذا من باب انها تستانس معانا ولما رجعنا الرياض رد وعاملهاا زي قبل بس هي لالحين تحبه
ريميه: وتكتف ايدهاا : الخطه شنو
لولوه: هذا اللي ابيه ابيك تتزيين وتحطين مكياج ثقيل وتجلسين تنطرينه ومن قبل لا يتكلم نطي جيبي له اللي يبي صديقتي كانت تقول زوجهاا مغصوب عليها واللحين خاتم بصبعها بس عشانهاا سهرانه عليه تسوي كل شي يبيه زوجهاا وماشالله عايشه ومعاهاا 3 عيال ..
ريميه: ضنك كذا
لولوه: ايه ومابي اسمع كلمة لا منك تقولينها لطلال ولا تزعلين خليه يحبك
ريميه: احاول
لولوه: ان زعلتي كلميني وقومي طلعي حرتك فيني ..
ريميه: انشالله يالله لا اتاخر على طلال
لولوه: اوكي بيننا الو اوكي
ريميه: اوكي

وراحت ريميه بيتهاا وقامت تحط مكياج وهي ماتعرف خبصت بوجهها ولبست وتزين وقامت تنطر طلال .. وصل طلال ودخل الغرفه وتفاجأة من ريميه

طلال.. بقلبه الله ياخذك يالولوه هبلتي بالبنت : شنو مسويه بوجهك
ريميه.. تبتسم حلووو
طلال.. يمسك .منديل ويمسح وجهها : لالالا كأنك كاسبر
ريميه: شتسوي
طلال: امسح اللي مهببه فيه وجهك
ريميه: حرام صار لي ساعه احط عشانك
طلال.. عقب ما غسل وجهها : كذا احلى وبعدين من قال اني ابيك تغيرين شكلك
ريميه: نزلت راسهاا .. محد قال
طلال: الله يهديك بس ابي انام ..
ريميه.. راحت تركض تسوي فراشه ..
طلال.. يبتسم : شكراا
ريميه: تفتح ازارر قميصه .. وتعطيه البيجامه ..
طلال: حياتي انتي ماتقصرين
ريميه: تبي شي
طلال: ابي انام
ريميه: وتطلع
طلال: وين رايح
ريميه: اخليك ترتاح
طلال: تعالي نامي معاي من الصبح مانمتي
ريميه: لا اخليك ترتاح
طلال: ريميه شفيك تغيرتي شلي صار فيك
ريميه: ابي راحتك
طلال: راحتي انك تكونين على طبيعتك ولا تخلين احد يثر عليك
ريميه: انشالله

24-03-10, 07:35 PM

المشاركة رقم: 22

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء السابع عشر ...؟..

طلعت ريميه من الغرفه واخذت التلفون

لولوه: هااي
ريميه: تفوو عليك
طلال.. يسمع لهم بالتلفون اللي بالغرف ..
لولوه: افااااا
ريميه: فشلني مالت عليك وعلى خططك
لولوه: خلاص موتحبينه وماتبين تتطلقين حاولي
ريميه: بسرعه لايحس فينا الخطه الثالثه
لولوه: سمي بالرحمن
ريميه: لا عزالله عيناا خير اكيد نفس وجهك
لولوه..في صندوق بغرفتك لونه برتقالي شاريه لك فيه ملابس البسيهم وحاولي تتدلعي عنده يمكن تاخذين عقله
ريميه: تدرين انك داجه وانا ادجج منك بروح اشوف وافكر اما سالفت الدلع اسمحي لي
لولوه: يالله باي صديقتي تنطرني على الجوال زوجها طاقها وبساعدها
ريميه: عزالله ذبيحتيهاا باي

طلال .. قفل التلفون بسرعه .. وراح قفل الباب يدور الصندوق بيشوف شنو فيه
ريميه: تك تك تك : طلال افتح الباب
طلال: ريميه عشر دقايق جالس ابدل ملابسي
ريميه: اوكي انا بالصاله

راح يركض يدور لين لقاه بكبتهاا فتح الصنوق وتفاجأ باللي شافه
كانت قمصان قصيره

طلال:هههههههههههههههههههههههه بروح احب راس لولوه على هالفكره
الله يخسهاا بتهبل فيهاا بنشوف ريميه شلون بتلبسهم ..

راح دخل الصندوق وفتح الباب وجلس معاه كتاب يقرااه ..؟..

ريميه. كل هذا تبدل ملابس
طلال: كنت اتسبح
ريميه: وتدور بالغرفه
طلال. وماسك الضحكه : شتدورين
ريميه: اغراض لي
طلال: اهاا .. وكمل قرايته

وبعدهاا لقت الصندوق اخذته وطلعت من الغرفه

طلال: وين طالعه
ريميه: دقايق وجايه
طلال: لا تتأخرين ودي اناام
ريميه: انشالله

راحت جلست بالصاله وفتحت الصندوق .. وكان طلال مطرف الباب يشوف ريميه

ريميه .. تفتح الصندوق وتطلع اول قميص وهي مبققه عيونهاا .. تشهق . يافضحي
وترميه بعيد
واللي بعده واللي بعدوا وهي تصيح وتلطم وتطق نفسها كفوف

ريميه: هذا وشلون البسه يافضحي حسبي عليك يالولوه اللي يسمع كلامك داج
طلال. فتح الباب : ريميه
ريميه:تخرعت وقامت تلم الملابس وتحطهم بالصندوق وهي فحمانه : هلا خير شعندك
طلال: شفيك تقولين لاحقك كلب
ريميه: لالا عادي بس كنت اسوي رياضه
طلال: تعالي بنام الا وش هالصندوق
ريميه: أي واحد
طلال: هذا
ريميه: تطالعه.. تصدق ماعرفه
طلال: ابتسم .. اجل نتعرف انا وياك عليه
ريميه: لالالالالالالا .. وتجلس فوقه .. تذكرت اغراض لجميله اختي
طلال: اهاا لجميله يالله نام حبيبتي
ريميه: ابشر ...وتشيل اغراضهاا وتلحقه

بعدهاا راحوا نامووو ..؟..

...........................

جميله: هذا شنو
شيخه: مطلق عطاني اياه قال اذا شفتي جميله جالسه بروحهااعطيهاا هالظرف
جميله: اوكي طسي يالله
شيخه: مالت عليك

جلست جميله على الكرسي . وفتحت الظرف كان فيه رساله من مطلق ..

<الرساله>
.. اخت جميله انا اسف وما كان قصدي ان اضربك بحجر ولا اشبهك بالكلب محشومه بس كنت انا معصب ومتوتر واتمنى تقبلي اسفي لاني والله اكتب هالرساله
وانا خايف تكونين ماخذه علي بخاطرك ادري انتي ماتدرين باللي صار لي من ورى
هالاسطبل والبلاوي اللي صارت لي من ورى البنات اللي دخلو فيه سامحيني يالغلا ..
مطلق

جميله : قام قلبهاا يطق بسرعه واكتبت بقفى الورقه ..

..وانا اسفه اني دخلت من غير اذنك وكسرت تحفتك ومسموح ..

جميله

لما قراهاا مطلق قام يضحك .. بعدهاا حرق الورقه بالدوه اللي قدامه وجلس يسولف مع العيال وهو مرتاااااااااح البال

مرت الايام ورجعت ام مشعل والعايله لبيتهم وهالمره اللي وداهم مطلق ..؟..
وكانت حوريه ضايق خلقهاا ان فهد ماوداهم ..؟..

وبدال ما حوريه تقرص جميله بالسفره انعكست الايه وصارت حوريه اللي تنقرص
عرفت حوريه باللي صار بين جميله ومطلق وكل وحده مسكت زله على الثانيه
وتعاهدوا انهم مايفتنون على بعض حتى بالهوشاات ..؟..

جميله اخر فرد نزل من السياره ..

مطلق: جميله جميله لحظه وقفي
جميله.. منزله راسهاا : خير
مطلق: تفضلي
جميله: شنو هذا
مطلق: شوفي وتعرفين
جميله: اخذت الكيس منه .. وهي داخله مسك ايدهاا
مطلق: اهتمي بنفسك
جميله.. وتترك ايدها: انزين

ودخلت داخل وهي طايره فوق هاام السحااب ..

راحت للغرفه وفتحت الكيس وهي طايره من الفرحه ..
كان سلسال عليه قلب كبير كله كرستال صغير ومحفور فيه Love
وتحته نازل حرفين صغار M :j لبسته على طول وبغت تموت من الفرحه
وكان في كرت مكتوب فيه : أحـــــبك يا جميله وهذا عربون اسفي ....
حظنت الكرت ونزلت دموعهاا ..

حوريه: الله الله وش هذا
جميله: توريهاا .. شوفي
حوريه: وااااااااااااااااااااااااااااااو صدق روعه
جميله: مشكوره
حوريه: من مطلق
جميله: ايه
حوريه: من عقب عداوه صارت محبه الظاهر هالشهر اللي جلسناه انقلب كيانك
جميله: من احلى ايام حياتي
حوريه: اجل مقابلات من ورانا
جميله: لا تخسين بس مراسلات
حوريه:ههههههههههههههههههههههههههه ياللي ماتستحين
جميله: هو كان يرسل مب انا وانا ارد عليه
حوريه: شسويتي بالولد كان مايطيق البنات واللحين يموت فيهم
جميله: تخسين مايحب غيري اناا
حوريه:ههههههههههههههه هذا الحب ولا بلاش مو انا ما عطاني شي حتى القلم
جميله: عاد فهد بخيل
حوريه:ما اسمح لك
جميله: تنسدح : على شحم خليني افكر واتفكر
حوريه: لعنتك
.................................

ريميه : لولوه مابقى شي واتطلق كلها اسبوع
لولوه: سوي نفسك مريضه وبينغمى عليك
ريميه: وبعدين
لولوه: قولي انك حاااااااااااااااامل
ريميه: هااااااااه اكذب
لولوه: قولي انك حامل وخلاص ماراح يطلق لي 9 شهور وبالهتسع شهور نكون فكرنا بخطط داهيه
ريميه: لالالالالالالا انا خايفه
لولوه: يعني شتسوين لا اغراء نفع فيه ولا تدلع نفع ولا مكياج وتزين ولا رومانسيه
مافي غير هالحل او حل ثاني
ريميه: شنو
لولوه: تتغلين
ريميه: يعني
لولوه: تروحين بيت اهلك زعلانه لمدة 3 ايام راح يفقدك ويحاويل يراضيك وراح تكونين غاليه وبالاخير راح تضلين عنده
ريميه: اخااف مايجي ويطلقني
لولوه: ماراح يطلقك وماكملتي الشهر
ريميه: الله يستر
لولوه: نفذيهاا
ريميه: خواتي وصلوا امس بالليل وانا العصر بروح لهم
لولوه: واخذي لك اغراض معاك للنومه اوكي
ريميه: انشالله
لولوه: مع السلامه
ريميه: وانتي سالمه

وراحت ريميه تشيل اغراضهاا وراحت بيت اهلهاا ..؟..

ريميه . تدخل البيت : انا جييييييييييت
الكل: نقز هلالالالالالالا
وجلسوا يوزعون الهدايا على بعض ويسولفون كل واحد عن رحلته

ريميه: الله يقلعكم طلعتوا من المزرعه عشاق يمال اللي شقول
جميله: لا هو اللي كان يرسل
ريميه: اااه بس
حوريه: شفيك
ريميه: احس اني بموت من القهر
جميله: ليش
ريميه: مدري حاسه اني بفقد طلال
البنات: لالالالالالالالا تقولين
ريميه.. ماخبرتهم بالسالفه بس تمهيد لطلاقها : مدري احسه بعيد عني مايجلس معي
من رجعنا كل ضايق صدره
جميله: يمكن مهموم او شاغله شي
ريميه: حاولت فيه بس كل يصرخ ويطلع من البيت
حوريه: لالالا حرام تخسرين طلال
ريميه: ان تطلقت منه راح اشنق نفسي
جميله: خبله انتي او مجنونه
ريميه: كيفكم انا حذرتكم من اللحين
جميله: يماا لابكلمه بقوول اختي بتمووت وسبتك ..؟..
ريميه: أي تكفيييييييييين
الكل:ههههههههههههههههههه انهبلت البنت

وبعدها تعشوا وناموا ..

..

رجع طلال باليل يدور ريميه مالقهاا ..

طلال: هذي وين راحت شلون طلعت من غير اذني الخبله
جته الشغاله : بابا ماما ريميه راحت بيت ماما هو ويقول هي ماراح يجي بيت مره تاني اخذ ملابس هي كل شي
طلال. منصدم .. ليييييش
الشغاله: مايعرف

طلال جلس على الكنبه مصدوم .. ليش راحت هي مو تحبني ليه راحت مو تحاول وتخطط تجلس عندي هااه لايكون وحده من خططهم لالا اكيد خططهم
انا بصبر عليها ان مارجعت بروح اشوف شسالفتهاا ..

وراح لغرفته يبدل ملابسه ولفت انتباهه ورقه مقطعه بشكل غريب ومرميه بالزباله
راح طلعهاا وقام يجمعها مع بعض لين اكتملت عنده
وماااااااااات من الضحك لما قراهاا

طلال: لولوه هذي بتدمر حياتي ماراح تسعدها الله ياخذها اجل اذهبي اللى بيت اهلك
واكذبي انك حااامل انا لكم يا يالثنائي المدمر ..

وجلس . وهذي قعده ولاني سائل عنك ..؟..

ومرت 3 ايام وطلال ما سأل عن ريميه وكل يوم يزيد شوقه لها ويحس انه ضعيف من غيرهااا

..........

ريميه: الله ياخذك يالولوه
لولوه: خلاص ارجعي البيت وقولي ان حامل اخر حل لنا وان مافاد اللله يرزقك بولد الحلال شنسوي فيه
ريميه: لالالالا بقول اني حامل بعشره ومايصير يطلقني لين اضني بس ان خلصت التسع شهور منين اجيب له ورعان
لولوه: نقول انك صقطتيهم وماتو
ريميه: تبكي .. انا راجعه البيت الللحين مع السلامه
لولوه: بالتوفيق

ورجعت ريميه البيت وهي حدها تتراعد وخايفه شلون بتكذب عليه

دخلت البيت ولا حصلت احد راحت حطت اغراضهاا وبدلت ملابسهاا وتزينت
وجلست تنطر رجالهاا ..؟..

بعد ساعات رجع طلال من ربعه وراح لغرفته ينام وانصدم لما شاف ريميه
استانس حيل بس مابين .. ماشالله وصلتي ماضنيت انك بترجعين
ريميه: ماشتقت لي
طلال.. يفكر: اممممم لا عادي
ريميه: وكشرت .. زين انك ماشتقت لي مثل ما اشتقت لك
طلال: طيب اللي تشتاق ماتروح ومتعلم زوجها ولا تتصل فيه
ريميه: بس كنت بتغلى عليك
طلال: اهاا انا بنام تبين مني شي
ريميه: ابيك بموضوع
طلال: شنو
ريميه:وتتراعد ومتوتره ... اناا حاااااامل
طلال.. يمثل الصدمه .. تتكلمي جد ولا تمزحي ريميه قولي الصدق
ريميه: ايه حامل شفيك
طلال: يطالع الساعه اللي بيده : خساره تاخر الوقت
ريميه: ليه زعلان اني حامل
طلال: لا كنت بنروح احلل انا وياك عشان انتاكد
ريميه.. مرتبكه: لالالالا مايحتااااج حللت وتاكدت
طلال: شلون
ريميه: تحليل منزلي
طلال:لا يقلون من كل المرات يصدق لازم انحللك بكرى الصبح لازم اروح واتاكد
انا ماني مصدق بصير ابو اخاف افرح ويطلع حمل كاذب
ريميه.. وتنصدم وتطالعه .. طلال مو مصدقني
طلال: مصدقك بس لازم اتاكد بنفسي وتحليل المستشفى
ريميه: تسكت
طلال.. ويمسكها . مع ايدهاا . شوي شوي على مهلك
ريميه: وتمشي وهي منصدمه
طلال: خلاص مني ورايح ماتتحركي فاهمه
ريميه: فاهمه
طلال: وينسدح جنبهاا

ظل يسولف معاهاا وهي مو معااه منصدمه شراح تسوي بكرى ان كشفهاا

بعدها نام طلال وهي ماقدرت تناااام ..؟..

تسحبت بالليل وراحت تكلم بالتلفون ..

ريميه وهي تبكي : لولوه لولوه انا بروح فيهاا
لولوه: ليه شلي صار
ريميه: بنروح بكرى نحلل بالمستشفى
لولوه: لالالالالالالالا
ريميه: أي والله
لولوه: اووه ماي قد
ريميه: شسوي اعترف له
لولوه: لالالا اوعك تعترفي له روحي معاه وان طلعت النتايج قولي له حسيت بدوخى وانغمى علي وافتكرت اني حامل
ريميه: وان ماصدق
لولوه: المهم انتي اللحين ادعي وانا بدعي ربي يعدي هالمشكله على خيييير
ريميه: لولوه والله راح اذبح نفسي ولا اطلع قدامه كذابه تكفين ادعي لي تكفين
لولوه: انشالله

وسكرت التلفون وراحت تصلي وتدعي ربهاا يعدي هالازمه على خييييييير

........
الصبح .؟.

طلال : يالله قومي قلبي نروح للمستشفى
ريميه: تعبانه مالي نفس اروح
طلال: يالله قومي بلا دلع

وبعدها قامت ريميه بتثاقل ..

طلال ينطرها بالسياره .. بعد ربع ساعه جت عنده وهي متصفق وجهها

راحوا المستشفى ..؟..

طلال.. اجلسي هنا اجيب لك رقم
ريميه: انزين .. وجلست

راح جاب لهاا رقم ونادها تدخل تحلل..

بعدها طلعت وجلست على الكرسي وطلال من اخذوا منها التحليل وهو بمكتب ولد عمه الدكتور فايز

بعد مرور ساعه بالضبط طلع طلال ومعااه اوراق التحليل ..

طلال: ريميه مشينا
ريميه: ونزلت دمعتهاا . وقامت تمشي ورااه
طلال: وسااكت طوووول الطريق يفكر
ريميه: وهي تبكي وتمسح دموعهاا

وصلوا البيت وراحت ريميه تركض لغرفتهاا وطاحت على السرير تبكي من القهر

دخل طلال وشافها مرميه تبكي :ريميه شفيك
ريميه: ابكي على حظي بتطلقني اليوم
طلال: من قال
ريميه: اليوم صار لنا شهر وانت قلت لي انك بتطلق
طلال: صح انا قلت بس ليه تكذبي علي

ريميه انحرجت وارتبكت ودموعهاا نشفت من هول الموقف ..؟..
وقامت تتأتئ ووتراعد وصوتها يرجف ..

24-03-10, 07:45 PM

المشاركة رقم: 23

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

الجزء الثامن عشر والاخير

ريميه: لولوه قالت لي وانا سويت كذا
طلال: طيب وبعدين
ريميه: وانا نفذت كل شي تقوله وكنا نخطط انا وياهاا
طلال: على شنو
ريميه: انك ماتطلقني وتتزوج جود
طلال: اهاا وليش ماتبيني اطلقك
ريميه.. وتنزل راسهاا : لاني لاني احبك
طلال.. وابتسم : وانتي يعني ماتدرين طول هالشهر اني احبك
ريميه: وتلتفت عليه مصدومه .. لا مادري
طلال: ماقلت لك انا
ريميه:لا ماقلت
طلال: طيب اقول لك ريميه انا احبك
ريميه: وتبتسم .. يعني ماراح اتطلق
طلال: كنت ماراح اتطلق بس
ريميه: بس شنو
طلال: انا ما احب الكذابين
ريميه: والله والله ماعاد اتعودهاا
طلال: ولا تسمعين كلام لولوه
ريميه: منو لولوه ماعرفهاا
طلال: انزين تبيني اقول لك شنو مكتوب بالاوراق
ريميه: بتملل : عارفه
طلال: شنو
ريميه: اني مو حامل
طلال: لا خاااطئ انتي حاااااامل
ريميه:" كيـــــــــــــف
طلال: مبروك ريميه
ريميه: لالا تكذب علي
طلال: وليه اكذب عليك شوفي شمكتوب
ريميه.. وتمسك الاوراق . بس ماعرف للانقليزي
طلال: ويقرى لها ويترجم ...
ريميه : تصيح .. لالالالا ماصدق
طلال: ويحضنها : مبروك عليناااا
ريميه: وتبكي .. طلال ماني مصدقه
طلال: خلاص شفيك
ريميه: ماني مصدقه كذبت وطلع حقيقه
طلال: ههههههههههههه المهم ان شفتك قايمه من السرير اخنقك ..
ريميه: ماقدر شلون اروح عند لولوه وانخطط
طلال: وليش بعد تخططين
ريميه: انك ماتتزوج علي
طلال: انا ماتملى عيني غيرك وان رحتي لولوه راح اتزوج عليك
ريميه: لالالالا خلاص الله يخليك لي
طلال: وانا بعد الله يخليك لي ولا يحرمني منك يالغاليه
ريميه: وتنسدح على السرير .. طيب عطني تلفون ببشر خالتي وخواتي ولولوه
طلال: ويمد لها التلفون .. انا طالع عشر دقايق وراجع ..؟..

ريميه ..تتكلم بالتلفوون

ريميه : لولووه اناا حااااااااااااااااامل
لولوه..تصيح .. مبررررررررررررررررررك
ريميه: الله يبارك فيك
لولوه: شفتي اخر خططي
ريميه: الا خططك ودتني بداهيه
لولوه: المهم وش سوى طلال
ريميه: مستانس حيل وكان يقحص قدامي انه بيصير ابو
لولوه: ههههه هذا هو لا استانس قام يقحص
ريميه: المهم قولي لخالتي اني حامل لاني اتصل عليها جهازها مغلق
لولوه: اوكي اليوم بجيك في بيتك ..؟..

......

ريميه تتصل على خواتها .

جميله: الو
ريميه: هذا رقم الخاله جميله
جميله: هلا ريميه وش سالفة خاله
ريميه: ياخاله بتصيرين خاله ياحمار افهم
جميله: لالالالالا مبرووووووووووووووووك مبروووووووووووووك
حوريه حوريه ريميه حاااااااااااااااااااامل
حوريه: مبرررررررررررررررررررروك مبرووك يتربي بعزكم انشالله مبروك اللافي
ريميه: لالحين ما ولدت ترى لما اولد قولي كذا وانا بقول الله يبارك فيك

................

بعد مرور ست شهور

ريميه تنزل من السياره ومعاها شغالتهاا نازله بيت اهلهاا
طلال: شوي شوي لا يطيح الورع
ريميه: عشانك ضيقت صدري اليوم .. قامت تطق كرشهاا
طلال: وهالحركه تتلف اعصابه : لالالالا يا مجنونه خلاص خلاص ببطل تدخين بس خلي ولدي والله اني اخاف عليه اكثر منك
ريميه: على بالي بعد تبي تذبح ولدي بريحت دخانك
طلال.. ويرمي باكيت الزقاير من السياره .. تكفين الا ورعي
ريميه: وتفتح درج السياره وتطلع الباكيت الثاني .. وهذا شنو
طلال: زقاره وحده بس وحده
ريميه.. وتبي تطق كرشهاا: هاااه اطقه
طلال: لالالالالالالالا خلاص ويحرك السياره
ريميه: هههههههههههههههههههههههههههههههههههههاي

وراحت دخلت البيت ...

جميله وتسلم على اختهاا وتحب كرشهاا : هااه متى بتطلع يانوني
ريميه: وتجلس دانه تكفين ماي بسرعه
دانه: قولي للشغاله
ريميه: الله واكبر يعنى عشانك ساكنه بفله تركتي الشغل الله يرحم ايام بيتنا قبل نركض لا قالت امي مــ
جميله:ههههههههههه الا متى يوصلون انشالله
ريميه: يبي لهم ساعه اشم ريحت طبخ وش طابخين
جميله: قولي وش مو طابخين ماخلينا شي ما طبخنااه
ريميه: أي والله مشتاقين للوالده وتلقينها مشتاقه لطبخناا

وجلسوا البنات ملتمين يسولفون لين دخلت عليهم امهم فجأه

البنات .. قاموا يصيحون ويحبون امهم وابوهم وحدهم مستانسين ..
يوسف: وانا محد يبي يسلم علي

الكل .. وقف منصدم صوت منو الغريب لفوا طالعوا الصوت الا يوسف واقف
البنات من الفرحه قاموا يطقون بعض طبعا يحبون اخوهم ومبسوطين ..
انه قدر ينطق ويسمع

وجلسوا وهم مو مصدقين وكان عمر طول الجلسه يبكي على اخوه من فرحته
مو مصدق ..

انبسطوا العايله وتموا يسولفون ويضحكون لين ناموو

.......................

مطلق : مالك عذريما اهلها وصلو
ام مطلق : خلاص الربوع نسري للرياض ونخطب
مطلق: الله يسلمك يا اغلى ام بالهدنياا
فهد: وانا بعد ابي اعرس
مطلق: وشتبي خلني اتزوج وافرح بعدين انت
ام مطلق: لالالا خلو عرسكم بيوم واااحد ودي افرح فيكم
فهد: بس تعرفين منو ابي
ام مطلق: وفي احد مايعرف من تبي تبي حوريه يافهيدوه
فهد: اف كل هذا انا مكشوف وهذا وانا مبرشم
الكل:ههههههههههههههههههههههههههههههههههه

................

ريميه: لولوه شفيك خايفه عادي كل عروس تمر بنفس هالمواقف
لولوه: لالالا خاايفه مو حاسه انتي فيني
ريميه: تجيين نخطط لك
لولوه:هههههههههههههههههههههههههه
ريميه: يابنت فليها واستانسي عروس من قدك
لولوه: تصدقين احسدك
ريميه: ليه
لولوه: ان عندك حمااة نفسي
ريميه: مالت عليك انا اللي احسدك
لولوه: ليه
ريميه: ماعندك حمات تخطط لك وتدمر بيتك
لولوه: اللحين انا دمرت بيتك
ريميه: ايه لولا الله ستر وطلعت حامل كان انا اللحين مع المطلقات والارامل
لولوه: مره ثانيه تجين تقولين خططي لي افقش خشمك
ريميه: هههههههههههههههههههههههههه روحي بس روحي عروس بكرى عرسك
وتترززين عند التلفونااات
لولوه: اهي اهي اهي ليه تذكريني
ريميه: بفتك منك
لولوه: بروح ابكي عند امي
ريميه: الله يعين خالتي

..................
بعد شهر ملكت جميله على مطلق وحوريه على فهد ..وتقرر عرسهم عقب 4 شهور

ريميه:طلال حاسه بولد
طلال: هااه
ريميه: بووولد ماتفهم بولددددددد __ بصراخ
طلال:: ويركض ينادي الخدامه تساعده بشيل ريميه

ركبوها السياره وانطلقوا للمستشفى ..؟..

ريميه: حسبي الله عليك يا طلال الله ياخذك
طلال: ليه
ريميه: شحقه احمل ليه لييييييييييه ليتني تطلقت ولا حملت
طلال: ريميه استغفري وش هالكلام
ريميه: وتضرب ايده .. وهو مستحمل عشانهاا بتولد

بعدها وصلوا المستشفى ..؟..

ام يوسف وعيالها كلهم متجمعين عند الباب ينطرون ريميه ..
وصلت ام طلال : هاه بشروا ولدت
ام يوسف: لالحين
ام طلال: الله يسهل

كان كلهم جالسين على الكراسي الا طلال اللي يدور ويجلس ويقعد متوتر حيل

سومه كانت جالسه تطالع يوسف ويوسف يرد لها الابتسامه ..؟..
سومه : تقوم وتجلس قريب ومنه .. وتبي تكلمة بلغه الاشاره ..

يوسف .. ضحك ونزل راسه : شلونك سومه
سومه.. تشهق : انت تكلمت
يوسف: ايه
سومه: ماصدق تكلم بعد تكلم
يوسف:ههههههههههههههههههههه
سومه: شلون شاللي صار
يوسف: تعالجت
سومه: ومبطله حلقهاا : مبروك

.............

بعد ساعات ولدت ريميه ..

طلعت الممرضه .. مبروك بابا ماما جيب ولد
الكل: صاااااااااااااح وقاموا يلولوشووووووووووون من الفرحه

ويباركون لطلال اللي من الفرحه وده يقحص بس احترم المكان ..

طلعت الممرضه .. مبروك بابا ماما جيب ولد
طلال: درينا ديرنا
الممرضه: لالا ولد ثاني انت في اثنين ولد

ويزيد فرحتهم وصياحهم وهالمره طلال ما استحمل وقام يقحص هو وعمر ويوسف
وفواز اللي جاء يوم اعلنوا خبر الولد الثاني ..

بعد ساعتين طلعوا ريميه لغرفتها الخاصه ..؟..

الكل بارك لها ولطلال وجلسوا عندها وبعدهاا طلعوا وجلس طلال وريميه وجميله
اختهاا برى تنطر طلال يطلع ..؟..

طلال.. ويمسك واحد من العيال : يانبي نباااه حنات العيال
ريميه: هههههههههههههههههه شراح تسميهم ..
طلال: اممم الوالد يختار
ريميه: أي والله
طلال ويحط الورعان بحظن امهم وينادي جميله تاخذ لهم صور

جميله: شييييييييز
طلال: اخلصي
جميله: ترى ماصور
طلال: جميله اخلصي علينا
جميله: اوووف انزين

وتصورهم كلهم كانت الصوره فله
ريميه جالسه على السرير وفاتحه شعرها وبيدهاا واحد من عيالها وطلال جالس جنبها وبيده الثاني ..
والصوره الثانيه العيال كلهم بايد ريميه وطلال حاظنهم كلهم ..؟..

.........

سموا العيال نواف وبدر .. نواف ابو طلال وبدر ابو ريميه

واطلقوا عليه ابونواف ..؟..

طلال: شلون بصبرعلى بعادك عني
ريميه: ارتاح مننا بعد شهر بنجي نزعجك
طلال: انا ابي ازعااااااجكم هنا
ريميه: يالله بس خلنا نرتاح منك
طلال: حلفتك بالله ماتضربيهم
ريميه: انشالله
طلال: وجوالك مو ترمينه ولا تطلع لي شيخه واجلس معاها ساعه يالله تعطيني اياك
ريميه: احاول اربطه بثوبي
طلال: امنتك الله
ريميه:هههههههههههه يالله حبيبي ..؟..

بعد مرور 3 اشهر اليوم فرح جميله وحوريه والثنتين مختبصات
ويحسون وان سكتت وحده الثانيه بكت وهم على هالحاله لين كل وحده دخلت على رجالهاا..؟..

ريميه .. تجلس : اه يارجلي تعبت وانا امشي
طلال .. يلعب ولد بدر . .. حبيب بابا حبيبي
ريميه: طلال ليش تلعب بدر ومخلي نواف
طلال: بدور ماخذ عقلي وتفكيري ومو معطي مجال لاحد ثاني
ريميه: تبي تعقد الولد
طلال: شسوي يرضيك اخلي بدور واللعب نوافوه اصلن بدور يشكي منه يقول يضربه بالليل
ريميه: طلال لا تحرق اعصابي عطني بدر برضعه ولعب نواف
طلال: شفيك اضحك معاك بس كذا بحرق اعصابك ولا كلهم غلاهم واحد
ريميه.. وترضع بدر . ياحبيبي يا بدر تعبان مارقد من امس
طلال.. بدر حبيبك
ريميه" ايه
طلال: وانا
ريميه: وانت بعد
طلال: لا بس انا حبيبك وهم عيالك
ريميه: لا بعد هم حبايبي
طلال .. وياخذ بدر ويحطه على السرير: وشو ان قلتي هالكلام قدامي خنقتك
ريميه: وليش طيب
طلال: بس
ريميه.. وتمسك ايد رجالهاا : تغار من عيالك
طلال: اغار من نفسي بعد
ريميه: يما يما منك خلاص حبيبي انت حبك غير مو نفسهم
طلال: ولو هم عيالك وانا حبيبك فاهمه
ريميه: وتطق كتفهاا بكتفه : فاااااااااااهمه
طلال: ويبتسم غصب عنه : حياتي انتي
ريميه: ماتقلب وجهك
طلال.. تغيرت ملامحه : هااااااااه
ريميه: خخخخخخخخخخخخخخخ كسحه
طلال..ويخنق ريميه .. الله يقلعك انقص وجهي
الاثنين:هههههههههههههههههههههههههههههههههههههههههه ه
ريميه: طلولي
طلال خير
ريميه: لا بس اجرب صوتي
طلال: من مسلطك علي اليوم
ريميه:: وتحضنه : لا تلومني مستانسه حيل وقمت اقط خيط وخيط
طلال. يبوس ايدها : الله يديم الفرح عليناا.والوناسه .
ريميه: اميييين ياقلبي

................

..*,؟,’..النهــــــــايه..*,؟,’ ..

24-03-10, 07:47 PM

المشاركة رقم: 24

المعلومات
الكاتب:	♫ معزوفة حنين ♫
اللقب:	عضو فخري ♪ مُخْمَلٍيةُ آلعَطّآءْ ♦

البيانات
التسجيل:	Mar 2010
العضوية:	157123
المشاركات:	30,194
الجنس	أنثى
معدل التقييم:
نقاط التقييم:	13523

االدولة

مدونتي

الإتصالات
الحالة:
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله

♪♪♪

قرآءه ممتعـة للجميع =) ..

♪♪♪

29-10-15, 03:35 AM

المشاركة رقم: 25

المعلومات
الكاتب:	ندى ندى
اللقب:	ليلاس متالق

البيانات
التسجيل:	Dec 2010
العضوية:	208146
المشاركات:	5,687
الجنس	أنثى
معدل التقييم:
نقاط التقييم:	1018