خوله حست بشي غريب .. بدت تحس اني اللي ضمته من شوي مش حضن خالد .. كانت حافظة ملامح خالد عن ظهر
غيب .. هنيه الخوف بداء يسيطر عليها .. حاولت تبتعد بس احضان ضاري كانت أقواء .. وضاري كان يشدها صوبه
وقبل ما تبتعد سمعت صرخه هزت كل ركن في البيت ............................!!!!
خالد اول ما دخل وشاف ضاري كيف حاضن خوله تمنى الأرض تنشق وتبلعه .. كل الدم اللي بداخله
تجمد .. ما صدق اللي قاعد يشوفه .. تمنى يكون حلم او مجرد سراب .. بس للاسف هـ الشي كان حقيقه .. هنيه ما
قدر يستحمل وجثا على الأرض ع ركبتيه وتمتم بعصبيه ممزوجه بدموع مغموره بقهر : خووووووووووووووووله !!
خوله أول ما سمعت صوت خالد تصلبت مكانها وتمتمت بخوف : خالد انته وين ؟!! صوتك بعيد وايد ؟!!!
خالد وهو يضحك ضحكة سخريه : انا وين هاه !! يا الخاينه .. بكل وقاحه راقده فأحضان هـ الخايس . انا اراويكم
خوله بخوف وهي تبعد يدين ضاري : انته من ؟!! خالد اذا انته واقف بعيد !! من هذا اللي يمي !! شو اللي صاير !!
خالد وهو يقرب صوببها ويصكها بكف وتم يكفخا بشكل جنوني : آآآآآآآآآآآآآآآآه يا الحقيره !! هذا جزاتي .. عزيتج
تخليت عن الكل عشانج .. وفي النهايه وبكل وقاحه تخونيني وفي وسط بيتي .!! ليش يا خوله ليش !! علميني !!
خوله وهي مب حاسه بضرب خالد تمتمت بضيج : خالد انا بروحي مب عارفه شو اللي يصير .. صدقني يا خالد
خالد وهو يشدها من شعرها ويضرب بـ راسها على الأرض : وربي راح اذبحج .. اليوم راح تكون نهايتج
خوله ودم راسها بداء يسيل وتمتمت بألم : خالد حرام عليك .. راسي يعورني .. وربي انك فاهم غلط
ضاري طبعا ناوي يشرد بس خالد على طول مسكه وتمتم بعصبيه : وين تبا تروح يا الخايس هاه ؟!!
ضاري بخووف : خالد انا ما سويت شي .. شسوي يوم زوجتك حبتني .. اصلا نحن نحب بعض من زمان بس انته حرمتني منها بين يوم وليله .. هي حاولت تنساني نفس ما انا حاولت بس محد قدر ينسى الثاني ..
خوله أول ما سمعت هـ الكلام دارت فيها الدنيا .. ما صدقت اللي سمعته من شوي .. وعرفت انه فيه مصيبه بالطريق
.. وهـالمصيبه راح تخليها تخسر وايد .. ويمكن تخسر حياتها بعد .. فجأة صحت من هلوستها وتمتمت بعصبيه : خالد
هذا واحد كذاب لا تصدقه !! انا عمري ما شفته ومستحيل اكون حبيته .. انا محد دخل حياتي غيرك يا خالد ..!!
ضاري بحزن : لا يا خوله .. خلاص كل شي صار واضح !! خلينا نخبره بالحقيقه .. حبنا صار له سنين مدفون
خوله بعصبيه : جب ولا كلمه !! خالد ابوس ايدك لا تصدقه خوله تمت تدور على خالد وفي كل مره كانت تصطدم بشي
خالد مسك ضاري من رقبته وتمتم بعصبيه : اليوم راح يكون آخر يوم بحياتك وصد على خوله وكمل ..وحياتها بعد ..
ضاري بعصبيه : اقتلني انا بس خوله لا .. انا اللي أجبرتها .. و الشوق هو اللي جرنا للغلط
خالد وهو يطبع إيده فوجه ضاري:آآآه يا الحقير .. بكل وقاحه قاعد تقول انه الشوق جبركم تخونوني وفي نص بيتي
خوله وهي تجلس ع الأرض وتصيح بحرقه : خالد ابوس ايدك لا تصدقه .. هذا واحد كذاب ويبا يفرقنا عن بعض
خالد بعصبيه : آآآآآآه يا خوله شوفي الملابس اللي فوقج وعقب تكلمي !! بس انتي عمياء فما راح اعتب عليج
خوله بعصبيه : خالد كافي حرام عليك .. وربي انا للحين مب فاهمه السالفه .. وهالشخص ولا عمري شفته و عرفته
ضاري بعصبيه : خالد حرام عليك نحن ما سوينا شي غلط .. الحب مش حرام .. وكل شي فيه مباح
خالد هنيه ما استحمل ومسك غرشة عطر وكسرها على راسه .. ميثا حطت يدها على شفايفها
ضاري طبعا كان يرمقها بنظرات ويباها تتصرف .. بس ميثا تخلت عنه في عز حاجته لها .. وتمت تراقب من بعيد
ضاري هنيه حس بطعم الغدر من ميثا .. بس ما حب يبين وتمتم بسخريه : خالد سير أدب زوجتك وعقب تعال حاسبني
خالد طنش ضاري وتم يضربه بشكل جنوني ..خوله تمت مصكره على اذونها وتردد عباره وحده : انا ما سويت شي !!
هنيه ميثا قررت انها تدخل .. لانه راس ضاري صار متخيس من الدم وخافته يموت وعقبها تخسر كل اللي خططت له
وكان قريب منها مجسم صلب مسكته ووجهته على راس خالد .. وكلها ثواني وما حس باللي حواليه
ميثا وهي تقرب منه : كمل الخطه وعقب راح نتفاهم ... تصرف كأنك خالد وطردها برع البيت
خوله حست بأصوات غريبه وأول ما سمعت ضربة الراس تمتمت بذهول : خالد انته شو سويت .. وكلها ثواني وحست بجسم صلب يشدها صوب برع بطريقه وحشية .. خوله تحسبته خالد وقاطعها صوت ميثا
ميثا وهي تمثل انها خايفه : خالد كبر عقلك !! مو كافي انك قتلت الرجال .. خوله مسكينه ونقص عليها
خوله بعصبيه : ميثا جب ولا كلمه .. انا ما سويت شي غلط .. منو هـ الرجال تكلمي !!
طبعا ضاري شدها صوب برع وفرها قدام باب البيت
خوله بحزن ودموعها اربع اربع وهي تحس بالبروده : خالد استر علي !! لا تطردني وانا بهـ الشكل
ميثا وهي تسوي روحها مضايقه : خوله خالد راح خلاص .. خليني اروح اشوفه اخاف يسوي بنفسه شي
خوله بحزن : ميثا عطيني قطعه من داخل استر فيها نفسي .. بس ميثا طنشتها وصكرت الباب بقوه
خوله وهي تضرب الباب بقو : بطلوا الباب .. خالد بطل .. استر علي.. استر علي .. انا ما سويت شي غلط
ميثا بتوتر : حنيفه وين ؟!!
ضاري وهو يمسك تلفونه : الحين اتصل عليه واخليه يجي ياخذها من قدام باب البيت ..!!
ميثا بتوتر : خلاص دق عليه .. وانا بروح اصكر باب المطبخ . اخاف ينشون من صوت هـ الضجة وعقبها نتوكل
ضاري : بسرعه يا ميثا .. اخاف خالد يصحى في اي لحظة ..
ميثا وهي تأشرله من بعيد ثواني بس
ضاري وهو يكلم حنيفه : خوله عند الباب..!! لا وجاهزه !! سواء اللي تباه فيها .. الكوره فملعبك والغلط ممنوع فاهم
حنيفه واللعاب بداء يسيل من ثمه كان متلهف على شوفت خوله بعد ما كبرت وتمتم بلذه : اوكي!!
::
::
روضه بتوتر : فهد انته وين موديني ؟!!! انا مب فاهمه شي
فهد بابتسامه : الحين تفهمين تعالي بس
نايف أول ما وصل حصل سعاد قاعده تتكلم بالتلفون وتمتم بعصبيه : انتي شسويتي ؟!!
سعاد بتوتر : خلود اكلمج عقب مع السلامه !! نايف بلاك اشو اللي أستوى عليك ؟!!
نايف بعصبيه : انتي تخبلني ! كيف تجرأتي تخبري فهد عن نتايج التحاليل
سعاد بحيره : انزين شو الغلط في الموضوع .. أخو وحب يتطمن على اخته
نايف بسخريه : آخووووووووووووووووووووووو؟؟؟!!!! لا حبيبتي هذا حبيب قلبها
سعاد بتوتر : أشو !! حبيب قلبها ؟!!!
نايف : آآآآآه يا سعاد قبل ما يدخل فهد بثواني روضه كانت راح توافق على عرضي .. بس انتي خربتي علي كل شي
سعاد بخوف : لحظة لحظة !! ممكن توضح أكثر .. أنا مب قادره أستوعب شي ..
نايف بحزن : عقب ما عرفت انه فهد ما يصير أخوها .. وانه حب حياتها قررت ألعب بنتيجة التحاليل لصالحي
سعاد بضيج : نايف انته تخبلت !! كنت تبا توهم روضه انه شرفها نسلب وخسرت عفتها ؟! بس عسب توافق عليك !!
نايف بحزن : جان لازم اسوي جذا .. أحبها يا سعاد وما ودي أخسرها وانتي لازم تساعديني
سعاد بضيج : وكيف تباني اساعدك !! تباني اوهمها انه شرفها نسلب وهي بعدها للحين عذراء .. لا يا نايف سكت في
البداية بخصوص طلعتها من المستشفى بس الحين مستحيل أسكت .. لازم تخلصها من هـ السجن وتخلاها تشوف حياتها .. كافي يا نايف .. روضه مش من نصيبك .. هي اختارت فهد وانته لازم تشيلها من راسك
نايف بعصبيه : ما راح أسمح لها تطلع من هنيه إلا وهي على ذمتي فاهمه .. حتى لو أضطريت أحجزها
سعاد بعصبيه : لا يا نايف روضه كان المفروض تطلع من هنيه من اربع شهور .. بس حبك عماك وخلاك تحتجزها كأنها اسيره عندك .. عشان خاطري يا خوي انساها وخلاها تشوف اللي يناسبها ..!! روضه مش من نصيبك
روضه أول ما سمعت هـ الرمسه نزلت دموعها اربع اربع وتمتمت بضيج : فهد شو اللي سمعته من شوي ؟!!
فهد ع طول شدها من ايدها ووداها صوب برع .. طبعا روضه كانت للحين مصدومه ومش واعيه للتصرفات فهد
فهد بضيج : روضه تعالي خلينا نروح .. اهلج محتاجين لج .. ادري اللي مر عليج كان قاسي بس لازم تنسيه !!
روضه بضيج : فهد انته ما سمعته شو يقول !! المفروض كنت طالعه من أربع شهور .. اربع شهور وانا بين أربع
جدران .. وانا الغبيه توقعت انه اللي قاعد يصير شي طبيعي .. عشان جذا طول هـ الفتره ما سمح لي أحتك مع أي احد
فهد وهو يمسح على راسها : روضه خلينا نطلع .. اذا راح نايف صوبج وما حصلج راح تستوي عوده
روضه بضيج : لا يا فهد مستحيل أطلع من هنيه !! لازم أفهم بالأول هو ليش سوا فيني جذا !!
فهد بضيج : روضه نايف حبج .. بس حبه كان حب تملك حبج تكوني قربه .. خلينا نروح
روضه بعصبيه : ما راح اروح يا فهد .. ما بتحرك من مكاني لحد ما أواجهه وأعلمه أني كشفته على حقيقته
فهد بعصبيه : مش على كيفج .. شدها من إيدها وركبها السياره .. وأتصل على جاسم وخبره يدبر سياره
روضه بعصبيه : فهد نزلني .. انا لازم افهم هو ليش سوا جذا .. ليش مب راضي تفهمني
فهد بضيج : روضه حبيبتي لا هدت الأمور تعالي وأفهمي منه كل شي زين
روضه باقتناع : .................................................. ..........
فهد أبتسم وحرك السياره وراحو ...
الممرضه وهي تركض صوب مكتب نايف : دكتور روضه محد فحرجتها
نايف بخوف : إنتي شو تقولين ؟!! من صدقج !!
سعاد بابتسامه : أحسن شي تسويه .. لا تحرق أعصابك اخوي .. الظاهر انها أختارت فهد وراحت معاه
نايف بضيج : معقوله تروح جذا .. حتى ما فكرت تشكرني !!
سعاد : نحن ما نعرف شو أسبابها ... أو شو اللي خلاها تتصرف جذا ..!! بس أكيد راح ترجع وبتتضح الصوره
نايف وهو يشد شعره على وراء : آآآآآآآآآآآآآآآآآآآآآآآه يا روضه ليش تروحي وتخليني ليش !!!
سعاد بألم : مع أنه هـ التصرف ضايجك .. بس اللي سوته روضه هو الصح
نايف وهو يشد شعره على وراء : آآآآآآآآآآآآآآآآآآآآآآآه يا روضه ليش تروحي وتخليني ليش !!!
سعاد بألم : مع أنه هـ التصرف ضايجك .. بس اللي سوته روضه هو الصح
::
::
غاده بضيج : آآآآه يا نوف للحين مش مصدقه اللي سمعته من شوي ؟!!
نوف بضيج : مريم وحده مريضه .. كانت تحفر قبرها بأيدها وهي مش منتبهه على نفسها
غاده بتوتر : بس لا درت فاطمه انه اللي قتل ميره هي مريم كيف راح تتصرف ؟!!
نوف وهي تاخذ نفس عميق : شوفي نحن راح نحترم رغبة فاطمة وراح نسوي نفسنا عادي كأنه ما صار شي
غاده بضيج : هذا أنسب حل .. خلينا نتوكل .. اكيد أمي قاعده تحاتينا ..
مريم كانت سانده راسها على زاويه وتصيح : آآآآآه يا مريم كل شي بنيتيه وخططي له راح خلاص.. بالأول خسرت
ثقتي بنفسي وعقبها خسرت حب حمود وبعدين خسرته وخسرت قلبه .. وفي النهايه استويت مجرمه .. يا الله انا شو
سويت بنفسي !! حمود يمكن ما بيقدر يطلقني بس نظرات الحقد راح اتم محفوره في عيونه .. وعمي ما راح يسكت ..
باجر راح يبلغ ابوي وبتصير فضيحتي بكل مكان .. وسكتت شوي وعقب كملت لا مستحيل يضرني انا أتم بنت اخوه ..
بوحمود قاطعها بعصبيه : مريم سيري حجرتج وباجر لي حكي ثاني معاج .. وابوج والشرطه بيكونوا أول الحضور
مريم وهي تروح صوبه : عمي انا ما أنكر اني دزيتها .. بس والله ما كان قصدي
بو حمود بعصبيه : والله لو ما الوقت متأخر كان طردتج .. وفريتج في الشارع .. بس حشمه حق أخوي .. يلا اشوف فارقي .. مريم شلت عمرها وراحت تركض صوب حجرتها ودمعتها على خدها
بوحمود حس بتعب وام حمود راحت صوبه وتمتمت بخوف : بو حمود فيك شي ؟!!
بوحمود بحزن : فيني غصه يا أم حمود !! قاعد أفكر بالمسكينه فاطمه .. طردتها وما رأفت بحالها .. كانت تتوسلني
وتحلف بعيالها انها ما سوت شي .. ومع ذلك مع سمعتها وطردتها كانها حشره .. لا وكنت ناوي اقتل ولدها .. ما توقعت كل هـ الشر بداخلي يا ام حمود .. تتوقعين فاطمه راح تسامحني !!!
ام حمود وهي تمسح على راسه : والله ما ودي اكذب عليك واقول بتسامحك .. لو كرهتنا محد يلومها
بومحمود بضيج : بس مريم هـ الطيبه الخلوقه يطلع منها كل هذا ؟!! إنزين ليش ؟! حمود عمره ما قصر عليها
ام حمود بحزن : اكيد الحب كان عامي قلبها .. وحست انه فاطمه خذت شي ملكها .. وقررت تعاقبها وبطريقتها
بوحمود بعصبيه : بس هذي طريقة مخابيل !! هذي مش صاحيه أكيد .. ولا في وحده عاقل تسوي سواتها !!
ام حمود بخوف : بو حمود خلني اروح صوبها .. اخاف تسوي بنفسها شي
بوحمود بعصبيه : لا تمي معاي .. خليها تتأأدب !! وبعدين لا تخافي عليها .. هذي ما فيه أدهى منها
ام حمود بضيج : انزين مريم واحتمال كبير حمود يطلقها !! بس سناتا شو مصيرها
بوحمود بحزن : ودي اقرر بس بالأول خليني أشوف فاطمه .!! وساعتها لكل حادث حديث
مريم أول ما وصلت غرفتها رمت بثقلها كله فوق الكرفايه ..
مريم بحزن ممزوج بهلوسه : لا مستحيل اللي صار من شوي .. ما أصدق .. حمود لي وبس .. حمود ما راح يقدر
يطلقني هههههههههه ايه ما راح يقدر يطلقني .. حمود راح يطلق بس فاطمه ليش انه ما يحبها .. حمود حقي انا تفهمون .. وقامت تكسر الأغراض اللي بالغرفه .. لحد ما صارت اشبه بسرداب ..
حمود كان يتمشى بسيارته والدموع كانت محفوره على خده : ليش يا مريم سويتي فيني كل هذا .. هذا جزاتي يوم اني
عزيتج .. اذا كنتي تحبيني هـ الكثر نفس ما تقولين !! ليش ما تمنيتيلي الخير وابتعدتي عن حياتي .. آآآآآآآآآآآه يا مريم
انتي مو بس حرمتيني من فاطمه .. انتي المسئولة عن موت بنتي بعد .. ميره ماتت بسبتج .. وزرعتي فأميره هاجس
الخوف .. لو بغيت اسامحج ما اقدر .. كيف بقدر احط عيني بعينج عقب كل اللي سويتيه !! بس ليش مب قادر اطلقج
!! ليش في شي اقوى عني يمنعني !! معقوله أكون أحبج .. وانا مش حاس على عمري .. لا لا ما ضنتي .. أكيد في سبب ثاني .. وهو اللي مخلي اللساني مربوط .. بس شو يا ترى .. حاس نفسي بجن .. بستخف
مريم وهي تمسك غرشــة العطــر وتكرسها وخذت قطعه منها وتمتمت بابتسامه ممزوجه بجنون : مريم انتي لازم
تموتين !! هههههههه وبعدين شو فيها لو مت !! ترى عادي .. بقطع شرياني وعقبها بيجي عمي ولا حمود وبينقذوني
.. وبعدين بيشفقون على حالتي ومحد بيقدر يسوي فيني شي .. ههههه والله وطلعتي ذكيه يا مريم بس لا ما بقطع
شرياني .. أخاف دمي يخلص ومحد يلحق علي .. الحبوب أضمن ويبالها فتره لحد ما تسيطر على الجسم .. وفرت
الزجاجه وراحت صوب الدولاب وتمت ادور على علبة للحبوب واول ما حصلتها ضحكة ضحكة هزت أركان الغرفه ..
ههههه نفس ما سيطرت على أهلي وخليتهم يخافون علي من هاجس الأنتحار بالزرع هـ الشي في حمود وأهله .. وبجذا بكون قريبه منه وما راح يفرقنا غير الموت .. وخذت علبة للحبوب وتمت تشربها لآخر حبه ..
::
::
خوله وهي تضرب الباب ودموعها اربع اربع : بطلوا الباب .. خالد انا خوله حبيبتك .. ابوس ايدك بطل الباب..
سوزي وينج .. ليش محد راضي يبطل الباب !! خالد صدقني انا ما أعرفه .. ويوم حضنته تحسبته انت .. ريحة
عطرك كانت فايحه منه .. انا شو ذنبي ليش أني عمياء وما أقدر أميز الأشخاص غير من ريحتهم .. صدقني يا خالد انا
مالي ذنب .. انا مظلومه استر علي عسى ربي يستر عليك .. انا وايد بردانه .. ع الأقل عطني بدله ادفي فيها نفسي ..
بس محد كان يرد عليها .. هنيه خوله عصبت وتمت تضرب الباب بقوه وتصارخ بشكل هستيري
ميثا بتوتر : يا ربي هذي بتفضحنا .. وينه هـ الحنيفه !! ليش ما يا وخذاها ؟!!!
ضاري بتوتر : دقيت عليه وقال الحين بيروح .. يمكن ثواني ويكون عندها
سوزي أول ما سمعت صراخ خوله وياي من صوب برع .. حاولت تبطل الباب بس ما قدرت
ميثا بتوتر اكبر: ضاري الظاهر سوزي والخدم تأثير المخدر راح عنهم .. قوم خلنا نطلع من هنيه
ضاري بخووف : هيه يلا خلينا نروح ...
حنيفه اول ما شاف خوله قرب صوب أذنها وتمتم بشغف : خوله حبيب مال آنا
خوله أول ما سمعت هـ الصوت الذاكره بدت ترجع فيها لـ وراء .. هـ الكلمه محد كان ينطقها غير شخص واحد .. لا هو
مش شخص هو شيطان في جسم أنسان .. ومن كثر الخوف بدت ترتعش بشكل غريب .. وما قدرت تتحرك ولا حتى
تنطق بكلمه وحده .. مشاعرها تلخبطت .. الخوف كان سيد الموقف .. تمنت يكون هذا مجرد شك كابوس وبيتلاشى
حنيفه وهو يشدها من ايدها : آآآآآآآآآآآآآآآآآآآآآه يا خوله اليوم راح يصير حرمه مال انا مره ثانيه
أول ما نطق حنيفه هـ الكلمه كأنه غرس فصدرها خنجر وتمتمت بخوف : حنـــــــــــــيفه .........!!!!!
ميثا أول ما طلعت وشافت حنيفه تمتمت بعصبيه : حوه انت خذها من هنيه .. خالد ما يبا يشوفها
خوله وهي ادور على ميثا وتمتمت بخوف ممزوج بتوسل : ميثا هذا حنيفه .. اللي اعتدى علي يوم صغيره .. ابوس ايدج ساعديني ..!! لا تخليه يسوي فيني شي هذا مجرم
ميثا وهي تضحك ضحكة سخريه : حبيبتي انا ما اقدر اغير رغبة خالد .. خالد يوم أكتشف انج غدرتي فيه قرر انه يجيب حنيفه .. لانه هو أكثر واحد راح يخليج تدفعين ثمن اللي سويتيه .. وغالي بعد .. تحملي نتيجة أفعالج
خوله ودموعها اربع اربع وهي تصارخ : بس انا ورب الكعبه ما خنته .. انتوا من وين تجيبون هـ الكلام
ميثا وهي تقرب صوبها : حبيبتي خالد كان يراقبج .. وعرف كل اللي تسويه من وراه .. وتحملي النتايج !!
خوله وهي تتشبث بميثا وتمتمت بخوف : ميثا صدقيني انا ما خنته .. وبعدين خالد يحبني ومستحيل يضرني
ميثا وهي تصد صوب حنيفه وتمتمت بمكر : حنيفه منو اللي جابك أرض السلطنه مره ثانيه
حنيفه وهو يضحك : بابا خالد يجيب .. عشان يأدب حبيب قلبي خوله !!
خوله وهي تصكر أذونها بأيديها : مستحيل .. كل اللي قاعدين تقولوه كذب في كذب .. خالد يحبني ومستحيل يسوي
شي يضرني .. روحوا عني ما أبا اشوف او أسمع اي احد فيكم .. خلوني بروحي .. خالد يحبني تفهمون .. يحبني
حنيفه وهو يشدها من أيدها : لا خوله اليوم انتي في حرمه مال انا .. يلا حبيبي تعالي
خوله اول ما نطق هـ الكلمه حست انه الزمن راح يرجع من أول .. وكل اللي بنته طول هـ السنين عسب تنسى اللي
سواه حنيفه فيها راح ينهدم ..وتتكرر نفس القصه..بس في قوه كانت تصرخ من داخلها وفي وسط هلوساتها تمتمت
بقهر : اسمعني يا حنيفه .. يوم سويت سواتك اول مره وقتها كنت صغيره .. بس الحين انا كبرت .. كبرت يا حنيفه والله لو قربت صوبي لا ألم عليك خلق الله .. وقبل ما تكمل كلامها حنيفه صكر على ثمها وركبها السياره
ضاري بخبث : لا خلصت فرها قدام أقرب مستشفى وعقب تعال صوبي عشان ترجع لي السياره .. وأعطيك نصيبك
حنيفه وهو يأشر عليه من بعيد : ان شاء الله بابا ..
ميثا بابتسامة أنتصار : اووووووووف ما بغينا !! واخيرآ كل خطتنا مشت نفس ما نحن نبا !! ما باقي غير خالد يطلقها
ضاري وهو يقرب صوبها : لا حبيبتي انتي خطتج نجحت خلاص .. بس خطتي ناقصها اخر مشهد !!
ميثا بتوتر : باجر يا ضاري باجر .. يلا من رخصتك .. انا لازم أروح
ضاري خلاها على راحتها وتمتم بصوت واطئ ممزوج بخباثه : هيه هيه يا ميثا باجر راح تجي صوبي وبرجولج .. لا
وراح أوديج مكان بيعجبج .. فعلا باجر راح ينتهي أخر مشهد من قصتي اللي رسمتها مع ميثا ومشعل هههههههاي
::
::
فهد وروضه كانوا توهم واصلين .. روضه اول ما شافت البيت تمت تتأمله حوالي ربع ساعه ..
فهد تمتم بابتسامه : هاه مطولين في التأمل !!
روضه بحزن : ليش البيت هادي جذا .. ليش الأناره صارت خافته .. والليتات أغلبها مبنده !!
فهد بابتسامه : ترى محد فيه غير خالد وخوله
روضه قاطعته بحزن : ابوي ما كان يحب البيت بهـ الشكل . ودايما بعد ما يأذن المغرب يوصي الخدم يشبوا كل الليتات .. بس الظاهر انشغال خالد خلاه ينسى رغبات ابوي
فهد بضيج : لا تلوميه يا روضه .. طلعتج من البيت .. ومرض ابوج .. وحمل خوله اللي كل يوم بحاله .. وتره وكدره
روضه وعيونها مبطله وتمتمت بابتسامه : خوله حامل ...!!! لا تقولها !!
فهد بابتسامه : هيه صار لها خمس شهور الحين .. يعني بعد 3 شهور بتستوي عمه ..
روضه ودمعه ارتسمت على خدها : الحمدلله فيه خبر يفرح فوسط زوبعة الأحزان اللي مرت علي
فهد بخبث : يعني بس حمل خوله هو اللي فرحج
روضه بخجل : وانته يا فهد ..
فهد بابتسامه : انزين يلا انزلي أشوف .. ترى كل اللي في البيت مشتاقين حق شوفتج
روضه وهي تبطل الباب بحماس : والله انا أكثر ....
خالد أول ما قام حصل راسه متخيس من الدم : آآآآآآآآآه شو اللي صار !! ومن هذا اللي ضربني وسمع صوت باب المطبخ وراح صوبه واول ما بطل الباب تمتم بخوف : سوزي من اللي صكر عليج الباب
سوزي تمتمت بخوف : بابا ماما خوله كانت تصارخ .. شو فيه
خالد بقهر : خوله تصارخ !! وليش تصارخ .. اكيد لاني اكتشفت حقيقتها هـ الخايسه
سوزي بتوتر : بابا خالد .. شو صاير .. وين ماما خوله .. وانته ليش راسك فيه دم ؟!!!
خالد بحزن : خوله خلاص راحت .. وما ضنتي راح ترجع البيت مره ثانيه !! سوت عملتها وشردت ..!!!
::
حنيفه راح صوب مكان معزول وخوله طول الطريق وهي تصارخ .. وتبا احد يساعدها .. بس لا حياه لمن تنادي
حنيفه اول ما وصل بطل باب السياره بطريقه جنونيه ونزل خوله وفرها ع الأرض
خوله وكل جسمها صار بارد وقام يرتعش : حنيفه خاف ربك لا تسوى فيني شي .. ترى الله راح ينتقم منك
حنيفه ما سمع كلامها وتمتم بخبث : يوم صغيره كنتي حلو بس شوي .. بس الحين صرت وايد حلو ..
خوله وهي تزحف على ظهرها صوب وراء وتمتمت بخوف : حنفيه كبر راسك .. ترى يمكن تروح فيها وتنعدم
حنيفه وهو يقرب صوبها اكثر: خوله انا يحب انتي .. وراس مال انا فدوه عشان عيون مال انتي
خوله وهي تحس بأنفاس حنيفه بدت تتقرب منها أكثر أكثر .. تمت تحرك رجولها بشكل جنوني وضربته فصدره وهـ الشي خلاه يتراجع وتمتم بعصبيه : خوله انته مجنون !! شوي وكنت يقتل انا
خوله وهي تحس بأنفاس حنيفه بدت تتقرب منها أكثر أكثر .. تمت تحرك رجولها بشكل جنوني وضربته فصدره وهـ الشي خلاه يتراجع وتمتم بعصبيه : خوله انته مجنون !! شوي وكنت يقتل انا
خوله وهي تصارخ ودموعها محفوره على خدها : الأنذال اللي مثلك لازم يموتوا
حنيفه عصب وبداء يقطع ملابسها .. .. بطريقه وحشـــــيه .. ولا أستمع لصرخاتها وتوسلاتها ..
روضه أول ما وصلت حصلت باب البيت مفتوح وتمتمت بعتب : شو هـ التسيب !! ليش مخليين باب البيت مبطل !!
فهد بخوف : والله علمي علمج .. خلينا نروح صوب داخل ونفهم منهم السالفه
روضه شافت ريال منزل راسه ألارض وقاعد ع وحده من الغنفات ويصيح بحرقه .. واول ما ركزت ع ملامحه راحت تركض صوبه وتمتمت بخوف : خالد شفيك ؟!! ليش قاعد تصيح !! ابوي صار عليه شي ؟!!!! تكلم يا خالد
خالد أول ما شاف روضه ما قدر يتكلم وتم يتأملها وهو منذهل : .................................................. ..
روضه وهي تهزه : حالد أصحى !! انا روضه ابوي صار عليه شي ..
خالد ودمعه أرتسمت على خده وتمتم بذهول وهو يمسح على خدها : معقوله هذي انتي روضه !!
روضه على طول ارتمت في حضنه وتمت تصيح بحرقه وتمتمت بحزن وهي تمسح على راسه : هيه انا روضه
خالد حضنها وتم يصيح بحرقه وتمتم بحزن : ليش رحتي يا روضه !! من يوم ما أختفيتي والمشاكل ترفرف حوالينا
روضه بحزن : بس انا رجعت يا خالد ..!! وكل شي راح ينحل .. انته قولي اشو فيك
خالد وهو يشد شعر راسه على وراء : تعبان يا روضه انا تعبان
روضه اول ما شافت الدم في راسه تمتمت بخوف : خالد بلاه راسك
فهد وهو يروح صوبه تمتم بخوف : خالد اشو صاير ؟! عسى ما شر
خالد اول ما شاف فهد حس نار تشب في صدره وتمتم بقهر : اختك السبب يا فهد .. دمرتني .. طعنتني في الظهر
روضه بخوف : خـــــــوله ..!!!!!!!!
فهد بضيج : خالد انته شو اللي قاعد تقوله ..!! خوله تحبك ومستحيل تضرك
خالد وهو يضحك ضحكة سخريه : يتراولك يا فهد .. اختك ضربتني على راسي عشان تشرد مع حبيبها !!
روضه صكرت على ثمها بيدينها وفهد تمتم بعصبيه : خالد انته شو تقول ؟!!
خالد بحزن : قبل لا تعصب يا فهد خلني أشرح لك كل السالفه .. وراح تعرف خوله على حقيقته
فهد بعصبيه : خالد انا ما اسمح لك تنطق بكلمه وحده تمس خوله !! أختي اشرف عنك تفهم
روضه بتوتر : فهد هدي نفسك .. انته خلنا نسمع السالفه أول .. وعقب يصير خير ..
خالد تم يحكيلهم كل اللي صار من يوم سالفة البريد الصوتي بتلفون خوله ..
خوله وهي تحاول تبعد حنيفه عنها : حنيفه اقولك خوز عني .. انته واحد سافل وحقير
حنيفه وهو يواصل شغله بدون ما يعيرها اي اهتمام : ...............................................
خوله بإلم : حنيفه ارحم حالي .. انا حامل واللي تسواه يمكن يضر ولدي .. خاف ربك .. خوز عني
حنيفه : .................................................. ..
خوله تمت تكفخه وتغرس اضافرها بضهره ... بس حنيفه كان أقوى منها ..
فهد اول ما سمع السالفه فز من مكانه وتمتم بعصبيه : خالد انته من صدقك !! خوله مستحيل تسوي جذا !!!
خالد وعيونه بدت أدمع : تباني أكذب عيوني يا فهد !! شفتها بعيوني وهي راقد فأحضانه وتمسح على خده
فهد بعصبيه : هيه نعم المفروض تكذب عيونك !! خوله هذي اختي وطول عمرها ماشيه في الصح .. وبعدين شغل عقلك وحده ضعيفه عمياء مثل هذي .. تتوقع بترسم وبتخطط بهـ الشكل ..
خالد وعيونه بدت تتوسع : بس أول ما دخلت عليهم الغرفه خوله كانت قاعده تمسح على خده .. وكانت مستانسه .. ويوم أنا كنت أقرب منها كانت تقولي بعد .. ريحتك تلوع جبدي
فهد بعصبيه : كل هذا كذب .. اختي وين يا خالد ؟!! خوله وين وديتها ؟!! ورين راحت ؟!!
خالد بعصبيه :ما أدري عنها !! خوله خلاص من اليوم وساير صارت ما تعنيلي شي .. هي غلطت وخلها تتحمل نتايج غلطها .. اللي سوته اختك يا فهد شي كبير .. يشيب منه شعر الراس
فهد يقاطعه وبعصبيه : خالد كلمه زياده وربي لأكسر راسك .. خلني أسير ادور على اختي افضل
خالد وهو يضحك بضحكة سخريه : هههههههه تدور على اختك ؟ََ!! أكيد الحين لا هيه عند حبيب القلب
روضه تقاطعه : خالد خلاص ما يصير !!
فهد ما ستحمل كلام خالد وعلى طول غرس راحة إيده فوجهه وتمتم بعصبيه : هذي اخر مره أسمح لك تقلل من قيمة خوله .. يمكن البنت طلعت من البيت ليش انها خافت تتهور وتسوي فيها شي .. من رخصتكم
روضه وهي تهدي خالد : خالد انا ما ألومك !! بس خوله عمياء .. كيف تتوقع انه تقدر تسوي كل هذا .. صدقني في غلط بالموضوع .. اخاف ظلمتها يا خوي .. وساعتها راح تندم قد شعر راسك
خالد قاطعها بعصبيه : ظلمتها !! وهي يوم دخلته بيتي .. وخانتني هذا مش ظلم هاه .. تكلمي
روضه هزت راسها واكتفت بالسكوت ..
خالد خذ مزهرية وكسرها جدام روضه وتمتم بعصبيه : انا اللي قاهرني ليش سوت جذا .. عمري ما قصرت معاها بشي .. انتي اكثر وحده يا روضه تعرفين شكثر تعبت عشان بس أكون قربها وارضيها وما اسوي شي يزعلها .. وشوفي في النهايه شو صار .. خوله رجعت الأحسان بالأساءه .. آه بس ودي اعرف هي وينها
::
خوله كانت في صراع متواصل مع حنيفه .. تتخلص من بين يديه القذرتين تارة .. ولكنها تعود في أحضانه تارة أخرى .. كانت الدموع محفورة على خديها .. وحنيفه كلما غضب منها غرس تلك اليدين في وجهها المغطى بالحزن والخوف .. فما عرفت ماذا تصنع .. أو كيف تتصرف .. ولكنها ظلت تقاوم حتى النهاية
::
روضه وهي تمسح دموعه : خالد هدي نفسك شوي .. اكيد باجر لا حصلوا خوله كل شي راح يتوضح
خالد قاطعها بعصبية : انا شفت بعيني يا روضه .. ومش محتاج توضيح من أحد .. من رخصتج
روضه وهي تشده من ايده وتمتمت بخوف : خالد وين بتروح
خالد وهو يداري دمعته تمتم بضيج : ابا اسير احفر قبري بإيدي . عشان ارتاح وأخلي خوله بعد ترتاح
روضه وهي تحضنه ودموعها اربع اربع : وانا يا خالد وانا !! ما فكرت فيني .. اللي شفته كان قاسي .. انا محتاجه لك وايد .. لا تتهور وتسوى بنفسك شي ..
خالد قرب منها وطبع بوسه فجبهتها وراح عنها
روضه وهي تجلس ع الأرض وتصيح بحرقه : خالد لا تروح وتخلاني .. انا محد لي غيرك يا أخوي .. انا محتاجه لك .. ودي أنسى كل اللي صار معاي .. واذا كنت بعيد عني منو راح يقويني هاه !!
خالد تم واقف دقيقه ساكت .. وأرتسمت دمعه على خده .. طلع وصكر الباب وراه
روضه فزت من مكانها مثل المجنونة .. وتمت تصارخ بشكل هستيري .. خالد لا تروح .. لا تروح يا أخوي
::
بعد ساعتين من الألم والعذاب استطاعت خوله ان توجهه ضربه إلى حنيفه .. فمن شدة الألم إبتعد عنها .. وكلها لحظات قليله وجن جنونه .. شدها من شعرها .. وطبع راحة يده على ذلك الخد الناعم .. ثم مسك راسها وضرب به على الأرض بقوه .. خوله لم تبالي بما فعله حنيفه .. فما الفائدة التي ستجنيها الآن .. لقد استطاع ان يسلبها شرفها مرة أخرى .. وبوحشية أكثر من ذي قبل .. ظل حنيفه يضرب راسها على الأرض بقوة شديدة .. حتى سالت الدماء منه .. وكلها لحظات وغابت عن الوعي .. وكلها لحظات بسيطة وعاودت فتح عينيها ببطء شديد .. وشافت شخص شاحب شعره مبهذل .. وشكله يلوووع .. وكيف كانت نظراته شرسه وهو قاعد يعتدي عليها .. ويهتك بعرضها .. بس الألم اللي بداخلها خلاها تتناسى اللي فيها وبدون ما تحس صكرت عيونها .. وغطت في سبات عميق وعاد حنيفة ليكمل ما بدأه بشكل وحشي ..
::
فهد كان يلفلف في كل الشوراع يدور على خوله .. بس ما حصلها .. والدموع كانت محفورة على خده وتمتم بحزن : ادري يا خوله .. كل اللي قاله خالد كذب !! بس هو قال انه شافج بعينه .. شو اللي صاير يا أختيه .. وانتي وينج .. لو كنتي تشوفي جان رجعتي البيت ..!! بس وحده عمياء وضعيفة وين بتروح ..
ظل ساعه يدور عليها .. ولكن دون جدوى
حنيفة أول ما خلص .. شاف خوله وايد تنزف من راسها وخشمها..وكل جسمها .. وقرر يتصل بضاري
ضاري بخبث : هلا والله بالمعاريس !!! هاه خلصت
حنيفة بخوف : أيوه انا في خلاص .. بس يمكن خوله في موت
ضاري بخبث : خلها تولي !! المهم فرها جدام أقرب مستشفى وعقب تعال صوبي .. ولا تخاف باجر ولا اللي عقبه بسفرك .. ومحد بيشك فيك .. وأدعي من ربك انه خوله تروح فيها .. بجذا محد راح يدري باللي سويته .. بس هاه ما أوصيك تصرف بحذر .. خلها بعيد شوي عن المستشفى .. تمام
حنيفة بابتسامة وهو يطالع خوله : اوك .... تمام
::
::
ام حمود بخوف : بو حمود تبا الصدق خايفه على مريم .. خلني اقوم اسير اشوفها
بوحمود بدون نفس : سوي اللي يريحج .. مالي شغل فيج
فهد كان توه واصل وحالته متبهذلة وتمتم بتعب وهو يجثي بركبتيه ع الأرض : خوله وين ؟!!!
ام حمود أول ما سمعت اسم خوله سيده راحت صوبه وتمتمت بخوف : فهد اشو اللي مستوي ؟!! بلاها اختك
فهد بحزن ممزوج بهلوسة : يعني خوله مش هنيه ؟!!!
بوحمود بتوتر : فهد اشو اللي صاير تراك خوفتنا ..
حمود كان توه واصل وأول ما شاف حالة فهد على طول طيران صوبه وتمتم بخوف : فهد بلاك !! عسى ما شر
فهد والدموع صارت مثل السيل على خده وهو يتأمل كل واحد فيهم : ........................................
ام حمود وهي تهزه من كتفه : فهد بلاك ساكت تحكى !! اختك خوله اشو للي صاير عليها
فهد وهو يهز راسه : ما أدري .. كنت رايح عند خالد .. والظاهر انه متهاوش مع خوله وطردها برع البيت !!
ام حمود وهي تحط يدينها على راسها وتمتمت بتوتر : آشووووووو؟!! طردها من بيتها
بوحمود بخوف : فهد فهمنا السالفة .. خالد مستحيل يطردها الا إذا فيه شي كبير !!
فهد وهو يطالع أمه بضيج : ابوي خلنا نقعد بروحنا وبفهمكم باللي صاير
ام حمود بتوتر : وانا بعد ابا أعرف شو اللي صاير على بنتي ؟!!
فهد وعيونه بدت تغرغر من الدموع : اميه خليني أخبر ابوي بالأول وعقب بنقولج
ام حمود قاطعته بعصبيه : اسمعني يا فهد خوله بنتي بعد .. وانا ما راح أتحرك من هنيه وشوري مش عندك !!
فهد بعد تردد طويل : خلاص امايه قعدي ..
بوحمود بضيج : فهد بعدك ساكت !! قول بلاها أختك ؟! تراك وقفت قلوبنا
فهد بتوتر : ابوي على حسب ما فهمت من كلام خالد .. خوله كانت .......!! كانت ...........!!
حمود بتوتر :: فهد لا تلعب باعصابنا .. خوله بلاها ؟!!
فهد بحزن ودمعه أرتسمت على خده وتمتم ع السريع : خالد حصل خوله راقده في حضن واحد . وفي نص بيته
ام حمود وهي تضغط على قلبها وتمتمت بحسره : وآآآآآ حسرتي على بنتي .. هذا كله كذب فكذب .. خوله مستحيل تسوي جذا ..!! فهد خوله أختك .. معقوله تصدق اللي ينقال عنها
بوحمود بضيج وهو يداري دمعته وتمتم بعدم تصديق : فهد الحين انته تتكلم من صدقك .. هذي خوله بنتي !! كيف تصدق فيها خبر نفس هذا .. أكيد في غلط بالموضوع .. خوله مستحيل تسوي فيني جذا مستحيل
حمود بتوتر: امايه ابوي هدوا نفسكم شوي .. فهد خبرنا بالتفصيل عسب تتضح الصوره عدل
::
مريم كانت قاعده تصارع الموت .. تمنت أحد يدش عليها الغرفه .. تمت تنتظر فتره طويله بس محد يا
عقب حست بدوار فضيع وقامت تمشي على ركبها تحاول تبطل الباب وأول ما بطلته طاحت ..
مريم كانت قاعده تصارع الموت .. تمنت أحد يدش عليها الغرفه .. تمت تنتظر فتره طويله بس محد يا
عقب حست بدوار فضيع وقامت تمشي على ركبها تحاول تبطل الباب وأول ما بطلته طاحت ..
::
::
فاطمه كانت قاعده سرحانه وتفكر : آآآآآآآآآآه ما ادري متى بيجي باجر .. ودي أروح واشوف ولدي .. بس الممرضه لزمت علي أني ما أتحرك .. آآآه يا ميره وينج حبيبتي .. كنتي دايما تتضاربين ويا أميره من اللي بياخذ عبادي قبل .. وهذي هي راحت قبل ما تشوفه .. ودمعت عينها ..
قاطعتها وحده من الحريم : عسى ما شر !! ليش قاعده تصيحي
فاطمه وهي تمسح دمعتها : لا ولا شي ولا تشغلين بالج ... بس كنت سرحانه شوي
طبعا حنيفه شل خوله وفرها جريب من المستشفى ..وكانت شبه عاريه تقريبا .. ونص ملامح جسمها بارزه
وواحد من الشباب شاف سيارة حنيفه وسجل الرقم على طول .. وعقب راحوا صوب خوله
علي بخوف : هذا أكيد استخف !! طالع كيف فرها من السياره
قاطعه فيصل بذهول : لا وشكله زلمه ..!ّ! تتوقع البنت عمانيه !!
علي بتوتر : لا وين !! ما أتوقع .. يمكن منهم وفيهم .. خلنا نروح صوبها ونوديها داخل .. عشان يسعفوها
فيصل بخوف : لا إنته تخبلت .. خلنا نتصل على الشرطه .. واهمه يتصرفون
علي بضيج : يا ريال حرام عليك .. خلنا نسترها ع الأقل
فيصل بخوف : علي الله يهداك .. اخاف الشرطه تشك فينا نحن .. انا عندي راي ثاني
علي بعصبيه : هاه اتحفنا
فيصل وهو ياخذ التلفون أتصل بالمستشفى وخبرهم انه في وحده مفروره جدام باب المستشفى ولازم يسعفوها
علي يقاطعه : لا أنته اكيد تخبلت !! الحين صدق بيشكون فينا
فيصل بابتسامه : خلنا نتوكل وباجر نحن بني صوبهم .. وبعطيهم رقم السياره
علي بذهول : لحقت تسجله !!
فيصل بابتسامه : انا فيصل . وما يخفى علي شي .. يلا خلنا نروح .. اخاف يشوفونا ونتورط
طبعا المستشفى أول ما تلقوا الأتصال .. جهزوا كل شي وتوجهوا صوب خوله .. وعلى طول ودوها الطوارئ
والشرطه اكيد لازم تدخل .. لانهم شكوا انها جريمة إغتصاب .. وإدارة المستشفى اتصلت عليهم وجوا على طول .. صوروا خوله .. ودوروا على هويتها عشان يعرفوا بعض المعلومات عنها بس ما حلصوا شي ..
الدكتور بخوف : تقدورا تكملو إجرائتكم عقب .. حالة المريضه خطيره .. والظاهر انه عندها نزيف
الضابط بتوتر : خلاص سوو اللي يريحكم .. ولا خلصتوا علمونا .. نحن في الانتظار
ام حمود اول ما سمعت السالفه من فهد ما قدرت تستحمل .. وعلى طول طاحت ..
بوحمود هم بعد تعب بس أول ما شاف ام حمود طايحه راح ركض صوبها وتمتم بخوف : ام حمود بلاج ؟!!
حمود بخوف : ابوي خلنا نوديها المستفى أخاف يكون صاير عليها شي .. مب قادره حتى تتنفس
فهد بخوف : انا سيارتي شغاله .. ابوي انا وانت بنودي امايه المستشفى وحمود إنته الحقنا
حمود بخوف : ان شاء الله .. جاي وراكم .. وراح بوحمود وفهد صوب السياره .. حمود كان ناوي يطلع وقاطعه صوت صريخ من وراء .. خلاه يتصلب مكانه ..
سيلين بخوف ودموعها أربع أربع : بابا حموووود ماما مريم ..........................!!
حمود وهو يروح صوبها : بلاها مريم تكلمي ؟!!!
سيلين : ماما مريم يمكن يشرب حبوب
حمود أول ما قالت سليلن جذا فز من مكانه وراح صوب مريم ركض .. ,واول ما وصل .. شاف مريم مختنقه ولون وجها صاير أزرق .. وشاف علبة الحبوب مرماية جنبها .. خذ العلبه وشل مريم وراح صوب السياره
سناتا بخوف : شو فيه منيه
سيلين وهي تصيح : ماما مريم حاول ينتحر
سناتا بلا مبالاه : احسن هذا إنسان شرير لازم يموت
سيلين هزت راسها بحزن وراحت عنها صوب المطبخ ..
::
::
خالد كان بعده للحين يلفلف بسيارته ودموعه كانت مثل السيل على خده .. كانت صدمته كبيره في خوله
خالد وهو يضغط ع البنزين : ليش سويتي فيني جذا يا خوله .. جاوبيني بس على هـ السؤال .. وبعدها ما راح اسئلج ولا سؤوال بس جاوبيني ؟!! والحين أكيد عقب ما عرفت اللي سويتيه شردتي عند حبيب قلبج .. آآآآآآآآآآآآه يا خوله انتي حطمتيني دمرتيني .. لما خذيتج حسيت أني ملكت الدنيا باللي فيها .. خليت العذال يتشمتون واشتريت رضاج .. ضحكتج كانت تسواء عندي الدنيا وما فيها .. والحين وبكل وقاحه أدنسين شرفي ..!!لا ولعبتوا علي لعبه وصخه .. أوهمتوني انه راح يقابلني في المطعم الفلاني .. بس عسب تاخذون راحتكم .. لو ما شافتكم ميثا .. كانت الماي تمشي من تحت رجولي وانا مب داري .. وربي راح ابهذلج .. وراح أخلي حياتج ظلمه نفس ما سودتي عيشتي .. الحين راح أخليج تشوفي خالد على حقيقته ..
ميثا طبعا كانت مستانسه وأول ما شافت امها قاعده في الصاله راحت صوبها : بلاه الحلو متكدر
أم مشعل بحزن : واللي مثل حالتي تبغية يستانس ؟!!!!
ميثا وهي تبوسها على خدها : حبيبتي تفائلي .. باجر ان شاء الله راح يكون أحلى وأحلى وأحلى وقامت تدور
ام مشعل أول ما شافت ميثا فرحانه هي بعد أستانست : ميثا لاه الظاهر فيه أخبار تفرح
ميثا وهي تحضنها وتمتمت بخث : خالد باجر راح يتقدم لي ورسمي بعد ..
ام مشعل بتوتر : من صدقج أنتي
ميثا تمتمت بخبث : تربيتج ياماما ..
ام مشعل وهي تزغرد وتمتمت بابتسامة : الله يسمع منج يا الغاليه ..
:::
:::
فـــي المستشفى
فهد بتوتر : ابوي اخاف يصير عليها شي .. والله لو صار عليها شي ما راح اسامح نفسي !!
بوحمود بحزن : الله يقومها بالسلامه إن شاء الله
فهد بحزن : ان شاء الله وشاف حمود يتصل .. هذا حمود .. شكله ما عرف باي قسم نحن
بوحمود : انزين رد عليه وخبره ..
فهد بضيج : ان شاء الله ....... هلا حمود ..
حمود بضيج ودمعه محفوره على خده : اميه شخبارها
فهد بضيج : الدكتور عندها وبعده ما طلع .. بس إنته بلاه صوتك جذا ..!! لا يكون حصلت خوله ؟!
حمود بحزن : جان زين .. انا في الطوارئ الحين .. مريم حاولت تنتحر
فهد بخوف : آشوووووووووووووووووووووووو
بوحمود هنيه عوره قلبه وتمتم بحزن : فهد اشو اللي مستوي ؟!! خوله صار عليها شي
فهد وهو يهز راسه : ابوي الله يهداك هدي نفسك .. خوله للحين محد يندل مكانها .. هذي مريم
بوحمود بخوف : بلاها بعد ؟!!!!!
فهد بضيج : ابوي مريم حاولت تنتحر وهي الحين في المستشفى
حمود بضيج : فهد لاتطمنت عليها بجي صوبكم .. يقولوا حالتها خطيره
فهد بحزن : الله بيفرجها يا حمود .. الله بيفرجها .. بخليك الحين أشوف الدكتور ياي صوبنا
بوحمود بخوف : دكتور بلاها زوجتي ؟!!
الدكتور بابتسامه : الضغط نزل عليها .. وراح نخليها معني اليوم .. يعني بنحطها تحت الملاحظة وباجر نرخصها ان شاء الله .. هذا أذا ما حصل مستجدات
فهد : يعني حالتها مش خطيره ...!!
الدكتور : لا .. لا تحاتون .. ان شاء الله ما عليها إلا العافيه .. من رخصتكم
فهد بضيج : مشكور دكتووور .. أبوي خلنا نروح صوب حمود .. وبطريقي أمر على مها واخليها تجي تجلس عند أمي لحد ما ترقد .. ما يصير نخليها بروحها
بوحمود بتوتر : شووور غاااوي .. ما أدري شو سالفة هـ المشاكل اللي طاحت على راسنا ..
فهد بضيج : بتنحل يا أبوي
بوحمود بخوف : بس أمك راح تتعب .. واكيد ما بترتاح الا اذا تطمنت على خوله
فهد بضيج " ابوي ان شاء الله ما عليها إلا العافيه .. راح ننتظر ساعة زمان لو ما بينت بلغنا
بوحمود ودمعه أرتسمت على خده : الله يفرجها علينا .. والله يحفظ خوله .. ويبعد عنها عيال الحرام
حمود كان قاعد على أعصابه وياكل اظافره .. خاف يصير على مريم شي وعقب يتم متلوم طول عمره
وكلها لحظات وطلع الدكتور .. حمود فز من مكانه وتمتم بتوتر : هاه دكتور بشر ؟!
الدكتور بتوتر : لحقت عليها على أخر لحظة .. بس حالتها بعدها حرجه .. وربك كريم
حمود بخوف : يعني بعدها ما تعدت مرحلة الخطر
الدكتور بحزن : لا والله بعدها فدايرة الخطر .. ادعي ربك يقومها بالسلامه عن أذنك
حمود قعد بزاويه وتم يصيح بحرقة وتمتم بالم : ليتني ما تزوجتج يا مريم .. انا السبب بكل اللي قاعد يصير فيج .. حبج لي عماج .. خلاج تتصرفين بتهور .. حتى حياتج ما فكرتي فيها .. هـ الكثر تحبيني .. آآآآآآآآآآآآه يا مريم لو صار فيج شي ما راح اسامح نفسي أبد .. يا رب شافيها ..
وكلها دقايق طلعوا الممرضات واهم يجروا بنت صاير لون وجها يميل للزرقه من كثر الضرب .. حمود كسرت خاطره وتم يتأملها من بعيد .. بس عقب ما ركز وحط عيونه في عيونها تصلب مكانه وتمتم بذهول : خووووله .. وع طول راح يركض صوبها ومسك يدها وطبع بوسه فيها : خوووووله ؟!! بلاها اختي ليش صاير فيها جذا
الممرضه بتوتر : هذي تخصك ؟!!
حمود بعصبيه : كيف ما تخصني هذي أختي !! شو اللي سواء فيها جذا ..!!
الممرضه وهي تأشر على الشرطي : سير عند الضابط وهو راح يفهمك كل شي .. لازم ندخلها العمليات
حمود وهو يوقف جدامهم : ليش تودوها العمليات .. اختي اشو فيها .. ليش ما تخبريني أنتي
الدكتور قاطعه بعصبيه : يا اخ نحن مب فاضيين نرد على اسئلك .. حالة المريضه خطيره .. ولازم نتصرف .. ولا راح نخسرها هي واللي فبطنها .. نوره دخليها العمليات وجهزي كل شي ..
حمود ودموعه أربع اربع : دكتور طمني على اختي .. شو اللي صاير فيها
الدكتور بعصبيه : اختك !! الحين تذكرت انها اختك !! وين كنت عنها يوم كانت برع البيت .. اختك يا اخ تعرضت للاغتصاب .. واللي أغتصبها رماها جدام المستشفى .. جزاه الله خير..سوى فيها خير . ولا كانت بتخسر حياتها .. لا خلصت راح أفهمك .. خلنا نشوف شغلنا الحين من رخصتك ..
28-07-10, 10:29 PM
جديد مواضيع قسم القصص المكتمله
العرض العادي
