مــــن آحـــــدآثـ آللحــــظة الحـــآدية آلعـــــــــــشرون ..



ღ ♥ღ ♥ღ ♥ღ ♥ღ ♥ღ ♥
ღ ♥ღ ♥ღ ♥ღ ♥ღ ♥ღ ♥


بوخالد : ام محمد قتلج اذا عاملتي عيالي بالزين بخليج فوق راسي بس عقب اللي شفته احينه انتي ما تلزميني
ام محمد بخوف وادموعها اربع اربع : بوخالد انته شو تقول اشو اللي ناوي عليه لا تخوفني
بوخالد بعصبيه : انا تزوجتج عسب تعاملينها شرات بنتج مب عبده عندج عسب جذا انتي .........؟؟!!
روضه تقاطعه : ابويه الله يخليك لا تقولها عشااان خااطري

ღ ♥ღ ♥ღ ♥ღ ♥ღ ♥ღ ♥
ღ ♥ღ ♥ღ ♥ღ ♥ღ ♥ღ ♥

حمود لمح تلفون فااطمه واول ما بطله حصل الصوره وتنرفز
وفر التلفون .. هذا وانا ياي ابا ابدي صفحه يديده معها وانسى اللي صاار !!! واتفاجاء انه صورة هالخايس بعدها للحين فتلفونها !! ولا حتى تنزلت تمسحها..
الظاهر اللي بينها وبين سالم شي كبير وصعب يتنسى بكل سهوله ؟؟!!!


ღ ♥ღ ♥ღ ♥ღ ♥ღ ♥ღ ♥
ღ ♥ღ ♥ღ ♥ღ ♥ღ ♥ღ ♥



خالد وهو يضرب اذونه بقو : سمعتها ؟؟!! سمعتها باذوني الثنتين خوله ما تحبني خوله حبت تنتقم مني !!
روضه بتوتر : تنتقم منك !! ليش انت شو سويت عسب تفكر جذا
خالد وهو يضغط على ايده بقو : تقوول انها ما نست اللي صار بالمكتبه وجا دورها احينه عسب تردلي الصاع صاعين
روضه بضيج : معقوله خوله البريئة يطلع منها كل هذاا .. معقوله قلبها اسود لهالدرجه ؟؟!!
خالد وهو يصيح : انا اللي بعت الكل عشانها !!!!
طالعي بكل سهوله تبا تتخلى عني وتخلي العذال يتشمتون فيني وانا اللي عزيتها وكرمتها



ღ ♥ღ ♥ღ ♥ღ ♥ღ ♥ღ ♥
ღ ♥ღ ♥ღ ♥ღ ♥ღ ♥ღ ♥

قراءة ممتعة والقاكم الجمعه بلحظات جديدة
ودي

::

::

::
مرت الايام يوم ورى يوم ورجع خالد من السفر وبقى اسبوعين على زواج خوله وثلاث اسابيع على زواج مها

::
::
::

خوله وهي متوتره : مهووووي تعالي شوفي ميكبي خالد احينه بيي واباه يشوفني حلوه ..
مها وهي يالسه تتثاوب : وليه خوالي منو اللي سوالج هالحركات الحلوه لا يكون طرشتي على كوافيره
خوله بضيج : لا يوم شفتج راقده خبرت فطوم تسويلي بس لازم اتفق عند كوافيره تيي البيت عسب يوم اتزوج
مها بابتسامه : شوفي انا اعرف وحده سودانيه شغلها اوكيه ولو طلبتيها حتى الساعه 10 من الليل بتحصليها عندج
خوله بابتسامه : من صدقج انتي ؟؟!!!!
مها : هيه من صدقي !! عرفتني عليها وحده من ربيعاتي وانتي لي عرستي اخبرها وبقولها انج بتعطيها راتب شهري
خوله وهي تضحك ومستانسه : الله لا يحرمني منج يالغاليه انا من غيرج ما اسوى شي فديتج والله
سناتا تقاطعهم : ماما خالد فيه تهت
خوله بتوتر : مهوووي طالعه حلوه صح صارله اسبوعين ما شافني واباه يشوفني حلووه وما يندم لانه تزوجني
مها وهي تحضنها : خوالي انتي بميكب وبلا ميكب..تهبلين يا قلبي يالله سيري شوفي ريلج وخليج واثقه من نفسج اوك
خوله : فديتج مهووووي والله لو ما انتي انا كنت خبر كان يالله من رخصتج احينه ..
مها بابتسامه : الله يوفقج اختيه تستاهلين كل خير ................. احسن شي اروح اغسل ويهي واكلي لقمه
خالد وهو يطالع ساعته : امممم يا ربي بلاها خوالي تأخرت .. حدي مشتاقلها
خوله دقت الباب ودشت خالد اول ما شافها صكر الباب وحضنها وشلها من على الارض
خوله بخجل : خلووود نزلني بلاك تخبلت افرض احد شافنا
خالد وهو يدورها :مشتاقلج مشتاقلج مشتااقلج صارلي اسبوعين ما شفتج واسوي اللي اباه واذا اعترضتي ببوس خدج
خوله بابتسامه : خلوووود انته من صدقك الله يخليك نزلني والله فشله
خالد على طول باس خدها خولة استحت وعلقت بخجل : خلوووود لا اكيد تخبلت ؟؟!!!
خالد وهو ينزلها : خوالي تصدقين الاسبوعين اللي طافوا حسيت انه في شي ناقصني..كنت احن لشوفتج ولليلسه معاج
خوله بخجل : حتى انا مشتاقتلك وطول هالاسبوعين كنت متكدره لا وماده بوزي شبرين والكل تم يتطنز علي
خالد وهو يبوسها على راسها : اممم وليش ماده بوزج شبرين لهالدرجه تحبيني وانا ما عندي خبر
خوله وهي اونها زعلانه : سوى روحك انك مش داري بشي .. انا مش بس احبك اموووت عليك
خالد بضيج : خووااااالي صحيح انه اليوم راد من السفر !!!! بس باجر لازم اسافر طلبوني وما اقدر اكسنل الروحه
خوله بتوتر : حبيبي انته من صدقك جي شو على كيفهم !! لا أنسى ما شي روحة
خالد بضيج:شو تبيني اسوي هذا شغلي غناتي ولازم اروح واذا ما روحت بتستوي وايد مشاكل وانا ما فيني ع الصدعه
خوله ودموعها تنزل:انزين يوم بتسافر ليش ياي شغلك صار اهم مني!!علمني انت ليش تزوجتني دامك تبا تخلاني
خالد وهو يمسكها من ايدها : عمري شو اسوي والله غصبا علي بس لا تصيحين لا تقطعين قلبي
خوله وهي تبطل ايده : خوز عني سير قابل شغلك هو بينفعك انا الظاهر مالي مكان فحياتك وقامت تبا تروح برع
خالد وهو يرجع يشلها : خوالي حبيبي بلاج ؟؟!! كنت امزح !! انا مستحيل اسافر واخليج المره الثانيه بتروحين ويايه
خوله وهي تمسح دموعها : انته من صدقك حبيبي كنت يالس تقص علي اراويك وتمت تضربه على صدره بعصبية
خالد وهو يضحك : خوالي حيااااتي كنت ابا اشوف الدموع اللي تذرفيها كل يوم عشاني وباسها على راسها
خوله وهي تتنهد : حبيبي انته السبب الوحيد اللي خلاني ارجع اتفاائل واعيش الحياه بامل .. حبك صار دليلي خالد
خالد : حبيبي تاكدي اني مستحيل اتخلى عنج .. انا ابيع نفسي ولا افكر فيوم ابيعج ولا اخليج .. واحينه سيري لبسي عباتج بنطلع انا وانتي مشووووار ومابا اي اعتراض
خوله باستغراب : ما فهمت وين تبانا نسير توها الساعه 9
خالد بابستامه : نروح نحتار اغراااض عسب نجهز الغرفه ما باقي الا اسبوعين .. فخلينا نلحق نسوي شي
خوله بابتسامه : خلاااااص عيل مدام جذا .. بخبر مهوي عسب تي معانا اشو راااايك
خالد بضيج : خوالي بلاج انتي ؟؟!! انا خذيت الاذن من عمي بوحمود يعني سيري لبسي عباتج وتعالي بروحج
خوله وهي تضحك : ان شاء الله استااااذ خالد اللي تامرني فيه مدام خذت راي الرأس العود ما يحتاج اخاف ثواني بس
مها كانت سايره تتريق واول ما لمحت خوله راحت صوبها : هاه خوالي ما لحقتوا خالد راح ولا بعده هنيه ؟؟!!
خوله بابتسامه : لا فديتج بعده هنيه بسير اجيب عباتي بنسير نشتري شوية اغراض حق العرس
مها تقاطعها وبتوتر : تخبلتي انتي والله لو درى ابوي ليحش ريولج حش .. خوله لا تسيري ما فينا ع المشاكل
خوله وهي تضحك : من هالناحيه تطمني خالد اتصل بابوي وعطاه الاذن بعدين فهود صارله ساعه يتريانا
مها وهي تتنهد : الحمدلله طمنتيني انا اعرفج عااااااااااقل مستحيل تروحي بروحج مع خالد انتي تربيت بو حمود
خوله وهي تتمصخر : تبين الصدق من جهتي عادي اروح بروحي معاه هو صار ريلي يعني ما منه خوف
مها باستغراب : لا انتي مش خوله !! صايره وايد واثقه من نفسج !! خوالي ترى الثقه الزايده بتوديج فستين داهيه
خوله وهي تضحك : مهوووي بلاج ؟؟!! انتي صدقتي انا بعدني اخاااف حتى من ظلي .. يالله مابا اتاخر على خالد

مها وهي تتنهد : احينه هاااي تتمصخر ولا شو .. والله ما فهمت عليها .. اخاف خالد يخليها واثقه من نفسها بزياده .. والثقه الزايده تودي صاحبها فمشاكل الها اول بس مالها تالي .. الله يكافينا شر المشاااااكل
فاطمه بابتسامه : اشو فيه الحلو يالس يتحرطم بروحه
مها بتوتر : لا بس احس تصرفات خوله غريبه شوي ما ادري شو سالفتها
فاطمه بابتسامه : هذا يا حبيبتي يسموه الحب .. باجر لي تزوجتي هلال بتفهمي انا شو اقصد احينه صعب تفهمي
مها تقاطعها : انا اموت على هلال بس ما سويت جذا .. اوقات احسها شرات المينونه ولا يالسه تفكر
فاطمه بابتسامه : لا حبيبتي الحب غير بس الزواج شي ثااااني !! لي تزوجتي هلال احكمي على نفسج !! مش الحين
مها تقاطعها : المهم انا بسير اتريق حدي يوعاااانه انتي متريقه
فاطمه : هيه حمود يا اليوم وتريقنا مع بعض واحينه سار صوب شغله
مها : هههه عيل احينه مريم يالسه تندب حظها .. الله يكون فعونج .. ويصبر مريوم هههههه
مريم جانت توها يايه بيت عمها وسمعت كلام مها : ههه يالسه تضحكين علي مهوي يحليلج متوهمه انه هلال يحبج
ويموت عليج ع الاقل انا عارفه انه حمود يحبني حتى لو جان فحياته وحده ثانيه لكن انتي شو بتسوي لي
عرفتي انه هلال ما جان ياي يخطبج انت ؟! جان يبا خوله بس انصدم من وجود خالد واهله بس ما بخبرج احينه بنتظر
اللحظة المناسبه وعقب بضرب ضربتي وبنصير انا وانتي فنفس المركب وانتي اللي بتغرقي وبتندبين حظج وبذكرج
واخذت نفس عميق وعقب ابتسمت ودشت وسلمت وهي كلها شموخ وكبرياء
مها بابتسامه : وعليكم السلام ورحمة الله وبركاااته
مريم بلطف:فطوم حبيبتي السلام عليج بلاج ما تردي علي ؟! اذا وجودي مضايقنج احينه بروح اهم شي تكوني راضيه
فاطمه وهي تتنهد : ولو حبيبتي بالعكس انتي الداخله ونحن الطالعين خذي راااحتج البيت بيتج
مريم بابتسامه : الحمد لله الصراحه فرحتيني انا شرات اختج واللي صار جان مكتوب انتي لا تكدرين خاطرج
مها بابتسامه : احينه بتمن تسولفن ع الباب !! مريوم اشو رايج تتريقين معاي؟!! فطوم تريقت مع حمود
تخيلي من الساعه 7 وهو يالس ينتظرها لحد ما نزلت وتريقت معاه .. قالها الشاعر قبل وما الحب الا للحبيب الاولي
مريم فخااطرها : اراويك يا حمود مو على اساس عندك شغل مهم !!! ما توقعت شغلك بيكون مع هالدعله فطوووم
مها وهي اطالعها من فوق لتحت : هاه حبيبتي الظاهر انه حمود ما قالج انه بيترق مع حبيبته فطوم ..
مريم بثقه:لا حبيبتي اصلا انا اللي اقترحت هالشي على حمود وقتله انه فطوم محتاجتلك اكثر مني وبغصب لحد ما اقتنع
واباج تعرفين انه ما فيه اسرار بيني وبين حمود وبعدين فاطمه حرمته وهالشي من حقها
فاطمه بضيج : انا تعبانه شوي بسير اريح راسي وتمت تكلم نفسها وبعصبيه .. ولا جذا السالفه حمود ؟؟!!!! ياي بناء على طلب حبيبتك مريوم بس مب مشكله اللي يطلعلك مره ثانيه والله لا اخليك بروحك تحت
مها وهي تكتم قهرها : تصدقين عاد انسدت نفسي اتريقي بروحج البيت بيتج يالله من رخصتج
مريم بثقه : اكيد البيت بيتي ويلست تتامل البيت صبرج علي مهووي كلها جم يوم وبخلي حمود يسكني عندكم وساعتها بقهر كل عذالي وبتم معاكم شرات العظم في البلعوووم .. وابتسمت وراحت صوب المطبخ ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فـــــــــــــي بيــــــــــت بـــو مشعـــل
مشعل بابتسامه : الله يبشرج بالخير الغاليه .... خلاص كلها يومين وبجي صوبج اخذ الاماانه
منال وهي تضحك : خلااااااااااااااااااااص شعولتي اللي يريحك ونسيت اخبرك كلها اسبوعين وبيجيك الدور
مشعل وهو مبطل عيونه : بعد اسبوعين لا تقوليها .. من صدقج منولتي
منال وهي تضحك بضحكة سخريه وتدلع عليه:حبيبي هالامور ما فيها مزح ..يالله احينه بخليك عندي شغل ومب فاضيه
مشعل بابتسامه : خلاص منولتي بيكون بينا اتصال وما كمل كلامه الا ومنال صاكه التلفون في ويهه مشعل وهو يطالع
التلفون .. حشى بلاها هذي صكرت في ويهي بس مب مشكله لاجل عين تكرم مدينه ونحن جم منوله معنا امم الظاهر
انه الحظ بداء يبتسم لك يا مشعل من جهه ابوك سلمك ادارة الشركه ومن جهه ثانيه منول كلها جم يوم وبتحقق لك
الحلم اللي كنت طول عمرك تحلم فيه والجهه التي تليها روضه حبيبة قلبي كلها جم اسبوع واحطها فمخباااتي
واستخدمها كطعم وخليها تنفذ كل طلبااتي وما ظنتي بتقدر ترفضلي طلب انا بصير مثل ظلها وقعد يضحك بصوت عالي
ميثا بتوتر : بسم الله عليك !!! بلاك تخبلت !!!!!!! ليش يالس تضحك ؟؟!!!!!!
مشعل وهو يغني : الحظ اخير ابتسملي وحبيت .. ميثا كلها جم يوم وكل اللي فبالي بيتحقق وبنودع الفقر
ميثا وهي تتنهد : اها لا يكون خليت روضه تحبك
مشعل : شوفي اليوم ولا باجر مصيرها تحبني بس اللي يهمني احينه اعلي اسم شركتنا فوق بصفقه وحده
ميثا وهي تتنهد : مشعل لا تنسى الاتفاق اللي بينك وبين ابووي انته بس ماسك ادارة شركه وكل الصفقات بايد ابوي
مشعل بثقه : مب مشكله اليوم عطاااني اديرله الشركه وصدقيني اكيد باجر بيكتبها باسمي وبذكرج ..
ميثا : يالله الله يسمع منك .. ابوي من يوم مسك هـ الشركة وهو معيشنا في فقر .. يمكن لا مسكتها انت يتغير شي
مشعل يقاطعها وبثقه : مش يمكن الا اكيد !! كلها شهر او شهرين او ثلاثه بالكثير وبتشوفي اسم شركتنا بالعلالي
ميثا بضيج : يالله ان شاء الله خير نصبر وبنشوف شو تاليتها .. انا ابا اسير السوق تقدر توصلني
مشعل بابتسامه : اكيد بوديج عاد اليوم انا حدي مستانس وبشتريلج اللي تبيه
ميثا وهي مش مصدقه : مشعل انته من صدقك لا تيلس تقص علي .. ترى راسي مصدع وما فيني على مصخرتك
مشعل وهو يبوسلها راسها : فديت راسج والله
ميثا وهي مستغربه اكثر : مشعل انته اكيد مصخن .. صاير حنون .. انته منو اللي جان داقلك وغيرك 180 درجه
مشعل : شو اقوولج هالاتصال كنت اتمناه صارلي سنين بس احينه صار واللي يصبر ينااااال
ميثا : اها!! عيل هذا اكيد واحد يبا يسوي معاك صفقة !! بس مب مشكله خلنا نروح عسب ما نتاخر ونرجع قبل الغداء
مشعل : هيه زين نسوي !!! يالله خلينا نروح انا بعد عندي جم شغله في الشركه وابا اخلصها
ميثا وهي تبوسه على خده : خلاااص عيل ثواني اجيب عباتي ونازله على طول ما بتأخر

ام مشعل بعصبيه : مشعل وين ابوك صارلي ساعه ادقله وهو مااا يرد
مشعل : امايه الله يهداج جم مره قايلج حطي عينج على ريلج ؟؟!!! واحينه يايه تسأليني انا وينه ؟؟!! سئلي نفسج ؟!
ام مشعل : مشعلوه احينه مب وقت مصخرتك علمني وين ابوك من لما سلمك الشركه وتصرفاته متغيره
مشعل : اميه يمكن تزوج عليج وانتي مب داااريه ولا حاسه بشي !!!
ام مشعل تقاطعه بعصبية:والله لا اكسر ريوله بالاول !! وعقب بذبح حرمته واقطعها قطعة قطعة عسب يتحسف عليها
مشعل وهو يضحك : حشا امايه طلعتي شرانيه وانا ما عندي خبر ..
ام مشعل : يا سلام ابوك هذا جان ريال يخاف حتى من ظله وانا اللي تميت وراه لحد ما خليت قلبه قوي واحينه عقب ما علمته وفهمته الحياه تباني اخليه يطعني في الظهر ويتزوج علي جي شو قالولك عني وحده مدلمغه
مشعل : محشومة امايه ..انتي لا تحاتي يمكن ابوي قاعد في الشركه انا اليوم ماخذ اجازه اشو رايج تروحي صووووبه
ام مشعل : والله فكره !! ابا اعرف ليش ما يرد علي ومن جهه فرصه اشوف الشركه بعد ما ستلمتها كيف اوضاعها
مشعل بابتسامه : زين تسوين يا الله عيل بنوديج فطريقنا بودي ميثوه السوق تقول تبا تاخذ اغراااض
ميثا وهي يايه صوبهم : مشعل انا جاهزه يالله خلنا نروح ..
مشعل : امايه هاتي عباااتج ونترياج برع لا تتاخرين
ام مشعل : ان شاء الله ثواني وراجعه
ميثا باستغراب : مشعل امايه بتروح ويايه السوق
مشعل : ليش تسألي ..
ميثا : لا بس من شوي سألتها اذا بتسير وياي وما طاعت قالت عندها جم شغله وتبا تخلصها ..
مشعل : اها .. انزين هي ما بتسير معانا صح بس بنزلها الشركه تقول تبا تسوي سبرايز حق ابوي
ميثا وهي تضحك : شو بعد هذي سبرايز صاروا شياب ويالسين يدلعوا بعض .. يالله الله يجمع بينهم على خير
ام مشعل وهي يايه تركض وتنافخ : يالله انا جااااهزه .. خلونا نسير
مشعل وهو يطالع ميثا ويضحك:امايه اشو رايج ناخذله بوكيت ورد تعرفين ابوي رومنسي وبيستانس لو خذيتله واحد
ام مشعل : والله انا مالي درايه بهالسوالف اذا هالشي بيفرح ابوكم خذوله بوكيت
ميثا وهي ميته ضحك : خلااص امايه ما طلبتي شي انا اعرف محل خلونا نمر عليه
مشعل : زين عيل يالله خلونا نتوكل اخاف اتأخر على ابووي .. واليوم عندنا شوية اوراق مهمه لازم نخلصها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~
فــــــــي بيــــت بـــــوخـــآلد
روضه كانت يالسه اطالع افلام كرتون عندد محمد واحمد وكانوا يضحكوا من خاطر
ام محمد يات صوبهم وهي معصبه : بلاكم يالسين تضحكون بهالشكل جم مره خبرتكم انه هالشي عيب
روضه بابتسامه : خالوه الله يهداج منو قالج انه هالشي عيب شو بتقلدين حركات الاجانب خليهم يضحكون ويستانسون حرام توهم صغاااااار وصدت صوبهم وضحكت بصوت عالي وتموا يضحكون معاها
ام محمد وهي تصارخ : رووضه !!!!!!! وع طول محمد واحمد ركضوا صوبها وحضنوها وتموا يطالعوا امهم بخوف
روضه بتوتر : خالوه ليش تصارخي بهالشكل !! طالعي اشكالهم زيغتيهم حرام عليج ..كل شي بالتفاهم مش بالصريخ
ام محمد بعصبيه : انتي الظاهر انه الطيب ما ينفع معااج وهالكم يوم صايره تكبرين راس عيالي علي وتكرهيهم فيني
روضه بضيج : خالوه الله يخليج هالكلام ما ينقال جدامهم وصدت صوبهم محمد احمد روحوا غرفتكم وكملوا الفلم هناك
ام محمد تقاطعها وهي اتصارخ : لا بيتموا هنيه عسب يعرفوا اختهم اللي يحبوها و ميتين عليها على حقيقتها
روضه وهي اطالعها من فوق لتحت : خالوه انتي اشو قصدج .. ممكن توضحين اكثر
ام محمد : والله ما ادري اسألي نفسج كل يوم طابه عند نسايبج ويايتني بشغله كل مره شكل ومكبرين راسج علي
روضه وهي مستغربه : تصدقين عاد ما توقعت عقلج صغير لهالدرجه .. انا بسير غرفتي وايد ابرك
محمد واحمد يمسكونها من ريولها : روضه بنسير معاج لا تخلينا هنيه بروحنا
روضه وهي أطالع ام محمد وأطالعهم : طالعي تربيتج لوين وصلتهم صاروا يخافوا حتى منج
ام محمد تقاطعها : كله منج .. انتي اللي زرعتي بداخلهم هالشي .. متى تتزوجين وارتاح من ويهج
روضه وهي تتنهد : خالوه انتي غلطي علي وايد وانا للحين ساكته بس ما اقول غير الله يسامحج
ام محمد : والله لا يسامحج !! حياتي بسبتج صارت جحيم !! انتي نغصتي علي حياتي !! حتى عيالي ما تهنيت فيهم
روضه وهي اطالعها باستغراب : خالوه ممكن اعرف انتي ليش تكرهيني وشاله علي من خاطر عمري ما غلط عليج
ام محمد : لا غلطي وظلمتيني!! الكل هنيه يعتبروج الكل في الكل وما بقى الا عيالي واحينه خليتهم يفضلوج علي
روضه وهي تتنهد : خالوه احد قالج انج وحده مريضه!!جان بامكانج تكسبين ثقة الكل اذا تعاملتي معاهم بلطف وحنيه
مب بصريخ وكلمات بذيئة وتعدي عليهم في الطالعه والنازله حتى ساده عليهم نفسهم وما قادرين يتصرفوا بحريه
ام محمد : يا سلام احينه تبي تقنعيني انه الكل صار يحبج عشان انج حنونه اقول لعبي غير هاللعبه
روضه وهي تتنهد : شو اقول طول عمرج ما تتقبلين احد ينتقدج وتسوين اللي براسج دايم انتي الصح والباقيين غلط
ام محمد : هيه انا دايم صح وانتي اللي دومها تصرفاتج غلط فغلط .. ومصيرهم يشوفوا هالشي ويعرفون انتي شو
روضه بضيج :: لا انا مستحيل اتم اسمع هالاهانات هذيلا عيالج جدامج وخذيهم وربيهم بكيفج من رخصتج
ام محمد وهي توقف جدامها : من سمحلج تروحي وانا للحين ما خلصت كلامي
روضه : اللهم طولك ياروح !! قولي اشو عندج هذا اذا ضل شي وبعدج ما قلتيه ما قصرتي قلتي كل اللي بقلبج
ام محمد : سمعي يا روضه عيالي من اليوم مالج شغل فيهم واذا شفتج يايه صوبهم وربي لاخرب حياتج وحياة اخوج وابوج بعد .. ووووالمثل يقول ابعد عن الشر وغنيله !! انا حذرتج وانتي عاد بكيفج
روضه : ما شاء الله كلام يديد .. ومنو اللي علمج تقولي كل هذا اكيد اهلج الطيبين المؤدبين اللي تربيتهم دومها صح
ام محمد وهي تصكها كف : الا اهلي والله اذا غلطي عليهم لا اقص ريولج واقطع لسانج بعد واقطه للكلاب