مها وهي تضحك : الووووو ساره وينج الووووووووووو ... ساروتي .. وليه هذي صكرت !! صدق ما تستحي !!
فهد وهو يداري دمعته : مهاا كنتي تتكلمي مع ساااره ؟؟!!!!!!!!!!!
مها بتوتر : فهد من متى انته هنيه ؟؟!!!!!!
فهد بضحكة ممزوجه بحزن وهو يبلع ريقة ويضغط على أيدة بقوه : صدق انتي وساارره بتتزوجون في ليله وحده
مها وهي تتنهد : هيه توها داقه !! وكانت قاعدة تخبرني انه هلال وسعيد رتبوا كل شي !!وبنتزوج في نفس اليوم !!
فهد أول ما خلصت مها كلامها قعد يتنفس بقو !!وجهه صار شاحب !! تمنى الدنيا تنشق وتبلعه ولا يشوف سارة تنزف
حق ربيع عمره سعيد .... لملم اجزائة المتناثرة وتمتم بحزن ممزوج بآآهآآآت : يلا .. الله يوفقهم ان شاااء الله
مها وهي تحاول تغير الموضوع وتمتمت بابتسامة : فهوووووود !!!!! صدق اجلت سفريتك عسب تحضر زواجي
فهد ما رد عليها !! طلع التلفون وعلى طول دق على حموود
حمود بضيج : وليه ما حصلت حجز حق الاسبوع الجــاي !! ما فيه غير هـ الاسبوع!! وحالة فهد ما تستدعي التاخير
شسوي الحين .. ماشي حل غير اسير صوب ابويه واحاول اخليه يكلم فهد ويفهمه!!ومها اكيد بتقدر هالشي وما بتزعل
ولمح تلفونه يدق وشاف رقم فهد وعقب رد عليه : الوووو هلا فهد ...... الطيب عند ذكره
فهد بضيج وهو يداري دمعتة : حمود قصيت تذاكر ولا بعدك ؟؟!!!!!!!
حمود بضيج : لا بعدني ما حصلت !!! ما فيه حجوزات غير هـ الاسبوع !! وانته راكب رااسك الا تسافر الاسبوع
الجاي !! انا أقول لو أطيعني وتخلانا نتوكل ونسافر!!واذا على مها خلها علي انا بفهمها !! أهم شي خلنا نحجز ونرتاح
فهد بضيج وكان مبين على صوتة الحزن:وانا دقيتلك عسب هـ الموضوع !! إذا حصلت حجز خلال هـ الاسبوع ! توكل
على الله !! راجعت نفسي وحسيت أنه ماله داعي للتأخير !! وع قولتك التأخير مش من صالحنا – قالها وهو مختنق
حمود وهو مستغرب من كلام فهد : فهد انته من صدقك ؟؟!! الحين ما وقت مصخرتك !!
مها أول ما سمعت كلام فهد ما قدرت تستوعب انه بيخليها وبيسافر !! كانت محتاجة يكون قربها !! عسب يزفها حق
هلال !! وراحت صوبة والحزن مرسوم على ملامحها !! وعيونها بدت تدمع !! فهوود بلاك ؟! مو على اساس بتحضر
زواجي !!! اشحقه تغير رايك !!! وبعدين حطها في بالك ؟! انا ما راح أتزوج الا اذا انته كنت معاااي وزفيتني لهلال !!
فهد بضيج : حمود سواء اللي خبرتك عليه ولا رجعت البيت افهمك !! وياليت ما تبلغ احد بخصوص هـ الموضوع ؟!!
حمود والحيرة بدت تسيطر علية : ولو اني مب فاهم عليك !! ولا عارف شو اللي ناوي علية بالضبط ؟!! بس دامك
مصمم خلاص !! أتوكل على الله وأحجز !! وان شاء الله ما راح أبلغ أحد باللي صار !! لحد ما أفهم السالفة منك !!
فهد وهو ياخذ نفس عميق : خلااص عيل زين ما سويت ؟؟!!! لا خلصت مر علي وبفهمك السالفة !! يلا بخليك ..
حمود :على خير اول ما اخلص بجي صوبك وصكر التلفون وقعد يتسائل بينة وبين نفسة !! ياربي بلاه فهد ؟!!! من
شوي جان راكب راسه وما يبا يسافر !! شو اللي خلاه يغير راية في لحظة ؟؟؟!!!! فعلا غريبة !! اناا اروح احجز
الحين !! ولا سرت البيت أجلس معاه وافهم منه شو السالفه .. واشو اللي ناوي عليه بالضبط !!!!
مها بضيج : فهد ليش ما ترد علي !! وشو هذا اللي سمعتة من شوي !! من صدقك انته تبا تسافر وما تحضر زواجي
!! فهد أبوس ايدك لا تخليني وتروح !! افهمني انا محتاجة لوقفتك معاي !! مابا أتزوج ولا واحد من اخواني موجود !!
فهد يقاطعها وهو يقرب صوبها ويمسح دمعتها وتمتم بحزن : كان ودي احضر زواجج !! وازفج حق هلال !! بس
عقب اللي سمعته!!ما ضنتي بقدر اكون هناك ؟! واتمنى انج تفهميني وتقدري موقفي !!كل اللي قاعد يصير غصبا علي
مها بتوتر ودموعها اربع اربع : فهد انته قصدك ساااره ؟؟!!!!!!!!!!!!!.
فهد وهو يتنهد ودمعة ارتسمت على خدة : انا كنت ناوي أأجل موضوع السفر !! لاني كنت عارف ومتأكد انه زواج
ساره بيكون في الاسبوع اللي بسافر فيه !! وسفري بيخفف علي الصدمة !! بس عقب اللي سمعتة الحين ما أقدر !! ما
أقدر أتم هنية لحظة وحدة !! ما ودي اشوفها تنزف لا قرب الناس لي !! ما استحمل اشوفها تستوي حرمة اعز ربعي
!! وراح يجر بكرسية صوب مها !! مها أول ما شافتة جلست ع الأرض وعقبها فهد حط راسه على كتفها وقعد يصيح
بحرقة !! وتمتم بحزن !!! مها إنتي أكثر وحده لازم تفهميني !! وتقدري موقفي !!
مها اول ما شافت حالة هلال تضايقت وتمت تصيح معاه وعقب لملمت نفسها وتمت تمسح على راسه وتمتمت بحزن :
آآآه يا فهد !! قبل ما يصير عليك الحادث !! سمعتك انت وهلال قاعدين تسولفوا عن واحد اسمه سعيد !! وانا ما كنت
فاهمة السالفة !! بس عقب ما وصلنا خبر انه صار عليك حادث !! عقب اتضحتلي الصورة !!سعيد هذا يصير ربيعك ؟!
فهد وهو يهز راسه بالايجاب : هيه ربيعي .. واذا حضرت زواجكم انتي وساره !! خايف انهار وما أستحمل كل اللي
قاعد يصير !! وخايف اعصابي تفلت !! وعقب اقول كل اللي بخاطري !! وساعتها سعيد وساره يفهمون السالفه!! وأذا
درى سعيد اني احب ساره !! اكيد بيعرف انه حالتي بسبب هالشي !! والحادث اللي صارلي راح يلوم نفسة فيه !!
ويمكن توصل انة يكنسل زواجه من سارة.. وهـ الشي اللي ما ودي انه يصير .. عسب جذا ياليت لو تعذريني !!
مها وهي تبوسه على راسه وع طول حضنتة وتمت تصيح بحرقة : عاذرتك يا فهد !! يكفيني قلبك راح يكون معااااي
فهد بابتسامه ممزوجه بحزن : تستاهلين كل خير يا الغاليه .. وبعدين في طلب ثاني ابا اطلبة منج ؟؟؟؟؟!!!!
مها بابتسامه وهي تمسح على راسه : امرني اشو بغيت مني !! وأي شي تطلبة ؟!! أعتبرة صاااار !!!
فهد وهو يتنهد : مابا احد يعرف اني بسافر هـ الاسبوع !! فهمي الكل اني بسافر عقب ما احضر زواجج زين !!
مها وهي تتنهد وعيونها توسعت ع ألأخر : حتى امي وابووي ؟؟؟؟؟؟!!!
فهد بابتسامه ممزوجة بحزن : موضوع أمي وأبوي بنخلية على حمود !! وهو بيعرف يتصرف وبيفهمهم ع طريقتة !!
كل الي يهمني الحين انتي؟!ما باج تزلي قدام سارة وتخبريها بالموضوع!! اذا حد عرف تأكدي انه في بيوت راح تنهدم
مها بابتسامه : خلاااص فهد !! من ناحيتي انا تطمن !! هـ الموضوع بيتم سر بينا !!! اهم شي انته ترجعلنا بالسلامة
فهد وهو ياخذ نفس عميق : على خير ان شاء الله !!! وسمعوا صوت خوله وخالد كانوا جايين يسلموا قبل لا يسافروا
مها بابتسامه : الظاهر خوالي وصلت .. يلا تعال !! خلنا نسير نشوفها ونسلم عليها !! باقيلها جم ساعه وبالطير !!
فهد بابتسامه : الظاهر كلنا بنطير يلا عقبالج ..

مها وهي تضحك : لا ما ضنتي بسافر .. هلال شكله ما يحب هـ السوالف .. قالتها بحزن !!!!!!!!!
فهد : انتي تمي حني على راسه وفي النهاية اكيد بيلين .. الرجاجيل كلمتين حلوين يمشوووهم !! طيعيني !!
مها بابتسامه : خلاااص عيل !!! بسوي اللي قتلي علية !!! وعسى الخطة تنجح – كانت تقول العبارة بحماس -
خالد يقاطعهم : ما شاء الله متجمعين الحبايب !!!!!!!!!!!!!! شحالكم ؟؟!!!!
فهد بابتسامه : هلا خالد تو ما نور البيت .. يلا قرب عسب اسلم عليك واخذ اخباااارك
خالد وهو يضحك : هيه بقرب وبسلم عليك .. خشمك .. واما تاخذ سوالفي نحن مستعجلين !! جايين نسلم وسايرين
مها وهي تبوس خوله : وين تو الناس .. خلونا نشبع منكم بالاول !!! وعقب توكلوا
خوله بابتسامه : شو نسوي فديتج ؟؟!! الطياره باقيلها بس ساعتين !!! وبعدنا ما سرنا بيت عمي بوخالد !! ما يمدينا
خوله وهي تسلم على فهد : شحالك فهوود وكيف صحتك احينه عسى اهوون
فهد بابتسامه : الحمدلله بشوفج صرت احسن الغاليه
مها وهي تتنهد : يعني ما فيه امل اتمون معانا ولو عشر دقااايق .. صج انكم ما تستحون !!!!
ام حمود تقاطعها وهي تضحك : لا بيتمون !! جي شو السالفه على كيفهم .. يالله قروا مكانكم وعن الدلع
خالد وهو يضحك : والله عموه ما ودنا نكسر كلمتج !! بس روضه من الصبح حاشرتنا باتصالاتها وابا اسير صوبها
فهد اول ما اسمع اسمها ارتبك وسرح:ياربي انا شو فيني كل ما اسمع اسمها ارتبك واحس جسمي صار حار واتوتر
ام حمود : ما عليه ان شاء الله بتسيرون وبتمون معاها !! بعده عندكم وقت !! واذا طارت الطياره اركبوا اللي بعدها
خالد وهو يضحك : عموه لو السالفه بكيفنا !! جان طنشناها اليوم وسرنا باااجر
ام حمود وهي تضحك : لا السالفه بكيفكم !!! بس انتوا تبوا تدلعون علينا وتبون الفكه منا
خوله بابتسامه : امايه الله يهداج !! شو هـ الرمسه ؟!!! ترى بعدين ازعل عليج وما بكلمج
ام حمود وهي تضحك:حركات الدلع هذي مب علي!!انا عطيت كلمه وماني راده فيها عسب جذا قروا مكانكم وبس هذره
مها وهي تضحك وتصفق : تعيـــــش ام حمود ... تعيش تعيش تعيش
فهد بابتسامه : خالد يلا خلنا نسير صوب مجلس الرجاجيل !! ونخلي الحريم ياخذون راحتهم
خالد بابتسامه : شورك وهداية الله .. يلا عموه من رخصتج
ام حمود بابتسامه : اذنك معااااك خالد ... فهد لا تنسى تتصل بابوك واخوك وتخبرهم انه خالد هنيه
فهد بابتسامه : لا امايه من هالناحية تطمني اكيد بنحصل ابوي هناك وحمود توه داقلي وقالي انه جاي في الطريج
ام حمود بابتسامه : على خير ان شاء الله .. زين سوووويت ..
فاطمه بابتسامه : خوالي انتي هنيه .. وانا اقول البيت ليش مـــــــــنوور ..
خوله وهي تسلم عليها:هلا فطامي منور باهله.. الا وين ميره واميره حدي مشتاقتلهن وميود بعد وينه لا تقولي راقد
فاطمه بابتسامه : لا والله مب راقد توه واعي .. خليته عند البنات وقلت اجي اسلم عليج قبل لا تسيرين
خوله وهي تضحك : ما عليه فديتج !!!! واخبار البيبي اللي فبطنج
فاطمه بابتسامه : الحمدلله ما شي حاله .. يلا خليني اسير ازقر البنات اكيد اهمه بعد مشتاقيلج ويبون يشوفوج
مها تقاطعها : لا فطامي انتي قري مكانج !! عاد بروحج تعبانه .. انا بسير وبزقرهم .. زين
فاطمه وهي تضحك : زين تسوين انتي صاير خفيفه على عكسي انا ؟!!!!!! كنت وحده واحينه صرنا اثنين
مها بابتسامه : ولو تمونين .. عاد انتي حرمة اخووووي ولازم اندلعج يلا من رخصتكم
مريم تقاطعهم : ما شاء الله بنت العم هنيه ومحد خبرني .. الظاهر محد حاطلي قيمة في هالبيت
خوله بابتسامه : ما عليه مريم كل شي صار بسرعه .. وانا ما صارلي عشر دقايق من وصلت
مريم وهي اطالع فاطمه : لا خوله اللي تبون تخبروه خبرتوه وكانوا اول الحضور .. بس نحن لنا الله
مها بابتسامه : مريم حبيبتي فاطمه راعية البيت وانتي توج يايه بعدنا ما تعودنا عليج عسب جذا لا تاخذين بخاطرج
مريم فخاطرها : صج انه هالمها قوية .. واخوي المسكين يتحراها بريئة ومسيكينه وما يبا يكسر بخاطرها يلا مب
مشكله احسن شي اطنشهم واذا اليوم مش متعودين على وجودي بينهمم اكيد باجر بيتعودون وغصبا عليهم بعد

::
::


وفـــــــــــــي بيـــــــــــت بــوخــــــآلد
روضه بابتسامه : حمود حماده تعالوا يلسوا عدالي اباكم فشغله ...
محمد بابتسامه : هاه رواضي اشو بغيتي ؟؟؟!!!
روضه وهي اطالع احمد وجان زعلان ومتكدر : بلاه الحلو سرحان وزعلان وماد بوزه شبرين ..
احمد وهو يصيح : رواضي انا ابا اشوووف امايه حدي مشتاقلها
روضه وهي تتنهد : تعال حبيبي تعال فحضني
احمد ع طول جا صوبها وارتمى فحضنها : رواضي خلي ابوي يرجعها .. انا مشتاقلها وايد .. ابا اشوفها
روضه وهي تبوسه فخده : اممم انزين اشو رايك اوديك معها عقب صلاة المغرب
احمد بنظرات حزن : من صدقج تتكلمين ولا تقصين علي !!! عسب تسكتيني
روضه وهي تهز راسها : لا ما اكذب عليك بس اباك توعدني انه هالشي بيتم سر بينا لانة لو ابوي درى بيزعل علينا
محمد واحمد مع بعض : يـــــــــآ ســــــــــــــــلآم بنشوف ماما
روضه تقاطعهم وبصوت واطئ : اشششششششششششش ابوي احينه بيرجع واخاف يسمعنا !! انا قلت سر !!!!

مر الوقت بسرعه وســـــــآفر خالد مع خـــــــوله
::
::
وفـــــــــي بيت بو حمود جان الكل متجمع ع العشاء .. الا مها كانت مضايجة ومتكدره من يوم ما عرفت بموضوع فهد
فاطمه بابتسامه : امممم بلاه الحلو مضااايج وماله خلق ياكل شي
مها وعينها بدت تدمع : اليوم اول مره احس بالغربه .. بالاول خوله كانت تملي علي المكان بس احينه راحت !!
فاطمه بضيج: تبين الصدق عاد حتى انا مضايجه ! !خوله فعلا كانت مالية المكان !! لو الواحد فينا متكدر وضايق خلقة
!! بتعرفه قبل لا يتكلم وبتجبر بخاطره وبتاخذه فحضنها .. بس تصدقين لما سارت حسيت نفسي وايد مقصره معاها
مها بضيج : انا وايد خايفه عليها .. يا ترى بتقدر تتقبل حياتها الجديدة ..الحين عقب ما طلعت بتشوف وايد ناس واكيد
بتتعرض لمضايقات .. انا خايفه عليها تضعف وتنهار..ليتني وقفت معاها يوم قالت انها ما تبا تتزوج خالد ليتني منعتها
فاطمه بضيج :بس خالد يحبها يا مها واكيد بيوقف معاها ..هو اكيد بيساعدها وبيقدر يخليها تتقبل واقعها مهما كان مر
مها وهي تتنهد : ما ادري بس قلبي ناغزني .. والله قمت اخاف .. خصوصا انها احينه سافرت
فاطمه بابتسامه : لحد متى بنتم حابسينها بين اربع جدران ؟! وكل هذا عشان شو ؟!! بس لأنة خايفين عليها.. مها
خولة لازم تشوف حياتها وصار الوقت المناسب عسب تواجهه صعوبات الحياة !! وزواجها من خالد بيكون لمصلحتها
مها وهي تتنهد : يلا عسى الله يوفقها .. ويسعدها .. ويرجعلها بصرها !! وترتاح من هـ العذاب ....
فاطمه : اللهم امين .. يلا حبيبتي قومي نسير نتعشى !! لا تزعلين امج وابوج !! بروحهم مضايجين ليش أنه خوله
مش هنيه !! والمفروض ما نخليهم بروحهم !! وصدقيني لا نزلنا الحين بنحصل عموة دموعها اربع اربع هههه!!
مها وهي تحضن فاااطمه : مشكوووره فطامي .. انتي فعلا بالنسبة لي اكثر من اخت .. الله يخليج حقي !!
مريم وهي اطالعهم من بعيد : امممم الظاهر يوم عن يوم اكتشف شي !! وفاطمه لها قيمتها في هالبيت بس مب مشكله
كل شي وله حل .. ومثل ما الكل الحين يحترمها باجر اكيد كل شي بيتغير وبيحتقروها !! وبصير انا راعية البيت !!
فاطمه اول ما طاحت عينها بعين مريم طنشتها وسارت عنها !!! ومريم عصبت من هالحركه وفار دمها وصدت صوب
مها وتمتمت بعصبية: احينه بلاها هذي تطالعني جذا ؟! شفتيني غلط عليها ليش حاقده علي وحتى مب راضيه ترمسني
مها وهي تتنهد : والله عاد انتي اللي جبتيه حق نفسج !! وتحملي عواقب هالشي .. خلي حبج ينفعج ؟! عن اذنج
مريم بعصبيه : حشا محد يقدر ياخذ ويعطي في هـ البيت .. الله يصبرني بس هذي مب حاله ؟! شي يقهر ويغث !!
حمود بابتسامه : مريوم حبيبتي بلاج يالسه تتحرطمين !! في شي مكدر خاطرج
مريم بدلع : اووف مليت غناتي احس الكل حاقد علي .. كل ما احاول اتقرب منهم احسهم يبعدون عني
حمود بابتسامه:ما عليه حبيبتي يبالهم فتره لحد ما يتقبلون هالشي .. انا اقول ما يحتاج اتعبين اعصابج لو تردين البيت
مريم تقاطعه وبعصبيه : لا حموود مستحيل ارد البيت .. هـ الفرصة ما تجي دايما !! يمكن وجودي هنيه راح يخليهم
يتقبلون زواجي منك !! واذ اليوم ما يحبوني اكيد باجر بيتغير كل شي !!! ما بيدي شي غير اصبر واحاول اتقرب منهم
شوي شوي !! وأذا فكرت الحين أرجع بيتي !! بكون اتصرف بغباء !! انا لآزم أفرض وجودي !!
حمود وهو يتنهد : تمام حبوبه اللي يريحج !!!!!!!! يلا احينه بسير صوب فهد اباه فمووضوع
مريم وهي تقرب صوبه وتبوسة على خده وبدلع : حمود اليوم بترقد معااي ؟؟!!!!! ولا مع فاطمه؟!!!!!!!
حمود وهو يتنهد : مريم انتي تستعبطين ولا شو سالفتج بالضبط .. يعني كيف ارقد مع فاطمه ناسيه المشاكل اللي بينا
مريم بدلع : بس انا فهمت من كلام فاطمه انكم تراضيتوا !!! وكلها يومين وبتعدل بينا !!!! كل يوم مع وحده !!!
حمود باستغراب : فاطمه خبرتج انه تراضينا !!!!!!!!!!!!!! متأكده انتي ؟!!!!!!!!!!!!
مريم تقاطعه وبخبث : هيه قالتلي وبصريح العباره انه حمود ما يقدر يعيش من غيري حتى لو شاف مني غلط .....!؟
حمود بعصبيه : لا والله .. هذي اشو تتحرى نفسها تتحسبني بزر وتبا تلعب فيني على كيفها .. بعدها ما عرفتني عدل
مريم وهي تلعب بشعره : حبيبي انا قلت لها جذا .. بس هي عصبت وقالت اني انا السبب !! وانا اللي خربتلكم حياتكم
حمود وهو يتنهد : ما عليج منها لا تصدقيها .. انا تزوجتج لاني احبج فاهمه !!!! لا تخلي كلام العذال يأثر عليج
مريم بدلع : ادري حبيبي بس حبيت اتأكد .. يالله مابا اعطلك اكيد فهد صارله زمان ينتظرك
حمود بعصبيه : اوف والله عقب اللي سمعته مالي خلق فشي .. يالله عن اذنج
مريم بخبث : باي باي حبيبي .. اممم الظاهر انه المعركه بدت الحين..واكيد فاخر المطاف انا اللي بفوز وفاطمه
بتخسر!!يلا اخلي موضوع فاطمه الحين !!واسير اسمع اشو اللي صاير بين فهد وحمود وشو هذي الشغله الضروريه
فهد بابتسامه : حشا يا حمود صارلي ساعه انتظرك !!!! انته وينك ؟؟!!!!!!
حمود وهو يبطل ازرار كندورته : والله هـ الحريم ما يخلن الواحد يرتاح !!! كل يوم طالعات بسالفة !!!
فهد وهو يضحك : والله محد قالك تروح وتتزوج !! بروحك جبت الهم لنفسك ! لا تجلس تتحرطم الحين !!
حمود بضيج : ما علينا منهم الحين !! مصيرهم يعقلون ويكبرون راسهم خبرني اشو بغيت مني وليش غيرت رايك؟!
فهد وعينه تدمع بدون ما يحس : دريت انهم خلوا عرس ساره ومها فنفس اليوم !!!!!!!!!!!!!!!!!!!!!!!!!!!!!
حمود وهو يتنهد : هيه امايه بلغتني اليوم الظهر .. بس بعدني ما فهمت اشو دخل هذا فموضوعنا
فهد ودموعها اربع اربع وهو منهار : ما اقدر يا حمود ..ما اقدر اشوف حب طفولتي تنزف لاعز واحد من ربعي
حمود بضيج : فهد انا من زمان كنت ابا اسألك هـ السؤال ؟؟!! اللي بتتزوجه ساره هو نفسة ربيعك سعيد ما غيرة !!
خالد بحزن : من يوم ما خبرني هلال بالسالفه حسيت صدري ضااق وما حسيت بنفسي الا وانا اخذ مفاتيح السياره
وعقب قلت بطلع وبلفلف شوي بالحواير عسب انسى الهم اللي بداخلي بس من كثر الضيج والدموع اللي بدت تنزل
كنها سيل ما قدرت اركز حسيت الدنيا صارت ضباب جدامي وما قمت اشوف الا صورة ساره وسعيد واهمه مع بعض
وبعدها ما سمعت الا صوت ضجة وما كنت قادر افهم اشو اللي مستوي وبداء هالصوت يزيد وعقبها ما حسيت ا لا
جسمي جالس يتقطع وعقبها شفت اني فظلمة سوداء !!وساعتها عرفت اني تعرضت لحادث وما قمت الا في المستشفى