نوف ودمعه أرتسمت على خدها : لا تشغل بالك .. بس مضايقه شوي .. ممكن تخلاني بروحي
عبدالله بتوتر : إذا وجودي مضايقنج انا بروح
نوف قاطعته بتوتر : لا وين تروح .. وبعدها بلحظات تمتمت بخجل عقب ما خارتها هههه .. أقصد براحتك
عبدالله بابتسامه : نوف أنا ما كان ودي اجي صوب هنيه .. بس خليفه أقترح هـ الشي .. من رخصتج الحين
نوف تمت تشوف عبد الله وهو يبتعد عنها شوي شوي .. وكلها لحظات وقاطعته بصوت عالي : عبدالله .............
عبد الله أول ما سمع اسمه تم واقف وكان عاطنها الظهر : ....................................
نوف وهي تفرك بأصابعها وتمتمت بتوتر : ودك تصير محامي الشركه !!!!!
عبدالله أول ما سمع عرضها .. أبتسم .. وتم يتأملها بتمعن
::
هنادي بابتسامه : صبحكم الله بالخير
غاده وهي تمد ايدها وتسلم وتمتمت بابتسامه : الله يصبحج بالنور .. تشتغلين هنيه صح
هنادي بابتسامه : لا كنت اشتغل .. انا هنادي زوجة بو مشعل
غاده وهي تروح صوبها وتمتمت بابتسامه : مشكوره يا هنادي .. اللي سويتيه شي كبير !! عرضتي حياتج للخطر عشانا .. الله العالم لو دراء عمي شو كان سواء فيج ..!!
هناد بحزن : لا تحاتي شي .. اللي مثلي لازم يجازف .. عشان يضمن عمره الباقي
قاطعتها غاده : لا تحاتي شي هنادي .. راح ترجعين وظيفتج معززة مكرمه .. وها قليل في حقج
هنادي وعيونها بدت تتوسع : من صدقج !! انا يوم قالي مطر ما صدقت .. فقلت أسمع الكلمه من صاحب الشأن
غاده بابتسامه : ولا تشغلي بالج .. أنتي أكرمتينا .. وجا دورنا عسب نرجع جزء بسيط من اللي سويتيه
::
::
ميثا كانت حالتها خطيره .. وعندها نزيف داخلي .. وطول الوقت تهذي بعباره وحده
مهره وهي تقرب منها : ميثا بلاج يا الغاليه ..
الدكتور بتوتر : حالة أختج وايد صعبه .. ويمكن هي حاسه انها راح تروح فيها .. حاولي تفهمي منها من خالد اللي تقصده .. يمكن لا تكلمت هـ الشي راح يساعدها .. ويهدي من البركان اللي يغلي بصدرها .. ونقدر نساعدها
مهره بخوف : ميثا أي خالد اللي حابه تشوفيه .. خبريني يا آختيه
ميثا وصوتها متقطع وهي مب حاسه باللي حواليها : خالد أبا أشوف خالد .. أبا أموت وأنا مرتاحه ..
مهره وهي تمسح على راسها ودموعها أربع أربع : إنزين أي خالد !!
قاطعهم مشعل : مهره من صدقها هذي تبا تشوف خالد !!
مهره : هيه الدكتور قال ضروري تشوفه .. يمكن لا شافته تتحسن حالتها .. بس أي خالد هذا اللي تقصده
مشعل بعصبيه : ومن غير هـ الخايس .. خالد ولد جيرانا اللي ميثا كانت متعلقه فيه من صغرها
مهره وهي مبطله عيونها : خالد ما غيره ......................!! مشعل خلك معها أنا لازم اسير اشوفه
مشعل وهو يشدها من أيدها : أنتي تخبلتي شو .. كل اللي قاعد يصير بسبته .. وأنتي ناويه تخليه يجي يشوفها
مهره بعصبيه : انا ما راح أتعب نفسي .. وأتكلم عند واحد مجرد من كل الأحاسيس و الأنسانيه .. أختك قاعده تموت وأنته الحقد عامي قلبك .. اللي يصير بميثا يا مشعل بسبتك \أنته .. ولا تلوم أحد لوم نفسك
مشعل : كيف بسبتي .. نسيت أني تبرعت لها البارحه بنص دمي
مهره طنشته وراحت صوب برع
الدكتور وهو يروح صوبه: أخ مشعل !! وينك ؟!! من البارحه وأنا أدور عليك
مشعل بتوتر : الوالده كانت تعبانه .. هي بعد راقدة بالمشفى .. وتميت معها طول الليل
الدكتور : أنزين بغيتك شوي بالمكتب
مشعل بتوتر : دكتور عسى ما صاير شي خطير بأختي ولا أمي
الدكتور بحزن : لا أخ مشعل .. الموضوع يخصك أنته
مشعل بخوف : يخصني أنا ..
الدكتور: إنته ألحقني وساعتها راح تفهم كل شي
مشى الدكتور ومشعل تم يمشي وراه وهو منكسر .. والف علامة أستفهام بداخله
الدكتور وهو يقعد ع الكرسي تمتم بحزن : أخ مشعل .. الأنسان خطاء وخير الخطائين التوابين .. حط هالشي في بالك
مشعل بتوتر : دكتور بلاك !! ليش هـ المقدمه ..
الدكتور بحزن : راح أدش في الموضوع على طول .. مشعل أنته لك علاقات غير مشروعه
مشعل بتوتر : ..................................................
الدكتور بحزن : ما جاوبت على سؤالي !! عندك علاقات مشروعه
مشعل وهو يهز راسه بالأيجاب : .................................................. ...................................
الدكتور قاطعه بحزن : و يوم سويت هـ الشي .. ما خفت من شي أسمه أيدز ..!!
مشعل فز من مكانه وبطل أزرار كندورته وتمتم بخوف : إيدز ......................!! دكتور شصاير
الدكتور بحزن : للأسف أخ مشعل .. عقب ما تبرعت البارحه بالدم حق أختك ميثا .. أكتشفنا انك حامل المرض
مشعل ورجوله مب قادره تشيله وطاح على ركبته وتمتم بصوت متقطع : أنا فيني أيدز
الدكتور بحز ن: هذا اللي صار .. أنته حامل جينات المرض
مشعل وهو يشد رآسه وتم يصارخ بشكل هستيري : مستحيـــــــــــل !! مستحيــــــــــــــل !! انا ما فيني شي .. وبعدين كنت مآخذ آحتياطاتي .. كيف المرض بينتقل حقي !! انتوا أكيد غلطانين وكلها لحظات وأغموا عليه
::
::
خالد وروضه وأم محمد واحمد ومحمد راحوا صوب بو خالد .. اللي بداء يسترد عافيته
ام محمد كانت خايفه من ردة فعله .. وطول الوقت وهي واقفه بعيد .. وتتأملهم
بوخالد بابتسامه : أم محمد بلاج واقفه هناك !! قربي صوبنا
ام محمد بخطوات متثاقله وتمتمت بحزن : بوخالد ... انته مش زعلان مني
بوخالد بابتسامه : حتى لو كنت زعلان !! وقفتج معاي خلتني أنسى كل عاداتج السيئة !!
ام محمد ودمعه أرتسمت على خدها : انا كنت غلطانه . . واكتشفت هـ الشي متأخر .. وأتمنى تسامحني
روضه بتوتر : ابوي خالوه خلاص .. اللي فات مات .. نحن عيال اليوم .. صح خالد
خالد كان سرحان ويفكر ودمعته في عينه .. وما أنتبه على روضه
بوخالد بخوف : الا ما خبرتوني خوله وين !!!!!!!!! ليش ما أشوفها عندكم ..
خالد هنيه أنتبه .. وكأنه في أحد صب عليه ماي بارد وما عرف شو يرد على أبوه
قاطعتهم روضه بتوتر : هيه أبوي خوله عند أهلها .. بنت حمود الصغيره صار عليها حادث وتوفت
بو خالد وهو يهز راسه : لا حول ولا قوة إلا بالله العلي العظيم .. انا لله وإنا إليه راجعون ..
خالد أنتبه أنه تلفونه يرن وتمتم بابتسامه ممزوجه بحزن : عن أذنكم شوي !! عندي مكالمة
بو خالد بتوتر : ودي اصدق انه سبب حزن خالد هو موت بنت حمود .. بس قلبي يقول فيه شي كبير
ام محمد بخوف : بو خالد الله يهداك .. لا تشغل نفسك بهألأامور .. فكر بس فنفسك وصحتك زين
بوخالد بضيج : روضه حطي عيني بعينج وقولي الصدق .. خوله وخالد شو اللي صاير بينهم
روضه بتوتر : .................................................. .......
بوخالد بعصبيه : روضه أنتظرج .. قولي وخلصينا .. ولا تخافي ما راح يصير فيني شي
روضه بعد تردد طويل .. : إن شاء الله ابوي .. لا طلع خالد خبرتك ..
خالد بتوتر : أنتي أخت ميثا !! إنزين وانا اشو يخصني فيج ..!! مو كافي اللي جانا من وراكم
مهره قاطعته بتوتر : خالد لا تصكر .. ميثا صار عليها حادث وودها تشوفك ..
خالد بتوتر : صار عليها حادث !! ومتى هـ الكلام .. وبعدين ما بيني وبين أختج شي عسب تشوفني
مهره ودموعها اربع اربع : خالد عشان خاطري .. تعال شوفها بس هـ المره
خالد بدون نفس : يصير خير .. وصكر الخط
روضه وهي تروح صوبه وتمتمت بخوف : خالد عسى ما شر
خالد وهو ياخذ نفس عميق : هذي أخت ميثا .. تقول استوى عليها حادث وتبا تشوفني ..
روضه قاطعته بخوف : وشو قاعد تتريا .. تنتظرها تموت !! سير شوفها شو تبا .. يمكن لغز خيانة خوله ينحل
خالد أول ما قالت روضه جذا .. شل نفسه وراح ركض صوب ميثا\
ام محمد بخوف : شو اللي صاير
روضه وهي تاخذ نفس عميق : لا رجع خالد فهمنا !!
::
::
سارة راحت صوب أمها وتمتمت بضيج : شخبارها الحين
ام هلال بحزن : بعدها على حالها
ساره بألم : أمايه أشو رايج تخليني بروحي مع مريم .. بغيتها فسالفه
ام هلال قاطعتها بخوف : أخاف ناويه تحريها وتكدري خاطرها
ساره وهي تهز راسها : امايه عقب كل اللي صار وبعدج ما تعلمتي
ام هلال تضايجت من كلام ساره وراحت صوب برع
مريم بدت تبطل عيونها شوي شوي وحست بحركه وتمتمت بخوف : من هنيه !!
ساره وهي تمسح على راسها : أنا ساره لا تخافي حبيبتي
مريم ودموعها أربع أربع : ساره أنا وايد خايفه
ساره وهي تضمها لصدرها وتمتمت بضيج : من شو خايفه حبيبتي
مريم بحزن : خايفه من باجر
ساره وهي تضمها لصدرها وتمتمت بضيج : من شو خايفه حبيبتي
مريم بحزن : خايفه من باجر
ساره بألم : بس الحياه قدامج حبيبتي .. وهذا اللي بغيت أكلمج عنه
مريم بتوتر : شو فخاطرج !!
ساره : اليوم كنت عند فاطمه .. وترجيتها تسامحج .. وما تبلغ عليج ..
مريم وعيونها بدت تتوسع : وشو قالت !!
ساره بحزن : سامحتج يا مريم .. وقالت كافي اللي خسرتيه .. وما راح تتكلم عسب ما تخسري وظيفتج ومركزج
مريم ودموعها \أربع أربع : شو المقابل !! أكيد تبا حمود يطلقني .. سيري خبريها أنه حمود ما راح يطلقني ليش أنه يحبني .. أيه حمود يحبني .. وفاطمه ما تعني له أي شي
ساره بتوتر : مريم أنتي من صدقج
مريم بعصبيه : هيه من صدقي .. وبعدين حمود مستحيل يطلقني ليش أنه ما يقدر !!
ساره بخوف : مريم كلامج ترى كبير !! شسالفه !!
مريم بعصبيه : طلعي برع ما ودي أشوف ولا واحد فيك برع برع
::
::
بو حمود كانت عنده مكالمه وعقب ما خلص راح صوب حمود وتمتم بتوتر : حمود تعال ابيك شوي
حمود بخوف : امرني !!
بوحمود بتوتر : حمود انا مضطر أسافر .. طلعت عندي شغله ضروريه ولازم أروح أخلصها
حمود قاطعه بخوف : ابوي بس حالة خوله بعدها للحين ما استقرت
بوحمود بتوتر : وطي صوتك .. ما ودي احد يعرف
حمود بخوف : ابوي عسى ما صاير شي كايد !!
بوحمود وهو يهز راسه : حمود حاول تغطي على غيابي .. قولهم طلعت له شغله واضطر يسافر
حمود بخوف : بس أنته للحين ما خبرتني وين تبا تروح !!
بوحمود وهو ياخذ نفس عميق : حمود كل اللي أباه منك أطمني على خوله أول بأول .. وانا كله يومين وارجع
حمود بخوف : ابوي ترى بديت أخاف
قاطعه بو حمود بابتسامه : عقب أربع ساعات اكون أنا طرت خلاص .. وتقدر تبلغ أهلك زين
حمود بعدم أستيعاب : ان شاء الله
بوحمود بابتسامه : الله يقويك .. من رخصتك الحين ..!!
فهد أول ما شاف أبوه ساير راح صوب حمود : هاه حمود بلاه أبوي
حمود وبعده مش مستوعب وتمتم بحيره : علمي علمك !!
::
::
مهره عقب ما خلصت مكلمه خالد راحت تطمن على أبوها
الدكتور كان قاعد يفحص عليه وأول ما شافها تمتم بحزن : للحين حالته مش مستقره
مهره بتوتر : دكتور البارحه ما قدرت اسألك .. ليش أنه أمي واختي راقدين بالمشفى بعد
الدكتور بحزن : ابوج صار له أكثر من ثلاث أيام راقد قرب واحد من القبور .. وعقب ما أستفسرنا عرفنا انه قبر اخوه
مهره وعيونها بدت تتوسع : عمي !!
الدكتور : حالته وايد صعبه .. أدعي من الله يقومه بالسلامه .
مهره وهي تروح صوب أبوها وتمتمت بحزن : آآآآآآآآآه يا أبوي .. شوف المال شو سوى فيك ..لو عشت أنته وامي على قدكم ما كان راح يقصركم شي .. وعمي عمره ما قصر معاك .. بس أنته جازيته بالغدر .. ليش يا أبوي ليش !!
بومشعل ودمعه أرتسمت على خده :................................................. ....................................
مهره وهي تمسح دمعته من على خده وتمتمت بحرقه : ادري فيك أنك ندمان قد شعر راسك .. بس لا تخاف كل شي راح يتصلح .. وسامحيني يا ابوي .. ما صارت فرصه عشان أخبرك انه اللي رجع حق عيال عمي مش بس هنادي !! انا ومطر كان لنا يد في الموضوع .. ومطر تم يقنع هنادي أيام عسب توافق .. والحمدلله أشواء أنها أقتنعت في النهايه
بومشعل بداء يتمتم بصوت متقطع : سا محيني يا بنيتي سامحيني !!
مهره وهي تضغط على إيده وتمتمت بحزن : مسامحتك دنيا وآخره .. أهم شي قوم بصحه وسلامه
بومشعل تم يكح بشكل غريب وعقب تمتم بحزن : انا ما بقالي شي من عمري عسب أعيشه
مهره قاطعته بتوتر : لا أبوي ما راح تموت .. وراح ترجع تبنى نفسك من أول .. وكلنا بنكون حواليك !ّ!
بومشعل وصوته بداء يتقطع : مهره ديري بالج على أخوانج .. امنتج الله عليهم
مهره ودموعها أربع أربع : ابوي لا تقول جذا .. عشان خاطري .. انته راح ترجع مثل أول وآحسن
بو مشعل بصوت مبحوح : أخوانج فرقبتج يا مهره .. ديري بالج عليهم .. امنتج الله فيهم
مهره بخوف وهي تضغط على يد أبوها: أبوي انته مستحيل تخلانا وتروح .. انا محتاجه لك وايد
بومشعل تم يردد عباره وحده ( أمنتج الله فيهم ) وكلها لحظات وفارق الحياه ..
مهره وهي تهزه وتمتمت بعصبيه : ابوي قوم .. ما راح أخليك تموت .. قوم يا ابوي أنا محتاجه لك
قاطعها الدكتور بخوف : لو سمحتي طلعي برع وصد صوب الممرضه .. عطوني الجهاز بسرعه
مهره ودموعها أربع أربع : ابوي لا تموت وتخلاني .. ابوي أنا محتاجه لحنانك صارلي سنين محرومه منه
الممرضه بتوتر : نبضات القلب مب راضيه ترجع
مهره وهي تروح صوبها : سوو أي شي .. أبوي لازم يعيش .. ابوي مستحيل يموت مستحيل
الدكتور بتوتر : إذكري الله يا آختيه .. وخلينا نشوف شغلنا
مهره تمت تتأمل من بعيد وجلست ع الأرض وضمت راسها بين رجولها وصكرت أذونها بيديها
الدكتور وهو يهز راسه : .................................................. .
الممرضه خذت الشرشرف الأبيض وغطت بو مشعل
الدكتور وهو يروح صوب مهره : البقيه فحياتج ..
مهره وهي تفز من مكانها ودموعها على خدها مثل السيل : لآلآلآلآلآلآ مستحيل !! ابوي مستحيل يتخلى عني ويروح .. دكتور ابوس أيدك سوا شي .. رجعلي أبوي أبا أضمه لصدري ولو لمره وحده .. ودي أحس بحنانه وعطفه
الدكتور بتوتر : خليج قويه أختيه .. وهذا مكتوب ومقدر
مهره وهي تروح ركض صوب ابوها وتخوز اللحاف وارتمت فصدره وتمتمت بألم : أبوي قوم .. انته مستحيل تروح وتخلانا .. الكل محتاج لك .. ميثا تعبانه وامي وجها صار مشوهه .. يا الله أرحموني كثر شو أنا بستحمل .. شوي شوي علي .. حاسه نفسي ضايعه .. بيت أهلي انهد على راسي مره وحده .. انا السبب رجعت حق عمي ودمرت أهلي
::
::
مشعل بداء يسترد وعيه شوي شوي .. وأول ما بطل عيونه تصلب مكانه
................: بلاك خايف صح
مشعل بخوف وعيونه بدت تتوسع : .................................................. .....................
.........: أنته السبب !! بسبتك أنته أنا صار فيني كل هذا .. والحين خايف مني .. إنزين ليش .. في شي تغير
مشعل وهو يعدل جلسته وكان للحين تحت تأثير الصدمه وبداء يتلعثم شوي شوي .. ويقول كلام غير مفهوم
....... بعصبيه : إذا انته خفت مني !! أنا شو اقول عن نفسي .. بسبتك أنته كرهت شكلي .. أنعزلت عن العالم .. ليش يا مشعل سويت فيني جذا .. بس لأني حبيت أخلص بنت ضعيفه من بين إيدينك هاه .. ليش حرمتني من جمالي وأنا في عز شبابي .. بسبتك أنته كرهت الحياه .. طول عمري وأنا أكره اللي من أمثالك والحين صرت أكرهك أكثر وأكثر
مشعل بتوتر : أنتي ما متي
منال وهي تضحكك بسخريه : هههههههههههه وهذا كان حلمك .. تباني أموت .. بس لا يا مشعل هذاني واقفه جدامك .. يمكن نص ملامح وجهي راحت .. لكن بعدني منال !! منال القويه الصامده اللي دمرتها وحولتها للرماد ..
مشعل بتوتر : منال أنا ما كان قصدي أضرج ..............
منال وهي تضحك بسخريه : هههه حتى أنا ما ودي أضرك .. بس في النهايه ضريتك .. لا وبدون قصد ههههههههه
مشعل بتوتر : منال إنتي شو تقولين .....................!!
منال بسخريه : ههههههههههههههههه انا اللي وصلتك للي أنته فيه ؟!!
مشعل بتوتر : بعدني ما فهمت ..................!!
منال بحزن : بسبت أشكالك أنتقلي مرض الايدز .. وانا عسب أنتقم منك ومن اللي مثلك نقلت لك المرض
مشعل بعصبيه : يعني إنتي وراء كل اللي قاعد يصير فيني !!
منال بسخريه : صدقني ما كنت ناويه أقرب صوبك .. ليش أنك مش مستواي .. وكنت فنظري مجرد حشره .. حشره تركض وراء نحله وهي ولا معبرتنه .. بس بعد ما أتصلت فيني هنادي مكسوره .. ساعتها حطيتك براسي .. وبديت أقوي علاقتي معاك أكثر وأكثر .. لحد ما طحت في المصيده .. يعني راح تموت ذليل
مشعل بعصبيه : آآآآآآآآآآآآآآآآآآآآه يا الحقيره
منال بعصبيه : اللي سويته فيك كان بس عشان هنادي .. لكن أللي سويته فيني الحين راح تاخذ جزاه
مشعل بخوف : أنتي شو تقولين
منال بصوت عالي : حضرة الضابط هذا بعد من ضمن العصابه .. وكان شريك ابوي
مشعل بخوف : الشرطه !!
منال بابتسامة خبث : كلنا راح نروح السجن .. لا وأزيدك من الشعر بيت .. أذا مش أعدام أكيد مؤبد
مشعل وعيونه موجهه على الضابط : حضرة الضابط .. هذي كذابه لا تصدقوها
الضابط بعصبيه : قول اللي عندك في المركز .. وأحين يلا جدامي
وقبل ما يطلع وقفة جدامه هنادي .. مشعل أول ما شافها كان وده يخنقها .. وده يمحيها من على الوجود
هنادي بسخريه : هههههههههههه خبروني انه فيك إيدز !! لا وراح تنسجن مؤبد ..
مشعل كان يبا يضربها بس الضابط شده من إيده
هنادي بسخريه : هههههه خلاص يا مشعل .. مشعل القوي صار واحد ضعيف المرض قدر يتغلب على قوتك اللي كنت تتباها فيها قدام الكل .. ههههههه لا مش قدام الكل .. قدام الناس الضعيفه اللي مثلي .. سكتت شوي وعقب تمتمت بعصبيه .. وأسمعني يا مشعل راح أبلغ عليك وافضحك قدام الكل .. راح أخليك ما تسوى حتى حشره
مشعل بعصبيه : انتي جب ولا كلمه !! وانا ما سويت شي غصبا عليج .. كل شي كان بإرادتج
هنادي بسخريه : هههههه خلاص يا مشعل .. مشعل القوي صار واحد ضعيف المرض قدر يتغلب على قوتك اللي كنت تتباها فيها قدام الكل .. ههههههه لا مش قدام الكل .. قدام الناس الضعيفه اللي مثلي .. سكتت شوي وعقب تمتمت بعصبيه .. وأسمعني يا مشعل راح أبلغ عليك وافضحك قدام الكل .. راح أخليك ما تسوى حتى حشره
مشعل بعصبيه : انتي جب ولا كلمه !! وانا ما سويت شي غصبا عليج .. كل شي كان بإرادتج
هنادي على طول صكته بكف وتمتمت بعصبيه : أنا اشرف منك ومن عشره من امثالك .. أنته واحد نذل وحقير
منال بعصبيه : حضرة الضابط شيله من جدامي
هنادي وهي تركض صوب منال وتحضنها : آآآآآآآآآآآآآآآآآه يا منال .. للحين مصر أني وحده من الشارع
منال وهي تمسح على شعرها بكل حنيه : لا تحاتي راح تاخذي حقج منه وكامل بعد
هنادي بحزن : منال أنا أسفه !! صرتي مشوهه بسبتي
منال بابتسامه ممزوجة بحزن : لا محد له إيد باللي صار .. أنا أستاهل
هنادي قاطعتها بإلم : لا والله إنتي ما تستاهلين إلا كل خير .. وبعدين من صدقج ناويه تبلغي على نفسج
منال وهي تتأمل السقف : با قيلي بس شغله وحده .. وعقب ما أخلصها .. راح أسوي اللي يمليه علي ضميري
وعنــــــــــــــد مشعل .. اللي كان الشرطي يجره بشكل غريب
مشعل بعصبيه : حظرة الضابط أنا ما سويت شي !! منال هاي وحده جذابه
منصور بضحكة سخريه : ومن اللي قال اني ضابط هاه !! مبين علي صح !! ع العموم للحين منال ما بلغت .. بس عسب تضمن انك ما تفكر تشرد .. قررت أنها تحبسك لحد ما توديك وراء الشمس .. أنته وابوها واللي مثل أشكالكم
مهره أول ما شافت الضابط تصلبت مكانها وراحت ركض صوبه : حضرة الضابط بلاه أخوي
مشعل بخوف : مهره خلصيني منه هذا مش ضابط .. هذا ناوي يقضي علي وهو ومنال
مهره بتوتر : مشعل أنته شو تقول !! أنا مب فاهمه شي
الضابط بحزم : أخوج متهم بقضية مخدرات ..
مهره وهي تحط أيدينها على شفايفها وتمتمت بخوف : اشوووووووووووو؟!! مخدرات يا مشعل
مشعل بعصبيه : كذاااااااااااااااااااب !!
مهره وهي تستند على كرسي قريب وتمتمت بحزن : أنتوا بلاكم علي .. الكل ناوي يذبحني .. أبوي يا مشعل اليوم توفى .. أبوي راح وخلانا ... والحين انته تطلع متهم بقضية مخدرات .. وميثا ما أدري أي من البلاوي مسويه مع خالد !! علموني انا كيف بقدر أحل كل هـ المشاكل .. شتتوني وتوهتو فكري معاكم
مشعل بحزن ودموعه أربع أربع : آآآآآآآآآآآآآآآآآآآبوووووووووووووووووووي مات !!
مهره ودمعه أرتسمت على خدها : مات وهو يوصيني عليكم .. آآآه يا أبوي وصيتك جات متأخره .. عيالك ضاعوا خلاص .. الطمع والجشع ضيعهم ..
مشعل من الصدمه اللي هو فيها تم يصيح بحرقه .. ومنصور تم يجره صوب برع
مطر كان توه واصل وأول ما شاف مهره منهاره ركض صوبها وتمتم بخوف : مهره بلاج حبيبتي عسى ما شر
مهره على طول أرتمت بصدره وتمت تصيح من خاطر وتمتمت بصوت مبحوح : ابوي مات يا مطر !! انا قتلته .. من يوم ما عرف اني السبب بردة حلال عيال عمي ما قدر يستحمل .. ما قدر يستحمل أني اطلع أحسن منه .. مات وهو يوصيني على أخواني .. بس اخواني ضاعوا خلاص .. ومشعل متهم بقضية مخدرات
مطر بخوف : مخدرات
مهره بحزن : من شوي جات الشرطه وخذته .. سير شوف شسالفة يا مطر .. انا فكري مشتت
مطر وهو يبوس جبهتها تمتم بحزن : أفهم الموضوع وعقبها أرد لج خبر
::
::
بو خالد أول ما سمع السالفه حس الدنيا تدور فيه وتمتم بحزن ........ آآآآآآه وخالد كيف يصدق فـ خوله .. هذي بس يبيلها شوية ذكاء .. يعني وحده عاجزة مثل خوله .. كيف بتقدر تفكر بالغدر والخيانه .. لا وادخله البيت !!
روضه ودمعه أرتسمت على خدها : أبوي فيه جزء ناقص من القصه !! وهذا اللي معذب خالد
قاطعتهم أم محمد : مصير الحقيقه تظهر ..... بس أنته لا تحر نفسك
بوخالد بحزن : وكيف ما تبوني أحر نفسي .. إنتوا ما شفتوا اللي شفته .. خوله عانت من شي أسمه حنيفه .. كان بنسبالها كابوس .. وضلوا سنين عشان ترجع مثل أول .. بس حتى بعد ما كبرت .. صار بداخلها خوف من الناس ..وخالد هو اللي ساعدها تتخلص من هـ الشي .. عقب ما شافته كل حياتها تغيرت .. حست أنه الأمل رجع لها .. بس خالد رجعها لنقطة الصفر .. وعقب كل هذا ما تبوني أضايج
روضه ودموعها أربع أربع : كل شي راح يتصلح يا أبوي
بو خالد ودمعه أرتسمت على خدها : شو اللي يتصلح يا بنيتي ..!! خوله خسرت الآمان مره ثانيه .. باجر لا صحت راح تكره خالد .. ما راح تحس بقربه بالآمان .. ليش أنه هو اللي طردها بنص الليل
روضه قاطعته : بس خالد يقول ما طردها
بوخالد بألم : بس خوله يوم انطردت كانت عارفه انه خالد هو اللي سواء فيها جذا
روضه بتوتر : .................................................. ....
بوخالد بحزن : روضه وديني صوب بو حمود .. ودي اوقف معاهم فمحنتهم
ام محمد بخوف : بس أنته للحين تعبان
بوخالد قاطعها بحزن : ما عليكم مني .. أهم شي أكون قريب منهم وحواليهم
روضه بتوتر : على راحتك يا الغالي
::
::
ام حمود بعصبيه : كيف يعني أبوك سافر ..
حمود بتوتر : يقول طلعت له شغله ضروريه .. وكلها جم يوم وبيرجع
ام حمود قاطعته بعصبيه : وبنته اللي صار لها كم يوم بالعنايه ما فكر فيها !!
حمود بتوتر : امايه الله يهداج نحن كلنا حواليها
فهد قاطعه : ولو ما شغله ضروريه جان ما خلى كل شي وراه وراح ..!!
قاطعتهم مها بابتسامه : بلاكم ؟ََ امايه ليش معصبه جذا
هلال بخوف : عسى ما شر ؟!!
فهد : ابوي سافر مصر .. يقول عنده شغل
مها وهي تروح صوبها : امايه يعني ما تعرفين انه كل سفريات أبوي تجي صدفه .. المفروض تكوني تعودتي
ام حمود بعصبيه : بس الوضع الحين مختلف .. أختج صار لها كم يوم بالعنايه
مها بحزن : خوالي كلنا حواليها .. انتي بس هدي نفسج
وكلها لحظات وقاطعهم صوت بو خالد وهو يتمتم بحزن : الله يقويكم
فهد وحمود وهلال راحوا صوبه وسلموا عليه وتحمدوله بالسلامه
بوخالد بحزن : الله يسلمكم من كل شر .. بس طمنوني خوله شخبارها الحين
حمود بحزن : للحين على حالتها .. مره فوق ومره تحت ... أوقات حالتها تستقر وعقبها تتعب وتم تهلوس
بوخالد بألم : الله يقومها بالسلامه ان شاء الله .. إلا بوحمود وينه
فهد بابتسامه : أبوي اضطر انه يسافر مصر .. طلعت له شغله ضروريه
بوخالد بحزن : الله يرده بالسلامه !!
مها وهي تحضن روضه : شخبارج رواضي ..
روضه بابتسامه : الحمد لله بخير .. يسرج حالي .. خوالي شخبارها ؟!!
مها بحزن : بعدها على حالتها !!
قاطعتهم ساره بابتسامه : مهووووي بتردي البيت معنا .. ولا بتمي هنيه .. وأول ما شافت روضه أبتسمت شحالج
روضه بابتسامه : الحمد لله بخير يسرج حالي .. شخبار مريم
سارة بتوتر : وانتي من وين تعرفين مريم ؟!!
مها قاطعتها بخوف : انا خبرتها ؟!!
روضه وهي تاخذ نفس عميق وتمتمت بتوتر : هيه مها هي اللي خبرتني
ساره بحزن : الحمد لله بخير .. اليوم بنطلعها من المستشفى .. مها عسب جذا جيت صوبج
مها بتوتر : هاه سارة عسى ما شر
ساره وعيونها كانت مركزة على روضه .. روضه على طول فهمت وتمتمت بابتسامه : بخليكم على راحتكم
سارة بتوتر : أخاف أكون أحرجتها ؟!!!!
مها بخوف : لا تخافي روضه قدرت الموقف .. المهم علميني بلاها مريم ..
سارة بتوتر : مريم مصره أنها ترجع حق بيتها .. وقالت ما بتفارقه إلا عقب ما حمود يطلقها
مها بتوتر : سارة تصرفي .. مريم ما لازم ترجع البيت ..
سارة بخوف : وحمود ليش مب راضي يطلقها للحين ؟!! يوم هو ما يبيها ليش ما يطلقها وخلاص
مها بحزن : والله علمي علمج يا سارة ..........!!
سارة بتوتر : شوفي الأفضل أنها ترد البيت .. يمكن حمود يتحرك ويحررها من قيودها
مها وهي تتأمل وتمتمت بحزن : الله يسهل ..
روضه كانت قاعده تمشي بممرات المسشتفى لحد ما يخلص ابوها
........: بسبس بسبس بسبس
روضه وهي تصد صوبها أول ما شافته ضحكت وتمتمت بخوف : وأنا أقول من هذا اللي قاعد يلاحقني
فهد بابتسامه : مزيون صح
روضه وهي تضحك : شوي ما وايد .. بس تطمن عجبتني .. وإذا تبا رقمي حاضرين !!
فهد بتوتر : أنزين خبريني أبوج شو قال بعد ما عرف اللي سوته خوله ..
روضه وهي تهز راسها وتمتمت بحزن : اصلا ابوي ما صدق .. وهو مضايق على خوله .. أكثر من ضيقته على خالد
فهد بحزن : الله يكون بعونا .. هذي غيمة سوداء .. وما يندرى بتروح ولا !!
روضه قاطعته بضيج : بتروح ان شاء الله .. ربك كريم
منال كانت متغطيه كامل .. ولابسه قفازات .. ليش أنه ما شي في جسمها صاحي
هنادي بحزن : منال إنتي متأكده أنج حابه تروحي مركز الشرطة وتبلغي
منال بابتسامة : اصلا صار لهم زمان يراقبونا .. والحين جاء الوقت المناسب عسب أنتقم من ابوي وربعه اللي وصلوني لهـالحال .. وصدقيني ما راح أرتاح إلا لما أشوفهم مكسورين ومذلولين
هناد وهي تمسح على راسها : الله يساعدج حبيبتي .. وتأكدي أني معاج
منال تمت تقلب عيونها وأول ما شافت روضه تصلبت مكانها وتمتمت بصوت عالي ممزوج بصدمه : روضـــه !!
روضه أول ما سمعت أسمها تمت تقلب عيونها بكل مكان .. لحد ما ركزت أنظارها على وحده السواد صار ملبسها .. الصوت كان قريب من صوت منال .. وعقب هزت راسها وتمتمت بتوتر : لا مستحيل منال تكون بهالشكل
فهد بخوف : روضه بلاج ّ!!! ومن هذي منال بعد
منال بحزن : هنادي شفتي البنت اللي قدامنا وديني صوبها
فهد بخوف : روضه بلاج ّ!!! ومن هذي منال بعد
منال بحزن : هنادي شفتي البنت اللي قدامنا وديني صوبها
هنادي بتوتر : ان شاء الله حبيبتي
روضه شافت البنت تقترب منها أكثر وأكثر .. وبدت تتوتر وعقب راحت صوبها بخطوات متثاقله وتمتمت بألم : منال
منال وهي مش مصدقه أنه روضه عرفتها من خلف الغشاء وتمتمت بحزن : عرفتيني
روضه وهي تضغط على يدها وع طول حضنتها وتمت تصيح من خاطر : وكيف ما تبيني أعرفج .. لو ما أنتي الله العالم بحالتي كيف صارت .. أدري انه كل اللي صار فيج بسبتي ..سامحيني منال سامحيني
مال ودمعه أرتسمت على خدها من خلف الغشاء وتمتمت بضيج : انا استاهل يا روضه .. كنت دايم أتباهى بجمالي .. وهذا أنا خسرت كل شي بلحظة طيش من مشعل
روضه بخوف : منال ليش صاير فيج جذا .. وليش مب قادره اشوفج ..
قاطعتهم هنادي : انا بخليكم تاخذون راحتكم .. وصدت صوب روضه وتمتمت بحزن : روضه يا ليت لو تسيروا مكان هادي وتقعدوا تسولفوا فيه .. ليش \انه منال تعبانه وما تقدر توقف على ريولها
روضه بخوف : ان شاء الله ..
::
::
مريم طبعا أصرت انهم يرجعوها بيت حمود .. وحمود ما كان بيده يعارض .. واليوم كانت طلعت فاطمه من المشفى
حمود بحزن : هاه فاطمه بتردين البيت !! أميره ومايد مشتاقين لج
فاطمه ودمعه أرتسمت على خدها : برد يا حمود بس بشرط ..
حمود بخوف : امري حبيبتي
فاطمه بحزن : تطلق مريم !! انا صح أني سامحتها .. بس ما راح أقدر استحمل وجودها معاي فمكان واحد
حمود بتردد : مو قادر يا فاطمه .. حاولت بس ما قدرت
فاطمه ودموعها اربع ـأربع : يعني للحين تحبها !!
حمود بحزن : الحب ماله مكان في قلبي لغيرج .. صدقيني يا فاطمه .. بس الكلمه مو راضيه تطلع من حلجي
فاطمه تمتمت بقهر : خلاص عيل ... خلني هنيه بالمسشتفى عند ولدي ..
حمود قاطعها بخوف : بس ما راح يسمحون لج ..
فاطمه بحزن : انزين برجع وين ما كنت .. حمود إذا تباني أرجع لك طلق مريم .. وهذا هو شرطي الوحيد
حمود بتوتر : بــــــــ .......................ــــــــــــس !!
قاطعته فاطمه بقهر : بدون بس يا حمود !! لا طلقتها راح تعرف وين تحصلني من رخصتك
وطلعت من عنده وهي تصيح وتردد : يقول أنه يحبني ومحد في قلبه غيري .. ويوم طلبت منه يطلق مريم بكل وقاحه رفض .. نسى اللي سوته فيني وفي بنته .. ومع ذلك يكابر ويقول أنه ما يحبها .. آآآه يا فاطمه وأنتي الغبيه رجعتي تصدقيه مره ثانيه .. وأوهمتي نفسج انه حمود حبج خلاص .. لا يا فاطمه اصحي اصحي .. الظاهر أنا اللي بتطلق مش مريم .. بس ساعتها راح احرمك من اميره ومايد .. ما راح اخلي وحده مثل مريم تربيهم
حمود وهو يتاملها من بعيد ودمعته على خده وتمتم بحزن : سامحيني يا فاطمه سامحيني !!
::
::
خالد كان توه واصل وعلى طول راح صوب الاستعلامات وسئل عن ميثا ودلوه على غرفتها
خالد أول ما وصل تم يتأمل ميثا .. لون وجها صاير أزرق .. وجسمها كله إنتفاخات وتمتم بحزن : من اللي سواء فيج جذا يا ميثا .. معقوله فعايلج هي اللي وصلتج لهنيه ..
قاطعته الممرضه : عفوا أخوي .. أنته تصير لها
خالد بتوتر : هيه أصير لها .. طمنيني شخبار صحتها
الممرضه بحزن : للاسف من نص ساعه بس دشت في غيبوبه .. والله العالم متى بتصحى منها عن اذنك
خالد ضغط على إيده بقوه وتمتم بعصبيه : هذا وقته تدخل في غيبوبه .. مفتاح اللغز مع ميثاء بس
مهره كانت قاعده تكلم مطر وهو طول الوقت يهدي فيها
مطر بحزن : هدي نفسج يا الغلا ..
مهره قاطعته بحزن : كيف بقدر أعلم أمي انه ابوي توفى .. ومشعل مسكته الشرطة بتهمة مخدرات .. وميثا بين الحياه والموت .. مطر انا كثر شو بستحمل .. صدمه وراء صدمه .. احس حيلي نهد خلاص
مطر وهو يطبع بوسه على راسها وتمتم بحزن : انا معاج يا الغلا .. وبنبلغها رباعه .. وموضوع مشعل خليه علي
خالد تم يتأمل ميثا فتره وعقب راح مهره لمحته وراحت صوبه وتمتمت بخوف : أنته خالد !!
خالد بضيج : هيه انا .. اكيد أنتي أخت ميثاء !!!!!
مهره بتوتر : هيه أنا اللي دقيت عليك من شوي .. هاه بشر تطمنت على ميثاء !! وشو قالت لك ..
خالد بضيج : ما قدرت حتى اكلمها .. الممرضه خبرتني انها دخلت فغيبوبه من نص ساعه
مهره هنيه ما قدرت تستحمل وطاحت ..مطر تمتم بخوف : مهره بلا ج غناتي !!
خالد هز براسه وتمتم بحزن : الله يكون بعونها .. وراح يمشي بخطوات بطئية صوب غرفة خوله
هنادي لمحت مطر من بعيد .. وكان قاعد ينتظر الدكتور ..وراحت صوبه وتمتم بابتسامه : هلا مطر
مطر بضيج : هلا هنادي شخبارج !! ما شفتج بالشركه ..
هنادي بابتسامه : هيه كنت هناك من شوي .. بس ما قدرت أطول وحده من رفيجاتي كانت تباني بشغله ضروريه واضطريت أودر الأجتماع .. وقلت بعدين اروح صوبهم واشرح لهم ظروفي
مطر بحزن : زين ما تسوي ..!!
هنادي وهي تاخذ نفس عميق : وانته شو قاعد تسوى هنيه ؟! عسى ما شر
مطر بضيج : عمي بومشعل عطاج عمره
هنادي ودمعه أرتسمت على خدها وتمتمت بصدمه : من صدقك توفى ؟!!
مطر وهو يهز راسه : توفى اليوم الصبح .. وللحين محد عارف يبلغ عمتي ام مشعل .. ومهره تعبت علينا وطاحت
هنادي بحزن : مسكينه ما تستاهل !! الله يكون بعونها الصراحه
مطر بحزن : ربج يسهل
::
::
روضه ودموعها أربع أربع : طمنيني شخبار صحتج
منال بحزن : الحمد لله من الله زينه ..
روضه وهي تضغط على يدها وتمتمت بتردد : ممكن اسألج سؤال !
منال ابتسمت من خلف الغشاء وتمتمت بضيج : ودج تسألين ليش متغطيه ؟!! عقب ما كنت طول الوقت كاشفه
روضه وهي منزله راسها الأرض وحست أنها جرحتها : ............................................
منال بحزن وهي تخوز الغشاء وتمتمت بحزن : هذا السبب يا روضه .. وعقب رجعت تتغطى على طول
روضه أول ما شافت شكلها ما قدرت تستحمل وتمت تصيح من خاطر :...............................
منال بحزن : لا تصيحي يا روضه !! انا رضيت بنصيبي من هـ الدنيا .. الظاهر مكتوب لي الشقاء
قاطعتها روضه بألم : اللي معور قلبي .. اني انا السبب في كل اللي قاعد يصير لج
منال قاطعتها بحزن : لا أنتي مالج يد باللي صار .. كل هذا بسبة فعايلي
روضه بعصبيه : االله ينتقم من مشعل .. عسى أشوف فيه يوم اسود
منال بسخريه : مشعل ضاع خلاص .. راح اوديه وراء الشمس .. ولا تنسي أني نقلت له الأيدز
روضه أول ما سمعت هـ الكلمه اقشعر جسمها وتمتم بقهر : يستاهل هـ النذل .. الله العالم كم بنت دمرها
منال بضيج : أنتي علميني شو اللي صار !! وليش إختفيتي فجأة !!
روضه بحزن : مشعل أختطفني !! شافني وما حسيت بنفسي إلا أنا فظلمه .. لا وطرش وحده من رفيجاته عسب تزين لي طريق الرذيله ولو ما جاسم كان الله العالم بحالتي .. الظاهر البنت كانت تعزه حيل !!
منال وهي تتذكر جاسم وتيريزا وتمتمت بخوف : اللي طرشها مشعل أسمها تيريزا .!!!
روضه بحزن :؟ هيه تيريزا !!
منال تمتمت بحزن : الله يعينه عيل إذا كان قرب صوبها !!
روضه بخوف : أشو قصدج !!
منال بضيج : لا ولا شي لا تحطي في بالج .. وزين اني تطمنت عليج والحين لازم أروح
روضة وهي تضغط على إيدها وتمتمت بحزن : بعدني ما شبعت منج
منال بابتسامه : ما عليه الايام بينا وراح تشبعين مني .. عن أذنج ؟!!!
فهد أول ما شاف منال طالعه راح صوب روضه وتمتم بعصبيه : منو هذي ؟!!
روضه ودمعه أرتمست على خدها .. وهي تشوف منال تمشي بإنكسار وتمتمت بحزن : ها اللي خلصتني من مشعل
::
::
وقدام غرفـــة خوله ..
مها بضيج : هلال حبيبي انته للحين مريض .. قوم خلنا نروح البيت عشان ترتاح
هلال بابتسامة ممزوجة بتعب : لا خليني هنيه .. انا مرتاح
مها حست بغيره شوي بس ما حبت تبين وتمتمت بابتسامه : خلاص حبيبي براحتك
هلال مسك إيدها وتمتم بابتسامه ( عقب ما قراء الغيره بعيونها طبعا ) : قومي خلينا نروح ..
28-07-10, 10:43 PM
جديد مواضيع قسم القصص المكتمله
العرض العادي
