كاتب الموضوع :
راعية الفزعة
المنتدى :
القصص المكتمله
ايقنت خوله انه لا بد ان تقتل كل ذرة امل تعيش بداخلها حتى تستطيع ان تتأقلم مع وضع اجبرت ان تتعايش معه حتى لو كان قرارها يطعن كل جزء من اجزاء جسمها فكم من الصعب على الانسان ان يفقد حاسه من حواسه ويشعر بانه مجرد عبئ على الجميع ويحاول ان يداري حزنه ويخفيه عن الجميع حتى لا يزيد الجرح اكثر طراوة ..
~ ~ ~ ~ ~ ~ ~ ~ ~ ~ ~ ~ ~ ~ ~
عايلة عبدالله اخو سعيد ابو خوله ..
عبدالله : انسان طيب ومتفهم ومدلع عياله ع الاخر أي شي خاطرهم فيه على طول ينفذه
موزه حرمة عبدالله : مغروره وايد وتعامل الناس بتكبر ودايما تحسسهم بانهم اقل مستوى منها في كل شي
هلال ولدهم لكبير عمره 22 يعني من عمر فهد وربيعه اروح بروح وهو طيب والكل يشهد باخلاقه
ساره: من عمر مها دلوعه شوووي بس طيبه وااااايد وتدخل القلب ع طول تدرس اداب انجليزي
مريم : عمرها25 وللحين مب معرسه وعايشه على حبها الجديم وهي تدرس طب وهاي اخر سنه حقها
~ ~ ~ ~ ~ ~ ~ ~ ~ ~ ~ ~ ~ ~ ~
فــــــي غــــــــرفة مـــريـــم
ساره بنظرات توسل: تكفين ريماني قومي سيري ويايه بيت عمي سعيد
مريم بعصبيه: ساروه قتلج ما بسير خليني بروووحي ابا ادرس ها اخر سنه ولازم اشد حيلي
ساره وهي تهز راسها : طالع هذي انا فحياتي ما شفت احد مقطع الكتب كثرج
مريم وهي اطالع ساره بنص عين: مدام انج تعرفين هالشي اشحقة متعبه روحج ويايه حيرتيه
ساره بضيج: انتي تغيرتي وايد يا مريم واحسج ما اطيقين بيت عمي سعيد
مريم بعصبيه : ساروه انا جم مره قايلتلج هالرمسه كثر ما سمعتها مابا اسمعها
ساره: بس هذا اللي انا قاعده اشوفه افهمي يامريم حمود تزوج من 6 سنين حرام عليج يا اختيه وعنده عيال متى بتفهمين انه صار ملك شخص ثاني وانه لازم تشوفين حياتج العمر يمضي وانتي مب حاسة بهالشي
مريم ودمعه فعينها : انا ما كنت اهتم فيه بس هو خلاني احبه نظراته حسستني انه يحبني شو اسوي علميني
ساره : انزين انتي ليش تكرهينه هو ماله ذنب
مريم بضيج: كيف ماله ذنب
ساره اتقاطعها: شو بلاج يا مريم نسيتي انه تقدملج 5 مرات واميه كانت ترفض بحجة دراستج
مريم اتقاطعها : انزين ليش ما نطرني
ساره : انتي مينونه مريوم لا اكيد تخبلتي يعني بذمتج واحد يتقدم حق وحده وكل ما أي يخطبها تسمعه امها كلام سم وفرق بين مستوانا ومستواكم انتي احمدي ربج انه ما كرهج
مريم باالم: وليش يكرهني انا مالي ذنب
ساره وهي تحضن مريم: انسي يا مريم وعيشي حياتج ودفني حبج لحمود للابد
مريم: انتي بعدج ما عرفتيني يا ساره انا مش من النوع اللي يتخلى عن شي يملكه بهالسهولة هذي
ساره وهي مبطله عيونها: شو ناويه عليه يا مريم فكري في عياله وفزوجته
فاطمه طيبه وعمرها ما ضرتنا بشي
مريم : ساره انا ما حاقده على فاطمه افهميني حبي لحمود يكبر يوم عن يوم والشرع حلله اربع
ساره : من صجج انتي تبين تتزوجينه
مريم: هيه من صجي حمود ملكي انا وبس
ساره بالم: الله يهديج يا اختيه ويرجع عقلج فراسج
مريم : ساره فهميني انا مب حاقده انا احبه ورب الكعبة احبه ........ احبه
ساره: خلاص يا اختيه انا طالعه عنج وسوي اللي يريحج
مريم بضيج: اوووف ليش محد حاس فيني صج قهر
عجزت مريم ان تقنع شقيقتها ساره بان تصرفاتها لا تحمل جزء من الانانيه ولكن موقفها عاكس تصرفها
ونست القاعده الاساسيه في هذه الحياه ليس كل ما يتمناه المرء يدركة وتجري الرياح بما لا تشتهي السفن
نزلت ساره تحت صوب أخوها هلال وحصلته يالس يتابع فلم فقناة 2
ساره وهي تفر القناه : ابا اشوف توم وجيري
هلال وهو معصب: ساروه يوزي عن سوالفج ويبي الجهاز
ساره وهي تهز راسها: مابا مابا مابا
هلال وهو يعصب اكثر: ساروه قتلج يبي
ساره بابتسامه : سير طالع فحيرتك ترى عندك تلفزيون هناك
هلال: انا بكيفي اطالع وين مابا ومليت الغرفه وييت الصاله
ساره وهي تعطيه الجهاز وتحضنه: انزين بما انك ملان اباك توصلني مشوار
هلال : وخري عني زين ..... هالحركات مب علي انا
ساره : ياربي هلال انت اخويه الوحيد ولازم تنفذلي كل طلباتي
هلال يقاطعها : زين تعرفين ااني اخوج الوحيد عسب جي لازم ما تامرين عليه ادلعيني وادلليني
ساره وهي ادززه: مالت عليك اوف بخلي مها تقنع اخوها فهد يوصلنا السوق
هلال : اها انزين انتي ومنو تبين تسيرين السوق
ساره وهي عاطتنه الظهر: مالك خص
هلال قام وباس راسها: سامحيني يالغاليه
ساره : اوف منك بنسير انا وخوله ومها ناخذلنا كمن كتاب عشان الكليه طالبين منا شوية بحوث
هلال وهو يتنهد اول ما سمع اسم خوله : خلاص انا بوصلكم
ساره: لا انته وداني بيت عمي ونحن بنخلي دريولهم يوصلنا
هلال بابتسامه : ماطلبتي شي يالغاليه
ساره : اوف سبحان مغير الاحوال
هلال جان سرحان وما انتبه لساره
ساره وهي تصفق على ويهه : هلول هلال ابو الهلاهي
هلال هم بعد ما نتبه
ساره وهي تبوس يدها: الحمدلله والشكر العقل نعمه تراه
وسارت عنه فوووووق وخلته سارح فبحر افكاره
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
بيت خــــــالد بطل قصتنا
خالد : اكبر واحد من اخوانه عمره 22 طيب حنون يشتغل فشركه حكوميه طمووح ورسام مبدع
رغم محاولات ابوه انه يشتغل عنده فالشركه الا انه تحدى كل شي وقرر يعتمد على نفسه بدون ما ياخذ فلس من ابوه وهو حنطي شوي بس ملامحه ذباحه وكل من شافه تخبل عليه
روضه اخته الصغيره عمرها 17 سنه ثالثه علمي غرشووبه وتنحب بسرعه
وكل اللي ييلس عندها يقول عقلها اكبر من سنها
سلطان ابو خالد: انسان صاحب شركه كبيره معروف فالبلد والكل يحبه ويحترمه
امهم طبعا متوفيه بس ابوهم تزوج وحده ثانيه سمها شيخه وهي انسانه عدوه وتكره روضه وخالد
لكنها ما تتجرأ تغلط على واحد منهم قدام ابوهم لانه قايل لها غلطه بسيطه اردج بيت اهلج
عندها ولدين محمد عمره10 واحمد عمره 8 وهالاثنينه يشبهون ابوهم في كل شي شكليا واخلاقيا
فــــــــــــــــــي غرفة خالد
خالد جان يرسم ومندمج ووحاط موسيقى كلاسيكيه ومطول عليها ع الاخر
روضه وهي تصارخ : خلوووووووووووود وصمخ من صجك ما تسمع
خالد ما انتبه عليها جان يالس يرسم ومندمج
قامت روضه عصبت وصكرت المسجل
خالد وهو مستغرب: روضه انتي هنيه
روضه وهي ماسكه راسها : انته تبا تقهرني شو
خالد وهو مب فاهم السالفه: حشا شو بلاج خذيتيني بمشراع وميداف انا شو سويت لج
روضه وهي رافعه حياتها : حنجرة صوتي اختربت والسبه انت وهالمسجل .. ساعه يالسه ازقرك وماا ترد الظاهر الاخ بدا يتغلى علينا
خالد بابتسامه: اشو تبيني اسوي ياروضه يوم الله خلقني رومنسي
روضه وهي اطقه ع راسه: يا شين الرومنسيه عاد
خالد وهو يعدل يلسته: روضه لو سمحتي عن الغلط
روضه بابتسامه: خلود اسألك سؤال وترد بصراحه
|
13-03-10, 06:21 AM
جديد مواضيع قسم القصص المكتمله
العرض العادي
