حمود بابتسامه : لا ابوي وايد تعبان وحالة خولة مـتبهدله فـ مابا اخليهم بروحهم في البيت
مريم بثقه : اذا جذا بسير عندك اهلك اهمه يحتاجولي اكثر احينه ومابا اخليهم بروحهم في هـ المحنة
حمود وهو يتنهد : اصيله يا مريم يالله عيل خلينا نروح اخاف نتأخر عليهم ..
هلال اول ما شاف مريم سار صوبها : مريووووم الله يهداج انتي وينج من الصبح اندقلج وتلفونج يعطي مصكر
مريم وهي تتنهد : وين بعد كنت مداومه .. وتلفووني حصلته مفضي وتوني بس انتبهتله
هلال : ما علينا من هالرمسه يالله خلينا انسير وايد تأخرنا ..
مريم بابتسامه : ما عيله هلال اسمحلي زوجي هالمره محتاجلي ولازم اوقف معاه
هلال وهو يتنهد : اها خلاااص يالله عيل انا بتوكل على الله اشوفكم باجر
حمود وهو يسلم عليه : تصبح على الف خير نحن بعد بنترخص




::

::



روضه بضيج وبنظرات توسل : خالد مها محتاجه لاحد يوقف معها في الفتره !!!! خلني اتم عندها
خالد بضيج : رواضي حبيبي !! ما يصير !! صعبه !! وبعدين كيف بيحطوا مقيمين في نفس الوقت
روضه تقاطعه : هذي غرفة خااصه وبعدين مالهم شغل جم واحد بيتم معاها .. الله يخليك خلني اتم معها
خالد وهو يتنهد : روضه بس دلع بنات !! قتلج ما يصير !! تعالي باجر وتطمني عليها
روضه بعصبيه : خالد الله يهداك !! الحين مش وقت يصير وما يصير !! نسايبك محتاجيلي وانا مستحيل اتخلى عنهم
بو خالد : روضه بلاج يا بنيتي اشو اللي مستوووي هنيه
روضه وهي منزله راسها : ابووووي مها وايد تعبانه وخايفه يصير لها شي !! وما تحصل احد واقف معها !!!
بوخالد : هيه يا بنيتي بس عندهم عيال عمهم !! وزوجة اخوهم !! اكيد ما بتقصر
روضه بضيج : خلاااص انزين خلونا نسير !! الظاهر مالي نصيب وما خلصت كلامها الا وتسمع طيحة يايه من صوب
غرفة ام حمود وعلى طول سااارت تركض صووبهم وحصلت مها طايحه ع الارض !! ولون وجها صاير ازرق
روضه بخوف : ابووووي هذا اللي كنت خايفه منه ؟؟!!!!!!!!!!!!!!!!!! ,,
خالد راح على طول صوب السسترات وخبرهم !! وعلى طول راحوا صوبها !!
روضه بتوتر : دكتوره طمنيني اخبارها
الدكتوره بتوتر : سبحان الله الكل صايره اعصابهم تعبانه .. لا تخافين كلها ساعتين وتقوم وما عليها الا العافيه
روضه بضيج : مشكوووره دكتوره خلااص انا بتم معاها واذا صار شي بخبركم على طول وسارت صوب خالد .. خالد
اشو رايك اتم انا معاها ؟!! ولا ادق على خوله أو فطوم ؟؟! واخبرهم انه مها تعبانه !! ولازم احد يجي ويجلس عندها
خالد بضيج : خلاص رواضي تمي معاها ما يصير اندق عليهم ونشغل بالهم!!يكفي فهد وام حمود ما نبا نزيد الطين بله
بوخالد وهو يتنهد : روووضه اذا صار شي على طول دقي علينا زين!!نحن وايد تأخرنا على اخوانج ومضطرين انروح
روضه وهي تتنهد : خلاص باباتي توكل على الله واذا صار شي ببلغكم ان شاء الله ؟!!!!!!!!

::

::



وفي السيــــآره وصل حمود ومريم
خوله وهي تتنهد : حمود ليش تأخرت ؟؟؟؟؟؟؟؟؟!!!! صاااير شي حق فهد لا سمح الله !!!!
حمود بضيج : لا تطمني !! فهد ما فيه الا العافيه !! مريم طول الوقت كانت معاه وما قصرت وتقول حالته مستقره
بو حمود وهو يتنهد : مريم يا بنيتي اذا فيه شي لا تخبين علي
مريم تقاطعه وبثـقه : لا عمي !! ان شاء الله كلها جم يوم وبتستقر حالته !!بس انتو ادعوله
خوله وهي تتنهد : الله يسمع منج ان شاء الله !! ويرجعلنا سالم غانم !! وتكون آخر احزانا !!
حمود : ابوي مريوم بتم معانا اليوم !! تقول ما تبا تخلي خوله وفاطمه بروحهم !! خايفه يصير شي لا سمح الله
بوحمود : زين تسوووي !!!!!! اصيله يا ابنيتي !!!!!!
مريم وهي اطالع فاطمه : عمي !!!! اذا وجودي ما يزعجكم بتم معاكم لحد ما تهداء الاوضاع وعقب برجع بيتنا
بوحمود : لا يا بنيتي !! لا تقولي جذا !!! اذا ما شالج البيت تشيلج عيووونا
مريم : فيك الخير عمي !! ما تقصر !! وصدت صوب فاطمة وكانت تبا تقهرها !! وتحرقصلها اعصابها شوي !!
وتمتمت بدلع ممزوج بشويت غنج !!! بس ان شاء الله هـ الشي ما يضايق فاطمه !! ترى كله ولا زعلها !!
فاطمه وهي اطالعها من فوق لتحت : لا من هـ الناحية تطمني !!! بالعكس وجودج يفرحني !!!!!
بوحمود : وهذا عشمي فيج يا فاطمه!! يوم عن يوم تكبرين في عيني !! عسى الله يخليلج ريلج وعيالج
مريم وهي اتصاصخ فاطمه : اممم الظاهر حتى عمج لاحسة مخه !!!! بس كل علة ولها دواء !!! ودواهم عندي
فاطمه طنشتها وما ردت عليها وتمت تقول فخاطرها : يا ربي يوم عن يوم تثبتلي فعلا انها مينونه !! ومريضه بعد!!

::

::

روضه وهي واقفه عند العناية واطالع فهد وتصيح بحرقة: فهد الله يخليك لا تروح وتخلاني !! ودي اصارحك واخبرك
اني حبيتك من اول يوم شفتك فيه!!! بس في نفس الوقت خايفه !!!! خاايفه يكون احد في بالك !!! وحبي لك بيكون
من طرف واحد !! وساعتها عذابي بيكون أشد!!وشافت سستر يايه وراحت صوبها:سستر انا اصير اخته اقدر اساعدج
السيستر : لا ما يحتاج!! هذي شغلتي !!عن اذنج!! واول ما دخلت السستر روضه لحقتها بدون ما تتنبه عليها واول ما
خلصت شغلها طلعت .. وراحت روضه صوب فهد وتمت تطالع شكله وكان في بقايا دم مرسوم على وجهة وجبينة !!
تمت تشوف كل كسر في جسمه !! وكانت متحسفة على حالته وتصيح بحرقة!!صاير وجهه ذابل وشفايفه كانت متشققة
!!والسواد مرسوم تحت عيونه !! ما قدرت تتحمل هـ المنظر ونزل سيل من دموعها !! ولطخ خدها !! تقربت من فهد
شوي شوي !! تمنت تكون هي مكانة !! تمنت يكون الحادث صاير عليها مش على فهد !! مسكت ايده وكان فيها بقعت
دم وتمت تمسح عليها !! لحد ما تلاشت !! قعدت تتأمل ملامح فهد والحزن مرسوم فيها !! وعقب ما تحملت وتمت
تصيح من خاااطر وهي تضغط على ايده بقوه !! كان ودها فهد يحس فيها !! ولما يقوم تكون عينها اول من يحتضن
عينه !! تمت ع هـ الحال نص ســـآعه !! وطول الوقت كانت تدعيله !! ما كانت تتخيل حياتها من غير حسه !!
وعقبها سمعت فهد يأن !! كل قطعة في جسمها توجهت ناحية الصوت !! اللي كان يون مش حي الله احد !! هذا فهد !!
فــجأة فهد بداء يبطل عيونه شوي شوي !!و اول ما بطل عيونه حصل حرمة وتحراها وحده من خواته !! بس عقب ما
ركز عليها وعلى ملامح وجها عرف انها روضة !!! وبداء يتكلم بصوت مبحوح !! ومتقطع !! بس ما فهمت عليه !!
روضة من فرحتها بـ فهد !! ع طول مسكت ايده وضغطت عليها بأقوى حيلها !! لبيه يا فهد !! آمرنـي !! انا كلي لك !!
فهد التعب اللي كان مسيطر عليه !! واللي كان ينهش بجسمه !! خلاه ما يركز على كلامها : ابـ....ــآ اشـ,,,ـرب
روضه على طول فزت من مكانها !! وكلها ثواني ومسكت راسة ورفعته شوي وتمت تشربه !! بكل حب وحنان !!
فهد وصوته متقطع ومبحـــوح : انـــ .......ــــــآ ويـــــ ..................ــــــن ؟؟؟؟؟؟؟؟؟؟؟؟!!!!!!
روضه بخــــوف : انته في المستشفى ؟؟!!!!!!!!!! صاار عليك حااادث !!!!!!
وعقب غمض عيونه وتم يتذكر كل اللـــي صار وبعدها جلس يهلووووس ويزقر ســــــآآآآآآره
روضه أول ما سمعت اسم سارة تخدرت !! كل شي ينبض في جسمها توقف !! دارت فيها الدنيا !! أنشلت كل حواسها
!! دمعتها جفت في عينها قبل ما تنزل !! ودها تكَذب كل اللي سمعته !! معقولة فهد يحب وحده ثانيه غيري !! لا
مستــحيل !! فهد ملكي !! فهد حقي انا وبس !! اكيد فهد غلطان !! كان وده يزقرني انا !!بس بالغلط نطق اسم سارة!!
هيه اكيد ما كان يقصد !! انا متاكدة !!! وما خصلت كلامها الا وفهد رجع ويكرر اسم سارة مره ثانية !! روضه هنيه
تحطمت !! انهارت!!كل شي فدنيتها صار اسود!!صكرت عيونها !! كان ودها اول ما تبطل عيونها يكون كل هذا حلم !!
قطع حبل افكارها فهد وهو يأن !! واول ما بطل عيونه شاف روضة بصورة سارة !! على طول مسك ايدها بأقوى حيلة
!! كان ماسك ايدها مثل الطفل اللي متمسك بلعبة !! وخايف احد يحرمه منها !! بداء يضغط اكثر واكثر !! وتم يتأمل
عيونها وبحزن : ســـ ...ــآره لا تروحي وتخليني !!!! مستعد اعطيج روحي !ّ! بس لا تخليني !! ابوس ايدج لا تخليني
روضة عقب ما سمعت كلامه !! عرفت انه هذا مش حلم !! هنيه دارت فيها الدنيا !! كل قوه في جسمها خانتها !!
تمنت لو انها تمت عند مها !! ولا فكرت تجي صوب فهد !!تمنت الدنيا تنشق وتبلعها !! وما تكون سمعت اللي سمعته
!! وشافت اللي ما ودها تشوفه !! كانت تبا تهرب من الوضع اللي حطها فهد فيه !! كانت تبا تشيل من راسها كل كلمة
قالها!! حاولت تبطل ايدها !! بس فهد كان ضاغط على ايدها بأقوى حيلة !! ما قدرت تستحمل هـ الوضع !! تمنت لو
كان فهد ماسك يدها على اساس انها روضة !! مش سارة !! الوضع كان بيكون وايد اهون بنسبالها !! هنيه وفي
هـ اللحظة روضة عرفت انها راح تخسر كل شي !! لانه فهد كان بنسبالها كل شي في حياتها !! كل احلامها الوردية
اللي رسمتها وهي تفكر تكون قرب فهد !!!! صارت سراب !! تبخرت !! وبركان الحب اللي كان عايش بداخلها تحول
للـرماد !! فتات !! روضة حست نفسها انها بتختنق !! ما قدرت تتحمل هـ الوضع !! حاولت قد ما تقدر تبطل يدها من
يد فهد!! بس فهد كان اقوى منها !! كانت ودها تصرخ في وجهه وتخبره !! انا مش سارة يا فهد!! انا روضة !! سيل
من الدموع انرسم على خدها !! حالت فهد ما كانت تسمحلها تصرخ في وجهه !! وتخبره انه بهالطريقة !! قاعد
يذبحها!!يشتتها !! تمت تحاول تبطل ايده بس فهد شدها صوبه !! لحد ما صارت وايد قريبة منه !! طاحت عينه بعينها
!! كانت نظراته كلها حب وحنيه !! بس كل ما تتذكر انه هـ النظرات مش حقها !! تحس بغصــة فـ قلبها !! وكأنه احد
قاعد يطعنها بخنجر !! وما يخليها تلتقط انفاسها !! الا وهو يغرس خنجر ثاني فـ قلبها !! ما تحملت نظرات فهد !!
حولت وجها للجهة ثانية !! عشان تهرب من نظراته !! وما تضعف !! بس فهد رجع يون مره ثانيه !! وع طول صدت
صوبه !!! الدموع كانت غرقانه في عينها !! وجهها صار لون اصفر وشاحب !! تمتمت بحزن !! فهد شي يعورك !!
على طول نزلت دمعة على خد فهد !! وتمتم بحزن وهو مركز على ملامحها !! مسك ايدها وحطها على قلبه !! هذا
يعورني !! روضة كانت تصرخ من اعماقها !! بس يا فهد كافي !! حرام عليك ارحمني !! لحد متى بستحمل كلامك
القاسي !! انا مش سارة !! انا روضة !! معقولة الحب اعماك !! وخلاك تشوفني بصورة سارة !! سحبت يدها باقوى
حيلها وكانت سايرة تركض صوب برع بس قاطعها صوت فهد وهو يصيح بحرقة:سارة اوعديني انج ما راح تخليني !!
هنيه ما قدرت تستحمل !! خذت نفس عميق !! ولملمت نفسها !! وردت علية بصوت واطئ !! سارة جرحتك !! وانته
مش بس جرحتني !! حطمتني !! وصلتني لـ فوق بس فـ لحظة رجعتني لقاع الارض !! ما رحمتني !! ولا رحمت قلبي
اللي حبك !! ليشت جازيتني بهالشكل !! وراحت صوبه وكانت دموعها اربع اربع !! ليش سويت فيني جذا ليش!!
بس فهد ساعتها كان تعبان !! وغطت عينه بدون ما يحس !! ودموعه مرسومه ع خده !! مسحت دمعته وراحت
تركض صوب حجرة مها !! حست روحها بتطلع !! اليوم اكتشفت أفظع حقيقة !! اليوم خسرت كل شي حلو جمعها مع
فهد !! حطت يدها على قلبها !! وتمت تتنفس بـ صعوبة !! ما كانت قادرة تستحمل هـ الوضع !! تمت تصيح بصوت
مسموع !! جلست ع الارض !! وضمت راسها بين رجولها !! وقعدت تتخيل اللي صار !! وصار بكائها مخلوط
بشهقات !!!!!!! مها اول ما سمعت هـ الصوت !! خافت !! وع طول فزت من مكانها !! وتمت تطالع روضة !!

مها اول ما سمعت هـ الصوت !! خافت !! وع طول فزت من مكانها !! وتمت تطالع روضة !!
والخوف مسطير عليها !! روووووووووضه انا وين !!!!؟؟!!!! وانتي ليش قاعده تصيحي بهـ الشكل !!!
روضه وهي تمسح دموعها وتلبس شيلتها : تعبتي شووي وعطوج مهدئ !!! طمنيني كيف صحتج احينه !!
مها بتوتر : انا بخير !!!!!!! امايه طمنيني عليها !!! اشو صار عليها !!!
روضه وهي اداري دمعتها : امج بخير !!!! بعدها للحين رااقده !! وما قامت !!!! ..
مها بخووف : انزين !! انتي ليش يالسه اتصيحي !!! فهد صارله شي !!!! الله يخليج لا اتخبي علي
روضه تقاطعها: لا حبيبتي فهد بخير !!! وابشرج بداء يسترد وعيه !!! توني كنت هناك والدكتور طمني علية !!!
مها وهي مب مصدقه وحاولت توقف على رجولها: من صدقج !!! فهد بطل عيونه !! عيل قومي خلينا نروح صوبه !!
روضه تقاطعها : لا الدكتور قال خلوه يرتاح الحين !! انتي ريحي بالج !! واهتمي بصحتج !! وفهد ما فيه الا العافية
مها وهي تقاطعها : بس انا لازم اشوفه!!!!!! الله يخليج !! قومي وديني صوبه !! ابا اتطمن علية !!
روضه بضيج : مهوووي الله يهداج !! انتي بروحج حيلج منهد !! لا تمي تعاندي قتلج لا صار الصبح بوديج
مها طنشت روضة وحاولت تمشي !! واول ما خطت خطوة كانت بطيح !!بس لحقت ع عمرها واستندت على روضه ..
روضه بضيج : مهوووي الله يخليج بطلي هـ العناد !!!!! انتي رقدي احينه ولا قمتي يصير خير
مها بضيج:لا مستحيل اول اتطمن على فهد وامايه !! ما أدري انا مش مطمنه !! اول ما قمت شفتج تصيحي بشكل
غريب !! وخايفة يكون صاير شي على فهد !! وانتي ما حابة تخبريني !! روضه عشان خاطري !! خلينا نروح صوبة
روضه بضيج : بشو تبيني احلفلج انه ما صاير شي!!! بس كنت مضايجه من اللي صار !! وتذكرت امايه وتميت اصيح
مها بضيج : ما عليه رواضي استحمليني شوي !!!!! عشان خاطري قومي وديني عند فهد !! خليني اتطمن عليه!!
روضه وهي تتنهد ما كان ودها تروح صوب هناك !! كانت تحاول تبعد عن فهد !! بس هي مجبورة تروح !! لانها
عارفه انه مها عنيده!!وما بتسكت الا اذا سوت اللي براسها: مدام هـ الشي يريحج يا الله استندي علي وخلينا نروح
ساروا وأول ما وصلوا صوب غرفة فهد تمت مها تشوفه وتصيح !!! وأول ما شافها الدكتور راح صوبها
الدكتور بابتسامه : الظاهر انه فهد يخصج ؟؟؟؟!!!!!!!!!!!
مها وهي تتنهد : هيه فهد يصير اخوووي !!!!!!!!!!!
الدكتور : الحمد لله من شوي تنبهه واستعاد وعيية !!! يعني تقدري تقولي تعدى مرحلة الخطر ..
مها وروضه مع بعض : الحمد لله
مها بنظرات توسل : دكتور اقدر اشوووفه !!!! ابا اتطمن عليه اكثر
الدكتور : اكيد !! بس حاولي ما تعبيه وتكلميه وايد !! أتمنى لو تختصري !! هو بعده تعبان !! من رخصتكم
مها : ان شاء الله دكتور !! ما راح أطول !!! وصدت صوب روضه .. اشو رايج تدخلين معاااي
روضه بنظرات حزن وبتردد: انتي ما قادرة تمشي !!!! الا ومستنده علي !!!! فـ شي طبيعي اني ادخل معاج !!!
مها ابتسمت وعقب راحوا صوب فهد !! مها أول ما شافت اخوها عينها تمت تدمع !! كان تعبان !! ووجه صاير لونه
اصفر !!! تمت تمسح على راسه وتقرا عليه : فهد طمني عليك كيف صرت ؟! فهد جاان رااقد ولا حااس باللي حواليــه
روضه بضيج : مهوووي شكله تعبان وراقد !!! خلينا نروح !! وعقب نرجع ونتطمن عليه !! الدكتور قال ما نطول !!
مها وهي تتنهد : خلااص عيل خلينا نروح !!! ابا ابشر امي يمكن ترتاح لا سمعت بهـ الخبر ..
روضه : لا حبيبتي !! امج الحين راقدة !! خلينا نسير صوب غرفتج !! انتي لازم ترتاحيلج شوي !!! ارحمي حالج
مها بضيج : لا انا بخير تطمني !!!!! وما خلصت كلامها الا وحست الدنيا تدور فيها !! ورمت بثقلها كله ع الأرض !!
روضه بخووف : مهوووي قومي غناتي !!!! قوومي بلاج الغاليه .. وجوا السسترات وودوها صوب حجرتها !!!!
الدكتوره بعتب : الله يهداج بس !! انتي تامة عندها عسب تلفلفيها في المستشفى !! ولا تخليها ترتاح ؟!!!!!
روضه بضيج : ما عليه دكتوره اسمحيلي !! بس مها وايد عنيده !! واصرت علي الا تشوف اخوها وتطمنن عليه
الدكتوره : حصل خير !! وتحسبا لمثل هـ الظرف انا عطيتها مهدئ وما راح تصحى الا باجر الفجر يا الله من رخصتج
روضه وهي تتنهد : مشكووره دكتووووورة !!!! ما قصرتي !!!!!! واوعدج اللي صار ما يتكرر

::
::

صـــــــآرت الســـــاعه تسع الصبح والكل كان موجود وياي يتطمن على فهد الدكتور جان معاه ويالس يتطمن عليه
وعقب ما تم معاااه وخلص وجهز التقرير صار صوب اهله عسب يخبرهم !! اخر التطورات !!!!
بو حمود والخوف مسيطر علية : هاه دكتوووور بشر !!!! ولدي شحاله !!!! وكيف صحته الحين !! عسى أهون !!..
الدكتور بضيج : فهد بخيـــــر ولله الحمد !!! وتعدى مرحلة الخطر بـــــــــ ...........ـــــــس ؟؟؟!!!!!!!!!!
حمود بتوتر ممزوج بخووف : دكتور !!!!!!!!!! اشو اللي مستوي ؟؟!!!!!!!!
الدكتور وهو منزل راسه : فيه اعصاااب تعطلت فرجله وفي ايده اليمين !!! ويمكن ما يقدر يمشي ولا يحرك ايده !!!
بوحمود بخوف : دكتور انته شوو تقول !!!!!!!!!!من صدقك قاعد تتكلم !!!!!!
الدكتور يقاطعه وبحزن : هـ الأمور ما فيها مزح !! للأسف هذا اللي صاير !! فهد ما راح يقدر يمشي مره ثانيه!!
بو حمود اول ما سمع الخبر طاح وما قدر يوقف على رجولة وحمود على طول مسكه
بوحمود وعينه تدمع : خبرني انا شو اسوي بحالي !!!! بالأول خوووله !!!! والحين فهد !! حيلي أنهد !!!
حمود بضيج : اذكر الله أبووي !!! ان شاء الله اكيد فيه حل !!!!! والحين الطب تطووور !!!!
بوحمود : الطب تطور !! انته على منو تضحك !! اختك خووله جدامك !!! الطب ما نفعها !! ولا قدر يرجعلها بصرها
بوهلال : بوحمود خلنا نروح عند الدكتور ونفهم منه اكيد له علااج في الخارج !! لا تخلى اليأس يدخل في قلبـك !!
حمود وهو يتنهد : عمي خذ ابووي وسيروا عند الدكتور انا بسير اطمن امي واخبرها باللي قاله الدكتور !!
خالد بضيج : حمود انته تخبلت !!! اشو بتقولها !!ولدج أنشل !! وما راح يقدر يمشي مره ثانيه اخاااف تتعب علينا !!
هلال يقاطعهم وهو يطالع خالد بقهر: بس اذا ما عرفت اليوم بتعرف بااجر !!! وبنبلغها الحين أفضل !!
خالد وهو يطالع هلال :خلااص سوا اللي يريحك !! انا ما راح اتدخل !!!! هذي امك !!!! وانته ادرى بمصلحتها !!!
حمود : مشكوور خالد !! ادري انك خايف على امايه بس لازم تعرف .. واذا فيه علاج برع راح نسفره على طول
ام حمود بخووف : مهوووي سيري شوفي اخوج !!!! للحين ما جاء يطمنا على فهد !! اخاف صاير شي لا سمح الله
خوله وهي تحضنها : امايه حبيبتي لا تشغلين بالج !! فهود خلاص تعدى مرحلة الخطر وان شاء الله ما فيه الا العافيه
ام حمود : ولو!!!!!! بس انا حاسه فيه شي !!!!!!!! قلبي ناغزني !!! الله يستــر بس !! ويجيب العواقب سليمة !!
مها بضيج : خلاااص هذا حمووود ياي !!!!! واكيد بيطمنا عليه
ام حمود نشت وسارت صوب حمود ونظراتها كان فيها نظرة امل وتوسل : هاه طمني !!!!! اشوو قالكم الدكتور ؟!!!
حمود بضيج : امايه يمكن الكلام اللي بقوله حقج يضايقج !!! بس نحمد الله انه فهد بخير !! وما فيه إلا العافية !!!
ام حمود بضيج : حمود اختصر اشوو اللي مستووي ؟؟!! خبرني شو اللي صاير !! ولا تفكر تكذب علي!!
حمود وهو يتنهد : امااايه ..............!!!! فهد !!!! فهد صااااار مشلول ووحده من أيديه فيها كسر وما بيقدر يحركها
ام حمود اول ما سمعت هــ الرمسه ما قدرت تستند على حيلها ويلست ع الارض وتمت تصيح من خااااااطر !!!
خوله وعيونها توسعت : انته شو تقووول ؟؟؟!!!!! فهد بيعيش طول عمره عاااجز !!!!!!! لااااا مستحيل
مها وهي تحضن امها : امااايه الله يخليج هدي نفسج !!! اكيد فيه حل !!!! فهد مستحيل يتم على هـ الحال !! مستحيل
روضه وهي تستند ع الكرسي وتمت تصيح : معقـــووله فهد ما بيقدر يمشي ولا يتحرك !!!! لاااااا مستحيل ما اصدق
ام حمود وهي مااسكه راسها وتصيح وما راضيه تكلم احد !! حطت راسها بين رجولها !! وكان شكلها يكسر الخاطر ..
حمود وهو يجلس ع الأرض : امايه عشان خاطري تكلمي لا تمي ساكته !!!!!!!! سكوتج هذا يخوفني
ام حمود تمت منزله راسها ع الارض ولا ترد عليهم !!!! همها كان اكبر منها !!!!!
سارة بضيج: اآآه امايه الله يكون في عونهم !! المصاايب بدت تهل عليهم شرات السيل!!الله يصبرهم ويكون في عونهم
ام هلال :هيه والله ما ادري كيف بتستحمل ام حمود هـ العذاب !!!من جهة خوله !!ومن الجهة الثانية فهد!!الله يصبرهم
خوله بــ ألصدفه سمعت رمسة ام هلال !!!! وأول ما سمعتها انهارت !! وما قدرت تستحمل !! ودموعها انحفرت على خدها !!!! وكانت تمشي بطريقة غريبة !! ومب قادرة تركز !!!! ولحقتها فاطمه
ساره بتوتر : اماايه اخاااف خوله سمعت شي ؟؟؟؟؟؟!!!!!!!!!!!!!!!!
ام هلال : انزينه !!!! والحين انا قلت شي غلط !!! خولة من يوم يومها وهي سبب كل للـ هموم في بيت عمج !!
ساره وهي تهز راسها : لا حشا ما قلتي شي !!!!!!!!! انتي دومج تفري الرمسه !!!!!!! ولا تحسبيلها حساااب
ام هلال : اصلا خوله لسانها طويل !!!!!!!! ولو سمعت شي اكيد بتعلق وما بتم ساكته
خوله وعينها تدمع : اه يا الله انا كثر شو بستحمل يوم عن يوم احس اني ثجيله ع الكل .. من لما صغيره وانا معذبه
امي وابوي واخواني !!!والحين حالة فهد زادت الطين بله !!! ما ادري امايه وابوي كيف بيقدروا يستحملو هـ الشي ؟!
بس الرمسه اللي سمعتها من ام هلال جرحتني وحسستني فعلا اني ثجيله .. هذا اذا القريب يقول عني جذا !!!! عيل
الغريب شو يقول ؟!!! اذا أهلي مش مستحملين حالتي !! خالد كيف بيقدر وبيتحمل مسؤولياتي وضعفي وعجزي !!
اكيد بيستحمل يوم يومين !!! وعقب اكيد بيمل ؟!! آآآآآآآآآآآه يارب هون علي مصيبتي .. وقدرني وساعدني وامنحني
القوه عسب اسيطر على ضعفي واثبت للكل اني مش ضعيفه !! وكوني عمياء هـ الشي يزيد من اصراري عسب اقدر
اعيش وما استسلم لضعاف النفوس !! اللي شرات خالتي وغيرها !! يا رب اذا حرمتني نعمة البصر فلا تحرمني نعمة
البصيره .... يا رب انته أدرى بحالتي .. يا رب الطف بي وساعدني !! وسهل علي كل أموري !! يا كريم يا قادر !!