الفصــــــــل آلثــــــــــــــآآآني

::

::


ساره وهي تتنهد : الله يسمع منج حبيبتي .. وعسى الله يوفقها ويسعدها .. ويكبر عقلها ويهديها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

فــــي بيـــت بو حمـــــــود
بو حمود جان توه راد من بيت اخوه وفهد هم بعد جان توه راد رامس
فهد وهو يبتسم : هاه بو فهد من وين يااي
بوحمود وهو يضحك : بو حمود لو سمحت مش فهد !!!! وقبل ما تسالني هالسؤوال اسأل نفسك وين كنت وليش؟؟!!
فهد وهو يضحك ويبوس راسه : منك السموحه بو حمود بصراحه رامس ويا الربع .. اغير جو ملينا من يلسة البيت
بوحمود بابتسامه :هيه هذا اللي هامكم !! شباب اليوم كل همهم الوناسه ع قولتك تغيير جو المهم انا كنت في بيت عمك
فهد باستغراب : عمي بوهلال اشو بغيت منه ؟؟؟!!!!! البارح كنا مع بعض لحقت تشتاقله
بوحمود وهو يضحك : لا السالفه مب جذيه اليوم بنته ساره انخطبت خطبها واحد نشمي ومدرس
فهد وهو مب قادر يصلب طوله : اشووووو وليش ما علمتني ..؟؟؟؟؟
بوحمود يقاطعه : وليش اعلمك ؟؟!! هي اختك وانا ما عندي خبر ؟!!! وجودي هناك يكفي مب لازم كلنا نسير فشله
فهد بتوتر : السموحه ابوي بس انا فعلا اعتبرها شرات اختي المهم منو اللي خطبها تعرفه والا واحد من بعيد
بوحمود وهو يتنهد : والله الصراحه ما اعرفه بس يصير اخو ربيعة ساره !!! الله يوفق بينهم ان شاء الله
فهد بضيج : يالله هذي الدنيا كل شي فيه قسمه ونصيب من رخصتك ابووووي !! بسير ارقد حدي تعبان !!
بو حمود وهو يتنهد : هيه هيه يا فهد .. انا عارف اللي بداخلك حتى لو ضميته فصدرك .. بس البنت مش من نصيبك ولازم تنساها وتشوف حياااتك .. يمكن انته تحبها بس قلب البنت مش معاااك ولا حاس فيك ابد ..
فهد وهو منسدح ع الكرفايه ويالس يصيح : هيه يا ساره والله وبتتزوجين .. وانا اللي كنت اتحسب انج فاهمه كل اللي
يدور بداخلي !! مع اني لمحت لج اكثر من مره وتوقعت بتفهميني وبتحبيني شرات ما احبج بس حسافه .. خاطري
اعرف منو هذا اللي فضلتيه علي ابا اشوف وافهم اشو اللي ميزه عني عسب تحبيه وتسلميه قلبج ..مصيري اعرفه
واحط عيني بعينه ..وساعتها راح احصل اجوبه لكل اسئلتي آه كيف بصبر على بعدج !!وانتي قربج عذاب وبعدج عذاب
وعنــــــــــــــــــــد خـــــــــــــوله
خوله وهي تلعب بشعرها : هاه حبيبي متى نويت ترجع والله حدي مشتاقتلك ..
خالد وهو يتنهد : هاانت حبيبي كله اسبوع واكون معاااج .. وبتم طول الوقت عندج وبتملين مني
خوله تقاطعه : لو امل من روحي مستحيل امل منك جم خالد عندي!! واحد بس !! .. لو يطلب عيوني فدوه له
خالد وهو يضحك : اوووووف لهالدرجه تحبيني وانا مب داري .. فديتج يا قلبي
خوله تقاطعه وهي اونها معصبه : خلوووود يعني انته تتحرى اني احبك بس شووي ؟؟؟!!!!
خالد بابتسامه :لا غناااتي بس يالس اسوووولف معاااااااااااج المهم طمنيني كيف الاجواء في البيت اكيد متوتره
خوله وهي تتنهد : لا حبيبي فاطمه عاقل وصابره والحمدلله على كل حال والله يعوضها كل خير
خالد : امم تصدقين شكلي باخذج وعقب بعرس عليج صار الموضوع موضه !! الكل قام يتزوج حتى الشياب
خوله تقاطعه وهي معصبه : اها ولا ناوي على جذا ؟؟!!! خلا ص عيل من الحين انا اقولك طلقني
خالد وهو يضحك:حشا تبي الفكه مني شو ؟! ما بطلقج بخليج معلقه لاني عارف انج تحبيني وصعبه تعيشي بعيده عني
خوله وهي اونها معصبه:انته جرب وبتشوف ؟؟!! وبعدين منو قالك اني ما بقدر اعيش من غيرك ؟! لا يا بابا ذاك اول
خالد يقاطعها وبحنيه : حشا ناويه علي انتي ؟؟!! المهم في احد يطالع النجوووم وهو متزوج قمر ..
خوله وهي تلعب باعصابه :هيه قص علي احينه .. خلاص كلمة الحق تسبق .. يا الله انا برقد تعباانه
خالد بخوووف : خوالي بلاج يالس امزح معااج ليش عصبتي جذا ؟؟!! والله مستحيل اتزوج عليج
خوله وهي تضحك : هههه وحده بوحده والبادي اظلم ..
خالد وهو اونه معصب : يالسه تتمصخرين علي .. خليني اشوفج انا اراويج !! عسب مره ثانيه ما تفكري تقصي علي
خوله بثقه : عااااادي خلني اشوفك وعقب لكل حااادث حديث
خالد بابتسامه : هيه تراج عارفه ومتاكده اني مستحيل اقدر اغلط عليج واقول كلمه تكدر خاطرج ..
خوله بابتسامه ممزوجة بدلع : اممممممم انته مدلعني وانا استاهل كل هالدلع والا شو راااايك ..
خالد : اكيد غناااتي تستاهلين يعلني فدووووووه لعيونج يا قلبي ونبضي وروحي .. جم خوالي انا معااااي فديت روحها
~ ~ ~ ~ ~ ~ ~ ~ ~ ~ ~ ~ ~ ~ ~ ~~
وفـــــي بيـــــــــــت غـــــــــــآده
نوف بضيج : اميه صار ثلاث اسابيع وغاده بعيده عنا ..
ام غااده : هاااانت يا بنيتي الله يكون في عونها ويصبرها ترى الغربه شينه
نوف وعينها تدمع : بس والله حدي مشتاقتلها احس البيت ماله طعم من غيرها .. اشو رايج اندقلها
ام غاده وهي تتنهد :حبيبتي خلينا نقلل الاتصالات شووي ما بقى من المصروف شي وما نبا نكدر غاده وهي فبلد غربه
نوف وهي تحضن امها : امايه والله غصبا علي اشو تبيني اسوي حدي مشتاقتلها .. اول مره نكون بعاد عن بعض
ام غاده وهي تمسح على راسها : ازمه وابتلاء من رب العالمين وان شاء الله كل شي بيرجع نفس ما كاان

نوف بنظرة خوف : اماااايه تتوقعين عادل بيرجع يمشي شرات الاول ولا !!
ام غاده تقاطعها : الله لا قال لا اتمي تفاولي عليه !! خلينا متفائلين واللي كاتبه ربج بيصير .. تفائلوا بالخير تجدوه
نوف وهي تتنهد : الله يسمع منج امايه ............ وتعدي سحابة الصيف على خير .. اللي مر علينا مب شوي
ام غاده : شو نقدر نسوي غير نقول الحمدلله على كل حال وحسبي الله على من ظلمنا ولتهنا .. ووصلنا لهـ الحال
نوف : الله كريم امايه والله بينتقم من عمي .. جشعه وطمعه بيقضي عليه .. اذا ما اليوم باجر الله ما يرد دعوة المظلوم
ام غاده:هيه هيه جشع وطمع عمج ابوج راح ضحيتها بس هو ما ضنتي!!هذا قوي وما في شي يحرك شعره من راسه
نوف: لا اميه اكيد عنده نقطة ضعف والله بينتقم منه .. كل اللي يهمنا الحين عاادل يقوم بالسلامه لفلوس وصخ دنيا
ام غاده:بس وصخ الدنيا صار يرفع ناس فوق ويعيشهم في السحاب وناس متلتهين في الشوارع عشان يحصلون ربعه
نوف : اميه الناس فهالزمن صارت تفكر بس فالفلوس وما همها اذا داست ع فقير او محتااااج مصلحته فوق كل شي
ام غاده : يالله الواحد شو يقول غير الله يهديهم الانسان مهما بلغ جبروته مصيره حفره وخرقة بيضاء وياكله الدود
نوف : الله يصلحنا ويحسن خواتيمنا .. هالدنيا دنيا فتن الله يكافينا شرها ويغنينا بحلاله عن حراامه
ام غاده بابتسامه : الله يكثر من امثالج يا نوف صرتي كبيره وتفكرين بمنطق ولمحت تلفونها يرن
نوف وهي تاخذه وبحماااس : اميه هذي غاده اكيد عندها اخبار حلوه !! خليني ارد عليها .. الو هلا غاااده
غاده بابتسامه : هلا نوف شحالج حبيبتي واخبااار امايه طمنيني عليكم ؟؟!!
نوف وهي تتنهد واداري دمعتها : الحمدلله كلنا بخير المهم انتي وعادل طمنونا عليكم اخباركم وكيف الاوضاااع هنااك
غاده بابتسامه : عطيني اكلم اماايه ابا اقولها شي
نوف بضيج : ليش يعني انا ما اصلح
غاده : مبلى حبيبتي بس ابا اكلم امايه ضروري وعقب بكلمج
نوف : انزين قالتها بدون نفس !!!!!! امايه يودي غاده تبا تكلمج تقول تباج ضروي
ام غاده : هلا غاده شحالج حبيبتي وشخبار عادل طمنيني عليكم
غاده وهي تضحك : امايه نحن بعد اسبوع ان شاء الله بنرجع عادل حالته وايد تحسنت وهو يبا يكلمج ..
عادل ياخذ التلفون:اميه انا قدرت امشي بس شوي شوي !! اهم شي اني ما قمت ايلس على الكرسي
والدكتور يقول اني صرت بخير والاعصاب تمام ومع التمارين برجع امشي نفس اول واحسن
ام غاده وجسمها صار يرجف ونبضات قلبها بدت تتسارع: عدول انته شو يالس تقول ؟؟!!!!
نوف بخوف : امايه طمنيني عادل اشو فيه ؟؟؟!!!!! وليش ويهج تغير ؟؟!!!!
ام غاده وهي تحضن نوف وتصيح : عادل ....عادل مشى يا نوف عادل رجع يمشي شرات الاول
نوف وادموعها اربع اربع:الحمدلله امايه الله استجاب دعواتنا الحمدلله ..هاتي التلفون برمسه الو عدوول شحالك حبيبي
عادل بابتسامه : نوف اشتقتلج واايد ابا اشوفج ليش ما تزوروني
نوف وهي تمسح دمعتها:عدول حبيبي ما ينفع ازورك انته فمكان بعيد الحين ؟!بس لا رجعت بتم العب معاك طول اليوم
عادل ببراءه : الدكتور يقول الاسبوع الياي نقدر نطلع يعني بيخليني اجي صوبكم
غاده تقاطعه : عدول حبيبي عطني اتكلم احينه لا تنسى انه ما بقالنا شي ولازم نصرف بحدود
عادل بابتسامه : انزين هاج التلفون وسلمي عليهم وايد ..
غاده وهي تهز راسها بالايجاب : ان شاء الله حبيبي هلا نوف .. اقولج حبيبتي ما اقدر اطول سلمي ع امايه وكلها اسبوع وبنشوفكم تعرفين العيشه هنيه وايد صعبه ولازم نقتصد شووووي ..
نوف بابتسامه : خلاص عيل حبيبتي لا تخسرين نفسج .. ديري بالج على نفسج وعلى عدووول وعقب قطع الا تصال
ام غاده : هاتي بسلم عليها قبل لا اتصكر
نوف وهي تتنهد : امايه الظاهر انه رصيدها خلص ما عليه فديتج كلها اسبوع وبتشوفيها !! المهم انه عادل بخير
ام غاده وهي ترفع يدينها : الحمدلله يارب اشو رايج نروح نصلي ركعتين شكر
نوف بابتسامه : زين نسوي امااايه يالله عيل خلينا نقوم نصلي ونشكر الله على هالنعمه .. الحمدلله الحمدلله
وفــــــــي لندن
عادل بابتسامه : غاده متى بنرد للبلاد الصراحه اسبوع وايد ؟؟!!!!! خليهم يقصروه
غاده وهي تضحك : جي هو كندوره عسب انقصره على كيفنا .. اصبر كلها جم يوم وبتعدي بسرعه
عادل وشوي بيصيح : بس انا ابا اشوف امايه ونوف وايد مشتاقلهم
غاد وهو تبوسه ع خده : كلنا مشتاقيلهم بس شو نسوي ملزومين نصبر .. هانت كلها ايام وبنرجع اصبر شوووي
عادل بابتسامه : انزينه وينه خليفه صارلي اسبوع وشي ما شفته وهو قال ما بيخليني وبيشتريلي العاب
غاده بتوتر : عدول جم مره قتلك هالانسان شيله من بالك .. خلاص راح في حال سبيله !! يعني بالمختصر انساه !!
عادل وهو يتنهد : بس هو قالي اني اقدر اعتمد عليه وما بيخليني بروحي بيتم دووم معاااي عسب ما احس بالوحده
غاده بضيج : وهو ما وفى بوعده راح وخلاااااك يعني شرات ما نساك !! انته بعد لازم تشيله من بالك ولا تفكر فيه
عادل بحزن : بس هو جان وايد طيب ..ليش كل رباعتي يخلوني!!محمد مات وخليفه خلاني بروحي هنيه ولا سال عني
غاده وهي تحضنه : عدول حبيبي هو طياار يمكن عنده سفريات وايد لازم تعذره وبعدين انا معاك ولا مش قد المقام
عادل وهو يتنهد : بس خليفه غير يوم اكون معااااه احس براحه اتصلي فيه
غاده وهي تحاول تمسك اعصابها : عدول حبيبي اسمعني كثر ما طريت هالريال وجبت سيرته مابا اسمع اسمه ع لسانك مره ثانيه .. ولا بزعل عليك ولا بكلمك .. انزين .. فاهم علي ولا ارجع افهمك مره ثانيه
عادل بحزن : انتي ليش ما تحبيه انا حااس انج انتي اللي قلتيله ما يزورني يمكن لانه اكبر عني بالسن بس انا مرتاحله
غاده وهي تتنهد : عادل انا ما منعت احد يزورك واذا هو يحبك على قولتك وينه ليش ما بين انا اقول لو تشيله من بالك
عادل بضيج : انزينه انا برقد حدي تعبااان
غاده بعصبيه : زين تسووووي .. ااه هذا اللي ناقص انا ما صدقت على الله اني احاول اشيله من بالي وانته يوم عن

غاده بعصبيه : زين تسووووي .. ااه هذا اللي ناقص انا ما صدقت على الله اني احاول اشيله من بالي وانته يوم عن
يوم يالس اذكرني فيه .. الله يوفقه وين ما كان ويسعده مع وحده غيري انا ما اصلحله .. انا انحكم علي اعيش عشان
غيري وانا راضيه بقدري وعشان اهلي مستعده ادفع روحي ثمن هالشي وحب خليفه بدفنه بداخلي وبحاول اتناساه
فــــي بيـــــــــــت بـــوحمـــود
بوحمود بابتسامه : شفتي يا ام حمود الدنيا تمشي بسرعه عيالنا كبروا خوله بتتزوج عقب ثلاث اسابيع وعقبها مها
ام حمود وهي تتنهد : هيه والله الدنيا تمضي وتاخذ من اعمارنا .. ما متخيله البيت من غير حس مها وخوالي
بوحمود : هذي سنة الحياه البنات تربيهن وتتعبي عليهن وعقب ما يصيرن كبااار ياهن معرس وشلهن
ام حمود : الله يوفقهن ويسهل عليهن الا ما قتلي خبرت مها على شو ناوي هلال
بوحمود : لا ما خبرتها حسب ما قالي اخويه انه ساره متفقه مع مها !!!! ومحددين الملجه والعرس عقب شهر
ام حمود : لا .. هذا موضوع ثاني انته لازم تشاورها وتاخذ رايها يمكن استحت من ساره وما قدرت تردها
بو حمود : والله ما ادري مهووي توه عمرها 19 وقريب بتدخل العشرين واحس بعدها صغيره ع الزواج والمسؤليه
ام حمود تقاطعه : لا صغيره ولا شياته خلها تتزوج وتنستر وبعدين هي مش ماخذه واحد غريب اللي خذاها ولد عمها
واكيد بيخاف عليها اكثر مني ومنك وتتزوج هي وصغيره وايد احسن هالزمن يخوف خلنا نصونها ونزوجها
بو حمود : ما ادري انا وايد خايف عليها تصرفاتها كأنها ياهل وتدلع والزواج ما يبيله هالسوالف
ام حمود : لا ياهل ولا شياته خلها تتعود على الشقاء عسب يشتد عودها .. وتطمن يوم يومين وبتستوي حرمه
بوحمود : والله انتن يالحريم تخوفن الواحد ؟؟!!!!!!! بين يوم وليله تكبر الوحده ويكبر معها تفكيرهاا
ام حمود:يمكن لانه الحرمه تفكر بعاطفتها واوقات العاطفه تخليها تكبر بسرعه ويكبر معها تفكيرها وهذي سنة الحياه
بوحمود : والله نحن من غيركم يالحريم ما نسوى شي عسى الله يديمكم فوق راسنا ممكن احينه تسيري تزقرين مها
ام حمود : طلباتك اوامر يالغالي ثواني وتحصلها عندك ..
وعنــــــــــد مهآ وخـــــــوله
خوله باستغراب : مهوووي غناتي بلاج ساكته
مها وهي تتنهد : بصراحه مضايجه .. لا مش بس مضايجه احس اني بنفجر ما قادره افكر ولا قادره استوعب
خوله :حشا بلاج بتنبطين هدي شوي وفهميني اشو اللي مكدر خااطرج ومضايقنج
مها بعصبيه : هلال !!!! بصراحه مصخها من يوم كلمتني اخته ساره صارلها احينه اسبووع وشي ولا ردوا علي بخبر
خوله بابتسامه : يمكن عندهم ظرووف انتي هدي شوووي وبعدين لا تنسي زواج مريم عطل وايد امور لا تظلميه
مها وهي تتنهد : ما ادري !!! فيني احساس غريب !! دايم يخطر في بالي انه هلال مغصوب علي وما يبيني !!!!
خوله تقاطعها : مهوي نحن دايم بنتم نفتح هالسالفه اللي ما من وراها فايده!!قتلج اصبري شو بعد هذي مغصوب علي
مها بضيج : تعرفي اللي مخفوني !! انه ولا مره احساسي خاب !!! وخايفه احساسي هـ المره يصيب ..
خوله تقاطعه وبعصبيه : اي انتي خلاااص !! اذا بتتكلمين عن هالموضوع !! انا اطلع واروح عند فطوم ابرك
مها باستغراب : خوالي بلاج عصبتي جذا ..
خوله بضيج : اشو تبيني اقولج يعني الريال تاخر بس اسبوع قمتي تندبين حظج وتلوميه جذا !! ما يصير حرااام
مها وهي تتنهد : انزين خبريني احينه شو اسوي .. تصرفات هلال تقهرني
خوله بعصبيه : لا حول ولا قوة الا بالله احينه انتي وين شفتيه عسب تقولي تصرفاته تقهرج !!
مها بضيج : انا ما شفته بس هو ليش معطل الموضوع اكثر من جذا يخلينا نملك ونتزوج بعدين عقب ما تنحل مشاكله
خوله وهي تهز راسها : شوفي حبيبتي بطلي تصرفات اليهالوه هذي انا اقول لو تكبرين عقلج وثقلين وايد ابرك
مها وهي تتنهد : اشو قصدج يعني انا يالسه اقول واهروت كلام ما منه فايده
خوله تقاطعها : بالضبط هذا اللي اقصده واللي كاتبه الله بيصير فلا تندبين حظج وااايد عطيني عصاتي بروح مع فطوم
مها وهي تعطيها عصاتها : يوودي احينه انا اختج ولا فطووم هذا جزاتي لاني يالسه افضفضلج
خوله بابتسامه : مهووي حبيبتي بقولج شي واحد انتي عاطيه الموضوع اكبر من حجمه تعرفين ليش
مها باستغراب : ليـــــــــــــش نوريني الله ينور عليج دنيا واخره
خوله وهي تتنهد:انتي تحبين هلال وخاطرج تشوفيه اليوم قبل باجر يعني تتصرفين بتهور مستعيله وايد..وما فيج صبر
مها بتوتر : بصراحه هيه ما فيني اصبر .. انا مابا اضيع عمري وانا بعيده عنه ابا اكون كل لحظة وانا قربه
خوله بابتسامه : اها شفتي مسويه كل هالزوبعه عسب شغله وحده ؟؟!!فلو تهدي وتفكرين بمنطق اكيد بتوصلي لحل
مها باقتناع : خلاااااص خليني بروحي يمكن اهداء واعرف اركز
خوله بابتسامه : زين تسويني يالله من رخصتج واول ما طلعت ضربت فامها
ام حمود بابتسامه : خوالي حبيبي بلاج مستعيله وين سايره ؟؟!!!
خوله بابتسامه : لا امايه مب سايره مكان سمعت ميود يصيح وقلت اسير عند فاطمه اسليها شوي
ام حمود : زين تسوي يا بنيتي فاطمه بهالفتره وايد محتاجتلنا ولازم ما نحسسها انه راضيين باللي سواه حمود
خوله : من هالناحيه تطمني انا ما بطلع من عندها لحد ما اخليها تشووف الدنيا بنظرة تفاائل
ام حمود : زين تسوي يا بنيتي الله يكثر من امثالج ليت كل البنات مثلج ويعيشوا بتفاائل ويتناسوا مشاكلهم
خوله:امايه اللي مر علي مب شوي خلاني اتعلم اشياء وايد وانا عاهدت نفسي اني ما اضعف واساعد كل من يحتاجلي
ام حمود : زين يالغاليه عيل ما بعطلج يالله سيري انا ابا ارمس مهووي فموضوع يالله من رخصتج وسارت صوب مها
مها اول ما شافتها ضحكت : اووه الشمس من وين طالعه اليوم ؟؟!! ام حمود فغرفتي لا ما اصدق اكيد انا احلم
ام حمود بعصبيه : ودري حركات العياااااااره وتعالي يلسي عدالي اباج فسالفه !!!!
مها بتوتر : الله يستر .. وهذي يلسه ويلسنا امري تدللي يالغاليه عسى خير
ام حمود بابتسامه : خير ان شاء الله بس ابوج يبا يكلمج فموضوع وانا قلت افهم منج يمكن بتستحين من ابوج وما بتصارحيه بكل شي .. فاكلمج انا بالاول وافهم وجهة نظرج وعقب اخلي ابوج ياخذ رايج
مها بتوتر : امري امايه اشو بغيتي ؟؟!!! ترااااج خرعتيني ؟؟!!!

ام حمود : هلال ولد عمج يقول يبا العرس عقب شهر وع حسب كلام ابوج يقول انج متفقه مع ساره وموافقه ؟؟!!
مها قامت واقفه من الفرحه وفخاطرها : معقوله هلال كلم ابوي !!اخيرا يا هلال اخيرا سويتها !!الحمدلله يارب الحمدلله
ام حمود بتوتر : بسم الله الرحمن الرحيم بلاج قمتي واقفه لا يكون قلت شي خلاج تخافين
مها وهي مستحيه : لا امايه بس تفاجئت ؟؟!! انا توقعت ساره يالسه تمزح لما فاتحتني بالموضوع وخذيته بمصخره
ام حمود : لا ما كانت تتمصخر!! كانت تتكلم من صدقها وعاد احينه خبريني اشو رايج موافقه ولا حابه تملكون بالاول
مها وهي ترد بسرعه : لا امايه ليش الخساير ما دام انه هلال يباها ملكه وعرس انا موافقه وما عندي اي اعتراض !!
ام حمود : مهووي ترى الزواج مش لعبه !! الزواج مسؤوليه وعشرة عمر !! وايامه ما تخلى من التضحيات !!
مها بابتسامه : امايه انا اقول اتزوج احينه احسن !! يعني انا مب سايره عند واحد غريب سايره عند ولد عمي
ام حمود :يمكن ولد عمج بيصونج ولا منه خوف !! بس الحين اتكلم عن المسؤليه انتي حاسه نفسج قادره على هالشي لا تنسين انتي توج في بداية دراستج يعني جدامج ثلاث سنين درااسه بتقدري توازني بين دراستج وبيتج
مها بابتسامه : هيه امايه اكيد بقدر وبعدين هلال بيراعي هالشي واكيد انه بيوقف معاايه وبيساعدني
ام حمود : خلااااص عيل دام جذا الله يوفقج نزلي عند ابوج وخبريه انج موافقه
مها تقاطعها : لا امايه استحي !!!! خبريه انتي ترى انا وانتي واحد
ام حمود وهي تهز راسها : الحين صرتي تستحي!! بس مب مشكله بخبره يالله عيل بخليج احينه تصبحين على خير
مها بابتسامه عريضه :وانتي من اهل الخير واول ما طلعت امها يلست تراكض في الحجرة وتصفق وطايره من الفرحه
وعنــــــــــد خوله وفــــــآطمه
خوله بتوتر : فطوم وينج صارلي ساعه ادور عليج وانتي ما تردين معقوله راقده وما تسمعين صوت مايد وهو يصارخ
وضلت تمشي لحد ما ضربت ريلها فشي صلب وفنفس الوقت لين ؟! ويلست تتحسسه وع طول شمت ريحة فاطمه
خوله وهي تحركها : بسم الله فطوم قومي ياربي اشو صار عليج وتمت اتزاقر مها !!!! مهوووي لحقي علي
مها بتوتر : ياربي اشو مستووووي معقوله مايد صارله شي احسن شي اروح وافهم السالفه
خوله وهي يالسه اتصيح : فطوم حبيبتي عشان خاطري قومي !! ردي علي !! طمنيني عليج ع الاقل قولي اي شي
مها بخوف : خوالي اشو مستوي وليش تصارخي بهالشكل؟؟!!!!
خوله وهي تصيح : مهووي تعالي شوفي فطوم ما ادري شو بلاها حصلتها طااايحه ع الارض
مها وهي تشوف فاطمه وويها صار لونه ازرق جنها مختنقه : خوالي خليج عندها انا بسير ابلغ امي وابوي ما بتاخر
بو حمود بابتسامه : هاه ام حمود وينها مها ليش ما يات معااااج
ام حمود وهي تضحك : اونها مستحيه وقالتلي ابلغك انها موافقه وتقدر تعلم اخوك عسب يحدوون موعد زواجهم
مها بطلت الباب بقو بدون ما تستأذن وتمت تنافخ : ابوووووووووووووووووووووووي
بوحمود وهو يضحك : من شوي تقولي انها مستحيه!!هذي هي جدامج يايه بروحها تخبرني انها موافقه ولا انا غلطان
مها بتوتر وهي تهز راسها : لا ابوي انته فاهم السالفه غلط !!!! حصلنا فاطمه طاايحه وويها صار لونه ازرق
ام حمود قامت واقفه من الخوف وحطت ايدها فصدرها : اللهم يا كافي اشو استوى عليها ؟؟!!!
بو حمود بخووف: ام حمود تعالي خلينا نروح نشووفها مهوي سيري خبري فهد وخليه يجهز السياااره
مها بتوتر : ان شاء الله ابويه على امرك وراحت تركض صوب حجرة فهد ودقت الباب
فهد بعصبيه : مهووووي هذا محد غيرج خليني ارقد حرام عليج صارت الساعه 11 باجر ورايه دوام
مها وادموعها اربع اربع : فهود احينه مش وقته الله يخليك قوووم فطوم تعبانه اخاف يصيرلها شي
فهد بتوتر : اشوووو وقاااام وبطل الباب .. مهوي بلاج تراج خرعتيني !!!!اشو فيها فاطمه
مها وهي تمسح دموعها : ما ادري بس ويها صار لونه ازرق يالله سير شغل السياره ما نبا نتاخر اكثر عن جذا
فهد : خلاااص سيري خبريهم انا ابدل ملابس وانتظركم تحت يالله لا تتأخروووون
ام حمود وهي تهز راسها : فطوم قومي حبيبتي اشو صار عليج من ساعه كنتي بخير وتضحكين
بوحمود وهو يتنهد : ما تنلام ريلها تزوج عليها ومحد جان باقيلها في هالدنيا غيره .. الله يطمنا عليها بس
مها بتوتر : ابووووي فهد يقولك هو يتريااكم تحت
خوله : اميه لحظة بسير اييب عباتي بسير معااااكم
بوحمود : لا يا خوله تمي انتي ومها هنيه ولي صار شي بنخبركم ما يحتاج نسير كلنا لا تنسون فيه يهال اخاف يصحوا
خوله باقتناع : هيه صح نسيت سالفتهم !!!!! خلاص ابويه توكلوا على الله وطمنونا عليها اول باول ..
ام حمود : مهووووي تمن هنيه ولا تبطلن الباب لاي حد زين !! خليكن عند ميره واميره واذا قامن حاولن تهدنهن زين
مها بخوف : ان شاء الله اماايه تطمني اهم شي فاطمه تكون بخير .. لا تنسوا اطمنونا عليها
بوحمود: يالله ام حمود خلينا نروووووح
فــــــــــــــــــــــي آلمستشفـــــــــــــــــــــــــــــــــى الكل جان يالس على اعصاااااابه
فهد : امايه انتوا ما لاحظتوا عليها شي .. اكيد كانت تعبانه من الصبح ولا ما بيصير فيها جذا
بو حمود : انته خلنا بالاول نعرف اشو فيها !!!! ونتطمن عليها !!! لاحقين ندور اجوبه على اسئلتنا
واول ما طلع الدكتور راح بوحمود صوووبه .. هاه دكتوووووور طمنا عسى ما شر
الدكتور : لا ما تخفوش هيه بتعاني من حالة اكتئاب وسبب لها حالة اغماااء عملنالها شوية فحوصات وننتظر النتيجه
بو حمود بتوتر : ان شاء الله خير .. فهد دق على اخوك خله يجي يقابل زوجته هي محتاجتله الحين
ام حمود بتوتر : بو حمود الله يهداك اليوم صباحيتهم ما يحتاج نكدر عليه لا صبح الصبح بلغناه
فهد بضيج : ابووووي حمود مش هنيه سافر وهو زوجته اليوم الصبح وراحوا رحلة بحرية
بو حمود بعصبيه : اشوووو ومن متى صار هالحجي وليش ما خبرتنا
فهد بتوتر : هو قالي ما اعلمكم وبعدين يقول مريم اصرت عليه وما قدر يرد لها طلب
بوحمود بعصبيه : لا والله زين زوجته فيها حالة اكتئاب بسبته !!! وهو يساير زوجته الثانيه لا وماخذها رحله بحريه

ام حمود بتوتر : انته لا تكدر خاطرك .. هو معرس خله يستانس وفاطمه ان شاء الله ما عليها شر
بو حمود : الله يستر ويفرجها علينا ..هذا من بدايته زوجته قامت تمشيه على كيفها عيل الله يعينا على الايام اليايه
ام حمود : لا ما توصل لجذا يمكن ما حب يضايجها في ليلة زواجهم وسوى اللي خاطره فيه وهذي عروس تبا تفرح
بو حمود: خلينا نطلع من هالمشكله وحساب حمود عندي .......... بعدين بتفاهم معااااااه
فهد وهو يالس يسأل الدكتور : دكتور يعني حالة الاكتئاب سهل علاجها ولا بتم طول الوقت دايخه ومتكدره
الدكتور : لا ما تخافش اديناها برات مهدي وان شاء الله هتصير زينه .. الا هي مالها حصلها ايه ؟؟!!!!
فهد : البارح زوجها تزوج عليها يمكن عسب جذا هي متكدره ؟؟!! وجاتها حالة اكتئاب !!
الدكتور بابتسامه : الله يكون في عونها بتجينا حالات كتيره زي دي بس ربك كريم كلها يومين وتتعود
فهد وهو يتنهد : الله يسمع منك دكتووور
قاطعتهم الممرضه بابتسامه : دكتور ها نتايج الفحوصات توها واصله من المختبر !!
الدكتور وهو يبطلها ويقراء وبابتسامه : امممم مبرووووك المدام حامل صارلها شهرين
فهد بتوتر: اشوووووو حاااااااااااااااااااااااااامل ؟؟!!!!!! مشكوور دكتور من رخصتك احينه
بو حمود بخوف : هاه فهد بلاك اشو قالك الدكتور .. طلعن نتايج التحليل !! عسى ما فيه شي يخوف !!
فهد وهو يهز راسه بالايجاب : هيه طلعن !! وما فيه شي يخووف !! المشكله مش هنيه المشكله انه فاطمه حامل
بو حمود وهو يتنهد : الله يكون فعووونها .. بس يمكن هالخبر يفرحها وتلتهي بحملها وتنسى مشاكلها مع حمود
ام حمود بتوتر:لا ماضنتي بيفرحها الا بيكدر خاطرها..الحرمه في فترة الحمل تحتاج لزوجها وحمود ما ضنتي بيفضالها
فهد وهو يتنهد : المهم اللي صار صار وهذي حكمة الله وعسى ان تكرهو شيئا وهو خيرا لكم .. لحظة مها تتصل
مها بتوتر : هاه فهد طمنونا اشو اللي صاير مع فاطمه ؟؟!! عسى ما شي كايد
فهد : ما فيها الا كل خير كانت تعاني من اكتئاب والحين صارت بخير والتحاليل تقول انها حامل
مها تقاطعه : اشوووووووووو فطوم حامل من صدقك انته ولا يالس تقص علي
خوله بتوتر : اشووو فاطمه حااااااااااااااااااااااااااامل انتي شو تقولين
مها بصوت واطئ : ما ادري فهد يقول جذا .. خليني افهم السالفه بالاول
فهد :مهوي الله يهداج هالامور ما فيها كذب فاطمه صارلها حامل من شهرين المهم نحن كله نص ساعه وبنكون معاكم
مها : وفطوم منو بيتم معاها
فهد : الصراحه ما ادري بس اعتقد امايه بتيلس معها
مها وهي تتنهد : تمام فهد .. طمنتني الله يطمن بالك بخليك عيل مابا اعطلكم
فهد :على خير ان شاء الله
مها وهي تتنهد : خوالي فطوم حامل ..... وعلى حسب اللي فهمته من فهد صارلها شهرين وهي حامل
خوله بابستامه : تبي الصراحه الخبر يفرح بس يا ترى فاطمه بتتقبل هالشي
مها بضيج : والله ما ادري بس زين انها طلعت حامل !!! عشان مريم لو فكرت تفرق بينها وبين حمود ما تقدر
خوله : يالله ان شاء الله ازمه وبتعدي ملزومين نصبر
فهد جان يالس يتصل بحمود بس ما كان يرد عليه وعقب رد .. واخيرا رديت قالها بعصبيه : حمود انته وينك
حمود باستغراب : فهوود الله يهداك ما مخبرنك اني طالع رحله بحريه مع مريوم اشو فيك ؟؟!!!
فهد بضيج : لازم تكنسلها !! فطوووم راقده في السمتشفى عندها اكتئاب لا وحااامل صارلها شهرين
حمود بتوتر : اشوووو فااطمه في المستشفى!! وعندها اكتئاب اكيد انا السبب .!!
خلاص انا من الصبح بكون في المستشفى
فهد بابتسامه : وهذا عشمي فيك يالله نتلاقى على خير
مريم بعصبيه :حمود من صدقك بتكنسل رحلتنا مو على اساس نوصل لمضيق هرمز وعقب نرجع صدق زعلتني منك
حمود بضيج : مريم مالها داعي الانانية !! فاطمه راقده في المستشفى بسبتنا وفوق هذا حااامل !! لاحقين ع الوناسه
مريم بتوتر : اشووووووو فاطمه حاامل وسرحت .. احينه هذا وقته كنا فثلاثه واحينه اربعه شو هالحظ مالت علي
حمود : مريوم بلاج سرحانه لا يكون زعلتي مني ؟؟!!
مريم بدلع وعينها بدت تدمع : يعني اشو تباني اسووي؟؟!! حتى فشهر عسلنا يوم واحد ما لحقنا نتهنى فيه !!
حمود وهو يتنهد : الله كريم حبيبتي وان شاء الله بنعوضها مره ثاااانيه هذي زوجتي وتهمني راحتها
مريم فخاطرها : الظاهر انه فطووم ما بتخليني فحالي بس صبرج علي وربي لانغص عليج حيااتج وبحولها لجحيم
نرجع للمستشفى فهد وهو يبتسم:دقيت لـ حمود وباجر الصبح او الظهر بيكون هنيه هذي فاطمه واكيد ما تهون عليه
بو حمود : زين سويت والحمدلله انه بطل تلفووونه
فاطمه وهي تبطل عيونها شوي شوي وتمت اطالع المكان ومستغربه : آنــــآ ويــــــن ؟؟!!!! قالتها بتعب ممزوج بحزن
ام حمود وهي تمسح على راسها : انتي فالمستشفى تعبتي شوووي ويبناج هنيه
فاطمه وهي تتنهد : بس انا ما فيني شي ودوني البيت مابا اخلي عيالي بروحهم .. اكيد الحين خيفانين
ام حمو بابتسامه:فطوم غناتي الدكتور يقول انج حامل صارلج شهرين وبتمي هنيه جم يوم عسب يتطمنون على حالتج
بو حمود يقااطعها : هيه يا بنيتي انتي حاامل عاد شدي حيلج نباج تهتمين بنفسج شوي
فاطمه وهي مصدومه ومش مستوعبه اللي قاعد يصير : آآنــــ.........ــــــآ حـــ.....آمــ..ل
بو حمود بتوتر : هيه حاامل ليش الخبر ما فرحج
ام حمود بصوت واطئ : بوحمود اللي فيها مكفيها ولا حد يلومها واليوم ولا باجر مصيرها تتقبل هالشي هذا ضناها