سارة بتوتر : لا انزل يمكن تشوف مها وتقعد معها وتوصلون للحل
هلال بتردد : لا الله يخليج ؟؟!!! اخر مره كلمتها فيها كانت مصرة ع الطلاق !! عسب جذا اخليها تهداء وعقب اكلمها
سارة بضيج : على راحتك اخوي ... المهم انا ما بتأخر بشوف مريم وبنزل ع طول .. عن اذنك
هلال بابتسامة : اذنج معاج ولو شفتي مها سلمي عليها ساره صدت صوبه وابتسمت وراحت صوب داخل
خوله كانت توها طالعة من ميلس الرياييل وكانت تمشي بصعوبة سارة ع طول راحت صوبها وحضنتها
خوله وقفت مكانها وخافت : بسم الله الرحمن الرحيم منو هنيه ؟؟!!!
سارة وهي تبوسها على خدها : بلاج خوالي انا سارة فديتج لا تخافين ؟؟!!!
خوله وهي تاخذ نفس عميق وتبلع ريقها : الله يصرف بليسج طيحتي قلبي ؟؟!!!
سارة وهي تضحك : آسفة خوالي والله ما كان قصدي .. إلا مهوي وينها ما اشوفها معاج ؟؟؟!!
خوله وهي تتنهد : مضايجة شوي وراحت صوب حجرتها تريح ..!! الافضل انها تجلس مع حالها شوي يمكن تهداء
سارة بضيج : ان شاء الله ؟؟؟!!! والله يسهل امورها مع هلال ويرجعون مثل اول واحسن
خوله بابتسامة : امين .. تعالي خلينا نحدر ما يصير انتم واقفين ع الباب .. حياج تفضلي البيت بيتج
سارة بابتسامة : يزيد فضلج حبوبه ....




::


::




خــآلد كان يسوق بطريقة هستيرية ويتذكر كلام خوله واللي شافة قبل اسبوع وما حب يتكلم لانه ما كان الوقت المناسب
خـــآلد وهو ترجع فيه آلذاكرة لوراء يوم طلبت خوله منه يجيب تلفونها .... وصل البيت وقعد يدور وحصله تحت الكرفايه ومن كثر الملل قعد يلعب فيه وضغط على البريد الصوتي وانصعق ... وما صدق اللي يالس يسمعه
.........................: خوالي حبيبتي ادري انه خالد مقابلج طول الوقت بس انا حبيب الطفولة ولي نصيب بعد ؟؟!!! عشان خاطري اول ما تسمعين الرساله تردي علي !! تعرفيني مب قادر اصبر عنج !! وبعدين زواجج من خالد صار بالغلط ؟؟!! إنتي تحسبتي يوم تأخرت عليج في الرد اني ما اباج وحبيتي تنتقمين مني وخذيتي خالد .. بس انا الحين رجعت وكلي شوق لج ..!! وما راح ارتاح الا لما اشوفج قريبه مني ؟؟!! ومستحيل اخلي واحد مثل خالد ياخذج مني
خالد عقب ما سمع الرسالة الصوتيه انقهر وحس الدنيا تدور فيها كان وده يمسك خوله ويقطعها قطعه قطعه
خالد وهو يكسر العطر اللي كان قدامه : ليش يا خوله ؟؟!!! انا عمري قصرت معاج بشي ؟؟!! بديتج على نفسي!! وودرت ربعي .. ليش أنهم تجرأو وقللوا من قيمتج !! والحين وبكل سهولة احصل رسالة صوتيه من واحد غريب لا وبكل وقاحه يقول انه حبيب الطفولة ؟؟!! وكلام الحب اللي كنتي تقوليه حقي ؟؟!! ومشاعرج لما تكوني عندي كلها كانت كذب في كذب ؟؟!! إلا إنتي يا خولة ما توقعت انج تطلعين بهالشكل .. انا ما اقدر اتكلم الحين بس لا خلص العزاء وهدت الامور لي تصرف ثاني معاج ؟؟؟!!! وساعتها بتعرفين خالد منو؟؟!1 تستغفليني انا يا خوله اراويج ؟؟!!
خالد ما حس الا وهو يضرب الستيرنج باقوى حيلة ويصارخ : معقولة اللي داز لج الرسالة كان هلال ؟؟!! انا كنت واثق ومتأكد انه هلال يحبج ؟؟!! طلعت انا الغبي في النهاية اثاريكم مخططين لكل شي ؟؟!! طلعتي تحبيه وتلاعبتي بمشاعري ؟! ودي اعرف بس شو اللي خلاج تسوي جذا ؟! عطيتج روحي وقلبي وفي النهايه تخونيني مع ولد عمج؟!
وقطع تفكيره صوت موبايله وهو يرن وكانت خوله اول ما شاف الرقم حس انه يبا يروح صوبها ويخنقها ومسك التلفون ورد من غير نفس وتمتم بعصبية : الو هلا ؟؟!!! امري اشو عندج بغيتي شي ؟؟!!
خوله كانت متلهفة تسمع صوت خالد بس عقب ما سمعت رده تضايجت : خالد شفيك ؟؟!! انا زعلتك بشي
خالد وهو ياخذ نفس عميق ويكتم القهر اللي مسطير عليه : لا ما زعلتيني بس مشغول ؟؟!! وبصكر باي
خوله وهي مستغربة من تصرفات خالد وما حست الا ودموعها اربع اربع : شو فيه خالد ؟؟!! معقوله متضايج لاني تميت عند اهلي اسبوع كامل ؟؟!! بصراحه ما ينلام انا لازم ارجع البيت وارضيه بخلي سناتا تزهبلي اغراضي
خالد بعصبية : بكل وقاحه تسوي روحها انها متلهفة علي ؟؟!! لعنبوا هذي ما تستحي عسب جذا تبا مها تطلق من هلال عسب يرجع لها حب الطفولة ؟؟!! يا الله طلعت واحد غبي ومدلمغ !! انا خالد اللي طول عمري ولا بنت تجرأت تهز شعرة من راسي تيي وحده شرات هذي وتسوي فيني كل هذا .. اراويج يا خوله تتحسبين اني بطلقج ؟؟ّ!! ولا تحلمي هـ الشي يصير !! بخليج معلقة طول عمرج !! عسب تعرفي انه خالد ما فيه بنت تقدر عليه



::


::



مها كانت ادور صندوق صغير محتفظة فيه من لما كانت صغير وعقب ما حصلته مسحت للغبار اللي كان عليه وفتحته
وقعدت تدور على رسمه كانت راسمتنها من يوم كان عمرها 6 سنين وكانت مسجلة تحت الرسمه تاريخ ؟؟!!!
تمت تدور وتدور بس ما حصلتها .. خافت وطلعت كل الاغراض في العلبة بس بعد ما حصلتها وع طول توترت
مها بخوف : يا ربي وينها ؟؟!!!! انا متاكده اني حطيتها هنيه ؟؟!! معقولة طلعتها وانا مش متذكرة لا لا مستحيل احسن شي ادور عليها مره ثانية وتمت ادور بس ما شي فايده ما حصلتها
وعند هلال فتح دولاب سيارتة وطلع ورقة بيضاء وكانت تميل للاصفرار من كثر ما هي جديمه تم يتأملها ودمعت عينه
هلال وهو يمسح دموعه : اه يا مها تمنيت لو قلبي اختارج إنتي من الاول ؟؟!! ودي اصارحج الحين واقولج انج انتي كنتي حب حياتي واختياري لـ خوله كان بس لسبب واحد جمالها ؟؟!! وهــ الشي الوحيد اللي ما خلاني اسئل قلبي اذا حب وحده ثانية ؟؟!! ما كنت ادري اني متعلق فيج هـ الكثر ؟؟!! بس شو الفايدة اكتشفت حبي لج متاخر شوي ؟؟!! وادري الحين لو اسوي المستحيل بتمي مصرة على موضوع الطلاق وما راح تصدقيني وتنهد تنهيده وسند راسه ع الكرسي وقعد يفكر .. لا مستحيل اوافق على هـ القرار مستحيل اخسر مها !! مها لا زم تعرفي اني احبها مثل ما تحبني
احسن شي انزل واسير اشوفها ... بس تراجع وقرر أنه يتم في السياره !! وكلها لحظات ومسك تلفونه واتصل عليها
مها كانت يالسه تصيح من خاطر وملعوزة حجرتها فوق تحت : وينها ؟؟؟ وينها ؟؟!! يا الله هذي اغلى ما املك ؟؟!!
لو خسرتها انا بضيع .. واحس كل شي بينتهي بيني وبين هلال .. حتى الذكريات الحلوة اللي جمعتنا مع بعض !!! وسمعت تلفونها يرن وكان يقول (( خسرنا الحلوة والمرة وبعنا آلآه وآلحسرة تموت الروح الف مره اذا جاوبون ذكراكم خسرناكم خسرناكم )) واول ما سمعت الاتصال تمت متصلبة مكانها .. يا ربي هذا هلال !! اشو يبا مني الحين؟!
كلامي فاخر مره كان واضح !؟! قتله اني ما اباك !! ليش مصر ينغص علي حياتي .. احسن شي ارد وأوقفه عند حده
مها بدون نفس : اشو عندك
هلال اول ما سمع رد مها تضايج بس ما حب يبين لها وتمتم بحزن : اقدر اشوفج ؟؟!!
مها : ..........................................
هلال بحزم ممزوج بتوسل : بس دقايق
مها تقاطعة وبعصبية : ليش بيني وبينك شي ؟؟!!! اعتقد كلامي في اخر مره كان جدا واضح !! فبلاش هـ الحركات
هلال وهو يتنهد : مها الله يخليج ابا اشوفج عسب اعطيج امانة ؟؟!! ولا شفتيها اكيد هـ الشي بيفرحج
مها اول ما قال هلال جذا حست انه كل شي في حياتها توقف وتمت متصلبة مكانها والدموع بدت تترسم على خدها
هلال يقاطعها : مها اشو فيج ؟!! اقول في امانه لج ولازم تنزلي وتاخذيها
مها وهي تاخذ نفس عميق وتيلس ع الارض ودموعها اربع اربع : اكيد هلال طلقني !!! معقولة طلقني لا ما صدق ؟؟! يعني انا خسرت هلال خلاص .. مستحيل ما أصدق .. وبعدين مو يقول انه متمسك فيني ليش طلقني ؟؟!! وحطت راسها بين رجولها وكانت تصيح بحرقة وصكرت في وجهه هلال وتمت تندب حظها
هلال بخوف : يا ربي بلاها هذي صكت في ويهي .. احسن شي ادق مره ثانية واشوفها اذا بتنزل ؟؟!! انا ما عندي فرصه غير اليوم وما راح ارجع البيت الا ومها راضية علي..لازم تعرف اني احبها وميت فيها وما كنت عارف هـ الشي
مها اول ما سمعت تلفونها يرن مره ثانية تمت تصيح بحرقة وحست انها خسرت هلال خلاص وللأبد !! وانه الصياح الحين ما راح يفيدها هي اللي اجبرته على هـ الشي وقررت انها ترد وتخبره انها بتنزل تاخذ الامانه : هلاااااااااا
هلال اول ما سمع صوت مها متغير توتر وبدون ما يحس : مها حبيبتي بلاج؟؟!! صاير عليج شي
مها انتبهت انه هلال لاول مره يقولها حبيبتي بس ما علقت وقالت كلمة وحده : احينه بطرش سيلين تاخذ الامانه
هلال يقاطعها : لا مهوي ؟!!! يا تنزلي إنتي !! يا إنسي الموضوع خلاص
مها بقهر وتمتمت فخاطرها : تباني انزل عسب تشوف عيوني مورمة من كثر الصياح !! لا وعقبها تتشمت علي !!
لا ما راح اسمح لك .. مستحيل هالشي يصير وكملت كلامها .. هلال انا ما راح انزل .. قتلك بطرش سيلين وخلاص
هلال يقاطعها وبثقة : اوكي بكيفج ؟؟!! المهم انا تحت اذا حابه تاخذي الامانة انزلي بروحج ولا انسي الموضوع وصكر التلفون قبل ما يسمع تعليق مها ....
مها بقهر : بلاه هذا يبا يقهرني ..!! مو كافي انه يايب ورقة طلاقي لا والقهر يباني انا انزل اخذها صج انه واحد اناني
بس انا مها ومحد يتجراء ويقلل من قيمتي راح انزل وأوقفه عند حده .. وبشوف شو نهايتها معاه لبست شيلتها ونزلت

الفصـــــــــل الثــــــــــــآني



:::


:::

فــــي غرفة مريم

سارة وهي تتنهد: مريوم غناتي بلاج ؟؟!! من يوم ما وصلت وانتي قاعدة تصيحي !! خبريني اشو مستوي
مريم وهي تصيح بحرقة : خايفة اخسره يا سارة !!! خايفة حمود يروح من بين يديني !! انا بموت من غيره
ما بقدر اتحمل اعيش دقيقة وحده وانا بعيده عنه ؟؟!! بس لو درى اني كذبت عليه مستحيل يسامحني ؟؟!!
سارة بضيج : إنزين انتي خبريني اشو مستوي ؟؟!! يمكن أقدر اساعدج ..؟؟!! وكل مشكله اكيد لها حل
مريم وهي تاخذ نفس عميق : بالأول قلت لهم انه طلع حمل كاذب !!! واحينه علميني كيف ادبرها .. انا أنتهيت خلاص
سارة بتوتر : مريم حرام عليج !! انتي شو تقولين دوختي راسي !! هاتي من الاخر !! يمكن اقدر احل الموضوع
مريم وهي ترتمي في حضن سارة : سارة انا شو سويت بحياتي عسب الله يعاقبني بهالشكل
سارة تقاطعها وبعصبية : مريوم لا تكملي !! قالى تعالى ((وَمَا ظَلَمَهُمْ اللَّهُ وَلَكِنْ كَانُوا أَنْفُسَهُمْ يَظْلِمُونَ))
مريم تقاطعها وهي تصارخ : سارة انا تعبانة وايد ومحتاجتلج !! سارة انا ...!!!! انا ......!!!!
سارة وهي تنتهد : مريم انتي شو ؟؟؟؟!!! قولي نشفتي دمي
مريم وهي تاخذ نفس عميق وتمسح دموعها : انا ............!! آنـــآ عقيــــم
سارة وهي مبطلة عيونها : اشووو ؟؟!!
مريم وعيونها مركزة ع الأرض : ..............................................
ساره قاطعتها بخوف ممزوج بتوتر : انزين انتي شو دراج ؟؟!!! تأكدتي من هــ الشي ؟؟!!!
مريم بضيج : سويت اكثر من تحليل والكل يقول ويأكد إني عقيم ..
سارة تقاطعها بضيج : مريم حبيبتي الطب الحينه تطور !! وانتي دكتورة ما يحتاج انا اعلمج !!
مريم وهي تاخذ نفس عميق : المشكلة مو هنيه ..!! انا لما شفت حمود متمسك بـ فاطمة قتله اني حامل
سارة وهي مبطله عيونها : مريم انتي شو تقولين ؟؟!! هذي مش مشكلة هذي مصيبة يا مريم مصيبه
مريم ودموعها اربع اربع : سارة ادري اللي سويته غلط بس انا اباج تساعدديني
سارة وهي تاخذ نفس عميق : ما فيه الا حل واحد بس ؟؟!!! تصارحين حمود بكل شي وهو اكيد بيتفهم
مريم تقاطعها وبعصبية : مستحيل !!! انتش شو تقولين ؟ من صدقج أعلمه !! اصلا حمود يبا علي الزلة عسب يطلقني
سارة وهي تتنهد : مريم حمود يحبج ومستحيل يتخلى عنج بكل سهولة
مريم بضيج : لا يا سارة آنا اللي فرضت عمري على حمود !! كنت اوهم نفسي انه يحبني بس طلع كل هذا مجرد وهم
يوم تزوجته وتحديدا في ايامنا الاولى حسيته يبادلني المشاعر .. ومستعد يسوي المستحيل بس عسب يرضيني !!
بس عقب ما سافر ورجع كل شي تغير حسيتة ما يطيقني وطول الوقت يصارخ علي !! ويقلل من قيمتي .. حمود تغير
سارة تقاطعها وبحزن : اه يا مريم ياما نصحتج وقتلج خلي حمود في حالة بس انتي الله يهداج سويتي اللي براسج
مريم تقاطعها وبعصبية : وانا مش ندمانة على اللي سويتة ومستعده اسوي كل شي بس عسب ما اخسر حمود
حتى لو اضطريت اوهمة اني حامل !! اهم شي حمود يكون قريب مني !! صعب اعيش من غيره يا سارة وايد صعب
سارة بضيج : ما ادري شو اقولج يا مريم ؟؟!! انتي عاقل وعارفة انه اللي قاعده تسويه غلط !! لازم تصارحيه
مريم بعصبية : سارة انا اباج تساعديني لازم ادور حل لهالمشكله بدون ما يعرف حمود اني عقيم .. خلينا نروح عند حريم يعالجن بالطب الشعبي يمكن نوصل للنتيجة وبعدين احمل ..؟؟!! الله يخليج يا سارة انا محتاجتلج لا تخليني
سارة بضيج : خلاص يا مريم !! انا بتم معاج لـلـ الاخر بس تتوقعين انج بـ تحملي بالسرعة هذي !!
مريم وعيونها بدت تبرق : اذا سرنا عند حرمة شاطرة اكيد اني بحمل !! اهم شي ما اخسر حمود
سارة وعينها تدمع وسرحت شوي : آآآآه يآ مريم شوفي حبج لـ حمود وين وصلج !! صرتي بلا شخصية !وطول الوقت تسوي اشياء انتي مش مقتنعه فيها !! وين مريم العاقل اللي محد يقدر يكسر كلامها والحين اللي قاعدة اشوفه جدامي وحده ضعيفة بدت ترتسم عليها ملامح الحزن وقاعدة تخسر كل اللي حاربت عشانة طول هــ السنين !!



:::



::


امنه وهي توقف سيارتها نزلت وقعدت تشوف الشخص اللي قدامها من فوق لتحـــت وتمتمت بسخرية : هاه وين أقعد
.........:: لحقيني وبتعرفين .. راح وحصل طاولة على الزاوية ويلس عليها واشر على امنه تي تيلس
امنه بصوت واطئ ممزوج بقهر : يا الله هذا منو اللي مطرشه علي دمه ثقيل !! وطول الوقت يتأمر علي !انا امنة اللي طول عمرها عايشة معززه مكرمة ومحد تجراء يرفع صوته عليها يجي واحد شرات هذا ويبهذلني !! لا والقهر يهددني
...... وهو يزاقر عليها بصوت عالي : بلاج واقفة تعالي ورايه شغل .. خلينا نخلص من هــ الموضوع
امنة ما ردت عليه وراحت وفرت شنطتها فوق الطاولة ويلست وتمت تطالعه بقهر بس هو ابتسم وقالها:شو تشربي؟؟!
امنة بدون نفس : مابا اشرب شي !! اخلص عطني من الاخر اشو اللي بغيتة مني ؟؟!!
..... وهو يبا يقهرها : احسن بعد بتوفري علي ؟؟!! المهم نرجع لموضوعنا .. لازم تتنازلي عن القضية واليوم ؟؟!!
امنة بقهر وهي تستعبط : اي قضية ان شاء الله ؟؟!! انته من الصبح قاعد تتكلم بالإلغاز
...: قضية غادة ؟؟!! عرفتي الحين شو اقصد ؟؟ وسمعي انا مب قاعد اشاورج انتي بتسوي هـ الشي غصبا عليج مش بكيفج واذا اعترضتي انا عندي اوراق تثبت انج حاولتي تقتلي ابوج اكثر من مره والسبب واضح عسب تاخذين ورثة
امنة وهي متصلبة مكانها : انته شو تقول من صدقك
............. يقاطعها ويكمل بثقة : شوفي اول مره فكرتي فيها تذبحيه يوم كان عمرج 12 سنة والسبب كنتي تتحسبين انه ابوج هو اللي قتل امج وعقب دنس شرفها وخلى القضية دفاع عن النفس ويوم كبرتي وصار عمرج 18 اكتشفتي انه ابوج فعلا غدر بامج وإتهمها في شرفها وانتي انقهرتي وحطيتيله سم في الاكل وودوه المستشفى ولحقوا عليه في اخر لحظة وانتوا اتهمتوا وحده من الخدم؟؟!! اوه اصحح لج المعلومه مش انتوا ؟؟!! انتي اللي إتفقتي معها وطبعا شريتي الخدامة بجم مليون وسكتت ومثلت معاج هـ المسرحية وطلعتي منها .. ولما صار عمرج 22 ابوج كان يبا يزوجج واحد شايب لانه تصرفاتج كانت تضايقة ؟؟! وخايف تسودي ويهه وتنزلي راسه الارض ؟؟!! وفكر انه يزوجج ويرتاح منج مرة وحده ؟؟ وانتي على طول سرتي ووصيتي السايق يبطل فرامل السيارة بس شوفي الصدف ابوج في اخر لحظة غير راية وركب سيارته وما حب يركب بسيارة الدريول ؟؟!! تدرين ليش ؟؟! لانه يا مدام ابوج كان ناوي على غاده !! كان ناوي يدنس شرفها وينتقم منها ليش انها رفضته ؟! والسيارة تبع الدريول مكشوفه وأي حركة راح يسويها في غاده بتصعب عليه المهمه على عكس سيارته .. لمعتمة بأسود .. ومحد يقدر يشوف اللي يصير بداخلها
وغادة بدون ما تدري قدمت لج خدمه على ذهب وخلصتج من ابوج !! اللي حاولتي تتخلصين منه اكثر من مرة !! بس يا حرام !! ابوج كان يطلع منها ليش انه القدر كان يبا غاده هي اللي تقتله مش انتي ؟؟!! يعني خدمة مقابل خدمة
امنه وراسها شايب من اللي تسمعه : كل هذا كذب !! هذا ابوي حبيبي وانا مستحيل اسوي شي يضره ..
..................: شوفي يا ماما نفس ما شريتي الخدامة والدريول انا مستعد اشريهم بأضعاف وأضعاف !! المهم يشهدوا عليج والناس تعرفج ع حقيقتج ؟! ولا تستهيني فيني ترى لا حطيت شي براسي اسويه !! ومحد يقدر يردعني
امنه وبدت تتلعثم : انزين اشو تباني اسوي الحين ؟؟!!!
.......... وهو يضحك : اها الحين وصلنا لمربط الفرس !! اللي اباه منج يا شاطره تمسكين التلفون وتتصلي بالمركز وتبلغيهم انج سحبتي القضية ومتنازلة عن كل شي حتى عن الدية .. ابا غاده تطلع من السجن وهي رافعه راسها
امنه بعصبية : انته تخبلت تباني اتنازل عن دية ابوي مستحيل ؟؟!! دور على حل ثاني .
.......... وهو معصب ويضرب الطاوله بقو : سمعيني يا ماما انا مش قاعد اشاروج !! هذا امر وبتنفذيه غصبا عليج
امنة وهي تعرق بس سوت روحها عادي : شوف انا مستعدة اتنازل عن القضية ؟؟!! بس دية ابوي مستحيل
.....: ما فيه شي اسمه مستحيل !! وبعدين انتي الوريثه الوحيده حق ابوج ؟؟!! يعني راح تورثي من وراه ملايين
واعتقد الكم الف اللي طلبتيهم من غادة ما يسوون ربع من اللي بتورثية من ابوج !! ولا تنسي انه غادة سوت اللي انتي ما قدرتي تسوية !! يعني انتي اللي لازم تعطيها دية ابوج .. لا وفوقها كم الف زيادة!!وغادة كل اللي تباه منج بس حريتها واعتقد هـ الشي مب وايد.واذا عندج راي ثاني انا راح اتدخل في القضية وبفضحج وبتنحرمي من كل الورث
واعتقد انتي مش غبية عسب تعرفي انه اللي يحاول يقتل ماله اي نصيب من الورث..يعني انا بيدي اخليج تخسري كل شي ... عسب جذا امسكي هــ التلفون واتصلي بالمركز وخبريهم انج تنازلتي عن القضية وبجذا بتشتري سكوتي
امنة نقهرت بس ما قدرت تسوي شي غير ترضخ لطلباته وتنهدت وتمتمت بقهر : خلاص اللي تباه بيصير بس بشرط
.......... قاطعها بسخريه : لا والله !! اول مره اشوف طرار وقاعد يتشرط ؟؟ المهم ما علينا قولي اشو شرطج يا حلوة
امنة بضيج وبعصبية : مابا اشوفك مرة ثانية وكل اللي قلته حقي الحين مابا احد يعرف عنه اي شي
...........: خلاص صار .. اوعدج اول ما تطلع غادة بالسلامة راح اختفي نهائيا من حياتج
امنة وهي تاخذ شنطتها : خلاص عيل انا بسير الحين وبتنازل واتمنى انته تكون بعد عند وعدك من رخصتك
.......:الحمدلله وهذي مشكلة غادة وانحلت .. اتمنى بس امنه ما تغدر فيني احسن شي الحقها واتاكد من صحة كلامها




::


::




غادة بدت تبطل عيونها شوي شوي وشافت عايشه عندها وتمتمت بألم : عايشة انا وين ؟!!
عايشة بابتسامة : غادة حبيبتي اشو اللي صار عليج ؟؟!! لا يكون فيه شي في المحكمة ضايقج
غادة اول ما تذكرت السالفة دمعت عينها وسرحت : آآه يا خليفة نسيت كلامك يوم قتلي اذا ما كنت انا فحياتك ما راح تخلى ولا وحده تدخل فيها ؟!! وهذا انته على طول غيرت رايك وناوي اليوم تتزوج ... ادري انا السبب في كل اللي قاعد يصير انا اللي وصلتك لهنيه وخليتك تتخذ هـ القرار !! اه يا خليفة مب مصدقة اني خسرتك وللأبد !! انا اسفه يا عمري بس ما بيدي اسوي شي انا وحده مجرمه ما تصلح لك .. الله يصبرني على فراقك ما ادري كيف بتكون حياتي من غيرك .. مو كافي اني بين اربع جدران .. آآه بس لو اطلع من هنيه ولو القدر يلعب لعبته كنت ما فرط فيك
وقطع حبل افكارها المسئولة:غادة اذا انتي بخير في وحده تقول انها تبا تشوفج !!تقول انها عندها خبر بيغير كل حياتج
غادة وهي مستغربة : وحده تبا تشوفني !! وفيه قرار بيغير كل شي بحياتي؟! لا يكون عفراء !! ورضت صوب برع
غادة كانت تركض توقعت عفراء يايه تبشرها انه خليفة ما راح يخطب بنت عمة وانه القدر ابتسملها اخيرا بس اول ما بطلت الباب تمت متصلبة مكانها وما عارفه شو تقول ..! الخوف بس هو اللي سيطر عليها وحست انه في مصيبه
تنتظرها وقالت بصوت متقــــطع : آنتـــــــــــ..................ــــي ؟؟!!!!!!!!!!!!!
.............: هيه انا ؟؟!!!!!!! ليش ما توقعتي انج تشوفيني
غادة وهي خايفه : لا !! أنتي اكيد يايه تبشريني انج ربحتي القضية واني بتم مدفونه هنيه طول عمري
امنه وهي تكتم قهرها : بصراحه جان ودي اخليج تتعفني طول عمرج في هـ المكان !! وما كنت راح أرضاء بأقل من انهم يحبسوج مؤبد ..!! بس حسافه فيه واحد خرب علي كل شي وخلاني ابداء من نقطة الصفر

امنه وهي تكتم قهرها : بصراحه جان ودي اخليج تتعفني طول عمرج في هـ المكان !! وما كنت راح أرضاء بأقل من انهم يحبسوج مؤبد ..!! بس حسافه فيه واحد خرب علي كل شي وخلاني ابداء من نقطة الصفر
غاده وهي مب مستوعبة : انتي شو تقولين ؟؟؟!!!!! انا مب فاهمه شي
امنه وهي تاخذ نفس عميق : انا توني رداه من المركز وتنازلت عن القضية !! والدية بعد تنازلت عنها .. استانسي !!
غادة وهي مب مصدقة اللي يالسه تسمعه وتمتمت بفرح: انتي من صدقج ؟! تنازلتي عن القضية !! وعن دية ابوج بعد
امنه بدون نفس : هيه تنازلت .. وقريب بتطلعين من هالمكان ..... بصراحه ما توقعت انج مهمه للشخص اللي جبرني اسوي كل هذا !!! وضحكة بسخرية وكملت تم ماشي وراي لحد ما تأكد اني وصلت المركز وتنازلت الظاهر وايد تهميه
غادة وهي طايره من الفرحه : معقولة !!! يعني قريب بصير حره !! لا لا ما اصدق .. بس منوه الشخص ما قالج اسمه
امنه بحقد : لا والله ما قالي .. بس كل اللي قدرت افهمه انه يحبج وتهمه راحتج .. وسوى المستحيل عشانج
غادة وهي سرحانة ودموعها اربع اربع : هذا اكيد خليفة .. رغم كل اللي سويته فيه الا انه تم واقف معايه
امنة تقطع حبل افكارها : غادة انا صح تنازلت عن القضية بس اباج تعرفين شي واحد دم ابوي راح تدفعين ثمنه غالي
غادة بخوف : بس انا ما كان ودي اقتل ابوج ... ابوج حاول يسلبني شرفي وجان لازم اتصرف
امنه وهي تلبس نظارتها وتمتمت بسخرية : مبروك عليج الحرية يا ماما وسكتت شوي وعقب تمتمت بخبث .. بس انا وراج والزمن طول .. وصدقيني تنتظرج ايام سوداء .. من رخصتج يا فالحه
غادة وهي تستند على الكرسي : لا ما اصدق انا بطلع من هالمكان وراح تثبت برائتي يعني الحينه ما صار في اي حاجز يمنعني اني اكون قريبه من خليفة واما بموضوع فاطمة انا راح اصارحه !! وخليفة طيب لا سمعني اكيد بيفهمني





::


::




فاطمه كانت توها واصله بيت ام غادة دقت الباب اكثر من مره بس محد فتح وكانت تعبانه ع الاخر ويلست ع الارض
آآآآآآه يا مريم سويتي اللي براسج وطردتيني من البيت !! كرهتيني فـ حمود وخليتيه يكرهني .. بس انا من اليوم راح ادور على شغل وراح ارجع اميرة ومايد في حضني .. كافي اللي خسرته .. اميره ومايد الشي الوحيد اللي بقالي من هـ الدنيا ولازم احارب عشانهم .. وتمت تمسح على بطنها .. وانته بعد ما نسيتك بس قبل ما تنولد راح اجهز لك كل شي !! وحست بليه قوية في بطنها ما قدرت تستحملها وتمت ماسكة بطنها وما عرفت شو تسوي حست روحها بتطلع
نوف اول ما وصلت وشافت فاطمة خافت : اميه هاه فاطمة اشو اللي يابها ؟؟!! وفي أيدها شنطه بعد
ام غادة بخوف : نزليني وخلينا نشوف اشو اللي صاير ؟!! كانه لون وجها مخطوف
فاطمة اول ما شافتهم تمت اتصارخ : نوف خالوه لحقوا علي !!! شكلي بولد
نو ف وهي متصلبة مكانها : اميه فاطمة تقول انها بتولد
ام غادة وهي مبطلة عيونها : اشووووو ؟؟؟!! تولد وهي بالسابع نوف ودريني انا لحقي عليها خلينا نوديها المستشفى
نوف راحت تركض صوبها : فطوم غناتي بلاج ؟؟!! من صدقج حاسه نفسج انج بتولدين
فاطمة ودموعها اربع اربع وهي ماسكة بطنها وظهرها : ما ادري يا نوف وديني الدختر بسرعة مب قادرة استحمل
نوف بخوف : ان شاء الله ... يلا تعالي .اخاف تولدين في السيارة ........................
ام غادة بخوف : روح المستشفى يا وليدي ويا ريت لو تعجل .. البنت تعبانه واخافها تولد
راعي التكسي بخوف : ان شاء الله ...........................




::


::



حمود كان قاعد على الشاطئ ويلعب بالرمل والحزن مسيطر عليه : آآآآآه يا مريم ليتج ما دخلتي حياتي ولا ذكرتيني باللي جمعنا من قبل !! ع ألأقل يمكن اوضاعي مع فاطمة تكون احسن .. ويمكن تجنبنا خسارة ميرة .. آآه يا هــ الزمن حسستني في البداية اني لا خذيت مريم راح اكون مرتاح !! واحقق الشي اللي ما قدرت اسوية من السنين .. بس زواجي من مريم كان عكس ما كنت متصور !!من يوم ما تزوجتها كنت اخسر فاطمة شوي شوي وبدون ما حس .. والحين خسرتها وللأبد وما ضنتي راح توافق وترجع لي .. انا .. وابوي .. وامي الكل جرحها وعذبها .. ودي اعرف شو سالفة الصورة اللي يقصدها ابوي .. ع الأقل فهمت هـ اللغز حتى فاطمة يوم سألتها عن الصورة تهربت وما رضت تخبرني وتفهمني شو اللي صاير .. انا ما اقدر اعيش من غيرها .. فاطمة صارت كل شي حلو بحياتي ولو خسرتها احس اني بضيج وبتشتت .. وخايف انه الخسارة ما تتوقف عند فاطمة وبس !! احتمال اخسر عيالي بعد ويمكن من ضيقتي اتهور واخسر مريم.. وموضوع حملها موترني ومخلني مب قادر اركز !! هذا وقته تحمل !! الحينة لو بغيت اصارحها واخبرها اني طلعت ما احبها ومستعد اضحي فيها بس عسب فاطمة ترجع لي !! وانه الحب اللي كنت متخيل انه اكنه حقها طلع وهم في وهم !! يا الله ساعدني ورشدني مو كافيني هم اميرة اللي من يوم ما ماتت اختها وهي مب راضية تتكلم .. ما شي حل غير اوديها عند امها يمكن لا طلعت من البيت ترتاح وتنسى شوي .. بس اذا تمت معاي راح تتذكر كل شي صار في ميره .. انا بتصل بفاطمة وبخبرها بهالقرار وعسى توافق وبكذا اقدر اشوفها وقت ما ابا ويمكن اكسبها وتنسى موضوع الطلاق .. وموضوع حمل مريم راح اخليه لبعدين ..



::




::



خوله كانت حزينة وتفكر ودمعتها في عينها واول ما شافتها امها راحت صوبها : خوالي بلاج حبيبتي ؟!! شي يعورج
خوله اول ما سمعت صوت امها حضنتها وتمت تصيح بحرقة : اميه خالد زعلان علي يكلمني بدون نفس ..
ام حمود وهي تمسح على راسها : خوله حبيبتي يمكن في شي بالشغل مضايجة ولا تنسي حالة ابوه واخته
خوله وهي تتنهد : حتى ولو امايه انا اول مره اشوف خالد يعاملني بهالشكل .. تتوقعين صار ما يحبني
ام حمود بابتسامة : خوالي شيلي هالافكار السوداء من راسج يمكن خالد مضايج شوي ولا هداء بيعتذر من اللي سواه
خوله بضيج : بس صوته كان يخوف !! حسيت كأني مسوية شي كايد
ام حمود تقاطعها : خوله انتي شو تقولين !!! يمكن الموضوع مش مستاهل وانتي تكبرية على كيفج ؟؟!!
خوله وهي تتنهد : اماية انا ودي ارجع البيت !! بس اميرة ومايد محتاجيلي مب عارفة شو اسوي
ام حمود وهي تبوسها على راسها : لا يا بنيتي اذا على اميره ومايد تراهم عندي وانا ما بقصر وانتي رجعي لبيتج
خوله باقتناع : خلاص امايه انا بخبر سناتا تجهز لي اغراضي وراح امر عليكم بين فتره وفتره ..
ام حمود : خولة حبيبتي لا تاخذي بخاطرج انتي في هـ الفترة وايد أهملتي خالد !! يمكن عسب جذا زعلان
خولة ودمعة ارتسمت على خدها : بس هو لازم يقدر موقفي هذا عزاء !! وانتوا محتاجين لي !!
ام حمود بابتسامة ممزوجة بحزن : حتى خالد حالتة مش احسن عنا !! ابوه طايح !! وروضة ما بينت !!
خولة وهي تاخذ نفس عميق : فهذي صدقتي .. بس انتي شفتي حالة فاطمة !! ما قدرت اخليها بروحها
ام حمود وهي متنرفزة : فاطمة طلعت خلاص من حياتنا !! ولا سمع ابوج هـ الأسم صدقيني بيزعل عليج !!
خولة بضيج : امايه خلي الدريول يجهز السيارة .. وخبري سناتا اباها تسير معاااااي !!!!!


::



::




فـــــــي المستشفى

خالد كان عند ابوه ومتكدر ع الاخر جان وده يخبر ابوه بكل شي بس ما حب يكدر خاطرة وتم يحكي له عن الشركة والصفقات اللي رست عليهم وانه كل شي صاير تمام وعقبها خالد سكت وحس بحرقة بداخله وكمل : سويت كل شي تتمناه الا روضه !! هـ الشي الوحيد اللي ما قدرت عليه .. كل يوم اسير مركز الشرطة واشوف اذا فيه اخبار بس الكل يقول ما شي .. وانت صار لك اكثر من خمس شهور على هـ الحالة ؟؟!!! حاس نفسي ضايع ووحيد انا محتاج لكم ابوي .. ودي اشوفك بخير واشوف روضه رجعت لبيتها ودي نرجع مثل اول .. وخايف هـ الشي ما يصير .. غياب روضة طول والوساوس بدت تلعب براسي .. خايف يكون صاير عليها شي .. ع الاقل لو كانت حيه كنا عرفنا عنها شي
بو خالد بداء يحرك ايده شوي شوي وعقب تم يتكلم بصوت واطئ ومتقطع ويتمتم بحرقه : مشـــ......ـــعل !!!!
خالد وهو يقرب من ابوه ومب مصدق اللي يشوفه : ابوي انته حركت ايدك وتكلمت لا ما اصدق وركض صوب الدكتور
دكتور .. دكتور .. تعال ابوي طلع من غيبوبته .. ابوي من شوي كلمني وحرك ايده
الدكتور بابتسامة : تعال خلنا نروح صوبة وتموا يسووله فحوصات وعقب ما خلصوا راح صوب خالد
خالد بخوف : هاه دكتور بشر
الدكتور بابتسامه : خالد الحمد لله ابوك بخير بس عنده صعوبة بالكلام وكلها كم يوم ويرجع شرات أول وأحسن!!
بس فيه شي غريب ابوك طول الوقت قاعد يردد اسم مشعل ؟؟!! أنته تعرفه ؟؟!!
خالد بتوتر:مشعل ؟؟!!!لا والله ما اعرف غير ولد جيرانا وابوي ما كان يتعامل معاه وايد .. يمكن يقصد واحد من ربعه
الدكتور : ما ادري بس كل ما يقول اسم مشعل يضغط على ايده بقو وكأنة منقهر منه
خالد بخوف : والله شو اقولك يمكن واحد من التجار وهو اللي وصل ابوي لهالحالة انا بروح صوبه وافهم السالفه
الدكتور : صار انا بعد عندي شغل لا خلصت مر علي المكتب
خالد بابتسامه : ان شاء الله دكتور وما مشكور على وقفتك لو ما انت الله العالم بحالتي
الدكتور : ولو خالد لا تقول جذا !!


:::


روضة كانت سرحانة ومضايقة .. وعقب مسكت المصحف وتمت تقرا فيه وكلها دقايق وقاطعها صوت الدكتور نايف
دكتور نايف : صبحج الله بالخير ؟؟!!! شخبارج روضة
روضة وهي تصكر المصحف : صدق الله العظيم .. وصدت صوب الدكتور وتمتمت وبابتسامة .. صبحك الله بالنور ..
نايف وهو يجلس ع الكرسي لـ قريب من سريرها : هاه بشري ؟؟!! شخبارج الحين !! ان شاء الله احسن
روضة بابتسامه وتمتمت بمزح : والله عاد انتوا أدرى بحالتي ؟؟!!!
نايف : بخصوص لـفحوصات اللي سويناها حقج البارحه اثبتت انج تخلصتي من كل السم اللي كان في جسمج !!
روضه قاطعته وبين صدمتها وعدم التصديق تمتمت بخوف : دكتور لا يكون قصدك !! اني برجع امارس حياتي طبيعي
نايف يقاطعها بابتسامة : هيه روضة .. تقدري تمارسي حياتج طبيعي .. واحتمال كبير نرخصج عقب يومين
روضه وهي تفرك اصابعها بطريقة غريبة وتمتمت وراسها في الارض : دكتور نايف .. انت ومنال وايد تعبتوا عشاني .. ولو اتم اشكركم طول عمري ما راح اوفي حقكم .. عسب جذا في طلب ثاني واتمنى ما تردني
دكتور نايف بخوف : روضة تراج خوفتيني .. خبريني اشو اللي مستوي
روضه ودمعه محفورة على خدها : دكتور بصراحه .. فاخر مره مشعل صادني فيها وداني مكان غريب وبعدين ...........؟؟؟!!!! ما قدرت تكمل وتمت تصيح بشكل غريب وهي تتذكر كل لحظة عاشتها فذاك المكان الغريب
دكتور نايف على طول قرب صوبها وحاول يهديها : روضة شسالفة ؟؟!!! تراج خوفتيني !! هدي نفسج
روضة وهي تنفجر من البكاء وتمتمت بحزن : مشعل عطاني مخدر والجرعة كانت وايد قوية .. وما كنت عارفه اللي يدور حوالي .. واول ما قمت حصلت ملابسي مقطعة وكنت متخيسه من الدم خايفه يكون مشعل ...؟؟؟؟!!!!
الدكتور نايف فهم شو طلبها وتمتم بابتسامة : روضه خلي هـ الموضوع علي .. انتي صرتي وايد تهميني .. انا اعرف واحد ثقة وعنده عيادة .. وهو اكيد بيقدر يساعنا
روضه بشوية امل تمتمت بحزن : ما راح يتكلم ؟؟!!!!!!
الدكتور نايف بابتسامة : قتلج خلي الموضوع علي ,.. ولا خلصنا هـ الموضوع ابا اكلمج في موضوع ثاني .؟؟!!
روضه بابتسامة : مشكووور دكتور ما قصرت .. ما راح أنسى وقفتك معاااي ..
وراح صوب مكتبه واول ما بطل الباب حصل أخته سعاد
سعاد بابتسامه : هاه لاهي عند حبيبة القلب !! صار لي ساعه أنتظرك وانته ولا معبرنا
نايف وهو يستند ع الكرسي وتمتم بضيج : احبها يا سعاد احبها ..
سعاد تمتمت بضيج : بس اللي تسواه غلط يا نايف .. اصحى على نفسك
نايف بضيج : مستعد احبسها هنيه طول العمر .. أهم شي روضه تكون قربي
سعاد بحزن : انته مستغل وجودها بلا هوية في هـ المكان .. وقاعد تحركها حسب ما يملي عليك قلبك
نايف وهو يداري دمعتها : لا وافقت تتزوجني ساعتها راح أخليها تطلع من هنيه ..!!
سعاد بعصبية : نايف روضه كل اللي خذته جرعه أو جرعتين .. يعني علاجها كان بس يباله شهر بالكثير .. بس أنت صار لك خمس شهور حابسها .. والمسكينة تتحسب انه جسمها للحين ما تخلص من السموم ..!! حرام عليك يا نايف
نايف بعصبية : سمعيني يا سعاد .. روضه ما راح تطلع من هنيه إلا وهي زوجتي .. وبعدين انا وقفت معاها وايد
سعاد قاطعته بضيج : بس لا درت باللي سويته ساعتها راح تحقد عليك .. وما راح ترضاء حتى تشوفك !!
نايف يقاطعها : مو لازم تعرف .. انا وعدتها عقب يومين أرخصها .. بس قبل راح أعرض عليها الزواج
سعاد بحزن : وافرض انها رفضت !! ساعتها شو بيكون موقفك
نايف وهو يضرب الطاولة باقوى حيله : ما راح ترفض ..!!!
سعاد بحزن : على راحتك يا خوي ..
نايف وهو يشدها من ايدها : انتي دكتورة نساء وولاده .. وهذا بيسهل علي وايد ..وبيضيف نقطة لصالحي تعالي وراي
سعاد وهي مستغربه : بسم الله .. نايف شو اللي صار عليك
نايف وهو يأشر على غرفة روضه : روضه موجوده هنيه .. وتبا تكلمج بموضوع
سعاد بحيره : تكلمني ؟!!!!! وبخصوص شو ؟!!
نايف وهو ياخذ نفس عميق : أعتقد فيه واحد لعب بشرفها .. وهي تبا تطمن
سعاد بتوتر : بس يا نايف ...........!! وقبل لا تكمل كلامها شدها نايف من ايدها ودخلها على روضه
نايف بابتسامة : روضه قتلج راح تنحل .. هذي أختي الدكتوره سعاد .. تخصص نساء وولاده .. تكلمي معها براحتج
روضه بخجل ما توقعت انه نايف بيلبي طلبها بهالسرعه وتمتمت بتوتر : مشكور دكتور ما قصرت .!!
سعاد وهي تقعد يمها : هاه روضه شخبارج
روضه بخجل : الحمد لله انا بخير ..
سعاد :شوفي خلينا نكون واضحين من البدايه .. طبعا نايف خبرني بكل اللي صار بس انا حبيت أسمع الموضوع منج
روضه بألم : دكتوره انا تعرضت للأغتصاب .. يعني كنت فمكان وقمت وحصلت ملابسي مقطعه .. وكان عليها بقع دم
وخايفه يكون هـ الخايس سلب شرفي ..!! عسب جذا تجرأت وكلمت دكتور نايف .. حسيته حاب يساعدني
سعاد وهي تضحك : فعلا نايف حاب يساعدج .. ودايم يكلمني عنج .. ولا تخافي خلي الموضوع علي .. وزقرت الممرضه .. وتمت تكلمها وتشرح لها الوضع وكلها دقايق وسوت للفحوصات اللازمه وعقب راحت صوب روضه وتمتمت بابتسامه : كل شي صار تمام .. والنتيجه راح تطلع خلال هـ اليومين ..!!
روضه بخجل : مشكوره دكتوره تعبتكم معااي .. وأشكري الدكتور نايف نيابه عني .. ما راح أنسى وقفتكم
الدكتوره سعاد وهي تمسح على راسها : لأجل عين تكرم مدينه .. من رخصتج
روضه بابتسامه : الحمد لله انه الله حط ناس طيبه في طريقي .. لك الحمد يا رب


::


::




فــــــــــي شـــــــركة بو مشعل


بومشعل كان توه واصل وعيونه صايره حمراء من كثر التفكير .. دخل المكتب وطلب قهوة عشان نفسيتة تهدى
العامل : تفضل بو مشعل هذي القهوة اللي طلبتها .. عن اذنك
بومشعل وهو ياخذ القهوة وتمتم بحزم : جمعه خلى بو غدير يمر علي المكتب ويجيب كل الملفات المتعلقة بالصفقات
جمعة باقتناع : ان شاء الله عمي .. من رخصتك .. وراح وخبر بو غدير وعلى طول جاء صوب بو مشعل
بوغدير بتوتر وهو ماسك الملفات : هلا بو مشعل خبروني تباني
بومشعل وهو ياخذ عنه الملفات : تفضل بو غدير. . ابا أشوف وضعية الشركة في الفترة الأخيرة !!
بوغدير بابتسامة : لا تخاف كل شي يمشي عالي العال .. وهـ الكم يوم بندخل صفقة كبيرة بس محتاجين لمبلغ كبير .. يعني الموضوع يبالة قوة قلب وشوي مجازفة .. وان شاء الله نكون قدها وترسي الصفقة علينا !!
بومشعل وهو يعدل جلستة وبتمعن : وكيف دخلتوا هـ الصفقة !! ومن اللي أقترح عليكم هـ الشي
بوغدير بتوتر : مشعل !! ليش ما خبرك
بومشعل اول ما سمع اسمة مشعل تنرفز وتمتم بعصبية : وكم المبلغ المطلوب ان شاء الله !!
بو غدير وهو يبلع ريقه : نحن حاولنا نقنع مشعل ونبهناه على المخاطر !! بس هو كان متأكد انه الصفقة بترسى علينا
بومشعل : ما علينا من هـ الكلام .. خبرني كم المبلغ
بو غدير وهو يتنهد : مليون ريال
بومشعل بتوتر : اشوووو ؟؟!!! مليون ريال !! بس هذي كل ميزانية الشركة
بوغدير: بومشعل نحن ما نقدر نسوي شي .. مشعل دخل في المناقصة !! وخروجنا راح يضرنا !!
بومشعل بتوتر : انزين ومحاسب الشركة شو رايه
بوغدير: بصراحة مشعل كان متفق معاه من كم شهر !! يعني كان من متى راسم على هـ الشي ومخطط ينفذه
بومشعل وهو يمسك التلفون ويتصل بالمحاسب : الوووووو هلا بوسرور
بوسرور : هلا عمي بو مشعل امرني شو في الخاطر !!
بومشعل : انته سمعت عن الصفقة اللي مشعل يبا يورطنا فيها !! ممكن أعرف شو للجديد في الموضوع ..
بوسرور : بصراحة صارلي شهر طالع إجازة عشان مرض الوالد .. بس ثواني اتصل بالمساعد وارد لك خبر
بومشعل : خلاص ولا تتأخر .. ضروري ترد علي الحين ...





::


::





ميثاء وهي تتكلم بخوف : ضاري بشر شو صار على موضوع الرجال ..؟؟!! عسى حصلته ؟؟!!!
ضاري بتوتر : ميثاني غناتي لا تحاتي شي حصلته .. وللأسف بعده مسجون ؟؟!! بس بحاول ادفع كفالته وبطلعه
ميثا تقاطعه : ضاري سوا اللي تشوفه مناسب .. باكر او اللي عقبه بالكثير اباه يكون بالسلطنة فاهم ؟؟!!
ضاري : ميثاني لا تحاتي شي .. ان شاء الله اليوم أخلص كل الإجراءات وباكر ارجع وهو معااااااي
ميثا بابتسامة ممزوجة بحقد : خلاص ضاري صاااار ؟؟!!! وطبعا وقفتك معاي ما راح انساها وطلباتك اوامر
ضاري بحب : انتي عارفه شو طلبي عدل ....؟؟!!!
ميثا بتوتر : ضاري لا خلصنا كل الموضوع .. اوعدك كل اللي تباه بيصير تمام !!!!
ضاري : خلاص ميثا اتفقنا .. اشوفج باجر مع السلامة .....................
ميثا وهي تفر التلفون : آآآآه يا ضاري ..اللي خذيتة مني وايد .. ولازم ادور طريقه عسب اتخلص فيها منك ومن شرك
بس بالاول باخذ منك كل اللي اباه .. وعقب راح افكر بخطة تمحيك من كوكب الارض كله .. صبرك علي بس
قاطعتها أم مشعل : ميثا فاضية بغيت اتكلم معاج .....؟؟!!!
ميثا وهي تروح صوبها : اخيرا اماية .. طلعتي من حجرتج .. صدقيني ما في شي يستاهل تزعلي عشانه
ام مشعل بحقد : وعشان جذا انا طلعت ..!! محد باقي لي غيرج !! وانتي فهالفتره اكيد محتاجة حق خططي
ميثا وهي مستغربة : امايه انتي شو تقولين ؟؟!!! اي خطط هذي اللي تتكملي عنها ؟؟؟!!!!!!!
ام مشعل بثقة وهي تمد كيس صوب ميثا : تدرين الحرمة اللي كلمتج عنها قبل .. اللي تسوي سحر ..
ميثا وهي تاخذ الكيس وتقلبه : ايه بلاها ... لا يكون ماتت
ام مشعل : لا .... انا كنت مكلمتنها قبل عنج وعن خالد .. بس يوم انا كلمتج في الموضووع انتي ما طعتي
ميثا : امايه وانا بعدني عند رائي .. مابا اخلي السحر يرجع لي خالد ..!! انا بخلية يرجع لي وبطريقتي
ام مشعل بخبث : ايه خليه يرجع بطريقتج .. بس انتي بتحتاجي هـ السحر .. يعني بيسهل عليج المشوار شوي
ميثا وهي تعدل جلستها : اماايه بعدني ما فهمت عليج .. ممكن توضحين أكثر ؟؟!!!
ام مشعل بخبث : ميثا ابوج ومشعل تصرفاتهم صارت تخوف !! واخاف انا وانتي ندفع ثمن هـ الشي .. نغمض عيونا ونبطلها وعقب نحصل نفسنا في الشارع ..!! وزواجك من خالد بيسهل علينا .. ع الاقل بنضمن بيت يضمنا تحت سقفه
ميثا بحيرة وهي تحرك الكيس : انزين شو سالفة هـ الكيس ؟؟!! لا يكووون السحر .................فيه