كاتب الموضوع :
راعية الفزعة
المنتدى :
القصص المكتمله
فــــــــــــــي بيـــــــت بو حمـــــــــــــووود
خالد جان من العصر هناك واتعشى معاهم
خالد بابتسامه : عساها نعمه دايمه
خوله : اهم شي انك كليت وشبعت
خالد : مدام انتي عندي وقدام عيوني غصب علي بشبع
خوله بخجل : فديت روحك حبيبي .. بس والله بعدني ما شبعت منك
خالد بابتسامه : ما عليه غناااتي الاهل هناك ينتظروني تعرفين بطلع بدري
خوله بابتسامه : خلاااص حبيبي اللي يريحك تروح وترجعلنا بالسلامه اهم شي لا تطول
خالد : لا تحاتين حياتي ما بطول وهالفرصه صارلي زمان انتظرها والحين جات لحد عندي فصعب افرط فيها
خوله بابتسامه : اهم شي انك تكون مقتنع بشغلك .. ولا يهمك راي الثانيين لو انتقدوك
خالد : من هالناحيه تطمني حبيبتي .. انا لووحاتي اللي انحتها باناملي هي كل حياتي فمستحيل اخلي احد يغلط عليها
خوله : هاه خلوووود بدينا بالخيانه .. صرت تحب لوحاتك اكثر عني
خالد وهو يبوسها على راسها : اصلا انتي فكفه ولوحاتي في الكفه الثانيه وكفتج هي اللي بترجح اكيد
خوله بخجل : على بالي بعد
خالد : يالله حيااتي انا وايد تأخرت .. واكيد بيكون بينا اتصااال .. انا محتاجلج وايد فهالفتره
خوله وهي تمسكه من ايده وتضغط عليها : تاكد اني معاك في كل خطوه ... عسى الله يوفقك .. ويحققلك اللي فبالك ..
خالد وهو يقرصها فخدها : الله لا حرمني من هالحنون .. فديته والله
خوله بخجل : خلوووود بس عاد اليوم وايد دلعتني .. اخاف اغير رائي ولا اخليك تسافر
خالد يقاطعها وهو يضحك : لا الله يخليج .. يالله حبيبتي اشوفج على خير .. وديري بالج على روحج .. واول ما ارجع اباج تكوني جاهزه لا ني ما بنتظر على طول بختطفج واوديج بيتنا.. فخلصي امورج باسرع وقت ممكن
خوله بخجل : ان شاء الله اول ما ترجع يكون كل شي جاهز .. وبعدين انته بترجع قبل العرس باسبوعين فيه وقت
خالد يقاطعها : لا حبيبتي هالاسبوعين بتكون خاصه فيني انا وانتي .يعني نروح نختار العفش ع قولة اخوانا المصريين
خوله وهي تضحك : خلاااص صااار اهم شي الحين تروح وترجعلي بالسلامه ..
خالد : يالله حبيبتي استأذن الحين تصبحين على خير بشتاقلج وايد
خوله وهي تمسك نفسها عن تصيح : انا بعد بشتاقلج
خالد وهو يمسح دمعتها قبل لا تنزل : حيااتي كلها اسبوعين وبرجع لا تصيحين
خوله ما قدرت تقاوم ويلست تصيح من خااااااااطر
خالد وهو يضمها لصدره : خوله حبيبتي خلاااص ..اوعدج اني ما راح اتأخر لا تصيحين ... ترى دموعج غاليه عندي
خوله وحدت صياحها تزيد : ما اقدر يا خالد ما اقدر.... كيف بتمضي الايام وانته بعيد عني !!!!!!
خالد وهو يمسح على راسها : ان شاء الله بتمضي بسرعه ولا بتحسين .. بس كاافي عورتي قلبي
خوله وهي تمسح دموعها : انا اسفه حبيبي كدرت خاطرك .. بس شو اسوي احبك ومابا اشوفك بعيد عني
خالد وهو يبوسها على خدها : لا كدرتي مزاجي ولا شي انتي كل شي منج بلسم على قلبي .. يالله الحين خليني اروح
خوله وهي تضحك : اللي يسمعك احين يقول اني مربطنك بحباله
خالد وهويضحك : هيه اضحكي جي اباج .. عشان خاطري الغاليه اوعديني انج ما تخلي البسمه تفارق شفايفج .. اباج دوم مستانسه .. انزين حبيبتي عشان خاطري
خوله وهي تهز راسها بالايجاب : تامر امر حبيبي ما يصير خاطرك الا طيب
خالد : يالله الحين سيري الملقوفه مها صار لها ساعه واقفه برع ... بتاكلنا بعيونها
خوله وهي تضحك : اوكي حبيبي مع السلامه .. سلم على عمي وورووضه وخالتي وعيالها
خالد بابتسامه : اوكي الغاليه يالله الحين من رخصتج وراح خالد صوب سيارته
اول ما طلع خالد راحت مها تركض صوب خوله مها بابتسامه / هاه خلصتوووا خبريني ...............................
خوله تقاطعها وهي ترتمي فحضنها وتصيح من خاطر
مها وهي مستغربه : خوالي حياتي اشو فيج .. صاير عليج شي!!خالد قالج شي يزعلج !!توني شفتكم حلوين مع بعض
خوله ودموعها اربع اربع : خــــ ......ـــــآلـــ.........ــــد
مها بتوتر : اشو فيه خالد قالج شي .. صارت مبينكم مشاده .. فهميني لا اتمي تصيحي
خوله بضيج : لا ما صار اللي فبالج .. بس انا ما استحمل اعيش بعيده عنه
مها وهي تضحك : اها قولي جذا من الصبح حرام عليج وقفتي قلبي .. تعالي خيلنا نروح صوب داخل
خوله باستغراب : انزين هذا ما يستاهل اني اصيح عشااانه .. زوجي وبيسافر تبيني افرح واستانس
مها بابتسامه : حشا بلاج عصبتي جذا انا ما قصدت اللي فبالج .. بس خوفتيني تحريت صايره مشكله بينكم
خوله : لا ما صاير شي بس والله بشتاااقله .. ما ادري كيف هالايام بتمضي بدون ما احسه قربي وريحته تارسه المكان
مها بابستامه : الله يصبرج حبيبتي .. انتي هدي نفسج واستغفري ربج ..
فـــــي بيـــــــــــــــت بـــو خــــــــــــــآلد
روضه وهي اطالع ساعتها ومعصبه : اووووف ليش تأخر .. الحين كل وقته صار حق خوله ونحن لنا الله
بو خالد وهو يضحك : حراام عليج رواضي لا تستوين حاسده خليه يستانس مع حرمته
روضه : ابويه مش مسألة حسد من العصر وهو يالس مع خوله ما شبع منها .. نحن بعد اهله ولنا حق عليه
ام محمد بدون نفس : والله غريبه هذي زوجته كيف تبيه يشبع منها والله لو يتم مجابلها العمر كله ما بيمل ولا بيتعب
روضه وهي تتنهد : يعني انا الحين لو تزوجت !!!! ريلي بيتم مجابلني جذاا
بوخالد : معلوم يا بنيتي عيل هو ليش بياخذج
|
17-03-10, 08:49 AM
جديد مواضيع قسم القصص المكتمله
العرض العادي
