روضه طاحت ع الارض : انتي تتحريني عبده عندج هذي اخر مره اسمحلج تمدين ايدج علي وتمت اتصيح بحرقة
محمد واحمد اول ما شافوها طايحه ركضوا صوبها : روااضي صار عليج شي
روضه وهي تحضنهم : لا حبايبي لا تشغلون بالكم امكم بس شوي معصبه واحينه بتهداء
ام محمد وهي اتصارخ على احمد ومحمد :سيروا من جدامي يالله مابا اشوفكم هنيه..وانتيه نفس ما وصيتج واي غلطه
روضه تقاطعها وبعصبيه : شوفي انا مستحيل اسمحلج تغلطين علي وتضربيني في الطالعه والنازله فاهمه
ام محمد وهي تشدها من شعرها : وتراددين بعد انا اراويج
بو خالد على طول راح صوبها وصكها بكف : بلاج تكفخين البنت بهالشكل انتي تخبلتي
ام محمد بتوتر : بوخالد من متى انته هنيه ؟؟؟!!!!!
بوخالد : ام محمد جم مره انا قايلج اذا عاملتي عيالي بالزين بخليج فوق راسي بس عقب اللي شفته انتي ما تلزميني
ام محمد بخوف وادموعها اربع اربع : بوخالد انته شو تقول ؟؟َ!! اشو اللي ناوي عليه لا تخوفني !!
بوخالد بعصبيه : انا تزوجتج عسب تعاملينها شرات بنتج مب عبده عندج عسب جذا انتي ...........؟؟؟!!!
روضه تقاطعه ودموعها نحفرت على خدها : ابويه الله يخليك لا تقولها عشااان خااطري !! ابوس ايدك لا تنطقها !!
بوخالد وهو يتنهد : استغفر الله بس .. ام محمد اخذيي هدومج ومابا اشوفج هنيه فاهمه
ام محمد وهي تتوسله : دخيلك بو خالد انا ما قصدي شي والله هي اللي بدت
بوخالد وهو يصارخ : انا شفت بعيني فاكسري الشر وقومي طلعي برع دام النفس عليج راضيه ..
ام محمد : بوخالد من صدقك انته ؟؟!!!!! تطردني عشان هذي !!! واشرت على روضه
بوخالد بعصبيه : هذي على قولتج تصير بنتي ومن ريحة الغاليه ولو ما هي جان انا مطلقنج
ام محمد بعصبيه : انته اصلا من يوم ما خذيتني ما طايقني !!! ومبدي عيالك علي .. واحينه تبا الفكه مني
بوخالد : صدق انه ما فيج خير .. اقووول قومي طلعي برع وورقة طلاقج بتوصلج باجر وانسي انه عندج عيال
ام محمد : اشو تبا اطلقني ؟!! وتاخذ عيالي بعد !!لا يا بوخالد انا طالعه لكن عيالي بيروحون معااااي وما بيتمون هنيه
بوخالد مسك ام محمد من ايدها وفرها جدام الباب : طلعي برع انتي مب كفوا تاخذين عيالج وتربيهم يالله برع
ام محمد بقهر : اوريك يا بو خالد وربي لا اخليك تدفع ثمن هالشي غالي وبذكرك
بوخالد وهو يصكر الباب في ويها : لا بارك الله فيج من حرمه .. صبرت عليج سنين وتجازيني بهالشكل
روضه بتوتر : ابوي الله يخليك اكسر الشر والحقها ورجعها هي ما كانت تقصد شي عشان خاطري
بو خالد : هيه هيه ياروضه لما شفتها تعاملج بهالشكل ما تحملت كنت عارف من البدايه انها ما اطيقج بس ما توقعت الكره يوصلها لهالدرجه ..هي طول عمرها تسمع كلام امها وخواتها خليها تشوف نتايج اللي يتبع شور غيره
روضه وهي تتنهد : ما عليه ابوي هي حرمه كبيره وما عارفه شو تقول عشان خاطري لا اطلقها
بو خالد : انا اقول الحمدلله لاني نسيت جم ورقه مهمه وجيت اخذهم عسب اشوف ام محمد على حقيقتها
روضه بضيج : ابوي هي تسوي جذا لانها تتحسب انه الكل يحبني اكثر عنها عسب جذا هي منقهره
بوخالد : قبل ما تسوي هالسواة جان لازم تعرف وتفكر عدل ليش الكل يحبج ويحترمج
روضه بضيج : ابوي عشان محمد واحمد رجعها لا تكبر الموضوع اكثر من جذا
بوخالد وهو يتنهد : روضه الموضوع هذا صكريه وام محمد لازم تتأدب وتعرف غلطها ومحمد واحمد بيتموا عندي
روضه بضيج : يالله شو اللي يالس يصير هنيه .. اسير اشوف اخواني وايد احسن
محمد بضيج : احمدوه تتوقع ابوي يطرد امي
احمد : ما اعرف انته شو تقووول بيطردها
محمد بتوتر : اميه كانت تضرب روضه وتصارخ عليها وابوي يحب رورو وايد ويمكن يطرد امي
احمد : انزين امي ليش ما تحب روضه هي وايد طيبه
محمد : ما ادري ليش ما تحبها بس انا احب روضه اكثر عن امي هي فاهمتني وتساعدني في دراستي
احمد : انا بعد احب روضه واحب امي حتى لو كانت ترفع صوتها علي
روضه تقاطعهم وبحزن : محمد احمد تعالوا عندي وركضوا ع طول صوبها وحضنوها وتموا يصيحوا روضه تمت
تمسح على راسهم ودمعت عينها .. خلااص حبايبي لا تزعلون ابوي بس معصب شوي وباجر بيرجعها وبيراضيها
محمد : روضه امايه ليش ما تبحج
روضه وهي تبوسه ع راسه:لا امكم طيبه وتحب الكل بس هي تعبانه شوي عسب جذا صار اللي صار لا تزعلون اوك
احمد : روضه نحن وايد نحبج بس نحب امي بعد وما نباها تعيش بعيده عنا ..
روضه وعينها تدمع وتضمه لصدرها : لا تخااف حبيبي ان شاء الله كل شي بيتسهل وبترجع البيت انته لاتزعل
محمد : روضه لا تقصي علينا !! ابوي جان وايد معصب ونحن شفناه يوم طردها وصكر الباب وخلاها بروحها برع
روضه بخوف وبعصبيه: مو على اساس كنتوا فغرفتكم ليش طلعتوا منها هاه علموني ليش
محمد واحمد تموا خايفين ولا ردوا عليها روضه اول ما شافت حالتهم حزنت عليهم وضمتهم لصدرها ..
يا لله انا شو قلت اللي فيهم مكفيهم ومع هذا انا يالسه الومهم .. الله يهديني ويصبرهم
وفـــي بيــــــت ام محمـــــــــــــــــــــــد
ام محمد كانت حالتها متبهدله واول ما شافوها امها وخواتها ركضوا صوبها
امها بخوف : ام محمد بلاج يا بنيتي وليش شكل متبهدل جذا
اختها عاليه : ام محمد بلاج ساكته ردي علينا اشو اللي صاير!!!! بو خالد مات !! هاه قولي لا اتمي ساكته
ام محمد وهي تتنهد : يا ليته مات وارتحت منه ومن عياله بس السالفه اكبر عن جذا
عاليه : ام محمد لا تخوفيني البارح جان يالس معانا ويضحك اشو اللي صار احينه
ام محمد : تذكرين الموضوع اللي كلمتوني عنه البارحه
عاليه بتوتر : هيه اشو صار عليه

آلفــــــــــــصــــل آلثــــــــــآآآ،ني

::

::

ام محمد : سويته حرف حرف وتهاوشت مع روضه حتى قمت وكفختها وشديت شعرها عسب اعلمها ام محمد منو بس
للاسف بوخالد جان واقف عند الباب وشاف كل هذا ودارت فيه الدنيا وجان بيطلقني لكن روضه تدخلت ومع هذا طردني وهددني انه بياخذ عيالي مني وقالي باجر ورقة طلاقج بتوصلج ..
امها:اشو ؟؟!! معقوله!!انا توقعت انه هالشي بيكون فصالحنا ما توقعته بيصير ضدنا انا قتلج صبري ما تنفذيه ع طول
عاليه بضيج : امايه الله يهداج ما وقت الملامه احينه خلينا ندور حل لمصيبتنا اذا بو خالد طلقها نحن بنضيع .. يالله شو نسوي احينه .. ام محمد انتي لازم تتصرفين
ام محمد بعصبيه : كله منها .. بس والله لا انتقم منها .. وربي ما بخليها تتهنى وبحول حياتها لجحيم
فــــــــي بيــــت بـــو حمــــــــــــــوووود
خوله وخالد توهم كانوا راجعين من السوق
خوله بابتسامه : خالد والله اني تعبت .. بس الحمد لله خلصنا شوي من التجهيزات
خالد : خلااص فديتج انتي عاد ريحي !! هالشي بس اللي كنت اباج تشاركيني فيه والباقي خليني اشغل شطارتي
خوله وهي تتنهد : يالله مب مشكله اشو رايك تتغدى معااااانا اليوم
خالد بابتسامه : لا بسير البيت انا من رجعت ع طول جيت صوبج وحدي مشتاق لروضه ولاخواني فبسير اشوفهم
خوله بابتسامه : خلاص حبيبي اللي يريحك .. شو بتيا عندي عقب
خالد : ما ادري والله بس بدقلج وبخبرج اوكي حبيبي
خوله وهي تهز راسها بالايجاب : خلااااص صااااار
خالد : يالله عيل حبيبتي بخليج احينه
خوله : الله يحفظك حبيبي وان شاء الله توصل سالم غانم سلملي على رورو حدي مشتاقتلها
خالد وهو يضحك : تصرفاتج هذي تذكرني فروضه الله يخليكم حقي يالله من رخصتج
خوله وهي تتنهد : الله يحفظك ويديمك فوق راسي وراحت صووووب داخل
طبعا الكل جان يالس يجهز الغداء ومريم وحمود جانوا بيتغدوا معاهم مها اول ما شافت خوله راحت صوبها
مها بابتسامه : هاه خوالي رجعتوا ؟؟؟ !!!! الا فهد وينه
خوله بتعب : فهد نزلناه عند واحد من ربعه يقول عنده جم شغله مهمه ويبا يخلصها
مها : هيه زين عيل يالله تعالي تغدي الغداء جاهز شكلج يوعانه وتعبانه
خوله : والله حدي تعبانه .. خلاص ببدل ملابسي وبنزل
مها : اوكي حبيبي لا تتاخرين ترى مريوم وحمود بيتغدون معانا اليوم
خوله : بيتغدون معانا وفطوم اشو رايها اكيد مضايجه ومتكدره
مها وهي تضحك : لا حبيبتي عسب تقهر مريم راحت تطبخله الغداء بروحها ما عليج منها فطوم قووويه
خوله بابتسامه : ريحتيني فديتج !! خلاص عيل ثواني وبجي صوبكم عشان اساعدكم يالله من رخصتج
فاطمه : شو خوالي ردت
مها بابتسامه : هيه توها راده يالله خلينا نروح نشوف الطبخه قبل لا تتحرق
فاطمه : لا من هالناحيه تطمني عموه يالسه هناك انا بسير اتطمن على مايد تدرين من امس تعبان وفيه حمى
مها : خلاص عيل فديتج سيري وخلي الطبخه علي وعلى عموتج بس لا تنسي تتكشخين حمود احينه بيشرف
فاطمه وهي تضحك : يمه منج ومن افكارج السوداء هذي !!! خلاص بشوف اشو عندي وبلبسه
مها ووهي يالسه تتحرطم : يحليلج يا مريوم يايه تقهرين فطوم بس صار العكس الله يعينج على ما ابتلاج
مريم بابتسامه : مهوووي بلاج تتحرطمين .. طول الوقت وانتي اتكلمين نفسج اخاف تخبلتي
مها وهي تتنهد : لا من هالناحيه تطمني ما فيني الا العافيه يالله بسير اشوف طبخة فطوم لا تتحرق من رخصتج
مريم بقهر : احينه هذي بلاها كل ما اكلمها احسها تكلمني بدون نفس هذا وبعدها ماشافت مني شي الله يعين اشو
بتسوي لما تعرف عن المفاجأت للي تنتظرها مني يالله مب مشكله انا بديت بهالشي ولازم اكمله وما اخلي شي يقهرني
حمود جان توه واصل وشاف مريم وابتسم : هاه مريوم جان انتظرتي كنت مريت عليح وجينا مع بعض
مريم بدلع : عاد انته حبي الوحيد ولازم ما اتعبك .. فقلت البيت قريب خذيت تكسي وجيت
حمود : ولو حبيبتي تعبج راحه جم مريوم انا عندي
مريم قربت صوبه وصاصخته فاذنه : وانا جم حمود معاااي فديت روحك يا قلبي
فاطمه جانت توها نازله واول ما شافت حمود ومريم بهالمنظر اضايجت وطلعت فوق صوب غرفتها وبطلت الباب بقو
وطاحت فوق الكرفايه وتمت اتصيح .. ليش يا حمود اتسوي فيني كل هذا انا ولا مره قصرت معاك لين متى بتم اتحمل
هالضيم اللي معيشني فيه .. والله لو ما عيالي جان خليتلك البيت وبدور على بيت يلمني ويعيشني بكرامه
مها اول ما شافت حمود راحت صوبه : هلا اخويه تو ما نور البيت عاد تصدق مشتاقيلك
حمود بابتسامه : حتى انا مشتاقلكم الا وين فطوم ما اشوفها ووين عيالي حدي مشتاقلهم
مها وهي اطالع مريم وتحاول تقهرها : فطوم من عرفت انك بتتغدى معانا قالت محد بيسوي الغداء غيري
حمود وهو يضحك : فديتها والله هذي فطوم دومها جذا اصيله وراعية واجب بسير اشوفها واشوف عيالي بالمره
مريم توقف جدامه : حمود حبيبي وين رايح الله يهداك انا كنت اباك فموضوع خلني اخبرك عنه وعقب روح

فاطمه بخجل : انته تستاهل !! من زمان ما طبختلك فقلت اليوم دام اني مش تعبانه ومرتاحه اطبخلك طبخه تحبها
حمود يقاطعها : سويتلي جبسة دياااي صح وما كمل كلامه الا وميره تخيس كندورته بكاكاو
فاطمه : ميرووووه اشو سويتي جم مره قتلج اذا كليتي كاكاو ما تقربين صوب احد قبل لا تغسلي ايدج
ميره وهي شوي وبتصيح: ماما انا اسفه
حمود : فاطمه خليها ما يحتاج تعصبي انا بروح وببدل وكأنه ما صار شي اهم شي لا تكدري خاطرها اخاف تزعل ؟!
فاطمه وهي تتنهد:اوك بدل وانا باخذ البنات ومايد وبننزل تحت وانته الحقنا لا تتاخر اوك وطلعت وصكرت الباب وراها
حمود راح صوب الحمام (اكرمكم الله ) وبدل ملابسه وطلع ولمح تلفون فااطمه واول ما بطله حصل الصوره وتنرفز
وفر التلفون .. هذا وانا ياي ابا ابدي صفحه يديه معها وانسى اللي صاار واتفاجأ انه صورة هالخايس بعدها للحين فتلفونها ولا تنزلت تمسحها.. الظاهر اللي بينها وبين سالم شي كبير وصعب يتنسى بكل سهوله ..
الكل جان يالس يتغداء وجان باقي حمود واول ما وصل يلس يطالع فاطمه بنظرات غريبه والشر طالع من عيونه ..
فاطمه استغربت من هـ النظرات وعلقت بـ ابتسامة: حموووود فيك شي ؟؟!!!
حمود طنشها وما رد عليها وصد صوب مريم وابتسم : هاه حبيبتي طمنيني عليج عسى صرتي احسن ؟!!
مريم وهي مستانسه وتطالع فاطمه وتضحك : لا تخاااف حبيبي ولا تشغل بالك .. الحمد لله صرت احسن
حمود بابتسامه : اهم شي تكوني بخير .. انتي احينه صرتي كل شي في حياااااتي وما يهون علي اشوفج مريضة
مها وهي تكلم فاطمه : فطوم اشو صار بينكم ليش حمود معصب عليج ؟؟!!!!
فاطمه وهي تتنهد : والله ما ادري من شوي جان يضحك !! بس ما ادري ليش تغير علي مره وحده اكلمه وما يرد
خوله بضيج : ما عليه فطوم يمكن تذكر شغله وضايجته .. انتي لا تكدري خاطرج ما فيه شي يسوا ,.انا بسير ارقد
مها تقاطعها وتشدها من ايدها : خوله مو على اساس انج يوووعانه ؟!!! بلاج احينه غيرتي رايج ؟؟!!
خوله وهي اداري دمعتها : لا خلاااص شبعت !! بسير اريح شووووي ويمكن العصر بااكل من رخصتكم
مريم فخاطرها: ان شاء الله ما تاخذين خالد !!! واتمي معنسه ع طوول !! عمياء وتبا تاخذ واحد له مستقبل والخير
مغرقنه وألف وحدة تتمناه !! اموت واعرف شو اللي عجبة في خوله !! ما فيها زود عن البنات !! دنيا غريبة
بعد آلغـــــدآء شربوا شـــآي وتمـــوآ يسولفون .. فاطمه تضايجت من تصرفات حمود وراحت صوب غرفتها
راحت ويلست فوق كرفايتها وتمت تصيح وعقب لمحت تلفونها طايح ع الارض راحت وخذته واول ما شافت الصوره
تصلبت مكانها ويلست تفكر .. معقوله حمود شاف الصوره ؟؟!! آها عسب جذا تغير علي مره وحده وأكلمة وما يرد
علي !!! يالله انا شو سويت ؟؟!!!! خربت كل شي بـ أيدي احسن شي اروح واخبره انه فاهم الموضوع غلط !!
واني خبيت هـ الصوره بس عسب اعرف من لاعب معاي هاللعبه ؟؟!!! واقدر اوقفه عند حده ..! يمكن الصورة اللي شافها حمود تطلعني غلطانه بس فنفس الوقت احس انها هي اللي بتثبتلي برائتي !!!
بوحمود : حمود عاد كل يوم نباك تتغداء معانا !!!!! عسب مريم تتعود وتاخذ علينا
مريم : ولو عمي نحن اهل والمره الياية ان شاء الله بتكون العزيمه فبيتنا والا شو رايك حمود ؟؟!!!
حمود جان سرحان : ليش الصوره بتلفونها لحد الحين انا توقعت انها مسحتها بس حسافه خاب ظني .. كل ما احاول
اقرب منج انتي تبعدين ويوم قررت اني اسامحج انتي صكرتي الباب في ويهي خبريني كيف ارضيج ؟!!!! وانتي يالسه
تخونيني وتطعنيني فـ الظهر !!! يا الله شو اسوي بحالي حاس نفسي مختنق ولا قادر استحمل وافكاري مشتته
مريم تقطعله حبل افكار : حموووود حبيبي بلاك صارلي ساعه ارمسك وانته مااا ترد ؟؟َ!! في شي مكدر خاطرك !!
حمود وهو يتنهد : مريوم الله يخليج قومي خلينا نسير حدي تعبان وابا ارتااح
ام حمود : حمود لا خلك قيلوا معانا تعشوا وعقب تيسروا
حمود يقاطعها بضيج : ما عليه امايه مره الثانيه!!! احينه عندي شغله ولازم اخلصها مريم انا اترياج في السياره !! يا الله من رخصتكم وراح وسلم على امه وابوه وعقب طلع مريم راحت وسلمت عليهم وعقب راحت صوبة
مها بحيره :ما ادري شسالفة؟! حمود اول ما جا جان يضحك ومستانس واحينه تغير 180 درجه يا ترى شو اللي صار
فاطمه كانت يايه تركض وتنافخ والخوف كان مرسوم على ملامح وجها العابس : حمووووود وين ؟؟!!!!
خوله : توه طلع مع مريم يقول عنده شغله مهمه ولازم يخلصها !!!
فاطمه ع طول راحت تركض صوب برع وبطلت الباب وحصلت حمود توه يحرك سيارته تمت تزاقر عليه بس حمود ما
رد عليها وطنشها حرك سيارتة وما سوالها سالفة ولا عبرها !!! وفاطمه راحت صوب داخل ودموعها تارسه عيونها
مريم باستغراب وكانت طايرة من الفرح :حمود انته سويت هـ الحركه عشاااااااني ؟؟!!!
حمود وهو يتنهد : مريم عشاان خاطري صكري على هالموضوع الله يخليج اللي فيني مكفيني
مريم وهي تتامله : خلاااص حبيبي اللي يريحك اهم شي انته لا تتضايج ولا تتكدر !!! وسرحت يا ترى شو الشي اللي
خلى حمود يعصب بهالشكل اكيد فيه شي بس مب مشكله مصيري اعرفه وعقب يصير خير !! اهم شي قهرت فطوم
~ ~ ~ ~ ~ ~ ~ ~ ~ ~ ~ ~ ~~ ~~ ~ ~ ~
فـــــي بيــــــــــــت بو خـــآلد
روضه كانت يالسه على اعصابها واول ما شافت خالد راحت صوبه .. خلود طمني اشو صاار ؟؟!!! عسى قدرت تقنعه
خالد وهو يتنهد : ابوج راسه يابس !! عجزت وانا احاول اقنعه بس للآسف ما شي فايده !!مصر على موضوع الطلاق
روضه بضيج : يعني مهما سوينا !! وحاولنا فيه !! ما راح يشيل موضوع الطلاق من راسة ؟؟!!!
خالد وهو يهز راسه بالايجاب : بالضبط .. ترجيته يدقلها ويحاول يرجعها بس قالي هالموضوع صكرت علية خلاص
روضه وهي تتنهد : بس احمد من الصبح وهو يالس يصيح يبا يشوف امه .. ليتني سكت وما نرفزتها !! انا السبب !!
خالد بضيج : روضه انا كنت متوقع هالشي يصير وبعدين خالتي هالمره وايد تمادت كيف تجرأت ومدت ايدها عليج
روضه: والله ما ادري بروحي استغربت من هالتصرف ادري انها تكرهني وما تحبني بس ما توقعت هالشي يطلع منها
خالد : ما عليه حبيبتي ابوي طيب يباله بس جم يوم واكيد بيهداء !! وبيفكر بمنطق
روضه وهي تاخذ نفس عميق : الله يسمع منك انا بسير اشوفهم بتيا عندي ؟؟!!!!
خالد : اكيد بروح حدي مشتاقلهم وتم يزقرهم بصوت عالي احمدوووه حموووووود وينكم ؟؟!!!!

محمد وهو يمسح دموع اخوه : احمدوه هذا خالد يالس يزقرنا اكيد رجع من السفر خلنا نروح صوبه
احمد بعصبيه : خووووز عني ؟؟!!!!! مابا اشوف احد سيرله بروحك انا ابا اماااايه
محمد : بس ماما ضربت رواضي وابوي عصب عليها ويمكن ما يردها البيت خلاص
احمد يقاطعه وهو يصيح : اذا هو ما يبا ماما انا بعد ما اباه وبسير عندها مابا اخليها بروحها اكيد هي زعلانه
روضه اول ما سمعت كلام احمد حضنته : يا روحي انته لا تخاف حبيبي !! ابوي بس زعلان شوي واكيد بيرجعها
احمد وفعينه نظرة تفائل : صدق ابوي بيرجعها وما بيطردها من البيت !!!!!!!!!!!!!
روضه وهي تبوسه على خده : اكيد حبيبي بس هو زعلان عليها شوي وعقب بيرضى انته لا تتضايج ..
خالد بابتسامه : احمدوه يوم سافرت شو طلبت اشتريلك هاه ؟؟!!!!!
احمد بابتسامه عريضه : قتلك ابا آلي كبير يشبة باتمان ويتحرك بجهااااااااااز
محمد يقاطعه : انا بعد خبرتك انه ابا لعبة سبايدر مان وتتحرك بجهااز
خالد وهو يضحك : اها خلاص عيل اللي طلبتوه صار والهدايا فالصاله يالله خلونا نروح ولا ما حابين تبطلوا هداياكم
روضه وهي تضحك : يا الله بنشوف من بياخذ هديته بالاول احمد ولا محمد ؟؟؟!!!!
محمد بحماااس: انا بسبق وباخذ هديتي قبله
احمد يقاطعه : لا انا بسبق وباخذها قبلك وراح يركض صوب برع وركض محمد وراه
روضه وهي تتنهد : الحمدلله شكل الهدايا بتهدي نفسيتهم شووووي
خالد : روضه حبيبتي هذيلا توهم صغااار واكيد باجر بيتعودون !!!بسج عاد !! ارحمي حالج !!!
روضه : خالد انا محد مالي حياتي غيرهم وربي احس روحي بتطلع اذا شفت واحد فيهم متكدر
خالد : روضه حبيبتي لا تشغلين بالج الايام بتعدي وبينشغلوا بشي وعسى ابوووي يقتنع ويرجعها
روضه : خلاص لا رد البيت انا بكلمه .. اخاف يطلقها ومحمد واحمد يكونوا ضحية هالشي !! كونك تعيش بدون ام هذا
احساس وايد صعب وجاااسي بعد .. انا جربت هالشعور ومابا اخواني يجربونه ويتجرعون مرارته ..
خالد وهو يتنهد : رواضي حبيبتي ان شاء الله ابويه باجر يهداء وكل شي بيصر اوك يالله عاد اضحكي
روضه وهي تبتسم بابتسامه خفيفه : الله لا حرمني طيبة قلبك خلوود محد فاهمني غيرك خلك دوم قربي
خالد وهو يبوسها على جبهتها : من هالناحيه تطمني انا من لي غيرج فاكيد بحطج فعيوني
روضه ابتسمت وخالد مسكها من ايدها وراحوووا صوب احمد ومحمد .. وحصلوا ابوهم جان يالس عند احمد ومحمد
روضه اول ما شافته سارت وباست راسه بوخالد بابتسامه : تبوسي الكعبه ان شاء الله
روضه بابتسامه : انا وانته ان شاء الله .. ابوي بغيت اكلمك فموووضووع ......
بوخالد يقاطعها وبضيج : روضه هالموضوع قلنا نصكر عليه ولا بعصب وما بتشوفيني فهالبيت
روضه وهي تيلس حذاة : لا الله يخليك لا تقولها ما اتخيل البيت من غير حسك
بو خالد بابتسامه : عيل عشان خاطري صكري على هالموضوع اللي سوته ام محمد يشيب الراس
روضه بضيج : ابوي يمكن فيه احد ضغط عليها وخلاها تسوي جذا هيه من يوم ما تزوجتوا ما ضرتني بشي
بوخالد : خليها فبيت اهلها عسب تحس وتفهم وما تتجراء تمد ايدها على واحد من عيالي
روضه : ابويه صدقني انا سامحتها ومب شايله فقلبي عليها انته بعد سامحها
بوخالد وهو يمسح ع راسها : انتي شبه امج بالضبط .. طيبه وحنونه وقلبها على الكل ولا عمرها تضايجت من احد
اذا حد غلط عليها تطنش وتسامحه عسب ما تخلي الحقد يدش قلبها
روضه وهي تحط راسها فحضن ابوها واداري دمعتها : الله يرحمها ويغمد روحها الجنه
خالد بضيج : الله يجمعنا في الجنه ان شاء الله تيتمنا ونحن صغااااار بس هـ الشي علمنا وااايد
بوخالد:يا خالد لما الانسان يمر في امتحان وخاصه اذا كان هالامتحان يخليه يفقد غالي صدقني يتعلم ويفهم الحياه عدل
~ ~~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~
فـــــــي بيــــت بو حمود خوله كانت سرحانه ودموعها تارسات عيونها
خوله وهي تمسح دمعتها : آه يا خالد كل ما يقرب زواجنا احس روحي بتطلع !!رغم انه مرت سنين على الحادثه اللي
صارتلي لما كنت صغيره لكنها للاسف للحين محفوره في بالي !!أصلا كيف بقدر انساها ؟؟!!!وانا كل ما احاول اشوف
ايدي او شكلي ما اقدر حتى ملامح شكلي نسيتها ؟؟!! مادري كيف بتقدر تعيش مع وحده عاجزه شراتي بدل لا تعتمد
عليها هي اللي بتعتمد عليك ؟؟!!! اللي خايفه منه !! انه يجيلك يوم وتمل مني وما تقدر تتحمل تعيش عند وحده شراتي
صدقني لو فيوم جيت وقتلي انك مب قادر تكمل معاااي !! ما بلومك وبنسحب من حياااتك بكل هدوووء . يآرب ساعدني
وسهل علي كل اموري .. وظلت تتحسس ملامح ويها عسب ترسم صوره لشكلها لكن هالشي كان اكبر عنها ساعتها
فقدت كل لذه يعيشها الانسان وهو يتأمل ملامح وجهة ويشكر ربه على هـ النعمة واكتفت بدمعه تخفف عليها كل
همومها..مر الوقت وخوفها صار يكبر معها مضى اسبوع وكانت تتجاهل خالد وما ودها تكلمة او حتى تشوفه !!
حاولت تكون قوية وما تضعف كل ما تسمع رنة موبايلها وهي تخبرها انه خالد يتصل !! قاومت قد ما تقدر
بس هـ الشي كان اقواء منها .. في كل مره كانت تضعف بس ترجع وتدوس على مشاعرها وهذا اثر على نفسيتها
وخلاها تعبانه ودموعها نحفرت على خدودها !! وعيونها صارت تميل للأحمرار ووجها صار لونة اصفر وجسمها ناحل
مها بابتسامه : خوالي حرام عليج باقيلج بس اسبوع واحد وانتي للحين ما جهزتي شوفي انا باقلي اسبوعين
واغراضي صارت جاهزه خلاص .. خبريني متى ناويه تجهزين نفسج حتى خالد في الفترة الاخيره اهملتيه ؟؟
خبريني اشو اللي صاير ؟؟!! صارلج اسبوع وانتي على هـ الحالة ؟!! شوفي حالج لا يسر عدو ولا صديق !!
خوله بحزن:مب بكيفي مهوي والله غصبا علي انا احب خالد عسب جذا مابا اظلمه معاي هو يستاهل وحده احسن مني
مها بضيج وهي مصدومة : خوله انتي شو تقولي من صدقج ؟؟!!!!
خوله ودموعها على خدها : احس اني اذا تزوجته بظلمه معاي !! وبخلي حياته جحيم !! ابوه له اسمة في السوق
وفوق هذا كله خالد رسام مبدع ومشهوور .. وزواجه من وحده شراتي اكيد بيأثر عليه وعلى مستقبله ووضعه المهني