عند سعاد
كانت تحس بفرحة الانتصار لرفضها لقرارهم مابي منهم شي سمعت صوت نورتقول:يمه اخو ابوي ليش طرش ولده ليش ابوناماطرش عادل عالاقل محرم لنا ولا اخاف عمي عنده نية قشرا علي
سعادبراحه:لاتوسوسين يمه ارسل ولده يشوف راينابقراره ورفضنا وخلاص وبعدين ماشالله على ولده والله ان مبين عليه رجال وطيب وبين عليه الضيق من درابسواة ابوه
شكل عيال عبدالرحمن مايدرون بدق التفاصيل سبحان الله هالرجال رازقه الله بعيال ذهب الي مدرس والي مشهور بتجارته والي ضابط والي دكتور
نوربصدمه:الله يعني زوج حور دكتورالحمدالله عوضهاالله بدكتور ثاني
سعادبدهشه:ومن قال زوج حور دكتور
نور:انتي تقولين ان فيهم دكتور
سعاد:ايه والدكتور الي جانه امس سعود
نوربحباط:حسافه كان ودي اختي تاخذدكتوروزوج حور شيشتغل
سعاد:تاجر بس معاه شهادة جامعيه
نور اسرحت بسعود ونظراته لها ذاك اليوم كانت تشوف بعيونه نظره مافهمت مقصدهااطردت هالوساويس من راسها وراحت تساعد امها
بعداسبوع

بيت بوسعد
كان عنده بوعادل وجالسين يسولفون دخل عليهم سعود وسلم واستاذن بيروح قاله ابوه:اعقد معنا شوي واناابوك
سعودبضيق:معليه اسمح لي يالغالي عندي شغل وطلع كان في باله قراروده ينفذه قبل لايقول لابوه يخطب له نور
اتصل بيت سعاد الي اخذ الرقمهم من نقال عمه من غير لاينتبه كانت الساعه تسع بالليل ردت نور:الو
سعودفديت الوانا قال:سلام عليكم
نوربهدوء:وعليكم السلام عفوا اخوي من بغيت
سعود:اقدر اكلم الوالده
نور:من اقولها
سعودشكلهامطوله قال:من غيرلاتقولين لها بس عطيني اكلمها
نورانقهرت من كلامه ونزلت السماعه وهي تنادي امها بصوت عالي
خذت السماعه سعاد وردت:الو
سعود:سلام عليكم اشلونك ام حور
سعادبستغراب اول مره تسمع هالصوت قالت:هلاوبخيرالحمد لله بس منومعاي
سعودبتوتر:اناسعود بس لاتطرين اسمي قدام نور
سعاداستغربت وطالعت بنور الي تحاول تصفي التلفزيون قالت:هلا بس اقدر اعرف السبب الي خلاك تدق وليش ما
قاطعهاسعود:اسمعيني ياعمه حس انهاطلعت عفويه انا ان شالله بجيك بكره الصبح ونور في الجامعه ابي اكلمك بموضوع خاص والي ابيه منك انك ماتروحين لشغل شقلتي
سعاداستغربت من اسلوبه وطريقة كلامه وهتمامه ان نور ماتسمع قالت:ان شالله سكرت منه وهي تفكرشيبي منها

عند حمد
دخلوا الجناح بعد ماتغدوا برا وتمشوا بالسوق شوي صارله اسبوع وهم يتمشون ويطلعون بس ضاق خلقه من حورطول الوقت ساكته حتى بالسوق بالموت غصبهاتشتري لها ثوب اعجبه وتخيل انه بيطلع احلى على حور ودخلهاكذا محل يبيهاتاخذ هدايه لاختهاوامهالان هدايه اهله هوبيتكفل فيهن خذت اشياء بسيطه واصرت تدفع هي ثمنهن احترم قرارها
شاف حور تدخل الغرفه راح وراها جلس على السريروهي قعدت تزل عبايتها وتمسح المكياج قعديتاملها وقال بضيق:حورلمتى بنتم جذي
حوراشفيه والله ماسويت شي هذا واناكاضمه غيضي وساكته قالت بخوف:شفينا
حمد:ماتدرين اشفينا معاريس باول ايامنا ومتزاعلين
حورانت الي جبته لنفسك ليش عصبت وكبرت السالفه بس شكله يبيني ارضيه عشان يرتاح والله وعرفت نقطة ضعفك ياحمد قالت ببتسامه عذبه :بس من قال اني زعلانه انا مو زعلانه
حمدوقف وجا صوبهاوقف قبالها وحوطهامن خصرها وقال بهمس :صج موزعلانه لاني طقيتك
حوربدلع :لا
وكملت بنرفزه وهي باسطه يدينها على صدرحمدالعريض:بس مو معناته اني موافقه على مدة يدك علي
حمدتحسس خدها الي ضربه بخشمه وباسه ونارالشوق لها تحرقه بعدراسه بعد ماحرقت انفاسه المتسارعه خدودها وشفايفها قال بهمس:اسف مادري شفيني صاير اطق عمري ماسويتها مع سلوى
حوراستغربت انه جاب طاري زوجته الاوليه ودهاتعرف سبب الانفصال هي حاسه ان حمد خوش زوج تطمح فيه كل بنت قالت بدلع:خلاص بسامحك
تركها وراح يبدل وهي خذت لها لبس ودخلت الحمام
بعد ساعه
حوركانت بعالم ثاني ياربي اشفيني ليش مهتمه اعرف سبب طلاقه يمكن امه النسره والله مادري شكلي بديت احب حمد ودي اعرف كل صغيره وكبيره عنه طالعت في حمدالي حاضنها بقوه كانه خايف تختفي من يده حاولت تبعدشوي بس حمدشدها وقربها من صدره العاري وقال بهمس:وين
حورقالت بغصه وهي خجلانه من وضعهاوبالموت تكلمت لقرب وجههامن صدره لدرجه ان ش***دره لامس خدهاالناعم:هاه مافيني نوم بروح اجلس على تلفزيون كانت تكلمه وهي رافعه وجههايمه
حمد ارخى يده عنها وقعد وسندظهره على السريرقال بتنهد:حتى انا مافيني نوم بس خلينانسولف لين نام
حورتعدلت وجلست وكانت مفتشله تقعدتسولف معاه وهي بقميصهاالفاضح حمدت ربها ان اليت مطفاوان اضاءة الابجوره خفيفه قالت ببتسامه:يلاه نسولف كانت كل شوي ترفع خيوط القميص عشان تحاول تغطي ولوشي بسيط من صدرها
حمدوهوعارف بتوترها بس كان الوضع عاجبه بجمال وجهها وبأنوثتهاالساحره و بشعرها الي حتاس من النوم كان وده يشغل اليت عشان الصوره تتضح اكثربس تراجع قال بهدوء:حور انتي ماسألتيني عن طلاقي ماودك تعرفين سبب هالطلاق
حورالي ودهاتضمه وتبوسه على انه فتح هالموضوع قالت تدعي البرود وهي من داخلهاجمر:ماحبيت اتدخل بخصوصياتك
حمداستانس بكلامهالانه ان دل دل على ان حورمن النوع المتفهم قال :افهم من كلامك انك ماودك تعرفين
حوربكذب:كيفك بتقولي قول مستعده اسمعك لصبح بتحتفظ بهالشي هم كيفك
حمداسحرته بكلامهاوسحبها وسندظهرهاعلى صدره وهو جالس وحوط بطنها بيدينه قال:بس انا ابيك تعرفين السالفه كلهاوقعديسرد لهاالقصه

اليوم الثاني
عندسلطان
قام من النوم وماحصل اماني يمه ابتسم وقام عشان يلحق ايصلي الظهر
بعدفتره طلع شافها تحوس بالمطبخ قال بضحكه:امون ترا مومستعداخسر شبابي واموت بسبب تجاربك المطبخيه الفاشله
اماني الي كانت تحط لهم اجبان ولافكرت تطبخ لانها اساسا فاشله بس انقهرت من كلام سلطان عنها وقالت وهي تخصربنرفزه:لاوالله توك تدري اصلا انا قلت لك اني ماعرف اطبخ بس انت اصريت وسويت لك(اضحكت) وكانت النتيجه انك نمت بالحمام
سلطان قرب منهاوقال:وفرحانه بفشلك يامدام بدال ماتحاولين تعدلين
اماني بضحكه:اذا بتعلمني ماعندي مانع
سلطان حوطهابيدينه وقال: خلاص بس انرد البلاد اعلمك ياقلبي

عند سعاد
بعدماراحت نورللجامعه قعدت تنطرسعوديجي ويقولها عن الموضوع الي بيكلمها فيه طق الباب وراحت تفكه

بيت بوعادل
بعد ماقاله بوسعد عن رفض سعاد لقراره كا ن متوقع رفضها قطع عليه سرحانه ولده عادل يوم قال:يبه ماكلمك حمد عقب سافر الي اشوفه ان سلطان يدق علينا ويطمنى عليه وعلى اماني اختي بس حمد ماعمره اتصل ولاندري عن حور مستانسه متضايقه معه
ابوه:لا ماكلمته من سافروا واتوقع هالشي عاجب حور بس انا اخذ اخبارهم من بوسعد لان حمد يكلمه كل يوم
عادل الي متضايق لضيق ابوه صح انه غلط وغلطته ماتنغفر بس مايمنع ان حور تسمعه صوتها قال :يبه تدري اني شريت لي ارضين
ابوه:ايه
عادل :انا كنت مقرر ابنيهن وحده لي اناوعيالي والثانيه لخواتي نوروحور
ابوه حس براحه لان عادل يحن على خواته وانه وده يوفر لهن كل شي من صغره بس امه الي واقفه بوجهه قال بتنهد:لا تعب عمرك لانا سبق وعرضنا على سعادوبناتها ان بنشتري لهم بيت بنوفركل مايحتاجونه بس رفضت
عادل التزم الصمت

عند سعاد
منصدمه من كلام سعود وده يخطب نور وحاس انهابترفضه ومايبي ابوه وعمه يغصبونها قالت:اهلك يدرون انك تبيها
سعود:بعدمافتحتهم بالموضوع ابي اعرف رايك انتي ونور اول
سعادمنحرجه سعود خوش رجال ومايرد بس سالفة انه ولدعبدالرحمن متعبتها خصوصا ان درت نوربخطبته لها بتقوم الدنيافوق راسها:بشاورالبنت ورد لك خبر
سعودبتوتر:وان رفضتني
سعاداستغربت معقوله يحبها بس وين شافهاهي يوم جانا اخرمره كانت بعبايتها قالت:ليش تبيني اغصبهاسعودانت شاب الف بنت تتمناك لاوفوق هذادكتورماشالله عليك
سعودبضيق:موتغصبينها ابيك تفهمينهاوتوضحين لهااني لايمكن اكون مثل ابوي وعمي واني بعوضهاوسعدهاطول ماانا حي
سعادافرحت لكلامه واستبشرت من اعيونه الخير قالت :مايكون خاطرك ألاطيب ونوروين بتحصل واحدبشهامتك واخلاقك ياسعود
ابتسم وقام حب راس سعاد وقال ببتسامه:استاذن عمه وبس تحصلين الرد دقي علي ضروري عشان افاتح الشياب نزل كرته على الطاوله وطلع
سعادالي رتاحت لسعود من اول يوم جاهم فيه حمدت ربها ان الله عوض صبرها بازواج بنات حنونين عشان تطمن عليهن

بعد اسبوع
عندحمد وحور
الساعه تسع الصبح
تسحبت من احضان حمدبخفه عشان ماتصحيه راحت للحمام تاخذشاوربعدمده اطلعت البست لهاتنوره قصيره فوق الركبه سودافيهاشغل خفيف
مع بدي سكري مشغول عند الصدر وربط على الرقبه كان ماسك عليهاوكاشف نص ظهرها مشطت شعرها ورفعته ذيل وخلت قصتها على جنب تعطرت وحطت كحل وقلوز بس بعدماخلصت لفت على حمدالي غاط بالنوم قربت منه تاملت ملامحه كان فيه شي يجذبهاوسامته الي زادتها العوارض جمال شفايفه الي اثرعليهاالدخان وصبغ لونها خشمه الي جنه سلة سيف بحدته تذكرت كلامه عن زواجه الاولي يوم قال لها سبب انفصالي منهاكثرة زنهاعن سفراتي وانهاماتراعي شغله وتعذبه بالمطالب الي ماتخلص قربت منه اكثروجلست على السريرجنبه دنقت عليه وقالت بدلع وهي تمسح راسه بيدهابخفه:حمود حمود حمود حبيبي حمود حمود حبيبي قوم اقعدمن النومه يااحمدحماده
حمدقام وابتسم لها ومسك يدها الثانيه وحطهاعند فمه يبوسها
حوراخجلت وقالت وهي تحاول تفك يدها:صباح الخير
حمدشادعلى يدهاومستمر بالبوس قال ببتسامه:صباح الخيرياوجه الخيرشاف الساعه عشرقال بخبث:وراك مصبحتنا ياقلبي تعالي نامي بس كان يقولهاوهويسحبهالحضنه ويتحسس ظهرهاالعاري بيدينه
حوربتوترمنه ومن قربه بالموت اقدرت تفك نفسهامنه اوقفت وتخصرت وقالت بتمرديخالطه دلع:لاوالله اي توالناس وبعدين ترا خست وانت بفراشك قوم ياحمودي
حمدياويل حالي حمودي ياناس هالحور تسحرانا اقوم اكلها ناويه على نفسها مع هالبس قال:ياقلب حمودي وطوايفه بس لايق علي حمودي وانابدخل السبع وثلاثين صح
حوريوه عمره سبع وثلاثين انا سمعت انه بالثلاثين بس كم ماكنت ادري بس الي يشوفه يقول اصغرمع هيبته وجسمه قالت:ايه لايق ولاتغيرالموضوع وقوم عن هالفراش
حمدبخبث:تدرين ياقلبي عمري ماحبيت الفراش كثرهالمره لان بس اكون جنبك ماودي اقوم
حورغاصت من الخجل وطلعت وهي تقول:قوم ودي نطلع نتمشى ونتغدا برا وراحت

اليوم الثاني
عند سعاد
كانت صاحيه هي ونور من وقت وقاعدين يحوسون بالترتيب ويسوون بعض الاشيا الي تحبهاحور من ورق عنب ومحاشي اكلتها المفضله وحلى التوفي
سعادالي تلف الورق قعدت طالع في نور الي تحفرالكوسه وتحلطم لان هاذي ثالث وحده تخرب ضحكت وقالت:نور يمه اهدي اشفيج وبعدين موبيوم وليله بتعلمين كل هذايبيلج وقت عشان تصيرين محترفه وراح يشكرني سعود
نورهذا الناقص اطبخ له بعد اه يالقهركل ماتذكرت ان موعد الملكه قرب يرتفع ضغطي لا والاخو داق امس يبشرانه شرا بيت قالت وهي تقط الي بيدها وتنفض الحوسه الي حاستها:افضل شي اني مااغامرلاني اكتشفت فشلي بالطبخ قامت تنظف ملابسهاكانت لابسه شورت لي الركبه ازرق مع ثوب نفس الون يوصل لي نص فخوذها كان هذا لبس نور المفضل اغلب لبسها بناطيل وشورتات قليل ماتلبس النفانيف والتنانيرعكس حوراختها
سعادتدري ان نور تحب تطبخ وتفنن ببعض الأكلات وانها مو فاشله مثل ماقالت اضحكت وكملت شغلها
بيت بوسعد
بجناح حمد
صارلها ساعتين لابسه وجاهزه وتلح على حمديقوم بس حمد نومه ثقيل وموبالساهل يقوم او انه يتثيقل بنومه عشان تقومه حور الي كانت لابسه بنطلون جيشي وبدي زيتي علاق عليه حرف الأتش بالون الذهبي جهزت عباتهاوشنطتها وخلصت لمساتهاالاخيره في المكياج شافت الساعه بتجي عشروهذاماقام راحت وجلست على السريروهي تقومه بس حمدنايم على بطنه العاري وماقام حورتجرأت وهزت كتفه العاري بشويش وهم ماقام اهنيه نست حياهاوقامت تهزه بقوه :حماااااااااده قوم تاخرت على امي
حمدقام وهوميت ضحك عليها تعدل وجلس وقال بكذبه:خير وكاني قمت اشتبين ياحلوه
حورقهرها:شنوشأبي انت واعدني توديني لامي مبجرصح
حمدبعصبيه مصطنعه:انا ومتى وعدتك وبعدين بتروحين خلي السواق يوديك العصروغطا نفسه بالحاف على انه بيرد ينام بس هومن تحت الحاف فاطس ضحك
حورانصدمت معقوله بيستخدم رسميته معاي انازوجته شكله جذي ياربي والله مشتاقه لامي ونور تسحبت بشويش وطلعت وسكرت باب الغرفه عليه
حمدسمع تسكيرة الباب فتح الحاف انصدم انهاماعارضته او جادلته كان وده انهاتفرض تمردهاعليه لوشوي وبعدين بيقولهااكذب بس هي سكتت وهنيه زادحب حمدلهاانها تسعى لراحته عكس سلوى ماحب يقارنها بسلوى لان سلوى ماتسوى شي عندحور قام خذا له شاور سريع ولبس وتكشخ خذا المفتاح بيطلع شاف عبايتها وشنطتها على الكرسي اخذهم معاه وطلع لها
حور الي من اقتنعت بعدم روحتهااسوت لهاكابتشينوا وحشت لهاتوست جبن وشغلت التلفزون وندمجت عليه صدمها حمدوهولابس وكاشخ ويمد عليهاعبايتها قال :قومي بنتاخر
حورنزلت كوبهاوقالت بسعاده:صج بتوديني
حمديقلدها:ايه صج بوديج هو اناعندي اغلى من حور
حوراستحت ياي ياحبي لك ياحمدخذت العبايه ولبستهاجت بتروح للغرفه حمدقال:وين كاهي شنطتك جبتها
حورببتسامه:بجيب اكياس هدايا امي ونور وراحت ركض
حمدخذا كوبهاوقام يشرب منه يحسه محلو طعمه لان حور شربت منه بس

عند سعود
كان يشرف على العمال الي يعدلون بيته حس ان دنيامو سايعته من الفرحه قريب بيملك واول العطله بيعرس يعني بعد اربع اشهوربكون اناونور تحت سقف واحدوتجمعناغرفه وحده اه يارب وفقني ومشي الايام هذي بسرعه
انتبه لتيلفونه يدق كان سلطان
سعودبعصبيه:الواخيرا شفت رقمي اخ سلطان وتكرمت ودقيت
سلطان بضحكه:ياخي اشفيك استح على وجهك انارجال متزوج وعندي التزامات لازم اسويها
سعودبخبث:وشنهي هالالتزامات وعسى خلصتها
سلطان بقهر:اشوف عطيتك وجه اخلص شتبي داق

بيت سعاد
من جت حوروهي مجلستها عندهاوحاضنتها حست ان روحهاردت بشوفة ضناها انتبهت لحمدونظراته المنقرفه للبيت قالت برود:اعذرنا ياولد عبدالرحمن البيت ماهوقد المقام لان ظروفنا ماتسمح
حمدشسالفة العايله مع هالظروف قال ببتسامه:اذا تبين بيت من بكره بشتري لك احلى قسيمه وسجلهاباسمك بعد انتي بس وافقي
سعادبضحكه:شسالفتكم الكل يبي يشتري لي بيت انت بتشتري لي بيت ابوك وعمك يبون يشترون لي بيت حتى عادل اكتشفت ان وده يشتري لي بيت اعتبرهالشي تكفيرعن اذنوبكم ولاشنوبالضبط
حمدمافهم هي عن شنو تكلم لان فترة ماطلقهاعمه هوكان عايش عندجدته بالقصيم وماسكن عنداهله ألاوعمره ست وعشرين بعدماتت جدته فكان سامع ان عمه خذاسوريه وجاب منها بنتين وطلقهالكن ادق التفاصيل كانت خافيه عنده قال بستغراب:ذنبنا اي ذنب ياعمه وضحي عن شنوتكلمين
حور ماحبت كلام امها عن هالسيره قدام حمد قالت بتغير هالسيره:يمه تراني ميته جوع متى بتحطين الغدا
سعادافهمت قصدبنتها وانها ماتبي تفتح هالسيره قالت:دقايق بيكون جاهزوقامت بتروح
حورقالت لامهابضحكه:ياني مشتاقه لطباخج والتفت على حمدبعدماطلعت امها وقالت:امي عليهاطبخ بتاكل اصابعك وراه خصوصا بسواة المحاشي تصدق جاراتنا يقولون لها اشتغلي بسواة المحاشي وراح تربحين قالت هالكلام عشان تبي تبعدالغضب عن حمدالي واضح انه موصل حده بالعصبيه حمدبعصبيه:كملت مع هالبيت الي عايشه فيه تشتغل طباخه عمتك ياحمد لخلق الله شوفي كلام الالغاز الي قالته امك مايهمني الي ابيك تفهمينه اني لايمكن مره ثانيه اجي معاك لهالخرابه فاهمه بتزورين امك خلي السايق هو الي وديك انا مركزي وسمعتي بين الناس ماتسمح لي اجي هالاماكن
حورهذاوابوك السبب بفقرنا ياحمدطالعت فيه وقالت ببرود:ان شالله

عند سلطان
جالس بجناحه ويفكربالكلام الي قاله له سعودعن الاحداث الي صارت وسالفة بيت سعاد ورفضهاحزن على عمه والحوار الي داربينه وبين نورشاف اماني جايه ومعاها صينية قهوه وحلى ابتسم وقال:ياقلبي على المره السنعه تعالي ياعمري اجلسي جنبي عشان اتلذذ بطعم القهوه وانتي جنبي زحف لها اماني ابتسمت بخجل وجلست جنبه

عندبوسعد
كان بالصاله مع مرته ويتقهوى قال :اعيالك اهنيه ولاطالعين
ام سعد:سلطان اهنيه وهو بجناحه عندمرته وحمدطالع من الصبح هومرته
قال :ماتدرين وين رايحين
قالت بقهر:ألا رايحين لبيت ام مرته
بوسعدبعصبيه:واشفيك تقولينها من طرف خشمك جن موعاجبك انها تزورامها
قالت بخوف هي تخاف من عبدالرحمن ليعصب :هاه لا وانا شعلي امنع البنت من امها
قال :عبالي بعدبتشتغلين لحور شغل الخاله القشره شوفي ترا ماتلومين ألانفسك ان شفت منك اي تصرف يضايق حور
اسكت ام سعدوقالت بخاطرها هو تصرف واحد هي بتشوف مني تصرفات تقهرهامو تضايقها بس انالازم اكون حذره لايحس هالرجال ويذبحني
عندحمدوحور الساعه خمس العصر
كانوا بسيارته رادين البيت وحور ساكته وماتكلمت باي حرف عقب الي قاله لها سمعته يقول :ماودك نروح نتمشى وناكل لنا شي خفيف لاني بصراحه ماعجبني اكل امك احسه اكل خوارج
حورياربي يقهرامي الي اكلها يهبل مايعجبه قالت برود:كيفك
حمدبنرفزه:شنوكيفك انا اسألك ودك ولالا
حوربخوف:بصراحه وبدون زعل ماودي لاني شبعانه من اكل امي بس اذا انت مشتهي تروح بروح معاك
حمداكل امك انابعرف شي واحد ليش احس ان نظراتها لي فيهاكره معقوله ماكانت راضيه اني اخذبنتها بس هوعلى كيفها بنت عمي وباخذهاغصبا عن خشمهاهالخارجيه استغفرربه ولتفت يشوف حورالي لصقت باب السياره من الخوف تنهد ومسك يدهاوقال :اهدي ليش خايفه وقام يضغط على يدها يهدي من روعها
حوراسكتت ورتاحت لهدوءه ووعدت نفسهاانهاماتضغط عليه يوديهالامها مره ثانيه وصلوا للبيت ونزلوا اول مادخلوا كانت حوربتصعدلجناحها متجاهله وجودابوه وامه بالصاله بس حمدانقهروقفها وقال:تعالي سلمي على عمك ناسيه انك من الصبح طالعه
حورعمت عينه نزلت عبايتها ومشت صوبه وسلمت عليهم برودواستاذنت وطلعت
حمداموت وعرف شفيهاتكره ابوي هي وامهاكأنه ماكلن حقهم تنهدوجلس يسولف مع ابوه