اللـــــحظة آلعشــــــــــــــروووون

::

::

الفصـــــل ألـــأـ ولــ
::
::




فهد:ولو انه هـ البنت مغروره شوي وارخصت من قيمتي !!! بس مب مشكله المهم انها خلصتني من المتوحشه مها
روضه بابتسامه عريضه : هاه تاخرت عليكم ..
خوله بابتسامه : لا حبيبتي لا تاخرتي ولا شياته بس خبرتني مها انج ناويه تروحين ؟؟!! من صدقج انتي تو الناس!!
روضه بابتسامه : وين تو الناس الله يهداج!!! وايد تاخرت بس مب مشكله اول بشوف الالبوم وعقب بروح
مها بحمااااس : انا وخوله بنوصلج لين عند الباب اشو رايج ؟؟!!!!!
روضه بابتسامه : لا الدريول والبشكاره يستنوني برع !! عسب جذا خلوني اشوف الصور على السريع وعقب بروح
خوله بابتسامه : خلاااص حبيبتي اللي يريحج
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فــــــــي بيــــت بو هـــــلآل
ام حمود بابتسامه : يالله ام هلال نحن نترخص الحينه .... صارت الساعه 11
ام هلال : اللي يسمعج احينه يقول يالسه في بيت غرب .. بلاج مستعيله قعدي البيت بيتج !!!
ام حمود : لا فديتج مشكوره وما تقصرين وافضالكم على راسنا من فوق بس تعرفين البنات بروحهن !! والوقت تأخر
مريم وهي اتصاصخ ساره:الا عطاري البنات ما اتصلتي بمها وتسأليها شحقه ما يات على اساس بتصير حرمة اخوي
ساره وهي تتنهد : لا اتصلت !!!!! وقالت قاطمه وخوله تعبانات وبتم وياهن
مريم بغرور : عذر اقبح من ذنب .. ما ادري هلال اشو شايف فيها !!! لا جمال ولا اخلاااق كلها على بعضها غلط فغلط
ساره بضيج : مريم مب زين خافي الله هذي خلقة ربج .. وبعدين مهوي بالعكس حليوه واخلاقها مسكته ما عليها كلام
مريم بطنازه : انزين خلاااص فكينا .. كل اللي يهمني احينه استانس مابا احد يعكر مزااجي
ساره وهي تهز راسها : طول عمرج بتمين انانيه وتفكرين بس فنفسج ما اقول غير الله يهديج يا اختيه وشافت تلفونها
يرن مريم صدت صوبها !!! ساره توترت بس قامت على طول من رخصتكم عفاااري تتصل بشوف شو عندها
مريم وهي تتنهد وتطالع ساره باشمئزاز:شو السالفه ؟؟!!!!!! الاتصالات بينها وبين عفاري كاثره هاليومين بروح اشوف شعندها !!!
وعنــــــد آلريآييل
بو هلال : بوحمود مدام انه اتفقنا بخصوص مريم وحمود خلنا نشوف موضوع مها وهلال وترى البيوت وحده
بو حمود بابتسامه : افا بو هلال بيتنا وبيتكم واحد خبرني اشو نويتوا عليه
بوهلال : هلال يقول يبا العرس والملجه فليله وحده وساره شاورت مها وهي وافقت وباقي بس رايك
بوحمود وهو يضحك من خاطره: والله هالزمن غريب يخططون وعقب ياخذون راينا والا شو رايك بو هلال
بو هلال : والله شو نسوووي ملزومين نطيع شورهم هالجيل صعب ولازم نسايرهم عسب انلحق عليهم
بو حمود : مدام انه جذا خلااص عيل توكلنا على الله حددوا اليوم والتاريخ ونحن جاهزين . وهذي الساعه المباركه وتصير بدل الفرحه فرحتين .. عسى الله يديم هالافراح علينا واذا تبا شوري نسوي عرس خوله ومها فليله وحده
هلال يقاطعهم وبعصبيه : لا عمي انا عرسي اباه يكون لي بروحي مابا احد يشاركني فيه
بوحمود وهو يضحك : هلال بلاك اشو استوى عليك هذي مجرد وجهة نظر ؟؟!!!
هلال بتوتر : اعذرني عمي هذي يسموها ليلة العمر وانا مابا احد يشاركني فيها .. لا تفهمني غلط
بوحمود : خلاااص عيل براحتكم انا قلت عن الخساااير ..
هلال : الخساره خسارة الروح .. وكل شي اسويه صدقني مش خساااره فـ مها وهي تستاهل كل خير
بوحمود : خلاااص عيل توكلنا على الله
بوهلال : على خير ان شاء الله
هلال وهو يتنهد ويقول فخاطره : انته تبا تذبحني يا عمي اكثر من ما انا منذبح ؟؟!!! يكفي انها بتاخذ واحد غيري وتبا
هـ الشي يصير في ليلة زواجي وقدام عيني الله لا قال .. والله بنجلط ولا ادري شو بيصير فيني بعد
اآآآآآآآه الله يصبرني على بعدج خوالي .. ليتني بس اقدر اشيلج من بالي واريح نفسي من هـ الهم اللي عايش فيه
وعنــــــــد ألحريم
ساره بتوتر : سعيد الله يهداك اشحقه داق ما تعرف انه عندنا ضيوف
سعيد بابتسامه عريضه : فديتج شسوي ما قدرت استحمل اكثر من جذا حدي مشتاقلج
ساره وهي تتنهد : سعيد الله يهداك حتى ولو هالايام لازم نتصرف بحذر اخاف احد يدري بالموضوع واتفشل
سعيد يقاطعها : يا سلام وليش ان شاء الله بس انا طلبت ايدج من هلال وهو موافق
ساره بتوتر : حتى ولو حبيبي اصبر ادري اني يالسه أأخر الموضوع بس شسوي غصبا علي كل يوم يطلع شي ؟؟!! مرة هلال واحينه مريم بس اول ما يعدي هالاسبوع بعلم ابوي وبخبره انك ناوي تخطبني وبنحدد يوم يناسبنا
سعيد:ساروه سمعي بس هالاسبوع وما فيه غيره اذا ما نهيتي الموضوع بطب بيتكم ولا بشاورج وانتي عاد بكيفج
ساره وهي تضحك : الله يقطع سوالفك حياتي.. خلاص وانا موافقه المهم بخليك احينه وبرمسك عقب اوك غناتي
سعيد بابتسامه : تمام حياتي واول ما يسيروا ضيوفكم اتصلي فيني على طول ترى حدي مشتاقلج

ساره وهي تتنهد : سعوود يالله عاد بند بسك هذره واول ما يظهروا من بيتنا ع طول بدقلك تطمن من هالناحيه
سعيد : تمام حبيبتي اترياااااج لا تتاخرين بااااااااااااااي
ساره وهي تصكر التلفون وتتنهد : اه يا سعيد والله اني احبك ومشتاقه للحظة اللي اكون فيها قربك
مريم وهي اتصفق : ما شاء الله ما شاء الله .. يا عيني ع الغراميات !!! احبك وما احبك !! اشو تحت راسج
ساره اول ما سمعت صوت مريم طاح التلفون من ايدها وبطلت عيونها : مـــــــــــريم
مريم وهي تاخذ التلفون من الارض وتعطيها : هيه مريم انا كنت شاكه انه ورى هالاتصالات سالفه جايده وجايده بعد
ساره بتوتر : بس هو يباني بالحلال .. وبعدين انا مب قاعده اسوي شي غلط !! وهلال يدري
مريم بطنازه : هذا وانا امدح فيج وفاخلاقج وفي النهايه طلعتي وحده ..............................
ساره تقاطعها بعصبيه : مريم لهنيه وبس انا ما اسمحلج .. وقبل ما تعاتبيني على تصرفاتي شوفي افعالج بالاول
مريم بعصبيه : لحظة لحظة .. اشوووف بدينا بالغلط ..
ساره وهي تتنهد : مريم شوفي انا ما يالسه اسوي شي من ورى اهلي ولا تميت اخطط عسب افرق بين اثنينه
مريم وهي تشدها من ايدها : اشو قصد ج ؟؟!! لا يكون تتحسبين اني غصبت حمود وخليته يتزوجني
ساره وهي اطالعها من فوق لتحت : ما ادري بس اتصالاتج الخارجيه كاثره شوووي ما دريت انه في احد مسافر عندنا
مريم بتوتر : وانتي كيف عرفتي .. ساااروه يالسه تراقبيني
ساره بابتسامه : نسيتي البارح عطيتيني التلفون عسب اخزنلج رقم كنتي مسويه مونيكير ومب فاضيه وشفت الارقام الغريبه بالهبل واستغربت .. قلت منو عندها هذي برع .. يا خوفي قاعدة تلعبين بالنار ؟؟!! واللي ما يخافون الله وايد
مريم بتوتر : ساروه لا تفهمين غلط.. وبخصوص المكالمات الخارجيه !! هذي وحده من ربعاتي مسافره برع وبين فتره وفتره تتصل وانا بعد ما قاطعتنها ونص ربعاتي مسافرين شو الغريب في الموضوع فهميني ؟؟!!!
ساره وهي تتنهد : يصير كل شي جايز .. من رخصتج احينه . بسير عند امايه
مريم بثقه : احينه هذي تتحراني يهوديه ولا شو ؟؟!! عسب أؤمن بهالخرافات .. صدق ما عندها سالفه وانا ما فرقت بين احد حمود يحبني وشاريني وفي النهايه تقدملي يعني لازم يكون في الموضوع سحر صدق انه تفكيرها على قدها
وخذت نفس عميق وعقبها سرحت .. انا ما يهمني شي كل اللي يهمني الحين افكر في اليوم اللي بيجمعني مع حمووود
واشبك ايدي بايده وساعتها لا بتهمني لا ساره ولا فطووم ولا حتى عمي بو حمو وغمضت عيونها وغرقت فتفكيرها
~ ~ ~ ~ ~ ~ ~ ~ ~ ~ ~ ~
مــــــــر آسبوع والزغاريد كانت تارسه ارجاء الصاله والكل جان يرقص ومستانس
بطلت مريم عيونها وحصلت حمود يالس حذاها وابتسمتله وشبكت يدها في ايده : الف مبروك حبيبي انا فحلم ولا فعلم
احس انه كل اللي قاعد يصير مجرد وهم طمني يا حمود انا احينه زوجتك ولا يالسه احلم !! ريحني الله يريح بالك
حمود بابتسامه : لا حبيبتي من اليوم انتي صرتي زوجتي .. عسى الله يقدرني واقدر اسعدج يا الغاليه
مريم بدلع : دام انك قربي .. صدقني انا اسعد انسانه في هالكون كله .. انا من يوم كنت صغيره عاهدت نفسي اني ما اكون لريال غيرك .. انته حبيبي وحيااتي وفارس احلاامي .. وكل اللي حلمت فيه آخيرآ صآآآر ودمعت عينها
ساره تقاطعهم وبابتسامه:حمود مريوم يالله يا وقت تلبيس الدبل وخذ حمود الدبله ولبس مريم ومريم سوت نفس الشي
ساره تمت ازغرد وقام حمود وباس مريم على راسها ومسح دمعتها : مريوم غناتي اليوم يومنا لازم تستانسين وتنسي كل اللي فات نحن عيال اليوم .. الله يقدرني واقدر اسعدج واعوضج عن كل اللي راح مريم ابتسمت وضغطت على ايده
مها بضيج وهي تشوف حركات مريم وحمود وبقهر:خوالي لو تشوفي اخوج كيف مستانس شوي وبيطير من الفرحه ..
خوله وهي تتنهد : مهوي انا اقول لو تبعدي عن الشر وتغنيله وايد احسن حمود يحبها وتزوجها صكري ع الموضوع
مها بضيج : بس انتي لو شفتي حالة فطووم من الصبح وهي يالسه تصيح والله كسرت خااطري
خوله بضيج : هذا نصيبها !! واليوم او باجر بترضى فيه .. المهم الحين انتي ماباج تتحركشين فمريم
مها فخاطرها : انا عاهدت فطوم اني اكدر مريوم بجم كلمه تسم البدن وانحس عليها فرحتها وبعدني قد كلمتي
خوله بتوتر : مهوووي بلاج ساكته
مها وهي اتصارخ : خوالي ما اسمعج اصوات الموسيقى تارسه المكان علي صوووتج
خوله وهي تضحك : لا خلاااص انسي الموضوع اللي عندي قلته ..
وعنـــــــــد فـــآطمه آلاجواء كانت مخـتـــــــلفه تمـــــــــــــــآما
فاطمه وهي اتصيح:سويتها يا حمود وتزوجت..بعتني وشريت مريم .. اآآآآه شكثر بتحمل هالضيم .. لما توفوا امي وابوي حسيت اني خسرت الدنيا وما فيها بس صبرت وقلت باجر الله بيعوضني وفعلا صبرت والله عوضني فيك يا حمود بس كل هالسنين مرت بسرعه ما لحقت اتهنى فيك يا حمود .. وهذا انت خليتني نفس ما ابوي وامي خلوني .. انا مالي احد الكل باعني وتخلوا عني .. الكل قام يشووف مصلحته ولا يهمه اذا هالشي بيضر غيره .. ما اقول غير الله يسامحك حمود .. والله ينصرني على من ظلمني واقدر اثبت براءتي جدامك .. ياربي تساعدني وتيسرلي كل اموري ..
نـــــــــرجع للصـــــــــــــــــــــــــآله
حمود بابتسامه : مريومتي حبيبتي .. يالله خلينا نروح
مريم بابتسامه : حمود حبيبي انته اسبقني وانا بسير اسلم على امايه وساروه ما ادري كيف برقد وانا بعيده عنهم
حمود : اللي يسمعج يقول انتي فمكان واهلج فمكان ترى انا خذيتلج بيت قريب منهم عسب كل شوي تروحي صوبهم
مريم:ما عليه حبيبي البنت لي تزوجت تحن لبيت اهلها لانه هو اللي احتضنها من لما جانت صغيره وصارت عروس
حمود : خلاص عي لانا بترياج برع لا خلصتي تعالي بس لا تتاخرين زين
مريم بخجل : من عيوني حبيبي كلها خمس دقايق وبلحقك .. وراحت صوب امها وسلمت عليها
مها تقاطعها : مريوم مبروووك حبيبتي وقربت صوبها وصاصختها ..واللي يبني سعادته على تعاسة غيره الله لا يوفقه
مريم وهي تمثل انها تضحك: الله يبارك فيج مشكوور مهوي ادري انج تحبيني وتهمج مصلحتي فلا تشغلين بالج بحط
حمود فعيوني..ودام الحب موجود بينا محد بيقدر يفرقنا حطي هالشي في بالج وعسى كل دعوه تدعيها الله يعطيج مثلها
مها وهي تتنهد : انا قلت اللي عندي يا الله من رخصتج
مريم فخاطرها : ما عليه مهوووي ناويه تقهريني في ليلة زواجي .. خلاص عيل انتي اللي جنيتي على نفسج
واذا حابه تلعبين معااي انا جاهزه بس صدقيني الحركه اللي سويتيها احينه بتدفعين ثمنها غالي صبرج علي بس

ساره تقاطعها : مريوم ليش سرحتي مهوي قالت شي يضايقج
مريم بابتسامه عريضه : لا فديتها جانت توصيني على اخوها .. يالله حمود يترياني برع من رخصتج
روضه طول الوقت وهي يالسه اطالع فهد بس فهد نظراته جانت تتبع سااره
روضه فخاطرها : ليش يطالع بنت عمه بهالشكل معقوله في بينهم شي .. لا شو هالافكار السوداء انا شو يالسه اقول
واول ما رفعت راسها حصلت فهد يطالعها ويبتسم ورفع ايده يسلم عليها بدون محد ينتبهله واول ما شافته استحت ونزلت راسها على طول : ياربي هذا شو يالس يسوي اكيد تخبل .. ما يخاف احد ينتبه عليه
مها تقاطعها : هااا رواضي بلاج منزله راسج فيه احد ضايقج او تجراء عليج
روضه بتوتر: مهوي اشو هالرمسه ؟؟!!!!! كنت يالسه اطالع الساعه وايد تأخرنا قومي خلينا انروح
مها بابتسامه : لا تحاتين انا خبرت فهد وهو بيوصلنا .. بس ننتظر خوله يالسه عند مريم تقول تباها فشغله
روضه تقاطعها : لا ابويه يترياني برع من شوي داقلي يالله حبيبتي وسلمي على خوله زين
مها وهي تسلم عليها : تمام حبيبتي وعاد خلينا نشوفج
روضه بابتسامه : لا عاد انا وايد مصختها كل يوم فبيتكم المره ادور عليكم
خوله تقاطعها : ولا يهمج حبيبتي اول ما يرجع خالد بتحصلينا كل يوم مطيحين في بيتكم
روضه وهي تبوسها وتضحك : وانتي هذا بس اللي شاغل بالج ؟؟!!شو نقول غير الله يهنيكم ع العموم انا تاخرت بااي
خوله ومها مع بعض : يالله بااااااااي
فهد على طول راح صوبها ووقف جدامها: روضه وقفي شوووي
روضه بتوتر : فهد شفيك اكيد تخبلت ما تخاف احد يشوفك
فهد : انزين وانا شو سويت بس كنت حاب اشكرج ع الموقف الي صار وهذي ورده تعبرلج عن امتناني
روضه وهي تاخذ الورد وتضحك : مشكوووووور وبعدين انا نسيت كل اللي صار لو ما تعبت نفسك
فهد بابتسامه : لا ولا يهمج تعبج رااااااحه .. واسمحيلنا عاااد
روضه وهي منزله راسها : انزين لو سمحت ما يحتاج في كل مره اطلب منك تسوالي طريج !! حس على دمك عاد
فهد وهو يضحك : اعذريني والله ما انتبهت تفضلي
روضه وهي تتنهد : يالله من هالولد صدق انه حفله ويلست اطالع الورده وابتسمت وخذت نفس عميق وسرحت ..
اااااه فديت هالورده وراعيها .. صدق انه ذوووويق اخاف بس ينتبة اني يالسه اطالعه .. لا الله لا يقولها
~ ~ ~ ~~ ~ ~ ~ ~ ~ ~~ ~ ~ ~ ~ ~
وعنــــــــــــــد حمـــود ومريم
حمود بابتسامه : مريوم غناااتي خلصي العشاء صاار بارد
مريم بدلع : هاه حبيبي انا خلصت
حمود اول ما شاف مريم انبهر جانت حلوه بدون ميكب ولابسه لبس نوم لونه اسود
حمود : مريوم غنااااتي معقوله هذي انتي واقفه جدامي .. فديت روحج ما احلاج
مريم بدلع : حمووووووود خلاااص لا نبالغ واايد
قام حمود ومسكها من ايدها وصكر الباب
مريم بخجل : حمود والعشااااء
حمود يقاطعها : خلاااص تعشيت وشبعت .. ومر الوقت حتى صارت الساعه 8 الصبح
مريم وهي ادور على حمود بس ما حصلته وبابتسامه خفيفه: ياربي هذا وين ساااار
حمود يقاطعها وجان يايبلها فطور : صبااح الخير يا اروع واحلى وارق زوجه في هالكون كله
مريم بدلع : صباح النور حبيبي .. كل هذا حقي
حمود وهو يهز راسها بالايجاب : اكيد وتستاهلي اكثر يا روحي .. يالله احينه نشي عسب ااكلج بايدي
مريم بدلع : حمود لا تبالغ ترى بعدين اتعود على الدلع واصير اتدلل عليك كل يوم
حمود : حبيبتي عادي كل شي تامرين فيه انا حاظر جم مريم عندي فديت روحها عساني فدوه لعيونها
مريم بابتسامه : فديتك حبيبي الله يقدرني واسعدك الا ما قتلي متى بنسير بيت اهلك؟؟!!
حمود يقاطعها : لا حبيبي ما بنروح بيت اهلي الا عقب اسبوع !!! جهزي نفسج بنروح رحلة بحريه
مريم وهي طايره من الفرح : قول والله ؟؟؟!!!!
حمود : والله مب يالس اقص عليج .. يالله احينه قومي جهزي نفسج عسب ما نتأخر
مريم وهي تحضنه وتبوسه على خده : فديتك روحك يا قلبي ثواني بس واكون جاهزه
~ ~ ~ ~ ~ ~ ~~ ~~ ~ ~ ~ ~ ~ ~ ~ ~ ~ ~ ~~
وفـــــــــــي بيت بو هلأال
هلال جان يالس يتريق وشاف ساره وزقرها: ساااروه حبيبتي تعالي نسيت اخبرج
ساره كانت رايحه صوب الحمام (اكرمكم الله )عسب تغسل ويها واول ما زقرها راحت صوبه : هاه هلول شو بغيت
هلال بابتسامه : حشا بلاج معصبه جذا
ساره وهي تتنهد : والله وايد تعبت البارحه ؟؟!! وكل هذا عسب يطلع العرس نفس ما تبغيه اختك ست الحسن والدلال
هلال وهو يضحك : عادي حبيبتي انتي البارح ساعدتيها ويوم تعرسي اكيد بتساعدج
ساره بابتسامه : هههه والله ما ضنتي .. المهم خبرني شو بغيت
هلال بابتسامه : بصراحه سعيد اتصل وبلغني انهم بيزورونا اليوم !! ابوه اتصل بابوي خلاص وعطاه خبر
ساره بعصبيه : يا سلام انا ما مخبرتنه يصبر بلاه مستعيل جذا
هلال : بصراحه ما ينلام فيج .. انتي صارلج شهر تأجلين الموضوع .. اذا تحبيه ويحبج ومتفقين على كل شي ليش ما تتوكلي على الله وتتزوجينه .. ماله داعي هالتأخير كله !! ارحمي حالج وحال الريال اللي صابر عليج ومستحملنج

ساره بضيج : تبا الصدق هلول .. بصراحه انا وايد خايفه اتخذ هالخطوه .. ولا تنسى توه عمري 19 واشوف انه بدري على الزواج .. ولا شو رايك انت !!! شورني الله يخليك مب قادره اركز واتخذ قرار !! انا وايد متخوفه
هلال وهو يتنهد : شوفي حبيبتي الزواج ماله عمر محدد ووتزوجي الحين احسن ولا تنسي هالزمن كله فتن والواحد
اذا حصل الستر يتمسك فيه بايدينه وريوله .. واذا تبي شوري توكلي على الله وصلي استخاره والله يسهلها عليج
ساره بابتسامه : خلاااص عيل مدام انته تشوف هالشي فصالحي انا مالي شور عقب شوورك
هلال بابتسامه : فديت اللي يسمع شوري.. يالله عيل خليني اتصل بسعيد وابلغه خايف تعصبي عليه
ساره وهي تضحك : حشا لهالدرجه انا اخوف توني ادري
هلال : تبين الصدق انتي اذا عصبتي مشكله .. وبصراحه ما الومه لي خااف
ساره بابتسامه : انزين انته اتصل وخلاني اكلمه ولاااااا ما حلوه ؟؟!!!
هلال بابتسامه : والله الريال بيصير ريلج فما ضنتي فيه ضرر لو كلمتيه 5 ثواني بس
ساره وهي تضحك : خمس ثواني عيل مابا خلااااص هونت .. اسير اغسل ويهي وايد ابركلي من رخصتك
هلال : تعاااااااااااااااالي كلميه بس ون مينتس وعقب تعطيني التلفون
ساره بابتسامه : فديت الانقليزي
هلال وهو يضحك : عاد شو نسوي اختي تدرس اداب انجليزي وزوجها مدرس انجليزي بعد والله يعينا !!!!
يعني باختصار نتعلم عسب نقدر نتفاهم معاكم بعدين ولا انتي شو رايج ؟؟!!!
ساره وهي تهز راسها : زين تسوي يالله اتصل خلصني مستعيله .. ابا اغسل ويهي
هلال بابتسامه : تدرين عاد هونت لي ملجتي بخليج تكلميه براحتج
ساره وهي اونها معصبه : هلووووووووووووووووووول انته يالس تقص علي شو
هلال وهو يبوسها على خدها : ما عليه حبيبتي هانت كلها جم يوم وتصيرين زوجته وعقب رمسيه براحتج
ساره وهي تتنهد : اراويك يالدووب الا ما خبرتني شو صار فموضوعك انته ومها
هلال وهو يتنهد : ان شاء الله كلها ثلاث اسابيع وبنتزوج ..
ساره بابتسامه : وانته ليش مضااايج .. هلال حاول تحبها وصدقني مهوي طيبه وبتحطك في عيونها وبتعوضك
هلال بابتسامه ممزوجه بحزن : ساره صدقيني لو انا مش عارف اخلاق مها عدل كنت ما تقدملت لها ادري انها طيبه
ساره تقاطعه : هلال عشاان خااطري لا تزعلها وتكدر خاطرها .. حاول تحبها وتححسسها انها الوحيده فحياتك
هلال : ليش ما فهمت عليج ممكن توضحين اكثر ؟؟!!!!!
ساره: اللي ما تعرفه عن مها انها وايد حساسه وتفهمها وهي طايره مجرد انها تحط عينها بعينك بتفهم انك ما تحبها
هلال وهو يتنهد : ما عليه لا حقين ويوم تصير على ذمتي صدقيني ما بقصر بحاول احبها واحسسها اني مهتم فيها
ساره : الله يوفقك ويعوضك كل خير
هلال : يالله عيل انا بسير صوب سعيد يقول يباني فجم شغله
ساره وهي تتمصخر : خلاااص سلم عليه هههه
هلال : ما عليه يصير خير يالله من رخصتج ..
~~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~
فـــــــي بيت بو حموووووووووووووووود
فاطمه كانت توها ناشه ومتكدره وعيونها مورمه والكل عرف انها طول الليل مضته صياح : صبحكم الله بالخير
الجمييييع : صبحج الله بالنور
فاطمه سارت وباست راس عمتها ويلست تتريق
بوحمود : فاطمه يا بنيتي مابا اللي صار يكدر خاطرج !! او يزعلج قتلج انتي شرات بنتي واللي يمسج يمسني
فاطمه وهي تتنهد : افضالك على راسي من فوق عمي ما تقصر .. لولاك ما ادري شو جان بيصير فيني ..
بوحمود : لا تقولين جذا يالغاليه .. ابوج جان ربيع عمري وانتي امانه عندي
فاطمه وهي اداري دمعتها : الله كريم .. واذا هالشي يريح حمود صدقني ما بضايج بالعكس اللي يونسه يونسني
ام حمود بحزن :وهذا عشمنا فيج فطوومه ..الله يخليج لعيالج وريلج.. وحمود لو لف ولو دار صدقيني مصيره يرجعلج
فاطمه بضيج : الله كريم عموه .. المهم ليش متكدرين خلونا نتريق واللي صار صار ما ينفع اللوم
مها بعصبيه :ياربي ما ابرد اعصابج!!فطوم لو انا منج كنت سرت العرس وشديتها من شعرها !!وفشلتها جدام خلق الله
خوله وهي ادوس على ريلها : مهوووووي بس لا تزيدين الطين بله ..
مها وهي اتصارخ : اااااااااااي خوالي ليش سويتي جذا .. انا قلت شي غلط
بوحمود : مهوي لو كل البنات جان يفكروا نفسج اشهد انه الدنيا اختربت .. وما تمت بنيه في بيت ريلها
فهد يقاطعهم : ولا حد فكر يتزوج من الاساس بتم زوجته شرات العظم فبلعومه .. وبتنغص عليه حياااته
مها وهي اطالعه بنص عين : تطنز حظرتك .. وبعدين انا مقتنعه بوجهة نظري وما علي من كلامكم تطنزوا على كيفكم
بوحمود وهو يضحك : مهوووي انتي لي تزوجتي اول ما تشوفي ريلج ناوي يتزوج عليج بينربط لسااانج
مها وهي اونها معصبه : يا سلام قلبتوا علي اشوفكم انزين انا شو الغلط اللي قلته فهموني ..
فهد : ابويه تصدق هلال خبرني انه حرمه وحده ما تكفيه ويقول بعد مها بياخذله ثنتين والرابعه ياجلها لبعدين
بوحمود بابتسامه : هيه البارحه ابوه بلغني بهالخبر وقال ابلغ مها ونشوف اشو رايها اذا بعدها تبا هلال ولا هونت
مها بعصبيه : يا سلام ناوي يحط علي اربع صدق انه ما يستحي .. ابوي بلغ عمي وخبره اني انا مش موافقه
بوحمود : خلاص اللي تامرينا فيه فهود دق على هلال وبلغه
فهد بجديه : ان شاء الله ابويه احينه بدقله
مها وهي تاخذ منه التلفون : ومصدق الاخو ما شاء الله تبا ادمرلي حياااتي قبل ما تنبني صدق انك دب وخبل
وتم الكل يضحك على مها وحركاتها وهي يلست اطالعهم وعقب عصبت وقامت