كاتب الموضوع :
راعية الفزعة
المنتدى :
القصص المكتمله
مها وادموعها اربع اربع وتقاطعه بحز ن : هلال انا فهمت اللي ابا افهمه .. وكلامك خلاص ماا راح يغير شي
هلال بحزن : بس انتي الحين صرتي زوجتي !!! و خوله راح تكون بنسبالي مجرد ماضي وعدا باللي فيه
مها اول ما سمعت اسم خوله انعصر قلبها من الالم وردت عليه بعصبيه : قتلك انا زوجتك صح بس حبر على ورق
هلال بحزن : بـــــــــــــــــــــــ ...........................ـــــــس ؟؟؟؟؟؟؟؟؟؟؟؟؟؟؟؟؟!!!!!
مها تقاطعه على طول : هلال صكر على هـ الموضوع انا وانت من اليوم صرنا اغراب عن بعض لا انته زوجي ولا انا زوجتك حتى تقدر تقول انه صار لازم تنسى اني انا اصير بنت عمك قوم الحين خلنا نروح مابا احد يشك فشي
هلال وهو يشوف مها من فوق لتحت : آآآه يا مها سامحني ما جان ودي يصير اللي صار بس قلبي لما اختار خوله مش عشان انه مستواج او جمالج اقل عنها بس انا للحين اشوفج مها القويه العنيده اللي تاذيت من عنادها وانا صغير
لكن اللي قاهرني هالسر محد يعرفه غيري انا وساره يا ترى منو الي خبرج بالموضوع وفضح هالسر اللي قررت ادفنه
مها بحزن وهي اداري دمعتها وخايفه لا تنزل فجأه : ليش واقف خلنا نروح مابا السالفه تكبر خلنا انحلها بينا
قامت ولبست عباتها وغطت وجهها وطلعت برع صوب السياره وهلال تم يقلب عيونه فالغرفه ومستغرب من تصرف مها وعنادها وهو يقلب بعيونه طاحت عينه على تلفون واول ما راح حصله يشبة تلفون اخته مريم
هلال وهو مستغرب :ياربي هذا مب كأنة تلفون مريم وخذ التلفون وجان مفتوح على التسجيلات ولما فتح عليه انصعق هلال بعصبيه : مريم .. معقوله وصلت فيج الجرأه انج تتنصتين علينا وتسجلين الحوار اللي دار بيني وبين ساره عسب تحطمين حياتي وحياة مها معقوله الحقد والكره وصل فيج لدرجة انج ما تخلين احد يرتاح .. تمنيت تكوني دمرتيني انا ومها وبس لا انتي شرج وصل حتى لاختج ساره !! انتي جالسة تدمري حياة كل اللي حواليج ومب حاسه باللي تسويه
مريم تذكرت انها نست تلفونها وكانت جاية تاخذه وانصعقت لما شافت هلال مشغل على التسجييلات واول ما شافها هلال صكها بكف خلاها اطيح على الارض وشدها من شعرها : انتي شو بالضبط انسان حيوان وحش شيطان انتي شو
مريم بعصبيه : هلال بطل ااااااااااااااي راااااااااسي .. انا مالي ذنب بس ما حبيت مها تعيش فكذبه هذي بنت عمي واللي يمسها يمسني اذا انت وساره رضيتوا انكم تعيشوها فخدعه ووهم انا مستحيل ارضى لها هـ الشي
هلال يقاطعها وبعصبيه : جب ولا كلمه ليت السالفه وقفت بس علي انا ومها انتي شرج وصل حتى اختج ساره
مريم وهي مستغربه : سااااااااااااااااااااااااااره اشو سويت فيها بعد ؟؟!!!!!!
هلال بعصبيه : شو سويتي هاه مب انتي اللي نشرتي سالفة فهد مع ساره وصارت كل الحواير داريه بالسالفه
مريم تقاطعه وبعصبية : يا سلام !! و ليش اكون انا اللي مطلعه هـ السالفه ليش ما يكون فهد
هلال يقاطعها وبعصبيه : فهد مستحيل يسوي هالشي سافر بدون محد يدري لانه انسان بمعني الكلمه سافر لانه ما حب يجرح مشاعر البنت اللي حبها وربيع طفولته اللي شاركه كل لحظات حياته وانتي بكل سهوله دمرتي كل اللي بناه فهد .. فهد داس على قلبه ومشاعره عشان اللي يحبهم وانتي دمرتي حياتهم بس محد يلومج لانج وحده مريضه
مريم تقاطعه وبعصبيه : هلال انا ما اسمحلك ولا نسيت اني اختك العوده وبعدين حطها فبالك انا ما ادري اصلا بموضوع ساره وفهد .. واكيد هذي فاطمه اللي طلعت هـ الرمسه وقطتها علي ظهري .. لانها تبا تنتقم مني
هلال بعصبيه:شفتي انج وحده مريضه ومحتاجه لمصح عقلي ..ويكون في علمج هالسالفه طالعه من الدكتوره بنت عم
ربيعي ناصر وطبعا الاخت ما قصرت قالت حق ناصر كل شي مع شويت بهارات وناصر راح وخبر سعيد بكل السالفه
ليش يا مريم ..انتي جالسة ادمري كل اللي حواليج ومب حاسه..ليش ما تبي تشوفي احد مرتاح ليش مقهوره من الكل
مريم بضيج : يعني هالسالفه ما طالعه من فاطمه
هلال بقهر :الظاهر الحكي وياج ما منه فايده يلا من رخصتج .. واستانسي لانج حولتي هـ العرس لـ فاجعه !! كارثة !!
مريم بتوتر : ياربي بلاه هذا .. انا لما سويت هـ الشي بس عشانه هو .. كيف بيقدر يعيش مع وحده ما يحبها
وهالعااايشه انا اراويها حسابها عندي بعدين .. بس عسى هلال ما يفضحني ويعلم الكل باللي سويته عند مها وساره
وربي ابوي بيذبحني واخاف حمود بعد يطلقني وخذت نفس عميق وعدلت شعرها .. لا يا مريم انتي قويه لا هلال ولا غيره يقدر يأثر فيج ..وبعدين انا ما سويت شي غلط..مهوي تكبرت علي وقلت اعلمها مريم منوعسب مره ثانية تتأدب
:::
:::
وعنــــــــــد خوله وفاطمه
خوله بابتسامه : هاه فطوم بشريني كيف الحمل معاج !!!
فاطمه : خوالي انا بخير .. والحين نباج انتي تشدين حيلج .. وتفرحينا في بيبي صغنون
خوله وهي تتنهد : تصدقين متخوفه من هـ الشي كيف بقدر اربي ياهل وانا وحده عمياء
فاطمه بحزن : خوالي حبيبتي لا تقولين جذا .. الطفل محتاج لام حنونه تحن عليه شيلي هـ الافكار من راسج
ام حمود تقاطعهم وبدون نفس : خوالي فديتج يلا تأخرنا
خوله باستغراب : ليش امايه !!!!!!!!!! فطوم ما بتسير وياااااانا ..
فاطمه بحزن : لا فديتج بسير وياكم إلا اذا عموه تباني اخذ تكسي
ام حمود بعصبيه : والله عاد بكيفج واذا حابه تسيري نترياج برع
خوله وهي مستغربة : فطوم بلاها امايه !! اول مره اشوفها تعاملج بهالشكل .. اشو صاير ؟؟؟!!!
فاطمه وعينها تدمع : سالفه عوده يا خوله لا زرتينا بخبرج عنها يمكن تقدرين تساعديني
خوله بحزن : فطووم خوفتيني وقبل لا تكمل كلامها رن تلفونها وسمعت التلفون يردد اسم خالد .. هذا خالد خليني ارد عليه .. الو هلا حبيبي هاه بشر حصلتوا روضه
خالد بضيج وهو ياخذ نفس عميق : لا بعدني !!! للحين جالس ادور عليها
خوله بضيج : حبيبي سير بيت ميثا وتأكد انه روضة مش هناك !! يمكن روضة موصيتنها ما تخبر احد عن مكانها
خالد وهو يطالع ساعته : فهالوقت المـتأخر !!!!!!!!! ما ضنتي أقدر ؟؟!!!
خوله : البيت مش من بعده سير واسأل عنها اخاف صاير فيها شي لا سمح الله
خالد بحزن : خلاص خوالي الحين بسير اشوفها وانتي مب راده البيت
خوله : لا حبيبي اكيد رادة !! بشوف ابوي اذا يقدر يوصلني كله ربع ساعه واكون عندك ان شاء الله
خالد وهو يتنهد : تمام حبيبتي يلا انتظرج .. لا تتأخرين
خوله بابتسامه : مع السلامه حيااااتي
فاطمه بخوف : خوالي خالد ما حصل روضة للحين ؟؟!!!! ومعقولة مش موجودة في البيت ؟!! انزين وين سارت !!
خوله بتوتر: والله ما ادري خالد صارله ثلاث ايام يدق عليها بس ما كانت ترد واول ما وصل البيت ما حصلها
فاطمه وهي تبطل عيونها : يعني وين بتكون راحت !!!!! معقوله شردت !!!! قالتها بذهول
خوله : خالد يقول ملابسها مكانهن ومافيه شي متغير من حجرتها .. الظاهر انه السالفه اكبر عن جذا الله يستر بس
فاطمه وهي تتنهد : انزين بلغتوا الشرطه
خوله تقاطعها وبحزن : هيه خالد من شوي كان عندهم .. وعطاهم صوره..الله يعين عمي اكيد هـ الشي بيأثر عليه
فاطمه بضيج : الله يعينهم الصراحه .. روضه عاقله وما ضنتي بتسوي شي يضر ابوها
خوله وهي تاخذ نفس عميق : الله يسمع منج .. يلا خلينا انسير الحين مابا اتأخر على خالد اكيد بيكون محتاجلي
بوحمود وهو يشوف ام حمود جاية صوبه تمتم بابتسامة : ها الغاليه الظاهر محد بيروح ويااااانا
ام حمود بدون نفس : الا بتسير ويانا فاطمه وعيالها
بوحمود استغرب من كلام ام حمود بس ما علق .. تحسبها مضايقة على شان مها بتسير عنها خلاص
مريم وهي تحضن ام حمود : تصدقين عاد الغاليه جان ودي اسير وياكم بس نفس ما انتي شايفه جيت بسيارتي
بوحمود بدون نفس : زين ما سويتي !! لانه نفس ما انتي شايفه ما في مكان !!! يالله السياره تسدنا
مريم اول ما سمعت كلام عمها تضايجت : مشكووووووور عمي بدال لا تقولي اذا ما شالتج السياره بتشيلج عيونا
بوحمود وهو يطنشها صد صوب ام حمود : هاه الغالية بتسيري ولا لا ؟؟!!!!!!!!
ام حمود طنشتة وراحت صوب مريم وتمت تمسح على راسها : مريوم حبيبتي لا تحطي فخاطرج !!عمج ترى ما يقصد
مريم بضيج : خالوه انا ودي عمي يحبني بس مب عارفه كيف !! احسة وايد يكرهني مش كأني بنت اخوه كأني عدوته
ام حمود وهي تتنهد : هو يحبج بس بطريقته الخاصه وانتي صبري شووي باجر تفرحية بولد واكيد بينسى
مريم اول ما طروا موضوع الحمل تضايقت وسرحت : يالله معقوله كلام فاتن صدق معقوله انا مستحيل احمل .. انزين ليش !!! انا ما سويت شي بحياتي عسب الله يعاقبني بهالشكل .. انا لازم باجر اسوي فحوصات فمستشفى ثانية عسب اتطمن اكثر .. اكيد فاتن مقهوره مني وما تبالي الخير بس والله لو طلعت فحوصاتي سليمه لاراويج يا فتوون
خوله بابتسامه : مساكم الله بالخير ابوي فديتك تقدر توصلني البيت خالد مشغول شوي
بوحمود بابتسامه : آكيــــــــــــــ .....................ـد .؟؟؟!!!!!
ام حمود قاطعته ع طول : خوالي حبيبتي ابوج ما يقدر يسوق بالليل وبيتكم بعيد انا اقول لو تخلي مريم توصلج
مريم بابتسامه : خوالي فديتج خليني اوصلج بدال لا تعبي عمي ولا تنسين بيتكم وايد بعيد
بوحمود وهو يتنهد وحب يقهر مريم : خوالي قومي انا بوصلج .. تعبج راحه الغاليه .. كم خوله انا عندي !!
خوله بابتسامه : مشكوور ابوي دام مريوم عندها سياره توصلني هي وايد احس بروحك تعبان ومابا اتعبك زياده
خوله بابتسامه : مشكوور ابوي دام مريوم عندها سياره توصلني هي وايد احس بروحك تعبان ومابا اتعبك زياده
ام حمود بعصبية : بو حمود عن للعناد خل مريم توصلها انته اليوم حيلك منهد لازم تروح تريحلك جمن ساعه
بو حمود باقتناع وما حب يزعل ام حمود .: خلاااص صار .. يلا فطوم ركبي السياره وركبي عيالج وخلونا نسير تاخرنا
فاطمه بحزن : الظاهر انه مريم قدرت تسيطر على الكل .. احس اني ايامي مع حمود صارت معدوده مريم هذي مب سهله واكيد ناويه على شر .. اكيد راح تستغل حملها وبتخلي الكل تحت سيطرتها .. خايفه عمي يدرى بشي !! والله حياتي بتنقلب فوق تحت .. انا اموت واعرف بشو ضريت مريم !! ليش تبا تنتقم مني بهـالطريقة الخايسه .. بس ما بيدي شي غير الصبر (( والله مع الصابرين ")) واكيد باجر بيفرجها علي .. حسبي الله ونعم الوكيل فيها ..
ام حمود بعصبيه : فطوووم بلاج واقفه مكانج ما سمعتي عمج يقولج ركبي السياره .. لا يكون تبي اتمين في الشارع
مريم بسخرية : خالوتي الظاهر انه فاطمه تبا تسير ويانا شو رايج تسيرين انتي وعمي ونرد انا وهي البيت رباعه
ام حمود باقتناع : صــــ ..... ـــآآآ ر يــا بنـــيــ ,,,,,,,
فاطمه قاطعتها : لا عموه انا بسير وياكم عيالي راقدين وما فيني على لفلفة الشووارع ولاتنسين اني حامل واليلسه في السياره اتعبني فاحسن اسير عندكم اخاف جبدي تلوع وارجع لا سمح الله وانا ما ابا ابهدل سيارة مريوم توها يديده
بوحمود بابتسامه : لا عاد كله ولا الغاليه فطوووووم .. اهم شي راحتها .. ام حمود يلا تاخرنا !! خلونا نتوكل
فاطمه بابتسامه وهي تطالع مريم من فوق لتحت:الله يخليك عمي والله لا فرق بينا ونخلي الحساد ينبطون من قهرهم
مريم فخاطرها : ما عليه فطوووم اليوم يحبج ويعزج وباجر اكيد راح يحتقرج انتي مب عارفه انا شو مخبيتلج هههااي صج انج وحده غبيه .. وعاطية نفسج قيمه اكبر من حجمج وانتي والله ما تسوين حشر ه بعدها الحشره احسن عنج
خوله تقاطعها : مريوم بلاج سرحتي خلينا نتوكل .. مابا اتأخر على ريلي .. بروحة حالته حالة !!
مريم فخاطرها : اووووف هذا اللي ناقصني وحده عمياء تيلس تتأمر علي .. وبابتسامه .. يلا فديتج خلينا نتوكل
::
::
وفي الفندق عنــــــــد ســـاره وسعــــــــــــيد ..
ساره بابتسامه وهي تقرب صوب سعيد : الف مبروك حبيبي .. الحمد لله .. الله جمع بينا علي خير ..
سعيد اول ما حب يبتسم شاف صورة فهد جدامه وامتزجت ابتسامته بحزن : الله يبارك فيج ..
ساره تقاطعه وبدلع:سعيد حبيبي اشو فيك وين اول طايح فيني غزل الحين يوم صرت زوجتك ما اسمع منك كلمه حلوه
سعيد بتوتر وهو يبطل ازرار كندورته : ما عليه ساره بس مضايج شووووي
سار بضيج وهي تمسح على وجهة وتمتمت بخوف : سعيد بلاك !! في احد يتضايق في ليلة عرسه !! قولي شصاير؟!
سعيد بضيج : يعني الضيجه يبالها وقت محدد قتلج مضايج وخلاااااص .. خليني براحتي !!
ساره وهي تاخذ نفس عميق : سعيد انزين ليش عصبت انا ما قلت شي يخليك تتنرفز بهالشكل انته شو صاير عليك ؟!!
سعيد بعصبيه : اووووووووهوووو ساره !! اقوووول انا مب ناقص عوار راس !!! من رخصتج بسير اشم هواء !!
ساره وهي تركض وراه: سعيد وقف وين ساير تعال خلنا نتفاهم واول ما وصلت عند الباب صكر سعيد الباب في وجها ساره بحزن : بلاه سعيد اشو اللي صاير عليه مو على اساس بيستانس في اللحظة اللي بكون فيها معاه والحين بكل سهوله يطلع ويخليني بروحي هنيه لا والقهر يقول اني مسببتله صداع في راسه وراحت صوب شبريتها ونسدحت وتمت تصيح ... سعيد تم يمشي في الشارع والوقت جان متأخر وهو مب حاس باللي حواليه فهد جان شاغل كل فكره
سعيد بحزن : آآآآآآآآآآآآه يا فهد ما توقعت فلحظة اكون انا سبب تعاستك ما توقعت فيوم اني راح اسرق البسمه من بين شفايفك واحول حياتك لجحيم يمكن انته تحب ساره اكثر مني انته تربيت معاها وعارف طبايعها عدل ولو حبيت ساره ما الومك ساره هذي جوهره وكل من شافها غصبا عليه يحبها .. انا اول ما شفتها قدرت تسيطر على كل تفكيري فلحظة صارت نفس الهواجيس كل يوم تزورني بحلمي والله يا فهد اني غصبا علي حبيتها ولو ادري انك تحبها جان تصرفت من البداية بس الحين صعب ساره هذي ملكي ..ملكي انا بروحي ومستحيل اخلى احد ياخذها مني مستحيل
ساره كانت يالسه تصيح ومتكدره وسمعت تلفونها يرن وراحت صوبه واول ما شافت رقم هلال توترت وع طول ردت
ساره بخووف وهي مب قادره تصلب طولها : هلال ليش متصل الحين صاير شي .. سعيد فيه شي ولا تفكر تكذب علي
هلال وهو ياخذ نفس عميق : ليش سعيد مش في البيت ؟؟؟!!!!
ساره بضيج : لا طلع من نص ساعه وللحين ما رد .. هلال ما ادري احس انه تصرفات سعيد غريبه كأنة مش طايقني
هلال يقاطعها : اه يا ساره ع الاقل انتي عارفه انه سعيد يحبج ويمكن يردلج لكن انا الشكوى لله !!
سااره بتوتر : ليش اشو مستوي بعد ؟؟!!!! لا يكون ...........؟؟!!!!!!
هلال بحزن : مها يا ساره مها .. عرفت اني ما احبها واحب اختها واني ما كنت مفكر اخطبها وكنت ناوي اتقدم لخوله
ساره بعصبيه : هلال انته تخبلت !!!!!! ليش خبرتها من الأساس
هلال وهو ياخذ نفس عميق : مش انا اللي خبرتها اختج مريم طلعت مسجله كل اللي دار بيني وبينج وخلت مها تسمعه
ساره بعصبيه : هلال انته شو تقول معقوله مريم تسوي كل هذا ؟؟!! لا مستحيل ما اصدق !! اشو صاير فهـ البنت ؟!!
هلال بضيج : لاول مره اعرف انه اختي مريم بالشر هذا وازيدج من الشعر بيت !!الحالة اللي فيها سعيد سببها مريم !!
ساره:هلال انت شو يالس تقول شو دخل سعيد بالسالفه اصلا مريم ما تعرفه معرفه شخصيه بس تسمع عنه مني
هلال بحزن : سالفه طويله يا ساره .. سمعي السالفه .................................................. .......الخ
::
::
مها وهي جالسة ع الدريشه وتصيح : هيه هيه يا هلال ما توقعت انه الليلة اللي صارلي سنين انتظرها تتحول لكابوس بين لحظة وضحاها .. بس اللي معور قلبي انتي يا ساره !! ربيعة عمري !! كيف سويتي معاي جذا !! هلال انا عاذرته يمكن لانه ما يحبني ومشاعري ما تهمه ولا تعنيه !! هههههه لانه فكره مشغول بحبيبة القلب خوله !! لكن انتي يا ساره ليش بعتيني بهالسهوله !! ليش أرخصتي بقيمتي عند اخوج !!معقوله مشاعري ما تهمج ؟! انزين صداقتنا اللي صار لها سنين ليش بعتيها في لحظة ليش !! ااااه لو تعرفين فهد شو سوى عشان ربيعه سعيد .. ليتج كنتي مثله يا ساره .. ليتج صارحتيني من البداية وخبرتيني انه هلال ما يحبني .. بس انتي بدال لا تسوين جذا اصريتي عليه !! تتحريني راكضه ورى اخوج ولا ما بحصل غيره لهالدرجه خايفه علي وعلى مشاعري !! ههههه تتوقعيني بقتنع بعذرج السخيف انتي بدال لا تصلحين الموقف خربتيه نفس ما يقول المثل (( جيتي تكحليها وعميتيها )) وتتحرين نفسج انج مسويه معاااي معروف كبير !! وعقب سكتت شوي وبعدها تمتمت بعصبية وكان في حرقة وغصة بقلبها انتي دمرتيني يا ساره !! دمرتيني !!عمري ما حسيت نفسي رخيصه كثر اليوم .. انتي ارخصتي بقيمتي .. خليتيني رخيصه فنظر هلال !! مريم !! وحتى بكون رخيصه فنظر الكل لا دروا انه هلال جان يبا خوله وعمره ما فكر فيني !! وعلى قولته انا بالنسبه له مجرد اخت ههه .. آآآآآه يا هلااال معقوله الحلم اللي حلمته يتلاشى !! انا مب قادرة اصدق هـ الشي كنت كل لما ارقد اشوفك فاحلامي وكل ما ابطل عيوني اشوف صورتك مرسومه على جدران حجرتي كنت اشوفك مثل ضلي .. والحين عرفت انك انته مجرد سراب .. سراب كنت اركض وراه طول هـ السنين !! وفي لحظة وحده بس الا قول ثواني الحلم بداء يتلاشى ويختفي من جدام عيني .. خايفه اصكر عيوني يا هلال !! خايفه عقب ما ابطلها احصل حتى طيفك رفض يزورني !! ويبداء ويمتسح من جدران غرفتي !! خاايفه لما يعرف انك ما تحبني يرفض يزورني ويعاملني شرات الغريبه !! وبدال لا اكون فهم واحد اصير فهمين .. انا شو اللي ناقصني !! ليش ما حبيتني !! ورب الكعبة اني احبك اكثر من حبك لـ خولة !! بس شو اقول يارب ساعدني وصبرني انته اعلم بحالي !!
::
::
ساره اول ما سمعت كلام هلال حست الدنيا تدور فيها تمت تقلب عيونها في الغرفة !! ما عرفت شو تسوي !! افكارها تلخبطت .. تاهت !! ضاعت !! وتمتمت بخوف : هلال انته شو تقوول .. فهد ولد عمي ما غيره .. يحبني انا !!!! لا مستحيل !!! اكيد في غلط بالموضوع !! لو كان يحبني اكيد كنت بحس عليه !! بس هو كان يعاملني نفس لما كنا صغار !!!!! انا ما أنكر اني كنت الاحظ اهتمامة فيني !! بس هذا الشي متعودة عليه !! من يوم صغيره وهو تهمة راحتي !!
هلال وهو ياخذ نفس عميق : فهد يا سارة جان يحبج بس ما قدر يصارحج بهالشي توقعج تدرين وفاهمه مشاعره !!
ساره بضيج : وانا كيف بعرف الله الشاهد يا هلال اني كنت اعامله شرات اخووي كنت اشوف فيه اخو يفهمني وافهمه
هلال: بس هو طول عمره جان يشوفج البنت اللي بيكمل معاها نص دينه وعمره الباقي.. وصدمته فيج كانت قوية !!
ساره بحزن : بس انا مستحيل ارضى بهالشي !! مستحيل افكر بفهد كزوج !! وايد صعبه !! وحتى لو سعيد ما دخل حياتي !! فهد شرات اخوي ومستحيل افكر فيه مستحيل .. هو بنسبالي مجرد اخ لا اكثر ولا أقل !!!
هلال بحزن : فهد اول ما درى انه اللي بياخذج هو نفسه ربيعة سعيد !! فظَل انه يسافر بدون محد يحس عليه اعرف انه ابوي والكل زعلان عليه بس فهد توسلني اني ما اقول لسعيد باي شي وهـالسر يتم بينا حتى يوم صار عليه الحادث
ساره وهي تجلس فوق الشبريه !! واعصابها بدت تتوتر المصايب كانت تنزل على راسها مثل السيل .. كانت تايهه وتمتمت بخوف ممزوج بتردد:هلال فهد يحبني هذي فهمتها بس شو دخل الحادث اللي استوى عليه فموضوعي مع سعيد ! اللهم سترك!! شو اللي قاعد يصير !! هلال صارحني تكلم لا تم ساكت !! ترى اعصابي فلتت
هلال : يوم صار عليه الحادث جان توه عارف بانه اللي متقدملج هو نفسه ربيعه سعيد وعقبها طلع معصب من البيت والكل تم يدور عليه بس محد حصله وكلها دقاقيق وصلنا الخبر باللي صار بفهد وانه حالته خطيره وصار اللي صار
ساره وادموعها اربع اربع : اه يا هلال يمكن انا ما احب فهد نفس ما هو يباني احبه بس هذا ولد عمي وفمرتبه اخوي
وما كنت اتمنى يصيرله اللي صارر .. انا شو ذنبي عسب سعيد يعاملني بهالطريقه انا اللي قلت حق فهد تعال وحبني
هلال بضيج:ساره انتي لازم تفهميه..هو حااس انه سلب من ربيع طفولته حبه وفوق هذا حاس انه هو سبب فحالة فهد
ساره بعصبيه : هلال سعيد خلاني بروحي هنيه ولا فكر انه يصارحني كل اللي قدر عليه بس يصارخ ويعصب علي .. ليش ما خبرني انه السالفه جذا وجذا وجذا .. ليش ما فهمني باللي صار !!وبهالطريقه جان حل الموضوع بيكون اسهل
ساره بعصبيه : هلال سعيد خلاني بروحي هنيه ولا فكر انه يصارحني كل اللي قدر عليه بس يصارخ ويعصب علي .. ليش ما خبرني انه السالفه جذا وجذا وجذا .. ليش ما فهمني باللي صار !!وبهالطريقه جان حل الموضوع بيكون اسهل
هلال تمتم بحزن: ساره ع الاقل مشكلتج عند سعيد اهون من مشكلتج مع مهااااا .. اكيد الحين ماخذه فخاطرها عليج
ساره بضبج : مها أختي واكيد لا فهمتها الموضوع بتفهمني وبتقدر موقفي وانا ما كنت ابا غير مصلحتها
هلال وهو يتنهد : تصدقين يمكن تصرف مريم غلط بس اللي سوته افضل للكل .. انا ما اقدر اظلم مها معاي
ساره تقاطعه وبضيج : هلال ردينا ؟؟؟؟؟!!!!!!!!!!!! انته متى بتفكر بعقلك وتنسى عواطفك – قالتها بعصبية -
هلال بحزن : حاولت يا ساره حاولت بس ما قدرت .. خوله مسيطره على كل تفكيري ما اقدر احب وحده ثانيه ما اقدر
ساره بضيج : هلال انته ظلمت مها بما فيه الكفايه بطل انانية وحاول تحبها انتوا باجر مسافرين حاول تتقرب منها
هلال بضيج : تبيني اضحك على نفسي .. مستحيل احب مها فيووم مستحيل..مستحيل اخلي احد يشارك خوله فحبي لها
ساره تقاطعه وبعصبيه : لوخوله عاطنك وجه ومعبرتنك !! قلنا ما عليه !! بس البنت مب دارية عن هوى دارك !! هي مرتاحه وسعيده عند خالد !! وحياتهم سمنة على عسل !! لا تتوهم فيوم انها راح تكون لك !! او تترك خالد عشانك
هلال بحزن:خلاص انزين ما يحتاج اذكريني بهالواقع المر.مو كافي اني اموت في اليوم الف مره كل ما شفتها عند خالد
ساره بحزن : حرام عليك ياهلال وحده تحطمت كل احلامها بسبتك والله العالم بحالتها الحين وانته جالس تكلمني عن خوله !! استحى على وجهك وسير شوف زوجتك وفهمها اللي لازم تفهمه .. اذا ما كسبتها يا هلال حاول ما تخسرها
هلال بضيج : اوووهوو ساره يعني حرام افض فضلج .. تتحريني مستانس لحالة مها انا ما كان ودي اللي صار يصير
بس صار وما بيدي شي مها اليوم ولا باجر مصيرها تعرف اني ولا مره فكرت فيها كـ زوجه طول الوقت اعتبرها اختي الصغيره ولما كنت اداريها ما جان قصدي اني احبها !! لا !!! بس كنت اخاف عليها و هي فهمت غلط شو ذنبي انا ..
ساره بضيج : ما عليه هلال انته كلمها وحاول توصلون لحل .. الله يخليك هلال حطها فعيونك .. مها جوهرة
هلال وهو يتنهد : اوعدج يا ساره راح احطها فعيوني وراح احاول احبها .. يلا الحين سيري ريحي راسج شوي
ساره بضيج ودموعها بدت تنرسم مره ثانية على خدها وتمتمت بصوت شبة متقطع : كيف تباني ارقد عقب اللي سمعته .. انا تحسبت اليوم راح اكون اسعد انسانة !! بس الظاهر انه سعيد استكثر علي حتى فرحتي !! بس يالله الحمدلله على كل حال .. انته سير شوف مها يمكن محتاجه شي او متكدره !! وانا بسير اصلي ركعتين يمكن اهداء
هلال بضيج : ساره امانه ديري بالج ع روحج ولا جا سعيد حاولي تتفاهمي معاه بهدوء انتي عاقله لا تتهوري
ساره ودمعه انرسمت على خدها : الله كريم .. يلا هلال مع السلامه بخليك الحين .. اول ما صكر هلال التلفون ع طول تمت تصيح بحرقة .. ما كان ودها تجرح احد بالذات فهد !! لانه كان وايد يعنيلها !! وكل ما تتذكر انها هي راح تكون سبب تعاستة .والحالة اللي وصل لها بسبتها تزيد حدة صياحها وكلها ثواني وراحت صوب الحمام تتوضأ عشان تصلي
::
::
هلال اول ما صكر عن سارة .. راح صوب مها بس حصلها مصكره الباب بالمفتاح
هلال بحزن وهو يطق عليها الباب : مهاااا راقده ولا بعدج ؟؟!!
مها اول ما سمعت صوت هلال تذكرت لما كان يخاف عليها ويداريها وكل ما شافها اتصيح قالها اكيد اليوم الدنيا بتستوي سوداء لانه القمر زعلان واول ما تذكرت هـ الموقف انهارت وتمت اتصيح وتشهق بصوت عالي ..
هلال اول ما سمعها تصيح بهالشكل خاف عليها : مهووووووي الله يخليج بطلي خلينا نتفاهم .. خليني اشرحلج موقفي
مها بعصبيه : هلال اسكت مابا اسمع صوتك .. طلقني يا هلال طلقني مابا اعيش معاك في بيت واحد انا اكرهك اكرهك
هلال بحزن : مها شو اطلقج انتي تخبلتي نسيتي انه ما صارلنا يوم على بعضه من تزوجنا شو تبي الناس يقولوا عنا
مها تقاطعه وبعصبيه : الناس ما تهمني .. طلقني وريح نفسك .. وما عليك من الباقي انا عارفه كيف ادبر اموري
هلال بحزن : مها بطلي هـ العنااااد وافتحي الباب خلينا نتفاهم
مها بعصبيه : قتلك ما راح ابطله مابا اشوفك ولا أسمع صوتك خلني بروحي مالك شغل فيني انته ما تهني سير عني
هلال عصب وضرب الباب بايده بقو خلى الباب يهتز مها اول ما سمعت الصوت خافت وتمت ترتجف تحرته بيكسرة
هلال وهو ياخذ نفس عميق : انا طالع بسير اشم هواء !! و اذا وجودي مضايقنج !! ما راح ارد الا الفجر عسب ما تشوفيني ولا تسمعين صوتي .. وبطلي هـ العناد وقومي كليلج لقمه من الصبح على لحم بطنج وسار صوب برع
مها بحزن : اكل لقمه !! انته وين !! وانا وين يا هلال !! وتمت سانده راسها على الجدار وتصيح بحرقة
::
::
ميثا كانت ماخذه حبه ومشغله مسجل ويالسه ترقص ومستانسه اخر وناسه
ميثا وهي يالسه ادور طاحت فوق الكرفاية وبدت تسعل: اووووه هذا وقته الظاهر السعله ردتلي .. احسن شي اسير اشرب مااي يمكن تروح واول ما مشت خطوتين وقفت .. لاااااا اخاف مشعل يكون صاحي وعقب اتورط .. لا لا ما ضنتي في البيت !! مشعل ما يحب جلسة البيت اكيد سار عند واحد من ربعه وسارت صوب المطبخ واول ما وصلت الصاله سمعت الباب يدق وعلى طول خافت : ياربي اكيد هذا مشعل .. وضربت راسها بايدها .. لا مشعل عنده مفتاح صدق اني خبله يمكن هذا ابويه والله اعلم وسارت صوب الباب واول ما بطلته انصدمت ..
خالد بابتسامه : هلا ميثا شحالج
ميثا وهي مب مصدقه وتحاول تسوي نفسها عادي : هلا هلا خالد تفضل حياك ..
خالد وهو يتنهد:الله يزيد فضلج انا اسف لاني جيت بهالوقت المتأخر بس انا حبيت اتأكد بنفسي انه روضه مش هنيه !! سوزي تقول انها من يومين شافتها وهي تدخل بيتكم !! انا قلت يمكن روضة اصرت عليج ما تخبرينا عن مكانها
ميثا وهي راسها داير ومب قادره تصلب طولها : روضه !! لا سوزي فاهمة غلط هي جات بس ما حصلت احد بالبيت !
خالد بضيج : يالله اذا ما عندج وين بتكون سارت .. ما علينا مشكوره ميثا وسمحيلنا تعبناج معانا
ميثا وهي تتنهد : لا خالد ولو تعبك راحه خلاص من باجر انا ببداء اتصل بربيعاتها اللي اعرفهن وعسى تكون عند وحده منهن .. انته لا تشغل بالك ع الفاضي روضه عاقل ومستحيل تسوي شي غلط تطمن اكيد هي بخير
::
::
وعنـــــــــد خــــــوله ومــــــــــريم
مريم وخوله كانوا توهم واصلين .. ومريم اول ما شافت خالد واقف عند ميثا حستها فرصه عسب تثير غيرة خوله
مريم بمكر وهي تسوي روحها مضايجه ومنصدمه : لاااااااااااا مستحيل معقوله هذا خالد .. لعنبوه ما يستحي
خوله بتوتر وهي تقلب عيونها : مريم اشو مستوي وينه خالد
مريم بضيج : اه يا خوله احمدي ربج ليل ونهار انج عمياء !! ولا شفتي اللي انا شفته من شوي !! هذي مصيبة !!
خوله وأعصابها بدت تتوتر اكثر : مريوم لا تلعبين باعصابي اكثر خبريني اشو مستوي
مريم بضيج : خالد واقف عند وحده تقريبا بنت جيرانكم وياالس ياخذ ويعطي معاها !! صدق انه ما يستحى !!
خوله وهي تاخذ نفس عميق : اوف ريحتيني حسبالي شي اكبر عن جذا..هذي ميثا انا خبرته يروح يسألها عن روضه
مريم فخاطرها: اوه الظاهر هالعمياء مب هينه ولحد يقدر عليها تحريت اني بقهرها بس استوى العكس انا اللي انقهرت
خوله بابتسامه : مشكوووره مريوم سمحيلنا عاد تعبتج معاااي يلا تصبحين على خير
مريم بدون نفس : ولو حبيبتي تعبج راحه تصبحين على خير
ميثا كانت مستانسه لما حست خالد واقف جدامها تمت تسأله سته وستين سؤال عسب تعرف معلومات اكثر عن روضه بس خالد اول ما شاف خوله واصله طنش ميثا وبدون لا يحس راح صوب خوله ونسى يترخص من ميثا
ميثا بقهر : اراويك يا خالد اول ما شفت ست الحسن والدلال على طول سرت صوبها ولا سويتلنا حشيمه بس مب مشكله اليوم تطنشنا باجر بتبوس رجولنا وبطنش غيرنا الايام تدور وما فيه شي يتم على حاله !! اكيد مسويتلة شي !!
خالد بابتسامه وهو يبوس خولة على جبهتها : هاه حبيبتي وصلتي ؟؟!!!
خوله وهي تتنهد : هيه حبيبي مريم ما قصرت قامت بالواجب ووصلتني تعرف ابوي ما يقدر يسوق بالليل
خالد وهو يصد صوب مريم : مشكوووووره مريم ما قصرتي
مريم بابتسامه : ولووو ما سوينا شي .. يلا احينه من رخصتكم وايد تاخرت تصبحون على خير
خوله وخالد : وانتي من اهله
خالد بضيج وهو يحط راسة على كتف خولة : خوله خلينا نروح صوب داخل احس نفسي بختنق
خوله وهي تتنهد وتمسح على راسها : ليش ما شي اخبار يديده عن روضه !!
خالد بضيج : لا ميثا قالت ما تعرف اي شي صارلها اسبوع ما شافتها .. انا وايد خايف عليها خوالي
خوله بابتسامه : خل ايمانك بالله قوي ان شاء الله ما فيها الا العافيه باجر بينشرون صورتها واكيد بنعرف مكانها
خالد وهو يمسح على خدها وطبع بوسة فيه: والله محد مهون علي مصايبي غيرج .. الله لا حرمني منج يالغاليه ..
خوله بابتسامه : ولا يحرمني منك حبيبي يلا الحين خلنا نروح صوب داخل عسب تريح راسك شوي وايد تعبت اليوم
خالد وهو يحط ايده فكتفها : يالله حبيبتي انتي بعد لازم ترتاحين ان شاء الله هـ الغيمه باجر تنزاح
خوله بابتسامه : ان شاء الله
ميثا اول ما شافت هـ الوضع الحميمي بين خالد وخوله عصبت حست انها ودها تروح صوبهم وتهزئهم بس ما كان بيدها شي غير تراقب من بعيد :ما عليه والله لا احول حياتكم لـ جحيم..خالد ملكي انا وبس .. وهـ العمياء ما تستاهله !!
::
::
فـي صبآح اليوم الثاني وتحديدآ آلسآآآعه الثآمنة صبآآآآآآحـــــــــــآآ
ساره كانت يالسه تنتظر سعيد وكانت متوتره والخوف بداء ينرسم على ملامح وجها من البارحة ما قدرت ترقد كانت خايفة علية بشكل .. خايفة يسوي بنفسة شي .. كانت تتصل فيه ويعطيها مغلق وهذا اللي خلاها تتوتر أكثر : وينك يا سعيد وينك من امس طالع وانا مب داريه عنك حي ميت مريض وقبل ما تخلص من تساؤلاتها سمعت الباب يتبطل وراحت صوبه وكانت معصبه واول ما شافت سعيد صكته بكف وكانت دموعها محفورة على خدها
سعيد وايده على خده اكتفى بالسكوت وارتسمت دمعه على عينه وكانت حالته متبهدلة .. كان شبة ضايع
ساره اول ما شافت حالة سعيد جذا ارتمت فحضنه وتمت اتصيح : ليش يا سعيد ليش .. ليش خليتني في ليلة عرسي اقاسي الهم بروحي !! ليش خليتني بين هـ الجدران ورحت !! ليش خليتني احاتيك بهـ الشكل !! ليش ما خبرتني !! ليش خبيت علي موضوعك مع فهد !! تتوقع اني كنت ادري انه فهد يحبني !! عسب جذا روحت وخليتني بروحي
انا عمري ما حبيت احد غيرك .. انته بس الوحيد اللي حفرت اسمه بقلبي .. انته وبس .. ومستحيل افكر في غيرك !!
سعيد وهو يبطل ازرار كندورته ويبعد سارة عن احضانة وتمتم بحزن : ساره انا تعبان وابا ارقد
ساره بضيج : ترقد !! نسيت انه في طيارة تنتظرنا ولازم نكون في المطار عقب ساعتين من الحين !!
سعيد وهو يدخل اصابعه بين خصلات شعره : ساره اتصلي فيهم واجلي السفرية ما وقتها الحين !! النفسية زفت !!
ساره بعصبيه : سعيد انته من صدقك !!
سعيد يقاطعها وبعصبية : ساره قتلج انه راسي مصدع فلا تيلسي تحني!! سوي اللي خبرتج عليه وخلاص
ساره بضيج : سعيد بس هذا شهر عسلنا .. كيف تباني أأجلة صارلي زمان وانا انتظر اللحظة اللي اسافر فيها معاك واحينه بكل سهوله تقولي ااجلها .. لا يا سعيد لهنيه وبس مستحيل اخليك تسوى اللي براسك ! نحن لازم نسافر !!
سعيد يقاطعها وبعصبيه : خلاااص عيل سافري بروحج !! انا مالي خلق اسافر الشهر الزفت هذا !! يلا بروح ارقد
ساره وهي توقف جدامه وانقرهت من كلامة وتمتمت بعصبية : سعيد اذا ما سافرنا اليوم ما راح اسافر ابد !!
سعيد وهو يطالعها من فوق لتحت وتمتم بسخرية : سوي اللي يريحج ما يهمني .. وراح عنها صوب الحجره
ساره ما قدرت تستحمل هـ المنظر حست انه سعيد قاعد يدوس على كرامتها .. ما توقعت فيوم تشوف سعيد بهالحالة طول عمره كان عاقل وهادي وقبل ما يدش حجرته تمتمت بقهر ممزوج بحزن : معقوله فهد يهمك اكثر مني .. معقوله ادمر اجمل ليلة فـ عمرنا .. آه يا سعيد ودي افهم ليش تسواء فيني كل هذا انا شو ذنبي شو سويت عسب تعاقبني بهالشكل .. سعيد اول ما سمع كلام سارة دمعت عينه بس ع طول تهرب من الموقف ودش الحجرة وصكر الباب بقوه
نهاية البارت
|
27-07-10, 07:55 PM
جديد مواضيع قسم القصص المكتمله
العرض العادي
