مها حست بغيره شوي بس ما حبت تبين وتمتمت بابتسامه : خلاص حبيبي براحتك
هلال مسك إيدها وتمتم بابتسامه ( عقب ما قراء الغيره بعيونها طبعا ) : قومي خلينا نروح ..
مها وهي مستغربه : ليش غيرت رايك ؟!!
هلال بابتسامة : ما حبيت حبيبتي الغيره تاكل قلبها
مها وهي مستحيه وما عرفت شو تقول : .................................................. .........
هلال بابتسامه : شو ما بتسيري !!
مها بتوتر : لا أكيد بسير ..
هلال أبتسملها وعقب راحوا صوب السياره
وفي بيت بوحمود مريم كانت توها واصله وأول ما شافتها ميره راحت وراء سناتا
ساره كانت ماسكه يد مريم ووراحت توديها صوب حجرتها
أميره ببراءة : سناتا هذي شو تسوي في بيتنا .. يدي طردها خلاص
سناتا بحزن : مريم هذي خلاس ما يشوف .. يصير اعماء
اميره بابتسامه : يعني مثل عموه خوله صح !!
سناتا : صح
اميره بحزن : مريم شريره تستاهل .. بس عموه خوله حرام ما تشوفنا
سناتا هزت راسها وراحت صوب المطبخ
سعيد راح صوب أميره وتمتم بابتسامه : إنتي أميره !!
أميره هزت راسها بالأيجاب
سعيد وهو يسلم عليها : وانا زوج ساره
أميره ابتسمت وما علقت ..
ساره بضيج : مريم محتاجه حق شي
مريم بتوتر : سوسن الممرضه متى بتوصل
ساره وهي تهز راسها : على وصول ان شاء الله ..
مريم بضيج : عيل خلاص تقدري تروحي !!
ساره باستها على راسها وراحت عنها ..
مريم قامت وتمت تتحسس كل الأماكن الموجوده في حجرتها .. وفي كل مره تصطدم بشي .. وكلها لحظات وطاحت على ركبتها وتمت تصيح بحرقه : ليش أنا يصير فيني كل هذا .. رجعولي عيوني .. أبا عيوني حرام عليكم .. انا شو سويت فيكم ليش يا حمود ما جيت وأسعفتني .. ليش تأخرت .. الكل كان لاهي بخوله ونساني .. وينك عني يا أبوي .. لو كنت قربك كان ما صار فيني كل هذا .. بس لا وربي راح أنتقم منك يا حمود .. وفاطمه مستحيل ترجع لك وانا على ذمتك .. ههههههه واذا فكرت أطلقني .. رراح نشوف إذا تقدر تنطقها !!!!! انا نصيبك وقدرك ولازم ترضى بهالشي
سارة اول ما شافت أميره تلعب مع سعيد ابتسمت وتمتمت بحماس : آممممممم عادي اشاركم
سعيد بابتسامه : خلينا نسأل أميره
أميره وهي تفكر وتمتمت بابتسامه : ساره وايد طيبه وميره كانت تحبها عشان جذا خلها تلعب معانا
ساره أول ما طرت أسم ميره دمعت عينها وتمتمت بابتسامه : فديت روحج والله
وكلها لحظات وقاطعهم تلفون سعيد وتمتم بقهر : وليه شو يبا هذا !!
ساره وهي تضحك : ومن هذا بعد !!
سعيد بابتسامه : واحد ملقوف .. خليني أسير اشوفه .. وقام عنهم
ناصر وهو معصب : وليه بلاه هذا ما يرد !!
سعيد : هلا ناصر
ناصر بعصبيه : وجع !! وليش ما ترد
سعيد وهو أونه معصب: لا والله ! شو رايك اطقني بعد
ناصر وهو يضحك : والله لو حذاي كان ما قصرت المهم وينك ؟!!
سعيد : وين بعد في البيت !!
ناصر بتوتر : سعيد الموضوع حياه أو موت لازم اشوفك ؟!!
سعيد بخوف : ناصر أشو اللي مستوي
ناصر قاطعه : سجل عندك هـ العنوان وتعال صوبه بسرعه زين
سعيد وهو يسمع العنوان ويضحك : انزين الحين ياينك ..
ناصر قاطعه بخوف : أستعجل .. اقولك الموضوع حياه أو موت
سعيد وهو يهز راسه : ثواني وأكون عندك
::
::
\
غاده ونوف كانو توهم واصلين من الشركه .. وغاده خلت عادل ينزل عشان تكلم نوف
غاده بخبث : هاه نوافه للحين ما قلتيلي شو اللي بينج وبين عبد الله
نوف بخوف : والله ما بينا شي .. كل ما في الموضوع إعجاب متبادل ...........
غاده بتوتر : بس أنتي تعرفين عبدالله بكم سنه أكبر عنج
نوف قاطعتها : كلها عشر سنين !! وبعدين العمر ما يفرق .. انا ارتحت له وخلاص
غاده بابتسامه : يعني حبيتيه !!
نوف وهي تتأمل وتمتمت بابتسامه : ما اقدر اقولج حب !! هو أعجاب .. أول مره شفته وشفت جديته قدر يسيطر علي .. وخصوصا لما كان يدافع عنج .. حسيت أنه مستعد يسوي أي شي عشان يسعد خليفه ويسعدج
غاده وهي تضحك : ههههههههههه ويمكن كان يسوي جذا عشان يوصل لقلبج !!
نوف أستحت وما عرفت شو تقول
غاده ضحكت : فديت اللي يستحون .. الله يوفق بينكم .. تستاهلون كل خير
نوف بابتسامه : وإنتي بعد الله يوفقج مع خليفه .. اوووووووووووف وآخيرا بفتك من ويهج
غاده وهي تفر عليها علبة الكلينكس وتمتمت بعصبيه : صدق أنج جليلة حياء .. تبين الفكه مني هاه
فاطمه اول ما شافت غاده ونوف مستانسات هـ الكثر ابتسمت وتمتمت : اللهم أجعله خير
غاده أول ما شافت فاطمة نازله من التكسي تمتمت بخوف : ها فاطمه !!
نوف بخوف : إنزلي خلينا نشوف بلاها .. عيونه امورمه
فاطمه بابتسامه : صبحكم الله بالخير
غاده وهي تسلم عليها : هلا فطامي .. شحالج
فاطمه بابتسامه وهي تحاول تخفي ملامح الحزن : الحمد لله بخير .. انتن شحالكن ؟!!
نوف بابتسامه : فطوم ليش رديتي .. انا قتلج من البدايه ردي بيت ريلج .. ليش أنه بيتنا يتعذرج هههههههه
غاده وهي أدوسها على رجلها وتمتمت بعصبيه : جب انتي ولا كلمه
نوف وهي تصارخ : آآآآآآآآآآآآآآآآآآآآآآي حرام عليج عورتيني .. وبعدين فطوم عارفه اني قاعده امزح معاها
فاطمه بابتسامه :
غادة انا متعوده على حركات نوف .. خلونا ندخل وعقب بفهمكم كل اللي صار
غاده بابتسامه : حياج فطامي إحدري ..
خليفه وعبدالله كانوا يمشوا وراهم عسب بس يتطمنون عليهم
عبدالله وهو أونه معصب : والحين هذي ما عندها شي غير بس تصارخ !!
خليفه وهو ميت ضحك : ههههههههههههه عاد شو تسوى .. إبتليت والله يكون بعونك
عبدالله بعصبيه : من زين غاده عاد !!
خليفه وهو أونه معصب : هي انته حدك .. كله ولا غاده .. ترى والله أدوسك في بطنك
عبدالله : خلاص توبه والكلمه وسحبناها !! يلا الحين تطمنت عليها وخلاص .. وداني صوب بيتنا يوعان ابا أتغدى
::
::
حمود بحزن : أمايه يلا قومي خلينا نرجع البيت ..
ام حمود ودموعها أربع اربع : انزين وبنتي ؟!!
حمود بحزن : أميه خوله للحين مش حاسه باللي حواليها .. باجر تعالي صوبها وتطمني عليها
ام حمود قاطعته بحزن : ما اقدر يا حمود .. خلني هنيه وانته روح تطمن على عيالك
حمود بضيج : امايه الله يهديج .. من يومين وانتي ما كليتي الا شي خفيف .. قومي عشان خاطري
ام حمود بتعب : ومن له نفس ياكل
حمود قاطعها بألم : بس خوله باجر لا قامت بالسلامه أكيد راح تسأل عنج .. وساعتها بتكوني أنتي مريضه !! ولا درت بهالخبر بطيح علينا مره ثانيه .. وإنتي هـ الشي ما يرضيج صح
ام حمود بقتناع : خلاص قوم .. خلنا نتوكل .. بس هاه .. باجر من فير الله تجيبني صوبها
حمود بابتسامه : إن شاء الله امايه !!
::
خالد عقب ما عرف انه ميثا داشه بغيبوبه راح صوب ضاري وطلب انه يشوفه
ضاري أول ما شافه تمتم بعصبيه : إنته ليش ياي هاه !! فيه احد قالك أني أبا أشوفك
خالد والحزن مرسوم على ملامح وجهه : ابا افهم يا ضاري .. شو اللي صار بالضبط
ضاري بعصبيه : وشو اللي صار بعد .. زوجتك وكانت تحبني .. واستغلينا عدم وجودك في البيت وتلاقينا
خالد وهو يضرب بيده بقوه على الحديد وتمتم بقهر : جب ولا كلمه .. لا تجيب طاري زوجتي على اللسانك
ضاري بخبث : ههههههههههههههه بس زوجتك اللي مفتخر فيها خانتك وباعتك برخيص .. وكانت بأحضاني
خالد بعصبيه : انته واحد كذاب .. أكيد كنت متفق مع هـ الخايسه ميثا !! وبعدين خبروني انك نزلت حنيفه على اسمك وتحت كفالتك .. طبعا مزور جوازه .. ولو كنت تحب خوله صدق ما سويت فيها جذا
ضاري بتوتر : عادي كل اللي صار صدفه .. وبعدين أنا ما كنت عارف باللي صاير بين حنيفه وخوله
خالد بحزن : خاف الله .. خاف الله وارحمني وأرحم حالتي .. انا بسبتك صرت تايهه . مب عارفه من اصدق !!
ضاري بتوتر : عادي كل اللي صار صدفه .. وبعدين أنا ما كنت عارف باللي صاير بين حنيفه وخوله
خالد بحزن : خاف الله .. خاف الله وارحمني وأرحم حالتي .. انا بسبتك صرت تايهه . مب عارفه من اصدق !!
عيوني اللي شافت خوله بأحضانك !! ولا قلبي اللي قاعد يقولي خوله تحبك ومستحيل تسوي فيك جذا !!
ضاري بخبث : هههههههههههههههههههههههه لا حبيبي صدق عيونك .. قلبك ما راح ينفعك
قاطعهم المسئول : خالد انتهى وقت الزياره
خالد ودمعه أرتسمت على خده وتمتم بتوسل : خله يقول الصدق .. خليه يطلعني من الدوامه اللي انا عايش فيها
المسئول بحز ن: هذا واحد مجررم .. ومستحيل تاخذ منه لا حق ولا باطل .. خانا نروح
::
::
الـــــــــــــــساعه 2 ظهرا ............
مطر أصر على مهره انها تبلغ أمها ..ليش أنه مشعل أختفى .. ومطر سئل عنه كل المراكز بس قالوا محد معنا بهألأسم .. مطر ضن في لحظة انه مشعل حب يتهرب من مسئولياته كالعاده .. ما تصور في لحظة أنه مخطوف من قبل منال
مهره بحزن وهي تمسح على راس أمها : امايه انتي صرتي الحين احسن .. وقادره تستندي على حيلج
ام مشعل بحزن : يعني بترحعوني البيت خلاص
مهره بضيج : هيه اميه .. لحد ما تخلص فترة العزاء ..........
ام مشعل بخوف : ليش من اللي مات !!!!!!!!!!!!!!!!!! ميثاء بنتي وينها .. ابا ميثاء .. وين بنتي وينها !!
مهره وهي تهز راسها : لا يا أميه .. ميثا بخير بس
قاطعتها أم مشعل بحزن : عيل وينها عني .. ليش للحين ما زارتني ؟!!
مهره بحزن : اميه أبوي عطاج عمره
أم مشعل أول ما سمعت هـ الرمسه .. كأنه فيه أحد صب عليها ماي بارد .. وتمت تقلب عيونها وعقبها وجهت أنظارها حق مهره وتمتمت بضيج : تقصين علي صح
مهره ودموعها اربع أربع : لا يا اميه .. أبوي مات .. ابوي ما كان مسافر نفس ما فهمج .. كان عايش بين القبور
ام مشعل وهي تصكر اذونها بيديها وتمتمت بعصبيه : لا مستحيل .. ابوج مسافر وراح يرجع .. انتي وحده كذابه كذابه
مهره وهي تحاول تهديها بس أم مشعل دزتها بطريقه غريبه وتمت تصارخ : طلعي برع .. انتي حسوده .. انتي وهذا اللي واقف معاج سبب كل اللي قاعد يصير فينا .. طلعي برع .. انتي مش بنتي .. ولا حتى أنا اعرفج يلا فارقي
مهره ودموعها أربع أربع: حرام عليج يا أميه .. ارحميني
ام مشعل التنفس بداء يضيق عندها .. وبدت تختنق ..
مهره بخوف : امايه بلاج شو اللي أستوى عليج ؟؟؟؟؟!!!
مطر من كثر خوفه على طول راح وزقر الدكتور .. وتم يكشف عليها .. وطلب منهم يودوها العنايه
مهره بخوف : دكتور ليش بتودوها العنايه !! امي شو صار عليها
الدكتور بحزن : للاسف امج تعرضت لجلطة
مهره هنيه ما قدرت تتحمل ورجولها خانتها وجلست ع الارض وتمتمت بضيج : انا السبب .. انا السبب
مطر وهو يسندها : مهره اذكري ربج .. هذا قدر ومكتوب وانتي ما سويتي شي غلط .. والساكت عن الحق شيطان
مهره قاطعته بألم : بس انا دمرتهم
مطر بحزن : طمعهم اللي دمرهم مش إنتي يا مهره ..!!
مهره ودموعها أربع أربع : والحين شو بيدنا نسوي .. ابوي شو مصيره .. من الصبح وهو بالثلاجه
مطر بحزن : ما بيدنا شي غير نصبر .. لحد ما نحصل مشعل ..
مهره ودموعها أربع أربع : يارب يكون بخير .. وعسى ميثاء تقوم بالسلامه .. ما راح \استحمل صدمه ثانيه
::
::
نوف بعصبيه : بلاه هذا غبي ولا مخرف !! وحده قتلت بنته ليش مب راضي يطلقها
غاده بضيج : نوف بس خلاص !! هدي شوي
فاطمه بحزن : نوف ما قالت شي غلط .. هذا بس اللي معور قلبي .. عقب كل اللي سوته فيه وبعده متمسك فيها
نوف بسذاجه : لا يكون مسويتله سحر
فاطمة بابتسامة سخريه : هههههههههههه هذي دكتوره وما ضنتي بتؤمن بهالخرافات
غاده بضيج : كلام فاطمه صح .. تتوقعين حمود للحين يحبها .. لا متعاطف معها
فاطمه بحزن : ما أدري .. مب قادرة أفكر أو حتى اركز
قاطعتهم ام غاده وهي تصيح بحرقه : غاده يا بنيتي قومي خلينا نروح صوب المستشفى .. مطر توه متصل ويقول مهره تعبانه
غاده بخوف : ليش شو صاير !!
ام غاده بحزن : مطر ما قدر يبلغنا بلي صار .. حب يشاركنا فرحتنا برجعة الشركه .. وما خبرنا انه ميثا صار عليها حادث .. وام مشعل جاتها جلطه .. عقب ما بشكارتهم حرقت لها وجها .. وعمج يا غاده .. البقيه فحياتج
غاده بتوتر : كل هذا صار عند مهره ومحد بلغننا ..
نوف قاطعتها بألم : الله يكون بعونها .. اكيد الحين محتاجتلنا
فاطمه بحزن : مهره هذي اللي كنتوا تتكلمون عنها من شوي .. اللي رجعت حقكم عقب ما نهبه ابوها طول هـأ السنين
ام غاده بضيج : هيه يا بنيتي .. هـ البنت البذرة الوحيده الزينه فذاك البيت .. الله يعطيها على قد نيتها
غاده بتوتر : امايه انا بجيب عباتي .. وانتي ونوف أسبقوني على السياره
فاطمه بحزن : انا بتم هنيه
غاده بضيج : فاطمه ديري بالج على عادل .. ولا تخليه يروح مكان ..
فاطمه بحزن : توكلوا .. وخلي كل شي علي
::
::
مهره كانت قاعده على الزاويه وتصيح .. أم غاده أول ما شافتها راحت صوبها وتمتمت بحزن مهره يا بنيتي ليش ما خبرتونا باللي صار ..
مهره أول ما شافتها حضنتها وتمت تصيح بحرقه
ام غاده بحزن :/ البقيه فحياتج يا بنيتي .. مأجورة ان شاء الله .. هدي نفسج بس
مهره قاطعتها بألم : ابوي مات خالوه مات .. واختي ميثا فغيبوبه .. ومشعل مختفي وامي جاتها جلطه
نوف وغاده ما قدرن يستحملن هـ المنظر وتمن يصيحن من خاطر
ام غاده وهي تمسح على راسها : ان شاء الله بتفرج .. بس أنتي هدي نفسج شوي ..
مهره بحزن : انا السبب .. انا السبب
ام غاده بحزن : انتي ما سويتي شي غلط يا بنيتي !! هذا اللي أملاه عليج ضميرج .. واحمدي ربج
مهره وعيونها بدت تتوسع : خالوه أميه لو راحت صدقيني ما بسامح نفسي
ام غاده بحزن : لا تحاتي .. ان شاء الله ما عليها شر
غاده بحزن : مطر كنت تضحك وتسولف ولا خبرتنا باللي قاعد يصير مع مهره
مهره وهي تروح صوبها وتمتمت بحزن : انا اللي طلبت منه يسوي جذا .. ما حبيت أخرب عليكم فرحتكم
غاده وهي تحضنها : الله يهديج بس .. كيف تبينا نفرح وانتي قاعده تعاني بروحج
نوف بحزن : مهره انتي منا وفينا .. واللي يضرج يضرنا
مهره تمتمت بابتسامه : الحمدلله وجودكم خفف عني شوي
ام غاده بابتسامة حزن : نحن معاج يا بنيتي .. نحن اهلج .. وما راح نتخلى عنج ابد
مهره ودموعها أربع أربع : الله لا يحرمني من طيبة قلبج يا الغاليه ..
::
::
سعيد وهو قاعد يطالع ناصر و تمتم بقهر : نصور صار لك نص ساعه ساكت خلصني قول اشعندك
ناصر بتوتر : شوف سعيد ادري اني كنت أنسان صايع .. ومافي بنت في البلاد ما رمستها .. بس صدقني عقب ما خذيت عمره ودرت كل هـ الخرابيط .. وصرت من الشغل للبيت .. وطبعا كل فروضي من اول اصليها في المسجد صح
سعيد بابتسامه : فموضوع الصلاه محد نقد عليك .. كل فريضه تصلاها بالمسجد !! بس ليش هالمقدمات
ناصر بتوتر : يعني الحين لو سرت أخطب تتوقع بيوافقون علي
سعيد بخبث : والله شوف عاد .. إذا ما خبرتهم عن سوالفك اكيد بيوافقوا .. بس أذا خبرتهم ما ضنتي
ناصر قاطعه بحزن : بس انا خلاص ودرت هـ الخرابيط .. ومشيت سيده ..
سعيد بابتسامه : أنزينه والحين كيف تباني اساعدك
ناصر بتوتر : اباك تخلاهم يوافقون ..
سعيد وهو يضحك : يعني تباني أسير عندك يوم تخطب .. واجبرهم انهم يوافقوا
ناصر بخوف :................................................. .
سعيد بابتسامه : إنزين ما خبرتني من هذي تعيسة الحظ
ناصر بعصبيه : وليه سعود .. تراك ما تنعطى ويه أبد ..!!
سعيد بابتسامه : أنزين قول منو هذي سعيدة الحظ
ناصر بعد تردد طول : أختك ............................
سعبد كان يضحك وكلها لحظات وتلاشت الضحكه وتمتم بخوف : أختي ......!! ا
ناصر بتوتر أكبر : هيه آختك ..........
سعبد كان يضحك وكلها لحظات وتلاشت الضحكه وتمتم بخوف : أختي ......!! ا
ناصر بتوتر أكبر : هيه آختك ..........
سعيد بحيره : أي وحده فيهم
ناصر بسذاجه : يعني معقوله اتزوج الصغيره .. أقصد الكبيره .. عفراء
سعيد قاطعه : وانته وين شفتها .. من وين تعرفها !!
ناصر بتوتر : تذكر يوم صار الحادث على هلال .. شفتها فذاك اليوم .. وجيت صوبك عشان اسألك عنها بس أنته كنت معصب .. واشواء أني ما سألتك ولا كنت بتطلع حررتك فيني .. وبعدين بنت عمي دكتوره بالمسشتفى وخليتها تسأل مريم .. ويوم خبرتني انها أختك بصراحه خفت .. وتوترت .. وفقدت الامل بكل شي
سعيد قاطعه بجديه : وليش أن شاء الله !!
ناصر بخوف : ليش أنك داري عن سواد ويهي
سعيد بثقه : فعلا يا ناصر اللي سويته شي كبير .. وانا أعطيك اياها من آلآخر .. مستحيل أزوجك
ناصر بتوتر : بس أنا ربيعك !!
سعيد بعصبيه : وهذي أختي ..!! كيف تباني أزوجها واحد مثلك !!
ناصر بضيج : بس أنا تغيرت ..
سعيد بحزن : أعذرني يا ناصر ما اقدر
ناصر ودمعه أرتسمت على خده وتمتم بحزن : لا تحط في بالك .. ها أختك ولك حق الموافقه والرفض من رخصتك
سعيد بتوتر : ناصر تعال وين ساير
ناصر بحزن : سعيد مش مجبور تبرر موقفك .. صدقني ان مش زعلان ولا عتبان عليك . عن أذنك ..
سعيد وهو يضحك : ناصر تعال انا للحين ما جاوبتك
ناصر بعصبيه : سعيد بلاك ! شايفني مصخره جدامك .. من شوي تقول ما تقدر !!
سعيد بابتسامه : هيه بس كنت قاعد العب بأعصابك
ناصر وهو يروح صوبه وتمتم بحماس : يعني موافق
سعيد وهو يروح صوبه ويحضنه : تقدر تزورنا مع أهلك .. عاد انته ونصيبك
ناصر بعصبيه : لا حبيبي عقب ما تشوف هـ الزين كله غصب عنها بتوافق
سعيد قاطعه وهو أونه معصب : حتى اختي حلوة .. وشيخة البنات بعد ..
ناصر بابتسامه : فهذي صدقت .. المهم ما علينا .. الحين بسير افرح امي وابوي بهالخبر .. مساكين ودهم يفرحون فيني\ .. حتى بشكارتنا تاليا بتفرح .. اونها تبا تربي عيالي
سعيد بابتسامه : هههههههههههههههههه وانته ما تيوز عن سوالفك .. المهم نحن ننتظرك
ناصر على طول سار وحضنه : مشكور يا سعيد .. عيل اليوم بكون في بيتكم
سعيد وهو يضحك : لا مش اليوم .. ناصر أنته عارف الظروف خلنا نأجلها شوي
ناصر بحزن : هيه والله صدقك .. يلا مو مشكله ننتظر ..
سعيد وهو يضحك : أنزين ما بتشربنا شي
ناصر بابتسامه : من عيوني .. حتى لو تبا ذبيحه حاضرين
سعيد وهو يضحك : ذبيحه مره وحده .. لا أطلبلنا قهوه تكفي ......
::
::
المساء الساعه 8 مساء وتحديدا في بيت بو خليفه
خليفه بتوتر : سعيد شوف يا ترى حلو ولا أغير
عفراء وهي تضحك : خليفه أخلص هذي رابع كندوره تبدلها .. لا وناوي تفصخها .. ترى غاده شافتك .. وعارفه شينك من زينك .. يعني لا التعب نفسك ع الفاضي
سعيد بابتسامه : لا خليفه الحين تمام طالع تخبل .. هـ اللون لايق على لون بشرتك
خليفه بابتسامه : خلاص عيل .. بسير أتعطر وعقب نروح .. أسبقوني على السيارة ..
عفراء بابتسامه : سعيد انا بسير أجيب عباتي ..
سعيد بابتسامه : عفراء شرايج بناصر
عفراء بتوتر : أي ناصر \!
سعيد بابتسامه : ما شفتي واحد كان بس يهذر يوم حادث هلال
عفراء وهي تهز راسها : لا ولله بصراحه ما كنت مركزه عليه أبد
سعيد وهو يتنهد : بس هو شافج وعجبتيه وطالب القرب
عفراء بخجل : وأنته شو رايك
سعيد بابتسامه : شوفي انا ما راح اخبي عليج .. هو بصراحه كان وايد يكلم حريم .. بس بعدين الله هداه .. ولو ما متأكد أنه ماشي ع الصراط المستقيم .. كان رفضت عرضه اساسا
عفراء بابتسامه : كلنا نغلط يا سعيد .. وإذا هو تعدل نفس ما قلت .. يعني ما فيه شي يعيبه .. بس صلاته كيف ؟!
سعيد قاطعها بابتسامه : لا هو فصلاته ما مقصر . كل صلواته بالمسيد ..
عفراء وهي تتنهد : خله يتقدم وعقب يصير خير .. من رخصتك الحين
سعيد وهو ياخذ نفس عميق وتمتم بذهول : معقولة هذي عفراء !! لا ما أصدق .. أنا ما توقعت أنها بتوافق وبهالسرعه .. يلا أكلم أبوي بالأول وعقب يصير خير
سارة بابتسامه : هاه حبيبي بلاك قاعد هنيه .. عموه محتشرة وتقول أخرتونا
سعيد بابتسامة : والله نحن مالنا يد باللي قاعد يصير .. ها خليفه مأخرنا
سارة وهي تتنهد : بصراحه خليفه زين ما أختار .. انا كنت أعرف غاده من زمان .. وما نقدت عليها بشي
سعيد وهو يروح صوبها ويطبع بوسه على جبهتها : حتى أنتي بعد حبيبتي ما فيه مثلج
ساره بخجل : سعيد الهل يهداك تخبلت !! أخاف أحد يشوفنا
سعد بابتسامه : عادي زوجتي وانا حر .. أسوي اللي اباه
ساره بخجل وهي تبعد عنه : يلا انا بسير السياره
سعيد شدها من ايدها بطريقه غريبه ..وأرتمت بحضنه .. وضمها لصدره بقوه
ساره بخجل : سعيد لا اكيد أنته تخبلت
وكلها ثواني وقاطعتهم أم خليفه بعصبيه : ما شاء الله.. شو اللي قاعد يصير هنيه
ساره على طول استحت وأبتعدت عن سعيد ..
سعيد وهو يضحك : أمايه الله يهداج كان تأخرتي شوي .. خربتي علينا
ساره وهي أدوسه على رجله : جب فضحتنا
سعيد بحب وهو يمسك خصرها ويقربها صوبه وتمتم بخبث : آآآآي تخبلتي انتي وطبع بوسه فخدها
هنيه ساره ما قدرت تسوي شي .. ليش أنها عارفه لو تكلمت سعيد بيعاند .. و جهت أنظارها للأرض
ام خليفه وهي تروح صوبها وشدته من أذنه وتمتمت بعصبيه : اقول عن العياره .. ويلا أشوف قدامي
هنيه ساره تمت تضحك من خاطر .. سعيد تم يطالعها بنظرات غضب .. وعقبها قطعت ضحكتها
خليفه كان توه طالعه وريحة العطر .. تنروح من اخر الشارع
سعيد تمتم بابتسامه وهو زاخ راسه : ولييييييييييييييييييه سندرت راسنا بهالعطر
خليفه شم عنه وعطاه الظهره وتمتم بثقل : يا اخي معرس ومن حقي ..
::
//
فـــــــــي بيت غاده
غاده كانت متوتره .. وليش أنه فاطمه ماخذه دورة من عند مها في فن الميكب قدرت تسنع غاده شوي
نوف بابتسامه : يا ربي يا غاده تخبلين .. أخاف لا شافج خليفه يروح فيها
غاده بخجل : أقول عن العياره .. وبعدين أنتن اصريتن علي ولا أنا ما ناويه أحط شي بويهي
قاطعتها فاطمه بابتسامه : الله يهداج .. اليوم خطبتج ولازم تبرزي كل ملامحج الأنثويه
نوف وهي تضحك : هههههههههه فاطمه عندج فستان قصير
غاده بعصبيه : نووووووووووووووووووووووووووو ف !!
نوف وهي تضحك : والله فاطمه تقول أنا ما قصدت شي
فاطمه وهي تضحك : ودري عنج انا ما قصدي اللي في بالج .. جبي يلا
نوف سمعت جرس الباب وكانت سايره تركض وتمتمت بحماس : وناسه وصلوا
ام غاده وهي تشدها من أيدها وتمتمت بعصبيه : أنتي وين سايره !!
نوف وهي تلعب بخصلات شعرها : هاااااااااااااااااه !! ما سايره مكان .. بس عطشت وقلت اسير أشرب
ام غاده بعصبيه : أقول يلا سيري داخل .. عادل رجال البيت وما بيقصر
نوف وهي اونها زعلانه : انزين خلاص سايره
غاده وهي تضحك : تستاهلي .. وبعدين حبيت أقولج انه عبدالله مش معاهم
نوف وعيونها مبطله تمتمت بقهر : وش دخل هذا بهذا .. بلاكم اليوم علي
فاطمه وهي تروح صوبها وتمتمت بابتسامه : ملوا من حركاتج الطفوليه
نوف بضيج : أووووووووووووف متى أزوج وافتك !!
فاطمه وهي تروح صوب غاده : يلا غاده خلينا نروح صوبهم .. نوف سوالفها ما تخلص .. بتسندر راسنا
غاده وهي تلبس شيلتها : هاه كيف شكلي حلو
نوف ما قدرت تستحمل وتمتمت بحماس : والله قمر .. ملامحج الأنثويه كلها بارزه
غاده وهي تشد فاطمه من إيدها : يلا خلينا نروح .. الظاهر هـ الثرثارة ما ناويه على خير
نوف بعبط : الحين منو تقصد .. وعقبها راحت تركض وراهم .. هييييييي تريوووووني وين سايرين ومخليني
ام خليفه أو ما شافت غاده تمتمت بابتسامه : هلا والله بغاده .. صدق انج قمر نفس ما قال خليفه
غاده وهي تحب راسها وتمتمت بخجل : مشكوره خالتي ما تقصري .. حياكم تفضلوا
ام غادة بابتسامه : تفضلوا البيت بيتكم ............
طبعا مطر كان موجود عند عادل .. ليش أنه غاده اصرت عليه .. وما حب يكسر بخاطرها
عفراء بابتسامه : الف مبروك غاده تستاهلين كل خير
غاده بابتسامه ممزوجه بحزن : كل هذا بسبة وقفتج ويانا
عفراء قاطعتها بحزن : بس انا اللي فرقت بينكم
غاده بابتسامه : لا حبيبتي انتي مالج دخل هذا قدر .. وفي النهاية كنت من نصيبه
عفراء بابتسامه : الحمد لله
ام غاده بابتسامه : تو ما نور المكان
ام خليفه : منور بوجودكم
::
::
وعنــــــد الرياييل
بوخليفه : وهذا هو طلبنا يا مطر .. وعسى يكون لنا نصيب في بنتكم
مطر بابتسامه : والله والنعم فيكم يا عمي .. ودام خليفه وغاده موافقين خلونا نتوكل
عادل بسذاجه وأنظاره توجهت صوب خليفه وتمتم بقهر : خليفه ليش تخطبوها من مطر أنا اخوها .. وبعدين أنته نسيت شو قتلي .. راح تطلب أيدها مني أنا بس
الكل انفجر من الضحك بسبة كلام عادل
عادل بضيج : ليش تضحكوا .. ما حيدني قلت نكته
خليفه بابتسامه : خلاص عادل .. انا جاي اليوم اخطب أيد اختك غاده موافق
عادل بحماس : أكيد موافق
بو خليفه بابتسامه : بس يمكن غاده ما توافق
عادل قاطعهم بعصبيه : مو على كيفه ا.. انا رجال البيت .. وبخليها توافق
مطر بابتسامه : والله وكبرت يا عادل ..
خليفه وهو يطبع بوسه على خده : الله يخليك حق أهلك عادل
بو خليفه بابتسامه : دام انه البنت موافقه .. خلاص نحن خلص شغلنا .. والباقي على الحريم
نهـــــــــــــــــــــآية آلبــآرت
28-07-10, 10:57 PM
جديد مواضيع قسم القصص المكتمله
العرض العادي
