اللحــــــــــــــظة آلســـــــــــــــــــآدسه

الفصلــ آلآولـ

خوله : مها صدقيني اي خطوه باخذها بكون حاسبتلها الف حساب وعمري ما يلست ابني حياتي على احلام واوهام يمكن اكون حبيت خالد بس اباج تعرفي شي واحد هالحب راح يندفن بداخلي قبل لا ينولد لاني عارفه انه مستحيل ياخذ وحده عميا شراتي فما يحتاج اذكريني بهالواقع المر في كل مره .. كافي العذاب اللي فيني فالله يخليج لا تزيديني
وتفتحين علي جروح نسيتها من زمان .. انا عارفة مصيري خلاص!!!! بظل ادفع ثمن غلطة حنيفة طول عمري
مها بتوتر : خوله الله يخليج افهميني انا ما قصدت جذا ..
خوله ودمعه نازله ع خدها : ما يحتاج تبررين شي!! انتي ما جبتي شي من عندج ونفس ما قتلج هذا العالم اللي عشت فيه من يوم وانا صغيره وتقدري تقولي اني تعودت عليه وبندفن فيه طول عمري رقدي مها شكلي كدرت عليج يومج
مها وهي تحضن خوله : لا خوالي لا تقولين جذا اللي صارلج انتي مالج ذنب فيه ومش مجبورة تدفعين ثمن هـ الشي واذا تحبين خالد وهو يحبج صدقيني مشكلة انج عميا ما راح تأثر عليكم !! وبعدين هو قالج انه يحبج ولا شو بالضبط
خوله وادموعها اربع اربع : هو قال انه من يوم شافني حركت شي بداخلة وعقب قال انه اليوم تأكد انه يحبني
مها وهي تمسح لها دمعتها : خوالي لا تعذبين روحج بهالطريقه انتي مالج ذنب بكل اللي يالس يستويلج احين
خوله : ما عليه مهوي خليني اسير حجرتي .. واعتبريني ما قلت شي .. تصبحين ع خير
مها : خوالي خلينا نتفاهم الله يخليج .. لا تخلين أحس إني جرحتج

خرجت خوله وهي تجر عصاتها وخيبات الامل خلفها وبدون ان تعير مها اي انتباه فحست بانها بدأت تفقد كل ما هو جميل فحتى عندما علمت بانها وقعت في غرام احدهم ظهر امامها الف حاجز يقف امام سعادتها فتحول قلبها من كتلة حارة الى كتلة باردة متجمده عاجز عن ضخ دمائة الى شرايينه .. واسودت الدنيا في عينيها أكثر مما هي عليه

مها وهي تجلس ع الارض : ياربي انا شو سويت بدل لا اكحلها عميتها جان لازم ازرع الامل بداخلها انا اول مره اشوفها مستانسه هالكثر يالله يا ربي سامحني بس يعني لو كنت مكانها صدق اني ما بقدر اتحمل الله يكون فعونج يا خوله وان شاء الله يكون خالد حبج صدق يمكن هـ الحب يجدد الأمل بداخلج .. يارب تساعدها وتوفقها هي مالها غيرك
خوله ظلت تايهه ومب عارفة شو اللي ينتظرها باجر ومن كثر السواد اللي سيطر عليها ضربت بـ فاطمه وعقب طاحت
فاطمه وهي تصارخ : خوالي شو فيج خوالي نشي الله يخليج انا فاطمه نشي .. شو اللي استوى عليج
مها طلعت من حجرتها وهي خايفه : فطامي شو مستوي بلاها خوله
فاطمه بتوتر : ما ادري مهاوي اول ما ضرب جسمي بجسمها اغموا عليه يمكن تحسبتني واحد غريب
مها وهي متخيسه صياح : ياربي اخاف تكون الحاله ....
فاطمه تقاطعها : لا مهاوي الله يخليج لا تقولين جذا سيري وعي حمود وفهد يودوها المستشفى
مها بتوتر : انزين ابويه ما اوعية
فاطمه تقاطعها : لا تبيه ينجلط اللي فيه مكفيه يالله مهاوي سيري ..!! طالعيها كيف ترتجف كانها خايفه من شي
وركضت مها صوب غرفة فهد لانها كانت الاقرب
مها وهي تبطل الباب بقو : فهود نش نش الله يخليك فهوووود .. الحين ما حزت رقاد
فهود بخوووف : مها بسم الله الرحمن الرحيم بلاج زيغتيني
مها وهي مب قادره تتكلم : خــ خـــ خـــو
فهد اول ما سمع اسم خوله نش ع طول من فراشه : اشو فيها خوله مهاو اشو مستوي عليها
مها وهي تركض صوب برع : ما ادرري فهد بس يالله الحقني بسير اوعي حمود
وسارت مها صوب حجيرة حموود وخبرته وفهد ع طول سار صوب خووووله
فهد بخوف : ياربي فاطمه اشو مستوي عليها طالعي كيف جسمها يهتز .. ووجها لونه ازرق
فاطمه وهي متخيسه من الصياح : فهد تتوقع انه حالتها الاوليه رجعت
فهد يقاطعها وهو يشيل خوله : فاطمه بتحصلي مفتاحي فحجرتي هاتيه ولحقيني تحت لازم انوديها المستشفى
حمود وقف جدام فهد : ما يحتاج نتأخر اكثر من جذا خلنا نروح بسيارتي فاطمه انتي تمي هنيه عسب امي وابويه اذا حسوا بشي تفهميهم اشو مستوي .. وحاولي قد ما تقدرين ما تخبريهم باللي صار لحد ما نرد زين
فاطمه بخوف : ان شاء الله بس طمنوني عليها اول ما توصلوا المستشفى
~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~
وصلو المستشفى ودخلوا خوله الطوارئ والكل جان يالس على اعصابه
اول ما طلع الدكتور ركض حمود صوبه وهو خايف : دكتور اشو مستوي طمني على اختيه
الدكتور وهو منزل راسه : اختكم جانت زعلانه من شي او احد ضايقها عندها انهيار عصبي شديد وضغطها وايد نازل
مها وهي منزله راسها وتتذكر الموقف واتصيح .. وتمت تردد فخاطرها .. انا السبب انا اللي وصلتها لـ هنيه
حمود : ما اعتقد حد ضايجها من ساعه كانت بخير وتسولف وتضحك
الدكتور : اختكم وايد تعبانه ونفسيتها منهاره ع الاخر هالحاله ياتها من قبل
فهد بخوف : هيه دكتور هـ الحالة جاتها من لما كان عمرها 12 سنة تعرضت للحادث اغتصاب وتمت سنة ما تتكلم ولا راضية تبطل عيونها وراجعنا اكثر من طبيب نفسي وتحسنت حالتها بس كل ما تتضايق تجيها هـ الحالة اخر مره كانت السنة الماضية .. وتمت شهر مب راضية تفتح عيونها او حتى تتكلم لحد ما هدت بروحها وعقب تكلمت
الدكتور : اها يعني هذي مش اول مره .. انا شكيت في هالشي
حمود يقاطع الدكتور : افهم من كلامك انه خوله يمكن هـ الحالة ترجعلها مرة ثانية
الدكتور : ان شاء الله ما نخليها توصل لـ هالحالة نحن بنخليها عندنا اليوم .. وباجر راح نقرر ونشوف حالتها
وعسى اللي خايفين منة ما يصير .. اهم شي تدعولها تقوم بالسلامة .. وقعدتكم هنيه ترى ما منها فايدة
مها وهي تردد فخاطرها : يا ربي انا شو سويت بدل لا أساعدها حطمتها اخاف هـ المرة ما تصحي وأتم راقدة ع طول
بس انا مستحيل اتم ساكته لازم اتصرف انا اللي دخلتها في هـ الحالة وانا اللي بطلعها منها ..
مها وهي تزقر على فهد : فهد انا بتم عندها اليوم سير انته وحمود وراكم دوام باجر
فهد وهو مضايج : كيف تبيني اخليها وهي هذي حالتها
مها تقاطعه : فهد وجودك هنيه ما راح يفيدها بشي تعال باجر وشوفها .. ويمكن تصير بخير

حمود قاطعهم : شور مها وايد غاوي فهد خلنا انسير صوب البيت ومن أصبح افلح لا تنسى اميه وابويه يمكن اينشون فاي لحظة ولازم نكون هناك عسب ما يشكون فشي وان شاء الله حالتها تتحسن لباجر
فهد يقاطعهم وهو يصيح : واذا ما تحسنت واذا تمت رافضه أنها تقوم اشو مصيرنا نحن واشو بيستوي لابوي وامي فاخر مرة بسبة هـ الحالة ابوي رقد في المستشفى اسبوع .. وتدهورت صحته واحين لا دري أخاف يروح فيها
مها بثقه : فهد اوعدك اني اتم على راسها والدكتور قال يمكن تصحى في اي لحظة ..
انت لا تحاتي للحين ما صار شي يثبت انها رجعت لحالتها الاوليه تفائل خير
فهد وهو يتنهد ويمسح دموعه : خلاص عيل اللي يريحكم يالله حمود سرينا
مها اتقاطعه : فهد عطني استخدم تلفونك وانته استخدم تلفوني لأني نسيته في البيت ومنها اطمنكم اول باول عن خوله
حمود : خذي تلفوني يمكن تلفون فهد ما فيه شحن
مها بتوتر : لا حمود انته يمكن تحتاجله أكثر فخلني اخذ تلفون فهد احسن!! وبعدين استخدامه اسهل من تلفونك
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
خالد ما رد البيت جان يالس يصيح ويتخيل الموقف اللي سواه فخوله ما توقع انه يحبها هـ الكثر وندم لانه خبر فهد بالسالفه اللي استوتله لانه حس انه بتصرفه هذا راح يبعد عن خوله اكثر واكثر عقب سمع تلفونه يرن وكانت روضة
روضه بخوف : خلود انته وينك ما تشوف الساعه جم صارت عندك
خالد وهو يداري دمعته : مضايج رواضي مضايج حاس نفسي بستخف بتخبل
روضه بخوف : خالد شو فيك وشو اللي مكدر خاطرك ؟؟!! لا تخوفني عليك
خالد: ومنو بيكون مكدر خاطري ومضايجني غير خوله .. التفكير فيها ذبحني .. شتتني
روضه بضيج : اوف يا خالد للحين تعتقد انك تحبها؟؟!! انت من شفتها كلها كمن ساعة .. بطل هـ الخرابيط ورد البيت
خالد : احبها رواضي ورب الكعبة احبها واليوم بس تأكدت من مشاعري اتجاها روضي صرت اشوف كل احلامي عند خوله ما توقعت في يوم بتجي بنت وبتأثر فيني بهالشكل .. طول عمري كان اخر همي البنات بس هذي غير
فلحظة قدرت تسرق كل تفكيري تشتتني وترجع تلمني مره ثانية .. روضة انا مستحيل ابتعد عن هـ البنت لو مهما صار
روضه بضيج : انزين خالد ...!! اذا تحبها هـ الكثر ليش ما تتقدملها وتريح نفسك من عوار الراس
خالد : تعرفين خوله طلعت اخت منو؟!! اخت فهد ربيعي!! وقال لو انا سويت هـ الموقف عند أخته ؟؟!!
ما بيخليني اعيش لحظة!!بس انا ميت من دونها وربي ميت أحس اني عايش في دوامه .. ومب عارف كيف اطلع منها
روضه بخوف : خالد انته رد البيت وعقبها بنتفاهم ان شاء الله وبنوصل للحل...بس رد البيت لا تخوفني عليك
خالد : خلاص كلها نص ساعه وبتحصليني جدامج بس انتي رقدي وراج مدرسه والوقت وايد متأخر
روضه : خلاص برقد بس اول ما ترد مر على حجرتي وطمني عليك مابا اقوم وما احصلك انزين
خالد : خلاص رواضي رقدي ولا تشغلي بالج . احينه برجع وبطمنج ان شاء الله ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فاطمه اول ما شافت حمود ركضت صوبه ونست انها زعلانه عليه
فاطمه بخوف : هاه حمود بشر اشحال خوله
حمود وهو منزل راسه : على حالها الدكتور قال بيشوف لين باجر اذا ما قامت للاسف بتكون مشكلتها الجديمه رجعت..
فاطمه تقاطعه : لا تقولها يا حمود الله يخليك ان شاء الله مشكلة ارق وتنحل
فهد وهو مختنق : انا بسير ارقد عن اذنكم
حمود بخوف: فاطمه امي وابويه حسوا بشي ..
فاطمه بابتسامه : لا الحمد لله راقدين الظاهر عليهم تعبوا بسبة عزيمة اليوم
حمو وهو يمسك يدين فاطمه : فاطمه انا اسف بسبة اللي استوي اليوم .. كدرت خاطرج
فاطمة بابتسامه : لا حمود عادي لا تشغل بالك ما صار شي انا نسيت الموضوع
حمود وهو يبوس فاطمه ع جبهتها: الله لا حرمني طيبة قلبج حياتي
فاطمه بخجل : حمود اخاف حد يشوفنا خلنا نسير غرفتنا ونتفاهم هناك
حمود بابتسامه : هيه بس انا بعتذر بطريقتي وبعدين شلها حمود من ع الارض
فاطمه بخجل : حمود بطل قلة ادب يالله نزلني .. اخاف احد يشوفنا
حمود : اي قلة ادب تراج زوجتي بطلي دلع وسكتي لا تصحين امي وابويه ترى ما بنزلج حتى لو شافوني
فاطمه بخجل وحست انه حمود حيل يحبها: لا الله يخليك خلاص بسكت
عادت المياه الى مجاريها وكسر حمود حاجز الشك الذي كاد ان يسيطر على عقل فاطمه
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مشعل جان سرحان بروضه
مشعل : اه رواضي متى بتي الاربعاء خاطري احط عيني بعينج مب قادر اصبر معقوله لهـ الدرجة حلوه معقوله بتتفوقين على كل بنت تعرفت عليها .. بس لو طلعتي جذا يا روضه ساعتها بتقرب منج واذا رفضتي بتكوني جنيتي على نفسج .. و دمرتي مستقبلج بروحج .. ومشعل في هالمسائل ما يرحم .. وبتلعنين الساعة اللي ولدتج امج فيها
واستسلم مشعل للنوم عقب ما تعب من التفكير بروضة وانتظاره ليوم الأربعاء عشان بس يشوفها ويحكم عليها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
غاده هم بعد ما قدرت ترقد موضوع مريم ملخبط كيانها
غاده بخوف : يا ربي معقوله ارضخ لطلبها بس اذا ما نفذت اللي قالته امي وخواني كلهم بيكون مصيرهم الشارع ااااااااااه بس متى بتخلص من هالديون اللي ع راسي؟!! ودينج يا مريم هو اللي مسببلي عقده ومخلني الراحه ما اذوق طعمها .. كله منك يا عمي جان خذيت حقك وخليت لنا البيت ..!! ع الاقل كنت ما بكون لعبه في يدين مريم تحركني على كيفها ووقت ما تبا .. لازم اسوي هــ الشي حتى لو ما تعودت عليه مريم لا حطت شي براسها تسويه
ياربي انا شو اسوي بهالمصيبه اللي حطتها مريم على راسي .. والقهر انها ما عطتني وقت حتى افكر
احسن شي ارقد ولين ما يصبح باجر يحلها الف حلال

ميثا كانت تفكر في خالد ومب قادره تبعده عن تفكيرها ..
ميثا وهي متخيسه صياح : ليش يا خالد ما تباني ليش .. ليش كل ما شفتني اطالعني بنظرات اتحسسني اني اقل مستوى عنك .. بس انا احبك يا خالد .. وما اقدر اعيش من دونك .. ولا تتخيل فيوم اني اتنازل عنك بهالسهوله ..
حتى لو اضطريت ادفع عمري ثمن هالشي انته لي يا خالد واوعدك اذا ما كنت لي ما راح تكون لغيري راح احول حياتك للجحيم .. ساعتها صدق بتحس بقيمتي وبترجع لي ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مريم طول الوقت كانت تفكر في المواقف اللي صارت لها فبيت عمها سعيد
مريم بابتسامه : اه يا حمود اليوم يوم كنت قربك حسيت اني امتلك الدنيا باللي فيها .. فاطمه ما تستاهلك يا حمود
انا بس اللي قادره افهمك . وانا الوحيده اللي عارفه سر سعادتك .. حمود انا بسوي المستحيل عسب اكون قربك حتى لو اضطريت ابني حياتي على تعاسة غيري .. فاطمه مكانها مب عندك احسن شي تسير ادورلها على واحد من مستواها اما حمود فهو ملكي انا وبس ويا ويله اللي يقرب او يفكر ياخذ لو شي بسيط من مملكتي بحول حياته لجحيم
يكفي انها تهنتك معاك طول هـ السنين بس الحين صارت الكوره فملعبي ولازم افكر وين اسدد الضربه ؟؟!!!!!!
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مها كانت متردده : ياربي انا شو اسوي احينه احس نفسي مب قادره اوقف على ريولي حيلي منهد ع الاخر
وصدت صوب خوله وشافت دمعه نازلة من عينها
مها : آه يا خوله خايفه اسوي هـ الحركه وبدل لا اساعدج ادمرج

اصبحت الهواجيس هي محور حديث مها فبدأ الحوار بين قلبها وعقلها فقلبها يقول بيدك وحدك القدره على مساعدة خوله للتخلص من الالم الذي ينهش بجسدهها وكان عقلها يقول دعي الامور كما هي وكما بدأت ستنتهي ولكن صوت قلبها انتصر على عقلها فقررت ان ترفع سماعة الهاتف وتتصل..
مها : الو
:................
مها : ...........
خالد بضيج وماله خلق يتكلم : الو هلا فهد شحالك
مها والتوتر مسطير عليها :..............
خالد بتوتر وبخووف يكون فهد عرف السالفة : فهد شو بلاك ما ترد صاير شي
مها فخاطرها : خلاص انا لازم اكون قويه وارمسه واللي فيها فيها\
مها : انته خالد
خالد طار من الفرح اتحسب اللي داقه خوله : خوله ؟؟!!!! انتي خوله صح ؟؟!!!!!!!!!!!!!
مها في خاطرها : بلاه هذا شو دخل خوله في الموضوع احسن شي اسايره واشوف اذا يحبها او لا
خالد : سكوتج يدل على انج هي تعرفي اني للحين ما رجعت البيت حاس روحي مختنق وانا بعيد عنج خوله
انتي غيرتي كل حياتي كلها كمن ساعه من شفتج وقدرتي تسيطري على قلبي وروحي ونبضي وكل ما بداخلي
لما شفتج اليوم حسيت ا ني اسعد انسان على وجه الارض لما مسكت ايدج حسيت انه دمي جان متجمد
وفجأة صار بركان وقلبي عقب ما كان واقف بداء يدق بسرعه .. وكل هذا انتي السبب فيه
مها في خاطرها : وليه ما تنلام خوله يوم حبته هذا صج يحبها الا رايح فيها حتى ما عطاني مجال اقوله انا منو
خالد : خوله شو بلاج مستحيه وعقبها ضحك تصدقي شكلي انا ما عطيتج مجال اهذر وايد صح
مها انفجرت من الضحك
خالد بابتسامه : فديت هالضحكه والله
مها وقفت ضحك وصارت جديه شوي وبثقة : عفوا اخ خالد اولا انا ما خوله !! انا اختها
خالد وهو قافط وصار ويه فيه سته وستين لون : اختها !!
مها طاحت دمعه من عينها : خالد تذكر لما جرحت خوله وقلتلها يوم انتي عميه ليش يايه هنيه
خالد بضيج : هيه اذكر بس ما فهمت اشو قصدج من هالرمسه
مها بضيج : انا اليوم سويت نفس الشي جرحت خوله وحسستها انها عمياء وما من حقها تحب مثل غيرها
خالد بخوف : جرحتي خوله معقوله!!هذا و انتي اختها كيف هانت عليج ..خوله وينها كيف نفسيتها
كافي عليها كلمتي اللي حطمتها وحسستها انها ضعيفة ؟؟!!تجي انتي وتزيدين فوق همها هم ليش انزين
مها بتوتر : هي خبرتني باللي صار امبينكم وكانت تحس بشعور غريب اتجاهك بس .......؟؟!!!!!
خالد يقاطعها : سمعيني اختيه انا عارف انتي مستحيل ادقين الا اذا خوله فيها شي
مها ودموعها اربع اربع : انا فعلا ما دقيت عليك الا لاني ابا خدمه منك واتمنى تقدر تساعدني
خالد بتوتر : الله يخليج لا تلعبين باعصابي اذا فيه شي صاير لخوله خبريني
مها بضيج : هيه خالد صاير شي وكايد بعد
خالد يقاطعها : شو فيها خوله الله يخليج يا مها طمنيني عليها
مها : خوله في المستشفى
خالد يقاطعها : اشو خوله في المستشفى انزين فاي مستشفى
مها : فمستشفى ,............... بس الله يخليك خالد لا تاخر
خالد: لا تحاتي كلها عشر دقايق واكون عندج
مها : يا ربي اللي سويته انا صح ولا غلط اذا طلع خالد لا يحبها ولا شي بس يتلاعب بمشاعرها بكون انا المسئولة عن كل اللي بيصيرلها احسن شي ابعد هالافكار السودا من راسي واسير اتريا خالد ..
خالد اول ما يا ع طول سار صوب الطوارئ وشاف بنت واقفه واتوقع اانها مها
مها هم بعد شكت انه خالد وع طول سارت صووبه
خالد بخجل : انتي اللي داقه علي من شوي

خالد بخجل : انتي اللي داقه علي من شوي
مها : انته خالد
خالد : هيه انا واحينه ممكن تخبريني اشو مستوي وبالتفصيل الممل وليش خوله هنيه والدكتور شو قالكم ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــــت بو مشعل
بو مشعل يالس يتقلب في الفراش ما قادر يرقد وحست عليه ام مشعل
ام مشعل بخوف : بو مشعل اشو بلاك متخرع من شي
بو مشعل : خايف من باجر ام مشعل هالديون كاسره ظهري
ام مشعل : انته لا تعب روحك وتيلس اضايج نفسك ع الفاضي ان شاءالله باجر كل الامور تنحل وتتسهل
بو مشعل : الله يسمع منج جد ضايج خاطري وحاس نفسي برد لنقطة الصفر ..
ام مشعل : ان شاء الله كلهن كمن يوم وهــ الايام السودا كلها تنتهي لما تتزوج ميثا من خالد ..
بو مشعل وهو مبطل عيونه : ليش لا يكون جد جديد فموضوعهم
ام مشعل : لا للحين ما صار شي بس اصبر عليها شوي .. ميثا قدها وبتجيبة من راسه
فــــــــــي حجــــرة ميثا
رن تلفونها وكانت ميثا راقده وما سمعته بس تم يرن وعقب قررت انها ترد
ميثا ردت بدون ما تشوف رقم من : الو
...: هلا ميثاني شحالج
ميثا وهي تعدل يلستها : عفوا منو وياي
......: افا ميثاني توقعت الكل ينساني الا انتي
ميثا بعصبيه : وليش ان شاء الله بيني وبينج شي
....: معقوله ما صرتي تذكرين حتى صوتي
ميثا واعصابها تلفت خلا ص : شوفي الظاهر عطيتج وايد ويه تصبحين ع خير
....: ميثا انا مهره اختج
ميثا وهي مبطله اعيونها : معقوله انتي مهره احلفي
مهره : هيه انا مهره بس ما توقعتج تنسيني بهالسرعه
ميثا : سنه كامله لا شفتج ولا سمعت عنج شي كيف تبيني اذكر صوتج
مهره وهي اتصيح : انتوا اتخليتوا عني تبعتوا راي ابويه مع انكم كنتوا عارفين انه على باطل
ميثا : مهره انا ما اسمحلج تغلطين على ابويه
مهره :انا ما غلط ولا اتجرأ في يوم اني اتهمه تهمه الا وانا متأكده منها
ميثا : مهره حرام عليج تراج وايد ظلمتي ابوج
مهره : ميثا ابويه عقب ما نهب ورث عمي فكر انه يسأل عن عياله .. فكر حتى ولو مجرد تفكير انه يشوفهم اذا ناقصنهم شي ميثا ني ابوج اللي ادافعين عنه كل مال يتامى والله ما بيوفقه فشي وآخاف الله يبتليه فعيــآله
ميثا تقاطعها : تصدقين مهره ما ينلام ابوي يوم طردج لعنبوج ما تستحين يالسه تدعين عليه وعلينا عيني عينك
مهره : المهم انا حبيت بس اتطمن عليج وهذا رقمي
ميثا : انزين انتي بعد ما طردج ابويه وين سرتي
مهره : رجعت لزوجي اللي اميه ما ارتاحت الا لما خلتني اطلق منه وليش بس لانه فقير وما قادر يلبسني الماسات بس ما توقعته عقب ما رماني ابويه من بيته حصلته هو الوحيد اللي فاتحلي احضانه وسامحني على كل زلاتي لانه جان عارف انه اميه ورى كل المشاكل اللي استوت امبينا
ميثا بعصبيه : مهره انتي سبيتي ابوج واتهمتيه واحينه ياي تغلطين على اميه اقول لو تبندين احسن توقعتج عقب هالمشاكل اللي مرت عليج تتأدبين وتستوين حرمه بس حسافه
مهره تقاطعها : انا من يوم ما طلعت من بيتكم وانا حاسه نفسي مرتاحه ع الاقل عارفه اني ما يالسه اكل مال حرام تتوقعين ليش ابوج شركته تتعرض للافلاس .. لانه هاي مب فلوسه فلوس عمي
ميثا بعصبيه .: مهره صح انا احبج واحترمج وانتي اختي العوده بس هم بعد هذا ابويه وما ارضى اي احد يغلط عليه او يقلل من قيمته اباه يتم فنظري انسان محد شراته
مهره : حسافه ميثاني توقعتج تتغيرين بس بعدج نفس ما انتي .. كل همج المراكض وراء للفلوس الله يهديج
ميثا : مهره حبيبتي انا برقد الحين وببلغ امي وابويه ومشعل سلامج وبخبرهم عن دعواتج الطيبة يالله بااااي
مهره : ميثا لحظة الو الو الو
مطر : مهره منو تكلمين فهالوقت المتأخر
مهره وهي اتصيح : توقعتها تتغير بس حسافه الفلوس عمت بصيرتها
مطر : مهره الله يهداج فهميني اشو بلاج ومنو كنتي ترمسين
مهره : حلمت حلم وقلت اطمن عليهم بس تصدق ما تذكرت صوتي وحتى ما حسستني انها مشتاقتلي
مطر : الله يهداج مهاري يعني انتي ما تعرفين امج دومه قلبها اسود
مهره وهي تصيح : لا مب اميه كلمت ميثاني كنت اباها تقنع ابويه يرجَع حق عيال عمي
بس ما عطتني فرصه حتى اتكلم على طول يلست اتسب وتغلط وعقب صكرت الخط فوجهي
مطر وهو يحضن مهره : مهاري حياتي اذا ما يبوج فحياتهم انتي بعد حاولي تشيليهم من تفكيرج
مهره وهي تصيح وحاضنتنه : المشكله ما قادره هذيلا اهلي مطر اهلي .. والله امر بصلة الرحم
مطر وهو يبوس جبهتها : حبيبتي يالله خلينا انسير نرقد وربج بيفرجها ان شاء الله
مهره وهي دموعها ع خدها : مطر اباك تساعدني فشغله
مطر وهو يمسح دمعتها : امري الغاليه شو فخاطرج طلباتج اوامر

مهره : اباك تساعدني ندور على بيت عمي راشد لازم ارجع لهم ولو جزء بسيط من اللي انحرموا منه ولو كانت مساعده معنووووويه مب شرط ماااديه
مطر : ان شاء الله حياتي من باجر ببدي ادور واوعدج اني راح احاول اساعدهم قد ما اقدر
مهره وهي تحضنه وتصيح : الله لا حرمني منك يا مطر انا من غيرك كنت احينه في الشارع
مطر وهو يبتسم : وتتوقعين انج تهونين علي عسب افرج في الشارع .. أنتي زوجتي وأم عيالي ورفيقة عمري
مهره حضنته ويسلت تصيح فحضنه بحرقه ومشعل تم يطبطب عليها ويحاول يهديها ...
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مهره اخت ميثا ومشعل وهي اكبر منهم متزوجه وعندها ولدين وبنت قصي وقيس وغصن تزوجت مطر وجان عمرها
17 سنه كان ابوه عنده خير واغتروا فيه اهلها وزوجها مطر غصبا عنها ..بس بومشعل وام مشعل ما لحقوا يتمتعوا
بهالخير عقب ما تعرضت شركة بومطر للإفلاس وردوا لنقطة الصفر وتمت ام مشعل تزن على راس مهره
وتقنعها بالطلاق وجلست تسويلها مشاكل لحد ما طلقها مطر وحرمها من قيس عمره 9 وقصي 7 بس عقب ما استوت
سالفة ورث عمها وقفت في وجه ابوها وهددته انها تبلغ عليه وتشهد ضده لو ما رجع حق عيال عمها وبومشعل ما
قدر يتحمل تصرفاتها وطردها من البيت وقال حق عياله انسوا انه عندكم اخت.. مهره ما كان عندها مكان تروحله
فسارت صوب بيت مطر واستقبلها بصدر رحب وتزوجها مره ثانيه وجابت منه غصن وعمرها الحين 6 سنوات بس ما
انقطعت عن اهلها فكانت تزورهم بين فتره وفتره بس بدون ما يعرف ابوها بس عقبها عرف ومن يومها ما شافت اهلها صار لهم سنة تقريبا ولو ما الحلم اللي حلمت فيه كانت ما اتصلت وعاشت يتيمة و اهلها عايشين

فمن اجل المال باع ابا مشعل فلذة كبده وتناست ام مشعل من حملتها بين احشائها فقد كان المال في نظر ابو مشعل وام مشعل هو اساس الحياه ونسوا بأن المال لا يدوم فالانتصارات الوحيدة التي تدوم أبداولا تترك ورائها أأسى
هي انتصاراتنا على انفسنا وراغباتنا
~~ ~ ~ ~ ~ ~ ~ ~ ~ ~ ~ ~
خالد ودمعه نازله ع خده : مها انتي متاكده من كل كلمه قلتيها
مها باستغراب : هيه متأكده مالي مصلحه اكذب عليك
خالد : لا مها ما قصدت جذا بس مب مصدق خوله تحبني تعرفين مها خاطري اصارخ خاطري اسمع العالم واقولهم انا بعد احبها ومستعد افديها بروحي هي النفس اللي اتنفسه هي كل شي فدنيتي
مها : خالد الله يخليك سير عندها حسسها بانه الحياه حلوه ولازم تستمر خلها تعاهد نفسها انها تتخلص من هالحاله
خالد ما تريا مها تكمل كلامها بدون ما يحس رجوله جرته صوب خوله
خالد وهو ماسك يد خوله ويصيح : خوله انا خالد حبيبتي الله يخليج لا تسوين فيني جذا بطلي دلع وقومي
خوالي انا احبج احبج احبج تفهمين شو يعني احبج ؟؟!! خوالي عمري يمكن للإنسان أنه يعيش بلا بصر ولكنه لا يمكن
أنه يعيش بلا أمل خلي ثقتج بالله كبيره لا تخليني بروحي انا بموت من غيرج .. قومي وعاهديني انج تتمين معاي للابد
مها خبرتني بالسالفه كلها؟! خوالي هاه حياتج ولازم تكوني اقوى عن جذ وإذا أنتي تحبيني نفس ما تقولين لازم انشد
ايدين بعض وما نخلي احد يدخل امبينا انا وانتي نقرر بس متى ندفن هالحب ومتى نخليه ينولد .. يالله حبيبتي كلميني
خوله نزلت دمعه من عينها خالد مسح دمعتها وتجرأ انه يبوس جبتها ومسك ايدها وباسها
ويلس يصيح من خاطر وهو حاط رأسه على يدها .. ويتوسلها ترد عليه ولو بحرف واحد
بعد ساعه وهو جالس على راسها ويحن عليها تكلمه وترد عليه ولو بحرف حنت عليه خوله
خوله بدت تبطل عيونها شوي شوي وبدت تتكلم بصعوبة : خالد لا تصيح عشان خاطري
خالد ما صدق انه خوله تكلمت فزادت حدة بكائه : خوالي حياتي انتي بخير
خوله بخجل : خالد انته صدق تحبني ولا نفس ما قالت مها لازم اني ما افكر فنفس هالمواضيع لانها ما تصلحلي
خالد وهو يمسح دموعها : حبيبتي انا مش بس احبج اموت عليج خوالي تعرفين يمكن انا من شفتج ما صارلي
24 ساعه بس تاكدي انتي تركتي بداخلي شي غريب اقولج سر بس ما تخبرين احد
خوله بابتسامه : قول خالد اسمعك
خالد : تعرفين اول ما رديت البيت يلست افكر فيج ورسمتلج صوره بدون ما حس وعقبها غفيت ولما نشيت شفتج قدامي استغربت متى رسمتج ومتى صار كل هذا .. وتملكني احساس غريب انه قصتي معاج بتكون طويلة
خوله بخجل : ليش خالد انته رسام
خالد : هيه حياتي انا من يوم صغير احب ارسم بس ها مجرد هوايه يعني انا اشتغل مش بطال
خوله : انزين ممكن تعطاني الرسمه عسب اخليها عندي ذكرى يمكن الله يمن عليه فيوم واشوف
خالد وهو يمسح دمعتها : بتشوفين ان شاء الله خلاص حبيبتي فاقرب فرصه بجيبها حقج بس بشرط
خوله بابتسامه : هاه خالد شو فخاطرك
خالد :فديت هـ الضحكه والله .حياتي اباج باجر تصحصحين وتردين البيت ترى امج وابوج ما عندهم خبر انج انتي هنيه
خوله ع طول دمعة عينها وخالد ع طول مسحها وعصب عليها : خوالي شو اتفقنا قلنا بطلي صياح اباج تكوني قويه
خوله فخاطرها : دامك قربي يا خالد همتي بتكون تهز جبال
خالد يمسح ع راسها : ها حياتي بشو تفكرين لا يكون سرحتي فيني
خوله : تعرف شي خالد من يوم ما صار علي الحادث وانا كل ما احس انه ريال قربي اخاف تصدق حتى الدكتور اللي
عالجني اليوم لما كان قريب مني كنت خايفه تمنيته يخلص شغله ويطلع بسرعه كنت جد خايفه بس انت من اول يوم
شفتك ..!! فيه شي شدني لك مع اني عميا وما شفتك ولا اعرف شينك من زينك بس قلبي كان دليلي
خالد بابتسامه : وشو يقولج قلبج احينه تحبيني ولا لا
خوله استحت :...................
خالد : اها السكوت علامة الرضى بس انا ابا اسمعها منج ولا الحين بوبخليجنش وبخليج بروحج
خوله شدت على ايده : لا تروح وتخلاني ما مستعده اعيش كل ثانيه من عمري وانا بعيده عنك انا متحسفه على
عشرين سنه من عمري لاني ما عشتها قربك اذا خليتني احينه بموت وراح اضعف .,. واذا تباني اصير قوية قربك
هو اللي بيقويني وبيشد من عزيمتي بس اذا خليتني لا تطالبني اصير قوية لانك راح تكون إنت سبب ضعفي