من آحــــــــدآث آلـــــلــــــحظة الـــــــــــرآبعة
ام محمد بعصبيه : انا عمري ما راح اسامحك يا سلطان ع الرمسه اللي فريتها قدام عيالك ..بصراحة احرجتني
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
ام محمد فخاطرها: اه يا ابو خالد لازم اخلي روضه تندم على كل اللي سوته اليوم وبنشووف انا والا اهي فهالبيت انا اقول لو انزوجها ونفتك من شرها احسن ما ادري كيف مستحمله هالموضوع من باجر بدورلها على ريال عساه حتى لو شيبه المهم ارتاح من شكلها واعرف اخذ راحتي فبيتي بس والله لاذوقها الويل صبري شوي علي ياروضه وبتعرفين مع منوه يالسه تلعبين انا اراويج .. مسوية علينا حساسة
~~~~~~~~~~~~~~~~~~~~~~~~~~~~~~~
مريم فخاطرها : مالت عليج يا فاطمه أي عايله تقصدين انتي مب مكانج هنيه انا اللي لازم اكون في هالبيت والايام بتثبت لج يا فاطمه اوف صج انها رازه بويها .. ما اطيق اشوفها مول الله يصبرني عليها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
روضه : انزين يا خالد خلنا نتكلم بالمنطق اللي انت تشوفة ..افرض طلعت اتحبها نفس ما انت متوهم وانا متأكده انه المشاعر اللي مسيطرة عليك مشاعر شفقة لا اكثر وما فيها أي معنى للحب تتوقع ابويه بيوافق على هالعلاقة؟؟!!

~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~~ ~
مريم وهي تمسك حمود من ايده : حمود الله يخليك لا تروح انا يايه اليوم بس عسب اكحل عيني بشوفتك
حمود وهو قافط وقلبه بداء يدق بسرعه : مريم الله يخليج خليني اسير اخاف احد يشوفنا
مريم وهي تضغط على ايده : حمود انا ما عاد يهمني احد كل اللي اباه من هالدنيا بس انت مب قادره اعيش من دونك حمود انا احبك اللي قاهرني ليش خليتني بكل سهوله وسرت وتزوجت وحده غيري
حمود بضيج : انا ما خليتج يا مريم بس لين متى بتم اترياج وامج ردتني اكثر من مره انا انسان عندي كرامه ومستحيل اسمح احد يهينلي كرامتي اكثر من جي تقولي اني خليتج انتي اللي خليتيني يا مريم انتي اللي بعتيني برخيص توسلتج توقفين في ويه امج وتاخذين قرار بس للاسف حطمتيني يا مريم غرورج وطمع امج دمرني يا مريم انا اللي انجرحت في النهايه مب انتي

آللــــــــــــــحظة آلــــــــــــرآبعة
آلفصـــل آلآولــ

ميثا بعصبيه : مشعل شو ف انا بسوي اللي عليه وعقب ما بدخل فشي فاهم ولا لا وااذا رفضتك انا مالي دخل
مشعل فخاطره : ههه مسكينه يا ميثا بعدج ما تعرفين مشعل واذا روضه ما يات بالطيب بيبها بالغصب والايام بيني وبينج وبذكرج
وضحك مشعل ضحكة سخرية وسار صوب حجرتة ..

في بيـــــــت بــو خالد
الاجواء كانت متوتره بين بو خالد وام محمد
ام محمد بعصبيه : انا عمري ما راح اسامحك يا سلطان ع الرمسه اللي فريتها قدام عيالك ..بصراحة احرجتني
بو خالد : انتي شوفيج قتلج كنت احاول اهدي فروضه ما شفتي كيف حالتها .. وانتي الله يهداج ما سكتي
ام محمد : والله انا شو يخصني تجرحني بس عسب ترضى عيالك
بو خالد : لا حول الله انتي ما تشوفين حالتها كيف !! تبيني اقسى عليها
ام محمد : شوف يا ابو خالد انا تحملتك وايد مب يكفي صابره عليك .. وعلى عيالك
بو خالد : شو تقصدين من هالرمسه
ام محمد : شوف يا ابو خالد انا تزوجتك بس لاني حبيتك وكنت اتمنى اكون من نصيبك ربيت عيالك قلت ما عليه باجر بيكبرون وبيقدروا اللي انا سويته حقهم بس اللي انا يالسه اشوفه عكس اللي تخيلته الكل يالس يسب فيني .. ولا واحد فيهم ذكر اللي انا سويتة له ؟!!!! احسهم ما يحبوني
بو خالد : احينه منو سبج ومنو غلط عليج مب رازيه علي هالكلمه اللي عقيتها عليج
ام محمد: حتى ولو جان لازم تحترم وجودي .. تراضي بنتك بكم كلمة حلوة !! بس بدون ما تجرح فيني
بو خالد : انتي ع العين والراس وانا لو ما احبج كنت طلقتج من زمان بس انا للحين اعز ام خالد وللحين قدرها كبير فقلبي .. يعني تبيني اقص عليج واقولج اني نسيتها .. وانتي اكثر وحده تعرفين انها ما غابت عن بالي
ام محمد بعصبيه : ولييييييييييييييييييه انته شو سالفتك احينه كل شوي ام خالد هاي لو ما ميته ....
يقاطعها بو خالد بعصبيه : سمعي يا ام محمد الا هذي اذا غلطي عليها بقص لسانج قص ..و ثمني كلامج
ام محمد وهي تداري دمعتها : انته قد هالرمسه
بو خالد : قدها ونص وخليني ارقد ترى حدي تعبان.. لعنبوج ما تخلين احد يرتاح كله تحنين على راسي
ام محمد وهي تصيح : بو خالد لهالدرجه متلوع مني .. ومب طايق وجودي معاك
بو خالد : انا ما قلت جي بس سوالفج تغث الصراحه لعنبوه حتى فبيتي مب عارف ارتاح .
ام محمد : انته تحب عيالك اكثر مني
بو خالد : انتي مريضه ولا شو سالفتج ؟؟ّ!! لو تخوزين هالافكار السوده من راسج احسن لي ولج
ام محمد بضيج : انا بسير ارقد مع اليهال
بو خالد : ام محمد اكسري الشر وقري مكانج
ام محمد: خلاص دام انك اصريت بيلس
بو خالد وهو يضحك ويقول فخاطره : سبحان الله حريم..هذا اللي فالحات فيه بس يدلعن والله حاله..الله يصبرني
ام محمد : ها بشو تفكر اذا ما تبا تشوفني في الحجرة عادي بسير ارقد ويا عيالي .. ما ابا اثقل عليك
بو خالد : لا فديتج يلسي وتراج غاليه يمكن اقسى عليج اوقات بس اتمين ام عيالي
ام محمد بابتسامه : انزين بو خالد انا مستعده اخدم عيالك بعيوني بس ...
يقاطعها بو خالد : بس شو يا ام محمد
ام محمد : اباك تحترمني جدام عيالك وما باك تجرحني نفي ما سويت فيني اليوم
بو خالد : افا عليج الغاليه ان شاء الله كثر ما سويتها ما بسويها خليني اريح عاد يكفي بلاوي الشغل ع راسي
ام محمد : خلاص فديتك ريح راسك شوي .. وعسى الله يعطيك العافية ويقويك
بو خالد : الله يعافيج الغاليه
ام محمد فخاطرها: اه يا ابو خالد لازم اخلي روضه تندم على كل اللي سوته اليوم وبنشووف انا والا اهي فهالبيت انا اقول لو انزوجها ونفتك من شرها احسن ما ادري كيف مستحمله هالموضوع من باجر بدورلها على ريال عساه حتى لو شيبه المهم ارتاح من شكلها واعرف اخذ راحتي فبيتي بس والله لاذوقها الويل صبري شوي علي يا روضه وبتعرفين مع منوه يالسه تلعبين انا اراويج .. مسوية علينا حساسة وما تتحمل أي كلمة
بو خالد قطع حبل افكارها كان يسألها سؤال وما ردت عليه : حوووووه ام محمد ..
ام محمد وهي متخرعه : هاه بو خالد تبا شي
بو خالد : لا بس من الصبح يالس ارمس وياج وانتي ما تردين عليه اللي ماخذ عقلج يتهنا فيه
ام محمد اونها مستحيه : ومنو بياخذ عقلي غيرك انته يالغالي
بو خالد بابتسامه : الله يزيد المحبه ولا يفرق بينا ان شاء الله .. ناوليني حبوبي نسيت آخذهم اليوم
ام محمد : الله يسمع منك ونقهر كل حسوووود .. ثواني واجيبهم لك
بو خالد بحيره وهو يزقر عليها : ام محمد وقفي شوي .. من الحساد اللي تقصدينهم لا يكون خالد وروضه
ام محمد بتوتر : لا لا ما قصدت حد معين تعرف الحساد وايد ..عاد انته لا تاخذ الامور بحساسية..دومك ظالمني
بو خالد : شوفي يا ام محمد خذيها قاعده دامج حاطه عيالي فعيونج انا بعد بحطج فعيوني واذا رخصتي فيوم بقدر واحد منهم تعرفين شو بيستوي.. وما يحتاج اعيد وازيد في هالموضوع ..
ام محمد بتوتر : الله يهداك بس ليش تنرفزت !! ان شاء الله بحطهم فعيوني تامر امر .. كم بوخالد انا عندي
بو خالد وهو ياخذ نفس عميق : ادريبج راعية واجب
ام محمد :.. رجعت لافكارها السودا ويلست ترسم وتخطط بحد تقدر تاخذ منه سناره وتعلقها فروضه عسب تقدر تقضي عليها .. - يعني يكون عندها شريك فخطتها –

~ ~ ~ ~ ~ ~ ~ ~ ~ ~ ~ ~
فــــي غرفة روضــــه آلآجواء كآنت متوترة ويكسوها بعض من الحزن
روضه وهي ماسكه صورة امها وتصيح : اميه انا ما ادري الايام اليايه بدونج كيف بتكون؟ّ!! يمكن انا ولا مره شفتج ولا حسيت بحنانج بس عارفه بداخلي انه الام تبقى ام فحنيتها فطيبتها في كل شي .. اه يا اميه انا حاسه انه الايام اليايه بتكون وايد ثجيله عليه من دونج.. بس ما عرف شسوي ساعتها لمنو إلجاء ولمنو أروح ابويه تكفيه مشاكله ويا زوجته وكل مشاكلهم عارفه انها بسبتي واخويه خالد مسكين يكفي ضغوط ابويه عليه وانه يحاول يقنعه انه يشتغل وياه فالشركة وخالد للحين مب قادر يتخلص من هالشي ويركز على هوايته
اه يا اميه خايفه أطيح طيحه وما احصل حد يوقف ويايه .. اميه انا وعدتج اني اكون قريبه من الكل .. واساعدهم وهذا اللي يالسه اسويه فعلا بس احينه احس نفسي ضعيفة .. اميه انا جد محتاجتلج انتي وينج؟!
ورقدت روضه بدون ما تحسوهي حاضنة صورة امها الجديمة ودمعه كانت مغطيه ملامح وجها البريء
خالد جان يرسم ويتخيل الموقف اللي صارله عند خوله .. حس انه في شي غريب شده لهالبنت بس شو هو للحين مب عارف ؟؟ وفي داخله مليون سؤال بس مب عارف كيف يجاوب عليهن .. وحس نفس كأنة فدوامة
كمل خالد رسمته ولما طلع من بحر افكاره ورجع للواقع شاف انه رسم نص ملامح خوله على الورقة
خالد بابتسامه صغيره مخلوطه بحزن:ياربي الظاهر هالبنت ما بتخليني في حالي كيف جات على بالي ورسمتها
- خالد وهو يالس يفكر في السالفه اللي استوتله ظهرت ملامح خوله جدامه وكمل رسمته بدون ما يحس-
خالد وهو يكمل تأملانه ومركز على الصورة : آنا موت واعرف ليش مب قادر اشيلها من بالي ..
اه ياربي ساعدني حاس نفسي بنفجر .. اللوم ذابحني .. عمري ما جرحت إنسان وهي اول شخص اجرحه
بس الحق ينقال عليج عيون ذباحه أي حد يشوفهن يغرق فيهن بدون ما يحس .. والظاهر هذا اللي صارلي

أصبحت الهواجس رفيقة خالد فلم يعد يميز بين الحب والشفقة فقد تكون مشاعر خالد نابعة عن شفقة مما فعله وقد تكون مشاعره تحولت الى حب جارف لذلك الوجه الملائكي الذي حرك كل خليه في جسمه فالرجل دائما يغرق في الحب عن طريق عينيه على عكس المرأه التي تغرق عن طريق اذنيها !!

فــــــــــــي بيت بوخــــــــــــــــولـــــه
خوله طول الوقت كانت سرحانة ومب قادرة تنسى اللي صار لها
مها هم بعد سار فكرها ويا هلال وكانت تتمنى لو هلال يرجع ويتعشى عندهم .. عشان تشبع من شوفتة
حمود جان طول الوقت متوتر لأنه عارف انه نظرات مريم تلاحقه فأي مكان يكون فيه
فاطمة ظلت طول الوقت مستغربه من توتر حمود وتبا تعرف شو فيه ؟؟!
ساره كانت خايفه من أي تصرف يصدر من مريم .. وطول الوقت نظرها كان مركز عليها على شان ما تغلط
يعني الاجواااء كانت شبه متوتره .. وكل واحد فكرة مشغول بشي
بس الاجواء عند الشياب كانت مختلفه تماما كله سوالف وضحك
بو حمود : ان شاء الله تنعاد هالزياره يا ابو هلال .. طولتوا علينا محد شافكم من زمان
بو هلال وهو يضحك : ان شاء الله كل يوم بتعشى عندكم .. كم سعيد انا عندي
بو حمود يقاطعه : لا عاد مب كل يوم مابا افلس الصراحه
بو هلال بابتسامه : عاد انته اخويه العود ولازم تصرف علي
بوحمود: حشا منو قالك اني اخوك العود اللي يشوفك يقول انته اكبر عني .. انا بعدني فعز شبابي
بو هلال: بو حمود تراك انته وايد شايف نفسك على شو ما ادري
بو حمود : والله من حقي عمري فالأربعين بس اللي يشوفني يقول في العشرين
بو هلال يقاطعه : يا شيخ لا تصدق روحك أخاف تتحطم بعدين .. واللي قالك هالحكي تراه يجاملك
بو حمود : شوف احسب جم شعره بيضاء فراسك وانا بعد بحسب وعقب بنحكم
بو هلال : اذا بتحكم ع الشعر الابيض لا بالله انا بسحب كلامي
بو حمود : افا عليك يا ابو هلال ترى الشيب وقار
بو هلال : خلاص عيل تعادلنا انته الاحلى لكن انا الاعقل
بو حمود : خلاص شو رايك نحكم حمود امبينا .. احسه ما معنا .. طول الوقت ساكت ويفكر
بو هلال بابتسامه : شباب اليوم من صغرهم واهمه شالين هموم مالها داعي يدوروا أي شي وينشغلوا فيه
بو حمود وهو يطالع حمود : حمود اللي ماخذ عقلك يتهنا فيه
حمود ما انتبه حق ابوه وتنهد تنهيده كانت طالعه من اعماق صدره خلى الكل مستغرب
بو حمود وهو يرفع صوته ويطقه ع راسه : حووووووه حمود بلاك أبويه ساكت وشو اللي مكدر خاطرك
حمود بتوتر:هاه ابويه اشو قلت ؟؟! كلمتني ؟؟!!
بوحمود : اه كنت قاعد اكلم بقال الحارة واخبره شو الاغراض اللي ناقصة..هيه كنت يالس اكلمك وانت سرحان
حمود بابتسامه : اعذرني ابوي ما انتبهت عليك سهيت شوي .. في موضوع شاغل بالي
بو هلال يقاطعهم : لو مب معرس قلنا ما عليه نطوفها لك بس انته معرس وعندك عيال
حمود بابتسامه : بما انه عندي عيال لازم افكر كيف بكبرهم وبشغلهم
بو حمود يقاطعه : حمود انته من تبداء تتكلم ما ياي تسكت قوم خلنا نسير صوب المسيد ضني انه أذن
بو هلال : هيه والله أأذن يالله نشوا .. قبل لا تروح علينا الصلاة
حمود : يالله على رايكم يالشياب محد يقدر يكسر كلامكم
بو حمود وهو اونه معصب : محد شايب غيرك يالله طوف جدامي .. حمود يوم شاف ردة فعل ابوه تم يضحك
~ ~ ~ ~ ~ ~ ~ ~ ~ ~ ~ ~ ~ ~
ام حمود وهي تزاقر ع مها : مها فديتج سيري شوفي ابوج سار يصلي ..
مها : اميه الله يهداج يعني احينه بتخليني اسير برع .. ابوي حريص على الصلاة فوقتها يعني اكيد سار
ام حمود وهي معصبة عليها : أي برع تراج بتسيرين الميلس وكلها خطوتين .. بس تفلسف وسيري شوفيه
مها بدلع : بس اميه انا يالسه ألاعب ميود .. وإذا خليته بيحشرنا بصياحه .. تعرفيه يموت علي
ساره وهي تضحك: مصدقة روحج انتي !!عطيه مريم وقومي بنسير رباعه من زمان ما دشيت ميلس الرياييل
مها وهي اطالعها بنص عين : يالله اتحسب تبين اطالعين شي تراه شرات ميلسنا بس هذاك خارج وميلس الحريم فالصاله .. ولا تخافين ما فيه شي تغير بعده نفس اول .. تمي مكانج اخيرلج ومالي خلق اطلع
ساره : اوف منج قتلج طوفي جدامي لعنبوه ما مليتي من البيت خلينا نسير نتمشى فالحوش
مها : اها قولي جي من الصبح .. بس ترى اخويه فهد مب هنيه .. انا خبرتج وانتي عاد بكيفج
ساره اتقاطعها : ياشينج لي قمتي تنكتين وانا شو يخصني بفهد ان شاء الله
مها قالت جذا عشان تفهم اذا سارة تميل حق فهد ولو شوي : ما ادري قلت يمكن تحبيه على غفله
سارة وبدون ما تحس : فديتج القلب ما يملكه إلا شخص واحد ؟؟!!!!!!!!!!!!!!
مها باستغراب وحست انه سارة في احد فحياتها وقالت بخوف: شو تقصدين ساروة انتي حد فحياتج صح ؟؟!!
ساره بتوتر : هاه لا محد الله يهداج بس كنت يالسه اسوي سوالف .. يالله عاد خلينا نروح
مها وهي تتنهد وحست براحة عقب جواب سارة : اوف خرعتيني اتحسب حد فحياتج
ساره وهي مستغربة من تصرفات مها وتحقيقاتها : ليش مها صاير شي !!!!!!!!!!!!!!!!!!!!!!!
مها : لا فديتج بس كل اسرارج معايه عسب جي اسأل .. وخفت تكوني مخبية شي منية ولا مناك
ام حمود وهي معصبه : مهوي انتي للحين يالسه
مها وهي اطالع ساره : وليه الظاهر اميه عصبت قومي خلينا انسير خوالي بتسيرين ويانا
خوله : لا فديتج بيلس عند مريوم وخالتي حدي مشتاجتلهن
مريم بابتسامه : اشتاقتلج العافيه فديتج
مها : خلاص عيل يالله نحن نترخص
ساره وهي تسحبها : لعنبوه انتي وين سايره الا الحوش يالله لا تعطلينا ..

خوله : شحالج مريم خبريني شو مسويه في الدراسه
مريم : الحمدلله الدراسه عالي العال
خوله : يالله موفقه حبيبتي هانت هاي اخر سنه وبتفتكين من عوار الراس
مريم : الله يسهل فديتج دعواتكم بس
فاطمه بابتسامه : اكيد بندعيلج فديتج منو قدنا بيصير عندنا دكتوره في العايله
خوله : هيه والله يا فاطمه لي مرضنا بنسير عند مريم تعالجنا

مريم فخاطرها : مالت عليج يا فاطمه أي عايله تقصدين انتي مكانج مش هنيه انا اللي لازم اكون في هالبيت والايام بتثبت لج يا فاطمه ؟!! اوف صج انها رازه بويها .. ما اطيق اشوفها مول الله يصبرني عليها
خوله تقطع حبل افكارها : هاه مريوم شو بلاج ما رديتي لا يكون تضايجتي من كلامنا
مريم : لا فديتج بس سهيت شوي وتعرفين هاه اخر سنه وحدي متوتره
ام هلال : لا تتوترين ولا شياته وانتي ما شاء الله عليج ما مقصره .. مقطعة الكتب
فاطمه : صدقها خالتي انتي طول الوقت حابسه نفسج فحجرتج!! و الله ماا يضيع نصيب كل مجتهد
مريم رجعت تسرح في بحر افكارها : ما تعرفين يا فاطمه انه كل اللي استوالي بسبتج انتي والله لا اخليج تدفعين الثمن لانج خذيتي شي مب من حقج والايام بينا ولا تسوين روحج انج طيبه !! لانج راح اتمين فنظري وحده رخيصه بس ما ادري كيف حمود حبج وخذاج .. وع مالت تربية شوارع ..
ميره كانت جاية صوب امها تركض وفيدها كوب ماي بدون ما تنتبة تعثرت وطاح الماي على مريم
مريم من كرهها لفاطمه ما قدرت تتحكم باعصابها وعطت ميره كف خلاها اطيح ع الارض

~ ~ ~ ~ ~ ~ ~ ~ ~ ~
مها وساره كانن يتمشن في الحوش
مها : تصدقين !! احسن يوم طلعنا !! الاجواء هنيه وايد حلوه
ساره : هيه والله هواء عليل زين الجو رومنسي
مها : تعرفين شكلي بسير اجيب دفتر مذكراتي وببدع
ساره : الا صح مها ما قلتيلي متى بتخليني اقراه
مها : لا يالشيخه شو تقرينه ؟؟!!! قالولج الدنيا فوضه .. ولا انا مدلمغة
ساره : افا ليش مها مب نحن ربع ّ!!!!!!!!!!!
مها اتقاطعها : هيه انتي رفيجتي وبنت عمي واخبرج كل شي فما يحتاي تقري !!!!! كل الاخبار عندج
ساره : امزح وياج فديتج ادري انه هالشي من خصوصياتج
مها بابتسامه : يمكن فيوم اخليج تقريه بس انتي لا تستعيلين .. يمكن يكون عقب عشر سنين
ساره : حشا عشر نسنين !!!!!!! يالله شو ورانا نصبر .. وبنشوف شو تاليتها معاج
مها : شو رايج انسير نتمريح فالمريحانه
ساره وهي تشد مها من يدها: وناسه احلى شي ونتذكر ايام الفطولة يالله تعالي
وفجأه سمعوا صراخ ياي من صوب الصاله وتصلبن مكانهن
مها وهي حاطه يدها ع قلبها : اسم الله اشو مستوي
ساره بخوف : ما ادري خلينا نسير صوب الصاله
مها : يالله عسى خير يارب .. آخآف ماما صار عليها شي .. هالأيام السكر وايد يرتفع عليها
~ ~ ~ ~ ~ ~ ~ ~ ~ ~ ~ ~ ~

في آلكــــــــ شووب ــــــــوفي
هلال وفهد كانوا يالسين ويا ربيعهم سعيد يسولفون
فهد : سعيد ألا ما قتلي شو اخر اخبارك
سعيد : والله عايش نفس ما انتوا شايفين مستانس ومرتاح ..
فهد : وشو مونسنك ونسنا معاك يا اخوي
سعيد : فهود لا تيلس تسوالي سوالف !! اللي مونسني صعب تفهمه أحين !!يوم تحب بتعرف شو معنى الراحة
هلال : سعود الله يعينك على فهد بيجلس يحن ع راسك لين ما يطلع كل شي بداخلك
سعيد : خله هلول انا بشوفه وين يبا يوصل .. بس لو يبوس ايدي ما راح اخبره
فهد وهو يتصرف بشطارة عشان يوقع بسعيد : سعود انزين قولي ها اللي تحبها شفتها..!! وكم مرة ؟!
سعيد بدون ما يحس: هيه شفتها مره وحده كانت طالعه من الجامعه مع اختي وبنت عمها تقريبا
هلال وهو يساير فهد عشان يخلوا سعيد يقول كل شي: انزين حبيتها جذا من اول نظره ما صار امبينكم اتصال
سعيد وهو مب داري عن هواء دارة ولا حاس بشي : اه بس والله نظره من عينها وضربتني بسهامها
فهد وهو ميت ضحك ويطالع هلال اللي كان نفس الشي يضحك من خاطر:هلول الظاهر الاخ متورط ورايح فيها
سعيد وهو يفكر فـــ ........................ وبداء يشل شلة :
كنت اظن الحب في وسط القلوب
اثر حبك مالي الدنيا علي
دايم مشرق ولايعرف غروب
منور ونوره تعدى كل ضي
كان حبك غلطتي ماراح اتوب
راح احبك لو كواني الحب كي
لي فواد في هواك دايم يذوب
من عرفتك وانت عندي كل شي
هلال بابتسامه : الا متورط ومتورط .. عاش بوعسكور صح اللسانك الشيخ
سعيد بابتسامة : ومن قال سالم .. ورجع يفكر بــــ ............ وتاه بفكره معها
فهد وهو يشوف هلال رجع يسرح مره ثانية وضربة في يده : حشا يا سعيد لهالدرجه ميت عليها
سعيد وإنرسمت دمعه على عينة : شو بلاكم ما تفهمون احبها احبها احبها .. ورب الكعبة آحبها
هلال وهو يضحك : تصدق سعود يا حظها هالبنت بــ صراحه عرفت تختار .. واحد رومنسي وكل ما تذكرها شل شلة وعطاها هذيك القصيدة الغاوية .. يعني ايامها كلها راح تكون رومنسية فــ رومنسية عطنا شوي
فهد بابتسامة : والله يا سعيد انت بالذات غالي ع قلبي والله يوفق امبينكم
سعيد : الله يقدرني بس واحقق لها كل اللي تتمناه ..
هلال بابتسامة : افا عليك يالغالي انا اختي لو كنت تحبها ما تغلى عليك .. بملكك عليها وببلاش بعد
فهد يلس يطالع هلال .. هلال ما فهم هذيك النظرة وما عرف كيف يفسرها .. بس وتر الجو شوي
هلال وهو يغير الموضوع : شو رايكم اطلبلكم نسكافيه .. او شي بارد تبردون على قلوبكم
فهد : هلول ايلس تونا شاربين ما لحقنا .. بعدين بعدين ..

الفـــــصل الثانيـ

هلال وهو يغير الموضوع : شو رايكم اطلبلكم نسكافيه .. او شي بارد تبردون على قلوبكم
فهد : هلول ايلس تونا شاربين ما لحقنا .. بعدين بعدين ..
هلال وهو يدلع عليهم : بيلس بس بشرط ابا سعيد يشللنا شله بصوته الغاوي
فهد وهو يضحك : اكيد هلال سعود راعي واجب وما بيردلك طلب صح سعيد
سعيد بابتسامه : حاضرين للغاليين

"اكذب عليك" ان قلت( ماني) بمشتاق
واكذب\عليك ان قلت:: حبك نسيته
{..ناظر عيوني شوف تأثير الاشـواق
شوف الفرح|| وشلون عقبك جفيته
الامتى وانا انتظــر لحظـــه لقــاك
الامتى والحزن,, هالقلب بيته
الامتى والهم ينحــت بالاعمـــــاق ××
واسقيه من فرقاك دمع بكيته
ياصاحبي شـف خاطـري مابعد راق
بنفس الطريق اللي ابتدا< وانتهيته
تعبت اجمع مابقالي من اشــــواق
واقول ليت خلي "يفهم) ياليته
ياقو قلبك وانت محرقنــي احـــراق
ارفق بحال اللي ذكرك ونسيته...
فهد وهو يصفقله : صح اللسانك الغالي..
سعيد بابتسامة ممزوجة برضى : ومن قال سالم ان شاء الله
هلال وهو متحمس ع الاخر : حشا مب صوت عليك سعود طر طر ما شاء الله عليك.. أخاف احد يحسدك
سعيد هو اونه معصب : حشا احينه بتبطني بعين !!!!!!!! هذا وانا مسوي فيك معروف
هلال وهو يبوس راسه : اسمحلي الغالي توبه امسحها بويهي .. وبعدين انا عيني باردة
فهد وهو يضحك عليهم وتذكر ناصر وحركاتة الصبيانية اللي ما تخلص : سعود الا ما قتلي وينه ناصر.. اشتقناله
سعيد با بتسامه : والله ناصر بتحصله فواحد من هالسناتر يدورله على صيده .. ما ادري متى بيحط عقلة فراسه
هلال : حشا هالريال مب ياي يتسنع ابد..
سعيد :يالله ما ينلام شاب وطايش .. بس قلبة ابيض وينحب على طول .. وهذا اللي محلي شخصيته
فهد : انا تعبت من كثر ما انصحه واقوله خاف على بنات الناس..يرد يقول انا ما عندي خوات فكيف تباني اخاف عليهم
سعيد : والله يا فهد تراك حارق اعصابك ع الفاضي هذا نصور وهاي حركاته وهالشي مب جديم عليك
هلال : نصور طيب بس لو يتسنع ويصير ريال بيكون ونعم الرجل
سعيد : انا اقول نخليه فحاله يمكن فيوم من الأيام يطيح طيحه وبيتعلم اروحه من اخطائه
هلال: وليه يا سعود ونحن بنيلس نترياه لين يطيح .. هذا ربيعنا وما نرضى له الغلط
فهد : نترياه شو ورانا .. اهم شي تدعوله بالهداية
سعيد يقاطعه : هيه والله احسن شي نتريا ولا نحرق اعصابنا وهو ولا مهتم .. انحرقت اعصابنا ونحن ننصح
هلال وهو يلطف الجو وبجدية : خلوني بس اشوفه انا اراويه
سعيد بخوف : هلول الله يهداك استهدي بالله هالامور ما تنحل بهالشكل
هلال وهو ميت ضحك : سعود شو بلاك تخرعت ؟؟!!!!!! تراني بس اسولف
سعيد بابتسامه : والله انته ما يندرى فيك متى تكون جاد ومتى تنكت يا اخوي ارسالك على بر
هلال : ههههههههههههههههههههاااي ان شاءالله يوم اكبر
سعيد وهو يضحك : الله يقطع سوالفك يا هلول
فهد يقاطعهم: سعود اليلسه وياك حلوه بس تاخرنا عندنا عزيمه في البيت
سعيد بدون قصد : هيه ادري فديتك
فهد : سعود شو دراك ..!!!!!
هلال : صدقة فهد نحن ما خبرناك منو خبرك هاه لا يكون حاط جواسيس
سعيد وهو يحاول يمحي اثار التوتر من وجهه : لا بس خمنت .. لا تسووها سالفة
فهد : وعلى أي اساس خمنت
سعيد واعصابة فلتت : حشا انتوا محد يمزح معكم.. انا قلت جذا وخلاص
هلال : سعيد هدي نفسك ليش عصبت
سعيد بتوتر : لا مب معصب ولا شياته
فهد : سعيد الله يهداك هدي نفسك اشوي ترى انا ما قصدت شي
سعيد : انته اللي اسمحلي يافهد بس انا اعصابي هاليومين تعبانه وصاير اتنرفز بسرعه
فهد : الله يعينك حاس فيك هذا أكيد كله بسبة الحب
هلال : سعيد الله يعينك على ما ابتلاك يالغالي
سعيد : يالله انا بعد اترخص تاخرت عن البيت .. ووراي تحضير ... وقام عنهم وخلاهم والحيرة تملا عقولهم
هلال وهو يطالع فهد : حشا ما قلنا شي شو بلاه تنرفز جذا
فهد : ما ادري والله اروحي مستغرب .. احيانا تصرفاتة غريبة .. لا يكون هذا بسبة البنت اللي يحبها
هلال : والله ما ادري .... يالله احين قوم خلنا بعد نحن نسير تعرف الشياب بيمشكلونا .. وانا مب ناقص محاضرات
فهد: يالله عيل توكلنا .. اسبقني علي السيارة .. بدفع للحساب وبلحقك

كان سعيد غارق في الحب حتى الجنون فالقلب حينما يحب لا يتقلب وحينما يحب يخلص وحينما يحب لا يستطيع أن يبيع الوعد و العهد !! لهذا لم يستطع احدا ان يفهم ما يدور في عقله الكبير
~ ~ ~ ~ ~ ~ ~ ~ ~ ~ ~ ~ ~
بيت بو خــــــــــآلد
روضه نشت وحصلت نفسها راقده ع الارض
روضه بضيج : وليه الظاهر راحت علي نومه و صارت الساعه 11 .. احسن شي انش اشوف خالد اذا يبا عشاء
سارت صوب حجرة خالد وكانت مستغربة اول مره ما تسمعه مشغل موسيقى كلاسيكية .. فعرفت انه مب قاعد يرسم
روضه وهي دق الباب : خلود انته ناش ولا راقد
خالد وهو ياخذ نفس عميق وبابتسامة : لا رواضي حدري فديتج شو قالولج عني ديايه ارقد من الحين
روضه وهي تضحك: ما ادري تصير مرات .. قلت يمكن من التعب راحت عليك نومه
خالد بخوف: رواضي شو بلاهن عيونج مورمات جذا
روضه بابتسامه : الله يهداك خالد لا تشغل بالك بس راحت علي نومه وانا مب دارية عن شي كنت اكلم وميثا وبعدها ما دريت شو صار؟؟ و ما حصلت روحي الا وانا راقدة ع الارض .. يمكن من التعب نمت .. وبعدني ما درست حق باجر
خالد : تصدقين حتى انا رقدت بدون ما حس .. كان راسي مشغول شوي
روضه : اكيد من التعب فديتك .. ولا مشغول في السالفة اللي صارت ............... وقبل ما تكمل كلامها لمحت صورة خوله وأول ما شافتها تصلبت مكانها وعلى طول توترت : خالد اشو هذا .. ليش هالصوره هنية
خالد بضيج : والله ما أدري كنت سرحان وأفكر في الموضوع وماسك الفرشاه وهذي كانت النتيجة .. يعني غصبا علي
روضه : يا سلام .. تتحراني ياهل جدامك وبتضحك علي هاه .. خالد ليش رسمتها شو اللي خلاك تسوى جذا
خالد : شوفي يا روضه انا بقولج كل اللي بخاطري بس حاولي تفهميني .. وتقدرين موقفي
روضه بخوف : واشو هذا اللي فخاطرك بعد .. خلود ترى صرت اخاف من تصرفاتك .. بديت احس انك مراهق
خالد : سمعي يا روضه من يوم ما شفت خوله وطول الوقت هي فبالي حتى فاحلامي قمت اشوفها ..
روضه اتقاطعه : إنزين .. ادري ضميرك يأنبك بس شو المطلوب مني تباني ادور عليها واطلعها لك من تحت الارض
خالد بضيج : الله يخليج ياروضه لازم تساعديني خلينا نروح المكتبة كل يوم يمكن اشوفها مره ثانية والصدفة تجمعنا
روضه : خالد تبا الصراحة انته عاطي الموضوع اكير عن حجمه إنسى الموضوع خلاص ..
خالد : روضه انتي شو بلاج مب راضيه تفهميني ... فيه بداخلي مشاعر مب قادر افهمها وما بفهمها إلا إذا شفتها
روضه وهي تتنهد : آها وصلنا مربط الفرس .. شوف يا خالد يمكن كونك تفكر فيها وخليتها رسمة من بين رسماتك .. بس اللي في بالك مش صح .. لانه صعب يصير فثواني فاهم علي.. عسب جذا طلعها من راسك وانسى اللي صار
خالد وهو يتنهد : روضة انتي مب فاهمه علي .. وبعدين الحب يصير فثانية وحده وخولة وقفت جدامي دقايق
روضه بضيج : انا هذا اللي قدرت افهمه منك ومن رمستك .. افكر فيها وفكل مكان اشوفها !! بالله ها شو معناته
خالد : روضه فهميني الله يرحم والديج احس نفسي لو ما شفتها واعتذرت منها بجن .. لازم افهم اللي قاعد يصير فيني
روضه : انزين يا خالد خلنا نتكلم بالمنطق اللي انت تشوفة ..افرض طلعت اتحبها نفس ما انت متوهم وانا متأكده انه المشاعر اللي مسيطرة عليك مشاعر شفقة لا اكثر وما فيها أي معنى للحب تتوقع ابويه بيوافق بهالعلاقة ؟؟!!
خالد : مع انه كلامج غريب بس راح اجاوبج على حسب الافتراضات اللي فرضتيها .. يعني كونها عمياء تنحرم من كل حقوقها إفرضي انتي مكانها شو بيكون شعورج وهي تتكلم عنج بهالشكل .. هي من حقها تتزوج وتعيش حياتها