فاطمه تقاطعها وهي تمسحلها دموعها : اللهم امين !! خوله حبيبتي اباج دوم جذا قويه !! ولا تخلي احد يحطم عزيمتج
كونج عمياء هـ الشي ما يعني انج ضعيفه ومب قادره تعطي !! بالعكس يا ما ناس معاقين بس انجازاتهم اكثر !!!
خوله وهي تحضن فاطمة : فطوم الله يخليج اباج دايما تكوني معاي !! وتشدي من عزيمتي !!ما با اكون ضعيفة !!
والكل يتم يستغلني وينهش فيني لحد ما يقضي علي .. وساعتها يمكن يخسروني اغلى ما املك !! انا وايد محتاجتلج
فاطمه بابتسامه : خوالي انا عارفه يمكن حالة فهد تخليج ضعيفه !! اكثر مما انتي عليه الحين !! .. بس فنفس الوقت
انا متأكدة !! انج انتي قادره تتخطي هـ الشي !! وتواجهيه بكل عزيمة واصرار .. اهم شي لا تستلمي !! اوعديني
لاتزوجتي !! تسوي هـ الشي !! عسب لا صارت مشاكل في المستقبل !! تقدري تحليها بذكائج وعزيمتج !! اوعديني !!
خوله بضيج ودموعها ارتسمت على خدها : محد فاهمني ومصبرني غيرج !!!!! اوعدج فطووم اوعدج
حمود وهو يتنهد : ابووووووويه زين جيت !!!! اميه صار لها ساعه ساكته ومب راضيه تتكلم مع احد !!!!!
بوحمود بتوتر : ام حمود بلاج الغاليه !!!!!! كلنا مضايجين على شان حالة فهد !!! بس الدكتور طمنا وقال فيه امل
ام حمود وهي ترفع راسها وبنظرات حزن :نفس الأمل اللي عطونا اياه لما صارت بنتي عمياء هاه !! علمني ؟؟!!!!
بوحمود وهو يجلس حذاها : لا يا الغاليه !! حالة فهد اهون بوايد من حالة خوله !! واللي أباه منج الحين تصيري قويه
فهد يبا يشوفج !!! وما ودي يحس انج ضعيفة !! ولا نسيتي انج مصدر قوته !! عسب جذا خليج قويه عشانه وفكري
فيه !! وفي حالته !!! صدقيني لا شافج مرتاحة ومش متكدرة ساعتها بيحس انه بخير وكل آلامه بـ تتلاشى !!!
ام حمود وهي تمسح دمعتها وتمد ايدها وبابتسامة ممزوجة بحزن : قوم خلنا نروووح ..
بوحمود بابتسامه وهو يشدها من يدها : هذي ام حمود اللي اعرفها !!! يا ا لله قومي خلينا انسير
الكل دخل وسار عند فهد وروضه كانت متوتره خايفه فهد يخبرهم انها كانت معاه البارحه !! وما كان ودها تشوفه !!
فهد اول ما شافهم ابتسم : امااايه تعااالي يلسي حذاي !!!!! حدي مشتاقلج ..
ام حمود وهي تبوسه على راسه : فهود حبيبي!! شو اللي كدر خاطرك !! وليش سويت بنفسك جذا ؟!!
فهد تم يطالع سارة بس نزل راسة على طول : امايه لا تشغلي بالج !! كنت تعبان شوي !! وصار اللي صار !!
ام حمود وهي تمسح على وجهة :دام انك بخير صدقني هـ الشي يخليني مرتاحه !! اهم شي انته لا تتضايج ..ما باك
تيأس !! عجزك ان شاء الله ما راح يطول !! .. وحطها في بالك !!! اذا شفتك مضاايج ترى انا بعد بضااايج !!
فهد وهو يداري دمعته ويحاول يحرك رجولة بس ما قدر وتضايق وما حب يبين :دامج قربي امايه !! كل شي بيهون ..
بو حمود : فهد إن شاء الله من باجر بنسفرك !! وكل شي بيرجع لوضعه الطبيعي !!! اهم شي خلى املك بالله قوي
فهد بضيج : ابويه انا مستحيل اسافر !!!!!!!!!!!! مستحيل
الكل انصعق من رمسة فهد وتموا يتسائلوا بينهم .. شو السبب اللي يخليه ما يبا يسافر !! الواحد تم يدور في رأسه
الف سؤال ..حد يقول خايف !!وحد يقول ما يبا يوهم نفسه انه يمكن يرجع يمشي مره ثانية!!الكل استغرب هـ التصرف
خالد بضيج : فهد الله يهداك كيف ما تبا تسافر !!!!!!!!!!!!!!!!!!!!!! شو تتحرى الموضوع على كيفك
فهد تم ساكت ولا رد عليه ............ واكتفى بابتسامة أخفى وراها ملامح حزنه !!!!!!!!
حمود بضيج : فهد بلاك ساكت !!!!!!!!! ليش ما ترد !!!!!!! اشحقة ما تبا تسافر ؟؟!!!!!!!!!
فهد بضيج : بسافر !!!!!!!!!!!!!!!!! بس الحين مش وقته !! خلنا نأجـل هـ الموضوع لبعدين
ام حمود بخوف : متى يا وليدي !!!!! اذا مب احينه علمني متى!!!! انته لازم ما تأخر الموضوع !! فكر بعقل !!
فهد وهو يبتسم : ابوي بالأول اشوف خالد معرس وخوله عروس !!!! وساعتها ودوني وين ما تبوا !!!!!
وتم الكل يضحك .. الا خوله تمت مضاايجه واتصيح فهد اول ما شافها زقرها : خوله تعالي !!
خوله بضيج : فهد انا مستحيل اتزوج وانته يالس على كرسي !! انا اباك تكون واقف على حيلك !! عشان تسندني !!
فهد بابتسامه : خوالي كوني عاجز اهون على من اني احطم حلمج وحلم خالد اللي صارلكم تنتظروه من فتره !!
وبعدين انا ما تعودت اخرب على احد !! وأحرمه من فرحته !! وطاحت عينه في عين ساره بدون ما يقصد ..
روضة اول ما شافت هـ التصرف دمعت عينها !! بس على طول مسحتها عشان محد يحس وينتبه عليها !!!!
ساره بضيج : هلال بلاه فهد !! احسه كأنة يبا يوصلي رسالة !! واللي تنص انه انا السبب في الحاله اللي اهو فيها !!
هلال بعصبيه : وليش ان شاء الله انتي السبب !! الحادث صار بسبة تهووره !!! انتي لا تشغلين بالج !!! وتم يشوف
خالد وخوله وهمه قاعدين يضحكوا ويسولفوا مع بعض !! وانقهر !!ما تحمل !! كان يبا يطلع بس قاطعته سارة !!
ساره بحيره : ما ادري شو السالفه !! احس الكل متغير من حولي !!هلال صارحني !! انته تعرف شي ومخبية علي !!
هلال وهو يتنهد : ساروه لا تشغلي بالج !!! المهم الحين فهد صار بخير !! وشيلي هـ الأفكار السوداء من راسج ..
قاطعهم من بعيــد صوت خالد وكان يبتسم بصوت مسموع : خلاص دامك مصر !!!! انا موافق
خوله بابتسامه : خلووود !!! عاد انته تباها من الله !! ما صدقت احد يعطيك وجهة !!!!!!!!
ام حمود وهي تتنهد : خلااص عيل خلووووووووونا نجهز حق عرس خوله وعقب تسافر وتتعالج ..

::

::





مر الوقت سريعا حتى صار يوم الخميــــــــــــــس والكل جان متجمع في الكوافير عسب يتجهزو حق عرس خوله ....
خوله بتوتر : فطامي !!!!!!!!!!طمنيني كيف شكلي !!!!! اكيد طالعه مش حلوه ؟!!!!!!
فاطمه بابتسامه : الا تهبلين !! واطيرين العقل !! والصبغه اللي حطوها فشعرج غيرت شكلج 180 درجة ..
خوله : اهم شي خالد يحب شكلي !!! كل اللي يهمني احينه ارضيه واحاول اسعده باي شكل من الاشكال ..
وفـــــــــــــي آلصـــــــــــــــــــــــــآله تبع الفندق .. مها وساره وروضه كانوا يستقبلوا الزوار والضيوف
ساره اول ما شافت عفاري ابتسمت : حي الله عفاااري !! تو مانور المكان ؟!!! شحالج الغاليه ؟؟!!!!!
عفراء بابتسامه : انا الحمد لله زينه .. ما شاء الله عليج حرمة اخويه طالعه تهبلين .. الله يبعد عنج العين
ساره بابتسامه : لا تبالغين .. وراحت وسلمت على ام خليفه .. وشما ودلتهم على طاوله وجلسوا فيها
شما بابتسامه : ما شاء الله عليها تهبل !! سعوود عرف كيف يختار !! ان شاء الله خليفه بعد يعرف يختار وحده حليوه
ام خليفه : خليه يفكر بالزواج بالاول !!! وعقب يصير خير !!! لا تجهزين الدواء قبل الفلعه ..
عفراء بابتسامه : امايه ابشرج !! خليفة شكله بيشيل فكرة العزوبية من راسه !! ويمكن عن قريب يستقر !!
ام خليفه : ما اباج تبشريني!! اخاف استانس !! وعقب يصدمني !! هو دومه جذا !! ما تام على حالة وحده ..الله يهديه
شما : ما عليه امايه اذا الله كاتبله نصيب عند وحده من بنات الحلال اكيد بيتزوج !! انتي ليش حارة عمرج؟؟!!!!
ام خليفه وهي اطالع ساره :هيه والله صدقتي شمووه !! سعوود عرف يختار!! بنت رزينه وحليوه وشكلها تسمع الكلمه
عفراء يلست اطالع شما وتمن يضحكن من خاطر على امهن ونظراتها لسااره .. ام خليفة طنشتهن وتمت تراقب سارة


::


::



روضه وهي تسلم على ميثا وامها : يحي الله بميثا وخالوه !! تو ما نور المكان .. تفضلوا حدروا !!
ام مشعل وميثا : زاد فضلج الغالية !! ومشكوووره ..ما تقصري !!!!
ام مشعل بصوت واطئ وهي تشوف مها : طالعي اذا هذي أختها !! عيل كيف بتكون العروسة !!
ميثا بحزن وبثقه : ولو امايه حتى لو كانت ملكة جمال !!! صدقيني ما ضنتي بتكون احلى عني !!!!
روضه بابتسامه : هلا والله بنوووف هلا بحبيبتي عااش من شافج ..
نوف بابتسامه : هلا الغاليه انا بخير انتي شحالج شمسويه
روضه وهي تتنهد : الحمدلله امشيين الحال ..
نوف بابتسامه : الحمدلله اعرفج هذي اختي غاده وهذي امايه وعدول ما يبته معااي خبرتيني ممنوع اصطحاب الرياييل
روضه وهي ميته ضحك : انتي ما تيوزين عن سوالفج .. المهم تشرفنا تفضلوا حدروا
غاده ..: يزيد فضلج ان شاء الله ..
ام مشعل وهي اطالع غاده : ميثوه طالعي هناك !!!!! هذي حرمة عمج وبناتها !! بعدها حلوه ما تغيرت
ميثا وهي اطالع : ما اشوفهم ؟!!!!!!!!!!! وينهم امايه
ام مشعل وهي تأشر : شفتي البنت اللي ادز امها !! اللي يالسه بكرسي متحرك !!هذيلا يصيرون بنات عمج
غاده رفعت راسها بالصدفه وشافت ام مشعل تأشر عليها : يا ربي هذي ليش تأشر علي معقوله تعرفني
ام غاده وهي تتنهد : منو هذا اللي يأشر عليج ؟؟!!!!!!!!!!
غاده : امايه طالعي الحرمه اللي جدامنا شفتها هي وبنتها يأشرون علينا !! بس مب غريب علي شكلها !!
واول ما رفعت ام غاده راسها طاحت عينها فعين ام مشعل : ام مشعــــــــــــــــــــل ؟؟؟؟!!!!!!!!!!
غاده بضيج : ام مشعل !! هيه والله هيه نفس الشكل !! اتذكرها يوم جاتنا ذاك اليوم وفرتنا برع البيت !!
ام غاده بضيج : غاده حبيبتي نحن يايين نأدي الواجب مب يايين نسوي مشاكل .. خلينا انطنشها
نوف بضيج : احينه هذي الحرمه تصير حرمة عمي !!!! واللي حذاها تصير بنت عمي !! ما اذكرهم !!
غاده بضيج : هيه نوووف هذيك تصير حرمة عمج!! واللي حذاها تقريبا بنتها ميثا !! مهره انا اعرف شكلها عدل
نوف بعصبية : عيل هدوني عليها وربي لا افشلها جدام خلق الله
غاده بعصبيه :انتي تخبلتي !! خلينا نجلس بـ احترامنا همه فحالهم ونحن بعد خلينا في حالنا!!والحقران يقطع المصران
ام مشعل : ميثوه غناااتي اشو رايج نقوم بالواجب ونسير نسلم عليهم ونطمن على اخبارهم !! ونتشمت عليهن شوي!!
ميثا بضيج : امايه انا مب ناقصه حق هـ السوالف اللي فيني مكفيني !!!!! خليني بهمي !! روحي بروحج !!
ام مشعل :يا الخبله !! لا تنسي انه هـ الحرمه هي اللي فرقت بيني وبين بنتي مهره !!! وكبرت راسها علي
ميثا بضيج : امايه اذا حابه اتسيري !!! سيري بروحج !! تراني خبرتج اني تعبانه ومب ناقصه عوار رااااس!!
ام مشعل بعصبيه : خلاااص عيل !!!! انتي تمي هنيه !!!! وانا بسير اسلم من رخصتج !! مستحيل افوت هـ الفرصة !!
غاده وهي اطالع ام مشعل يايه صوبهم : احينه هذي اشو يايبنها صوبنا !! الظاهر ناوية على شــر !!!!
نوف تقاطعها : والله لو تجرأت وغلطت على امايه !!! وربي لا اكسر راسها وابهدلها جدام خلق الله كلهم !!انا أراويها
ام غاده: نوف انا ما ربيتج جذا !! لو مهما قالت اباج اتمي ساكته !! هذي حرمة كبيره واحترامها واجب !! سامعة !!!
نوف باقتناع : ا ن شاء الله امايه .. على امرج !!!
ام مشعل :حي الله ام غاده !! صارلي سنين ما شفتج !! وين غاطه وتحت أي شجره عايشه !! ومن وين تاكلون !!
أكيد من فضلات الناس !! بس مب مشكله ترى نحن أهل !! اذا تحبوني أساعدكم انا جاهزة .. وصدقووني خيرنا وايد
عسب جذا لا تستحون نفس ما خبرتكم نحن اهل !! وما يردكم غير لسانكم !! فديتني طول عمري طيبة !! وافكر بغيري
غاده بعصبيه :لا تحاتين خالتي !! نحن اليوم نعيش تحت شجرة على قولتج !! ويمكن باجر انتي !! سبحان الله الواحد ما يتم على حال وحده !! لا تغتري وايد بقلوسج !! ترى ما شي دايم غير وجهه الكريم !!
نوف بابتسامه:صادقه اختيه !!ويمكن اليوم ناكل من فضلات النااس وباجر يستوي العكس ويمكن انتي ما تحصلين شي
تاكليه وتمي ادورين في الشوارع تتوسلين الناس عسب يتعطفوا عليج ويعطوج لقمة بس الكل بيطنشج ولا بيتهم
ام مشعل بعصبيه : ام غاده!! شوفي بناتج !!وشوفي كيف يردن على وحده كبر امهن!! بس محد يلومهن تربية شوارع
ام غاده وهي تتنهد : ام مشعل نحن جاييين هنيه عسب نقوم الواجب ومشاكلنا العائلية نأجلها لبعدين .. فاكسري شر
ام مشعل:احينه هذا اللي قدرتي عليه بدال لا تسكتين بناتج وتعلميهم كيف يحترمون خلق الله يالسه تكبرين راسهم علي
ام غاده بابتسامه : عامل الناس كما تحب ان تعااااامل .. ولو عاملتيهم بالزين كانوا عاملوج بالمثل !!!

مريم بكبرياء : قصدي واضح يا شاطره !! وكلها يومين وراح اعطيج صوره ثانيه !! واباج تسويها شرات الاولى !!
ولو ما سويتي كل اللي أقولج علية !! إنسي انه صار عندكم بيت !!وراح اخليكم مشتتين مثل أول !! اضني فهمتي علي
غاده بعصبيه:مستحيل !! انا بعت نفسي وكرامتي مره وسايرتج !! بس احينه لا ما راح اخليج تتحكمين فيني فاهمة ؟!
مريم وهي اطالع اهلها والشر طالع من عيونها: شفتي اهلج !! اذا ما نفذتي كل اللي اقوله على طول بفركم في الشارع
غاده وهي تتنهد : مريم انتي من صدقج الحين ؟؟!!! معقوله الشر والانانيه وصلوا فكرج لـ هنيه !! مستحيل اسوي
اللي تقولي عليه مستحيل .. انا فالمرة الاولى لما دمجت صورة غاده مع سالم وطرشتها من تلفوني الخااص طول الليل
ما قدرت ارقد خفت الله يعاقبني !! لاني اللي سويته كان شي كبير!! حسيت نفسي انه الله وملائكتة قاعده تلعني !! ليش
أني طعنت حرمة ودنست شرفها واخلاقها .. وخليتها ما تسوى شي قدام زوجها !!لا والقهر اني دمرت بيتها
مريم بثقه وهي تضغط علي معصم غاده بقوة وتصك على أسنانها : شوفي حبيبتي !! بتسوي اللي قتلج عليه بالحرف
الواحد !!! ومش برضاج غصبا عليج !!! وتأنيب الضمير انا ما يهمني !! انتي مديونة ولازم ترجعي حق هـ الدين !!
وهذا وقت السداد !! وتمت تمسح على راس غادة وتمتمت !!عسب جذا يا شاطره!!انا مب قاعدة اطلب منج !! هذا أمر
غادة وفعيونها نظرات حزن:مريم الله يخليج افهميني !! قتلج ما اقدر !! ولو درى سالم بالموضوع !!وربي يقطع رزقي
مريم بابتسامة خبث : وليش يدري؟!هـ الموضوع بيني وبينج بس !! وبعدين لا درى ؟؟!! خبريه انه فاطمه من كثر ما
هي ميته عليه طلبت منج اتسوين هـ الشي .. يعني المسأله محلوله وما يحتاج تلفي وادوري .. قتلج هذا أمر ويتنفذ!!
غاده ووعينها بدت تدمع وشوي بتبوس يد مريم: بس هـ الشي حرااااااااام !! والله حرااااااااام !!وانا ما اقدر اشيل اثمه
مريم بعصبيه : غاده لا اطفريبي !! بتسوي الا خبرتج عليه وبالحرف الوحد !! واذا ما سويتيه ترى والله ...........؟!!
فاطمه أول ما سمعت اللي صار !! دارت فيها الدنيا !! ما صدقت اللي سمعته !! وقعدت تهذون ودموعها على طول
انرسمت على خدها !! وكان في جدار واستندت عليه !! استمدت القوة منه !! حست نفسها خلاص !! كل قواها خارت
ما صدقت اللي سمعته !! مسكت ايدها وتمت تفرك عيونها بأقوى حيلها عبالها حلم !! كان ودها يكون حلم وينتهي بس
رجع صوت مريم يكمل سيناريو المسرحية اللي تبا تسويها مع غادة !! فدق ناقوس الخطر !! معقولة اللي سمعته
من شوي ؟!! معقولة في ناس مستعدين يسوو اي شي !! بس عسب يوصلوا للي يبوه !! ما فكروا باخرتهم ؟! كل
همهم بس دنيتهم !! غريبة هـ الدنيا الواحد يعتقد انه راح يعيش ألف سنة !! ونسى انه في رب فوق !! قادر يسلبة كل
شي فطرفة عين !! ليش يا مريم تبي تسوي فيني كل هذا !! انتي تزوجتي حمود !! وشلعتي قلبي من مكانه !!
خليتية يشوفني وكأني انسانة بلا شرف !! ومستعدة اسوي أي شي بس عسب ارضي نفسي !! وكل هذا ما كفاج ؟!!!
آآآه يا مريم !! شو ودج تاخذي بعد ؟؟!!! أكثر من اللي خذيتية !! انتي قتلتيني في لحظة !! سلبتي مني أغلى ما أملك
!! بس انا ما قدرت اسوي شي !! ليش انج قبل ما تسوي سواتج !! خليتي يديني مربطة !! خليتيني مب قادرة حتى
احط عيني بعين زوجي وحبيبي وابو عيالي !! أنتي كنتي مخططة وراسمة حق كل شي !! وانا يا غافلين لكم الله
آآآآآآآآآآآه يا رب ساعدني !! أحس نفسي في غاابة ؟؟!! وقاطعها صوت مريم !! فاطمة هنيه ما استحملت وع طول
راحت صوبها وقاطعتها بكل عصبية : مريم ما يحتاج ادنسين اسم الله بلسانج !! خافي ربج !! كافي ظلم !! كافي
مريم اول ما شافت فاطمة توترت !! دار في بالها ألف سؤال !! أنعقد لسانها !! ما عرفت كيف ترد !! الذهول كان
مسيطر عليها !! خافت فاطمة تكون سمعت شي !! وعقب تمتمت بخووف فاطمه!! من متى انتي هنيه ؟! متى وصلتوا
فاطمه صكتها بكف قبل لا تكمل كلامها !!! خلى كل الناس محتارة وتتسائل ؟؟!! شو اللي صاير هناك !! بس فاطمة ما
همتها نظرات الناس وتمتمت بعصبية:كنت شاكه انج انتي وراء كل اللي قاعد يصير بس ما توقعت انج حقيره لهالدرجه
مريم هنيه ما استحملت وردت بعصبيه : انتي شو تتحرين نفسج عسب اتصكيني بكف جدام خلق الله !!! انا اراويج
فاطمه وهو توقف جدامها : ما يحتاج اتعصبين !! الاعيبج كلها انكشفت !! وحمود بيعرف بالسالفه وعقبها اكيد بيطلقج
مريم بعصبيه وبكبرياء وطبعا الثقة نرسمت على ملامحها : سوي سواتج ؟؟!! وقولي اني انا السبب في كل اللي قاعد
يصير !! العبي بذيلج وعقب رديها على راسي !! لا يا ماما انا ما سويت شي !! انتي اللي قاعدة تركضي وراء ولد
خالج !! وناسية انج حرمة متزوجة !! وعندج عيال !! عجوز وعايشة غراميات !! وبعدين انتي أخر وحده تتكلم عن
الشرف والاخلاق يا شريفة!!طبعا كانت تتكلم بصوت عالي علشان كل اللي جالس هناك يسمع ويقدر يفهم شو مستوي!
فاطمه اول ما سمعت كلامها تنرفزت وكانت تبا تصكها كف ثاني : صدق انج حقيره !!! واهلج ما عرفوا يربوج عدل !!
مريم وهي تمسكلها يدها : اقووول احترمي الفاضج !!انتي وحده سافله!!وكلها جمن يوم واخلي حمود يطلقج يالخايسه
فاطمه وهي تصد على غاده واطالعها من فوق لتحت بحقد وكره: وانتي !! ما خفتي يوم سويتي هالشي انه الدنيا ادور
وتنحطين انتي فنفس الموقف اللي حطيتيني فيه .. صدق ناس ما تخاف الله .. حسبي الله ونعم الوكيل حسبي ...؟؟!!
غاده تقاطعها وكانت تبا تبوس يدها : الله يخليج !! لا تتحسبين علي !! الله شاهد علي !! اني لما سويت هـ الشي كنت
مجبوره !! ورب الكعبة مجبورة !! وصدقيني الله عاقبني .. انا من لما سمعت كلام مريم الهم يوم عن يوم يزيد فقلبي
..بس انا سويت كل هذا عسب اخواني سامحيني !! ابوس ايدج سامحيني !! ولا تتحسبين علي !! انا مالي ذنب !!
فاطمة وهي تخوز يدها ودموع الحزن والالم انرسمت على خدها : لا دنسي يدي !! أنتي إنسانه مجرده من كل
المشاعر !! وإي عذر بتقوليه حقي ما راح يقنعني !! ولا تجبريني أتقبلة !! انتي حولتي حياتي لـجحيم لا يطاق ..
زرعتي الشك ي فقلب زوجي!!خليتيني في عيونة وحده بلا شرف!!بلا تربية!!وعشان ينتقم مني ويقهرني تزوج علي!
غاده تقاطعها ودموعها ع خدها:ادري انه صعب عليج تسامحيني!!بس وربي نفس ما قتلج سويت هالشي وانا مجبوره
مريم بعصبيه ممزوجة بقهر :غاده !!احينه انتي من صدقج ؟!نحن ما سوينا شي هي تسوي فعايلها وتقط بلوتها علينا
فاطمه وهي تصد صوب مريم واطالعها من فوق لتحت : يوم عن يوم تثبتيلي فعلا انج وحده مريضه !! لا ومينونه بعد
!! ولازم يودوج ابن سينا !! لانه العلاج اكيد بيكون متوفر !! واهمه أكثر حد ادرى بالحالات اللي شرات حالتج ..
مريم بعصبيه : لا عاد انتي مصختيها !! وانا ما اسمحلج !! حبيبتي !! اشكالج بس اللي تتودى مستشفى ابن سينا
مش انا !! الظاهر نسيتي انا من ؟!! بس مب مشكله اذكرج إذا كنتي ناسية !! انا إسمي دكتوره مريم !! وانتي حتة
وحده ولا تسوين بيسه فاهمه يا شاطره !! فأنتي المجنونة مش انا !! ومهما قلتي محد بيصدقج !! فلا تعبي نفسج

ساره سمعت الصراخ وتوترت : مهوي!! ياربي اشو اللي مستوي هناك ؟! بلاها مريم وفاطمه؟!ومنو البنت اللي عندهم
مها تقاطعها : خلينا نروح صوبهم ونفهم السالفه !! روضه لو ما عليج امر سيري زقري امايه !! وخالتي ام هلال !!
روضه بتوتر والخوف مرسوم على ملامحها : ان شاء الله على امرج
فاطمه بعصبيه : الانسان لو مهما سووا !! ووصل مراتب عالية !! صدقيني اخلاقة وكرامته وتصرفاته !!! هي اللي
تسويلة قيمة !!مش شهادة ووظيفة مرموقه (( ان اكرمكم عند الله اتقاكم)) !!ياما ناس عندهم شهادات ولا يسوو شي
مريم وهي اطالع غاده وتكلمها بصوت واطئ : كله منج يالخايسه!! زين الحين !! فضحتينا جدام اللي يسوى واللي ما
يسوى !! سيري احينه !! مابا اشوفج جدامي !! وحسابج عندي بعدين !! وراح يكون عسير !! وربي لاخليج تدفعين
ثمن هـ الشي غالي !! وغالي بعد !! صبرج علي بس !! يلا اشوووف سيري من جدام ويهي !! قالتها بعصبية
مريم وهي تتقرب من صوب فاطمه وتشدها من إيدها : شوفي حبيبتي !! اذا عرف حمود باللي صار من شوي !!
بتكوني انتي الخسرانه !! بالاول ...... بقوله اني انا عارفه البير وغطاة من قبل ما أتزوجة ؟!! ولمحتج اكثر من مره
ترمسين مع ولد خالتج سالم ...هذا طبعا يوم كنت ازوركم في البيت !!! وبعدين في شغله مهمه نسيت اخبرج عنها !!
على فكرة سالم هذا !! يموت على الفلوس !! فيا تسكتين وتنطمين وتخلي هـ الشي يصير بينا !! يا اما اسويها سالفة
عوده وافضحج !! واخليج ما تسوين شي !! حتى راسج ما تتجرأي ترفعينه جدام الناس !! وعاد انتي حره !!وتعرفيني
انا لا حطيت شي براسي اسويه !! وما فيه شي يردعني !! ولا نسيتي سالفة السكين !! ويوم قطعت نفسي !! واللي
قادرة تأذي نفسها قادرة تسوي أي شي !! عسب جذا احسلج تخافين مني يا ماما !! ولو تبعدين عن طريقي يكون وايد
احسن.وعيشي حياتج وخليني انا بعد اعيشج حياااني !! واعتبري نفسج ما سمعتي شي !!وياريت لو تمثلي الدور عدل
فاطمه وهي اطالع مريم : حشاآآآ !!لعنبوا انا للحين ما شفت حد سوا سواتج !! انتي ما تخافين الله!! وناوية تتبلين
علي !! لا وقاعدة تفري الرمسه جدامي بكل وقاحة !! بدون ما تنهز شعره من راسج !! وكأنة اللي سويتية شي عادي
!! ولا حتى مأثر فيج !!صدق انج مينونه!!أنتي انسانة مجردة من كل المشاعر!!خافي الله يمكن كل شي ينقلب ع راسج
مريم بابتسامه مكر : كل اللي قلتيه ما يهمني !!ولا يهز شعرة من راسي !!وبعدين ليش تبيني أخاف !! انا ما سويت
شي غلط !! اللي يهمني الحين شي واحد !! تسوي اللي قتلج عليه !! انا خبرتج اللي عندي وانتي عاد بكيفج !! يا أما
ترضين بهالفضحيه الصغنطوطه !! اللي كلها جم يوم وحمود يشيلها من راسه !! وينسى سالفة صورج مع سالم !!
والا والله اسويلج سالفه عوده وصعب انها تترقع !! انا نبهتج !! وانتي اكثر وحده تعرفيني !! انا ما اخاف من شي لا
سويت الشي اسويه وانا واثقه من نفسي !! فتحذري !! وفكري عدل قبل ما تخطي أي خطوة !! تممممماااام يا حلوه!!
فاطمه وهي تستند على الكرسي وادموعها اربع اربع : ياربي !! شو اللي قاعد يصير ؟!! حتى بعد ما عرفت شو سر
هذي الصوره !! ما بقدر اثبت حق حمود انه ظلمني !! ولا حتى بقدر اخبره انه اللي لعب معاي هـ اللعبه الوصخه
مريم!! وكل هذا ليش ؟ّ! بس عسب تفرق بيني وبينه !! وتصير هي كل شي في حياته !! هي تقول انه حمود يحبها !!
إذا يحبها نفس ما تقول ؟؟!!!ليش تبا تخليه يكرهني !! ليش تبا تخرب صورتي في عينه !! معقولة حمود ما يحبها ؟!!
آآآآآآآه خايفه لا تكلمت اندم !! وهم بعد اذا سكت اندم !! يا ربي انا شو اسوي بحالي !! وبكل أسف عارفه سالم
وحقيقته !! لـفلوس هي أكبر همه !! ومستعد يبيع اهله عشان جم ريال !! ومحد بيطلع خسران غيري في النهايه !!
الظاهر انه معركتي مع مريم مش سهله !! وفيه مصايب جاية في الطريق !! ما أقول غير حسبي الله ونعم الوكيل
ام حمود وهي تقطعلها حبل افكارها : فطوم اشو اللي مستوي بينج وبين مريم !!! يعني حتى في ليلة زواج خوله !!
تامات تتضاربن !! حابات تخربن علينا هـ الفرحه !! وتغثونا بمشاكلكم اللي ما تخلص !! فاطمة انتي شو اللي صاير
عليج !! من يوم يومج وانتي عاقل !! شو اللي خلاج تسوي هـ التصرف !! شوي وكنتن بتتشادن بالشعر !!
فاطمه وهي تمسح دموعها وتتذكر اللي صار وبلعت ريقها وتمتمت : ما عليه عموه اسمحيلي !! بس مريم طلعتني من
طووري !!! اوعدج انها ما تنعاد !! من رخصتكم وع طول راحت صوب الحمام ودموعها نحفرت على خدها
مها ونظراتها تتبع فاطمة : امايه انتي تمي هنيه !! وانا بلحقها !! وبفهم منها شو السالفه ..
فاطمه وهي يالسه اتصيح : ياربي انا شو اسوي بنفسي !! كل ما احس انه همي بينفرج .. البيبان ترجع تتصكر في
وجهي مره ثانيه .. وارجع لنقطة الصفر .. انا ضحية !! ويمكن بعد حمود يكون ضحية لالاعيب مريم !! صدق انها
قويه وبلا حياء !! اعترفت بأغلاطها بدون ما تنهز شعره من راسها !! والظاهر انها ناوية على الشر !!
مها بابتسامه : فطامي حبيبي بلاج ؟؟!! طالعي ميكبج اخترب من كثر ما اتصيحين !! علميني اشو اللي صاير ؟؟!
فاطمه اول ما شافت مها ارتمت فحضنها وتمت اتصيح من خاااااااااااااااااااطر
مها وهي تمسح على راسها وتمتمت بضيج: فطامي حبيبتي بلاج الغاليه ؟!! تراج خوفتيني عسى ما شر !!!
فاطمه وصوتها بداء يتقطع : انا وايد تعبانه مهوووي !!! ابا ارد البيت !!! مب قادره استحمل اكثر عن جذا
مها بتوتر : انزين خبريني اشو اللي مستوي !!! يمكن اقدر اساعدج
فاطمه وهي تمسح دمعتها وتلتقط انفاسها :ما ضنتي في أحد بيقدر يساعدني !! انا مكتوب علي الهم من صغر سني !!
يوم عن يوم أحس همومي بدت تكبر !! ومستقبلي صار يخوف !! بس شو اقول غير الحمدلله على كل حال !!
مها بضيج :لا تقولين جذا حبيبتي !! صدقيني اكيد بعد ظلمة الليالي فيه فجر مشرق وحلو !! اهم شي تتفائلي
فاطمه وهي تتنهد : ملزومه اصبر وابلع المر واسكت !! بشوف اشو تاليتها مع هـ البلوه اللي ابتليت فيها ؟!!
مها بابتسامه : فهذي صدقتي !! مريم بلوه عوده وما تنبلع بعد !! بس شو تسوي ؟!! لازم تتحمليها !! يلا قومي
غسلي ويهج .. الظاهر نسيتي انه اليوم الحزن ممنوع !! لازم ننسى احزانا وهذا كله بس عشاان خوله !! واذا فنظرج
ما تستاهل !! عادي احينه اوصي ادريول يوديج البيت !! وبخبرهم انج تعبتي شوي !! اهم شي راحتج حبيبتي
فاطمه بابتسامه ممزوجه بحزن : عشان خوله مستعده ادفن حزني بداخلي اهم شي اشوفها هي مستانسه ومرتاحه
مها : وهذا الكلام السليم !! خوله صارلها نص ساعه تقريبا وهي تنتظرج !! .. يلا قومي وخلينا نروح صوبها
فاطمه بابتسامه وهي تمسح دموعها وتعدل ميكبها : يلا فديتج توكلنا على الله ..