كاتب الموضوع :
راعية الفزعة
المنتدى :
القصص المكتمله
اللـــــحظة آلــثــــــلآثوووووووووون
::
::
الفصـــــل ألـــأـ ولــ
::
::
ساره بحيرة : ما فهمت عليك شو يعني هذا اللي يباه سعيد ؟؟!!!!!
هلال وهو ياخذ نفس عميق : ساره كل اللي قاعد يسويه سعيد الحين !! تأكدي غصب عنه ؟؟ هذا ربيعي !! وفاهم لوين يبا يوصل !! سارة حبيبتي سعيد يباج تكرهينه !! يبا يبعد عنج قد ما يقدر !! يباج تضعفي وتخليه !! تدري ليش
سارة وهي تمسح دمعتها : ليش !! ليش !! انا ودي أفهم شو اللي قاعد يصير !! حاسة نفسي ضايعة !! منتهية
هلال يقاطعها وبحزن : سعيد يا ساره يبا يتخلص من عقدة الذنب اللي حاس فيها !! يبا يريح ظميرة ويرتاح !! والمفروض انج تتعاملي مع هـ الموقف بذكاء !! مش بطيش وعناد .. كبري عقلج شوي .. سعيد يحبج
ساره وهي تتنهد ودموعها بدت تنحفر على خدها مره ثانية وتمتمت بعصبية : بس انا مالي ذنب !! ورب الكعبه مالي ذنب !! ليش يبا يحسسني اني انا السبب باللي صار حق فهد !!وربي ولا مره حسيت انه يحبني !! او حتى فكر فيني !!
هلال بضيج : ساره حبيبتي هدي نفسج !! قتلج خلي موضوع سعيد علي !! انتي لا تكدري روحج .. بسج صياح !!
ساره بضيج : خلااص هلال خلنا من موضوعي الحين !! طمني كيف امورك مع مها عسى احسن
هلال بحزن : خليها لله !! حالتي مش احسن عن حالتج تعاملني شرات الغريب مب كأني زوجها !! وولد عمها !!
ساره بضيج : لا تلومها يا هلال !! انته المفروض اكثر واحد تفهمها !! لانك عشت الموقف وتجرعت من نفس الكاس
هلال وهو يذكر الموقف اللي صارله مع خوله ودمعت عينه : ساره لا تقلبين علي المواجع بخليج الحين !!
ساره بضيج : خلاااص هلال على راحتك !! ما ادري ليش انا وانت يصير فينا كل هذا
هلال بحزن : قولي الحمدلله وربج كريم واكيد الله بيفرجها\
ساره بحزن \ الحمدلله رب العالمين .. الله كريم .. خلنا نشوفك .. بسير أشوف سعيد !! يمكن محتاج لشي
::
::
فــــــــــــــــ آلمستشفـــى ـــــــــــــــــي
خوله بضيج وهي جالسة في غرفة الانتظار: الله يستر .. الله يجيب العواقب سليمه يا رب تشافية وترجعه لنا سالم غانم
خالد أول ما شاف الدكتور راح يركض صوبه وتمتم بحزن : هاه دكتور طمني ابويه شخباره ؟؟!!!
الدكتور وهو منزل راسه وبحزن : خالد ابوك جاته أزمة قلبية ودخل في غيبوبه والله العالم متى بيتشافى منها !!
خالد وهو يهز الدكتور ويصيح : قول غير هـ الرمسه !! ابوي طول عمره قوي وما يهزه شي !! ابوي مستحيل يتم في الفراش مستحيل .. انا السبب يا دكتور انا اللي جرحت كبريائة انا الي وصلته لهالحالة وجلس ع الارض وتم يصيح
الدكتور وهو يواسية : خالد اذكر الله اللي صار شي مكتوب ومقدر .. وبعدين ابوك هذي مش أول أزمة قلبيه تمر عليه .. انا ما أنكر انه أول أزمة كانت خفيفة وطلع منها .. وبصراحة ما ودي أكذب عليك .. هـ المره الأزمة كانت قوية !!
وأثرت على أعصاب المخ .. ويمكن هـ الشي اللي خلاه يدخل في غيبوبة !! بس مع ذلك لازم ما نيأس .. ربك كريم !!
خالد وادموعه اربع اربع:تميت الومه واعتب عليه وما لمت نفسي انا بعد مقصر انا لي دور كبير باللي قاعد يصير
الدكتور : خالد انته لازم تكون اقوى عن جذا !! وابوك ان شاء الله راح يرجع شرات اول واحسن !! بس أدعيلة
خالد بحزن : آآآآآآآآآه يا دكتور انا دمرت ابوي ووصلته لهالحالة كيف تباني اكون قوي وانا ضعيف !! ضعيف !!
الدكتور يقاطعه : لا يا خالد ابوك طول عمره هو مفتخر فيك واذا تباه يرد شرات اول واحسن !! لازم ادور على روضه وتحصلها !! وتاكد انه لا شافها واقفه جدامه صحته بتتحسن وبيرجع شرات اول واحسن !!
خالد وهو يمسح دموعه وتمتم بعزيمة : خلاص دكتور .. انا من اليوم ما بخلي مكان الا وبدور فيه عن روضه .. واذا ما حصلتها اليوم !! باجر اكيد بحصلها ..انا اللي دخلت ابوي في هـ الحالة ولازم اطلعه منها !!ولا ما راح اسامح نفسي
الدكتور بابتسامه : هذا خالد اللي اعرفه .. لي بغى شي ما فيه قوه توقف في وجهة .. ولو احتجت مساعدة انا موجود
خالد وهو يتنهد : مشكوور دكتور افضالك علينا وايد .. من رخصتك الحين عندي شغله اخلصها وراجع
خالد راح صوب خوله واول ما شافها زقرها : خولة تعالي حبيبتي ..!!!
خوله بتوتر وهي تروح صوبه وبخطوت بطيئة وهي تستند على عصاها : هاه خالد طمني !! عمي كيف صحته !!
خالد بضيج وهو يضغط على ايديها بقو : والله شو اقولج ؟؟!!! ابوي جاته جلطة !!!! ودخل في غيبوبة
خوله تقاطعه وبخوف : لا يا خالد قول غير هـ الرمسه !! جلطة وغيبوبة مرة وحدة !!
خالد بضيج : خوله خليني اوصلج البيت ابا اسير صوب مركز الشرطة اكيد فيه اخبار وصلت عن روضه
خوله بضيج : خلااص اللي يريحك حبيبي .. أنته هدي نفسك ولا تضايج .. والله بيساعدنا
::
::
ام محمد وهي تروح صوب باب البيت بخطوات متثاقله واول ما وصلت دقت الباب وكانت ايدها ترجف
محمد بضيج : ماما انتي زعلانه .. ولا خيفانة !!! ليش ايدج ترجف ؟؟!!!!
ام محمد بخوف : خايفه يا محمد .. خايفه ابوكم يرفض وجودي في حياته ويطردني !! وبعدين انا وايد قسيت عليه
احمد ببرءاه : ماما بابا وايد طيب واكيد بيسامحج .. انا ومحمد بنخلية يردج عشانا
ام محمد وهي تمسح على راسه : فديت روحك احمد محد مقويني غيركم عسى الله لا يحرمني منكم ودقت الباب
سوزي بطلت الباب واول ما شافت ام محمد ابتسمت : ماما ام محمد كيف هالك .. تفزل .. تفزل – تفضل -
ام محمد : مشكورة سوزي وعقب سكتت شوي وتمتمت بخوف بوخالد في البيت ولا طالع ؟؟!!!!!
سوزي بحزن ودمعة ارتسمت على خدها : بابا بو خالد يروح مستشفى ؟؟!!!!
ام محمد بخوف : ليش ؟؟!!!!!! حصلوا روضه و صاير عليها شي !!! ولا شو السالفة ؟!!!!!
سوزي تقاطعها وبضيج : لا ماما روضه للهين ما يحصل .... بابا بو خالد يطيح بعدين خالد ودي مستشفى
ام محمد وحاطة ايدها على قلبها : لا تقوليها ! !! بو خالد تعبان وا حسرتي
محمد واحمد مع بعض : ماما شو فيه بابا ؟؟؟!!!!!!!!!!
محمد واحمد مع بعض : ماما شو فيه بابا ؟؟؟!!!!!!!!!!
ام محمد وهي ماسكة راسها : الله يستر !! الله يستر !! ان شاء الله ما علية الا العافية بس شوية ارهاق ادعوله حبايبي
خالد وخوله كانوا توهم واصلين خالد اول ما شاف ام محمد راح صوبها وتمتم بعصبية : انتي لج عين تجي صوب
هـ البيت !! يلا أشوف طلعي برع !! اخذي قشج وطلعي برع !! مابا اشوفج هنية !! كل اللي صار بسبة عمايلج !! روضة شردت من البيت بسبة فعايلج !! وبعدين كملتيها على أبوي وهذا هو طايح في المستشفى وداش فغيبوبة بسبتج
ام محمد وهي مكسورة : خالد انا عارفه اللي سويته شي كان وايد قاسي عليك وعلى اختك وابوك بس انا ندمانة والندم جالس ينهش بكل جسمي .. وكل اللي صار والله غصبا علي .. انا عمري ما حقدت عليكم .. وكل اللي سويته لاني حسيت انكم ما تحبوني وتعاملوني على اني اقل مستوى عنكم .. بس عقب ما رديت بيت اهلي عرفت اني كنت غلطانة وكل هـ الافكار اللي كانت تدور براسي .. طلعت عباره عن وهم .. أمي واختي اوهموني باشياء وخلوني اصدقها .. ادري يا خالد انه صعب تسامحني !! لانه اللي سويته مب شوية !! بس اذا الله غفورا رحيم .. ليش انته ما تسامحني وتخلانا نبداء صفحة يديدة وننسى كل مشاكلنا .. ابوس ايدك يا خالد لا تطردني .. انا مالي غير هـ البيت !!
خالد بعصبية : وتتوقعين بكل سهولة بقدر اسامحج !! وأنسى اللي سويتية بروضه !! اللي لازم تعرفيه وتفهميه يا مدام !! انه روضه شردت من البيت عقب ما اتصلتي انتي بابوي وترستي راسه بافكار سوداء !! انتي انانية وبتمين طول عمرج جذا .. ويوم دريتي انه ابوي طايح في المستشفى .. قلتي ارد اهدي النفوس عسب اضمن انه بوخالد ما يطلقني واخذ حقي كامل .. انتي يا مدام تبين تورثين ابوي وهو حي .. والحين خلاص كافي .. طلعي برع بيتنا يتعذرج
خوله بتوتر وهي تقاطع خالد : خالد هدي نفسك شوي !! الامور ما تنحل بهالشكل !! انته لازم تسمعها وتفهمها بالأول
خالد وهو يقاطع خولة بعصبية : خوله اطلعي من السالفة !! انا اعرف اتعامل مع هـ الاشكال .. وصد صوب ام محمد وخذ اغراضها وفرهن قدام الباب وعقب تمتم بعصبية .. يلا أشوف فارقي .. هـ البيت يتعذرج !! طلعي برع
ام محمد وهي تبا تبوس رجلة ودموعها اربع اربع : دخيلك يا خالد لا تطردني !! انا مالي احد غيركم .. انا بعت اهلي عشانكم .. لا تفرني بـ الشارع وربي اني ندمانة ومتحسفة على كل شي الله يخليك صدقني حتى اسأل محمد واحمد
خالد بعصبيه : سمعي محمد واحمد بيتمون هنيه بس انتي بتطلعين برع ومسكها من ايدها وبداء يسحبها صوب الباب
محمد واحمد ودموعهم اربع اربع : خالد لا تسوى جذا !! لا تفر امي في الشارع هي تغيرت وصارت طيبه!!حرام عليك
احمد وهو يصارخ ودموعه اربع اربع : هيه خالد والله امي صارت طيبة وقالت انها بدور على روضه وبترجعها البيت
خالد دفرهم وطاحوا ع الارض خوله جلست تقلب عيونها حاولت تسوي شي بس حست انها عاجزة وتمت واقفة مكانها وتصيح وتمتمت بعصبية : خالد حرام عليك !!فكر بـ محمد وأحمد لا تسوى جذا ارفق بحالهم شوف حالتهم كيف صايرة
خالد وهو يفر ام محمد برع: سمعي يا مدام !! كثر ما شفتج جاية صوب هـ البيت مابا اشوفج مرة ثانية فاهمه !! وصكر الباب وسار صوب محمد واحمد وتمتم بعصبية .. شوف انت وياه !! مابا أسمع ولا صوت لا اعصب عليكم امكم هذي كل الشر فيها وجالسة تمثل عليكم بس عسب تكون قريبه من ابوي وتورثه وهو حـــ ......................ــي
خوله تقاطعه وبعصبية : خالد كافي !!!! ابوس ايدك كافي !! لهنية وبس !! تراك وايد مصختها !! لعنبوه اشو اللي صاير فيك !! طول الوقت معصب .. صاير مب طايق حتى نفسك .. هذيلا يهال والكلام اللي جالس تقوله حقهم وتسمعهم اياه !! وايد كبير !! وصعب انهم يفهموه واهمه بهالسن !! كبر عقلك شوي .. وعصيبتك مالها داعي !!
خالد وهو يبطل ازرار كندورتة : خوله اخذيهم من جدامي .. ووديهم صوب حجرتهم .. مابا اشوف ولا واحد فيكم
خوله بحزن :مو قادرة اصدق .. معقولة خالد اللي حبيتة وسلمته عمري وقلبي .. يطلع انسان خالي من المشاعر .. لا مستحيل .. أنته اكيد صاير فيك شي .. انته مش طبيعي !! ودي أفهم اشو اللي استوى عليك .. وخلاك قاسي بهالشكل!!
خالد بعصبية : خوله اطلعي من راسي اللي فيني مكفيني .. سوزي سويلي قهوه ابا اعدل راسي شوي ..هاتيها المرسم بسيرارسم شوي يمكن اقدر انسى هالمشاكل حاس راسي بينفجر مو كافي مشكلة روضه وابوي واحين طلعتلي ام محمد
خوله بحزن وفخاطرها : لا مستحيل !! هذا مب خالد اللي انا حبيتة !! صارله جم يوم متغير وصاير عصبي ويغلط ع الكل حتى ابوه ما سواله حشيمة..وهذي النتيجة انجلط ودخل فغيبوبه..وام محمد وبهدلها!!يا ربي شو اللي قاعد يصير
خالد يقطعلها حبل افكارها وبعصبية: خوله انتي ما تفهمين !!! قتلج خذي محمد واحمد وسيروا من جدامي ؟!!!
خوله بتوتر : ان شاء الله خالد على امرك .. محمد احمد تعالوا حبايبي خلونا نروح صوب حجرتكم !! لازم ترتاحوا
ام محمد سندت راسها ع الباب وتمت اتصيح : انا وين اروح الحين !! مستحيل ارد لبيت امي انا انهت بما فيه الكفاية استحب اعيش تحت ضيم خالد ولا تحت ضيم امي احسن شي اسير صوب المستشفى واقابل بوخالد انا زوجته ولازم اوقف معاه في هـ المحنة انا اللي سويته فيهم وايد وهذي نتيجة اخطائي ولازم ادفع ثمنها .. واكيد بيكون ثمنها غالي
::
::
فــــــــــــي بيــــــــــت بو مشعل
ميثا بحزن : اماية احس انه خالد محتاجلي ولازم اوقف معاه وبعدين هذي فرصتي عسب اتقرب من خوله واسوي اللي براسي !! اماية انا مستحيل اخلي حبيبي يعيش عند وحده شرات هذي !! مب قادر ادير بالها عليه !! أحسها غبية
ام مشعل : شوفي يا بنيتي !! أذا تبي شوري .. انا اقول توكلي وتمي معاهم طول اليوم !! وبجذا تكوني قريبه من خالد وبتقدرين تفهمين خوله اكثر !!! وخطوة خطوة خالد بيصير لج ومن نصيبج وانا متأكدة من هـ الشي !!
ميثا بحيرة : متأكدة !!!!!!!!!! اماية صاير شي وما خبرتيني عليه .. يلا أشوف صارحيني
ام مشعل : لا صار الوقت المناسب خبرتج كل اللي اباه منج احينه تتقربين من خالد عسب لا رد ابوج من السفر ابا افرحة وابلغه بزواجج من خالد وبجذا راح يسلم كل شي يملكه لولدي مشعل !! طبعا من فرحته فيج ..
ميثا وهي تركض صوب حجرتها : خلاص عيل امايه بجيب عباتي وشيلتي وبسير صوبهم ..
ام مشعل وهي سرحانة : هيه هيه يا خالد !!!! كلها كم شهر والحرمة ادبرلي اللي طلبتة !! وربي راح ادمركم !!
::
::
في بيت بو حمـــــود
بوحمود كان جالس يكلم خولة في التلفون : لا حول ولا قوة الا بالله انا لله وانا الية راجعون !!!
خوله بحزن : ابوي خالد وايد تعبان وطول الوقت معصب انا وايد خايفه عليه !! اعصابة زفت !!
بوحمود : ما عليه يا بنيتي ما ينلام من جهة اخته ومن الجهة الثانية ابوه اصبري عليه شوي لازم تتحملينه
خوله بضيج : وهذا اللي قاعدة اسويه !! خلاص ابوي بخليك الحين .. بسير اشوفة يمكن هدى شوي !!
بوحمود : زين تسوين يا بنيتي !!! ونحن فاقرب وقت بنسير صوب المستشفى !! وبوخالد ما عليه الا العافية ..
خوله بضيج : خلاص ابوي انتظركم ... ربي يحفظك ..
بوحمود بضيج : مع السلامة الغالية ... لا حول ولا قوة الا بالله
مها وهي تركض صوبة : ابوي اشو اللي صاير ؟! خولة فيها شي لا سمح الله .. ليش وجهك تغير لونة جذا !!
هلال اول ما سمع اسم خوله راح صوبهم ونسى وجود مها وتمتم بخوف : عمي طمنا خوله صاير عليها شي
مها اول ما شافت حركات هلال تضايجت .. ودارت دمعتها قد ما تقدر .. وسارت تركض صوب حجرتها
بوحمود وهو يستند على لجدار : خوله بخير !! بس بو خالد تعبان ... جاته جلطة .. ودخل في غيبوبه
هلال بحزن وما انتبه لـ غياب مها وانها راحت تركض بسبة تصرفة : لا حول ولا قوة الا بالله !!
ام حمود اول ما شافت مها تركض جلست على الدرج وتمت تصارخ : بوحمود بنتي شو فيها !! شو صاير عليها
بوحمود وهو يركض صوبها وتمتم بخوف : بلاج ام حمود ؟؟!!!! خوله ما فيها الا العافية !!!
ام حمود تقاطعة : لا تقص علي .. بنتي فيها شي.. بنتي صاير عليها شي !!! انا قلبي من الصبح ناغزني
بوحمود : بنتج بخير بس بو خالد جاته جلطة ودخل في غيبوبه !!!
ام حمود وهي منصدمه : اشششوووووووووووو بو خالد جاته جلطة !!!!!!!!!!!!!!!!!!!!!!!!!!!!
بوحمود بحزن : هيه بنته روضه صار لها كم يوم مختفية .. والشرطة للحين ما حصلتها عسب جذا بو خالد ما قدر يستحمل وانهار وهو بين الحياة والموت .... ما اقول غير الله يعينهم ويصبرهم .. البلاوي تتحذف عليهم من كل صوب
ام حمود وهي تمسكة من ايدة : بو حمود قوم خلنا نروح صوبهم ... اكيد خالد محتاجلنا الحين !!
بوحمود : لا بنروح ع العصر خولة تقول خالد وايد تعبان ومب طايق يشوف احد وتبين الصدق ما ينلام
ام حمود : الله يكون في عونهم لكن روضه وين سارت وين اختفت طول عمري اشوفها عاقله شو صاير عليها !! ليش اشردت .. ليش عذبت اهلها بهالشكل .. لاحول ولاقوة الا بالله بنات هـ الايام تصرفاتهم غريبة .. وماخذين راحتهم !!
بوحمود : نحن للحين ما ندري اذا روضه شردت .. والا يمكن يكون صاير عليها شي .. ما نقدر نحط فذمتنا
ام حمود : على قولتك انا بسير اتصل بخوله اكيد الحين حالتها حاله
هلال يقاطعها وتوة ينتبة لغياب مها : عمتي لو ما عليج امر ازقري مها فدربج نحن وايد تأخرنا ولازم نرجع البيت
ام حمود وهي تتنهد: ما يصير هلال دام انكم ما بتسافروا تموا معانا !! تغدوا وعقب توكلوا
هلال : لا عموه مشكوره .. امايه توها داقة علي ..وخبرتني انها تنتظرنا ع الغداء .. خليها فوقت ثاني
ام حمود : على راحتكم .. خلاص بسير ازقر مها من رخصتكم
::
مها كانت متخيسة من الصياح وكانت منهارة ع الأخر وتمتمت بقهر ممزوج بعصبية : للحين يفكر فيها .. هلال للحين يحبها .. أول ما سمع اسمها جاء يركض .. كان شوي وبيطيح من كثر ما هو خايف !! ولا حتى انتبه لوجودي !! جرحني وجرح كبريائي .. انا لو بغيت اصبر تصرفات هلال احسها بتخنقني !! ليش اعيش مع واحد ما يحبني !!
والظاهر انة مش طايق حتى وجودي في حياته !! يوم عن يوم احس اني فرضت وجودي على هلال .. ليتني ما كتبت الرساله ودفنت مشاعري بداخلي .. آآآآه انا اللي دمرت نفسي .. انا اللي دخلت نفسي في هـ الزوبعة .. آآه يا هلال .. لي متى بتحمل هـ العذاب .. انا إنسانة واللي تسواه فيني والله حرام .. حتى ما أحترمت وجودي .. ادري انك تحبها.. بس ليش تبا تثبتلي هـ الشي في كل مرة !! مو كافي انك ذبحتني مره !! انته شو اللي ناوي عليه !! تبا تحفر قبري بايدك !! انا مت خلاص ... انا صرت جثة هامدة بلا روح ... خلاص ما باقي شي غير تحثي على جسمي للتراب ....
وقطع حبل افكارها صوت امها : مها حبيبتي هلال يترياج تحت !! يقول حرمة عمج تترياكم على الغداء
مها بضيج وهي تمسح دموعها : ان شاء الله امايه شوي وبطلع باخذ جم غرض نسيت اخذهم خبريه اني ما بتاخر
ام حمود : زين يا بنيتي صار !!!! لا تتاخرين على ريلج
مها بضيج : ان شاء الله اماية وسارت صوب لمراية ... يالله عيوني وايد مورمة !! اكيد هلال بيفهم اني كنت قاعده اصيح وانا ما اباه يشوفني ضعيفه اصلا هو من يوم وساير ما يهمني احسن شي احط شوية ميكب واكيد بيخف شوي
::
ام حمود وهي تكلم خوله في التلفون : ما عليه خوالي خلي خالد يصبر وروضه ان شاء الله ترجع بالسلامه
خوله بضيج : الله يسمع منج اماية وسكتت شوي وعقب كملت بحزن .. والله احس دخلتي عليهم في هـ البيت نحسة
ام حمود تقاطعها وبعصبية : خولة انتي شو تقولين !! اذكري ربج هذا قضاء وقدر وبطلي عنج هـ الحركات
خوله بضيج : اااه يا اماية حاسة نفسي مخنوقه وعاجزه فنفس الوقت ودي اساعد بس انتي ادرى بحالتي
ام حمود : خوله حبيتبي خلي قلبج دليلج واكيد بتساعدي ما اباج أدخلي نفسج فزوبعة وتردلج الحالة
خوله اول ما تذكرت الحالة اللي كانت تجيها تضايجت وتمتمت بتوتر : ما علية اماية بسير اشوف خالد
مها كانت توها طالعه : امايه قاعده تكلمي خولة ؟؟!!!
ام حمود وهي تهز راسها بالايجاب : خوالي مها تبا تسلم عليج !!!
مها وهي تاخذ التلفون وتمتمت بخوف : خوالي طمنيني حصلوا روضه !!!
خوله بضيج : لا والله للحين ما نعرف عنها اي شي وعمي بوخالد طاح علينا
مها بضيج : هيه سمعتج وانتي تخبرين اماية .. الله يصبركم ان شاء الله سحابة صيف وبتعدي
خوله بضيج : الله يسمع منج التهيت بمشاكلي ونسيت اسألج شخبارج مع هلال اكيد مستانسة ومرتاحه
مها وهي اداري دمعتها وتصطنع الابتسامه : طايرة من الفرح .. بصراحه هلال ما مقصر معاي الله لا يحرمني منه
ام حمود بابتسامة وهي ترفع ايديها وتدعي : الله يديم عليكم الفرح يا بنيتي !!! وعقبال ما تفرحونا بعيالكم ..
خوله بابتسامه : الله يسهل عليكم ان شاء الله .. مهوي حبيبتي بخليج الحين بسير اتطمن على خالد
مها بابتسامه : اوكي حبيبتي ان شاء الله قريب بجي صوبج وشدوا حيلكم وان مع العسر يسرا
خوله وهي تتنهد : الله يسمع منج ان شاء الله .. يلا فديتج مع السلامه ؟؟
مها : مع السلامة خوالي واول ما صدت حصلت هلال فــ وجها ... واول ما شافته سارت عنه
هلال وهو يشدها من ايدها وتمتم بحزن : مها انتي مش مضطره تمثلي ؟؟!!!!!!
مها بعصبية : ههههههه ليش !!! تباني اخبرها انه في مشاكل صايره امبينا !! وانج انتي سبب كل هـ المشاكل !! وانه اكتشفت وفي ليلة عرسي انه هلال كان يحبج انتي مش انا !!! واني مجرد دخيلة في حياته !! هذا اللي تباه صح !!
هلال بحزن : مها لا تفهميني غلط انتي مش ملزومه تخبري الكل انج مرتاحة معاي .. أدري اني قلبت حياتج فوق تحت
مها بعصبيه : هلال صكر على هـ الموضوع واذا ما تبانا نسير خبرني عسب اسير افصخ عباتي
هلال بضيج ومتنرفز من حركات مها تمتم بعصبية : خلاااص سلمي عليهم واترياج في السياره
مها طنشتة وسارت صوب حجرة فاطمه وسلمت عليها وعقب سلمت على ابوها وامها وسارت صوب هلال
::
كان باب البيت يدق وسارت سوزي وبطلت الباب واول ما شافت ميثا ابتسمت : ماما ميثا
ميثا بابتسامه : هلا سوزي شحالج خالد وينه فيه
سوزي بحزن : بابا خالد وايد تعبان واليوم في صرخ على ماما خوله وبعدين ماما خوله فيه زعلان وخالد يروح مرسم
ميثا وهي متنرفزة : بس انزين اكرمينا بسكاتج !! شوي وبتخبريني شو استوالج من لما كنتي صغيره لحد الحين !! ودفرتها وسارت صوب المرسم سوزي استغربت من تصرف ميثا : ماما ميثا ليش يسوي كذا انا ما فيه يقول شي
خوله سارت صوب المرسم اللي خالد كان ملتهي فيه واول ما دخلت حصلته قاعد يصيح ويشاهق بشكل غريب
خوله بخوف وهي تروح صوب الصوت : خالد حبيبي بلاك ليش قاعد تصيح !! ليش قاعد تعذب نفسك بهـ الشكل !!
خالد راح صوب خوله وحضنها : خوله انا اسف ما جان ودي ارفع صوتي عليج ولا جان ودي اغلط على ام محمد بس كيف تبيني اتعامل معاها وهي السبب بكل اللي قاعد يصير !! مب قادر اسامحها !! لا !!!!!! وبكل وقاحه راده البيت
خوله وهي تمسح على راسه : بس حبيبي لا تسوى بروحك جذا .. اعرف انك متنرفز واعصابك تعبانة .. وصدقني انا مب زعلانه عليك .. وفي نفس الوقت مستحيل ألومك !! اللي قاعد يستويلك الحين صعب اي انسان يقدر يستحمله .. بس انته هدي نفسك شوي .. واكيد كل شي بيتصلح .. وان شاء الله هم وبينزاح .. كل اللي نقدر نسويه الحين ندعي الله .. انه روضه تردلنا بالسلامة ويشافي عمي .. لا تخلى الشيطان يلعب عليك .. ترى العصبية ما منها فايدة !!
خالد وهو يصيح فحضنها : خوله لا تخليني !! انا وايد محتاج لوقفتج معاي .. انتي البلسم لكل جروحي انتي دواي
خوله وهي تبوسه على راسه : خالد حبيبي انته روحي وتاكد اني مستحيل اتخلى عنك اصلا انا من غيرك بموت
خالد وهو يحط ايده بين شفايفها : لا تقولي جذا غناتي ان شاء الله يومي قبل يومج انا ما اتخيل حياتي من دونج
خوله وهي تحضنه وادموعها اربع اربع : خالد انا وايد احبك الله لا يحرمني منك الغالي انا بعد مستحيل اتخيل اني يمكن اصحى فيوم وما احصلك يمي ..ريحتك اللي اشمها كل يوم سبب وجودي في هـ الحياه الله يخليك لاتخلاني وتروح
خالد وهو يضمها بقو : آآآآآآآآآآآآه يا خوله محد مهون علي مصايبي غيرج .. الله يديم المحبة بينا .. احبج والله احبج
ميثا تمت واقفه مكانها ودموعها ارتسمت على خدها بدون ما تحس وحست الدنيا ادور فيها وبدون محد يحس فيها نزلت تركض سوزي اول ما شافتها سارت صوبها : ماما ميثا ليش انته زعلان !! وليش يصيح .. بابا خالد .....
ميثا وهي ادزها وقاطعتها بعصبية : خوزي عني ..... خليني في حالي ... وسارت تركض صوب بيتهم !!!
::
::
|
27-07-10, 08:07 PM
جديد مواضيع قسم القصص المكتمله
العرض العادي
