فـــي بيـــــــــــــت بو سعيـــــــــــــد

فـــــــــــــي بيت سعيد .. ساره كانت قاعدة تجمع اغراضها عسب ترد بيت اهلها
ساره وهي تصكر اخر شنطه وتمتمت بحرقة : سعيد انا سايره !! بريحك مني ومن تأنيب الضمير اللي حااس فيه
سعيد فخاطره : لا تجرحيني اكثر يا ساره !! انتي تعرفين شكثر انا احبج واموت على التراب اللي تمشين عليه .. بس فهد ربيعي !! وانا مستحيل اطعنه في الظهره .. مثل ما ناصر وغيره متخيل !! سامحيني يا الغاليه سامحيني .. انا مجبور أسوي كذا .. أنا كنت ناوي أخليج تطفشين من زمان .. واللي بغيته صار .. وطنشها وسار برع
ساره قاطعته بقهر ممزوج بدمعه وتمتمت بحرقة مع تنهيدة قوية : سعيد اقولك بروح بيت أهلي !! وبدال لا تحاول تمنعني تعطاني ظهرك وتروح .. وكأنه هـ الشي ما يعنيلك ..ما ضنيت انه العشره رخيصه عندك هـ الكثر
ما سمعت المثل اللي يقول العشره ما تهون الا ع ولد الحرام .. كلمني لا تعطاني ظهرك وتروح .. انته بهالطريقه تجرحني
سعيد فخاطره : روحي يا ساره !! انتي بتمين طول عمرج غاليه وبتمي في قلبي لين ما أموت .. انتي تستاهلين واحد يقدر قيمتج افضل مني .. انا ما استاهلج .. انتي انخلقتي لفهد وانا راح اردج له وبايدي .. لازم ترجعين لولد عمج !! فهد يستاهلج اكثر مني .. وهو بيصونج وبيحافظ عليج أكثر مني .. سامحيني يا الغاليه سامحيني .. وكان يبا يطلع
ساره وادموعها اربع اربع وهي توقف جدامه وتمتمت بحرقة : تعرف انك واحد أناني.. بس شو اقول يا خساره حبي لك وخذت شنطتها وسارت صوب الباب .. واول ما شافتها عفراء ركضت صوبها : ساره ليش هالاغراض وين بتروحين ؟!!
ساره ودموعها اربع اربع :اخوج اكتشف انه زواجنا غلطه!!والظاهر انه يبا يطلقني وما طايق حتى وجودي في هـ البيت
عفراء وهي تصد صوب سعيد : سعيد انته تخبلت !! ما صارلكم من تزوجتوا غير ثلاث شهور !! وبهـ السرعه بتطلقوا
سعيد جلس ياكل وما رد عليها .. ساره اول ما شافت هـ التصرف خذت شنطتها وسارت صوب برع ودموعها اربع اربع وتمتمت بعصبية ممزوجة بحرقة : انا تهيني يا سعيد وترخص فيني بهـ الشكل !! اذا فهد ربيعك .. نسيت اني انا حبيبتك انا شو ذنبي ؟!! ليش تسوى فيني جذا !! بس انا مستحيل اسمحلك تذلني اكثر عن جذا ؟؟!! آآآآآآآآآآآآآآآه حسافه يا سعيد أنته جرحتني جرح .. وما راح اسامحك أبد !! انا صح إني طلعت من هـ البيت !! بس مستحيل ارجعله وفرقاك عيد


::


سعيد اول ما طلعت ساره انهار وتم يصيح شرات الجاهل .. عفراء اول ما شافته سارت صوبه وتمتمت بضيج وهي تمسح على راسة : اذا انته تحبها هـ الكثر !! ليش خليتها تروح ؟!! ليش ما منعتها ؟!! سعيد بلاك اشو اللي صار فيك ؟!! وين راح حبك لـ ساره .!! كيف تتخلى عنها بسهوله هذي ؟!! معقولة هذا سعيد اللي كان طول الوقت يتغزل بسارة
سعيد وراسه على الطاوله وتمتم بحرقة : اشو تبيني اسوي ؟!! فهد يحبها وانا ما اقدر اغدر فاعز ربعي !!
عفراء وهي تروح صوبه وتمتمت بقهر : غلطان يا سعيد !! انته فكرت في ربيعك فهد ونسيت قلبك !! عقب اللي سويته اليوم ما ضنتي ساره راح ترجعلك ابد .. انته اهنتها جدام الكل وهـ التصرف ما توقعته من سعيد العاقل .. صداقتك هذي بدمرك !! فهد عايش حياته طبيعي !! وكلها جم يوم وبينسى ساره ..!! وباجر بيحب غيرها !! هو ما بيخسر شي بس انته بتطلع الخسران الوحيد في النهايه وبذكرك .. حسافه يا خوي حسافة
ام خليفه وهي تروح صوبهم وتمتمت بخوف : عفاري بلاج تصارخي على أخوج؟! أشو اللي مستوي
عفراء ودموعها أربع أربع : اماية عقلي ولدج !! سعيد ناوي يطلق زوجتة .. ساره رجعت بيت أهلها !!
ام خليفه بخوف : سعيد أأشو اللي سمعته من شوي
سعيد بعصبية ممزوجة بخنقة : اوووووووههوووو ارحموني الله يرحم بحالكم !! انا ما ابيها خلاص !! النفس عافتها
ام خليفه بتوتر : لا الولد أكيد أستخف !! شو اللي صار يا ربي !! بالأول كان ميت عليها !!!
ساره ودموعها اربع اربع قررت انها تتصل على هلال .. خذت تلفونها ودقت .. : هلا هلال ... وعقب سكتت شوي وتمتمت بحرقة .. هلال انا ابا اتطلق من سعيد !! تحملت بما فيه الكفايه !! وخلاص مب قادره استحمل اكثر!! انا تعبت
هلال بضيج : ساره هدي نفسج ... انا أخلص شغله لا وصلت البيت بنتفاهم لا تتهورين يا اختيه .. هذا اللي يباه سعيد !!
ساره بضيج : انا اكرهه اكرهه !! وثقت فيه بس غدر فيني !! تخيل يعاملني شرات الاغراض الموجوده في حجرتي
هلال يقاطعها : ساره حبيبتي هدي نفسج لا رديت البيت بنتفاهم واول ما صكر التلفون وقف سيارته وتمتم بحرقة انا من وين بلقاها !! من ساره والا من مها !! يا ربي شو هـ المصايب اللي هلت علينا مره وحده ؟!! كله منج يا مريم خربتي حياتي وحياة ساره ؟!! لو سكتي شو كنتي بتخسرين .. زين أحين .. انتي مرتاحة ونحن عيشتينا فعذاب !! الله يهديج بس



::


::


فــــــــــــــــــي ألسجــــــن

غاده بضيج : منو اللي زايرني ؟!! أكيد هذا المحامي عبدالله !! هو متعود يطب علي الصبح .. وعاد انا مالي خلق !!
.....: ما ادري خبروني انه لج زياره وجيت اخبرج .. يلا قومي لا تتاخرين .. صارلهم نص ساعه ينتظروج
غاده بخطوات متثاقله : ما ادري ليش حاسه اني اللي زايرتني اليوم هي مريم !! ليش أني شفتها بمنامي !!
نوف بضيج : حشا صار لنا نص ساعه نتريا وغاده للحين ما شرفت ..
فاطمه : انا مستعده انتظر كل عمري .. بس المهم اني اشوفها ... ابا ارتاح تعبت من هـ العذاب
غاده وهي تشوف نوف وتمتمت بسخرية : هذي انتي !! ليش يايه بروحج ؟!! وينها امايه ليش ما جبتيها معاج
نوف بضيج : زيارتي لج صدفه !! بس فيه وحده اصرت انها تشوفج .. وانا بعد أٌقول لازم تشوفيها وتتفاهمي معها
غاده بتوتر : ومنو هذي واول ما شافت فاطمه تصلبت مكانها ودمعت عينها : انتي
فاطمه بضيج وتمتمت بسخرية : هي هذي انا !! شكلج ما كان ودج تشوفيني !! أو ما توقعتي زيارتي لج !!
غاده وهي تتنهد : لا يا اختيه مب قصدي جذا بس كل ما في الموضوع اني مستحيه منج وودي اصلح كل شي
فاطمه وهي تراويها الصوره وتمتمت بحرقة : تعرفين شي يخص هـ الصوره
غاده اول ما شافت الصوره دمعت عينها : لا يا اختيه اول مره اشوفها !! اصلا انا ما شفت مريم من يوم العرس
نوف تقاطعها وهي مستانسه : قتلج غاده مستحيل تسوي هـ الشي !! هذي اختي وانا اعرفها عدل
فاطمه بحزن : غاده انا اللي سمعته منج في العرس تلطيشات حكي وما فهمت الا شي بسيط .. ممكن تفهميني الحين بشكل أوضح !! ابا اعرف مريم ليش سوت فيني كل هذا !! ليش داست على كرامتي ودنست شرفي وخلت سمعتي بالتراب .. هي خذت حمود خلاص .. ليش تبا صورتي تهتز بهـ الشكل .. هـ الشي الوحيد اللي مب قادرة أفهمه !!
غاده بحزن : تصدقين فاطمه قبل ما أشوفج كنت بالليل ما اقدر ارقد !! كل ما غمضت عيني شفت كوابيس !! كنت دايما اشوفج تدعين علي وتقولين الله ينتقم منج ويجي احد ويسوي فيج شرات ما سويتي فيني وع طول كنت أصحى خيفانه !! واحمد ربي انه حلم !! بس عقب ما شفتج بـ العرس عرفت اني ظلمت انسانه ودمرت لها حياتها .. بس قسم بالله كل شي صار غصبا علي .. وشوفي الله عاقبني وانسجنت .. وسبحان الله كل شي كان يتعلق بشرفي .. كنت راح أخسر كل شي .. وكنت عارفة بداخلي انه الله قاعد يعاقبني .. اللي سويته فيج شي كايد يعني دارت الدواير وطاحت مصيبه ع راسي
فاطمه وهي تتنهد : غاده بقولج شغله وحده بس !! عقب كل اللي سويتيه فيني انتي ومريم ولا مره دعيت عليكن .. ما انكر كنت اقول حسبي الله ونعم الوكيل وادعي من ربي انه ياخذلي بحقي منج ومن مريم !! بس ما دعيت عليج بشي يضرج أو يضر مريم .. فوضت امري لله وهو تصرف من فوق سبع سماوات .. انتي دشيتي السجن ومريم عقب ما كانت تتحرى روحها انها حامل للاسف طلع ما شي جنين فبطنها .. والحمل كان كاذب !! هي مو بس سرقت زوجي !! سرقت حتى الامان من بيتي !! تخيلي بنتي الصغيره ما سلمت من شرها .. وبسبة الخوف اللي زرعته بداخلها ما قدرت تتكلم ثلاث ايام .. ثلاث أيام وهي ساكته .. ما كانت عارفة ليش تتصرف جذا .. وش اللي صار فيها وخلاها جذا .. وعقب قدرت أعرف وبطريقتي انه مريم هددتها انها بتقتلي !! ليش أنها شافت مريم وهي تاخذ واحد من كتبي وتحط صوره داخله !! انا ما اعرف مريم ليش تتصرف جذا !! معقوله فيه ناس تحب لدرجة انها ادوس على غيرها بس عشان مصلحتها !!

::

::

غاده ودمعه ارتسمت على خدها : شوفي يا فاطمه .. انتي تتحريني اني انا سويت هـ الشي برضااي !! انا من يوم ما توفى ابوي وانا شاله هم اخواني وامي .. انظرينا من اقرب الناس عمي .. عمي وبكل سهوله طردنا من بيتنا عقب ما اختلس كل املاك ابوي .. صرنا نفس المشردين ومريم ما قصرت .. ابوها أجرلنا شقه فوحده من العمارات !! وكل ما اجي اعطيها الاجار !! قالت لا نحن ربع وما بينا هـ الشكليات .. ما تعرفين شكثر كنت فرحانه يومها انه الله حطني فطريقها ع الاقل .. وجودها بيحسسني بالامان وبقدر اعتمد عليها لا بغيت شي .. وهي ما قصرت كل ما طلبت شي قالت حاظرين .. وع طول تنفذ طلباتنا كانت يومها فرحانه والضحكه دايما مرسومه على شفايفها .. تمت شهرين وهي مثل الطير يطير من مكان لمكان لحد ما جاء يوم مريم دقت علي الباب وكانت منهاره ومن كثر الضيج اللي فيها طاحت جدام الباب وديناها المستشفى واتصلنا باهلها وخبرناهم وعقب خبرتنا اختها ساره انه حمود تزوج وهـ الشي اللي خلاها تتعب بهالشكل !! مريم كانت طيبه بشكل ما تتصورينه .. يمكن حبهاا لحمود خلاها تحب الناس وتحترمهم .. بس عقب ما خسرت حمود خسرت معاه كل شي حلو كان فشخصيتها .. فجأة تحولت لوحش وبدت تتغير معاملتها معاي .. وفي يوم جاتني البيت على غفلة .. وكانت تكلمني بطريقة غريبة .. وكأنها تستفزني .. وكلها دقايق ونطقت وليتها ما نطقت .. قالت بالفم المليان غاده ترى انا سكنتج في هـ البيت وانتي مديونه لي .. ولازم تردين هـ الدين في الوقت المناسب !! انا كنت اتحسبها تمزح ورديت عليها بمزحه اكيد طلباتج اوامر .. مضت السنين ومضى على زواج حمود ست سنين وطول هـ السنين كانت تحاول تتصل بحمود .. بس هو كان يتهرب منها !! وفي النهايه غير رقمه وهـ الشي اللي خلاها تنقهر !! وقررت انها ادمرله حياته .. تسوي فيه مثل ما سوى فيها .. حمود حولها من انسانه لتمثال بلا روح !! مب قادر حتى ينطق ولا يعبر ولا يقول اللي بداخله !! انا كنت اعرف مريم زين .. الحب هو اللي كان يسيطر عليها .. بس خسرت حبها وخسرت معاه كل شي حلو فحياتها.. وفذاك اليوم انصدمت لما قالت أي واحد مستانس راح اخلي حياته جحيم لا يطاق وخصوصا زوجته فاطمه وبدت تحكيلي عنج وعن عيالج وكانت مقهوره وفي غصه فقلبها .. وحلفت انها ما راح ترتاح الا لحد ما ترجع حمود .. وعقب كم سنة جات عندي المحل وعطتني صوره كنتي فيها انتي وحمود وكان شكلكم وكانكم اثنين ميتين على بعض .. وقالت حطي بدال صورة حمود سالم .. وانا اضطريت اسوي هـ الشي !! عقب ما هددتني انها تطرد اهلي من البيت !! حاولت افهمها واقولها انه هـ الشي غلط وردت علي بعصبيه : واهمه يوم حرموني من حمود هالشي ما كان حرام !! حمود انخلق لي ولازم يرجعلي .. وفاطمه هذي تروح ادورلها على واحد ثاني .. استغربت من كلامها .. بس كنت عارفة انها كانت تتكلم من قلب مجروح .. قلب ما قدر يدافع عن اللي يحبه .. كنت شفقانه على حالتها .. أكثر مما كنت شفقانه على نفسي .. وساعتها اضطريت اسوي اللي تباه !! وعطتني الرقم مالج وقالتلي طرشيه من تلفون سالم بس اقنعتها انه هـ الشي وايد صعب !! فقالت خلاص طرشيه من تلفونج وسويت اللي تباه وطرشت بوكيت الورد وكتبت هي الكرت وكانت متفقه عند وحده من البشكارات تقريبا اسمها سناتا
فاطمه قاطعتها وبضيج : اشوووووووووووووووووووو سناتا ؟!!!!!!!!!!!!!!!


:::


غاده وهي تكمل : هيه سناتا !! مريم اتفقت معاها بعد ما تخلصي انتي قارية في الكرت.. تاخذه وتفره في الزباله وتشكين فحمود وتردين تذكريه بمريم .. وهي استغلت بعدج ومشاكلج عند حمود وبدت تتقرب منه .. حمود ع حسب ما فهمت منها كان يصدها .. بس بعدين وبسبة المشاكل اللي بينكم اقتنع وبداء يسايرها .. وذكرته بكل شي حلو جمع بينهم وبهـ الطريقه قدرت توصل لحمود !! و على فكره هي بعد سوت دمج حق صورها وصور حمود ..واتفقت مع البشكاره اتحطهم فدرج حمود بحيث انج تشوفيهم !! وعقب ما تشوفيهم تجي سناتا وتاخذ الصور وكأنه اللي صار ما صار .. وبجذا مريم تسوي اللي براسها .. وأذكر في ليلة عرس خالد مريم طلبت مني اسوي صور ثانيه بس انا رفضت .. وقلت لها سويتها مره ومستحيل اسويها مره ثانيه !! هددتني وانا اصريت على رائي وتميت اطنش مكالمتها وتمت تهددني وتقول انها بتروغني من البيت !! بس بين يوم وليلة قطعتني ما عرفت شو صار قلت يمكن نست موضوعي ولهت بهمومها ...... و سكتت شوي وعقبها ضحكت بسخرية هههههه لكن الظاهر مريم ما فوتت فرصه ولعبتها صح مع سالم
فاطمه وادموعها اربع اربع : يعني قصدج هـ الصوره سالم ......................... لا لا مستحيل انا اتم بنت خالته ؟!!
غاده وهي تتنهد : لا يا فاطمه سالم من يوم يومه يحبج ولما مريم جابتلي الصور وشفت صورتج وتذكرت اني شايفتها بمكان بس وين ما ادري وعقب تذكرت مكتب سالم كنت محتاجه شوية اوراق وحصلت صورتج هناك وكان كاتب عليها وبدمه يا فاطمه وعلى الصوره حبي اللي ضيعته السنين !! سالم للحين يحبج ووده لو يكون قربج اليوم قبل باجر !!
واللي جمع بين سالم ومريم أمهم .. ام مريم هي اللي خلتها تبتعد عن حمود ..وخالتج هي اللي اجبرت سالم يبتعد عنج !!
نوف تقاطعها : ومريم عرفت تلعبها عدل !! حمود يطلقج وعقب تحسين انج ضعيفه ومحتاجه احد يوقف معاج وع طول بتوافقين على سالم !! يعني من جهه ريال يوقف معاج فمحنتج !!ومن جهه ثانيه تلملمين سمعتج اللي دمرتها مريم
فاطمه بضيج : حسبي الله عليك يا سالم !! اول مره اسمع عن واحد يحب وحده ويسوي فيها كل هذا !!هذي تعتبر انانيه
غاده ودمعه ارتسمت على خدها : هذا الحب يا فاطمه خلطة مركبه وصعب انه الواحد يفهمها .. مثل المجرم اللي عاش كل حياته يقتل هذا ويسرق من هذا ويفضح ذاك !! اذا حب يحاول ينسى ماضيه ويحاول يطلع بـ الصوره الحلوه اللي يتمنى حبيبته تشوفها عليه وفيه حب يدمر شخصية الانسان ومستعد يسوي أي شي عشان ما يخسر !! حتى لو اضطر يوصخ صورة اللي يحبه اهم شي انه يكون قربه ولا يعيش بعيد عنه مثل حب سالم لج وحب مريم لحمود
فاطمه بضيج : مريم وسالم مو بس دمروني هذيلا قضوا على كل شي حلو بحياتي !! حتى لو انحلت كل هـ المشاكل كيف بقدر اسامح حمود وانسى اللي سواه فيني !! حت عمي كيف بقدر أسامحة وهو اللي طردني من البيت وعاملني كأني وحده وصخه .. آآآآآآآآآآآآآآآآآآآآآآآآآآآآه يا رب ساعديني وسهل خطوتي .. وفرج كربتي يا كريم يا قادر !!
نوف بضيج:لا يا فاطمه حتى لو خسرتي !! كل شي يتعوض بس الكرامه ما تتعوض !! وانتي لازم ترجعين كرامتج بايدج
غاده بحزن : وانا مستعد اصارح حمود بكل شي بس ادعيلي اطلع من هنيه بسلامه وساعتها ما بيصير الا اللي يرضيج
فاطمه وهي تتنهد : غاده ما ودي اقولج هـ الكلام !! بس افرضي انج ما طلعتي لحد متى انا بتم مستحمله هـ الضيم !!
غاده تقاطعها : لا تخافين حتى لو ادانتني المحكمه مستحيل اخلي حقج يضيع .. وراح اعترف لحمود بكل شي
قاطعتهم المسئولة : عفوا الزياره انتهت ولازم تتوكلن
نوف بضيج : فاطمه قومي خلينا نروح ووثقي في غاده لا قالت انها بتصارح حمود يعني بتصارحه
فاطمه بضيج : ونعم بالله
غاده وهي تحضنها : امانه يا فاطمه تدعيلي ولا تعتبين علي !! انا ترى ضحيه مثلج وكنت مجبوره اسوي هـ الشي
فاطمه بحزن : ما ادري يا غاده !! اسامحج ولا اكرهج !! بسبة اللي خسرته .. مب قادره اوثق في أي احد .. سامحيني
غاده تقاطعها ودمعها نحفرت على خدها : فاطمه ما الومج لو كرهتيني !! انا استاهل هذا واكثر !! بس الله حاسبني على اللي سويته !! وحطني في نفس المكان اللي حطيتج فيه .. الله يخليج لا تطلعين من هنيه الا وانتي مسامحتني
فاطمه وادموعها اربع اربع وهي سايره صوب برع : الله يسامحج يا غاده الله يسامحج
غاده تمت اتصيح بصوت عالي وحضنتها نوف : غاده اللي فيج مكفيج لا تسوين بنفسج جذا وفاطمه عتبانه عليج اليوم واكيد باجر بترضى لا تلوميها يا الغاليه اللي مر عليها مب شوووويه وصعب انها تسامحج بـ السهوله هذي
غاده بحزن : والله اني عاذرتنها .. وحتى لو هي سامحتني انا يا نوف انا !! مب قادرره اسامح نفسي
المسئولة بعصبية : اختيه لا تسوين مشاكل !! اقولج الزياره خلصت تعالي شوفيها فوقت ثاني ..
نوف بتوتر : ما عليه اختيه الحين طالعه .. غاده ديري بالج ع روحج ولا تكدرين خاطرج كل مشكلة ولها حل ..



:::

:::


:::

فـــــــــــــــــــي الشركه

هنادي وهي تضحك بدلع : وانا اقول ليش المكتب منور اثرنه الحلوين هنيه
بومشعل بدلع : هنادي خفي علي شوي !! تراج وايد ادلعيني !! اخاف انجلط بسبة هـ الكلام الحلو
هنادي: اسم الله عليك يا الغالي .. عسى يومي قبل يومك .. اشو رايك تشرب قهوه عشان تصحصح !!
بومشعل : يا ريت والله .. ابا اعدل راسي شوي!! تعرفين هـ الاجتماع راح يحدد وضعنا في السوق
هناد بابتسامه عريضه وهي تأشر على عيونها : من عيوني يا االغالي طلباتك اوامر
بومشعل : تسلملي عيونج وانا شو ذابحني غير هـ العيون !! مب عيون عليج ما شاء الله ولا عين غزال
هنادي بدلع : بو مشعل
بومشعل : اموت انا في الدلع .. يلا احينه سيري وهاتيلي قهوه !!
ام مشعل كانت توها واصله الشركه والشر طالع من عيونها وتمت تصارخ : وينها هـ الهنادي خبرني عنها .. والله لا اكسر راسها .. أنا راح أعلمها كيف تتجراء على أسيادها .. انا راح أوقفها عند حدها .. وربي راح أذبحها بيدي !!
مشعل : لا اذا بغيتي تكسرين راس أحد !! كسري راس ريلج !! هو اللي راح وتزوج وحده ما تسوى شرات هذي
أم مشعل |: لا هو ما تزوجها مني والدرب !! اكيد قصت عليه بجم كلمه حلوه وابوك الخبل صدق على طول
هنادي اول ما شافت مشعل تمتمت بقهر : وليه !! لا اليوم شكلة بيكون نحس .. مدام شفت هـ الأشكال الله يستر .. لا والقهر أم معل عنده .. اكيد فيه مصيبه بطيح على بو مشعل .. ويـــــــآ خــــــ.........................ــوفي ؟؟؟؟؟؟!!!!!!!
مشعل يقطع لها حبل افكارها وتمتم بعصبية : حووووه انتي يا الخايسه ؟!! شو تتحرين نفسج ؟!! أنتي وحده يايه من الشارع ما عارفين لها اصل ولا فصل !! واخوانها متبريين منها بسبة فعايلها الوصخة !! وبكل وقاحة سرتي وقصيتي علي ابووووي بجم كلمه وعيشتيه فغراميات .. وعقب سويتي اللي براسج .. وانا أقول شو سر أهتمامج بـ أبوي !!
هنادي بعصبيه : شوف يا مشعل احترمتك بما فيه الكفايه !! فيا تنطم وتسكت ولا ترى بسوي شي ما يسرك
ام هنادي وهي تقرب صوبها وتمسكها من شعرها : يا الخايسه قصيتي على رريلي !! وخذيتيه مني !! انا راح أربيج !!
هنادي بتوتر وهي ترجع خطوتين لـ وراء : خذيت ريلج منج ؟!! انتي شو تقولين انا مب فاهمه شي ؟!!
مشعل وهو يشدها من شعرها ويدخلها المكتب : الحين بتفهمين اللي سويتيه يا الخايسه ..!! تستعبطي بعد !!
هنادي وهي تصارخ وتحاول تبطل يدين مشعل تمتمت بقهر : مشعل انته شو تسوى أي شعري حرام عليك انا شسويتلك

شما بتوتر : هاااه !! ما فيني شي بس تعبانه .. وحاسة نفسي مصدعة .. من رخصتج

::

::




مريم وهي تفصخ النظارة وتمتمت من طرف خشمها : هي انتي !! وينه مديرج .. قومي خبريه اني ابا اشوفه
سلوى وهي تطالعها من فوق لتحت وتمتمت بسخرية : وعليج السلام اختيه !! امري شو بغيتي من مديري !!
مريم تقاطعها وبعصبيه : حوه انتي ما تفهمين !! وبعدين انا ما اعرفج عسب اسلم عليج .. سيري زقري مديرج
سلوى بعصبيه : والله انا ما أشتغل بشكاره عندج !! واذا حابه تشوفيه طلبي هـ الشي باحترام !! نحن مب جواري عندج
مريم بعصبيه : انا من يوم ما شفتج عند هـ الغاده النحس .. وانا مب قادره ابلعج !!ما ادري كيف سالم مستحمل ثقل دمج
سلوى بصوت واطئ : سألي نفسج هـ السؤال ؟!! مالت على هـ الشكل اللي كله محفر ؟؟!!!
سالم أول ما سمع صوت مريم على طول شل عمره وراح صوبها وتمتم بابتسامة : حي الله بمريم !! أشحقه ما خبرتيني انج بتزورينا اليوم .. كان فرشتلج هالمكان ورد .. طالعي المكتب كيف منور ليش أنج أنتي هنيه ..
مريم بدلع : مشكوووور سالم ما تقصر .. المهم ما علينا .. اسمعني بغيتك في شغله .. وصدت صوب سلوى وتمتمت بإستحقار .. بس بيني وبينك .. احس أنه فهـ المكان حشرات .. وما بقدر أخذ راحتي .. واقولك اللي عندي !!
سالم بثقه : حياج حدري !! خلينا نروح مكتبي أفضل .. تفضلي حياج .. وراحوا صوب المكتب
مريم بدون نفس : شوف هي كلمه وحده !! لا سألك حمود اذا تعرف رقمي خبره اني اتصلت فيك عسب اخذك بسياسه واعرف مكان فاطمه وين !! ليش أني وايد احاتيها !! وخايفه عليها !! لانه وحده من خواته سمعتني وانا ارمسك وسوتها سالفه عوده .. هي الحين ساكتة عن الموضوع .. و انا فاهمه كيف قاعدة تفكر ..أبا أتغدا فيها قبل ما تعشى فيني
سالم وهو يتنهد : شوفي يا مريم .. أنتي تعرفيني عدل !! للساني ما يمشي غير بالفلوس !! واذا حابة تسكتيني ادفعي !!
مريم وهي اطلع رزمة فلوس من شنطتها وتفرها جدامه وتمتمت بإستحقار : هذا ثمن سكوتك !! يلا من رخصتك ..
سالم وهو يبوس الرزمه : الله يطول بعمرج شيختنا !! المرضى يدفعون عسب تعالجيهم ويصحصون ونحن ناخذه الفايده
مريم وهي تطالعه من فوق لتحت : هنيه مهمتنا انتهت !! انا لا اعرفك ولا انته تعرفني !! وضنتي خذيت حقك وزياده
سالم وهو يضحك : منو انتي !! وشو تسوي فمكتبي !! اذا محتاجه شي !! سيري عند سكرتيرتي وهي بتخلص امورج
مريم وهي تضحك : ايوه هذا اللي انا اباه بالضبط .. وبعدين عندي لك راي يا ليت لو تغير هـ السلوى !! ابد ما تنبلع
سالم بثقه : اذا بتعطيني رزمة فلوس مثل هذي !! احينه اطردها جدامج .. لا واهزئها بعد اذا حابه !!
مريم وهي تطالعه باستحقار وتمتمت بسخرية : وليه انته كل حياتك فلوس !! بس تبا تبلع شرات مكينة البنك !! ع العموم انا سايره طردتها ولا لا هذا شي يرجعلك .. انا بس حبيت أوجه نصيحة .. وراحت عنه صوب برع
سالم : اوف صدق انه هـ السلوى نحسه !! ع الأقل غاده تربحنا من وراها بشي !! بس هـ السلوى نحيسه !! وجه فقر
مريم وهي تفر منديلها صوب سلوى وتمتمت بسخرية ممزوجة بشموخ : باي يا حلوه !! ومره ثانيه تعلمي تحترمي زباينج !! والكبارية اللي مثلي !! لو ما انا تميت اقنع سالم يخليج عنده ويعطيج فرصه ثانية .. ولا كان طردج من زمان .. يعني انتي بتمين هنيه بفضلي .. ولو انج ماتستاهلين .. ترى سالم وايد يعزني !! والمره الثانيه احترمي عماتج
سلوى بصوت واطئ : والله انتي وسالم من نفس الطينه .. ثنيناتكم ما تهموني وفرقاكم عيد
مريم بعصبيه وهي تضرب الطاولة اللي جدامها : قلتي شي
سلوي وهي تطنز : سلامتج قلت سلامتج !! ومشكووره ما قصرتي فيج الخير ..
مريم وهي تلبس النظارة : هيه خليج عاقل !! ما تجون غير بالعين الحمراء
سلوى وهي تفر المنديل صوبها:مالت عليج !! صدق انج ما تنبلعين .. الله يعين اللي ابتلى فيج ..اكيد حولتي حياته جحيم


::

::


في بيت بو مشعل

ميثا بعصبيه : مونيكا ووووووووووووووينج !! سويلي ليمون هـ الخوله نرفزتني من صباح الله
مونيكا : اوك ماما
ام مشعل بثقه : هاه ميثاني بلاج معصبه وعيونج مستويه حمراء
ميثا بقهر : اميه خالد وخوله بيجلطوني .. قاعدين يتغزلوا فبعض جدامي . كأنهم قاصدين هـ الشي !! كثر شو بستحمل؟!
ام مشعل بضيج: عقب اللي سواه ابوج فيني خلاص ما صرت أؤمن بالشعوذه !! هذا وانا اللي كنت ضامنه انه بين يديني
ميثا بتعجب : ليش اميه ..!!! ابويه شو سوى فيج بعد ..؟!!!!!
ام مشعل بقهر مكبوت : ابوج عقب هـ العمر تزوج سكرتيرته هنادي !!

مها وهي تتنهد : مريوم هذي شرات الغوله .. بسته وستين لون .. وصعب انه الواحد يكتشف اللي ناوية عليه بسهوله
خوله بضيج : ادعي من الله انه فطامي ما تكون عند هـ النذل سالم
ام حمود بصعبيه : انتن شو تسون هنيه !! صارلكن ساعه في المطبخ !! ما يصير هذي مب من طبايع العرب
خوله بضيج : امايه تعرفين السالفه اللي صارت بيني وبين مها !! وكنت قاعدة اوضحلها انها فاهمه الموضوع غلط
مها بتوتر : هيه امايه صادقه خوالي وتعرفين عاد انتي انا صعب اقتنع باي شي .. والمسكينه تعبت لحد ما أقنعتني !!
ام حمود :ما علينا طوفن جدامي ! انتن انزربتن هنيه وفهد اتصل وقال انه بيروح عند سعيد فشله خلى ابوه قاعد بروحه
خوله بتوتر : اميه وابوي الحين وينه !! لا يكون قاعد عند ام محمد بروحه !! يا ربي فشيله !!
ام حمود : لا حبيبتي وانا خبله اخليهم بروحهم !! قتله قوم سير صلى ولا خلصنا اتصلنا فيك
مها وهي تضحك بصوت عالي : ايووووه !! تعيش ام حمود ...!! هذا الحب والا بلاش
ام حمود وهي تضربها وبعصبيه : بس استحي على يهج .. ما يصير هـ الكلام امج حرمه عوده .. يلا طوفن جدامي
خوله وهي تتنهد : ما عليه امايه انتي سيري ونحن شوي وبنلحقج وصدت صوب مها .. خلينا احين فموضوعج
مها وهي منزله راسها واداري دمعتها : الله يخليج ما وقته؟!!!
خوله بضيج : ادري انه مش وقته ..لا خلصنا من موضوع فاطمه بنتفاهم فموضوع هلال
مها بعصبيه : خوله اذا تحبيني صكري على هـ الموضوع .. انا تعبت وانا اتكلم فيه .. وقراري حسمته وبتطلق منه
خوله تقاطعها : اشو ؟!!!!!!!!!! تطلقين .!!! لا انتي تخبلتي !!
مها تقاطعها : بس خوله تكفين لا تكملي .. مابا اسمع شي !! اللي سمعته وايد !! عن اذنج ..


:::


::


في بيت بــو خليفـــــــــــــــــه

سعيد اول ما شاف فهد اتصلب مكانه وتمتم بصوت مبحوح : فـــــ.................ــــهـــ...............،،،، ــد
فهد بضيج : هيه فهد !!! سعيد بلاه شكلك جذا !! اشو اللي صار فيك
سعيد بضيج : فهد ليش ما خبرتني باللي صار بينك وبين ساره ...........!!!
فهد وهو مستغرب : انته شو تقول !! ما علينا بتخلانا واقفين ع الباب !! وبعدين استحى على وجهك !! انته للحين ما سلمت علي ولا تحمدتلي بـ السلامه !! طالع رجعت امشي شرات اول على رجولي .. مع اني كنت فاقد الامل بهـ الشي
سعيد وهو يحضنه : الحمد لله ع السلامه .. واعذرني يا فهد بس عقب اللي عرفته وانا كاره نفسي وحتى الثياب اللي علي !! ظلمت نفسي وظلمت هـ المسكينه معاي !! تصدق اني مب قادر اجلس معاها فمكان واحد !! طول هالاشهر وانا اتهرب منها .. وسارة ما قدرت تستحمل هـ الشي وقررت تروح بيت أهلها .. وقالت تبا تشوف ورقة طلاقها فأقرب وقت
فهد بضيج : ما عليه يا سعيد انته خلنا ندخل وانا بفهمك كل السالفه وعسى ضميرك يرتاح وتتعدل امورك
سعيد بابتسامه ممزوجه بحزن : تفضل حياك ......... البيت بيتك .. وراحوا صوب داخل
فهد : الله يزيد من فضلك !! شوف يا سعيد انا ما كان ودي اللي صار يصير.. بس صار غصبا على الكل
سعيد وهو يتنهد : ليش ما خبرتني من البدايه انك تحبها .. شوفني انا من يوم ما شفتها وحبيتها ع طول كنت أخبرك
فهد بضيج : مشكلتي اني ما احب ابوح بمشاعري لاي احد !! حتى هلال ما كان يعرف اني احبها الا متأخر .. يعني عقب ما تقدمت لها .. انا كنت اعرف انه ساره تحب واحد !! بس ما كنت عارف انه هـ الواحد تطلع انته يا سعيد .. يوم عرفت هـ الشي دارت فيني الدنيا .. حاولت اقاوم الحزن اللي بداخلي بس ما قدرت .. حسيت انه الموت اهون لي من اني اعيش من غيرها .. هي كانت سبب سعادتي .. كل ما اشوفها احس اني ملكت الدنيا باللي فيها .. كنت اسوق وانا مب شايف جدامي .. الدموع ما خلتني أشوف شي .. صرت اشوف اللي جدامي بشكل مشوش .. خلتني مب قادر اركز على شي وما حسيت الا وبـ السيارة تطلع من سيطرتي وضربت فشي فضخم .. كنت حاس انه جاسي .. كان يقطع لي جسمي .. قطعة قطعة .. وما صحيت ا لا وانا في المستشفى .. وهلال عرف بيومها انك انته سلبتني حب طفولتي .. بس اول ما بطلت عيوني طلبت اني اشوف هلال وخبرته انه اللي صار بينا يبقى سر .. وبالأخص انت ما لازم تعرف شي عن هـ الموضوع ..بس ما ادري كيف ناصر قدر يعرف هـ السر ويخرب عليك احلى ليله بحياتك .. انا ودرت عرس اختي عشان ما أضعف جدامك .. وافضح نفسي .. انا عارف لو حظرت العرس دموعي بتكون حاضره قبلي .. وانته اكيد كنت بتشك فيني .. وبتسألني شو سبب هـ الدموع !! وساعتها اخاف اعصب عليك وانهار جدامك واخبرك بكل شي .. بس لا يا سعيد لاني احبك واحب ساره .. ما تمنيت لكم الا كل خير .. قررت وانا مسافر اني ما ارد من هناك الا وانا شايل ساره من بالي ..


سكت فجأة وعقبها تمتم بحزن .. واول ما وصلت المستشفى حسيت اني مشتاق حق وحدة ثانيه .. وساره ما جات في بالي .. كنت أتسائل صح وما انكر كيف عايشه ساره الحين مع سعيد !! يا ترى مستانسه ولا مضايجة !! كنت خايف عليها !! لانه من يوم وانا صغير لا صار معها شي يخوفها تجيني .. ما كانت تروح عند اخوها هلال .. كانت تحس معاي انا بالامان .. عشان كذا حسيت اني املكها .. وانها لي بروحي ومستحيل اخلي احد ياخذها مني .. ولازم احافظ عليها واخليها ما تخاف من اي شي .. بس فجأه في وحده تدخل فبالي .. وتشوش علي صورة ساره .. كانت اخت خالد زوج اختي .. كنت اتخيل ضحكاتها وشكلها وكيف تعاملت معاي في اكثر من موقف .. عشت مشتت بين ساره وروضه .. وعقب هـ الحيره قررت أتعالج عند دكتور نفسي .. واخبره باللي صار عندي .. وحمود بعد شجعني .. وأبتدت جلساتي عند الدكتور .. صح كانت طويلة ..بس كنت كل ما أطلع من عنده أحس نفسي مرتاح .. وحمل ثقيل من صدري تلاشى .. وصارحته وقالي يمكن لانه طفولتكم مترابطه مع بعض ويمكن للحين تحس انه بعدكم صغار وحاس انه فيه احد بيختطفها منك .. وانته حاط في بالك انه محد بيقدر يحافظ عليها اكثر منك .. ورجعت الذاكرة فيني سنين لـورراء .. وأثبتت لي فعلا أنه كلام الدكتور كله صح .. وهالشي عرفته من خلال موقف صار لي مع ساره في الماضي !! مره كنا قاعدين نلعب انا وهي وهلال وفجأة طب علينا ولد خالتها حسين وهي ع طول حبت تلعب معاه وانا من عصبيتي وغيرتي لانها فضلته علي فلعته بحصاه وانطر راسه .. وعقب هالموقف فهم الدكتور انه اللي اكنه لساره مشاعر ارتبطت بطفولتنا وهو مجرد خوف عليها وعلى مستقبلها لا أكثر .. وانه روضه هي اللي تسكن قلبك الحين .. وقالي بعد انه ساره كبرت خلاص .. وما لازم تمثل عليها دور الاب اللي خايف على بنته .. خلها تعيش حياتها عادي .. وتحاول تفهم بروحها شو اللي يضرها واللي ينفعها .. هي الحين كبرت و صارت ادرى بمصلحتها اكثر منك .. دام انها حبت ربيعك خلاص خلها تمشي وراء اختيارها .. ولا ندمت هي تتحمل مسؤولية هـ الشي !! ونصحني انه لازم افكر بنفسي .. واحاول اتخلص من العقده اللي سيطرت علي طول هـ السنين !! سارة اختارت حياتها .. وانا بعد لازم أختار حياتي .. وأدفن مسئوليتي اتجاها !!
سعيد يقاطعه : يعني افهم من كلامك انه حبك لساره مو حقيقي !! وانه مرتبط بطفولتكم لا اكثر
فهد وهو يتنهد : ما الومك لا استغربت !! انا يوم خبرني الدكتور بهالموضوع بروحي شكيت بنفسي .. انا اتصرف هالتصرف انزين ليش بس لانه عجبني دور المسؤولية وكنت ابا اتحكم فيها طول حياتها .. يالله تعرف شو قالي بعد
سعيد بنظرات حيره : شو قالك ؟!!!!
فهد وهو يبتسم : تخيل لا صارت ساره من نصيبي كنت ما بخليها تعيش مرتاحه .. وعلاقتنا بيغلب عليها طابع السيطره
سعيد : فهد الله يخليك ما يحتاج تكذب علي .. الكلام اللي قلته متأكد منه .. ما ودي تعيشني فوهم
فهد بابتسامه وهو يشد على يد سعيد : ورب الكعبه انه ساره شرات اختي .. والحين كل اللي يهمني ادور على رضه واحصلها .. واصارحها بحبي ... وابدي حياتي من يد ويديد !! وهذا اللي لازم تسواها انت بعد مع سارة !!
سعيد وهو يحضن فهد ويصيح :انت ما تعرف هالكلام شكثر اثر فيني فهد انا وايد جرحت ساره ولازم اسير الحين واردها