كاتب الموضوع :
راعية الفزعة
المنتدى :
القصص المكتمله
وفـــــــــي بيــــت بو خـــــآلد
محمد واحمد كانوا زعلانين على روضه وشالين عليها من خااطر .. وكانوا حابين يتكلموا عندها
روضه بابتسامه : احمد محمد بلاكم كل ما اكلمكم محد يرد علي ؟! لا يكون ما سمعتوني وانا جالسة ازقركم ؟َ!
احمد بعصبيه : روضه نحن ما نحبج .. انتي كذبتي علينا .. خبرتينا البارحه انج بتودينا عند امايه بس ما شليتينا
روضة وهي تتنهد : اها ... يعني عشان جذا انتوا زعلانين وماخذين على خاطركم .. وما حابين تتكلموا معاي !!
محمد : رورو انتي يوم مش قدر الكلمه اشحقه تفريها .. جان خبرتينا انج ما بتشلينا .. عسب ما تأملينا على الفاضي
روضه بابتسامه : انزين انا جان ودي اوديكم البارحه .. بس انتوا بروحكم شفتوا الحاله .. ابووي جان عازم ربعه وما
راحوا عنه الا يوم صارت الساعه 10 .. وانا بصراحه مابا اطلعكم من البيت فها الوقت المتأخر .. علموني شو أسوي
محمد يقاطعها وبعصبيه : لا أتمي أدوري اعذار!! قولي انج ما تبي تودينا وخلااااص .. انتي اصلا ما تحبين امايه !!
روضه تقاطعه وبضيج : لا محمد لا تقول جذا .. انا عمري ما حقدت عليها ولا كرهتها بس كنت ازعل من تصرفاتها
احمد بضيج وبعصبية : لا انتي كذابة ... انتي عمرج ما حبيتيها !! وابوي طردها من هـ البيت بسبتج ..
روضه بضيج : احمد حبيبي منو علمك تقول هـ الكلام هاه ؟!! انته توك الصغير .. وهـالكلام وايد كبير عليك وصدت
صوب محمد .. محمد معقوله انته اللي زرعت هـ الشي بداخله.. ما تعرف انه توه صغير وحرام تقوله نفس هـ الكلام ..
محمد بتوتر وهو منزل راسه الأرض : بس هذا اللي صار !!! وانا ما كذبت عليه .. قتلة الصدق ..
روضه بضيج : لا حول ولا قوة الا بالله .. الحين هذا كيف افهمه ؟! اسمعني محمد اشو رايكم اوديكم بااجر؟!! الحين
صارت 9 ونص واذا طلعتكم الحين .. ابويه بيحس علينا .. وعقب بيعصب علي .. ويمكن يزعل علينا كلنا !!
احمد بضيج : ابوي الحين راقد وما بيدري بشي نحن بنسير بس نص ساعه وبنرد والله ما بنتم معها وايد
محمد بضيج : روضه اذا تحبينا وتبي راحتنا وما تشوفينا زعلانين .. قومي ودينا عند امايه والحين !!!
روضه وهي تتنهد : يا ربي .. هذيلا شكلهم راكبين راسهم .. احسن شي اوديهم ..وابوي راقد واكيد ما بيدري بطلعتنا
محمد بتوتر : هاه روضه بتودينا ولا نسير نرقد !!!
روضه بضيج وباقتناع ممزوج بشويت خوف : خلاص بوديكم .. الحين خلوني اتصل على الدريول .. عسب اخليه
يجهز السياره .. ونفس ما وصيتكم هـ الموضوع سر بينا..ومابا أحد يعرف عنه شي ..عشان ما يوصل الخبر حق أبوي
محمد واحمد مع بعض : ان شااااااااااااء الله .......... بس ودينا
روضه بتوتر :عطوني بس ثواني .. بسير أجيب عباتي وراجعه .. تموا هنيه ولا تتحركون من مكانكم زين !!
محمد بحماس وهو مستعجل : خلااااص رواضي ..ما بنتحرك يلا عاد سيري هاتي عباتج ..ما نبا نتأخر اكثر عن جذا ..
::
::
وفـــــــــــــــــــــــي بيـــــــــــــت آم محمــــــــــــد
ام محمد كانت جالسة تصيح من خاطر : اه يا عاليه والله مشتاقة حق عيالي .. صارلي أسبوع ما شافيتهم ..
عاليه بعصبيه :هيه انتي ما شفتيهم ولا همه سألوا عليج ..طالعي ولدهم !! عرس وعزموا الكل !! وانتي ولا حد عبرج
ام محمد بضيج : بس انا محد يهمني فذاك البيت غير عيالي .. ابا اشوفهم وخلااص .. اباهم يعيشوا معاااي
عاليه تقاطعها : ما ضنتي بيرضوا يعيشوا معاج .. معقوله بيودروا ذاك العز وبيجوا يعيشوا فهالبيت الصغير.. مستحيل
ام محمد وهي تتنهد : بس انا امهم .. وما ضنتي الفلووووس بتكون اغلى من اللي ربتهم وسهرت على راحتهم
عاليه تقاطعها : ام محمد لا اضحكيني الله يخليج !! انتي من يوم تزوجتي بو خالد .. وما فيه شي هامنج غير الفلوس
والسهرات والفشخره جدام ربيعاتج ... بوخالد اشترالي وبوخالد كتب عماره باسمي .. وعيالج قاطنهم على روضه هي
اللي تربيهم وتسهر على راحتهم .. ولو ما روضة !! كانوا الحين بتحصليهم يتكلمووا فلبيني شرات بشكارتهم سوزي
ام محمد بعصبيه : يا سلام الحين جاية تلوميني؟! مب انتي وامج تميتوا تحنوا على راسي هذا ريال عنده خير .. واكيد
بيخليج تعيشي شرات الملكة .. وانا كنت صغيره وبعدني ما فاهمه الحياة .. تحريت الزواج بس سهرات ووناسه
عاليه وهي تضحك : حووه انتي تقصين على منو يا حلووه .. !! وين صغيره حرام عليج ؟؟!! نسيتي جم جان عمرج
.. كنتي داخله على ثلاثه وثلاثين وتقولي كنتي صغيره .. الا قولي لو ما بوخالد كنت الحين معنسة .. وقاعدة عند امج
ام محمد بعصبيه : حتى ولو !!! واشو دراج اني بعنس ؟!! يمكن الله كان كاتبلي رزقه زينة عند واحد من عيال الحلال
عاليه تقاطعها : هيه صح كنتي بتاخذين ولد عمج عبيد وبتمي طول عمرج عايشه على الديون .. هذي ألرزقه صح !!
ام محمد : عاليه الله يخليج ساعديني انا ابا عيالي .. اخاف روضه تأثر عليهم وتعبي راسهم وعقب تكرهم فيني
عاليه:لا روضه هذي خبله وما ضنتي بتكبر راسهم عليج ..المهم خلينا من هـ الموضوع الحين ..ليش ما تكلمي بوخالد
ام محمد تقاطعها وبتوتر : اشو اكلم بو خالد ؟؟!!!! انزين وشو اقوووله ؟؟؟!!! تعال ورجعني ...
عاليه : هيه ما فيها شي .. قوليله ع الأقل رجعني عسب اربي عيالي وما يطلعوا معقدين ..
ام محمد بعصبيه : لو الموت ,, ما راح أرد حق ذاك البيت.. انتي نسيتي اللي سواه فيني طردني وبهدلني جدام خلق الله
عاليه وهي تتنهد : ما عليه اصبري .. بو خالد كله أمراض وما باقيله شي وبيتوكل .. فكري في عيالج .. اكيد روضه
بتحن على راسهم وبتخليهم يسوون توكيل حق خالد وعقب بيلعب بالفلوس على كيفه ولا بيهمه لا اخو ولا اخت
ام محمد بتوتر :بوخالد يموت؟!!هذا قطوا بسبعة ارواح ..ما ضنتي بيموت بالسهوله هذي ..انا صح احبه بس عياله؟!!
عاليه تقاطعها : وانتي شو عليج بعياله الزم ما عليج نفسج وفي الخير اللي بيهل عليج شرات السيل وبنفتك من هالفقر
ام محمد : لا انا باخذ حقي بس بايدي .. والزم ما علي كرامتي .. هو طردني ... وهو اللي لازم يرجعني
عاليه تقاطعها وبعصبيه : صدق انج وجه فقر ..خلي هالكرامه تنفعج وسمعت الباب يدق..منو جاينا في هالوقت المتاخر
ام محمد : اي متأخر !! توها الساعه 10 .. يمكن وحده من الجيران تبا سكر ولا قهوه ... قومي بطلي الباب ..
عاليه باقتناع : ان شاء الله .. عسى خير يااااااااااااااااا رب
محمد بابتسامه : روضه اكيد الحين امايه بتفرح لما تشوفنا .. اكيد بتكون مشتاقتلنا ...
روضه بتوتر : هيه اكيد بتستانس .. عسى ابوي بس ما يحس علينا .... وربي لا درى بيبهدلني بهدلة محترمه
احمد بابتسامه وعيونها مبين عليها الفرح : رواضي ليش قاعدة تكلمي نفسج ؟؟!!!
روضه وهي تمسح على راسه:لا حبيبي بس كنت جالسة افكر بصووت عالي..لا تنسوا الاتفاق اللي بينا بس نص ساعه
عاليه اول ما بطلت الباب شافت احمد ومحمد واستانست تحرت بو خالد جايبنهم بس اول ما لمحت روضه تشاءمت
محمد واحمد على طول دشوا وساروا يركضوا صوب امهم .. ام محمد اول ما شافتهم خذتهم فحضنها وتمت تصيح
عاليه بدون نفس : حدري روضه لا اتمي واقفه برع .. ولا عشان البيت مش قد المقام .. ترى نظيف
روضه وهي اطالع ساعتها وتتنهد : لا عاليه الموضوع مش مسألة قد المقام !!!! بس ما اقدر أتأخر ..
عاليه بابتسامه عسب تسحب روضه بالكلام : ما عليه حبيبتي .. أختي وايد مشتاقة حق عيالها خليهم معاها شووي
روضه وهي تتنهد : انا والله ودي يتمون معها اكثر بس ...............................
عاليه تقاطعها وبضيج : تعرفي انها كانت في المستشفى؟!وتمت هناك أسبوع كامل ..لا والدكتور خبرنا انه صار عندها
حالة اكتئاب ..ولازم ندير بالنا عليها..ومانسوي شي يزعلها..عشان خاطري لا تكدري خاطرها وخليهم معها بس شوي
روضه بخوف : من صدقج انتي .. خالتي كانت في المستشفى ؟؟!!! إنزين ليش محد خبرنا ...!!!
عاليه وهي اونها مضايجه : انا كنت ناويه اخبركم بس لما سمعت من الناس انه خالد بيعرس ونحن محد خبرنا .. قلت
ما يحتاج أخبركم .. الظاهر انها طلعت من حياتكم خلااص .. وما صار لها أي أهميه .. عسب جذا انطميت وسكت
روضه بحزن:كيف ما خبرناها ونحن موصيين ابوي يبلغها..وطرشنالها بطاقة دعوى..اكيد بلغها وهي ما حبت تحظر
عاليه وهي تتنهد : يمكن بلغها !!! تعرفين اختي كرامتها فوق كل شي .. الا ما علمتيني منو اللي جابكم اكيد بوخالد!!
روضه بتوتر : هاآآآآآآآآآآآه .......... لا ابوي تعبان وراقد .. قال حق الدريول يوصلنا .. بس وصانا ما نتأخر ..
عاليه بابتسامه : انزينه تفضلي لا اتمي واقفه عند الباب .. خليهم ربع ساعه عند امهم وعقب توكلوا
روضه بضيج : خلاااص صاار ... اهم شي خالتي ام محمد تكون مرتاحه .. أخاف يصير لها شي لا سمح الله !!
عاليه فخاطرها : هيه صدقتج .. من متى اختي تهمج ؟!! اكيد الحين مسويه حفله ليش انها طلعت من البيت .. اصلا
هذا كان حلمج من زمان .. يا حسافه بس .. تعبت عليج لحد ما كبرتج !!!!!! وجازيتيها بالطرد صدق انج قوية وما
تذكري الناس اللي سوت فيج خير!!!! بس مب مشلكه .. الظاهر وراء جيتكم هنيه سر كبير !! وتوترج أكبر دليل
...!! بس مب مشكلة الحين بفهم كل شي وبطريقتي .. وصدت صوب روضه وتمتمت.. حي الله روضه تفضلي الغاليه
روضه فخاطرها :بلاها هذي اطالعني جذا تتحراني مب عارفه انها سبب كل البلاوي اللي انحطت على راسنا صدق قوية
|
19-03-10, 10:23 AM
جديد مواضيع قسم القصص المكتمله
العرض العادي
