ساره وهي تتنهد : مريوم اشو اللي صاير بينج وبين فاطمه ..؟؟!! المسكينه متقطعة من الصياح!! وانتي ولا على بالج
مريم بعصبيه : يا سلام !! يعني تغلط علي وتبيني اتم ساكته!!مو كافي انها صكتني بكف جدام اللي يسوى وما يسوى!!
ومع ذلك احترمتها ولا رديت عليها !! وفوق كل هذا جاية اطلعيني انا الغلطانه !!! سبحان الله خيرآ تعمل شرا تلقى !!
ام هلال:ساروه انطمي!!انتِ دومج مبديه الغريب على اختج ما ادري متى بتصيري عاقل وبتكبري راسج وبتفكري صح
مريم وهي اونها مضايجه : الله يسامحها بس !! يعتبروني انا الشيطانه وفاطمه الملاك !! يرضيج هـ الشي امايه ؟!!
ام هلال تقاطعها وهي تمسح على راسها : لا حشا ما يرضيني !! انتي تربيت ام هلال !! وطول عمرج عاقل !! عسب
جذا الناس منقهره منج !! وناويين يضروج باي شكل من الاشكال !!! بس انتي ما شاء الله عليج قويه وتعرفين كيف
تاخذين حقج !! وصدت صوب سارة وتمتمت !! مش بعض الناس كل اللي فالحين فيه بس يطولوا لسانهم علينا !!
ساره وهي تهز راسها وبحزن : لا حول ولا قوة الا بالله !!!!! الله يصبرني بس - قالتها بعصبية -!!!! من رخصتكم


::
::


تصكرت الاضواء ودشت خوله على ايقاع رومنسي وكانت شابكه ايدها في ايد خالد (طبعا خالد قرر يدخل معها لأنه عارف انه الناس بتتكلم عسب جذا حب يكون واقف معاها ويواسيها لو تضايقت او سمعت شي )
والكل جان منبهر من جمال خوله .. كانت لابسة فستان أبيض ناعم بحمالتين وفيه كرستالات على الصدر ووردة بيضاء لامه شعرها من صوب والباقي منسدل مع بعض الحركات الناعمه .. .. كانت كيووووت
ام خالد فكان ولا أروع .. كل البنات انبهرن من جمالة .. وحسدآ خولة عليه .....
دشوا على زفة بدت بشعر يمدحوا فيه خولة وخالد !! وعقب أغنية !!.. زفة كانت ولا اروع !! واللي كان كاتبها أبوها مها وفاطمه وروضه اشتغلوا على الموضوع ليل ونهار عسب يطلع العرس بها الشكل .....
وعـــــلى آلمنــــــــــــــــــصة
خالد بابتسامه وهو يشبك إيدة في يد خولة : الف الف الف مبرووووووووووك يا احلى عروووس ...
خوله وهي منزله راسها : الله يباااارك فيك حبيبي ...
خالد على طول مسك ايدها وباسها : فديت اللي يستحون ... تصدقين عاد !! يوم شفتج ما عرفتج ؟!! ما شاء الله
عليج طالعه قمر !! لا مش قمر الا صكيتي عليه !! يا بختي انا فيج !! معقولة كل هـ الحلاوة حقي انا !!!!!!
خوله بابتسامه ممزوجة بخجل : خلووود حبيبي لا تبالغ عااد .. بسك من كثر ما تمدح !! أخاف اطيح من طولي !!
خالد وهو يشبك ايده في ايدها ويضغط عليها بقو : أحلى شي إذا طحتي !! عسب اخذج وأشرد !! وعقب تم يتأمل
عيوونها ويتذكر أول لحظة جمعته مع خولة !! عيونها كان تدمع !! ووجها كان شاحب !! والحزن مرسوم على
شفايفها اللي كانت ترتعش وهي تصرخ وتقولهم ودوني البيت !! بس اليوم شاف خولة ثانية !! خولة بس بعيون
مرسوم داخلها لمعة !! يمكن من كثر فرحتها !! شفايفها ترتعش بس مش من الخوف هـ المره !! وجها صار منووور
يختلف تماما من ملامح الوجة اللي شافه اول مره !! جلس يتذكر كل الاحداث اللي تعرضولها !! يوم طنشتة اسبوع
كامل وما ردت علية !! يوم قالت انها تلاعبت بمشاعرة !! يوم خبرتة بصريح العبارة انها تكرهه !! بس كل هذا ما كان
طالع من قلبها !! دمعت عينة وهـ المواقف تدور في راسه وتتردد في فكرة !! مسح دمعتة وتمتم بحزن خووالي احبج
خوله وهي منزل راسها وبابتسامه : انا بعد احبك خالد !!!!! الله يقدرني واقدر اسعدك .........
خالد يقاطعها وعيونه بدت تتلألأ:لا حبي من هالناحية انا متآكد قلبج الطيب وروحج الصافيه كافيه تكون سبب لسعادتي
خوله بابتسامه ممزوجه بخجل : الله لا يحرمني منك يا روحي ..... ما أعرف حياتي كيف بتكون من غيـــرك !!

::

::

وطبعا الصالة ما خلت من التساؤلات الكل جان يتسائل ليش خالد دخل مع خوله ؟! وليش ما دشت بروحها ؟؟!!ومريم
طبعا ما قصرت !! ردت على كل تساؤلاتهم وخبرتهم انها عمياااء !! عسب جذا خالد جان معها !! عشان محد يشك!!
مها بعصبيه : احينه اموت واعرف !! هذيلا كيف عرفوا انه خوله عمياء !! الكل يالس يتشمت !! اللي يقول كل هـ
الجمال يروح على وحدة عمياء ؟؟!! والثانية تقول ؟؟!! واحد لة سمعته في السوق يزوج ولدة عمياء !! واللي ترد
عليها وتقولها أكيد صاير بينهم شي وجبروة يتزوجها ؟!!! والله شي يقهر !!اخاف خوله تسمع شي لا سمح الله !!
وعقب تتضاايج وتنقلب فرحتها !!!! ليلة حزن طويله صعب انها تنتهي بكل سهولة !!!! الله يعدي هـ الليلة على خير
مريم بابتسامه مكر واونها مضايقة : والله ما ادري ؟!! جان زين لو اعرف !! وربي لأطيح في سب من اللي يحبة قلبج
فاطمه وهي تتنهد : مهووي غناتي !! احين ليش مكدرة خاطرج !! كلام الناس لا يودي ولا يجيب !! كلهم مقهورين
وغيرانين ليش انه خالد أختار خـولة من بين كل البنات !! وما صد على بناتهن !! وبعدين اصوات الاغاني تارسه
المكان !!فأكيد ما راح تنتبه!! وكلها ساعه ويخلص كل شي !! وكل واحد يروح في حال سبيلة..لا تخافي ما بيصير شي
ميثا كانت سرحانه ووتذكر كلام مشعل : اذا بغيتي شي سوي كل شي!! حتى لو اضطريتي تتخلين عن اغلى ما تملكي!!
فالغايه تبرر الوسيله !!! كلام مشعل فعلا صح !! وبعدين احس الامور كلها بدت تتسهل !! والنقطه اللي فصالحي انه
حرمة خالد عمياء وما تشوف !! فسهل اني اقضي على حياتهم وبكل سهوله !! اول خطوه لازم اسويها احسن علاقتي
مع روضه .. وعقب ابداء العب لعبتي واقرب خالد مني شوي شوي !! وبعدين اضرب الضربه القاضيه واطلع خوله
من حياته وللابد ... لا ومش بس جذا ... راح أخليها في عينــة ما تسوى شي !! راح احول حبه حقها لكــرة وبغض !!

ام مشعل تقطعلها حبل افكارها : احينه هذا تخبل ياخذله وحده عميا ؟؟!!! الف وحده تتمناه صدق انه مينون
ميثا بثقه : ما عليه امايه هذا نصيب .. بس انا متأكدة خالد ما بيقدر يتحملها !! كلها يومين على بعضة وعقب بيحس
بقيمتي !! وبيطرد هـ الدخيلة من حياتة !! صدقيني أماية خالد ملكي !! ملكي انا وبس !! وراح يرجعلي وعن قريب
ام مشعل : الله يسمع منج ان شاء الله .. انا ما ادري ليش احس انج من نصيب خالد !! واحساسي عمره ما خاب ..
ميثا تقاطعها وبثقه:معليه امايه كلها شهر شهرين بالكثير وتطلع من حياته!!وساعتها بيبوس يدي عسب اوافق اتزوجه
ام مشعل بحيره : واشو اللي يخليج واثقه ومتأكده هالكثر !!! ميثاني اشو اللي ناوية علية علميني ؟؟!!!
ميثا بابتسامة مكر : تربيتج الغاليه .. والايام بينا وبذكرج ... المسألة يبالها شويت وقت !!مع شويت خطط مدروسة !!
ام مشعل بابتسامه عريضه : الله يسمع منج !! ابوج اكثر واحد بيستانس لا تزوجتي خالد !! خالد هذا بالنسبة حق
ابوج ورقة يا نصيب !! بطلعنا فووق وعلى الراحات !! وراح نلعب بالخير لعب !! وبنصير من الشخصيات المهمه !!
ميثا ما كانت تسمع امها شو تقول !! انظارها كانت مركزة بس على خالد وخولة !! كانت بتاكلهم بعيونها !! تمنت
تكون هي مكان خولة بس عقبها ضحكة بطريقة غريبة !! أقربها للتحدي !! و تمتمت.. ما عليه تهنوا الحين !! بس
وربي ما ارح اخليكم في حالكم !! وراح اخلي حياتكم جحيم !! راح اكون الطيبة والشريره في نفس الوقت !! وساعتها
بقدر اسوي اللي براسي !! وانا متاكده انه الورقة الرابحه بتكون عندي !! آآآه يا خالد !! بعدك ما عرفت ميثا عدل

::

::

خالد بابتسامه وهو يبوس جبهتها : خوالي حياتي ما كأنه بس !! يلا خلينا نروووووح !!
خوله بخجل : خلوود الله يهداك ليش مستعجل !! تو الناس !! بعدها ما صارت الساعه 12
خالد يقاطعها واونة معصب : يا سلام !!!!! اشو رايج انتم هنيه لحد الفجر ؟؟!!!!!!
خوله وهي تضحك : عااادي انا مواااااااااااافقه !!!!!! وما عندي اي اعتراض !!!
خالد وهو يبتسلمها ومسك يدها وباسها : فديت هـ الضحكة !! يلا الغاليه سلمي على اهلج وخلينا نروح
خوله بابتسامه وباقتناع لانها عارفة طبيعة خالد لا حط شي براسه يسوية : ان شاء الله حبيبي تامر امر
طبعا الكل عرف انــه خالد بيطلع مع خــولة خلاص !! وجاء الكل وسلم !! والناس بدت ترجع لبيوتها وما بقى الا فهد!!
فهد جان جاي يسلم على خوله بكرسية المتحرك !! وعقب ما سلم تمت انظارة تدور على روضة !! اول ما شافها راح
صوبها !! روضة كانت سرحانة وتفكر باللي صار بالمستشفى !! وتحاول قد ما تقدر تداري دمعتها !! بس قطع حبل
افكارها صوت فهد!!هنية حست كل جسمها بداء يعرق !! يديها قامت ترتعش !! رجولها خانتها وما قدرت توقف !!
تمنت تكون قاعدة تتخيل الصوت !! وانا فهد مب قاعد يكلمها !! مشاعرها صارت متلخبطة !! ودقات قلبها زادت !!
فهد بابتسامه وهو يكرر سؤالة مره ثانية : شحالج رووووووووووووووضه
روضه هنية عرفت انه فهد يكلمها !! ومب قاعدة تتخيل !! وع طول دمعتها نزلت !! بس مسحتها بسرعة وتمتمت
بصوت واطئ حزين بدون ما ترفع عيونها من على ألأرض : يسرك الحال ؟؟!!!! انته شخبارك كيف صحتك احينه ؟؟!!
فهد وهو مستغرب من تصرفاتها وبابتسامة : الحمدلله نحمد الله ونشكره !!! ربج كريم
روضه وعيونها مركزة على الأرض : الحمد لله هذا اهم شي !!! خلا ايمانك بالله قوووي !! ولا تيأس
فهد وهو مستغرب من حركاتها شوي : ونعم بالله !! بصراحه انا حبيت اشكرج على وقفتج معاايه !! ما قصرتي
روضه أول ما سمعت كلامه دارت فيها الدنيا !! معقولة عرف اللي سواه فيني !! معقولة سمعني يوم اصارحة بحبي
لة .. لا لا مستحيل !! يمكن يتذكر موضوع الماي بس !! هو ما كان في وعية !! طول الوقت قاعد يهلوس !! وأكبر
دليل أنه شافني بصورة حبيبة قلبة سارة !! وردت علية بحزن : ولو ما سوينا غير واجبنا .. ما يحتاج تشكرني ..
فهد بابتسامة:ولو كلمة الحق تنقال ..انتي ما قصرتي وملزوم اني اشكرج ..وبعدين ليش مب راضية تحطي عيني بعينج
روضه أول ما سمعت هـ الكلام ما استحملت حست نفسها بتجن لو ما قالت اللي بخاطرها !! وتمتمت بحزن !! وكان
ودها فهد يفهم كل كلمه تقولها : فهد محد يلومك !! صعب انك تحب شخص وعقب تشوفه راح حق أعز ربعك !!
فهد والخوف انرسم على ملامح وجهه : روضه انتي اشو تقصدين من هـ الرمسه
روضه وهي اداري دمعتها طاحت عينها بعينه !! شافت في عيونة لمعة حاولت تفسرها بس ما قدرت على
عكسه هو شاف في عيونها ظلام حالك اسود وقطعت افكاره وهي تعلق على كلامة وبحزن .. الايام هي اللي بتوضحلك
انا شو اقصد؟! يلا احينه من رخصتك.. وأول ما خلصت كلامها أشاحت بوجهها عنه ! وجراء سيل من الدموع ع خدها
فهد بتوتر : رووضه تعالي بعدني ما خصلت !! ياربي هذي اشو قصدها !!معقوله تعرف شي عن موضوعي انا وساره
روضه راحت صوب الحمام وتمت تصيح هناك : ياربي انا شو سويت اخاف بهالحركة اثبتله اني احبه !! يا ربي صدق
اني خبله بدل لا اكحلها عميتها !! وبعدين من حقي اتكلم وأعبر !! تعبت وانا كاتمة بصدري !! وهو ولا حاس فيني !!
و حتى لو عرف اني احبه !! هو مستحيل يحبني !! حبه لساره بيمنعه انه يخلي قلبه يدق عشاني ..يمكن هو قاطع
عهد بينه وبين نفسه انه ساره اتم في قلبه !! ومحد يقدر يحتل مكانها !!غسلت وجها وفي كل قطرة ماي كانت تتساقط
!!حست انه شي من قلبها يطيح وراها !! تعوذت من أبليس !!وخذت نفس عميق!!وقررت تشيل هـ الافكار من راسها
وأول ما طلعت حصلت فهد واقف ينتظرها برع واول ما شافته تصلبت مكانها : فهـــ......................ـــــــــد
فهد بابتسامه وهو يداري حزنة : هيه فهد !! بلاج متخرعه جدا !! لا يكون شفتي جني واقف جدامج ؟؟!!
روضه بتوتر وهي تحاول تتحاشى تحط عينها بعينه : لا ما قصدي جذا !! بس تقدر تقووول تفاجئت شووي ؟!!
فهد عرف انة روضة كانت تصيح بس ما قدر يفهم ليش : انززين ليش !! عيونج مورمه !! المفروووض تستانسين
روضه بعصبيه : والله عاد هالشي ما يخصك.. يلا عن اذنك..وصدت عليه اسمعني لا اتم تلاحقني من مكان لـمكان فاهم

فهد وهو يضحك بابتسامة خفيفه : ما ادري كل ما اكون قريب من هالبنت احس اني مرتاح وانسى حبي لساره معقوله
اكون حبيتها !! وانا مب داري عن نفسي !! لا اشو هـ الرمسه !! انا شو يالس اقول ؟؟!!! يمكن معجب بشخصيتها
وحركاتها الطفولية !!وعقب تنهد تنهيدة وعيونه كلها مركزة على روضة !! ويتأمل حركاتها !! وعنادها اللي محليها

::
::

طبــعآ آلعـــرس خلص ... وكل واحد رجع بيته .. عسب يرتاح من عنـــأء يوم طويل !!!!!!

::
::


بس عنـــــــــد خـــــــآلد وخولــــة الاوضاع كانت مختــــلفة شوي ...
خـــــآلد وهو يتنهد : حبيبتي واخيرا تمينا بروحنا .. صارلي شهوور وانا انتظر هـ اللحظة
خوله وهي منزله راسها ولون وجها صار احمر ما ردت عليه واكتفت بابتسامه خفيفه ارتسمت على شفايفها
خالد وهو يقرب منها ويبووس خدها : فديت روحج يا قلبي !! فديت هالخدود الحمراااااااااء !! وعقب قعد يمسح براسه
على شعرها !! ومــا كان ودة هــ اللحظة تنتهي !! حس انه قريب منها !! انفاسه بدت تختلط بأنفاسها !! وعطرها
أختلط بعطرة !! مسك خصرها وضمها بقوه على صدرة !! كان يحس أنه أسعد انسان على وجة الأرض !!
خوله وهي تقطع عليه هيامة اللي كان عايش فيه : خالد بس عاد !! ترى شووي وبيغمي علي من كثر ما مستحية منك
خالد وهو يرفع راسها ويقرب وجهه من وجها وحس أنفاس خولة تضرب فـ وجهه حتى اختلطت بانفاسة:عادي
حبيبتي اليوم مستحية !! وبااجر ما بتستحين !! انتي استويتي حرمتي !! حلالي !! يعني ماله داعي الخجل زين !!
خوله وهي تحس بأنفاس خالد الحارة تضرب في وجها توترت وحاولت تشرد من هـ الموقف اللي حطها خالد فيه !!
بس خالد كان ماسكها بأقوى حيلة !! ويوم حست انه ما في مجال للهرب !!تمتمت بمكر: انزين اشو رايك نسير نتعشى
خالد وهو يشيلها ويروح صوب غرفتهم: لا حبيبتي انا شبعان ومابا اتعشى وانتي اذا يوعانه اتحملي لحد باجر الصبح

::

::

وفـــــــي بيت بو حمـــــود
ام حمود كانت متخيسة من الصياااح ومها وفاطمه تامات عندها ويالسات يهدن فيها !!
فاطمه بابتسامه : عموه الله يهداج هالشي مب جديد عليج !! يعني انتي عارفه البنت مصيرها تسير بيت زوجها
ام حمود : والله انا مب عارفه هالدموع اللي تنزل من عيوني دموع فرح !! ولا دموع حزن !!
مها تقاطعها : لا امايه اكيد دموع فرح .. اكثر شي تتمناه الام في هالدنيا تشوف عيالها مرتاحين ومبسوطين
ام حمود بابتسامه ممزوجه بحزن : هـ الاسبوع سارت خوله !! واللي بعده بتروحي انتي!! خبريني منو بيبقالي انا هاه
فاطمه وهي تبوسها على راسها : ولو عموه وانا وين سرت وميره واميره وميوود لا تزعليني منج احينه
ام حمود بابتسامه : والله محد مالي علي البيت غيرج انتي وعيالج ومحد بـيصبرني غيركم
فاطمه بابتسامه : نحن عسب نشوف هـ الابتسامه الحلوه مستعدين نفديج بارواحنا يالله مسحي دموعج وسيري رقدي
بوحمود : رااايه الله يهداج انتي بعدج للحين تصيحي ما خلصتي ..؟؟؟!!!!!
ام حمود وهي تمسح ادموعها : ما عليه بو حمود تحملني !! غصبا علي !! فرااق خوله وايد صعب
بوحمود بابتسامه : انتي لازم تفرحيلها وتشكرين الله البنت تزوجت وانسترت وراح تبداء حياه جديدة ادعيلها بس
ام حمود وهي ترفع يديها وتدعي: عسى الله يوفقها ويخلي ايامها كلها سعاده وعقبال ما تفرحنا بعيالها يارب
مها بابتسامه وهي تبوس امها في خدها: امايه انا بعد لا تزوجت اباج تدعيلي شرات هالدعوة الحلووة
ام حمود وهي تحضنها : فديت روحج اكيد بدعيلج .... انتي بعد بنتي وغلاتكم وحده
مها وهي تبوسها على خدها : اموووواح فديتج امايه يلا عيل انا بسير ارقد حدي تعبانه ومتكسرة تصبحون على خير
الجمييييييييييييع : وانتي من اهل الخير
فاطمه وهي تتثاوب : الظاهر حتى انا تعبانه يلا من رخصتكم تصبحون على الف خير واحلام سعيده
ام حمود وبو حمود : وانتي من اهل الخير الغاليه نوووووم العوووافي
بوحمود بابتسامه : هاه حبيبتي اشو رايج انسير نرقد ترى حدي تعباااان ومتكسر
ام حمود وهي تضحك : تراك استويت شيبه !!! وانا بعدني توني شباب ومب حاسه بالتعب
بوحمود وهو يضحك : وليه بنبداء بالمعاااير ؟؟!!!!!
ام حمود تقاطعه وهو يضحك : ما عاش اللي يعايرك يا الغالي يلا خلنا نروح نرقد حتى انا متكسرة
بوحمود : هيه أعترفي وقولي انج تعبانة !!! ولا تسوين روحج شباب !!! نحن كبرنا وشيبنا وراحت علينا
ام حمود بابتسامه : لا كبرنا ولا شياته تونا صغااار والحياااااااااااه جدامنا وتموا يضحكوا وراحوا صوب غرفتهم

آلفـــــــــــــــصل آلثـــــــــــآآآآآآآنــي

::

::


وعنـــــــــــد مريـــــــــم وحمـــــــود
مريم بضيج : وليه حمود !!! احينه انا برقد هنيه !!! يا ربي الغرفه وايد صغيره واحس روحي بختنق
حمود وهو يتنهد : الله يسامحج مريوم وين صغيره طالعي اشكبرها
مريم تقاطعه وبضيج : ولو غرفة فاطمة اكبر عن هذي ؟؟!!!
حمود : اكيد انه غرفتنا انا وفاطمه بتكون اكبر !!هذي غرفة الضيوف ولا نسيتي نحن كلها جم يوم وبنرد بيتنا
مريم فخاطرها : ههههه ولا تحلم مدام اني دخلت هـ البيت !! لا أنت ولا غيرك تقدروا تطلعوني منة ..
حمود : هاه مريوم لا يكون ناويه اتمي هنيه على طوول .. لا تنسي انا عطيت ابويه كلمه ومابا ارجع فيها!!
مريم بضيج : لا حبيبي ما قصدت جذا .. انته هـ الاسبوع بتسير عند فهد !! معقولة تباني اتم بروحي في البيت ؟!!
حمود وهو يتنهد : لا حبيبتي !! ما بخليج اروحج !! بوديج بيت اهلج !!! ولا رجعت نرجع لبيتنا
مريم بضيج : بس انا مابا اسير بيت اهلي يعني معقوله اخلي خالووه اخاف تتعب ولا تنسى مها بتتزوج الاسبوع الياي
حمود بضيج : يعني افهم من رمستج انج ناوية اتمين هنيه !! مو ناوية تردي بيتنا
مريم باستغراب : وشو فيها يعني لو تميت هنيه ؟؟!!!! ترى جالسه في حالي وما بضر احد !!!
حمود وهو يتنهد / بس انا اخاف فاطمه تتضايج وتاخذ فخاطرها وعقب ابوي اكيد بيزعل علي
مريم بعصبيه : انته اصلا مب هامك ابوك !! كل اللي هامك فاطمه !! حبيبة القلب !! وخايف تجرح مشاعرها
حمود بتوتر : مريم الله يهداج انتي شو تقووولين .. انا تام مع فاطمه بس عشان عيالي حطي هـ الشي في بالج
مريم بدلع وهي تقرب صوبة وتلعب بشعره : حمود انزينه انا عندي حل وسط ؟؟!!!
حمود وهو يتنهد وبدون نفس : هاه مريوم !! اشو هـ الحل الوسط اللي عندج !! يلا أشوف اتحفينا ..
مريم وهي تيلس حذاه : حبيبي انا اقول لو اتم هنيه اسبوعين واروح بيت اهلي اسبوعين وبجذا اكون حكمت بالعدل
حمود وهو يحط راسه ع المخده : حلووووو !! انزين خلينا نرقد الحين ترى حدي تعبان !! تصبحين على خير
مريم بابتسامه مكر : وانته من اهل الخير حبيبي نوووووم العوافي واحلام سعيده وطفت النور ورقدت ..

::
::


وفـــــــــي بيت بو خــــــــالــــــــــــــد
روضه كانت تتقلب ففراشها ومب قادره ترقد : يا الله وبعدين يعني |!! ليش للحين جالسة افكر فيه !عقب ما عرفت انه
يحب غيري وانه قلبه صار مش ملكة لازم ادوس على قلبي وانساه انا من باجر لازم ادور على شي يشغلني وينسيني
فهد لازم امحية من قلبي .. لاني عارفة ما راح احصل شي من ورى هالحب غير الهم والعذاب الله يصبرني بس
فهد هم بعد جان جالس يتقلب ففراشه ومب قادر يرقد : معقووله روضه تحبني بس نظرات عيونها وخوفها علي
حسسوني فعلا انها تحبني .. انزين انا ليش يالس افكر فيها معقووله اللي عشته مع ساره كان مجرد اعجاب ومش حب
يالله احس نفسي تايهه ومب عارف كيف افكر .. انا اسافر وانسى !!وهـ الموضوع نخليه للزمن هو بيوضحلي الصورة
::
::

فـــــــــــــي آلفندق
خالد جان مجهز ريوق حق خووووله وعقب راح يصحيها
خالد وهو يبوسها على خدها : صباااح الخير يا اغلى حب وارق قلب
خوله وهي تبطل عيونها شوي شوي : خالد حبيبي انته صاااااااااااحي
خالد بابتسامه : هيه حياااتي وهذا الرريووووق صار جاهز !! يلا قومي غسلي ويهج .. عسب نتريق
خوله بدلع : تصدق تعبانه وايد !! فيني كسل !! خلني ارقد !! بس شووووي
خالد وهو يشيلها من على الكرفايه : لا حبيبتي لازم تاكلين وتتغذين عاد انتي بروحج جلده على عظم
خوله بابتسامه : خالد تعرف اني احبك
خالد : هيه اعرف ومتأكد بعد .. وهـ الشي اللي مخليني اسعد انسان في هالكون كله
خوله وهي تحضنه : خالد اوعدني انك ما راح تتخلى عني لو مهما صااار اوعدني
خالد وهو يمسح على راسها : اوعدج حياتي اني ما راح اتخلى عنج وما راح اخلي شي يفرق بينا غير المووت .. انتي
بعد ابا منج وعد اني اكون انا الوحيد فقلبج وحياااااااااتج وما تبدليني بواحد ثاني ... يلا اشوف أوعديني
خوله وعينها تدمع : اوعدك حبيبي واتمنى من الله اذا ما خلاني اعيش قربك اعيش فقبري ولا استحمل عنا بعد وفرقاك
خالد وهو يبوسها على جبهتها ويمسح دموعها : خوالي اوششش مابا اسمع هـ الرمسه مره ثانيه!!عسى عمرج طويل
خوله ارتمت فحضنه وحضنته بقووووو وتمت تصيح
خالد بضيج : خوالي غناتي بلاج ليش تصيحين لا تقطعين قلبي