كاتب الموضوع :
راعية الفزعة
المنتدى :
القصص المكتمله
مششعل بقهر : ياربي الحين كيف بقنع هالمجنونه!! مب راضيه تنقلع من هنيه احسن شي اخذها بالسياسه .. مونيكا
حبيبتي خبريني الحين عصير البرتقال حق منو!!وعصير الجوافا بعد حق منو !! يلا يا شاطره ركزي معاي وفهميني
مونيكا بتوتر : جوافا مشان ماما ميثاااا .. وبرتقااال مشان رووووووضه ماما ميثا يخبر اسوي كذا .. ليش يسأل ؟!
مشعل وهو يقرب صوبها : مونيكا متأكده .. ترى لو طلع كل اللي قلتيه غلط وربي ما بتشوفين يوم ابيض فحياتج
مونيكا من كثر خوفها ردت خطوتين لورى : والله بابا انا متأكده !!
مشعل بعصبيه : انزين سيري زقري ماما ميثا بس لا تخبريها اني انا يريد !!! قوليلها تعالي اباج فشغله زين
مونيكا وهي تهز راسها بالايجاب : زين بااااابا
مشعل طلع الكيس من مخبااااه وراح صوب عصير البرتقال وكب كل الكيس فيه وتم يخلطه بسرعه وعيونه كانت
مركزه على باب المطبخ خايف ميثا تدخل عليه وتكشف كل مخططاته وعقب ما بيقدر ياخذ اللي يباه من روضه ..
ميثا اول ما وصلت راحت صوب مشعل : هاه مشعل انتي اللي طرشت مونيكا تزقرني صح ولا انا غلطانه
مشعل بابتسامه عريضه:هلا بالطش والرش هلا بالعود والعنبر..هلا باغلى اخت في الدنيا هلا بميثا تو ما نور المكان
ميثا وعلامات التعجب تارسه عيونها : مشعلوه بلاك خرفت .. اشو فيك ؟؟!! اختصر !! اشو عندك ؟؟!!!
مشعل وهو يقرب صوبها : مستانس .. واكيد يحقلي استانس !!! حبيبتي روضه متعشيه معانا اليوم
ميثا وهي تضحك : هيه يحقلك !! افرح يا بابا افرح .. المهم ما اقدر اطول خوز شوي ابا اودي الصينيه الصاله
مشعل بابتسامه وهو يستغفل ميثا عسب يوصل للي يباه : ميثوه احينه عصير الجوافا حق رواااضي صح !!!!
ميثا بابتسامه : لا والله !! وعارف ما شاء الله العصير المفضل عند رووضه .. ما تنلام الحب مسوي فيك بلاوي
مشعل وهو يوقف جدامها والخوف سيطر على ملامحة : ميثوووه من صدقج انتي !! الحين عصير الجوافا حق روضه
ميثا وهي ما حابه تكسر خاطر أخوها : مشعل بلاك وليش يعني بكذب عليك .. هيه الجوافا حق روضه
مشعل بنظرات توسل : ميثوه خليها تشرب عصير البرتقاال لاني حطيتله سكر بايدي قلت يمكن لا ذاقت السكر تحبني
وهذي عاده تعلمتها من الامريكان يقولوا اذا بغيت وحده من البنات تحبك أكلها سكر بايدك وعقب بتصير ملكك بروحك
ميثا وهي تضحك : ما شاء الله بعد الامريكان عندهم سوالف شارت هذي .. عبالي هـ السوالف بس عندنا ..
مشعل وهو يضحك والخووف تارس قلبه : لا حبيبتي عندهم .. انتي ما تلاحظين العيايز فامريكا يتموا عند بعض طول
العمر..على عكسنا!! كل شيبه لا كبر وخرف طلق حرمته وراح وخذله وحده قد بنته ولا سألتيه ليش يقول اباها تدلعني
ميثا بسذاجه : هيه والله صدقك .. وبعدين انا كنت اضحك عليك اصلا روضه ما تحب الجوافا .. وهذا القلاص حقي
مشعل وهو ياخذ نفس عميق : اوووووووف ريحتيني الله يريحج .. يلا احينه سيري عسب لا تتأخرين عليها
ميثا : تمام مشعل .. يلا من رخصتك وما يحتاج اذكرك كل مره !!! خلك هنيه عسب ما تشكك فشي ولا سارت بلغتك
مشعل بثقه : من هـ الناحية تطمني ولا تشغلين بالج .. انا الحين بطلع من الباب الخلفي وبنتظرها قدام باب البيت
ميثا : زين تسوى وبهالطريقه بتشوووفك وتشوووفها .. وطيح الميانه بينكم !! يلا انا بسير صوبها وعقب بنسولف ..
روضه اول ما شافتها سارت صووبها : خليني اساعدج .. وبعدين ليش متعبه نفسج جان خليتي مونيكا تجيبه صوبنا
ميثا : ولو حبيبتي ما فيها تعب وبعدين انتي ضيفة سبيشل !! ولازم نخدمج بروحنا .. يلا بسج لعيان وتعالي حلي
روضه بابتسامه : امممم ميثوه انا باخذ الجوواافا ابا اغير شوي ................!!!!!!! مليت من البرتقال !!
مشعل جان يراقبهم من بعيد واول ما سمع روضه شو قالت تم جسمه يتعرق :ميثوه عشان خاطري لا تخليها تاخذ
الجوافا حتى لو اضطريتي تجبريها .. اذا ميثوه ما تصرفت انا لازم اتصرف مستحيل اخلي اختي تستوي مدمنه مستحيل
ميثا بتوتر : لا حبيتبي الجوافا حقي ليش ما تكلمتي من قبل انا ضنتي اتصلت فيج الصبح وسألتج شو تحبي تشربين
وانتي قلتي عصير برتقال .. الحين خلاااص ثبتنا جوابج .. ومستحيل تغيري .. شربي عصير البرتقال وعن الدلع الزايد
روضه وهي تاخذ عصير البرتقال : حشا ما توقعت انج تحبين الجوافا هـ الكثر .. وتمت تشرررب وفجأه وقفت !!!
روضه وهي اطالع للقلاص : ياربي ليش يطعم جذا احسه وايد مر .. واول ما شربته حسيت كان راسي داخ شووي !!
ميثا بتوتر :هاه!!!روااضي الله يهداج ترى الا عصير وبعدين انا ضفتله شوية حركات من عندي عسب جذا طعمه متغير
روضه باقتناع : خلاااص عيل مدام انج انتي ضايفه عليه حركات من ايدج بشرب .. وما راح أعترض .. او حتى أعلق
مشعل وهو يطالع روووضه جالسة تشرب العصير تم يحمسها : ايوه روضه كمليه للأخر من اليوم لازم تطيعين شوري
واذا سويتي عكس اللي انا اباه ساعتها اعرف امسكج من اليد اللي تعورج .. اممم وهذي الخطه الاولى نجحب باقي
الخطه الثانيه ..واكيد انها بتنجح هيه هيه يا مشعل الظاهر انه الدنيا ابتسمتلك !!! وعطتك اخيرآ الطعم اللي بتحطه
فسنارتك ..!! وراح تجر عليك الملاييين .. من اليوم يا روضه انتي صرتي دجاجتي التي تبيض ذهبا هههااااااااااااااااي
روضه والدنيا صارت جدامها غبراء : ميثووه ما ادري شو سالفة الدوار احسن شي اسير البيت واريح
ميثا بخووف : روضه خوفتيني معقوله هذا كله من تحت تأثير العصير
روضه بابتسامه وهي ما سكه راسها:لا حبيبتي ما ضنتي هـ الدوار صارله جم يوم ملعوزني فخليني اسير البيت واريح
ميثا بابتسامه : خلاااص حبيبتي اللي يريحج بخلي مونيكا توصلج تعرفيني ما اقدر اطلع في هـ الوقت المتأخر
روضه وهي تتنهد : لا حبيبتي بسير بروحي والبيت مش من بعده كله خطوتين وبوصل . فلا تعبين نفسج من رخصتج
ميثا وهي تسلم عليها : مع السلامه حبيبتي وخلينا نشوفج عاااد
روضه : ان شاء الله حبيبتي كل ما حصلت فرصه بجي صووبج .. يلا تصبحين على خير
ميثا بابتسامه : وانتي من اهله الغاليه يلا مع السلامة واول ما طلعت روضه .. ميثا سارت صوب العصير .. معقووله
السكر اللي حطه مشعل سوى فيها كل هذا !! امممم وبعدين هذا سكر معقووله بيغير طعم العصير !! المفروض يحليه
مش يخليه مر !!! وخذت قلاص العصير وشربت منه شوووي .. وع طول رجعته مكانه ياربي روضه ما كذبت هذا مر
.. يحليلها تمت تشرب ومستحمله مرورته بس عسب ما ازعلني .. وليه اخاف مشعل لا رجع وحصل القلاص مش
فاضي يعصب علي .. احسن شي اشربه وافهمه انه روضه من حلاااته ما قدرت تقاوم طعمه .. خذت قلاص العصير
وشربته لاخر قطره .. وكانت مستحملة مرورته الغريبة .. وعقب ما خلصت تمتمت وكذا اخلي هـ الليله تعدي ع خير
روضه اول ما صكرت الباب ضربت فمشعل والدوار كان مسيطر عليها :يا ربي انا شفتك فمكان بس وين ما اذكر ...!!!
مشعل بدلع وهو يقرب من روضه شوي شوي وتمتم بخجل : انتي روضه ؟؟؟؟؟؟؟؟؟؟؟؟؟؟!!!!!
روضه وهي تتنهد وكانت ماسكة راسها: هيه انا روضه !! ممكن احينه تبعد عن طريقي .. وتخلاني اسير البيت
مشعل وقف جدامها وعطاها بوكيت ورد : تفضلي هذي حقج !!!!!!!!!!!!!!!!!!
روضه وهي اطالعه من فوق لتحت وتمتمت بعصبية : اشو بعد هذا ؟؟!!!!! انته من صدقك ؟؟!!!!!!!!!!!
مشعل بابتسامه : لا !!!!! انتي فاهمه غلط !! ميثا وصتني اشتري هـ البوكيت عشانج .. لكن الظاهر اني انا تأخرت
روضه وهي ماسكه راسها ومستنده على الجدار : انزين هاته وخلني اروح ومطته من ايده وسارت صوب البيت
مشعل وهو جالس يشم الهواء : حشااا مب ريحه عليج احلى من المسك ... اه يا روضه .. عن قريب بتكوني فـاحضاني
.. وساعتها محد راح يقدر يخلصج من هـ المستنقع .. راح اخليج تصيحي بدال الدموع دم .. ولا وطحتي يا بنت
بوخالد..!! الحين مسوية علي شريفه .. وخوز عن طريقي .. بس عقب هـ الليلة راح اكون انا كل حياتج .. هههههااي
::
::
روضه اول ما وصلت البيت راحت صوب المطبخ بس ما حصلت حد وسارت صوب غرفتها واول ما وصلت خذت نفس
عميق : الحمدلله ابوووي شكله راقد ولا حس علي يوم دخلت .. وفجأه مسكت راسها وشدت على شعرها بقوو اااااآآآآه
رااسي وكلها ثواني حتى تغيرت 180درجه وحست نفسها مرتاااحه وايد وكلها ثواني حست كأن في أحد وراها!! وحط
ايده على كتفها .. روضه هنيه تصلبت مكانها ... خافت يكون أبوها !! عقب سالفة امس ما كان ودها تسوي أي شي
يزعله منها .. ما قدرت تحرك راسها لا يمين ولا يسار .. بس هـ اليد انشالت من كتفها وانغرست فـ شعرها وتمت
تمسح عليه بحب وحنية .. وتباعد بين خصلاتة المتشابكة .. هنيه روضه حست بالامان.. وبدت تلف راسها شوي
شوي .. كانت عارفة ومتأكدة انه اللي واقف وراها .. هو أبوها وأكيد حاب يعتذر عن اللي سواه فيها البارحة !!!!
بس أول ما لفت راسها ما حست الا بأنفاس قوية حاره تضرب وجهها .. توترت غمضت عيونها وعقب بطلتهن وتمت
تفركهن بقوة .. ورجعت تركز في الشخص اللي واقف جدامها .. وفعلا طلع ما أبوها .. وفي وسط ذهولها .. هـ اليد
تمدت وبدت تمسح على خدها وتداعبة بحنية ممزوجة بحب .. وتباعد الخصلات اللي كانت قريبة من عيونها .. هنيه
روضة حست انه كل قواها خارت .. ما عرفت شو تسوي !! كانت مذهولة من جرأت هـ الشخص .. كيف يتجراء
ويلمس شعرها منها .. هو مب عارف اللي واقفه قدامه من تصير !! ومن يكون ابوها !! حاولت تتهرب منه ومن
نظراته .. بس قبل لا تتحرك مسك خصرها بأقوى ما عنده .. خلاها مب قادره حتى تتحرك حست انفاسه بدت تقترب
منها أكثر .. وصار صعب تميز بين انفاسها المملؤة بالخوف وانفاسه اللي كانت مثل النار .. وقاعده تحرق وجها شوي
شوي .. بدت ترتعش !! الخوف سيطر عليها .. ما عرفت كيف تتخلص من هـ الانسان الضخم اللي سلبها كل قوتها ..
نزلت راسها الارض .. عشان تهرب من نظراتة .. وحركاتة الجريئة.. بس على طول مسكها من ذقنها ورفع راسها
قعد يتأملها تقريبا ربع ساعه .. هي مب قادرة تتكلم من الخوف اللي سيطر عليها .. وهو مب قادر يتكلم ليش انه
منبهر من جمالها .. ايديه بدت تتسلل لعنـــقها بداء يمسح عليه ويشم العطر اللي بداء ينبعث منه .. هنيه روضه
مسكت ايده بقوة وحاولت تبعدها .. بس ايديه كانت أقوى منها .. وتمتم بابتسامه : انتي خايفه اسوي فيج شي ؟؟!!!
روضه للحين مب قادرة تستوعب جرأة هـ الانسان .. وكيف تجراء ودش حجرتها ..تمتمت بخوف: شو تبا مني ؟!!
تمتم بابتسامة ممزوجة بحنية : لا تقولي انج ما تمنيتي اللحـظة اللي أكون فيها قربج !!! وهذا انا قدامج !! ليش خايفه
استغربت وقاحت هـ الشخص .. ما توقعته جرئ بهـالشكل .. بطلت ايده بقو .. وعقب راحت عنه .. بس رجع يمسكها
مره ثانية .. وتمتم بعصبية .. انتي شو فيج !!! ليش قاعده تكابري ... قولي انج تحبيني وريحيني وريحي نفسج !!!
روضة كانت خايفة منه وما عارفة شو ترد عليه .. بس في شي قوي كان يشدها صوبه وعقب تمتمت بدون وعي :
وهي تتأملة عسب تتأكد انه نفس الشخص.. واحتضنت عينها عينه وقربت صوبه وتمت تمسح على وجهه : معقولة
هذا انته ؟؟!! معقولة انت واقف جدامي !!! .. للحين مب قادرة اصدق ... على كثر ما أنا خايفه .. على كثر ما انا
مستانسة .. كيف تجرأت تدخل حجرتي فهالوقت المتأخر ؟؟!!! قاطعها بابتسامة .. الحب يصنع المعجزات !! وليش اني
احبج قدرت أوصلج !!! كل اللي اباه منج الحين .؟؟!! تسلميني قلبج نفس ما انا سلمتج قلبي .. ووهبتج عقلي !!
قاطعته بصوت ممزوج بخوف : بس انا خايفه عليك !!! خايفه أبوي يشوفك وعقب تستوي سالفة عوده !! وانا ما
ودي يصير فيك شي .. حط اصابع ايده على شفايفها وهو يحاول يسكتها : آآآآوووووش ولا كلمه المهم اكون قربج !!
هنية روضه حست كأنها بدت تطير فعلا .. كان ودها تصرخ بأعلى صوتها وتخبر الكل بانه الفرحه ما سايعتنها
قاطعها بابتسامه : روووووووضه انا احبج !!! بس أنتي للحين بعدج ما جاوبتيني !! وصدقيني من اسمع جوابج راح
اروح على طول !! واعتبري كأنه ما صار شي !! أهم شي ريحي قلبي !! أنتي تحبيني شرات ما انا أحبج ؟!! جاوبيني
روضة هنيه دمعت عينها وتمتمت بابتسامة وهي تحضنة بأقوى ما عندها .. انا بعد أحبك .. ورب الكعبه احبك ..
وعقب ما تمتمت بهـالكلام حست نفسها متمسكة بشي صلب !! خشن !! ما فيه شي من الرقة !! بداء الخوف يسيطر
عليها !! معقولة كل اللي صار يكون مجرد ................... عقب بطلت عيونها بسرعه وفعلا طلع كله حلم .. حصلت
نفسها ضامة كل جسدها على واحد من جدران حجرتها .. هنيه نهارت !! دخلت في هلوسة اشد عن اللي قبلها !!
تمت تضرب لـ جدار بيدينها بأقوى حيلها .. كانت تظن انه هو سبب تعاستها !! كانت عايشة في جو كله سعاده .. بس
جاء هو وخرب عليها كل فرحتها .. قعدت تضرب فيه وتضرب لحد ما بداء الدم يسيل من يديها .. ما كانت حاسه بشي
الالم اللي كان في قلبها .. خلاها تنسى الالم اللي أنحفر في يدها .. وعقب ما أنتقمت منه تمت تسمع الصوت وهو يتردد
في كل زوايا حجرتها ويردد كلمة وحده .. كانت بنسبالها أحلى كلمة من لما ولدتها امها .. الكلمة كانت احبك !!!
تمت تدور عن مصدر الصوت .. وتركض صوبه بشكل هستيري .. ورجعت مره ثانية تصطدم بالجدار الصلب !!
رجعت تغرس يدها فاركانة مره ثانية وتمتمت بعصبية .. حووه انته ما تشوووف جدامك ؟؟!!! وحست لـ لحظة انها
قست عليه .. وما هان عليها .. وتمت تسمح عليه بكل حنية .. هـ المره بسامحك بس المره الثانيه بقتلك تفهم بقتلك
عشان جذا خلك منتبه .. وهذي بوسه على خدك عسب بس ما تزعل ههههه .. بعد تبا وحده !!!! يا طماع
امموووواح هذي اخر وحده وعاد لا تطمع اوك .. ايه جذا خلك فهيم وتسمع الكلمه !! وتمت أدووووور بشكل جنوني
الله انا وايد مستانسه بس ليش يا ترى انا مستانسه؟!! هيه صح تذكرت!!فهد خبرني انه يحبني عسب جذا انا مستانسه
ومن فرحتها تمت ادور في الحجره لحد ما طاحت فوق شبريتها اآآآآآآآآآآآآآآآه آنآ مستـــآآآنسه بس رأسي يعورني
وتمت ادور على تلفونها .. امممم فهد جا لحد هنيه وبلغني انه يحبني وانا بعد بتصل فيه وبخبره اني احبه من زماان
ومسكت التلفون وفتحت على اسم فهد وكانت مخزنة على رقمة ( الحب المستحيل ) واتصلت ...!!!!!
::
::
فهد كان حاضن صورة ساره وراقد ع الارض .. ودموعة كانت محفورة على خده .. لاول مره كان يحس نفسه انه
ضعيف .. ومب قادر يدافع عن شي .. يحس انه ملكة !! واول ما سمع تلفونه يرن على طول خذه وكان طايح التلفون
عداله .. وتمتم بحزن !! هذي اكيد ساره !!!! الظاهر الحلم اللي حلمته من شوي اكيد بيتحقق !! والحين هي داقه
عسب تعتذر مني .. وأكيد تباني أسامحها ونبداء صفحه يديده .. واول ما لمح اسم روضه استغرب .. هذي روضه
بلاها داقه بهالوقت المتأخر .. الظاهر انه مها بلغتها اني بسافر باجر الصبح .. ودقت عسب تسلم علي .. والله انه هـ البنت فيها خيــــر .. وتمتم بحزن عقب تردد طوووووويل : الووو .... هلا روضة !!!
روضه وهي تصكر ثمها بايدينها عشان ما تضحك : احسن شي اسوي نفسي اني اصيح عسب اقنعه وأأكدله اني احبه
وانا اليوم بصراحه احس نفسي اني مستويه ممثله واحسن من نيكوول حااايك !!! وسلمى كيدمااان !!! ههههههااي !!
فهد فخاطرة : بلاها هذي ما ترد !! اممم الظاهر انها مستحيه .. روووضه وينج ليش متصله بغيتي مني شي ؟!!
روضه وهي تسوي نفسها انها تصيح وتمتمت بحزن : فهد معقوله ما حسيت بمشاعري اتجاهك ؟؟!!!!!
فهد وهو مستغرب : روضه بلااج ؟؟؟!!!! اي مشااعر !! انتي شو تقولين ؟؟! قاعده تتكلمي من صدقج ؟؟!!!
روضه وهي تضحك بصوت واطئ: اووووه شكله يبا يتثيقل علي احسن شي ازيد فحدة صياااحي عسب اأثر فيه ههاااي
فهد بتوتر والخوف مرسوم على ملامحة : روووضه انتي وينج .. اذا بتمي ساكته شحقه متصله !!!!!!!
روضه اول ما حطت السماعه على اذونها ما قدرت تسيطر على نفسها وتمت تضحك من خااطر بس فهد ما حس عليها
فهد بعصبيه : رووووضه وينج ؟؟!!! تراج خوفتيني .. اشو اللي مستوي .. اذا ما رديتي بصكر فويهج ؟؟!! فاهمه !!
روضه هـ الكلمه حركت كل خليه فيها وما حست الا ودموعها اربع اربع وتمتمت بحزن ممزوج بقهر وكان صوتها
متقطع وتحس غصة في قلبها وقلبها توقف عن الخفقان : تبا تصكر فويهي هااااه ؟؟؟؟!! انزين اشو تنتظر ؟؟؟!!!
صكر انا اصلا كنت عارفه انك مستحيل تحبني !! حبيتك بس ما تجرأت فـ لحظة اني اصارحك ؟؟!! ويوم ملكت الجرأة
وقررت اني اصارحك .. صار عليك حادث !! واول ما سمعت الخبر .. حسيت اني انا اللي يالسسه اموت مش انت!!
ويوم شفت الالم يقطع في جسمك !! حسيت جسمي كله يعورني .. وتمنيت لو اخفف عليك شي من عذابك والالم اللي
ينهش بجسمك !! كنت خايفه عليك وايد !! حسيت كأنه في شي ينسلب مني وانا مب قادرة أتصرف .. ووقتها صارحتك
أوهمت نفسي انه أذا عرفت اني احبك .. ساعتها راح أخفف عليك شي من الحمل الثقيل اللي انحط على راسك .. كان
ودي انطق الكلمة .. ودي أصرخ بصوت عالي وأقول أني احبك !! بس قبل ما يطلع أول حرف من بين شفايفي .. انته
صعقتني دمرتني ..خليت لساني ينعقد!! ما عرفت شو أقول ..!! الكلام بداء يتناثر!!ما قدرت أكمل جملة على بعضها !!
زقرتها .. زقرتها يا فهد .. قلت سارة وما نطقت باسمي !! وانا المينونه اللي تحسبت من حركاتك انك تحبني !!
فهد اول ما سمع روضه تتكلم كسرت خاطره فاكتفىء بالسكوت والانصاات .. تصلب مكانة .. لأول مره يحس انه صغير
روضه وهي تاخذ نفس عميق وتتكلم : زقرتها يا فهد بدل لا تقول روضه انا احبج لا تخليني تميت تهذي باسم ساره
فهد يقاطعها وبالم وهو مب مصدق اللي يسمعه : روووضه انتي شو تقووولين ؟؟!! انا مب فاهم شي !!
روضه تقاطعه وبعصبيه : تحبها صح اعترف احين واستوى ريال وقول انك تحب ساره واني انا كنت اتوهم انك تحبني
فهد وهو ياخذ نفس عميق وبضيج : روووضه انا فعلا احب ساره !! بس ما توقعت انج انتي فـ لحظة يمكن تحبيني
روضه تقاطعه : وحركاتك .. ليش كل ما شفتني جيت صوبي اكيد انته استغليت حبي لك عسب تشوفها اذا تغار عليك
فهد بعصبيه : روووضه انتي شو تقولين انا ما فكرت بهالشكل وعمري ما اتستغليتج ومستحيل اسوي هـ الشي
روضه تقاطعه ودمعه ارتسمت على خدها : كافي يا فهد كاافي .. انته جرحتني وخلاااص .. ما اقول غير الله يسامحك
فهد وهو ياخذ نفس عميق وتمتم بألم : رووووضه انا مابا اسااافر وانتي زعلانه علي !! صدقيني انا احترمج وما
تمنيت اسوي فيج كل هذا ..!! الله يخليج افهميني لا تقسي علي شرات ما قسى علي الزمن قالها وقلبه يعتصر من الالم
ورجع يكمل بصوت متقطع ومبحوح ويحس الالم ينهش بجسمه وقلبه صار ينزف.. خسرت حب الطفوله وعقبها
خسرت ريولي ووحده من ايديني ليش مب راضيه تفهميني .. كل اللي اباه منج بس تسامحيني !! وتعذريني !!
بس روضه ما سمعته حست راسها يدوووور وعقب رقدت وطاح التلفون من فوق الشبريه وتناثر قطعة قطعه ..!!
فهد بضيج : الوووووووووووو روضه وينج لا تقهريني واتمي ساكته تكلمي قولي اي شي بس لا تمي ساكته واول ما
شاف تلفونه حصل روضه مصكره من زمان ومن العصبيه فر تلفونه وضرب في الباب واتناثرت كل قطعه فمكان
فهد تم يطالع صورة ساره ومسكها وفرها بعيد .. وتمتم بعصبية ودموعه رجعت تنحفر مره ثانية على خده وهو يمسح
على رجلة .. انتي السبب جرحتيني !! دمرتيني !! وما كفاج كل هذا !! خليتيني اجرح كل اللي أحبهم ويحبوني .. ليتني
اقدر اتخلص منج واشيلج من قلبي .. انتي حولتي حيااااتي لجحيم .. كافي دخيلج !! اذا ما تبيني خليني اعيش حياااتي
مها اول ما سمعته يصاارخ جات صوبه وكانت حالته متبهدله وعيونه صايره حمراء من الصيااح : فهد حبيبي بلاك
ليش حالتك متبهدله جذا .. فيه شي مضااايجك واول ما شافت صورة ساره ضمته فصدرها فهد حبيبي ساره اختارت
حياتها وانته لازم تقدر وتفهم هالشي !! وانته بعد لازم تاخذ موقف وتبداء حياتك من يديد وتشيلها من بالك
فهد يقاطعها وادموعه اربع اربع : حاولت انساها يا مها بس ما قدرت .. كل ما اقرر اني انسى اشوف طيفها واقف
جدامي .. ويذكرني بطفولتي معاها .. ساره محفور اسمها هنيه وتم يضرب على صدره بقوووو .. هنيه يا مها هنيه
مها اول ما شافت حالة اخوها متبهدله جذا ما هان عليها وتمت اتصيح : فهد خلااص كااافي احرم نفسك !! بس كافي
فهد بضيج : انا ما استاهل شي مهوووي انا ابا اموت وارتاااح ليتني لما صاار علي الحادث مت ليش اعيش ليش
حياااتي من غير ساره كابوس .. كيف تبيني استحمل لما سعيد بيتم يكلمنا عنها !! ويسويلها اشعار ويلحنهن .. بالاول
كنت احب اسمع اشعااره وشلاته وهو يتغزل بحبيبته !! لاني كنت اجهل منو هذي اللي سيطرت على تفكير سعيد بس
احينه صرت اعرف انه اللي يحبها سعيد ويتغنى بجمالها !!هي نفسها !! نفسها !! حبيبتي سااره !! كيف بقدر استحمل
مها وهي تمسح على راسه : فهد بس انته بهالطريقه جالس تعذب نفسك وتعذب كل اللي حواليك
فهد وهو يتذكر كلام روضه ودمعه ارتسمت وسط خده : للأسف عارف هـ الشي والقهر اني مب قاادر اتصرف
مها بضيج : مبلى فهد تقدر .. انته باجر بتسافر وحاول انك تعيش يومك بيومه وتشيل ساره من بالك
فهد وهو يطالع ايده وريوله وضحك بضحكة سخريه : أعيش !!!! اعيش وهذا حالي .. خليها لله ............!!!!!!!
مها بتوتر : فهد استغفر ربك .............. انته إنسان مؤمن لا تسوى بنفسك جذا .. ارحمنا وأرحم حالك
فهد بضيج ودموعه تارسه عيونه : مها انا تعبان !!!! تعبان وايد !!! ابا ارقد وأنسى كل شي ممكن تساعديني
مها وهي تسنده : اكيد فهد .. وراحت وودته صوب شبريته .. وعقب غطتة وتمت تتحسف على حالتة !!!
فهد اول ما حط راسه على المخده صكر عيونه بس الدموع تمت تبللها وتروي عطش الحب اللي مسيطر على قلبه
مها وهي تمسحله دموعه : الله يوفقك اخوووي والله يسهل عليك كل امورك ويشيل ساره من بالك .. ساره عايشه
حياتها ومستانسه لانه عرسها عقب يومين ...!!!! وانا كل ما اشوف عيونك الحزينة احس سارة جالسة تنسج اكفاااانك
::
::
فـــــــــي صبــــآح آليوم التــــــــألي وتحديدا في ايطاليا الساعه الثامنه صبااحا
خوله كانت تحاول تجهز لـ فطور حق خالد بس تحركاتها كانت بصعوبه لانها للحين ما تعودت على الشقه بس تمت
تتحسس الاشيااااء لحد ما حصلت الصحون وابتسمت : يالله اخيرا حصلتكن واول ما مسكتهن طاحن من ايدها وواحد
انكسر فوق رجلها ومن شدت الالم صرخت بقووو ..... خالد أول ما سمعها فز من مكانه !! والخوف مسيطر عليه !!
خالد بخوف:خوالي اشو اللي مستوي واول ما نزل راسه الارض شاف الدم يسيح .. خوله بلاها ريلج متخيسه دم
خوله بضيج : خالد مب قادره اوقف على ريولي الظاهر انه الصحن انكسر وسببلي خدش ...
خالد بعصبيه : كل هالدم وتقوليلي سوالج خدش .. خوله انتي متى بتسمعين الكلمه قتلج لا بغيتي شي خبريني زين
شوفي الحين شو ستوالج بسبة عنادج !! تعااااالي بتظفها حقج ولا لزم بوديج المستشفى ويا ويلج لو عدتيها مره ثانيه
خوله وهي منزله راسها واداري دمعتها : خالد بس انا حبيتك اليوم تاكل من ايدي .....!!
خالد بعصبيه:خوله جم مره لازم افهمج هذا مش بيتكم وحافظة كل شي فيه .. متى بتبطلين هالعناد .. نسيتي انج عمياء
خوله اول ما سمعت هالكمه دارت فيها الدنيا !! ودزت خالد بقو !! وتمت تمشي بسرعه خيالية وما حست بالجرح اللي
انرسم على طول رجلها .. كان ودها تتهرب من الموقف اللي حطها خالد فيه !! ما توقعت في يوم انه خالد بيعايرها
خالد اول ما انتبه لكلامه توتر وشدها من إيدها : خوووله انا اسف ما جان قصدي ................... ؟؟؟!!!!!!!
خوله تقاطعه وبعصبيه : خالد بطل ايدي وخلني اسير .. وبعدين ما يحتاج تتضايج هذا الواقع انا وحده عمياء وعاجزه
خالد وهو يوقف جدامها : خوله سامحيني والله من العصبيه طلعت هـ الكلمه من لساني ...؟؟!!!
خوله وهي تتنهد : انا فعلا اسفه جان لازم اسمع كلامك واتم انتظرك لحد ما تجهزلي لفطور .. ليش يوم بغيت اعتمد
على نفسي ذكرتني بواقع حاولت اني اتناساه لما تزوجتك .. الكل مستكثر علي السعاده ومب قادر يستحمل تصرفاتي
خالد وهو يضمها فصدره ويمسح على راسها : خوله وربي لو ما خوفي عليج كنت ما قلت اللي قلته .. سامحيني !!
خوله تمت اتصيح وهي فحضنة : ليش انا اللي يصير فيني كل هذا ..والله مب قادره استحمل .. حاسه نفسي بختنق !!
خالد وهو يمسحلها دموعها ويبوسها على جبهتها : خوالي حبيبتي بس كافي صيااح تعالي انظف لج ريلج
خوله بحزن وبدت تتذكر اللي صار لها مع حنيفه تمت اتصااارخ وتكفخ خالد وتتوسله يبعد عنها : خوز عني خوز ؟؟!!
خالد بتوتر وهو مستغرب من الوحشية اللي سيطرت على خولة : خوله بلاج حبيبتي ..!!
خوله وهي اتصارخ وبدت تغرس اظافرها فوجهه : قتلك بعد عني بعد عني .. مستحيل اخليك تلمسني !!انته واحد حقير
سويتها مره فيني !!! وما راح أخليك تعيد عملتك السوداء مره ثانية !! انته دمرتني !! حقير واطي بلا شرف !! اكرهك
خالد صكها بكف وخلاها اطيح على الارض : خووله اشو فيج انتي تخبلتي .. وتم يطالع وجهه فالمرايه وبقهر .. اوف
احينه كيف بقدر اسير المعرض واتابع شغلي ..خربتيلي ويهي..الله يلعنها من عيشه وراح صوب برع وصكر الباب بقو
خوله بدت تميز الصوت وحست انه اللي جان واقف جدامها خالد مش حنيفه وتمت ادور عليه : خالد وينك تعال لا
تروح وتخلاني بروحي .. خالد لا تروح الله يخليك لا تروح انا اخاف ايلس بروحي ..ويلست ع الارض وتمت تصيح
وتضغط على ريلها لانها حست انه الدم قام يزيد ومب راضي يوقف .. ويلست تقلب عيونها في كل مكان بس ما كانت
تشوف غير الظلمه فانسدحت ع الارض وضمت راسها بين ريولها .. وتمت تبكي بحرقة .. وهي تمسح على عيونها
خالد راح صوب تحت وطلب له ريوق ويلس ياكل : ياربي هالحاله ما تصرف .. يوم عن يوم احس خوله تتغير مب
خوله اللي حبيتها .. وتصرفها اليوم جنني اكيد هذي جنت قامت تكفخني لا وما كفاها جذا غرست اظافرها في ويهي
وأول ما تذكر انها كانت تنزف فز من مكانه وعلى طول راح يركض صوبها واول ما دخل حصلها منسدحه ومتخيسه دم
خالد وهو يشيلها : خوله بلاج حبيبتي اشو اللي استوى عليج ..؟؟!! خولة غناتي ابوس ايدج قومي !!
خوله اول ما سمعت صوته حضنته وتمت اتصيح بس صوتها كان واطئ : خالد لا تخلاني انا اخاف اتم بروحي
خالد بضيج وهو يضمها لصدره : خوالي حياااتي ياربي انتي وايد تنزفين انا لازم اوديج المستفشى راح وحطها فوق
الشبريه تم بيدلها ملابسها لانها كانت لابسه مال نوم وتم يكلمها وهي ما كانت ترد عليه .. ويلس يضربها فويها ..
خوالي قومي ردي علي لا تمي ساكته .. انتي بخير طمنيني الله يخليج لا تخوفيني بهالشكل قوومي بس خوله ما ردت
فقام وشلها وراح صوووب السياره ووداها لاقرب مستــوصف وكان متوتر وخاايف واول ما طلع الدكتور راح صوبه
خالد : ora Dott. mi ha detto come
الترجمه : طمني دكتور شخبارها احينه
Non ti preoccupare , è fine e non vi è alcun rischio الدكتور :
الترجمه : تطمن هي بخير وما في عليها اي خطوره
Se il motivo per il caso di perdita diخالد :
الترجمه : انزين شو سبب الاغماااء
الدكتور :
Indicano che si tratta di un lotto e dissanguati sono colpite da povertà nel sangue una semplice e questo ha
causato al caso di perdita di
الترجمه : هيه نزفت وايد والظاهر انه عندها فقر دم بسيط وهو اللي سبب لها حالة الاغماء
Posso essere la messa a fuoco di oggiخالد:
الترجمه : انزين اقدر اطلعها اليوم
È possibile ordinare le abbiamo disinfettato la ferita e cucire
الترجمه : هيه تقدر تطلعا اليوم نحن عقمنا الجرح وخيطناه
Dr Grazie خالد بابتسامه
الترجمه : شكرا دكتووووووور
Sei il benvenutoالدكتور بابتسامه :
الترجمه : لا شكر على واجب
خوله كانت مضايجه ومتكدره واول ما سمعت صوت خالد ابتسمت وتمتمت بحزن ممزوج بخوف : خالد انا اسفه
خالد وهو يقرب صوبها ويبوس خدها: حبيبتي انسي الموضوع اهم شي صحتج والحمدلله انج بخير
خالد تقاطعه وبحزن:خالد لما صارخت علي ورفعت صوتك تذكرت حنيفه وعقب تخيلته هو اللي واقف جدامي مش انت
خالد يقاطعها : خوالي حبيبتي انا ما طلبتج تبررين لي شي .. يلا احينه قومي خلينا نروح من هنيه
خوله بابتسامه : ليش الدكتور رخصني
Vuoi rimanere qui è veroخالد وهو يتنهد :
خوله وهي مبطله عيونها : اشووووووووو
خالد وهو يضحك : اقولج شكلج تبين اتمين هنيه .. بس بالايطالي
خوله وهي تضحك : تحريتك تسبنني
خالد وهو يضحك ويبوسها على جبهتها .. مستحيل حياتي اغلط عليج .. يلا احينه قومي وخلينا نروح
خوله بابتسامه : خلود قووولي كلامي غزل بالايطالي
Io ti amo e tu morire خالد: سمعي بقولج احبج واموت عليج
خوله وهي ميته ضحك : اشووو هـ اللهجه الغريبه .. اقول قوم خلنا انروح ..
:::
::
ونــــــــرجع لـــ الــسلطنـــــه وكانت الساعه تقااارب العاشرة والنصف تقريبا ..
طبعا حمود وفهد كان باقي على سفرهم ساعتين وكانوا قاعدين يسلموا ع الاهل ..
ام حمود وهي تحضنه: فهد عشان خاطري دير بالك على نفسك .. وحاول تنسى ســ .. آ واول ما شافت مريم سكتت
مريم فخاطرها : يحليلج !!!!! بلاج ما تكملي تتحريني مب عارفه انه فهد ميت على اختي ساره وهي ولا على بالها ..
فهد وهو يبوس راس امه:امايه لا تحاتين شي ان شاءالله بيصير كل اللي تتمنيه وراح صوب ابوه يجر كرسيه المتحرك
وباسله راسه وصد صوب امه : ابوي ما اوصيك على الغاليه هالله هالله فيها واذا زعلتها ما راح اكلمك مووول
بوحمود بابتسامه ممزوجه بحزن : تطمن يا فهد امك على راسي من فوق اللي يهمنا الحين ترجعلنا بالسلامه
فهد وهو يداري دمعته : ما تقصر ابوي الله يديمك فوق راسنا والله يقدرني واسعدكم وارجعلكم متشافي من كل عله
الجميع : الله يسمع منك ان شاء الله
مها ما قدرت تستحمل هـ اللحظة وتمت اتصيح من خاطر فهد بضيج : مهوي حبيبتي بلاج تصيحين
مها وهي تتكلم بصعوبه : هذي اول مره تسافر فيها .. ما ادري كيف برقد اليوم !! وانته مش هنيه
فهد وهو يحاول يضفي جو المرح على البيت : مهوي انتي باقيلج يومين هنيه وبتتوكلي فبطلي دلع عاد
مها مسحت دموعها وتمت تضحك والكل تموا يضحكون
فاطمه بابتسامه : ترجعلنا بالسلامه فهد ..
فهد وهو يتنهد : الله يسلمج فاطمه ما اوصيج ديري بالج على توأمي – يقصد مايد –
فاطمه وهي تضحك : من هالناحيه تطمن بس اذا طفربي ع طول بطرشه صووبك . ما فيني ع الصدعه
فهد وهو يضحك : طرشيه !!!! وعاد بيني وبينج ها يوم السعد .. الا هو وينه ووين البنات ما اشوفهم
فاطمه وهي تبتسم : والله احيدهم في المطبخ مهوي مسويتلهم اي سكريم وجالسين ياكلوا !!
فهد وهو يزاقر على سناتا : سناتا .. سناتا وينج واول ما سكت فهد شاف اميره وميره جايات يركضن صوبه
فهد وهو يحضنهن: هلا والله هلا بالغواااالي .. وينكن ما تبن تسلمن علي قبل لا اسافر مستويات بطرانات شرات امكن
فاطمه تمت تضحك من خاااطر : حرام عليك احينه انا بطرانه ..الله يسامحك بنطوفها حقك هالمره بس لا رجعت بنتفاهم
ميره ببراءه وهي مب فاهمة السالفه : عمي فهد وين بتروح ..
اميره تقاطعها : عمي بيروح برع عشان يعطوه ابره وعقب يقدر يمشي .. صح عمي فهد !!
فهد وهو يبوس اميره : يسلملي الفاهم انا .. ميره نفس ما قالتلج اميره بسير اتعالج عسب اقدر اركض وامشي
ميره بابتسامه : خلاااص عيل سافر بس خلهم يعطونك ابره بسرعه .. من زمان ما لعبنا مع بعض
اميره تقاطعها : هيه عمي فهد سافر بس ارجع بسرعه نحن وايد بنشتاااقلك .. والبيت مب حلو بدونك
فاطمه خذت مايد من عند سناتا وعطته فهد : وهذا ميووود وصل .. ميود عطى عمك فهد بوسه
ميود ع طول عطى فهد بوسه .. فهد ع طول خذه من عند فاطمه وتم يباوووسه .. فديتك ياروحي منو علمك هالحركات
فاطمه وهي اطالع مها : ومنو غير الحلوه اللي واقفه عدالي ..
مها بابتسامه : هيه انا علمته ولي الفخر بعد ..
فاطمه وهي تضحك من خاطر : انزينه بلاج ما قلنا شي ؟؟!!!!
حمود اول ما شاف فاطمه تبتسم ارتاااح : آه يا فاطمه صارلي سنين ما شفت هـ الابتسامه مرسومه بين شفايفج شكلي
وايد كنت اقسى عليج .. بس انتي دايما تفاجئيني دومج متفائله وتعيشين كل يوم بيومه .. اه لو تعرفين شكثر مشتاقلج
فاطمه اول ما شافت حمود يطالعها نزلت راسها واكتفت بابتسامه خفيفه
مريم فخاطرها : حشااا لهالدرجه ميتين على عيااال فاطمه .. بس مب مشكله لا شافوا عيالي اكيد كل شي بيتغير
ام حمود بابتسامه : فهد حموود يلا توكلوا على الله .. اخاف تتأخرون على الطيااااره
حمود وهو يطالع فهد : فهد صادقه اماية !! يلا خلنا نرووووح اخاف نتأخر .. فهد رد عليه بابتسامه يلا خلنا نتووكل
فاطمه وهي طالع حمووود وبعد تردد طويل تمتمت بخجل : حموود .....!!!!!!! وسكتت شوي وعقب كملت وهي منزله
راسها الارض.. هالله هالله فنفسك ..................!!!! ودير بالك على فهد ......... ترجعولنا بالسلامة ان شاء الله
|
27-07-10, 07:31 PM
جديد مواضيع قسم القصص المكتمله
العرض العادي
