كاتب الموضوع :
راعية الفزعة
المنتدى :
القصص المكتمله
آلفــــــصـــل آلثــــــآآآآآني
::
::
روضــــــه توها كانت واصله البيت .. ودقات قلبها كانت تنسمع من بعيد .. كانت عارفة انه في مصيبة جاية بـ الطريق
روضه بتوتر : حماده واحمدوه عشان خاطري .. دشوا البيت بدون صووت ... عسب ابوي ما يحس علينــا .. تمام ؟؟!
محمد واحمد مع بعض واهم يصكروا ثمهم بابديهم : ان شاء الله ....
روضه اول ما عدت عتبت الباب .. اصطدمت بجسم ضخم .. خلاها تتصلب مكانها .. كانت تردد في خاطرها انه الله
يهون عليها..ويهدي أبوها..وقبل ما تكمل افكارها اللي بدت تترابط فـ بعضها..ماحست الا بطراق خلاها اطيح ع الارض
بوخالد بعصبيه والشر طالع من عيونه :رووووووووووووضة !!!! وين كنتي بهــالوقت المتأخر ؟؟؟!!!
روضه بتوتر ودموعها ترسمت على خدها وتمتمت بخوف: ابــــــــــــــ .................ــــــــوي انـــ..............ــآ ؟؟؟!
محمد واحمد بخوووف : ابوي والله نحن اصرينا عليها تودينا عند امي كنا وايد مشتاقيلها ..
بوخالد بعصبيه : انتوا االاثنينه سيروا حجرتكم مدام انه النفس عليكم طيبه .. يلا أشوف قبل لا يصير فيكم مثلها !!
روضه بخووف ودموعها أربع أربع : محمد احمد سيروا رقدوا .. ولا تخافوا !! ابوي بس معصب شوي وعقب بيهداء
احمد وهو يصيح : بس انا وايد خايف عليج ؟؟؟!! أبوي وايد معصب .. ويمكن يسوي فيج شي ....؟!!!
بو خالد يقاطعه وبعصبيه : احمد قتلك سير صوب حجرتك ... وصد على محمد شل اخوك وسيروا من جدامي
محمد بخووف وهو يشد احمد من كندورته : احمد تعااااااااااااال خلنا انرووح .. تعال يلا
بو خالد وهو يرجع يشوف روضة بنظرات كلها غضب : وانتي يا روضه تعرفين الساعه جم الحين..ولا يحتاج اذكرج!!
روضه وهي منزله راسها : ابوي والله أهم اللي أصروا علي .. وانا ما قدرت اردلهم طلب كانوا وايد مشتاقين حق أمهم
بوخالد : اذا مشتاقيلها على قولتج .. جان بلغتيني وانا اللي كنت بـ تصل فيها وبخليها تزورهم .. ما تاخذيهم بانصاف
الليالي وتوديهم يشوفوها وبالدسيه .. انا ما ادري شو صايرلج فهالكم .. وايد صايره تحكمي عواطفج !! وعقلج تعبان
روضه وادموعها اربع اربع : ابوي انا اسفه بس انته لو شفت حالتهم جان عذرتني ...
بوخالد يقاطعها : وانتي بتمشي وراء كلام بزر ؟!!اليوم مشتاقيلها وباجر ينسوها !!اللي صار اليوم ما باه يتكرر فاهمه
روضه وهي تتنهد ومنزلة رأسها ألأرض : ان شاء الله ابووووووووووووووويه .. على أمرك .. ما راح أكررها
بو خالد سار صوب حجرته : لا حول ولا قوة الا بالله ..ما ادري اشو مستوي في هـ البيت كل واحد يبا يمشي على كيفه
روضه بضيج : الله يسامحج خالوووه .. هذا جزاتي لأني خليتج تشوفين عيالج !! بس شو اقول غير الله يهديج
احمد بتوتر : محمد اخاف ابوي يقتل روضه هو وايد معصب .. خلنا نروح نشوفها ونتطمن عليها ..
محمد بحزن : نحن السبب لو ما اصرينا عليها كان ما صار اللي صار .. وبعدين ابوي وايد يحبها ما بيقتلها لا تخاف
احمد بضيج:ان شاء الله انا كنت مشتاق حق ماما واحين يوم شفتها ارتحت بس زعلت من خالوه عاليه لانها كذبت علي
محمد وهو يتنهد : انا ودي اتم مع امايه .. بس ما احب خالوه عاليه ويدوه هذيلا شريرات .. ما يحبونا !!
احمد : يمكن خالوه عاليه ما تحبك !! بس يدوه وايد تحبك .. ودايما تمدحك انته .. وانا ما تمدحني يمكن لأنك لـ كبير
محمد : يمكن .. وبعدين انا اكتشفت شي .. تدري ليش يدوه تحبني
احمد ببراءة : ليش ؟؟!!!!
محمد بحزم وهو يقرب صوبة أكثر : بخبرك بس هـ الشي يتم سر بينا وما اباه يطلع .. أنزين ؟؟!!
احمد بابتسامه : اوعدك ما راح اتكلم .. حتى لو خبروني وقالولي انهم مشتريلي هدية عوده ما راح اتكلم والله
محمد وهو يضحك : زين .. يوم كنت صغير سمعت يدوه تقول حق امايه لازم تحبي محمد اكثر لانه بيملك كل ثروة ابوه
احمد ببراءه : وشو يعني ثروة ابوه ؟؟؟!!!! لا يكون تقصد فلوسه !!!!
محمد وهو يتنهد : انا بعد ما اعرف بس ضنتي هذا قصدها .. اصلا يدوه ما تفكر غير بالفلوس
قاطعتهم روضه بحزن : اقدر ادخل ؟؟!!!
احمد ومحمد ركضوا صوبها وتموا يصيحوا فحضنها خااصه احمد وطول الوقت جالس يتأسفلها
روضه بحزن:حبايبي انا بخير ابويه جان شوي معصب بس باجر اكيد بيهداء .. خلااص الحين انسوا اللي صار ورقدوا
::
::
وعنــــــــــــد مشعل آلآجــــــــــــــــــــــــواء كانت مختلفه تماما .. جــو كان يحلم فيه من زمان .. وصار اللي تمناه
مشعل وهو يتأمل السقف : انا في حلم ولا في علم .. اللي صااااااااار اليوم حقيقه ولا واقع
منال بدلع وهي تلعب بشعرها: لا حبيبي مشعل اللي صاار اليوم مش حلم .. ولا نسيت اني وعدتك وهذا انا نفذت وعدي
مشعل وهو يقرب صوبها ويشم شعرها : منـــآل حبيبتي !! بشو تبيني احلف لج اني مستحيل انسى اللي صار بينا اليوم
منال وهي تتنهد وبثقه:من هـ الناحيه انا متأكده!!اللي صار معنا اليوم صعب انك تنساه بسهوله..وراح يتم دوم في بالك
مشعل بابتسامة عريضة وهو يطبع بوسه ع خدها : وليش عاد ؟؟!! لهالدرجه متاكده وعارفه اني احبج !! وانج انتي
بنسبالي حلم .. وأخيرآ تحقق .. آآآآآآآآه منولتي انتي فعلا حلم .. لا ومش بس جذا .. يوم أكون قربج احس نفسي طير
منال بابتسامه ممزوجة بغنج ودلع :ما دريت انه امري يهمك هــ الكثر .. تدري انه الكل يقولي جذا .. مش بس انت!!
مشعل وهو يحاول يخفي غيرتة : انزينه منولتي .. اللي صار اليوم اباه كل يوم يتكرر مش بس اليووووووووم
منال وهي عاقده حواجبها : يا سلام .. لا حبيبي انته اليوم دورك وخلاص خذيت حقك وزود .. الدور الباقي على ربعك
مشعل : منولتي انا احبج ومستعد افديج بروحي ولو تودرين الكل وتختاريني انا وربي اني راح اخليج تعيشي في جنه
منال وهي تضحك بصوت عالي : ومنو قالك اني ابا اعيش في الجنه .. انا مرتاحه جذا .. ومابا احد يتحكم فيني
مشعل يقاطعها : ومنو قال اني بتحكم فيج ؟!! بخليج تتصرفين على راحتج ... وكل اللي بخاطرج تسويه سويه !!
منال وهي تضحك وبدلع وغنج : امممم ويا ترى لو شفت واحد من ربعك وبغيت ارقد معاه انته بترضى ؟؟!!!
مشعل بعصبيه وهو يحس دمه يفور : منال انتي شو تقولين ؟؟!!!! ترى انا عندي كرامه واغار على شرف اهلي ..
منال وهي تمسح على خده : اها وهذا اللي اقصده لك بالضبط حبيبي .. انا ابا اعيش حره ارقد مع اللي انا اختاره فاهم
مشعل بتوتر : منال انتي من صدقج.. الحين انا ابا اخليج تطلعين من مستنقع الرذيله عسب اعيشج معاي معززه مكرمه
منال تقاطعه : مشعل الله يخليك بطل هـ الالفاظ اللي ما احب اسمعها .. واحمد ربك اني عطيتك وجه وخليتك ترقد معااي
مشعل وهو يمسح على شعرها : حبيبتي ترى كل اللي قاعد يصير غصبا علي .. إنتي وصلتيني لـ هنية !! بسبة هـ
الليلة الحلوة .. خليتيني اطمع بأشياء وايد .. والحين صعب استغنى عنج وامحي اللي صار بينا بكل سهوله
منال وهي تضحك بصوت عالي : انزين محمد جابرك تنسى هـ الليله اشو رايك تشرالها برواز!!وتعلقها عندك فالحجرة
مشعل وهو يضحك من خاطر : ما دريت انه دمج خفيف هــ الكثر .. بس لا يق عليج ومسك يدها وطبع بوسة فيها ..
منال وهي تدلع علية : شو نسووي ما بيدنا شي غير نضحك ونعيش اليوم بيووومه .. ولا انتو شو رايك ؟؟!!!
مشعل وهو يتنهد : لا حبيبني عيشي حياتج واستأنسي ... انزين يعني الحين اخر كلامج .. انه هـ الليله ما راح تتكرر
منال تقاطعه وبثقه : مشعل انا حذرتك قتلك بعطيك اللي تباه بس بشرط بلااا طمع وانته وافقت على هـ الشرط .. فدام
انه النفس عليك طيبه خلى هـ الليله الحلوه اللي جمعتنا تعدي على خير .. ولا الحين بخلي الحراس يطلعوك برع
مشعل بتوتر: لا الله يخليج شو يطلعوني ما يطلعوني..!!!!!!!!!!!! خلاااص توبه بسكت وبرضى بالقليل .. آمري لله
منال وهي اطالعه من فوق لتحت : احسن بعد .. لانه الشي لا زاد عن حده ينقلب ضده .. حط هـ الشي في بالك
مشعل بابتسامه : منووووووولتي حبيبتي !! لا تزعلي !! انتي حبي الوحيد ومستحيل اخلي وحده غيرج تدخل حياتي
منال وهي تضحك بصوت عالي : تصدق عاد زين ما تسوا ؟؟!!!!!!!!!!! لا تخلى بنات العالم يبتلشن فيك ...
مشعل وهو يضحك ومستغرب : اشو قصدج ؟؟؟!!!! منولتي ترى بديت أخاف ..
منال بثقه : لا حبيبي امزح معاااااااااااااك .. ولا تشغل بااالك وانسى اللي قلته ...
مشعل وهو يتنهد : اووووووووووف تصدقين خفت فيني عيب لا سمح الله وانا مب شايفه .. طمنتيني الله يطمن بالج
منال بابتسامه : لا حبيبي من هــ الناحيه انته خالي من كل العيوووب .. تطمن
مشعل وهو يضحك : فديتج والله محد يرفعلي معنوياتي غيرج .................................................. ....الخ
::
::
وفـــــــــــــــي بيــــت بو مشعل
ام مشعل بتوتر والخوف واضح عليها : احينه اخوج وينه !!! وربي قلبي بيوقف من كثر ما أحاتيه ...
ميثا بضيج : امايه الله يهداج .. هدي نفسج .. صارلي ساعه ادقله ويعطيني خارج نطاق التغطيه .. بس بتم ادقله !!
ام مشعل: الله يستر اخوج تلفونه مصكر وابوج من يوم طالع من الصبح محد شافه للحين..اخاف صاير عليهم شي !!
ميثا وهي تتنهد : امايه ما بيدنا شي غير نصبر .. وان شاء الله ماا صاير الا كل خير .. لا تقعدي تفاولي مب زين ..
وعنــــــــــــــد بو مشعـــــــــــــل
هنادي بتوتر:بومشعل صارت الساعه1 يمكن عيالك وزوجتك يحاتوك !!!! بطل تلفونك وبلغهم انك عند واحد من ربعك
بو مشعل :هنوده حبيبتي انا اليوم حاب اكون معاج .. مليت من ام مشعل وعيالها .. واذا ما ودج اتم هنيه الحين بروح
هنادي بابتسامه :فديت روحك حبيبي انا ودي اتم معايه العمر كله مش بس اليوم لكن اكيد عيالك وزوجتك خايفين عليك
بومشعل وهو يتنهد : يعني رايج ادق عليهم واخبرهم اني عند واحد من الربع ؟!!ام مشعل ما تمشي عليها هـ السوالف
هنادي وهي تفكر : شووف دق عليها .. وقولها فيه شغله مهمه صارت عندي واستدعت اني اسافر وباجر برجع
بومشعل بابتسامه : تصدقين فكره حلووووه !!! عطيني التلفون الحين بتصل عليها ..
هنادي بابتسامه : تفضل حبيبي ..... هاك التلون
ميثا وبدت تتوتر : امايه بصراحة احس اعصابي تلفت .. ابوي ومشعل اختفوا فـ نفس الليله تتوقعين احد اختطفهم ؟!!
ام مشعل بخوف : اشووو ؟؟!! انتي شو تقولي ؟؟!!! انزين واشحقه يختطفوهم من زينهم يعني ..
ميثا وهي تتنهد : امايه اخاااف ام غاده وصت احد من اهلها يختطفهم .. وعقب يضربوهم عسب تنتقم منج وتقهرج
ام مشعل بتوتر : لا لا .. اصلا ام غاده مالها احد مقطوعه من شجرة ..
ميثا وهي تسمع تلفون امها يرن : امااايه هذا تلفونج ردي يمكن ابوي ولا مشعل متصل .. الرقم غريب !!
ام مشعل بخوف وحاطة يدها على قلبها : آلـــــــــــــــــــ ..................ـــــو
بومشعل وهو يضحك عليها بس ما حب يبين عسب ما تشك: بلاج تتكملي معاي وصوتج متقطع.. شي يعورج ؟؟؟!!
|
19-03-10, 10:31 AM
جديد مواضيع قسم القصص المكتمله
العرض العادي
