خوله : مهوووي تكلميني ؟!!!!!!!!!!!!!!!
مها بتوتر : لا كنت اغني يالله قوموا خلونا نسير ناكل لقمة .. وسمعت تلفون البيت يرن وراحت صوبه .. الوووووو
قعدت تسمع لمدة خمس ثواني وعقبها تمت ساكته ومتصلبه مكانها !! ما عرفت شو تسوي !! كان ودها تصرخ !!
ودها تكذب اللي سمعته !! ودها تضحك وتقول انه احد يلعب معها هـ اللعبه !! بس رجع هـ الصوت يأكدلها صحة اللي
سمعته ما عرفت شو تسوي قوتها خانتها !!!!! طاحت سماعة التلفون من ايدها !!!! وعقب رمت بكل ثقلها ع الارض
فاطمه ركضت صوبها والخوف مسيطر عليها : مهووووي بلااج اشوووو صاااااير؟؟!!
خوله بخووف : فطوم بلاها مها !!!! اشو هـ الصوت !!!! اشو اللي مستوي !!!!!!
فاطمه بتوتر: ما ادري اشو اللي مستوي .. مهوووي نشي بلااااج ؟!!!!
ام حمود بخووف : بلاها مهاا ؟؟!! اشو اللي مستوي ؟؟!!! منو اللي متصل !!!!
مها بعد ما طلعت من صدمتها وهي تحاول تتكلم وبصوت مبحوح ومتقطع : فـــــ..........ـــــهـ.........ـــد ؟؟!!!!
ام حمود بخووف : اشوووووووو بلاه فهد ؟؟!!!!!!
مها وهي تاخذ نفس ومب عارف كيف تبلغهم الخبر : امايه فهد صاار عليه حادث داقين من المستشفى
ام حمود دارت فيها الدنيا !! دقات قلبها تجمدت !! وتمت متصلبة مكانها !! بين مصدقه ومكذبة للخبر !! وفي وسط هـ التساؤلات دارت فيها الدنيا !!!! وما حست إلا براسها وهو يضرب بقوه ع الأرض !!
خوله وادموعها اربع اربع : يالله استر .. يارب تلطف علينا .. فطوم دقي على حمود خليه يجي بسرعه
فاطمه وهي تركض صوب عمتها والخوف مسيطر عليها : ان شاااااء الله احينه بسير ادقله !!!!!!!!!

::

::

وفــــــــــي آلمستشفــــــــــــــــــى
الكل جان يالس على اعصـــــآبه حمود اول ما شاف الدكتور راح صوبه
حمود بتوتر: دكتور طمنا كيف صار فهد الحين
الدكتور بتوتر : والله شو اقولك حالته للحين ما ستقرت نحن سوينا اللي علينا والباقي على الله
حمود بضيج : ونعم بـ الله وتم يطالع امه وهي مستنده على الجدار ودموع ابوه وخواته .. يا ربي شو اقولهم احينه
بوحمود بخووف ودمعته في عينه : هاه بشرني اشو قالك الدكتووور ؟؟!!!!!
حمود بضيج : يقول حالته مستقره .. ما بيدنا نسوي شي غير ندعيله
بوحمود وهو يضغط على ايده بقو : طول عمره عاقل وراكز .. ليش تهور وتصرف جذا !!!
حمود وهو يتنهد : ابوووي احينه ما وقت الملامه !! خلنا ندعيله !!!
خوله وهي اتصيح : خاايفه يصيرله شي .. الله يجيب العواقب سليمه
مها وهي تحضن خوله : خوالي الله يخليج لا تقوليها ما اتصوور حياتي من غير فهد !! هو ضحكة البيت فقدانه صعب
فاطمه بضيج : خلاااص لا تمن تفاولن عليه ان شاء الله ما فيه الا العافيه
ام حمود بضيج : وا حسرتي على ولدي واااا حسرتي على ولدي ...
مها وهي تبوس راسها :امايه انتي حرمه كبيره ومؤمنه بقضاء الله لا تمي تقولي جذا مب زين ادعي الله يشافيه
ام حمود : يالله يارب تشاافيه وترجعه لي سالم غانم !! يا رب يا كريم

::

::

وفـــي السيـــــــــــاره عند هلال وعيلته
بوهلال : لا حول ولا قوة الا بالله .. شاحنه وش كبرها !!!!!! معقوله فهد ما انتبهلها !!!!!
هلال كان في عالم ثاني !! قاعد يتذكر كل اللي صار بينه وبين فهد : معقوله حادث فهد سببه ساره وسعيد !!هو من
عرف اني اللي خطب اختي سعيد تكدر وتضاايج !! انا دايما كنت اشك انه فهد يحب سااره بس تحريته يحبها شرات
مها وخوله .. ما توقعت آنه يحبها كـــ ................. ؟؟؟؟؟؟؟؟؟؟؟؟؟؟؟؟؟؟؟؟؟!!!!!!! لا لا !! اكيد في غلط بالموضوع
ساره تقاطعة بضيج : هلال دق على حمود !!! خله يطمنا عليه !!
بوهلال : توني دااق على بوحمود وقاال للحين حالته مستقره !!!! بس بعده ما تعدى المرحلة الحرجة
ساره بتوتر : لا ابوي !! ان شاء الله ما عليه الا العافية !!!.. الله يبعد الاحزان عنا
مريم فخاطرها:اكيد احينه فاطمه مستغله هـ الفرصه ويالسه تنوح فاحضان حموود بس من اوصل راح تختلف الادوار
هلال بضيج : اتمنى اللي يدور في بالي يكون كله غلط فغلط !! سعيد لا درى انه السبب في حادث فهد !! اكيد ما
بيقدر يحط عينه في عين اختي ويمكن يدوس على قلبه عسب رفيق عمره.. ويكنسل سالفة الزواج كلها

::

::

::

وعنـــــــــــد خـــآلد وابوه وروووضه
خالد بضيج : الصبح كنت معاه وجان يضحك ويسولف وما حسيت انه فيه شي مضايجه ولا مكدر خاطره
بو خالد : يا بوك الحوادث ما يبيلها واحد مضايج ولا مستانس هذي قدرة الله !!!! والحمدلله على كل حال
روضه فخاطرها : لا يا فهد ما راح اخليك تروح عني بكل سهوله !! انا ما صدقت اني احصل اللي اسلمه قلبي واحينه
تبا تبعيني وتخلاني!! مستحيل !! يا رب انته خذيت من امي لا تاخذ مني فهد !! اخااف اموووت من بعده
خالد وهو يشوف روضه : رواااضي حبيبتي خلااص ادعي ربج يهونها وان شاء الله ما يصير الا كل خير هذا وانتي
وما تعرفيه ومضايقة عشانه هالكثر !! كيف لوعرفتيه وعاشرتيه وعرفتي طبايعه .. فهد يدخل القلب على طول
روضه وهي تتنهد وفي خاطرها : هيه هيه يا خالد !!لو كنت عارف البركان اللي بصدري كان ما قلت اني ما اعرفه !!
يمكن انا اعرفه اكثر منك !! نظرة وحده منه خلتني اعرف كل شي يدور بداخله .. يارب احفظة لي ولا تحرمني منه
بو خالد : خالد خلها على راحتها ... روضه قلبها رهيف ومن تسمع احد صار عليه حادث او مات اتم اتصيح
روضه اول ما سمعت طاري الموت حست انه في بركان صار يغلي بصدرها !! وحست نفسها بتختنق ومب قادرة
تتنفس !! والا شعوريا صرخت بصوت عالي :لا ابوي الله يخليك لا تقووولها..ان شاء الله ما يموت !! فهد ما بيموت !!
خالد وهو مستغرب : روضه هدي شوووي !!!!! ابوي ما قاااال شي .. كل شي بقدرة قااادر
بو خالد : ما عليه خلها على راحتها .. الموت بنسبالها شي صعب !! مع انه حقيقه !!بس هي رافضه تتقبل هـ الشي
روضه بضيج : ابووووي انا اسفه ما قصدي ارفع صوتي !! بس كل ما اسمع طاري الموت احس دمي يفوور
بو خالد : ما عليه بنيتي معذووره ومحد يزعل من روحه لا تشغلين بالج

:::

::


والكل وصل المستشفى واول ما شافوا بو حمود راحوا صوووبه
بوهلال بضيج : هاه بو حمود طمني عسى حالته تحسنت .. بعده داخل فغيبوبه
بوحمود وهو يداري دمعته : الدكتور يقووول حالته بعدها خطره .. وما يندرى اذا بينش من الغيبوبه
بوهلال يقاطعه وبخووف : لا ان شاء الله بيقوم !!!! اهم شي خلى ايمانك بالله قووي ولا تيأس
بوحمود وهو يطالع ام حمود : والله ما حاز فخاطري الا هالمسيكينه !! من يوم ما درت بالحادث وعينها ما نشفت !!
وطاحت علينا مرتين الضغط مره يرتفع ومره ينزل محد عارفله .. خايف عليها !! خايف تروح من بين ايدينا ..
بو هلال بضيج : ما عليه ان شاء الله فهد يتشافى ويقر عين امه فيه .. انته لا تكدر خااطرك
خالد وابوه كانوا توهم واصلين وراحوا ع طول صووب بو حمود
بوخالد بضيج : الله يصبركم بوحمود عسى الله يشافيه
بو حمود وهو مكسوور ويمسح دموعه بغترته وبصوت متقطع : ان شاء الله !!!!! ان شاء الله
خالد : عمي فهد مستحيل يتخلى عن اللي يحبوه بكل سهووله بيرجعلنا ان شاء الله
بوحمود بضيج : الله يسمع منك يا خالد ..... الله يسمع منك
مريم وهو تبوس راس عمتها :عموه لا اتمي اتصيحين ان شاء الله ما فيه الا العافيه وتمت اطالع فاطمه من فوق لتحت
فاطمه فخاطرها وبضيج : طالع هذي .. بلاها طالعني جذا .. احينه وقت غيرتها بس ما تنلام مينونه وعقلها ما فراسها
ام هلال بضيج : اصبري يا وخيتي !!وان شاء الله بتتسهل .. لا تعذبين روحج !! ترى دموعج ما تسوَي شي !! ادعيله
ام حمود:علميني شو اسوي !! وانا اشوف واحد من عيالي يموت جدامي !! هالاحساس صعب !! اي ام ما تقدر تتحمله
خوله بضيج : امايه خلينا ندعيله .. فهد مستحيل يتخلى عنا بكل سهولة واكيد بيواجهه كل صعب وبيتشافى
مها وادموعها اربع اربع : امايه عشاان خاطري فكري بصحتج ع الاقل بسج صيااح
ام حمود وهي تاخذ نفس عميق وبعصبية : خلوووني في حاالي !!!! اقولكم هذا ضناااي !! ليش محد راضي يفهمني
خوله بضيج : مهوووي خليها على راحتها اللي فيها مكفيها لا تزيدي عليها الهموم
مها وهي تتنهد : يارب تشافي فهد وترجعه حقنا سالم غانم .. وتبعد عنا الهم والحزن
روضه اول ما شافتهم يات صوبهم وراحت وباست راس ام حموود وعقب سلمت ع البقيه : هاه طمنوني اخباره احينه
خوله بضيج : بعده ع حالته !! دخلوه من ساعتين العمليات وللحين ما طلعووه
روضه بضيج : الدكتور شو قال بخصوص العملية !!! فيه امل انه يطلع منها !!!
مها وهي تتنهد : عطانا نسبة ضئيلة ما بيدنا شي غير نصبر وندعي الله يقومة بالسلامة
روضة وادموعها اربع اربع : ان شاء الله بيقووم بالسلامه !! هو محتاج لدعواتنا الحين !! خلونا ندعيله
مريم بصووت واطئ : ساروه بلاها هذي اتصيح بهالشكل لا يكون تحبه !!!!!!
ساره وهي تتنهد : وليه يا مريم !!انتي وين ونحن وين !! احينه شو دخل هذا فهذا .. اسير اشوف مهوي وايد احسن
مريم بعصبيه : حشا بلاها هذي عصبت جذا .. اللي يسمعها يقوول مره ميته عليه وبيغمى عليها من كثر الخوف ترى
كل اللي واقفين هنيه يجاملون ولا واحد منهم هامه فهد صدق ما عندهم سالفه اوف بسير اتمشى يمكن احصل وحده
من ربيعاتي .. وبشوف اذا فيه احد من الدكاتره يقدر يساعدنا عسب حمود يحس بقيمتي لاني دكتورة.. واقهر هالفاطمه
ساره وهي تحضن مها:مهوي حبيبتي بسج من كثر ما اتصيحين انتي لازم تكوني قويه عسب امج وللحين ما صار شي
مها وهي اطالع ساره وكانت مقهوره منها لانها كانت عارفه انه فهد جان طالع مضاايج لما عرف انها راح تتزوج
ربيعه بس كتمت قهرها بداخلها وخافت تجرح ساره وهي مالها ذنب غير انه فهد حبها وتعلق فيها من لما كان صغير
ساره بضيج ": مهوووي حبيبتي بلاج ساكته ليش ما تردين علي ..
مها وهي تتنهد : لا يا ساره لا تشغلين بالج ما فيني الا العافيه بس حابه اتم بروحي
ساره بضيج : خلااص حبيبتي دام هالشي يريحج بخليج بروحج اهم شي لا تتكدرين وادعي الله يقومه بالسلامه
مها وهي اطالع ساره بنظرات حزن : مشكووره حبيبتي لا تشغلين بالج شوي وبهداء
روضه وهي تحاول تكتم دمعتها عسب ما تنفضح : خوله معقوله للحين ما طلعوه من العمليات صارله ثلاث ساعات وهو داخل .. الله يستر ويجيب العواقب سليمه .. فهد توه صغير والعمر جدامه
خوله وادموعها اربع اربع : يالله شو هالبلاوي اللي انحطت على راسنا مره وحده

ناصر وهو يتنهد : انزين حتى ولو!!! كلنا اعصابنا تعبانه !! مش من حقه يرفع صوته علي بهالشكل !! انا شسويتله؟!
سعيد بضيج : ما ادري !!! اوقات احس هلال مش هلال اللي صارلي سنين اعرفه !! متغير ميه وثمانين درجة
ناصر بضيج : الله يهديه !! المهم خلنا نأجل هالموضوع لبعدين اللي يهمنا احنيه فهد !! يالله خلنا نروح نتطمن عليه
سعيد بضيج : يالله توكلنا على الله وتم سرحان يا ترى اشو كان يقصد هلال معقوله انا السبب انزين ليش اشو السالفه

::
::

مســــآءآ وتحديدآ آلساعه التـــآسعه كانت الاعصاب كلها مشدودة ..فهد طلع من العمليات وودوه غرفة العناية المشددة
ام حمود بضيج بعد ما عرفت انه فهد طلع من غرفة العمليات : بو حمود شفت فهد !!! طمني عليه اخباره ؟؟!!
بوحمود بضيج : لا تحاتين يا الغاليه .. كلها جم يوم ويقوم بالسلامه .. انتي ادعيله
ام حمود ودموعها ملطخه خدها : خلني اشوفه .. خلني اكحل عيني بشوفته
بوحمود بالم : يا الغاليه !! الزياره ممنوعه عنه الحين !!! ولي صار باجر اكيد بتشوفيه
ام حمود تقاطعه وهي تحط ايدها على قلبها : اشوووو !!!!! اشوفه باجر واشو يصبرني لحد باجر ؟!!!!
بو حمود بضيج : يا الغاليه لا تسوين بنفسج جذا
ام حمود بعصبيه : بوحمود إسمعني !! انا بتم طول اليوم واقفه هنيه وما بتزعزع من مكاني !!! لحد ما اتطمن على
فهد واريح قلبي بشوفته !!! ولا تقول اني ما قتلك !!!! وكان فيه كرسي وجلست عليه !! وهذي جلسه وجلسنا !!
حمود وهو يتنهد : امايه الله يهداج انتي بروحج اللي فيج مكفيج لا تسوين بنفسج جذا
ام حمود : لا تعبون نفسكم ع الفاضي ما ني متحركة من مكاني لين ما شاوف ولدي
بوحمود : لا حول ولا قوة الا بالله !!! حمود سير شوف الدكتور !! وأسئلة إذا امك تقدر تشوف فهد ولو من بعيد !!
حمود بصوت واطئ : ابوي فهد كله وايرات !!!!!! واخاف لا شافته يصير فيها شي لا سمح الله !!
بوحمود بضيج : يعني هي فكلا الحالتين تعبانه !!!! خلها تشوفه !!!!! يمكن ترتاح اعصابها شووي
حمود بضيج : ان شاء الله ابويه على امرك شوي ورااجع
فاطمه اول ما شافته سارت صوبه : حمود وين سااير ؟؟؟؟!!!!
حمود وهو يتنهد : بسير اشوف الدكتور !! امي تبا تشوف فهد !!!
فاطمه بضيج : انتوا من صدقكم احينه !!!! بتخلوها تشووفه !!! اخاف تتعب ويصير فيها شي لا سمح الله !!!
حمود : والله ما بيدي شي انا عبدا مأمور .. يالله خليني احينه اروح اشوف الدكتوور
فاطمه وهي تتنهد : على خير ان شاء الله .. انا بسير عند مها وخوله !!! بروحهن حالتهن حالة !!

حمود وهو يتنهد : زين تسوي!!!!! وتم يدور بنظراته على مريم بس ما حصلها !!!! الا وين مريم ما شفتها !!
فاطمه وهي تتنهد : ما ادري بصراااااحه وين سارت .. وبعدين مريم متدربة هنيه واكيد بتحصلها فقسم من هالاقسام
حمود وهو يتنهد : تمااااام يالله من رخصتج احينه واول ما تحرك سمع طيحة ع الارض سمعها كل اللي في المستشفى
فاطمه وهي تحط ايدينها على ثمها وعيونها توسعت من الصدمه: عموووووووووووووووووووه راية ؟؟!!!!
حمود بخوووف : يا ربي هذي امايه !!!!اشو اللي صار عليهااااااااا ؟؟!!!!!
مها وخوله تمن يصارخن : امايه قووومي اشو صار عليج !!! امايه الله يخليج لا تخلينا !!! نحن مالنا غيرج !!!
بوحمود وهو يصارخ : وين الدكاتره ؟؟!!!!!!!!!! وين السسترات ؟؟!!!!! مها سيري زقريهن
خوله وهي مب قادره تنش : ابووووي !!!! امايه بخير !!!! ما راح يستوي فيها شي !!! قول ان كل هذا حلم وبينتهي
خالد على طول جا صوبها وحضنها:عمي خوله خلها فعهدتي !!سير انته عند عموه وتطمن عليها ولا تخاف على خوله
خوله ع طول حضنت خالد : خالد والله لو صار فامايه شي انا بموت !!! بنتهي !! يا ربي اشو اللي قاعد يصير فينا !!
خالد وهو يبوسها على جبهتها : خوالي حبيبتي لا تخافي !!!!! ان شاء الله ما فيها الا العافية !! ازمة وبتعدي
خوله وادموعها اربع اربع : انا خااااايفه خااااايفه وااايد .. احس الدنيا فلحظة صارت صغيره وكل شي صار لونه اسود
خالد وهو يمسح على راسها : ما عليه غناااااتي صدقيني بعد الظلام فجر مشرق انتي لا تتكدرين
خوله بضيج : خالد ودني عند امايه ابا اتطمن عليها .. الله يخليك
خالد وهو يتنهد : خلااااص حبيبتي يالله استندي علي !!!!!!!! اروحج مب قادره توقفي على حيلج
روضه بتوتر وعيونها كانت مورمة من كثر الصياح: خالد انا بسير معاكم بعد !!!!!!
خالد اول ما شاف حالتها ابتسملها وهو يفتحلها احضانة : يالله تعاااالي وعلى طول ركضت صوبه وارتمت بحضنة
ام هلال وهي ادور على مريم : لا حول ولا قوة الا بالله احينه اختج وين سارت بدل لا توقف معاهم سايره تحوم ؟!
ساره وهي يالسه تصيح : اميه مريم انسانه خاليه من كل الاحاسيس !!حال عيال عمي وخالوه يبكي الصخر وبنتج ولا
هامها ..شعارها في هالحياه اللهم نفسي ولا شاله همه فاحد..الله يهديها بس انا بسير اتطمن على خالتي بتسيري ويايه
ام هلال : هيه اكيد بسير وياج تبيني اتم هنيه بروحي .. ومريوم ما عليها خليني اوصل البيت وحسابها بيكون عسير
مها بتوتر : هاه دكتوره طمنيني اميه اشو فيها !!!!!!
الدكتوره بضيج : امج اعصابها وايد تعبانه وهالشي يأثر على ضغطها عسب جذا عطيناها مهدي وبتم معنا اليوم
مها بضيج : والله محد يلومها !!! البيت من غير فهد وضحكاته !!!! ما يسوى شي !!!!