خوله بتوتر : خالد تحت اشو يــباااا ؟؟!!!!!!
فاطمه بابتسامه : حبيبتي انزلي لريلج واتفاهمي معاه ولا ادمرين حياااتج اخاف تندمين عقب
خوله بتردد : ما اقدر صعب اوقف جدامه انا وايد جرحته في المكالمه ويمكن احينه معصب ويبا يفش خلقه فيني
فاطمه وهي تتنهد : خالد اصيل واذا انتي بعتيه هو بيشريج يالله احينه بس دلع بنات وقومي شوفي ريلج
خوله وهي تتنهد : فاطمه افهميني الله يخليج اقولج مب قادره اشوفه !! سيري خبريه اني تعبانه ومالي خلق اشوفه
فاطمه وهي تشدلها ايدها : تعاااااااااااااااااااااالي قلنا بس دلع بنات ... خبريه هـ الكلام بروحج !! انا مالي شغل فيكم !!
خوله وهي تحاول تبطل ايد فاطمه : فطوم الله يخليج خليني في حالي اللي فيني مكفيني !! ما وقت حركاتج الحين !!
فاطمه بابتسامه عريضه : اووووشششششش !!!!!!!!!!!!!! بدون اعتراااااض
خوله وهي تبطل ايد فاطمه وبعصبيه:فطوم انتي ما تفهمين قتلج خليني في حالي هذي حياتي وانا حره اسوي اللي اباه
فاطمه بضيج : اها يعني احينه كلامي ما يهمج انزين بكيفج اسمحيلنا ادخلنا فخصوصياتج من رخصتج
خوله وهي تتنهد : يالله انا شو سويت صايره ازعل الكل .. بس حتى ولو هذا قراري ومستحيل اتراجع عنه !!
وعــــــنــــــد آلـــــــريــــآييل
فهد : غريبه !!!!!!!!! خلووود عندنا شو طااري عليك
خالد بضيج : ما فيني الا العافيه بس اشتقت لخوله وقلت اجي اشوفها واتطمن عليها مره وحده
فهد بحيره : بس عيونك تقول شي ثاني .. خالد صاير شي بينك وبين خوله
خالد وهو يتنهد : تعرف خوله تحب تدلع كنت ارمسها وعصبت واحينه ياي عسب ارضيها
فهد : اوه عيل بتتعب خوله وايد عنيده واشك انها بتجي صوبك
خالد بنظرات توسل : عسب جذا اباك تساعدني هذي مسألة حياه او موت فهد تقدر تجيبها هنيه غصبا عنها
فهد بابتسامه : ولو!!.. لا تقولها أكيد أقدر بس انته تقول كلام ونظراتك تحسسني انه في شي كايد صاير بينكم صح
خالد بتوتر :فهد عقب بفهمك اشو مستوي بينا !!!!!!!! يا الله سير ازقرها
فهد بحيره : خلااص صار انا من انصار الحب عسب جذا لو ما طاعت بجيبها غصبا عليها ثواني بس
خوله كانت يالسه تصيح واول ما سمعت الباب يدق خافت تحرت امها درت بالموضوع : يا ربي هذي اكيد امايه .. اكيد
فاطمه خبرتها ما ادري بأي ويهه بقدر اشوفها واخبرها عن عن سالفة طلاقي .. عشان خالد بظلم امي وابوي ..
فهد يقاطعها : خوالي بلاج ما تردين صارلي ساعه ادق الباب
خوله وهي منزله راسها : لا ما شي بس ما انتبهت كنت سرحاااانه شووي !! اشو عندك قالتها بدون نفس
فهد وهو يرفعلها راسها وبخوف : خوالي اشو مستوي بلاهن عيونج محمره جذا .. انتي يالسه تصيحي
خوله وهي تمسح ادموعها : لا فهد لا تشغل بالك بس مضايجه شوووي انته شو بغيت ؟؟!!!!!
فهد : لا الظاهر السالفه كاايده !!!! خوله انزين قومي الحينه !!!! خالد يبا يشوفج
خوله وهي منهاره : عقب كل اللي سويته فيه ياي ويبا يشوفني خبره اني ما ابا اشووفه ولا طايقه اسمع اسمه
فهد وهو يتنهد : حشا شوي شوي لا تصارخين !! الله يعين خالد عليج بس انا وعدته ولازم اوديج عنده
خوله بحيره : ما فهمت كيف يعني بتوداني عنده اذا انا ما ابا اروح ولا ودي اشوفه او اسمع صوته
خالد وهو يشلها : بهالطريقه يا حلوووه
خوله وهي تصاارخ : فهود قتلك نزلني لا تعصبي احينه ترى اللي فيني مكفيني !! والله لا أصارخ والم عليك كل البيت
فهد وهو مصكر عيونه : لا اسمع لا ارى ولا اتكلم يعني لا تعبين نفسج وترمسين وايد انا ما اسمع شو تقولين
خوله وهي تتنهد : فهووود الله يخليك قتلك مابا اشوفه ؟؟!!!! لا تجبرني على شي انا ما اباه !!!
فهد تم يصفر وهو مطنشها ولا عاطنها وجه واول ما شافتهم فاطمه ماتت ضحك
فاطمه وهي ميته من الضحك : زين يسوي فيج .. سوى اللي ما قدرت انا اسوويه كفوا فهوود والله انك قدها
ام حمود وهي مستغربه : بلاه فهد وين مودي اخته ؟؟!!!!!!!!!!!!
فاطمه بابتسامه : لا تشغلين بالج عمووه تعالي معايه المطبخ ابا استشيرج فشغله
خالد وهو متوتر ويالس ياكل أظافره : يا الله اذا ما طاعت شو اسوي بحااالي انا صعب اعيش من غير حسها
فهد بابتسامه عريضه : وهذي خوله صارت عندك انا بخليكم تاخذون راحتكم وطالع خالد وانته عقب ما تخلص ابا اتفاهم معاااااك .. للحين الصوره ما وضحت معاااي وابا اسمع السالفه منك من رخصتكم
خوله اول ما طلع فهد كانت تبا تطلع وخالد على طول مسك ايدها : تعالي وين سااايره ؟؟!!!!!
خوله بضيج : خالد بطل ايدي!! قتلك انا ما احبك كنت اتلاعب بمشاعرك فخلا عندك شويت كرامه واطلع برع
خالد : خوله بس تمثيل !! انا عارف ومتأكد انج تحبيني !!!!
خوله بتوتر : اشو هـ الثقه .. انا لا احبك ولا شياته عسب جذا لا تيلس تتوهم على الفااضي
خالد قرب صوبها وخوله على طول ارتبكت وابتسم اول ما شاف حركتها : ارتباكج وتوترج اكبر دليل على انج تحبيني
خوله بتوتر : لا انته اكيد تخبلت !!!! خـــوز عنـــي
خالد بابتسامه : وليش اخوز عنج !! انتي حرمتي وبعدين انا بعيد عنج !! تبيني ابعد اكثر يعني
خوله وهي تتنهد : خالد الله يخليك هذا ما وقت تتمصخر علي !! عسب جذا اباك تفهمني !!فخوز عني احسن لك
خالد وهو يقرب صوبها اكثر: واذا ما خزت شو بتسوين يعني
خوله بتوتر اكثر: خاااااااااااالد بطل حركات المصاخة هذي !!!!!!! اللي فيني مكفيني
خالد وهو يبوسها على جبهتها :خوله انا احبج انتي ليش متغيره علي.. تتحريني صدقتج لما خبرتيني انج ما تحبيني
خوله وهي منزله راسها : والله عاد بكيفك صدقت ولا لا انا علي بلغتك
خالد : اها تبيني انا اصدق !! وانتي بروحج مش مستوعبه ولا مصدقه اللي يالسه تسويه .. ويالسه تتصرفين بتهوور
خوله وهي تتنهد : خالد الله يخليك لا تصعب الموضوع علي .. قتلك ما ابيك فخلني بحااااالي

خالد بضييج : و ليش أصعبه !! مو على اساس ما تحبيني !! فما ضنتي هـ الشي بيأثر فيج !! بتخليني وبتروحي ولا بتهتمي اشو بيصير فيني من بعدج !! مضاايج ولا مستاانس مرتاح ولا متكدر حي ولا ميت ..
خوله وهي تقاطعه وبخوف : لا تقولها الله يخليك عسى يومي قبل يومك !!!!!!!!!!!!
خالد وهو يمثل عليها انه مضاايج : تبي توهميني اذا صار فيني شي بتزعلي علي وانتي فاول الطريج بتتخلين عني
بكل سهوله.. اذا هذي بدايتها كيف بتكون تاليتها .. فااااموت وايد ابركلي من اني اتحمل هالعذااب اللي فوق طاااقتي
خوله وادموعها اربع اربع : خالد الله يخليك لا تقول جذا .. قتلك لا تصعب علي الموضوع اكثر
خالد يقاطعها وبعصبيه:لا تمثلين علي دور البريئه ! لو كنتي تحبيني صدق وخايفه علي جان ما خليتيني فبداية الطريج
خوله وهي منهااااره : انته شووو تقووول !!!!!!!!!!!!!!!!!!
خالد بضيج : خوله انتي بدل لا تذبحيني مره صرتي تذبحيني الف .. وانا مش قد هالحمل الله يخلصني وارتاااح
خوله تقاطعه : خالد لا !!!!!! الله يخليك لا تقولها . . لا تيلس تفاول على نفسك !!!!
خالد بضيج:انا اللي عندي قلته..ومن اليووم اعتبريني مت وانتهيت.وبخصوص موضوع الطلاق بتترملين قبل لا اطلقج
خوله وهي اتصيح وبعصبيه : بس كاافي حراام عليك !! تتحرى انه سهل علي اسمع شرات هالرمسه .. انته ما حاس
بالعذاب اللي بداخلي..ولا بتأنيب الضمير اللي يالسه اعيشه كل يوم..انا مابا اظلمك معاي انته تستاهل وحده احسن مني
خالد وهو يبتسم بس سوى نفسه مضااايج: وانتي على كيفج تتحددين هالشي بروحج !! هذي حياتي بعد وما يصير
تتخذين هالقرار بروحج ... انتي بهالطريقه ادمريني!! تقضين علي !! وبعدين انتي ما غشيتيني !! انا داري انج عمياء من اول !! ولاني احبج وشاريج رضيت بهالشي وقلت الله بيفرجها عليج واكيد بتشوفي !!
خوله تقاطعه وادموعها اربع اربع : ويا تترى بتتحمل كلام الناس .. وافرض انك تحملت بس لين متى هاه علمني؟!
خالد يقاطعها : وانتي شعليج من الناس .. اذا بتمي تمشي وراهم صدقيني بتتعبين بيتكلمون اليوم وباجر بينسون
خوله وهي تتنهد : بس انته تستاهل وحده تهتم فيك وادير بالها عليك مب وحده عاجزه شراتي
خالد وهو يتنهد : ومنو قال انج عاجزه .. خوله ابتسامه وحده منج تسوى عندي الدنيا وما فيها .. انا تزوجتج لاني احبج وشاريج مش عشان اخليج عبده عندي وتخدميني .. انا ادور على راحتي ولقيتها عندج
خوله بضيج : خالد صدقني الكلام اسهل من الفعل .. اليوم مستانس وباجر بتندم وبتلعن اليوم اللي تزوجتني فيه
خالد يقاطعها وبعصبيه : خوله بس كافي لا تكملين !! كلمه زيااده واطلع عنج ولا بتشوفيني واعتبريه اخر يوم بحياتي
خوله وهي تترمي فصدره : انته تتحرى سهل اعيش من دونك .. والله حياتي من غيرك عذاب فعذاب .. بس انا خايفه
خالد وهو يمسح على راسها : وانا بعد صعب اعيش من غيرج .. خوله حياتي من دونج مجرد سراب .. حبيبتي باقي
خطوه وحده واتصيري معاي .. لا تحرميني من الشي اللي صارلي اتمناه من يوم ما عرفتج وشفتج ..خوله احبج احبج
خوله وهي تتنهد واتصيح فحضنه : انا بعد احبك .. ضنيت اذا ابتعدت عنك بتكون مرتاح ومستانس
خالد بضيج : الا قولي بعيش فهم وتعاسه.. والله العالم متى بطلع منها..انا حياتي معاج وما اباها تكون مع وحده غيرج
خوله بابتسامه ممزوجه بحزن : الله لا يحرمني منك خالد اوعدني انك اتم دايم قربي وما تتخلي عني
خالد بابتسامه : اوعدج غنااتي اني بتم طول عمري معاج وما فيه شي بيفرقنا غير الموت واعتبريه عهد
خوله بضيج :" خلود جم مره قتلك لا تجيب طاري الموت قدامي ..
خالد : بس الموت حق .. يالله احينه سيري هاتي عباتج
خوله بتوتر : اجيب عباتي ليش وين بنسير
خالد بابتسامه عريضه : بصراحه انا طلعت من البيت وع لحم بطني فخلينا نروح صوب مطعم وناكلنا لقمه
خوله وهي تتنهد : اشحقه انروح المطعم .. امايه مسويه فطور من اللي يحبه قلبك خلني اسير اخبر سناتا تجهزه
خالد وهو يشدها من ايدها:خوالي افهمي علي انا ابا اطلع معاج مابا اتم هنيه ابا اسير البحر وناخذ فطور ونتريق هناك
خوله وهي تتنهد : خلاااص على راحتك .. انا بسير اشاور امي واذا طاعت برتب نفسي وبنزل
خالد : بس لا تنسين اتخبريها انه فهد بيروح معانا .. عسب توافق على طول
خوله بابتسامه : خلاص بخبرها وراحت وعقب وقفت وصدت صوبه .. احبك
خالد بابتسامه : انا بعد امووت عليج يالله سيري بلغي امج وانا بكلم فهد وبقنعه بطريقتي
خوله وهي تتنهد : تمام يالله من رخصتك واول ما طلعت مسكها فهد
فهد وهو اونه معصب : خوله خبريني اذا خلود غلط عليج احينه بسير وبكفخه
خوله ابتسمت واكتفت بجم كلمه : فهد شكرا ورااحت عنه
فهد بحيره : يا ربي تحريتها بتعصب علي بصراحه ما توقعت هالرد منها
خالد وهو يضحك : بلاك يالس تتحرطم ..
فهد : لا بس تحريت خوله بتعصب علي .. وفاجأتني لما قالتلي شكرآ
خالد وهو يتنهد : معذوره لي قالتلك هـ الكلمه .. لولاك يا فهد الله العالم شو جان بيصير فيني
فهد وهو مستغرب : حشا اللي يسمعك احينه يقول اني مسوي شغله استحق عليها جائزة نوبل
خالد وهو يضحك : والله تستاهل اكثر .. لو ما جبت خوله عندي كانت بتستوي كارثه وجان كل واحد بيروح فطريقه
فهد وهو مبطل حلجه : آشووووووووو !!! كل واحد يروح فطريج !!!!! ليش اشو مستوي بينكم
خالد:خوله في الأيام الاخيره صارت وايد تتحسس !! وحاسه بالنقص لانها فاقده اهم حاااسه من حواسها
فهد : انزين وشو دخل الحساسيه !! هالموضوع بسيط وسهل انكم تحلوه بشوية نقاااش وتفاااهم بين الطرفين
خالد وهو يتنهد : المسألة اكبر من جذآ .. خوله خايفه لا خذيتها اندم . .. تحاتي كلام الناس
فهد بضيج " تدري حتى انا هالموضوع صار شاغل فكري من جم يوم .. اكيد تعرضت لمضايقات بسبة هالموضوع
خالد وهو يداري دمعته ويبتسم : لا الحمد لله للحين ما صار هـ الشي وان شاء الله ما يصير
فهد : تصدق خالد الخطوه للي انته اتخذتها صعب اي واحد يتجراء يسويها ويتزوج وحده مثل خوله !!!!!
خالد وهو يتنهد : بس انا ما يهمني شكلها الخاارجي اللي يهمني قلبها الابيض الصااافي
فهد وهو يتنهد : الله يوفق بينكم ويسهل عليكم ان شاااء الله

خالد تم يتأمل البحر ويتأمل خوله : آه يآ خوله احس طفولتج قريبه من طفولتي انا بعد كنت اعتبر البحر من اعز
اصدقائي بس الفرق امبينا اني انا ما فارقته على عكسج انتي!!الزمن والوقت خلاج تبتعدين عنه وتنسين انه فيوم جان
لعبه من العابج ..البحر بالرغم من كبره الا انه يحمل مشاعر متضاربه مره يكون غدار !! ومره يكون قاسي مثل
الصخر !!!! ومره يكون عطوف ويعطف على الناس اللي تغدربه آه يا عمري اوعدج وجدام هالبحر للكبير اللي ربط
بين طفولتنا اني ما اخليج..وبحاول اسعدج وانسيج همج !! إنتي وايد تعذبتي والحين جا الوقت عسب ترتاحي
فهد هم بعد جان يالس يتأمل ويشكي همه : اه يا بحر علمني لا صاار اللي احبه من نصيب غيري اشو اسوي ..
كيف اقدر اكمل حيااااتي من غيرها وانا من اول ما بطلت عيني في هالدنيا كانت هي اول وحده اشوفها جدامي ..
انا حبيتها وتمنيت انها فيوم تكون من نصيبي بس هي اعتبرتني شرات اخوها هلال وانا متاكد انها عارفه ومتاكده اني
احبها .. واكيد انها تتجاهلني وتحاول تبعد عني !!بس حتى لو هي بعدت صورتها وطيفها وخيالها دومه مرفرف حوالي
بس شو بيدي اسوي غير ادفن هالحب بداااخلي ساره خلاااص صارت من نصيب غيري .. واتمنى انه يسعدها
مع انه اوقات اتمنى انهم يفترقون وترجعلي .. بس شو الفايده اذا رجعت وقلبها ينبض باسم واحد ثاني انا بهالاسلوب
اضايجها واضايج نفسي واطعن قلبي واوهمه انها فيوم يمكن تحبني .. اذا ما حبتني من البدايه صعب تحبني بعدين
وفي سيــــــــــآرة مــــــــــريم
هلال بابتسامه : بصراحه السياره نااايس ومميزاتها روعه انا اقول توكلي واشتريها
مريم وهي تضحك : انا اشتريتها خلااص خفت تروح علي ويشتريها احد قبلي
هلال : اها يعني قصيتي علي المهم خلينا نرد البيت وايد تاخرنا .. مها تنتظرني تبا تاخذ رائي فكم شغله
مريم بابتسامه : بالاول ودني البيت ابا اخذ جم غرض تعرف زواج خوله باقيله اسبوع وحمود ما بيتفيجلي فقلت اغير
جو واتم معاكم هالاسبووع .. وحمود ما عنده مانع قالي سوي اللي يريحج .. فديته مدلعني اخر دلع
هلال : خلااص عيل انزين هاتي التلفون بدق حق ساروه وبخبرها اني بتأخر شووي
مريم وهي تتنهد : شوف باقي عشر دقايق وبنوصل البيت !ولا وصلنا انته كلم ساروه وانا بجهز اغراضي على السريع
هلال بإقتناع : خلاااااااااااص صااااااااار
وعنـــــــد مهــآ وســـآره
مها بضيج : ساروه صارلنا ساعه ونحن نسولف وهلال للحين ما بين
ساره بتوتر : والله ما ادري يالسه ادقله بس ما يرد .. يمكن في شي شغله
مها وهي تتنهد : يالله بصبر نص ساعه وعقب بروح .. ما اقدر اطوول اكثر من جذا ..
ساره بابتسامه : زين تسووين !!وسرحت هلول الله يهداك وينك فشلتني جدام البنت وليش صاير ما ترد على تلفونك ..
مها وهي سرحانه ومضايجه : معقوله يا هلال !! ما توقعت اني ثجيله عليك هالكثر حتى ما كلفت على خاطرك ادق حق
ساروه وتخبرها اشو صااير وليش تأخرت .. انا كنت حااسه انك ماخذني غصبا عليك واحينه صاار شكي فمحله بس ما
اقول غير الله يسامحك.. لحد متى بتم رازه بويهي وانته ولا حتى حااس فيني ولا بمشاعري احسن شي اقوم اروح بيتنا
مها وهي اداري دمعتها : ساروه حبيبتي انا واايد تأخرت !!! الظاهر انه هلال ما يبا يشوفني !!!
ساره بضيج وبتور : لا حبيبتي لا تقولين جذا !!! يمكن صار عنده ظرف لا تظلميه
مها وهي تتنهد : ساره حبيبتي انا ما طلبت منج اي مبرراات !!! آنآ كنت شاكه بشي واحينه تاكدت منه
ساره تقاطعها وبتوتر : واشو اللي شاكه فيه ؟؟!! مهووي تعالي انا مب فاهمه شي من اللي يالسه تقوليه
مها بضيج : ما عليه حبيبتي الايام بتفهمج .. يالله من رخصتج احينه
ساااره بضيج : خلااص اللي يريحج سلمي على الاهل واول ما صكرت الباب مسكت تلفونها وتمت تتصل بهلال بس ما
يرد ساره تنرفزت : انا اراويك هلول خلني اشوفك لعنبوا البنت صارت متاكده انك ما تحبها ويالس تتلاعب بمشاعرها
مها اول ما ركبت السياره انهارت وتمت اتصيـــح من خااطر حتى الدريول تحسف على حالتها
الدريول بحزن : ماما مها وين يروووووه احين
مها وهي تتكلم بصعوبه : ودني البيت .. ودني البيت .. يا الله معقوله هلال ما يحبني!! معقوله يالس يتلاعب بمشاعري
وانا كنت غبيه لهالدرجه وما اكتشفت هالشي إلا متأخر بس شو الفايده احينه خوله تبا تطلق !! وانا آبآ اكنسل زواجي
من هلال !! اكيد ابويه ما بيستحمل هالشي وبيتعب لا سمح الله .. فما بيدي شي غير اصبر وادعي الله يفرجها علي
وعنـــــــد مــــــــــريم وهـــــــــــــلآل
مريم يالسه ادور على تلفون هلال في شنطتها بس ما حصلته : هلال ما حصلت التلفون
هلال بتوتر : مريوم الله يهداج انا منبه عليج اهم شي التلفون لا تنسينه
مريم بضيج : هلال والله انه جان ف الشنطه بس يمكن طااح وما انتبهت
هلال بضيج : عيل خلينا نرد البيت .. اذا مها شكت في شي الله العالم اشو بيصير
مريم وهي تمثل اونها مستغربه : ليش اشو صااير بينك وبين مها
هلال بضيج : انتي خلينا نرجع البيت بسرعه وعقب بفهمج
مريم تقاطعه : بس اغرااااضي..
هلال بعصبيه : لا حقين بعدين نرجع وناخذها !!!! واحينه خلينا نروووووووووووح
مريم وهي تعض على شفايفها وبعصبيه : الظاهر انه خطتي ما بتنجح وهلال بيشوف هالدعله مها ياربي شو هالحظ
هلال بضيج : ان شاء الله بس احصلها هنااااك .....
مريم وهي تتنهد : هلال اكيد بتحصلها !! نحن من طلعنا ما صارلنا ساعه ونص
هلال بضيج : ولحد ما نوصل بيصيروا ساعتين .. طالعي الزحمه كيف صااايره
مريم بابتسامة مكر : لا الظاهر انه حظي اليوم مسكت .. اراويج مهووي انتي وهالعمياء خولوه وعقلة الاصبع فطوم
ساره وهي تتنهد وتحاول تتصل بمها بس ما ترد : يا ربي بلاها ما ترد .. هلال لحد متى انا بتم اغطي على اغلاطك
هلال اول ما وصل نزل يركض .. وراح صوب الصاله