مها وهي تقوم واقفه : اشوووووووووو !!! ابوي في المستشفى .. بلاه .؟!!!!!!
ام حمود وهي تاخذ نفس عميق : وابوج شو اللي ذابحة غير الكلى .. الله يسهل عليه ان شاء الله
مها بخوف : والحين طمنيني كيف صحته ؟؟!!! عسى أهون ؟؟!!! وشو قالولكم في المستشفى !!
ام حمود : مها حبيبتي انا اتصلت فيج عسب ابلغج وما كان قصدي اخوفج وتطمني سووله غسيل وشوي وبيطلع
مها بتوتر : ولو امايه هذا ابوي ولازم اخاف عليه .. انتي متاكده انه صار بخير وما فيه شي
ام حمود : هيه حبيبتي صار بخير وبعدين فرحته بـ خوله نساه كل التعب اللي فيه ..
مها بتوتر : خوله اشو فيها ؟؟!! اماية الله يهداج .. شوي شوي علي ..!!
هلال اول ما سمع اسم خوله توتر وحس نفسه مخنوووق بس حاول يسوي نفسه عادي
آم حمود بابتسامة : لا تحاتي ما عليها إلا العافية .. بس خوله طلعت حامل .....
مها وهي طايره من الفرح : تستاهل خوالي اكيد الحين خالد فرحان ومب مصدق هـ الخبر الحلو .. المهم امايه طمنيني على ابوي بين فتره وفتره .. وانا ان شاء الله باجر بزوركم عسب اتطمن اكثر .. يلا ما بطول عليج وسلمي ع البابا
ساره بابتسامه : هاه مها اشو مستوي ... بلاه عمي ؟؟!! وخوله شو فيها بعد !!!!
مها بابتسامه : لا بس ابوي الظاهر الكلى ردله مره ثانيه وبيسووله غسيل بس فرحته بخوله خلته ينسى كل شي
ام هلال : ليش اشو مستوي فرحينا
مها بابتسامه : خوله حامل
هلال جان جالس يشرب مااي واول ما سمع هـ الخبر غص وتم يسعل بشكل غريب .. مها اول ما شافت هـ الحركه تضايجت وراحت صوب حجرتها ساره ع طول سارت تركض وراها .. مهوووي وقفي اللي صار مجرد صدفة
مها وادموعها اربع اربع : ساره انا مب ياهل وبتقصين علي بجم كلمه .. من خمس دقايق بس كنت ابا ابداء صفحة يديده عند هلال لكن اخوج الظاهر انه خوله بتم فقلبه ومب راضي ينساها عايش معااي على اساس كذبة .. وانا اللي كنت متوقعه انه يمكن يحبني واقدر انسية خوله بس الظاهر حياتي مع هلال بتتنتهي قبل ما يبتدي فصل من فصولها
ساره بتوتر : مها انتي شو ناويه عليه ؟؟!!! ابوس ايدج فكري بعقل ..!!
مها بضيج : ساره انا برد بيت اهلي وخلي هلال يدور على وحده تقدر تنسيه خوله .. ع الاقل الغريبة بتعيش مرتاحة لانها ما بتعرف من هذي خوله اللي يحبها زوجها ..!! لكن انا عارفه خوله عدل .. هاي اختي يا سارة أختي !! وهلال اكيد راح يشوفها كل ما فكرنا نزورهم او نطل عليهم !! خبريني كيف بقدر استحمل هـ الشي ؟!! كيف بقدر اشوف هلال يطالع خوله بنظرات حب !! اخوج يا ساره حتى في ليله عرسي جان يطالعها بلهفه ولو خوله تشوف صدقيني كانت فهمت هـ النظره وعرفت انه هلال يحبها ... لا تلوميني يا سارة الوضع قاسي .. صعب الانسان يعيش عند واحد وهـ الواحد يحب اقرب الناس له .. اختي يا سارة اختي . انا شايفه انه الطلاق انسب حل..بجذا هلال يرتاح وانا بعد أرتاح ..
ساره بضييج : واهلج شو بتقوليلهم
مها : راح اخبرهم بكل شي انا عمري ما خبيت على اهلي شي .. وخليهم يعرفون
ساره : بس انتي بهالطريقه بتضري هلال
مها : أضره الحين اهون بوايد من اني اضره بعدين وصدقيني زواجنا انبنا على كذبه عسب جذا صعب انه يستمر
ساره بتوتر : مها كبري عقلج ولا ادمرين بيتج بايدج وابوج مريض لا تزيدي عليه همومه
مها وهي تتنهد : ساره الله يخليج خليني في حالي اللي فيني مكفيني مستحيل اعيش عند اخوج
هلال يقاطعهم بحزن : ساره خليني شوي مع مها
ساره وهي تتنهد : اوكي عن اذنكم .....
مها تقاطعها : ساره لا تسيرين مكان تمي هنيه اذا عنده كلام خليه يقوله جدامج عسب تعرفين اخوج على حقيقته
هلال بتوتر : ساره خلينا بروحنا لو ما عليج امر .. ساره سمعت كلام هلال وسارت صوب برع
هلال وهو يقرب صوبها : مها اشو اللي سويتيه انا غصيت قبل لا اسمع اللي قلتيه .. بس انتي فهمتي غلط !!
مها وهي تضحك بضحكة سخرية : هلال كافي .. ما يحتاج تقص علي ؟؟!! انا قريت عيونك وفهمت كل شي
هلال يقاطعها وتمتم بثقة : كل اللي فهمتيه غلط ..!!! خوله ما تهمني ..!!!
مها تقاطعه وبعصبية : عمري ما توقعت انه هلال اللي حبيته طول عمري .. دنيء لهالدرجة لعنبوا خلك ريال واعترف انك تحبها ليش تخبي هالشي وانته عارف اني انا صرت فاهمه كل اللي يالس يدور حوالي انته للحين تتحراني خبله
هلال يقاطعها وبتوتر : مها عن الغلط انا ريال غصبا عليج
مها وهي اتصارخ : اذا انته ريال اثبتلي هـ الشي !! وجاوبني على سؤالي ؟!! انته تحب خوله صح ولا لا ؟!!!!
هلال وهو يبطل ازرار كندورته وبعصبية : خلاص مها تبيني اقولج الصدق زين عيل اسمعي .. هيه انا احب خوله وتمنيت هـ الياهل يكون ولدي ... انا حبيتها غصبا علي .. بس بين يوم وليله صرتي انتي زوجتي مش خوله ..
انا خسرت خولة وانتي خسرتيني ليش اني ما احبج .. شسوي يا مها ؟!! الحب مش نحن اللي نختاره يجي فجأة !!!!
مها وادموعها اربع اربع : خلاص عيل طلقني وريح نفسك ما يحتاج تتعذب اكثر من جذا .. وتمثل دور الزوج المثالي
هلال وهو يشدها من ايدها وتمتم بعصبية : انتي تتحرين الزواج لعبه !! وبعدين لو طلقتج خوله بترجعلي هاه ؟!! تكلمي مها ... انا عارف اني خسرتها .. وعارف انه خولة تموت في خالد .. بس كل اللي بغتيه وتمنيته !! انج تحاولي تفهمين مشاعري وتساعديني ..!! بس انتي بدال لا تداوين الجرح يالسه تغرسين الخنجر بصدري اكثر ..!!
مها وهي تمسح دموعها : وليش ما ساعدت نفسك بالاول وعقب تقدمتلي ..!! ليش دخلتني فلعبتك الوصخه ..!!!
هلال يقاطعها وبعصبيه : هـ الشي صار غصبا علي .. وسكت شوي وعقب رجع يكمل وتمتم بقهر .. مو تبيني اصارحج هذي الحقيقه ... ابوي فرضج علي انا ما كنت ناوي اخطبج .. أبوي فاجأني بطلبة ..هو كان راسم عليج
مها وهي تيلس في الارض وتسند راسها على الجدار ودموعها صارت مثل السيل وحاطة ايدها على صدرها : اآآآآآآآآه يا هلال ما توقعت فلحظة يصير معاي كل هذا .. البنت تتزوج عسب ترتاح وتسخر حياتها لزوجها .. بس الظاهر انا غير عن كل البنات .. مو من حقي أحلم .. افرح أو حتى ارتاح !! انا في اول ليلة من عرسي اكتشفت انه زوجي يحب اختي ... واللي يقهر اكثر عشان ينسى هـ الحب تزوجني انا وعقب ما حاولت انسى هـ الشي وابداء معاه صفحة يديدة .. رجع الموضوع ينفتح مره ثانيه .. لا وهـ المرة اكتشفت اللي هو افضع وأمر !! اني انا انفرضت عليك .. بالاول مصيبتي كانت اهون لانك اخترتني عسب انسيك خوله .. بس اخر شي كنت أتوقعه انه عمي اجبرك تتزوجني .. وانك انت ما كنت حاطني في بالك .. ويمكن اكون آخر أهتمامك ..!! آآآآآآآآآآآآآ اه يا هلال ما توقعت نوصل لهالمرحله بس صدقني رغم كل اللي صار وبيصير انا مش ندمانه لاني حبيتك .. وتعرف شو اقسى انواع الحب اذا كان من طرف واحد هلال خلني احتفظ بصورتك اللي رسمتها لك طول عمري .. كافي اللي صار للحين وما ودي صورتك تهتز اكثر عن جذا .. ونزلت راسها الارض وتمتمت بحزن ..... طلقني يا هلال طلقني ... وريحني وريح نفسك من هـ العذاب
هلال وهو يجلس عدالها وتمتم بحزن : مها انا اسف .... بس انتي اللي اصريتي !!!!
مها وهي تخوز ايده وبعصبيه : خوز عني مابا اشوف نظرات الشفقه هذي فعيونك.. انا قويه وبتم طول عمري جذا ... وتاكد يا هلال ما راح اسمحلك لا انت ولا غيرك تحركون شعره من راسي !! انا بسير بيت ابوي ويا ليت لو تعجل بموضوع طلاقنا !! وبخصوص اهلي لا تخاف بقولهم اني ما قدرت اتفاهم معاه والحياه قسمة ونصيب .. وانتهينا
هلال بحزن : مها يمكن انا احب اختج بس صعب أعيش ..................................!!!!!
مها تقاطعه وبعصبيه : انته شو لوح ما تحس !! كل شوي قاعد تردد انك تحب اختي !! كافي يا هلال كافي !! جرحتني بما فيه الكفايه .. انا كثر شو بستحمل ؟.! لاول مره احد يحسسني اني ضعيفه هـ الكثر .. لكن لهنيه وبس انا لازم ارد بيت اهلي ع الاقل هناك راح احس بكرامتي ومحد رراح يهيني ويذكرني كل يوم باني انفرضت عليه وقامت وخذت شنطه وتمت تلم اغرااضها هلال ع طول سار ومسك ايدها : مها مستحيل اخليج تطلعين من هنيه انتي تمي وانا بسير
مها وهي تتنهد وتمت تمسح دموعها : هلال هذا بيتك وانا مالي مكان في هـ البيت .. انا مجرد وحده غريبه
هلال بحزن : مها انا محتاج ابعد شوي عسب ارتب اموري لا تتهوري وتتخذين موقف غلط .. خلج هنيه وانا بسافر خلينا نعطي نفسنا فرصه ثانيه .. الله يخليج ابوج مريض ولا رديتي البيت احين اخاف يمرض مره ثانيه .. وانتي تعرفين مرض الكلى مش بالشي الهين .. وانا اوعدج عقب ما اطلع من باب الحجره ما راح اخليج تشوفيني لحد ما تتصلين فيني وتخبريني انج قادره تتفاهمين معاي عسب نتناقش ونوصل لحل .. وأعرف انج قدرتي تسامحيني !!
مها تقاطعه وبعصبيه : هلال هـ الموضوع ما يبيله نقاش !! انا وانت انتهينا فاهم انتهينا
هلال بضيج : مها صدقيني يمكن انا احب خوله بس في شعور اقوى يشدني لج وللحين مب عارف شو هو بالضبط
مها وهي اطالعه من فوق لتحت : كذبه يديده صح.. اوه وبعدين كيف استغرب هـ الشي انته الكذب بنسبة لك ملح الحياه
هلال طنشها وتمتم بحزن : انا ساير مها وتذكري كلامي عدل واوعدج ما راح ارد هـ البيت الا اذا إنتي طلبتي مني هـ الشي .. وما اوصيج هالله هالله فنفسج .. وراح وخذ الشنطة من ايدها وعقب تم يجمع اغرضة ومها للحين مش مستوعبة اللي قاعد يصير .. توقعت هذي لعبة من لعباته عسب يطلع من الموقف اللي حطتة فيه .. تمت تتأملة باستغراب .. وكلها ثواني وقاطعته بتوتر : هلال انته من صدقك تبا ترووووح ؟؟!!!!!!!!!!!!!!
هلال ودمعه انرسمت على خده : انا عذبتج بما فيه الكفايه .. ومب قادر اشوف الحزن فعيونج يكبر .. انتي مالج ذنب
مها وهي تتكم الحزن بداخلها : خلاااص احسن بعد .. سير وين ما تبا اصلا انا ما يخصني وانته صرت ما تهمني
هلال اكتفى بابتسامه وسار عنها مها اول ما شافت منظر هلال تضايجت اول مره تشوفه هــ الكثر ضعيف

هلال اكتفى بابتسامه وسار عنها مها اول ما شافت منظر هلال تضايجت اول مره تشوفه هــ الكثر ضعيف


:::


:::


ام هلال : مو على اساس يحبها اشو اللي استوى احينه ؟؟؟!!! انا كنت شاكة انه في شي غلط بالموضوع
ساره وهي تتنهد : عين وما صلت على النبي وعقبها نزل هلال وكان مضايج ساره ع طول راحت صوبه
ساره بحزن وهي تشوف الشنطة بايده: هلال اشو اللي صار بينكم .. وانته وين تبا تسير ؟؟!!
هلال وهو يصد صوب امه وابوه : اميه ابوي لا تشغلون بالكم مها كانت مضايجه لاني بخليها وبسافر
بوهلال وهو مستغرب : تساااااااااااااااافر ؟؟!!! انته تخبلت ؟؟!! ما صارلك أسبوع من تزوحت ؟َ
هلال بحزن : لازم اسافر عندي دورة مدتها 3 شهور وهالدوره راح تغير كل شي بحياتي راح تعطيني مرتبه فالشغل
ام هلال : هلال انتوا ما صارلكم زمان متزوجين معقوله تخلي زوجتك وتروح ؟؟!!! انزين خذها معاك اكيد بتستانس
هلال وهو يتنهد : ما يصير امايه المهم انا الحين بسافر ما حبيت اخبركم عسب ما اضايجكم وتعرفوني ما احب لحظات الوداع وان شاء الله الدورة كلها ثلاث شهور واكيد ما راح اطول .. ولا تنسوني من دعواتكم !!!!!!
بوهلال : خلاص يا هلال دام هالشي لصالحك سير وتوكل على الله .. وتأكد انه مها في عيونا الثنتين
ساره وهي تاخذه فصوب : هلال اشو اللي صار بينكم .. موضوع الدورة ما راح يمشي علي ..
هلال حزن : جان لازم اسوي جذا واذا ما اتخذت هالخطوه مها راح اتصر على موضوع الطلاق وانا ما ابا اخسرها
ساره بحزن : بس انته بهالطريقه يالس تجازف ويمكن تخسر .. هذا يسمووه هرررروب
هلال بابتسامه : صدقيني ما راح اخسر .. مها انسانه رقيقه واكيد فيوم بتقدر تسامحني وانا بحاول انسى حبي لخوله لانه محد يستاهل هالحب اللي بداخلي كثر ما تستاهله مها انا ما ودي افرط فيها يا ساره الله يخليج ديري بالج عليها
ساره وهي تحضنه : من عيوني الغالي .. ما طلبت شي
مها كانت واقفه على الدرج واول ما سمعت كلام هلال سارت تركض صوب حجرتها وادموعها اربع اربع : اااااااااه يا هلال ليش نحن يصير فينا كل هذا ؟؟! ليش ما حبيتني انا !! ليش حبيت خوله شو اللي يميزها عني ؟!! ليش وصلتنا لهالمرحله .. انا ما ادري كيف بقدر امضي حياتي من غيرك انته كنت كل حياتي .. آآآآآآآه يارب ساعدنا وسهل علينا


:::


:::

وفي السيــــــــــــآرة عند مشعـــــــــــل
مشعل كان قاعد يحاول يشوش على منال ويخليها تسرع عسب يسوي اللي براسه
منال بتوتر : يا ربي اكيد هذا تخبل !!!!!! بيقتلنا هـ المجنون !!!!
مشعل تم يضرب سيارته بسيارة منال .......... وكان يضحك بشكل هستيري
منال وهي تبطل الجامه وتمتمت بعصبية : حوووووووووووه مشعل هدي شوي تراك بتجتلنا شغل مخك شووووي
مشعل بخبث قاطعها وهو يضحك: وهذا اللي اباه ..ولا نسيتي انج غدرتي فيني وشليتي روضه عندج وشغلتيها لحسابج
منال اول ما سمعت اسم روضه توترت وحست الدنيا جدامها سوداء وما قدرت تسيطر ع السياره وادهورت سيارتها وطلعت برع الشارع وما جان جدامها غير جبل وضربت سيارتها فيه وكلها دقايق وتنفجر السياره باللي فيها
مشعل بخبث : واخيرا تخلصت منج منااااااااااااااااااااال احينه بقدر اعيش وانا مرتاح ومحد بيعرف مكان روضه وين


:::

وفــــــــــي بيت ام غاده
غاده بابتسامه : هاه امايه انا راده البيت اليوم بدري بس عسب اطبخلج تدللي شو حابه تاكلين من ايديني
نوف : اممممممممممممممممممم نبا ...............
غاده تقاطعها : نوف عن رزة الويه انا سالت امايه ما سئلتج انتي
نوف : انزين تسألين امي احينه وعقب اكيد بتسأليني
غاده بابتسامه عريضه : لا ما راح اسألج لانه طلباتج ما تخلص
نوف وهي تتنهد : خلاص حبيت اساعدج بس
غاده وهي تضحك : الله والمساعده عاد وصدت صوب امها هاه امايه تدللي شو خاطرج تاكلين اليوم
ام غاده : كل شي من تحت ايدج حلو يا الغاليه
غاده وهي تبوسها : تسلميلي الغاليه .. وسمعت الباب يدق .. نوف تمي مكانج هذي اكيد سلوى مخبرتني بتي صوبي
وسارت غاده واول ما بطلت الباب انقهرت وتمتمت بعصبية : هذا انته .. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!
بو مشعل يقاطعها وبعصبية : انا عمج يا مسودة الويه .. كلميني بـ احترام
غاده بعصبيه : بس انا ما اتشرف انك تكون عمي عسب جذا فارق وكثر ما شفتك ياي صوب هالبيت مابا اشوفك وصكرت الباب في وجهة وسارت صوب داخل وسوت نفسها عادي .. وكأنة ما صاير شي
ام غاده بابتسامه : هاه بنيتي منو اللي ياي ؟!!!!!
غاده وهي تحاول تخفي توترها : ها !!!!! هيه هذا واحد يسأل عند عدول .. انا بسير المطبخ يلا من رخصتكم
نوف : اميه اخاف يكون عمي اللي جان ياي
ام غاده بتوتر : لا مستحيييل !! وبعدين لو كان عمج غاده ما بتخبي علينا .. يمكن نفس ما قالت واحد يبا عادل
نوف وهي تتنهد : ان شاء الله السالفة تكون بس كذا
بو مشعل على طول اتصل فبو امنه : جنيتي على نفسج يا غاده !!! انا تصكرين الباب في وجهي ؟؟!!!! والله لا اسود عيشتج !!!!!!! بعدج ما عرفتي عمج شو اللي يقدر علية !!! مسوية قوية هاه !!! انا اراويج يا بنت اخووووي
بو امنه : هلا بو مشعل بشر عسى فيه اخبار تسر
بومشعل : بصراحه غاده قالت انها شافتك في المحل وشكلك يلوع وما تتشرف تاخذ واحد سبال شراتك
بو امنه : اشووووووووووووو ؟؟!! هـ النتفه تقول عني انا بو امنه اللي كل من سمع اسمي تم واقف مكانه سباال !!