كاتب الموضوع :
راعية الفزعة
المنتدى :
القصص المكتمله
الفصـــــــــــــــل الثـــآني
::
::
فاطمه بابتسامه : يحليلها عموه توهقت وسارت عند مريوم اكيد الحين جالسة تدلع عليها
مها وهي تفرفر في التلفزيون وحاطة رجل على رجل:هيه صدقج الله يكون فعون امايه راكبه عند الشر وهي مب دارية
فاطمه اول ما شافت الباب يتبطل تمتمت بابتسامة عريضة : اووووش الظاهر وصلوا اسكتي لا تفضحينا
مها وهي تفر الجهاز : هيه سكتنا وبعد هالتلفزيون حشرنا كل برامجه تملل لعنبوه ما فيه شي يديد انا بسير المطبخ
مريم بابتسامه وبصوت ممزوج بدلع وغنج : نحن وصلناااااا
مها بدون نفس : هيه شفناج ؟؟!! تتحرين عيونا خربانه !!!! ولا استوينا عميان لا سمح الله
مريم وهي تكتم قهرها ورمقت مها بنظرة : خلاص عيل انا بسير ابدل ملابسي وعقب بجي صوبكم
ام حمود بابتسامه : سيري الغاليه الجلسه بدونج ما تحلى
مريم وهي تبوسها على خدها : يسلملي انا .. ثواني وارجعلج
مها بصوت واطئ : اشو مستوي !! مشوار صغير قدرت تغير امي 180 درجة ما اصق
فاطمه حست طعنه بصدرها بس ما بينت وتمتمت بخوف : علمي علمج !!!
ام حمود اول ما شافت مريم سايره صدت صوب فاطمه : فاطمه تعالي اباج فموضوع
فاطمه هنيه دقات قلبها بدت تتسارع .. حست انه في مصيبة جاية في الطريق .. طلعت مريم مع عمتي ما وراها خير
وتمتمت بابتسامة : على امرج عموه وسارن صوب مجلس الحريم واول ما دخلت رمقتها بنظرة لوم فاطمه توترت
فاطمه بضيج وكل جسمها صار يرتعش وتنفست بـ صعوبة وتمتمت بخوف:عموه بلاج اشو اللي مستوي تراج خوفتيني
ام حمود وهي تطلع الصوره وتفرها صوب فاطمه وتمتمت بعصبية ممزوجة بحقد :طالعي هذي وبتفهمين اشو السالفه
فاطمه اول ما شافت الصوره ما قدرت توقف وع طول دمعت عينها واستندت على الكنبة لـ قريبة منها
ام حمود بعصبية : من شو مستغربه !!! من الصورة نفسها ؟!! ولا من سواد ويهج ؟؟!!!!!
فاطمه وادموعها اربع اربع وهي تضغط على الصورة بقو : حسبي الله عليج يا مريم..انتي شو اللي ناوية عليه بالضبط
ام حمود تقاطعها وبعصبيه:حسبي الله عليج انتي .. لعنبوج هذي سواه تسويها .. والحين ناوية ترديها على راس مريم
فاطمه بنظرات توسل : عموه والله كل هـ السالفه مريم مخططلها هذي ايدها واصله .. وتبا ادمرني .. صدقيني
ام حمود بعصبيه : وتضنين اني بصدقج .. لما سمعتها تسب فيج وتطعن فشرفج ما صدقت لكن لما طلعت هـ الصوره
وشرحتلي كيف وافقتي على زواج حمود منها !! وانه شرطج الوحيد كان !! بس انج اتمين على ذمته ويستر عليج
ساعتها درات الدنيا فيني !!! حمود سواء المستتحيل عشانج !! داس ع قلبه بس عسب يريحج ليش حطمتيه بهالشكل
فاطمه وهي تروح صوب عمتها وتبوس رجلها : عموه وربي احلف لج بأغلى ما عندي اني ولا مره خنت حمود
هذا كله من تحت راس مريم .. انا لما وافقت على زواج حمود بس لاني أحبه وما ابا اخسره .. مش عسب شي ثاني
ام حمود وهي تعطيها الظهر : فاطمه من اليوم وساير ولحد ما يرجع حمود انا وانتي بنتم شرات الغرب .. مابا لساني
يدور على لسانج ..!! ولا رجع حمود صدقيني راح اخليه يطلقج .. ويردج لـ الشارع .. الظاهر متعودة ع هـالعيشة
فاطمه وهي تضرب راسها ع الارض: والله ما سويت شي .. ليش محد راضي يصدقني مريم السبب الله ينتقم منها
ام حمود بعصبيه : بس اسكتي لا تمي تدعين !! ما تعرفين انه دعوة الظالم ترد على راسه !! وانتي ظالمة
فاطمه تقاطعها وبحزن وهي تبوس رجلها ومره يدها وتغرس راسها فبطنها :والله اني مظلومه !! عموه انا محد لي
غيرج !! انتي شرات امايه ومستحيل أقدر استحمل زعلج علي !! الله يخليج لا تسوين فيني كل هذا انا مستعده اثبتلج
انه مريم يالسه تتبلى علي .. انتي قاعدة تظلميني .. بس عشان صورة شكيتي فيني .. انا تربيت على ايدج
ام حمود تقاطعها : فاطمه سيري حجرتج وسوي نفسج عادي مابا مها تحس بشي ولا سارت مها لا تعرفيني ولا
اعرفج واول ما يرجع حمود بحل هالموضوع بطريقتي .. مستحيل اخلي عيال ولدي يتربوا عند وحده مثلج
فاطمه اول ما سمت كلام عمتها ما صدقت وحست انها جالسة تحلم بس الحلم كان اسود وقاسي .. ما فيه حتى شي من
البياض وكل اللي قاعد يصير مجرد خيال او سراب .. ما عرفت شو تسوي حست نفسها انها راح تخسر كل شي!!
بيتها عيالها !! الامان اللي حست فيه طول هـ السنين اللي عاشتها قرب حمود .. ما تصورت في لحظة انه المملكة اللي
بدت تبنيها شوي شوي راح تنهار !! مش بس تنهار كل اللي بنته مريم راح تخليه ينهد على راسها ..بعدت شوي عن
ام حمود دموعها صارت مثل السيل على خدها رجولها خانتها وما قدرت تمشي عليهم نزلت راسها الارض لثواني ..
كانت تفكر شو بيكون مصيرها !! معقولة ترجع للذل اللي كانت عايشة فيه عند خالتها وكلها ثواني ورفعت راسها
وعيونها صارت حمراء من كثر الصياح وصدت صوب عمتها : الله يسامحج اذا انتي صدقتي شو اقول عن الغريب
ام حمود تقاطعها وبعصبية : فاطمه طلعي برع .. اللي عندي قلته .. انا كل شي اسامح عليه !! الا الخيانه
فاطمه بضيج : حسبي الله ونعم الوكيل حسبي الله ونعم الوكيل .. الله ينتقم منج يا مريم
ام حمود وهي تصد صوبها : فاطمه تعالي هـ الموضوع اباه يتم بينا بس فاطمه طنشتها ولا ردت عليها
مريم كانت يالسه تسرح شعرها وتغني بصوت عالي .. كانت مستطربة ع الاخر : ناويلك على نيه بس انته اصبر شويه
واول ما شافت فاطمه واقفه جدامها طاح المشط من ايدينها : بسم الله الرحمن الرحيم حتى الصبح يطلعون .. المهم ما
علينا !!! خبريني اشعندج هـ المره ؟؟!! وليش عيونج صايره حمر ... اوه الظاهر خالتي عرفت تربيج عدل !!!!
فاطمه بعصبيه : انتي شو اللي تبيه بالضبط مو على اساس نهينا الموضوع ليش كذبتي على عموه والفتيلها قصص
مريم بابتسامه وهي تتطنز : وانا شو يخصني .. محد قالج تطلعين عند ولد خالتج مدري عمج وتخونين ريلج
فاطمه على طول صكتها بكف : احترمي ألفاظج احسن لج !! تراج وايد مصختيها !! وخذيتي راحتج ع الاخر !!
مريم على طول صكت فاطمه بكف : حوووه انتي تراني مب اصغر عيالج عسب تصكيني بكف
فاطمه وادموعها اربع اربع : انتي شو تبين بالضبط حمود وتزوجتيه .. وخليتيه يكرهني والحين الدور على عمتي ..
وهذي هي خليتها في جيبج صدقتج وكذبتني انا .. علميني الدور الجاي على منو هاه !! ليش تسوي فيني جذا
مريم بخبث : شوفي حبيبتي بصراحه الكلام اللي قلته حقج اخر مره ما عجبني وانا ما برتاح الا اذا خليت حمود يطلقج
فاطمه وهي مستغربه : يطلقني .. وتتوقعين انه حمود بيقدر يطلقني .. يماما حمود يحبني حطي هـ الشي فبالج
مريم وهي متنرفزة : يحبج لا حبيبتي حمود محد دخل قلبه غيري .. وانتي مجرد وحده متطفلة خربت علينا حياتنا
فاطمه بابتسامة سخرية:لا يا ماما ضنتي شفتي نظراته لما سافر وهذي النظرة اي احد بيشوفها بيعرف شو هي بالضبط
وبعدين لو كنتي عارفة انه يحبج هـ الكثر !! ليش لجأتي لحركاتج الخبيثة .. ولعبتي عليه لعبة حقيرة !!
مريم تقرب صوبها وبصوت واطئ : سمعي حبيبتي انتي ايامج في هـ البيت صارت معدوده اليوم خالتي عرفت بالسر
وباجر عمي بيعرف !! وعقبها كل اللي في البيت !! وساعتها انتي اللي بتتمنين تطلعين من هـ البيت يا حلوة !!
فاطمه وهي ترمقها بنظرة شفقة: انتي فعلا وحده مريضه .. وبما انج خنتي العهد اللي بينا انا بعد بسوي نفسج
مريم على طول شدتها من ايدها : فاطمه يعرفون اللي في البيت اهون بوايد من انه الغريب يعرف وعقب بتستوي
فضيحه ما تترقع وبتنطردين من البيت وبياخذوا عيالج وبتمين في الشارع وكل اللي بيشوفج بيبصق في ويهج وأذا
تبين نصيحتي ارضي بنصيبج واطلعي من حياة حمود ع الاقل بتطلعي كسبانه بشي وهو شرفج وعيالج
فاطمه وهي اطالعها من فوق لتحت : انتي شو بالضبط .. لعنبوج انا عمري ما شفت وحده شراتج ما تخافين الله
مريم وهي اتصارخ عليها : اقوووووول فارقي مالي خلق اشوف ويهج وبعدين تعرفين انا حامل ولا شفتج جبدي تلوع
فاطمه بحزن : اشوووو حامل ؟؟!!!!!!!!!!!!!!! لا اصلا أنتي وحدة كذابة
مريم تقاطعها وهي تضحك بصوت عالي :هيه حامل يلا الحين برع ابا ارتاح الدكتور قال لازم احافظ على صحة الجنين
فاطمه حست الدنيا الدور فيها .. وصارت الدنيا غبراء قدامها وما حست نفسها الا وهي تطيح ع الارض
مريم بعصبيه : هيه انتي بطلي حركات البزران .. يلا نشي وطلعي برع .. بس فاطمه ما ردت عليها واول ما قربت
صوبها عرفت انه مغماي عليها وتوترت : يا ربي ها صدق طايحه شو اسوي احينه اسير ازقر خالووه .. واول
ما وصلت الباب غيرات رايها .. لا لا الأفضل انا اوديها حجرتها .. مابا اخلى خالوه تحس بشي وراحت تشوف الممرات
وما حصلت احد وعقب حطتها فوق شرشف وسحبتها وحطتها جدام حجرتها وقبل ما تروح سمعت صراخ من وراها
اميره بخووف : ماما شو فيها ماما .. انتي قتلتيها صح .. وتمت تصارخ
مريم وهي تصكرلها ثمها بيدها : حوووه انتي انطمي مابا اسمع صوتج فاهمه ولا لا .. ولا تكلمتي صدق بقتلها فاهمه
اميره بخوف وهي تهز راسها بالايجاب : انزين
مريم:سمعي اجلسي عدال امج لحد ما تصحى هي بعدها حيه بس لو خبرتي احد باللي شفتيه ساعتها صدق بتموت
اميره ودموعها اربع اربع : خلاص ما راح اتكلم بس امايه ما تموت
مريم بضحكة سخرية : لا حبيبتي امج قطو بسبعة ارواح .. هي بس تعبانه وتبا ترقد وراحت عنها صوب حجرتها
اميره وهي تباوس امها : امايه قوووومي لا تمي نايمه انا مابا اعيش من دونج
ميره اول ما سمعت اميره اتصيح جات تركض واول ما شافت امها تمت هي بعد تصيح : اميره شو فيها ماما
اميره وهي تمسح دموعها : ما فيها شي بس هي تعبانه وقالت تبا ترقد
ميره وهي تركض صوب برع : بسير اخبر يدوتي
اميره قامت تركض وراها ومسكتها وحضنت اختها وهي ترتجف من الخوف : لا تخبري يدوه .. اذا عرفت ؟؟!!! ماما ما راح ترجعلنا .. راح تموت وما بنشوفها مره ثانيه !! خلينا نجلس عندها ونحاول نصحيها ..
ميره ودموعها اربع اربع : ليش تقولي جذا ماما ما راح تتخلى عنا ماما تحبنا
اميره بحزن : مريم قالت اذا خبرت احد بتقتلها .. هذي شريره .. انا ما احبها
ميره وهي تحض اميره : اميره انا وايد خايفه .. مريم تسوي نفس افلام الكرتون
اميره بحزن : لا تخاافي انا معاج .. خلينا نروح نجلس عند ماما ونحط مايد بعد عدالنا ولا سمعت اصواتنا اكيد بتقوم
ميره بحزن : انتي جلسي عدال ماما وانا بجيب مايد
::
::
مريم بخوف : اخاف هـ الاميره تفضحنا وتسير تخبر يدتها وعقب اتورط وبدال لا اخليها تكره فاطمه بتصير تكرهني انا
وسمعت تلفونها يرن : اممم هذي اكيد فتونه وتبا تبشرني واول ما شافت اسم فاتن ابتسمت وردت على طول .هاه
فتونه بشري عسى النتيجه ايجابية واكون حاااااااااااااااااامل وافرح حمود وعمي ... عاد تصدقي هالخبر وايد بيفرحني
فاتن بحزن : مريم للأسف النتيجه سلبيه وما فيه حمل
مريم بعصبيه : اشووووووو فاتن انتي شو تقولين والالام اللي احس فيها وكل الاعراض تبين اني حامل
فات بتوتر : مريم نتيجة التحليل ما طمن .. ولازم تسوي تحليل ثاني
مريم بخوف : فاتن تراج خوفتيني اشو مستوووي
فاتن : مريم بصراحه شاكين انه عندج عقـــــم !!
مريم وهي اطيح من طولها وتجلس على كرفايتها : فاتن انتي شو تقولين ؟؟!!! عقــــ.............ــم
فاتن بحزن : للاسف هذا اللي طلع معنا وعسب نطمن لازم تسوي تحليل ثاني
مريم بعصبيه : لا انتوا اكيد غلطانين انا مش عقيم .. مستحيل اكون عقيم وصكرت في وجها وراحت صوب المرايه
وتمت اطالع بطنها وتمسح عليه .. لا مستحيل هذا كله كذب انا حامل متاكده من هـ الشي وعمره احساسي ما خاب
فاتن اكيد حاسدتني على الخير والنعمه اللي معيشني فيها حمود وتبا توترني بكلامها وتمت تضحك بصوت عالي وعقب
ردت تصيح من خاطر .. معقوله انا عقيم .. معقوله ما راح اسمع كلمة ماما .. اكيد هذا كلة بسبة دعاوي هالدعلة
فطوم وربي لا انتقم منها ..وراح احرمها حتى من عيالها .. اذا انا ما عندي عيال هي بعد لازم الجنين اللي فبطنها ينزل
وتمت تكسر كل شي تشوفه قدامها وتمت تشد شعرها بشكل غريب وتتفوه بكلمات غريبة !! شكلها تخبلت خخخخخ
::
::
فاطمه اول ما بدت تبطل عيونها شافت ميره واميره !! ومايد جان جالس يضحك ويلعب بشعرها واول ما شافت هـ المنظر نست كل آلامها وابتسمتلهم : حبايبي انتوا هنيه تعالوا فحضن الماما !! يا روح الماما
اميره اول ما سمعت امها تتكلم على طول ارتمت فحضنها وتمت تصيح بحرقة : ماما انتي حيه !!!
فاطمه بابتسامه ممزوجه بحزن : انا بخير حبايبي لا تشغلون بالكم .. انا مستحيل اتخلى عنكم واخليكم يلا الحين امسحي دموعج انتي لـ كبيره ولازم تكوني قويه
اميره وهي تمسح دموعها : حاضر ماما بس المهم ما تخلينا
فاطمه بحزن : انا مستحيل اخليكم حتى لو اضطريت اواجه مريم ومحد راح يقدر يطلعني من هـ البيت وراح اثبتلهم اني
بريئة .. كل اللي لازم اسويه الحين احاول اوصل للبنت اللي كانت واقفه عند مريم يوم العرس .. اه بس لو اذكر اسمها
::
::
مــــر الوقت فغابت اخر خيوط من الشمـــــــــــــــــس .. وبداء ليل كالح السواد ..
روضه كانت جالسة تقطع جسمها باظافرها : الله يلعنك يا مشعل اشو مسوي فيني احس كل جسمي يتقطع ..
اه احس راسي بينفجر انا لازم اسير صوب بيتهم وافهم اشو اللي صاير ونزلت وكانت ماسكه راسها
اول ما شافها بوخالد استغرب : رووووضه اشو فيج ؟.؟!!!! بلاه ويهج مصفر ؟؟!!!!!!!
روضه بتوتر وهي مب قادره تركز : لا ابوي بس راسي مصدع وبسير اشرب قهوه واكيد عقبها بصحصح
بوخالد : تمام لا بغيتي شي انا في المكتب عندي جم ورقه ولازم اخلصها !!
روضه وهي تحاول تسوي نفسها عادي : لا ابوي تطمن بشرب قهوه واكيد صداع الراس بيروح انته لا تشغل بالك
بوخالد : خلاص اللي يريحج من رخصتج عيل ..
روضه اول ما راح ابوها سارت تركض وشلت شيلتها وعباتها ولبستهم ع السريع وسارت صوب بيت بو مشعل
ميثا هم بعد حالتها ما كانت احسن وحاسه انه كل خليه فجسمها جالسة تنفصل عن الخيله اللي عدالها ميثا بضيج :لا
هـ العذاب مب قادره استحمله اذا مشعل مب ناوي يعالجني لازم يعطيني حبه تهدي جسمي اللي صاير يرتعش
وسارت صوب غرفة مشعل وتمت ادور وادور لحد ما حصلت حبه كانت تحت مخدتة خذتها وعلى طول شربتها وراحت صوب حجرتها تركض عسب مشعل ما يحس عليها وصكرت الباب بالمفتتااااااااااااااااااااااح
روضه اول ماطلعت من البيت ما كانت مركزه وما حست الا وجسمها يضرب فشي صلب واول ما رفعت راسها انصدمت
تمنت الدنيا تنشق وتبلعها ولا تشوف هـ الشخص واقف جدامها .. بس هي مجبورة تشوفه .. كان ودها تعرف اجوبة
لكل اسئلتها .. كانت حركاتها مثل المجنونه !! كانت مستعدة تسوي اي شي !! اهم شي ترتاح من هـ الألم
مشعل وهو يضحك : بسم الله الرحمن الرحيم بلاها عيونج تشقلبت جذا لا يكون شايفه جني قدامج
روضه بنظرات توسل : مشعل انا مب قادره اوقف ولا اركز خبرني شو اللي جان داخل العصير
مشعل وهو يضحك : لا حبيبتي ما راح اخبرج الا اذا سرنا مشوار مع بعض
روضه بتوتر : لا انته شو تقول ؟؟!! اكيد تخبلت ؟؟!! مستحيل اركب معاك في السياره !! وبروحنا لا لا صعبه !!
مشعل وهو يقرب صوبها :انا اقول لو تركبين السياره وايد احسن او تردين بيتكم وتصارعي هـ الالم اللي ينهش
بجسمج بروحج !! انا اللي علي نصحتج !ََ! وانتي عاد بكيفج حبيتي تسمعي النصيحة ولا لا !! هـ الشي يرجعلج
روضه وهي تفرك جسمها : هاه !!! لا الله يخليك خلاص بسير معاك وين ما تبا المهم تريحني من هـ العذاب
مشعل وهو يمدلها ايده : بوسي ايدي وعقب ابتسمي ومسكيني بكل حنية
روضة وهي ترجع خطوتين لـ وراء .. وتمتمت بخوف : لا انته شو تقول مستحيل اسوي اللي قتلي عليه !!
مشعل وهو يعض على شفايفة : اذا ما بستي ايدي ومسكتيها بكل حب وحنان !! بسير البيت وبخليج بروحج
روضه لا اراديا مسكت ايده وتمت تباوسها وعقب شبكت يدها في ايده .. وابتسمت ابتسامة خفيفة
مشعل وهو يمسح على يدها ويبوسها:هيه خليج جذا تسمعين الكلام وصد صوب ورى وغمز بعينه وابتسم ابتسامة مكر
::
::
الشباب ما كانوا مصدقين انه وحده نفس روضه بطيح بين يدين مشعل
جاسم وهو مبطل عيونه : حشا شفتوا اللي صار من شوي .. مشعل خلى روضه بنت بو خالد تحبه لا ما صدق
خميس بتوتر : هيه والله حتى انا مب مصدق .. اشو شايفه فيه .. لا جمال ولا مال ولا اخلاق
راشد يقاطعهم وهو يضحك : لا عاد شكليا مشعلوه غاوي بس روضه مش من مستواه !! هذي بنت عز
جاسم يقاطعهم : والله لو درى خالد بهالسالفه ما راح يخللي مشعل في حالة اكيد بيذبحه
راشد بمصخره : وليش يذبحه اخته سايره عند مشعل بارادتها ومحد جبرها انها تروح !! حتى ما استخدم ولا اسلوب
واحد يبين انه جالس يجبرها على شي ما تباه .. شفتوا كيف مسكتلة ايده وبكل حقارة قاعدة تباوسة !! ما خافت على
سمعت ابوها واخوها!!الناس رايحة جاية وتشوفهم!!الظاهر انها راح تخرب سمعة هالعايلة وبتخلي راسهم في التراب
خميس وهو يتنهد : بصراحه خالد هم بعد ربيعنا لازم نخبره بكل اللي قاعد يصير من وراه
جاسم وهو يضربه بالخفيف على خده : لا حبيبي ما يحتاج تخبره مدام الحبايب مرتاحين لا تخرب عليهم وناستهم
راشد بمصخره : هيه هيه يا مشعل عرفت تلعبها صح ..
خميس بتوتر:بس خالد ربيعنا ونحن مب لازم نسكت على هالشي هو لو شاف وحده من خواتنا يسوون جذا اكيد خبرنا
جاسم يقاطعه وبثقه : الله يعز بناتنا وبعدين كيف تتجرأ وتشبهن بوحده خايسه شرات هذي
خميس فخاطره : هيه هيه يا جاسم نسيت يوم اختك طالعه مع واحد ولو ما خالد لحق عليها كان اعتدا ءعليها مع ربعه
جاسم وهو يتطنز : هاه خماس بلاك ساكت ؟؟!!!
خميس بتوتر : ما فيني شي انا ساير البيت !!!!
جاسم وهو يضحك بصوت عالي : رشود الظاهر خماس مب عاجبنة على روضه!! شكله هو بعد كان راسم عليها
راشد بمصخره : ايه والله كل شي جايز !!!! خماسوة قول الصدق ؟!! لا يكون تحبها !!
خميس بعصبيه : بصراحه انتوا ما عندكم سالفه وانا ما فيني اعور راسي على سوالف فاضية يلا من رخصتكم
جاسم بسخرية : هيه سير توكل على الله اصلا هذا اللي انته فالح فيه بس تتهرب
راشد بصوت واطئ : جسوم خلااص يعني انته ما تعرف خماسوه روحه وحياته خالد ..
جاسم : ما علينا احينه من هالسوالف ترى انا حدي يوعان اشو رايك تعزمني عندك في البيت
راشد بتوتر : لا دومني انا اعزمك عاد هالمره دورك
جاسم وهو يتنهد : خلاااص تعال فيه مطعم قريب وبناكل شي خفيف وعلى حسابي
::
::
مشعل اخذ روضه وراح صوب محل ملابس اشترى شي وعقب رجع وفر الكيس على روضة .. روضه طول الوقت
كانت تهرش جسمها بشكل غريب .. وما دارية عن هوى دارها ..ومشعل كان يطالعها طول الوقت وفجأة وقفت السيارة
روضة وهي تشوف مشعل بنظرات غريبة : مشعل ليش وقفت ؟؟َ!!
مشعل بابتسامة : وصلنا حبيبتي
روضة وهي تشوف المكان وكان فيه بنات يطلعن ويدخلن وملابسهن شبه خليعه .. اللي حاضنه واحد !! واللي تمشي بطريقة مايعة .. واللي ماسكة غرشة خمر بيدها .. واللي واللي ................................الخ
مشعل وهو يطالعها من فوق لتحت ويفر عليها الكيس : يلا انزلي
روضه اول ما شافت البيت توترت : مشعل انته وين جايبني ؟؟!!! وليش البنات يتصرفن بهـالشكل ؟؟!!
مشعل بخبث : روضة بطلي الكيس والبسي اللي شريته حقج !! ولا حقين على اسئلتج اللي ما تخلص !!
روضة وهي تبطل الكيس واول ما شافته فرت الكيس صوب مشعل !! كان روب نوم قصير وايد ولونه شديد الاحمرار
تمتمت بخوف : مستحيل البسه !! انا في بيتنا ما لبست نفس هـ الملابس ؟!! تباني الحين البسهم !! مستحيل
مشعل وهو يقرب صوبها وبعصبية : يا حلوه بتلبسية وغصبا عليج !! هذا امر !! انا مب قاعد اشاورج
روضة بتوتر : مشعل ابوس ايدك رجعني البيت !! استحب اعيش مع هـ الالم ولا البس هـ الملابس الفاضحة
مشعل وهو يشدها من عباتها وتم يقطعها لحد ما قدر ينتشلها من جسمها .. روضة كانت لابسة بنطلون وقميص ناعم
يبين ملامحها الانثوية مشعل تم يتأمل كل شي فيها وكلها لحظات وتمدت ايده على راسها وفصخلها شيلتها وفرها من
الجامه وانسدل شعرها الطويل على طول ظهرها ومشعل اول ما شافه ما قدر يقاوم جمالها بس تذكر كلام منال وتناسى
الموضوع: الحين بشوف بتلبسي ولا لا ؟؟!! وكان وده يبطل ازرار قميصها بس روضة قاطعته وبعصبية
روضه وهي تحاول تتهرب من تصرفاته : مشعل انته شو قاعد تسوى ؟!! اكيد تخبلت ؟؟!! خوز عني !! رجعني البيت
مشعل وهو يضحك بضحكة سخرية : روضة حبيبتي دخول الحمام مش زي خروجة !! والحين بتلبسي بالطيب ولا ؟؟!!
روضة وهي تتأملة وبخوف : مشعل اشو اللي ناوي عليه ؟؟!!!
مشعل يقاطعها وبعصبية : اذا ما بدلتي ملابسج والحين .. انا اللي .....؟؟!!
روضة تقاطعة ودموعها اربع اربع : مشعل خالد ربيعك .. ابوس ايدك لا تسوى فيني شي .. ابوس ايدك
مشعل وهو يصكها بكف ويصرخ عليها : روضة انا نازل اشرب زقارة واول ما ارجع اباج تكوني بدلتي فاهمه
روضه وهي تضم رجولها لصدرها وتغرس راسها وسطهم : ليتني تحملت اللي بداخلي وما ركبت معاك .. يارب
ساعدني .. انا محد لي غيرك .. يا رب نفس ما خلصت يونس من بطن الحوت خلصني من مشعل .. وفوسط خوفها قاطعها صوت مشعل وكانت تفوح منه ريحة زقارة .. اشوفج ما لبستي
روضة ما ردت عليه واكتفت بالسكوت ... مشعل راح صوبها على طول وبطل باب السياره وشدها من ايدها : مو مشكلة اذا ما بدلتي هنيه في ناس داخل بيخلوج تبدلي ملابسج وغصبا عليج ..!! تعالي اشوف
روضه وهي تحس ببرودة المكان لانها كانت تمشي حافية : مشعل انته وين مودني ؟؟!! شو اللي تباه مني بالضبط ؟!!
مشعل بابتسامه : شوفي روضه لا دخلتي هنيه بتحصلي اجوبة لكل اسئلتج
رضه بتوتر : ابوس ايدك مشعل لا تسواء شي يضرني .. ابوس ايدك !!
مشعل بعصبيه : اقووووووووووول اسكتي شوي وراج شغل ولازم تخلصيه عسب اردج البيت بدري
روضه بخووف : اشوووو شغل !!!!!!!!!!!!!!!!!!!!!!!!! اي شغل ؟؟!!!!!!!!!!!!!!!!1
مشعل وهو يشوفها من فوق لتحت : لا تستعجلي على رزقتج ؟؟!! الخير جاي في الطريق .. بينا بس كم خطوة
روضه اول ما شافت نظرات مشعل خافت وع طول سمعت كلامه وتمت تمشي ورااااه بخطوات جدآ بطيئة
اول مادق الباب بطلته منال وكانت متكشخه من خاطر:حي الله مشعل وتمت اطالع روضه من فوق لتحت امم مش بطاله
مشعل بابتسامه : ادري انها مش بطاله .. شوفي حبيبتي خليها تخلص شغلها بسرعه ولا تنسي المكسب النص بالنص
منال بابتسامه : اكيد ما يبالها كلام مشعل انته تعرف وين تسير اما روضه بسير اكشخها شووي وعقب بوديها لمكانها
مشعل وهو يضحك بصوت عالي وشد روضه من شعرها وفرها صوب داخل وضرب راسها ع الارض والكل الي كان
موجود هناك انبهر من جمالها .. والكل قعد يساوم عليها .. صارت هي محط انظار الكل ومحد قدر يرفع عيونه عنها
........: اووووووووووووه اليوم فيه وجبه يديده
,,,,,,,,,,,,,,: فعلا انها وجبه وتشهي بعد مستعد ادفع ملاييين بس ابات عندها ليله وحده
روضه اول ما رفعت راسها انصدمت ويلست عيونها تدور في الغرفه وحست نفسها انها داخله بيت *****
روضه على طول راحت صوب مشعل : مشعل ابوس رجلك طلعني من هنيه .. انا هـ المكان مش من مستواي
مشعل وهو يشدها من شعرها : لا حبيبتي من اليوم هـ المكان بيصير مكانج واعز من بيتج .. لازم تتعودي عليه
روضه وادموعها اربع اربع : مشعل الله يخليك مستعده اعطيك اللي تباه بس طلعني من هنيه .. ابوس رجلك
وواحد من الشباب اللي كانوا جالسين قرب صوبها ومسكها من ايدها وكان مب قادر يصلب طولة وجالس يترنج يمين وشمال وصد صوب مشعل وتمتم بابتسامة عريضة : مشعل بجم تبعيها اباها بس اسبوع
مشعل وهو يضحك : للحين ما فكرت خلوا منال تسنعها وعقب نحدد سعرها .. جمالها الحقيقي للحين ما برز
روضه وهي تبطل ايدها بقو وتبصق في وجهه:انته واحد حقير وواطي!!خوزو عني مشعل وربي راح اعلم عليك ابوي
مشعل طنشها : عادي رواضي اليوم مضايجه وخايفه بس الاكيد باجر تتعودين منوله جهزيلها قلاص ولا تنسي ...!!
منال بابتسامه : ولا تشغل بالك كل شي تحت السيطره ..يلا احينه بسير ابدلها ملابسها انته تقدر تروح اذا تبا
مشعل بعصبيه : اروح وين تبيني اروح لا يا ماما ابا اشوف في الليله الوحده جم توصل قيمتها
منال بثقه : مشعل روضه هددتك واخاف تعلم ابوها
مشعل يقاطعها وبثقه : مستحيل تخبر انا متاكد من هـ الشي
منال بتوتر : انته لا تجازف واذا خبرت ابوها الكل راح ياكد انك كنت في البيت وهي تتبلى عليك وبخصوص جم قيمتها خلى هـ الموضوع على !! واذا مش واثق فيني عاد هذا موضوع ثاني ؟؟!!!! قالتها بعصيبية
مشعل وهو يتنهد : لا منولتي اكيد واثق فيج .. عيل خلاااص علميني بكل اللي يصير بالتلفون
|
27-07-10, 07:45 PM
جديد مواضيع قسم القصص المكتمله
العرض العادي
