كاتب الموضوع :
راعية الفزعة
المنتدى :
القصص المكتمله
لتاخر ناقلة القصة عن النقل جاري نقل القصة من قبلي
قراءة ممتعة لجميع
....................................
اللـــــحظة آلــــــــسآدســـة وآلعشــــــــــــــروووون
::
::
الفصـــــل ألـــأـ ولــ
::
::
وفـــــــــــــــي بيت بوخــــآلد
روضه كانت توها قايمه من النوم وعيونها كانت وايد تعورها .. وجسمها بعد كان يعورها !! ليش انها كانت نايمه ع
الأرض طول الليل .. غسلت وجها وخذت شور خفيف وعقب راحت صوب حجرة محمد واحمد بس ما حصلت حد
روضه بخوف : ياربي هذيلا وين ساروا ؟!! يا خوفي شردوا من البيت .. لا الله لا قال ان شاء الله وراحت صوب تحت
تمت ادور عليهم بس ما حصلتهم : يالله وينهم ؟!! مستحيل يطلعون من البيت وما يخبروني .. اخاف سووها وشردوا
روضه وهي تروح صوب المطبخ : ليندا شفتي محمد واحمد دورت عليهم بس ما حصلتهم
no madam ليندا وهي تهز راسها :
روضه وهي تتنهد : يالله هذيلا وين ساروا من صبااح الله !!!وصدت صوب سوزي بس قبل لا تسألها قاطعتها بسؤالها
سوزي بابتسامه : ماما يريد فطووور ؟؟!!!!
روضه بضيج : الله يهداج سوزي !! هذا وقته خليني في همي .. احمد ومحمد مش في البيت ..
سوزي بابتسامه : معلوم ماما !!!
روضه تقاطعها : اشووو .. اتعرفين وين ساروا .. عيل شحقة ساكتة علميني وينهم ؟؟!!!!!
سوزي بتوتر : بابا سلطان يودي عند ماما ..
روضه بضيج : اشووووو ابوي وداهم عند خالتي .. الظاهر للحين معصب علي عسب جذا محد خبرني
سوزي بابتسامه : محمد يقووول انته في نوم وما حب يسوي ازعاج وبعدين يزقر انا عسب يجهز ملابس
روضه تقاطعها وبضيج : اشوووو ؟؟!! تجهزين ملابسهم ؟؟!! انتي شو تقولين ؟!! لا يكون ما بيردوا اليوم ؟؟!!
سوزي وهي تهز راسها بالنفي : لا ماما انا يسمع محمد يقوول يجلس عند ماما اسبوع
روضه بتوتر : ياربي اسبوع ؟؟!!!!! انزين ليش محد شاورني ؟؟!!
بوخالد يقاطعها وبعصبية : ليش انتي شاورتي حد يوم طلعتي البارحه
روضه وهي تنزل راسها : ابوي انا اسفه ..!! بشو تباني أحلف لك انه كل شي صار كان غصبا علي .. كنت مجبورة !
بوخالد طنشها وصد صوب سوزي : سوزي فيه ضيوف في المجلس ..!!!! سوي قهوه اوك
سوزي : اوك بابا
روضه وعينها تدمع وهي واقفه قدام ابوها : ابوي انا اسفه .. والله كل اللي صار كان غصبا علي .. سامحني
بوخالد يقاطعها وبعصبية : انا عندي ضيوف الحين مب فاااااضي حق سوالفج .. لا راح مشعل يصير خير
روضه وهي منزله راسها : على امرك .. وسار عنها وتنهدت وسرحت .. الله يسامحك ابوي احينه منوا بيتم معاي في
البيت اكيد بتملل .. كل هذا بس لانك معصب علي .. حتى ما انتظرت خالد يرجع وعقب وديتهم .. كله سرعه سرعه .. وصدت صوب سوزي .. وتمتمت بضيق .. سوزي لو ما عليج امر سويلي كوفي
سوزي بابتسامه : ان شاء الله ماما .. ما يريد فطووور ؟؟؟؟!!!!!!!!
روضه وهي تتنهد :تصدقين من عرفت الخبر انسدت نفسي..الظاهر ابوي وايد شال فخاطره علي وراحت صوب الصاله
::
::
وفـــــــــــــــــــي المجلس
بوخالد بابتسامه : حي الله مشعل تو مانور البيت
مشعل بابتسامة مكر : منور باهله
بوخالد : سمعت انك مسكت الشغل عن ابوك .. طمني عسى تعودت ع الوضع وصرت تفهم في التجاره
مشعل بابتسامه : ولو عمي بو خالد .. نسيت اني دارس تجاااره
بوخالد بابتسامه : هوووه صح راحت علي .. بس زين سويت يوم فكرت تمسك الشركة عن ابوك .. خله يرتاح شوي
مشعل بابتسامه : انا من لما كنت صغير هـ الشي كان حلمي .. وكنت اسعى عشان تحقيقه !! واخيرا تحقق ..
بوخالد : ما عليه المهم الحين شد حيلك وخلى اسم شركتكم في العلالي .. عسب ترفع راس ابوك ..
مشعل بمكر : عشان كذا انا جيت صوبك اليوم .. ابا افهم منك كم شغله .. وأتمنى أنك تساعدني وما تردني ..تعرف
تونا في البداية ومتحاجين ناس شرواكم واسمهم لامع .. ودي اصير تلميذك وانته تصير أستاذي .. ويا ريت ما تردني
بوخالد يقاطعه وهو يضحك :لا تبالغ..ترى الشغله كلها حظ ف حظ .. وبعدين انته ما شاء الله عليك شكلك فاهم فالتجاره
بومشعل : شو نسوي ؟؟!! لازم افهم عسب اساعد ابوي .. هو صار كبير ومحتاج اني اوقف معاه واخفف عليه
بوخالد وهو يتنهد :الله يلين راس خالد ويهديه .. ويوافق انه يمسك الشركه ..ويريحني ..العمر بيخلص والشغل بعده ..
مشعل : بصراحه لو انا فمكان خالد كان ودرت شغل الحكومه .. وشفت مصالح ابوي .. بس ما ادري شباب
هـ اليوم تفكيرهم غلط .. الواحد ما يصدق على الله يحصل وظيفه على كرسي ومكيف .. اهم شي عنده الراحه وبس
بوخالد يقاطعه وهو يكتم غيضه : لا غلطان خالد تفكيره مش كذا .. انا من لما كان صغير ربيته على الاعتماد ع النفس
وهو يبا يكون نفسه ويوقف على حيله وعقب اكيد راح يمسك عني الشركة ويشيل عني شوي من الحمل اللي ع ظهري
مشعل فخاطره : ما شاء الله وايد مغتر في ولدك .. لا ومسوي عليك رجااال ويبا يوقف على حيله .. صدق انكم شياب
وينقص عليكم بكم كلمه .. خالد طول عمره بيتم دلووع البابا !! ولا ضنتي في يوم بيعتدل وبيستوي رجال
بوخالد وهو يطالع ساعته : مشعل انا وايد تأخرت !! انته قلت تبا من وقتي بس خمس دقايق !!وانا عطيتك نص ساعه
مشعل بتوتر : مب مشكله عمي انا قلت اللي عندي والحين أترخص .. انا بعد الشغل لـ فووق راسي
بوخالد بابتسامه : تمام .. يالله عيل بوصلك لــ عند البــــــــــــآب .. وعقبها بروح صوب الشركة عندي اجتماع مهم !!
روضه كانت الطالع التلفزيون وتمللت : اووووووف شو هـ الحالة ؟؟!! والله مليت وطفشت ؟؟!! لو خالد وخولة هنية
كان كل شي تغير .. وحتى لو بغيت العب بلايستيشن ما بعرف بدون احمدوه وحماده ولمحت تلفونها يرن وردت عليه
ميثاااااااا بحماااس وبابتسامه عريضــه : الووو رواضي شحالج ؟؟! وشمسوية ؟! وينج أنتي من زمان ما شفناج ؟؟َ!!
روضه بابتسامه : حشا شوي شوي .. خليني ارد بالاول وعقب اسأليني عن حالي .. ع العموم انا بخير انتي شحالج؟!
ميثا وهي تضحك من خااطر : لااا انا قلت اتكلم .. وما اعطيج فرصه تردي علي .. عسب ما تمي تتعذري بعدين !!
روضه وهي تضحك : حشا ما حيدني سويت فيج شي !!!! المهم خبريني اشو عندج ؟؟!! عطيني من ألأخر ...
ميثا بدلع : اول شي قولي تم وعقب بقول اللي عندي !! وسمعيني .. اذا ما قلتي تم انسي الموضوع من اساسه فاهمه
روضه وهي تتنهد : ياربي ميثوه انتي ما تيوزين عن سوالفج .. يلا تم تم تم بالثلاث .. خبريني الحين شو عندج !!
ميثا بابتسامه:اليوم اباج تتعشين معاي امايه معزومه على عرس ومشعل عند ربعه وابوي مسافر وانا بتم اروحي هنيه
روضه بابتسامه :و ليش انتي ما تجي عندي .. انا بعد حدي متملله محد غيري في البيت .. تعالي انتي انتظرج
ميثا تقاطعه : لا حبيبتي ما حزرتي انا دومني مطيحه فبيتكم .. وبعدين انتي قلتي تم !! يعني الحين الاعذار ما تنفع
روضه وهي تتنهد : خلاااااص حبيبتي صااااار .. الساعه 8 بكووووووووووووون معاج !! راضيه الحين .. !!
ميثا بابتسامه : ايووووه هذا الكلام المضبوط .. الحين بدش المطبخ وما بخلي شي ما بسويه حقج
روضه بابتسامه : لا حبيبتي لا تعبين نفسج تحيديني مسويه رجيم ومابا شي دسم .. اخاف تخربينه علي
ميثا بابتسامه : يلا مب مشكله طلباتج اوامر .. المهم تتعشين معاي .. واطلع من الملل اللي عايشه فية .
روضه بابتسامه : خلااص حبيبتي .. انا بعد بسوي جم شغله خفيفه ... عسب اخفف عليج شوي ..
ميثا اول ما لمحت مشعل اشرتله يجي صوبها : المهم رواضي بخليج الحين ... مشعل يزقرني !!!!!!
روضه بابتسامه : تمام حبيبتي .. اشووفج المساء ................ باااااااااااي
ميثاء وضحكة عريضه مرسومه على وجها : هاااااااااااااااااات لــ بشــــــآرة ...!!!!!!
مشعل وهو يضحك ومب مصدق اللي يسمعه : لا تقوووووووووووووليها !!!!!!!!!!!!
ميثا وهي تهز راسها بالايجاب وبحمااااااااس : هيه رووضه وافقت ......... واليوم بتجي صوبنا
مشعل فخاطره : اهااااااااااااااا واخيرا يا روضه واخيرا .. صارلي سنين وانا انتظر هـ اللحظة اللي انتقم فيها من خالد
ميثا بابتسامه : مشعل !!!!!!!!!!!!!!! حشا لهالدرجة مستانس بشوفتها ....!!!!!!! بلاك انخرست مره وحده ..
مشعل وهو يضحك : فرحان ... !!!! الا طاااااااااااير من الفرحه ودي ارقص .. اقوولج احبها احبها .. ميثا الخطة
الاولى تمام .. لازم نفكر بـ الخطه الثانيه .. ع شرط ما نخلي روضه تحس انه في احد في البيت غيرج انتي وامايه
ميثا وهي تضحك : لا امايه عندها عرس اليوم .. يعني انسى موضوعها .. محد بيبقى غيري انا وانت .. وعاد انته اول
ما تشوفها روح صوبها وقول انك تحسبتها انا .. وعقب اعتذر منها .. وروضه اول ما تشوفك اكيد بتحبك وبتقدرك
مشعل بابتسامه مكر : خلااص عيل انتي ضبطي الامور هنيه .. وانا عندي جم شغله مهمه بخلصها وبرد البيت
ميثا وهي تبا تتحرقص فيه وتمتمت والحيرة مسيطره عليها : قصدك الاماااااااااااااااااااااااااااااااااااانه ؟؟؟!!!!!!
مشعل بتوتر وهو يغير الموضوع:هيه الامانه وبعدين لا تشغلين بالج الامانه عباره عن بوكيت ورد بشتريه حق روضه
ميثا وهي تتنهد : انته تخبلت .. اكيد ما بطيع تاخذه .. مشعل الله يخليك مب ناقصين مشاكل !!! فكر بعقل شوي
مشعل يقاطعها : انتي من صدقج ما فهمتي علي ؟!!! نحن ما راح نحسسها انه من عندي خبريها انه من عندج
ميثا وهي تحك راسها وتحاول تفهم الموضوع : خلااص صاار ... يلا الحين سير شوف شغلك وخلني انا اشوف شغلي
مشعل وهو يطلع تلفونه ويتصل : على خير .. اشوفج بعدين ..والحين بايوا عندي مكالمه مهمه ..
ميثا وهي مستغربة وتمتمت فخاطرها : اموت وأعرف شو سر هـ المنال ...!! كل ما يدق عليها طرالها الامانه !!
اوووف لو ما عرفت اللي قاعد يصير بتخبل ..!! أحسن شي اسير المطبخ ..!! ويا خبر اليوم بفلوس باكر اكيد ببلاش
::
::
وعنـــــــــــــــــــــــــــد غـــــأده
غاده بابتسامه : سلوى شوفي هـ البطاقات حطيهم داخل علبه كلها خمس دقايق وبيمروا ياخذوها عندي وايد شغل
سلوى بابتسامه : تتحرين يوم خذيتي اجازه شهر بترتاحين !!!! كل اللي سويتيه ؟؟!!! كودتي الشغل على راسج
غاده وهي تتنهد : شو تبيني اسوي ؟!! كان لازم اسافر .. اميه حرمه عوده ونوف عندها اختبارات فما فيه غيري
سلوي وهي تتنهد وتمتمت بضيق ممزوج بقهر : بس سالم حشرني !! كل يوم يدق ويسألني اذا رجعتي ؟!!
غاده وهي متنرفزة : وليش ان شاء الله يسأل ؟؟!!! وايد يهمه امري ؟؟!!! عنده زوجة وخله يلتهي فيها !! ويخليني
انا في حالي .. وبعدين انا ماخذه اجازه بدون راتب !! ومش من حقه يسأل إذا رجعت او لا .... اوووف دمة وايد ثقيل
سلوى بابتسامه : لا حبيبتي ... انا فاهمه اشو اللي يباه ؟!! اصلا من يوم ما سرتي !! تخيلي ما طب علي المحل !!
غاده بعصبيه : عسب جذا اكرهه .. واحد متزوج ويتغزل فخلق الله .. يتحرى اني بصد صووبه .. هذا اللي ناقص ..
سلوى وهي ميته ضحك : حراام عليج يمكن يحبج وناااوي يتقدملج !! عاد مب زين تكسري خاطرة !!!!
غاده تقاطعها وبعصبيه : اتخسي الا هو .. هذا اللي ناقص اخذ واحد شرات هذا .. اصوم اصوم وافطر على بصله ؟!!
سالم جان توه واصل والابتسامه مرسومه على وجهه: حي الله غاده .. وانا اقول ليش منور المكان اثرنه انتي فيه !!
غاده وهي تصطنع الابتسامه وبقهر : مشكووور استاذ سالم فيك الخير .. ومنور بأهله وناااسه
سالم بابتسامه : وليش استاذ .. خليها سالم حااف بتطلع احلى .. عاد إنتي لسانج ينقط عسل !!!
غاده وهي تكتم غضبها : استاااذ من رخصتك .. انا مشغوله شوي !! وما عندي وقت اخذ واعطي معاك واسمحلنا عاد
سالم بعصبيه : احينه بلاها هذي عصبت جذا .. لا يكون المحل محل ابوها .. تحمد ربها اني مستحملنا ومشغلنها معاي
سلوى فخاطرها وهي ميته ضحك عليه : الا انته احمد ربك وبوس ايدك من ورى وجدام لانك محصل وحده شرات غاده
تشتغل معااك ومستحمله ظلمك وثقل دمك .. بس ما تنلام الظاهر انك كبرت وشيبت .. ما اقول غير الله يكون فعونك
سالم بعصبيه :وبلاج انتي منطمه ؟؟!!!!! صارلي ساعه اكلمج وانتي ولا على بالج !!! لا يكون نعقد لسانج ؟؟!!!
سلوى بتوتر : هاه لا استااااذ بس انا بعد تذكرت اني عندي شغل مهم ولازم اخلصه .. من رخصتك
سالم وهو يتنهد : لا حول ولا قوة الا بالله .. هـ البنات بيخبلبي الحين المدير واقف جدامهن وهنه ولا على بالهن ..
غاده بقهر : احينه بلاه هذا تام يلعي !!!! احس راسي صدع من هذرته اللي ما تخلص .. متى بيروح ويفكنا ..
سلوى وهي تضحك من خاطر : اكيد الحين قاعد يندب حظة ... ليش أنج ما عبرتيه ولا عطيتيه وجه
غاده بعصبيه : قسم بالله حركة ثانيه وربي لا اهد المحل على راسه واللي يصير يصير .. الزم ما علي كرامتي
سلوى بصوت واطئ : وطي صوتج اخاف يسمعج .. لا تنسين مش بسهوله تحصلين وظيفه هـ الايام .. إستحملي
غاده تقاطعها : لا حبيبتي الحين الوظايف بالهبل .. ولو ما انا وانتي كان محله واقف هذا ما راعي شغل هذا مال بنيات
سلوى وهي تتنهد وتمتمت بخووووووف : لا الظاااااهر اليوم بننطرد ..
غاده بقهر : سلوووه سيري وخليه ينطم ويسكت .... وربي كل ما اسمع صوته احس راسي بينفجر .. ما أدانية
سلوى بخوف : لا يا ماما .. من صدقج انتي لا يكون المحل محلنا ومخلف علينا اقول خلينا نشتغل وننسى انه موجود
غاده وهي تاخذ نفس عميق : انزين عطيني الكروت اللي ورااج .. وخليني أخلصهن ابا ارد البيت واريح راسي ..
سلوى بابتسامه : تفضلي .. وسمعت رجال قاعد يسلم.. غاده كأني سمعت صوت ..!! وبالتحديد قال السلام عليكم
غاده بعصبيه : انتي تمي هنيه واذا كان سالم شغله عندي .. هذا يتحرانا جواري عنده انا بخلية يعرف حجمه
سلوي وهي تضحك : جااااااااااااااك الموت ياااااااا تااااااااااارك الصلآة .. شوي شوي على الرجال ؟؟!!!!!!
غاده اول ما وصلت الرسبشن : نعم اشوووووو عندك ؟!! رواتبنا واستلمناهن يعني تقدر تروح الحين مب محتاجيلك
خليفه كان عاطنها الظهر واول ما سمع الصوت ارتبك وقلبه بداء يدق بسرعه ومسح على وجهه وحس انه في قطرات
عرق تجمعت على جبهته خذ نفس عميق وتمتم بصوت واطئ: ياربي ها الصوت مب غريب علي .. لا يكون انا قاعد
اتخيل ؟؟!! معقوله حبي لغاده خلاني اتوهم بـ أشياء واسمع صوتها يتردد في كل الزوايا .. لا بس انا متأكد من الصوت
غاده وهي تقطعله حبل افكاره : اسمعني استاذ سالم اذا ما عندك شي تقوله اسير اكمل شغلي وايد احسن.. عن اذنك
خليفه وهو يصد صوبها ويبطل عيونه شوي شوي وأول ما شافها تصلب مكانه : غـــــــــــــآده .. معقــــــــوله ؟؟!!!
غاده كانت تاخذ الكروت من الرسبشن وكانت منزله راسها واول ما سمعت الصوت توترت وما قدرت ترفع راسها
وراح فكرها عند خليفه : معقوله اللي واقف جدامي خليفه مش سالم ؟!! لا لا انا شو اقول اكيد اتوهم واول ما رفعت
راسها تيبست مكانها وتلعثمت وما عرفت شو تقول وخليفه تم يطالعها وهو ساكت مب مصدق انه اللي جدامه غاده
خليفه وهو مب مصدق : غاده هذا انتي .. انا ما قاعد احلم .. يالله شو الدنيا صغيره ما توقعت اني بشوفج مره ثانيه
غاده بتوتر وهي تحاول تخفي ارتباكها وتتصرف كأنه الموضوع عادي وتمتمت بدون نفس : امرني اشو بغيت ؟!!
خليفه بضيج وهو يداري دمعته : غاده بلاج ؟؟!! لهالدرجه كارهتني وما ودج تشوفيني !! إنزين ليش ؟!! انا شسويت
غاده وهي تتنهد واداري دمعتها وحست انه الكلام بغصب يطلع من بين شفايفها تمتمت بحزن وهي تخفي الغصة اللي
كتمتها في قلبها : خليفه هـ المكان مكان شغل .. فقول اشو عندك وخلصني .. وراي شغل ولازم اليوم أخلصه !!
خليفه طنشها وتمتم بابتسامة ممزوجة بحب واشتياق : انزين طمنيني اخبار عدول ؟؟!!!
وغاده وهي تاخذ نفس عميق : الحمدلله بخير .. العلاج الطبيعي نفعه وايد والحين صار يمارس حياته طبيعي
خليفه وهو يتأمل كل شي في غادة أول مره يكون قريب منها هـ الكثر تمتم بابتسامه :الحمدلله ..وانتي شحالج شمسويه
غاده بضيج وهي تحاول قد ما تقدر تتهرب من نظراته عشان ما تضعف ويرجع قلبها يحن تمتمت بصوت مبحوح
وحزين :خليفه الله يخليك افهمني قتلك هالمكان مكان شغل.وانا ما عندي وقت اتم اسمعك الشغل واصل لقمة راسي
خليفه وهو يحاول يخفي قهره من تصرفات غادة الا مبالية : غاده انا اليوم شفتج بس باجر ما اضمن ؟؟! أفهميني !!
غاده وهي تحاول تهرب من أسئلته ومن نظراته تمتمت بصوت عالي : سلووووى تعالي شوووووووووي ...!!!
خليفه يقاطعها : غاده مهما حاولتي تكوني قويه وتخفين حبج .. بس عيونج فاضحتج .. احس الدمعه خانقتج
خليفه وجه طعنه لـ قلب غادة بدون ما يحس .. هنيه ما قدرت تستحمل .. حست انه دموعها بتنزل خلاص نزلت راسها
وصدت صوب سلوى : سلوى حبيبتي شوفي هـ الرجال اشو يبا ؟؟!!! انا عندي شغل !! وراحت تركض صوب داخل
وأول ما وصلت استندت ع كرسي وحطت راسها ع طاوله قريبة وقعدت تصيح بحرقة : ليش عقب ما قررت امحيك من
بالي !! تطلع في طريقي مره ثانية .. انته شو تبا فيني .. انا ما أستاهل احد يحبني .. انا انسانه ما فيني ذرة مشاعر ..
سلوى بتوتر وهي مب فاهمه اللي قاعد يصير حواليها وتمتمت بصوت واطئ : أمرني أخوي شو بغيت ؟؟!!!
خليفه نظراته كانت تتبع غاده وشاف عينها يوم دمعت وهـ الشي كدر خاطرة وما سمع سلوى يوم كانت جالسة تسأله
سلوى تقاطعه وبصوت أعلى من قبل : لو سمحت امرني كيف اقدر اساااااااعدك ....؟؟؟!!!!!!
خليفه وهو يتنهد ويقطع حبل أفكاره صوت سلوى اللي اخترق كل شي فجسـمه كان ينبــض بــأسم غادة تمتم بحزن :
هاه .. لا بس بغيتج تخلصيلي 100 كرت اذا تقدري ؟؟!!! واذا لا ..!!! سويلي 50 وبسوي فمكان ثاني 50
سلوى بابتسامه : انزين اخووويه أنته متى تباهم بالضبط ؟؟!!!!!
خليفه بضيج : اباهم بالاربعااااااء لو ما عليج أمر
سلوى وهي مبطله عيونها : ما ضنتي يمدينا .. وما نقدر نجازف هات بنسويلك 50 ودور مكان ثاني يكمل عليهن
خليفه بضيج :خــــ..ـلآص اختيه بس قبل ما يكمل كلامه ... قاطعهم صوت غاده الحزين وهي تطل من الباب الخلفي وتمتمت بصوووت ضعيف .. سلوى بنسويله ....!!!!!!!!!!!! خليه يمر عليهن عقب يومين
سلوى وهي تصد صوب غاده وتغمزلها وتحرك شفايفها بصوت واطئ : ما ضنتي بنلحق ؟؟!!!
غاده بحزم : سلوى قتلج بنخلصهن .. وخلي هـ الموضوع علي .. انا بتكفل فيه ..
سلوى وهي تتنهد : خلاص على راحتج وصدت صوب خليفه .. تفضل هـ الورقه وسجل فيها البيانات المطلوبه
غاده عقب ما خلصت كلامها رجعت ادراجها مذلولة ومكسورة .. وأول ما وصلت انفجرت وتمت تصيح بحرقة .. حست
انه صوت خليفه صار يبتعد شوي شوي .. وعقب فهمت انه خليفه راح خلاص .. والله العالم اذا بتشوفه مره ثانيه ..
تمنت انه اللي صار ما صار !! كانت أكثر شي خايفه منه تحتضن عيونها عيون خليفه .. كانت متأكده انها راح تضعف
فزت من مكانها كانت منهارة وقعدت تصارخ بصوت عالي : ليش !! ليش انا يصير فيني كل هذا !! ليش انا من بد كل
الناس .. ليش محرومة من كل شي .. ليش مو من حقي اعيش واحب حالي حال غيري ..!! وكان فيه كومة اوراق
جدامها مسكتهن وفشت خلقها فيهن وتمت تقطعن قطعه قطعه وهي تردد كلمة وحده ليش ...!! ليش !! سلوى أول ما
سمعت غادة تصارخ ركضت صوبها وحصلت غاده قاعدة ع الارض وضامه وجها بين رجولها وتشاهق بشكل غريب..
سلوى ما كانت مستوعبة اللي قاعد يصير !! بس أول ما شافت حالة غادة كسرت خاطرها وع طول راحة صوبها
وغرست راس غادة في صدرها ... وتمت تقرا عليها ايات قرانية لحد ما هدت شوي .. سلوى عقب ما شافت انه غادة
صارت بخير .. وهدت شوي مسحت على راسها وتمتمت بخووف : غادة حبيبتي بلاج شو اللي صاير عليج ؟؟َ!!
غادة رجعت غطت وجها بأيديها وعقب خذت نفس عميق وكان في مغسلة قريبه وراحت صوبها وتمت تغسل وجها
سلوى وهي تحاول تلطف الجو شوي تمتمت بابتسامه : غادوه الحين انتي من صدقج بتلحقي تخلصين 100 كرت
وخلاال يومين فوسط زحمة الشغل هذي...!! شو تتحرين نفسج الرجل الخارق ..
غاده ما ردت عليها ورجعت تصيح بصوت مسموع وسلوى من خوفها راحت وضمتها فصدرها مره ثانيه وهي للحين
مب قادره تفهم شو اللي قاعد يصير وتمتمت بخوف : غاده حبيبتي بلاج ؟؟!! من شوي كنتي هادية !!! ليش اتصيحي
فيه شي مكدر خاااطرج .. صارحيني انا اختج .. تكلمي لا أتمي ساكتة .. يمكن ترتاحي شوي ونفسيتج تهداء ..
غاده وادموعها اربع اربع : انا كنت احاول اسوي نفسي قويه واني بنساه فيوم بس طلعت ضعيفه وكل ما اشوفه احس
جسمي ما يشيلني .. مهما حاولت اخفي هالحب عن الناس بس صعب اخفيه على خليفه ع طول يقراء عيوني ويفهمني
سلوى بتوتر : اي خليفه ؟!!!!!!! غاده لا يكون قصدج اللي جان واقف برع من شوي !! لا تقوليها - قالتها بذهول
غاده وهي تهز راسها بالايجاب وتمتمت بحزن : هيه .. ما توقعت اني بشوفه مره ثانيه .. صدق الدنيا صغيره ..
سلوى وهي تمسح على راسها : غاده حبيبتي اذا تحبيه ويحبج .. لا تفرطي فيه وانا حسيت انه يحبج وشاريج
غاده وهي تمسح دموعها وتصطنع القوة : لا انا مش من حقي احب وانحب .. كل اللي يهمني اشوف اهلي بخير ..
وعشانهم مستعده ادوس على كل شي .. حتى على قلبي !! ومع الايام اكيد بشيل خليفه من راسي وبنسى كل شي حلو
جمعني معاه .. الزمن كفيل يعالج كل جرح أنغرس بصدري .. والحين يلا قومي !! خلينا نكمل شغلنا ما عندنا وقت حق
السوالف لا خلصنا بنسولف براحتنا وموضوع خليفه ياريت لو تصكري عليه نهائيا .. انا قررت ومستحيل أتراجع !!!
سلوى وهي تتنهد وفخاطرها : يمكن انتي اليوم قويه.. بس اكيد الحب بيخليج تنهارين.. وانا مستحيل اشوفج جذا واتم
ساكته .. لازم اتصرف .. و بطريقتي الخاصه .. وافهم خليفه كيف يتعامل معاج عنادج هذا بيخليج تخسرين اشياء وايد
::
::
مر الوقت حتى شارفت السااعه الى الساااعه التــــآسعه ليلا وفي بيت بو حمود الكل جان متجمع وقاعدين يسمعوا فهد
وهو يخبرهم أنه ناوي يسافر .. ويحاول يبذل أقصى جهده .. عشان محد يعارض موضوع سفره ..
فهد وهو يتنهد عقب ما خلص كل اللي عندة وتمتم بحزن : وهذي كل السالفه فقلت تسمعوها مني وايد احسن ..
ام حمود قامت واقفه وحطت ايدينها على راسها : فهد انته من صدقك بتسافر باجر .. انزين فكر فعرس مها .. اجلتها
عسب عرس خوله ومب قادر تأجل سفريتك جمن يووم وتفرح اختك وتشاركها فرحتها .. ولا مستكثر عليها الفرحه
فهد بضيج وهو يداري دمعته وتمتم بصوت مخنوق : امايه إذا انتي مب قادره تفهميني !! عيل شو اقول عن الغريب !!
بوحمود وهو يتنهد : رايه دام هـ الشي يريح فهد خليه ..وانتي امه واكثر وحده عارفه البير وغطاه .. لا تصعبيها عليه
مها بتوتر: امايه بصراحه فهد كلمني البارحة وشرحلي ظروفه .. وإذا هـ الشي بيخفف عليه الهم اللي في قلبه صدقيني
بفرحلة وبعذرة .. ويكفيني انه بيكون معاااي بقلبه وبـ فكره وصدت صوب فهد وابتسمتله .. ولا انا غلطانه ؟؟!!
فهد وهو يصطنع الابتسامه : اكيد هذي ما يبالها كلام وصد صوب امه .. امايه عشان خاطري افهميني .. انا مذبووح
.. حاولي تفهميني مب قادر اشوف ساره !! حب الطفولة تنزف حق أعز ربعي .. خايف انهار وانفضح جدام سعيد
وعقب اكيد بخربلهم حياتهم .. وبدل لا اهنيهم بزواجهم !! راح احول حياتهم لـ جحيم .. وهـ الشي اللي ما اتمناه يصير
رايه اول ما حست الخنقه فحلقة راحت صوبه وغرست راسه فصدرها : خلاص يا فهد دام هـالشي بيريحك توكل على
الله يا وليدي ... سير عسى الله يهونها عليك .. ويشرح صدرك .. وينور لك دربك ويرزقك على قد نيتك ..
فهد وهو يبوسها على راسها ويداري دمعته وتمتم بحزن: امايه ..انا محتاج حق دعواتج .. ادعي ربي يفرجها علي !!
ام حمود وهي تصيح من خاطر : لا تقول جذا يا فهد !!! إذا ما دعيت لك انت ؟؟!! حق منو أدعي ..!!
حمود بابتسامه : خلاص عيل دام ام حمود الغاليه .. وافقت يلا فهد قوم رتب اغراضك .. اخاف مريم تشك فشي
فاطمه وهي تطالعه وبصوت واطئ ممزوج بـ قهر : ما شاء الله وايد خايف على مشاعرها .. لهالدرجة ميت عليها !!
حمود وهو يطالع فاطمه من فوق لتحت وحب يقهرها : والله عاد انا بكيفي !! زوجتي وحر فيها .. انتي شو حارنج ؟!!
فاطمه ما قدرت تستحمل .. حست حمود غرس خنجر فـ صدرها .. كل الدم اللي فيها حسته تجمد وتمتمت بقهر :
خلاص حمود اللي يريحك انا بسير ازقرها واخليها تجي صوبك عسب ما ينشغل بالك عليها اكثر من جذا .. عن أذنك
حمود وهو يطالعها وبابتسامه : زين تسوين تصدقين عاد حدي مشتتتتتاااااااقلها .. أحس فيه شي ناقصني لو ما شفتها
فاطمه وهي تصك على أسنانها وبعصبيه :صدق ما عنك سالفه وصدت صوبهم وابتسمت .. انا تعبانه شوي بسير اريح
حمود وهو يطالعها وبصوت واطئ وحب يقهرها : اووووف ما بغيتي ؟؟!! اخيرآ بعرف اتنفس .. شفطي الاكسجين
فاطمه أول ما سمعت حمود .. تصلبت مكانها .. ما عرفت شو تسوي .. كانت رجولها تمشي خطوه لـ قدام وخطوتين لـ
وراء .. كانت ودها تروح صوب حمود وتطلع حرتها فيه .. كان ودها تصرخ في وجهه وتخبره عن عمايل مريم وسواد
وجها بس لملمت نفسها .. وداست على رغبتها عشان كرامتها وتمتمت بحزن ورددت فخاطرها : لهالدرجة حاقد علي
؟؟!! ومب طايق حتى قربي .. معقوله مريم قدرت تنسيك فاطمة فـي لحظة..معقولة قدرت تمحي كل العشره اللي جمعتنا
مع بعض .. ست سنين يا حمود .. مريم قدرت تخليك تنساهم في لحــظة .. لين متى بتم أتحمل ظلمك ونظرات الاحتقار
لين متى بتم مستحمله هـ الضيم واحط بداخلي .. آآآآآه يا حمود .. شو بتسوى لا عرفت انه كل المشاكل اللي قاعدة
تصير بينا سببها زوجتك .. زوجتك اللي ميت عليها ومتلهف انك تشوفها .. ما اقول غير الله يسامحك
حمود بابتسامه وهو يتأمل فاطمة وفاهم حركاتها :فطوم بلاج واقفه للحين مو على اساس تعبانه وتبي تريحي شوي ..
فاطمه بعصبيه وهي تكتم قهرها بصدرها وتمتمت بصوت حزين : لا تخااف حمود !! الحين ساايره تصبحون على خير
الكل : وانتي من اهله .. احلام سعيدة .. طبعا حمود تم يطالعها وما علق عليها .. كان حاقد عليها من خاطر !!!
واول ما راحت شافت مريم واقفه جدامها .. كانت ودها تشدها من شعرها .. تاكلها باسنانها .. تفضحها قدام الكل ..
وانقهرت لما تذكرت كلام مريم وشو اللي قادره تسويه .. وكالعاده بلعت حزنها بداخلها .. وجمدت الدمعه في عينها قبل
لا تنزل .. وصدت صوب حمود : وها الاوكسجين شرررف استانس الحين ..... عن اذنك ؟؟!!!!!!!!!!!!!!!
مريم بابتسامه وبدلع : فطوووم بلاج حبيبتي ؟؟!! ليش معصبه جذا ؟؟؟!!!! وشو قصدج بالاوكسجين !! ما فهمت
فاطمه خطفت عنها وما عبرتها وتمتمت بصوت حزين ومكسور : هذا اللي ناقصني بعد !! ثقل دمج ..
|
19-03-10, 10:35 AM
جديد مواضيع قسم القصص المكتمله
العرض العادي
