مريم وهي اطالعه:حشا بلاه هذا مسوي بحاله جذا..هذا وهو ما يحبها عيل كيف بيكون شكله اذا جان يحبها من اصله
هلال وهو ينافخ : ساااااااااره مهااا راحت !!!!!!!!!!!!!!!!!!!!!!!!
ساره من عصبيتها ما ردت عليه وراحت صوب غرفتها وصكرت الباب بقو
هلال وهو يدق عليها الباب : سااروه حبيبتي والله غصبا علي مريوم نست التلفووون
ساره وهي اتصارخ عليه : اصلا انته من الاساس ما كنت تبا تشوفها !!!!!! لا تاخذ مريوم عذر
هلال بضيج : سااااره صدقيني ما جان ودي اسوي هالشي فـ مها وربي غصبا علي افهميني
ساره وهي تبطل الباب وادموعها اربع اربع : كيف تباني افهمكّ!! يوم ما تحبها ومب ناوي تتزوجها شحقه خطبتها
جان خليتها تشووف حياتها !! يمكن نصيبها يكون عند واحد احس منك .. يا خساااره خيبت ضني فيك يا هلال
هلال وهو يتنهد : ادري اني غلطان !! بس شو اسوي مريوم خبرتني انها ما راح نتاخر
ساره وهي تصااارخ : كافي يا هلال كافي !! لحد متى بتم تحط اخطائك وتصرفاتك على راس غيرك..بالاول يوم خطبتها
خبرتني انه هالشي صار غصبا عليك !! ليش !! عسب ما تفشل ابوي جدام اخووه والمره الثانيه لما عطلت موضوع
زواجكم وشو كان تبريرك؟!انا مب قادر انسى خوله واحينه تقول مريم كافي تعبت من تبريراتك السخيفه اللي ما تخلص
هلال يقاطعها : بــــــ .............ــــــــــــــــس
ساره تقاطعه:لا تبررلي انا !!! برر حق مها اللي قبل لا تروح قالتلي كلمه هزتني وادري انها ما راح تأثر فيك
هلال بضيج : اشو قالتلج ....ّ؟؟؟؟
ساره وهي تتنهد : قالت انها شاكه في شي واحينه تاكدت منه !!! وافهمها يا شاطر وصكرت الباب في ويهه
هلال وهو يستند على الباب : ساره الله يخليج لا تخليني انا محتاجلج محد فاهمني وحاس فيني كثرج لا تتخلين عني
ساره وهي تسمعه كسر خاطرها وردت عليه بصوت واطئ : كافي ياهلال لازم تحل مشاكلك بروحك بدون ما تعتمد علي
مريم اول ما شافت هلال ركضت صوبه : هلال بلاك اشو صاير عليك ؟؟!!! اول مره اشوفك منكسر بهالشكل
هلال وهو يتنهد : ما صاااااااااااير فيني شي !! بس مها فهمت الموضوع غلط !! ويمكن صارت تكرهني الحين
مريم وهي تمثل انها مضااايجه : يا الله انا السبب!!لو أجلت فحص السياره لبعدين .. هلال انا اسفه واذا تباني اكلم مها
هلال يقاطعها : ما يحتآج بحل مشاكلي بطريقتي الخاصه من رخصتج
ساره بابتسامه : زين سويت .. هذا هلال اللي اعرفه الله يوفقك ويسهل دربك ويعوضك كل خير
مريم بعصبيه : حشا بلاه هذا ماد بوزه شبرين .. من زين اللي بيتزوجها عاااد ..
~ ~ ~ ~~ ~ ~ ~ ~ ~ ~ ~ ~ ~ ~~ ~~~~~~~ ~ ~
خوله بابتسامه : خالد حبيبي اشوفك بعدين
خالد بابتسامه : تمام غناااتي يالله فحفظ الرحمن
فهد وهو يشدها من ايدها : خواالي بسج صارلج ساعه موقفتنا جدام الباب ما يصير عيب
خالد وهو يضحك : فهووود بطل حسد .. وبعدين انا زوجها !!!! بطل غيره عااااد
خوله بابتسامه : هيه صح هذا زوجي واللي مو عاجبه يطق راسه في الحيطه
فهد وهو يضحك : خوالي حلوه هذي يطق راسه بالحيطه من وين سامعتنها
خوله وهي تضحك : اسمع مهووي ترددها وايد ويوم اسألها من وين مصدرها تقول من وحده اسمها فضه
خالد وهو ميت من الضحك : هيه هذي فضه اللي كانوا يطلعونها فرمضان اللي قبل !!! عاد مها جاهزه تقلد
مها كانت توها واصله واول ما شافها فهد راح صوووبها :مهوي بلاج حبيبتي اشو صاااير عليج
مها بتوتر : ما صاير شي بس ربيعتي اللي مسويه حادث من جم يوم خبروني انها توفت
فهد وهو يمسح على راسها : ما عليه حبيبتي كل واحد وله أجل اهم شي لا تتكدرين ادعيلها بالرحمه ..
مها بضيج : الله كريم وسرحت .. اللي مات قلبي مش رفيجتي بس شو بيدي اسووي لازم اصبر واستحمل
فهد : مهوووووووي خلااص حبيبتي هونيها وبتهون لا اتمي سرحانه ومكدره خاطرج
مها كانت شوي وبطيح ويودها فهد .. مهوي غناتي بلاج
مها وهي ماسكه راسها : ما ادري دوخه خفيفه يمكن لاني ما ماكله شي من الصبح انته لا تشغل بالك
فهد وهو يتنهد ويقاطعها : مب على كيفج ما احاتيج خلينا نروح صوب داخل عسب تاكليلج لقمه
مها بضيج : خلااااص اللي يريحك يالله خلنا نروووح ومن خوفه على اخته نسى خوله .. وخوله تمت تسولف مع خالد
خوله بابتسامه : خلووود وايد طولنا خذتنا السوالف ونسينا فهد
خالد بابتسامه : فهد كان يالس ير مس مها من شوي وعقب دخلوا رباعه
خوله وهي تتنهد : ما عليه غناااتي اشو رايك توصلني لحد باب البيت وعقب تقدر تترخص
خالد وهو يبوس ايدها :ولو طلباتج اوامر غناتي يالله خلينا نروح ونزلوا واستندت خوله على خالد وحطت راسها فكتفه
هلال جان توه واصل وعقب ما شاف خوله مع خالد جن جنونه : اشوووو هذاا .. آه يا خوله تمنيت انا اكون ريلج
بس حساافه فظلتي الغريب علي!!وانا متأكد انه مهمها حاول مستحيل يحبج ويسعدج كثري انا!!ونزل وصكر الباب بقو
خالد اول ما شاف هلال ابتسم وسار وسلم عليه : حي الله بهلال وينك يا رجال ؟!؟!! قمنا ما نشوووفك
هلال فخاطره : لو بيدي جان كسرتك احينه وقطيت لحمك للكلاب (اكرمكم الله) ورجع يبتسم انا زين الحمدلله تعرف ما
باقي على العرس الا اسبوعين وللحين ما جهزنا شي!!وانت أدرى بهالشغلات واذا انت ما فهمت علي من اللي بيفهمني
خالد بابتسامه : فهذي صدقت .. كلنا والله لاهيين بهالتجهيزات وبيني وبينك اتمنى عرسي اليوم قبل باجر
هلال وبركان يثور بدااخله : ان شاء الله ما تتهنى فيها .. خوله حقي وانا متأكد انها بترجعلي فيوم من الايام وبذكرك
خالد وهو يتنهد : هلال بلاك ساكت
هلال بتوتر : لا ما فيني الا كل خير بس سرحت شوووي
خالد وهو يضحك ويضربه على ايده : هيه يا شيخ من قدك كلها جم يوم وبتعرس من حقك تسرح وترقص بعد

هلال بضيج:والله عاد هالشي راجعلي يالله اترخص احينه عندي شغل ولازم اخلصه وانته تقدر تروح يالله من رخصتك
خالد وهو مستغرب :حشا بلاه هذا .. اوقات احس انه ما يدانيني ولو بشوره يمحيني من على وجه الارض..عالم غريب
ام حمود بتوتر : مهوووي غناتي بلاه ويهج مصفر جذا .. وعيونج مورمه .. ساره زعلتج لا سمح الله
مها اول ما طرت امها اسم ساره على طول انهاااارت وتمت اتصيح
ام حمود بخووف : مهوووي غناتي ليش تصيحين .. طمني قلبي عسى الله يطمن قلبج
فهد بضيج : امايه مهوووي وحده من ربعاتها عطتج عمرها والظاهر انه اسمها ساره
ام حمود بضيج : لا حول ولا قوة الا بالله .. الله يرحمها ويتغمدها برحمته اهم شي لا تضايجي وتتكدري خاطرج
فاطمه اول ما شافت مها اتصيح على طول جات صوبهم : عموووه بلاه مهووي وليش اتصيح بهالشكل
فهد وهو يتنهد : لا تشغلي بالج فاطمه وحده من ربعاتها توفت
فاطمه بتوتر : لا حول ولا قوة الا بالله .. انا اقول لو اوديها غرفتها وايد احسن عسب تريح راسها وعيونها شوي
ام حمود : زين تسوي .. يالله وديها .. وتمي معاها لحد ما تتطمني عليها
فاطمه بابتسامه : ان شاء الله عموه تطمني
خوله كانت توها يايه من برع وفهد اول ما شافها تم يضحك : خوالي حشا نسيتي عمرج مع خالد ولا شو بالضبط
خوله بخجل : خالد قالي انك يالس تترياني ما كنت دارية انك دخلت عند مهوووي
فهد : وليش مستحية هذا ريلج ومب يالسه تسوي شي غلط
سناتا تقاطعهم : بابا فهد هلال براء يريد يشوف انته
فهد بابتسامه : ما شاء الله بالاول خالد واحينه هلال .. شسالفة اليوم
خوله وهي تتنهد: يمكن اشتقالك وجا يشوفك لا تنسى انته هالايام وايد اهملت ربعك مشغول بطلباتي
فهد بابتسامه : هيه والله صادقه صارلي اسبوعين تقريبا ما شفتهم مشتاق حق سوالفهم خصلت منج انتي وطلعتلي مها
ام حمود تقاطعه : انته اخدمهم الحين ونفذ طلباتهم ولا عرست اكيد ما بيقصرون معااك يعني انته الكسبان في الحالتين
فهد : اوووه عاد لا تكلمت ام حمود صعب كلامها ينكسر .. لعيونج بس مستعد اصير دريولهم
ام حمود : هيه هذا فهد اللي اعرفه .. ما يمن على احد
فهد وهو يبوس راسها : فديتج امايه طالع عليج .. المهم بسير اشوف هلول مابا اتأخر عليه
ام حمود : زين تسوي يالله سير لا تتأخر وصدت صوب خوله .. هاه خوالي شخبار خالد
خوله بابتسامه: زين امايه ما عليه شر بسير ابدل ملابسي وعقب بخبرج بكل شي
ام حمود : خلاص بنيتي اللي يريحج .. انا بعد بسير صوب المطبخ .. اخاف يخربون الطبخه علي ..
فاطمه وهي توقف جدام مها وكانت منزله راسها : مهووي ارفعي راسج ابا اتفاهم معاااج خبريني اشو صاااير
مها وادموعها اربع اربع : فاطمه الله يخليج خليني في حالي اللي فيني مكفيني
فاطمه وهي تتنهد : سالفة ربيعتج المتوفيه كذب في كذب !!!!! صح ولا انا غلطانه؟؟!!!!!!!!!!!!!!
مها وهي اتصيح : .................................................. .............................
فاطمه بضيج : هلال صح ؟!!!! هو سبب دموعج هذي !!!! ولا تنكرين هالشي .. عيونج فاضحتج
مها وهي تتنهد : فاطمه افهميني الله يخليج ابا اتم بروحي
فاطمه بضيج:مهوي لازم اطلعي كل اللي بخاطرج عسب ترتاحين وعقب تمي بروحج واحينه فهميني اشو صاير بينكم
مها وادموعها اربع اربع : اكتشفت اليوم افضع حقيقه بحياتي !!!! كل اللي عشته جان حلم حلم حلم حلم حلم
فاطمه بضيج : مهووي حبيبتي هدي شوي الامور ما تنحل بهالشكل هدي نفسج ..
مها وادموعها اربع واربع وهي اتصارخ : هلال ما يحبني هلال جان يتلاعب بمشاااعري .. جان يتسلى فيني وانا يا
غافلين لكم الله مستانسه ويالسه احلم فيوم عرسنا وفي النهاية اكتتشفت انه ما يحبني وفرقاي بالنسبه له عيد
فاطمه وهي تتنهد : انزين ليش حكمتي عليه بهالشكل .. اشو اللي مستووووي ؟؟!!!!!
مها بضيج : خبرت ساروه اني ابا اشوف هلال بس نص ساعه !! ابا استشيره بجم شغله بس رحت ما حصلته وكل ما
ادقله ساره ما يرد عليها .. حسيت ساعتها اني رخيصه ورازه بويهي هلال حطني فموقف ما توقعت فيوم اني انحط فيه
فاطمه وهي تحضنها : مهووي حبيبتي يمكن صار شي خلاه يتأخر مب زين تحكمي عليه قبل لا تسمعيه بالاول
مها وهي تمسح دموعها : تصدقين عاد انا مستحيل اخلي واحد يتلاعب فيني واللي سواه هلال ما راح اسامحه عليه
طول عمري .. واحينه بروح ارمس ابوي واخبره اني خلااص مابا اتزوج هونت وشلت كل الفكره من راسي
فاطمه وهي تشدها من ايدها : تعالي يالمينونه انتي تخبلتي ؟؟!!!!!!! تبين ابوج ينجلط!!!!
مها بضيج : خبريني اشو تبيني اسوي؟! انا مليت تعبت احساس انه هلال ما يحبني مضايجني حاسه نفسي مخنوقه
فاطمه : ولو حبيبتي بالاول سمعي مبررات هلال وعقب سوي اللي براسج بس ما تسوي كل شي بتهور
مها وهي تتنهد : اي مبرر هذا اللي لازم اسمعه !!! وبعدين حتى لو برر موقفه !! كل تبريراته ما راح اقتنع فيها!!
فاطمه : انزين احينه اشو الي نويتي عليه
مها وعينها تدمع : خلاااص انا فطريج وهلال فطريج يمكن احبه بس لازم ابتعد .. صعب تعيشي عند واحد تحبيه بس
هو قلبه فمكان ثااااني .. وانا مش مستعده اغلط هالغلطه وادمر حياتي بايدي حتى لو كان هلال اهم شخص فحياتي
فاطمه بضيج : فعلا صعب تعيشي هالتجربه !!!!!!!!!!!!!!!!!!!!!!!!! ودمعت عينها
مها بضيج : فطووم انا اسفه ما حسيت انه كلامي يمكن يجرحج
فاطمه وهي تتنهد : بس هذي هي الحقيقه يمكن تكون مره لكنها في النهايه واقع صار الكل يشووفه وحب حمود لمريم
الكل انتبه عليه .. عسب جذاا امج وابوج وافقوا بدون اي نقاااش لانهم ادرى بحالة حمود وهو عايش بعيد عن مريم
مها وهي تحضنها:اليوم حسيت بالمعاناه اللي عيشج فيها حمود كل هالسنين !! ما ادري كيف قدرتي تصبري وتتحملي
فاطمه وهي تتنهد : يمكن يحب مريم بس صدقيني انا متأكده العشره اللي جمعتنا خلته يحبني اكثر منها

اللـــــحظة آلثـــــآلثـــــة وآلعشــــــــــــــروووون

::

::

الفصـــــل ألـــأـ ولــ
::
::



فهد وهو ياخذ نفس عميق : هلااال لما خطبت مها ما حسيت فيك اللهفه اللي شفتها فـ عيون خالد لما خطب خووله؟!!!
هلال لما سأله فهد هـ السؤال تمنى الارض تنشق وتبلعه هو للحين مب مصدق انه خسر خولة ولا وده يصدق بس في
كل مره يجي احد ويصدمه ويصحيه على هـ الحقيقه المره !!! تنهد تنهيدة قويه حس من خلالها روحه بتطلع ضغط
على ايده بقو !!! كان وده يضرب فهد ويصرخ في وجهه ويقوله ؟؟!!! لو كنت ما خذ خوله راح تشوف اللهفة بعيوني
كان كل شي اختلف !!! بس لملم نفسه المتناثرة ورد على فهد بحزم : ممكن توضح اكثر لاني للحين مب فاهم عليك
فهد بعصبيه : هلاااال انته كنت ناوي تخطب خوله ؟؟!!! ويوم عرفت انه خالد خطبها !! تضايقت !! وحسب ما أذكر
انت فذاك اليوم عصبت وطلعت برع !! والكل استغرب من هـ التصرف !! ويوم رجعت ابوك قالك ما بقى الا مها !! وساعتها ما عرفت شو تسوى !! و طعت شور ابوك عسب ما تفشله جدام اخوه العود
عقب ما فر فهد هـ الكلام هلال حس بسكينة تنغرس بصدره !! وكل دمه تجمد !! وعيونه صارت مفتوحه ع الاخر !! ما
تخيل للحظة انه يمكن احد يكتشف مشاعره اتجاه خوله !! ضاع الكلام من بين شفايفه !! بداء كل حرف ينسرق منه ما
عرف كيف يرد وبشو يعبر !! قعد يشوف فهد ويحاول يفهم النظره اللي سيطرت على عيونه !! غضب !! شفقه !! حقد
!! كره !! فجأه وفي وسط الدهشة اللي سيطرت عليه تمتم بهالكلمات وهو يمسك فهد من كندورتة بأقوى حيله : منو
ترس راسك بهالافكاااار السوداء !!!انته من صدقك احب خوله!!! قالها بحزم عسب يلغي كل الشك اللي سيطر على فهد
فهد يقاطعه وبعصبيه وهو يحاول يبطل إيده : ليش !!!!!!! على شان انها عمياء وما تشوف ؟؟!!!!!!
فهد صار يوجهه كلام مثل الخنجر في كل مره تطعن قلب هلال !! ويحس روحه بتطلع !! كان وده يصرخ ويقوله انا
احبها هيه احبها حتى لو كانت عمياء هـ الشي ما يأثر فيني !! بس رجعوها !! خوله ملكي وخالد ما يستاهلها !! انا
ولد عمها وأولى فيها !! وعقب هـ الدوامة مسح عيونه بإيدة وطالع فهد بنظرة غريبة وتكلم والألم مسيطر علىه :
الظاهر انه خالد عبى راسك صح !! بس بقولك شي واحد !! مها هي حب طفولتي ويوم تقدمتلها كنت مخطط لهالشي
من زمان !! انا ما أنكر انه في اليوم اللي خطبت فيه مها كنت مضااايج ومتكدر !! بس ضيقتي ما كانت عشان خوله !!
لا يا فهد !! انت واللي حط هـ الفكره براسك غلطانين .. كنت متضايق بسبة علاقة سعيد وسارة ؟؟!!!!!!!
هنا الادوار اختلفت !! الحين صار هلال هو اللي يوجه الخناجر صوب قلب فهد !! فهد حس قلبه بيفز من مكانه !! كان
وده يسأل هلال شو علاقة سارة بـ سعيد !! بس الخوف كان مسيطر عليه !! خايف كيف بيكون الرد !! وخايف اللي
يفكر فيه يكون صح !!! عقب ما درات في الدنيا رجعله فكره مره ثانية شد شعره على وراء وتنهد تنهيده خفيفه !! وبدون ما يحس وجه السؤال لـ هلال : سعيد وساااره ؟!!!!!!!!!!!!!!!!! اشـــــــو قصــدك ؟؟!!!!
هلال وهو يتنهد : البنت اللي يحبها سعيد طلعت اختي ساره !! ومن يوم ما عرفت هـ الشي وانا مضايج ومتكدر
فهد اول ما سمع كلام هلال كان وده يصرخ في وجهه ويقوله لا !!! سارة حقي انا بروحي !! وما راح اخلي اي احد
ياخذ حلمي مني !! بس رجع وتذكر سعيد !! معقولة اللي اختارتة سعيد !! على كبر هـ الدنيا ما حصلت غير رفيق
عمري!!! لا يا ساره !! حرام عليج خفي علي شوي !! كل طعنة توجيها حقي !! اكبر من اللي قبلها !! علميني انا كيف
بستحمل اللي سمعته الحين !! لا لا أكيد في شي غلط بالموضوع ورجع يسأل هلال بحزم ونظرات الحزن كستها نظرات
خوف : هـــــــــــ..............ــــــلال !!! اشوو افهم من رمستك !!!! معقولة اللي متقدم حق ساره هو نفسه سعيد !!
هلال وهو يهز راسها بالايجاب : هيه سعيد !!وزارونا من كم يوم وتفاهمنا على كل شي !! وزواجهم عقب جم اسبووع
فهد اول ما قال هلال هـ الكلام !! حس انه في شي من جسمه صار ينسلب منه !! كان وده يصرخ بأعلى صوته ويقول
!! لا مستحيـــــــل !! الانسان اللي حبته ساره مش سعيد !!! هلال اكيد قاعد يقص علي ويبا يقهرني !! سارة مستحيل
مستحيل تجرحني بهـ الشكل !! جسمه صار ينتعش !! دقات قلبه صارت قوية لو ركز هلال شوي كان سمعها !! دموعه
جفت في عينه قبل ما تنزل !! شعور غريب سيطر عليه ما عرف شو يقول !! ما عرف كيف يرد على هلال !! حاول ما
ينكسر !! بس هــ الشي كان أقوى منه !! تنهد تنهيد وتمتم بحزن !! وروحه كانت تطلع في كل حرف يقوله وهو
يحاول يبني جمله ما توضح علامات انكساره !!! : هيه داري انها بتتزوج عقب جم اسبوع ؟؟؟!!!!!!!!!
هلال وهو يطالعه من فوق لتحت: ممكن احينه تروح وتزقر مها اباها فشغله وبعدين لا تحكم على الناس قبل لا تسمعهم
فهد ما اهتم لكلام هلال !! اصلا ما كان مركز !! موضوع سارة وسعيد شل كل تفكيره !! حاول يلملم نفسه وعقب انتبه
لـ هلال وهو يشوفة بطريقة غريبة !! ويكرر طلبة !! هنا فهد أنتبه !! ورد عليه بحزن وهو مب قادر يصلب طوله : اوك احينه بزقرها !!!!!! واسمحلي ما جان قصدي اضايجك واكدر خاطرك !! عن إذنك ........
مها سمعت كل اللي دار بينهم !! وكانت طايره من الفرحه : آه هلال طلع يحبني !! ويمكن اللي صار اليوم صار بالغلط
.. انزين اذا كان شاريني ليش يتصرف معاااي بهالشكل !!!! ورفعت راسها وحصلت فهد واقف جدامها !! وملامح
الحزن مسيطرة عليه !! بس من فرحتها تناست حزن اخوها !! ما كان بإرادتها تتناسى هـ الشي بس فرحتها نستها !!
فهد وهو يداري دمعته ويستند ع الباب !! وانفاسة كانت قوية ومتضاربة : مهااا انتيه هنيه ؟؟!!!!!!
مها بتوتر : هاه !!!!!!! لا توني وصلت !!!! كنت ابا ابوي فشغله !!! ليش في احد في الميلس ؟؟!!!
فهد وهو يحاول يخفي الحزن اللي سيطر علية : هلااال !!!! يقول يباج في شغله ضرورية !! من رخصتج احينه