خوله وهي تعطيها التلفون:لما كنا فالمطعم خالد صكره عسب ناخذ راحتنا .. ممكن تشغليه حقي وتحطيه فوضعية هزاز
وبتحصلي رقم خالد في الصادره خزنيه وكتبي عليه خالد وحطيلي الخدمه اللي تخبرني منو متصل اوك
مها : لو اني معصبه على خالد بسبة هالتصرف بس مب مشكله عشانج انتي بسامحه هالمره وخذت التلفون وشغلته
وخزنت رقم خالد .. تفضلي هذا التلفون وسويت فيه نفس ما طلبتي بخليج الحين يمكن خالد الحين بيدق ومابا ازعجكم
خوله بابتسامه : مشكوووره مهااااوي اخدمج في الافراح ان شاء الله تصبحين على خير
مها وهي اطرشلها بوسه في الهواء .:. اموووواه فديتج والله .. خلاص اخدميني في الافراح وانتي من اهله باااي
خوله وهي تتنهد:معقوله اللي عشته اليوم كان حقيقه وربي للحين حاسه اني احلم وبطلت شعرها وانسدحت ع الكرفايه
اه يا خالد اخيرا اقدر ادخل واطلع معاك بدون خوف او توتر انته الوحيد اللي قدرت اطلعني من الرعب اللي عشت فيه
سنين طويله فعلا انته النور اللي نور حياتي الله يقدرني واسعدك شرات ما فرحتني وخلصتني من همومي ونورت دربي
وسمعت تلفونها يرن ومدت ايدها وتمت ادور عليه وحصلته : الوووووو
خالد بابتسامه : هالصوت من وين مصدره من الارض ولا القمر
خوله بخجل :: خلوود حياتي بس عاد ترى والله استحي
خالد وهو يتنهد : ياربي هالبنت اكيد تبا تذبحني خوالي احبج احبج احبج
خوله تقاطعه : خلود حبيبي بس خلاص اخاف تصحي اللي في البيت وتفضحنا
خالد بابتسامه عريضه : والله عاد انا اليوم معرس ومن حقي استانس واسوي اللي اباه
خوله : اوكي سوى اللي تباه لكن بحدود ما تخلا فرحتك مصدر ازعاج لغيرك
خالد وهو يرسلها بوسات على التلفون : فديته هالرقيق والله .. انتي انسانه نادره خوالي واحمد الله انج من نصيبي انا
خوله بخجل : .............................................
خالد : اوه الحلو شكله استحى .. خلاص المره الثانيه ما فيه بوسااات .. بس شو اسوي غصبا علي .. حبج خلاني شرات الخبل .. ومب قادر اركز .. بس احلى شي انه يكون جنونك سببه الحب
خوله " خالد انته مش ندمان انك خذيتني
خالد بضيج : خوله حياااتي قتلج هالموضوع مابا اسمعه مره ثانيه .. الا اذا تبيني ازعل عليج
خوله بتوتر : لا حبيبي كله ولا زعلك خلاص توبه ما بعيد هالرمسه مره ثانيه
خالد بدلع : برضى بس بشـــرط
خوله بابتسامه : امممم بدينا نتشرط .. شوف ا ذا الشرط مقدور عليه بسوية بس اذا صعب اسمحلي
خالد وهو اونه يصيح : خلاااص عيل انا بتم زعلان لحد ما تنفذيلي شرطي
خوله بخووووف : خلوود حبيبي احينه تتكلم من صدقك
خالد وهو اونه زعلان طنشها ولا رد عليها :................................
خوله بابتسامه : الظاهر زوجي وحبيبي من الشكل العنيد .. المهم قول شرطك واكيد بنفذه
خالد على طول قاطعها : هااااااااااااااتي بوووووسه
خوله وهي مصدومه من جرأته استحت ولا علقت عليه :..........
خالد يقاطعها : حبيبتي توج تقولي انه شرطي تنفذ خلااااااص
خوله وهي تتنهد : خالد حبيبي انته تستاهل بس الحين مش وقته .. لا تزعلني منك
خالد وهو يضحك : خلااااص حبيبتي انسي السالفه بس حبيت اسوي جو المهم خبريني اخبارج بعد
خوله : الحمدلله زينه .. وبعدين كيف ما تباني اكون زينه وانا طول اليوم كنت معاااك
خالد بابستامه : انزين حبو انا من باجر بجي من الساعه 9 تعرفين سفريتي عقب بكره وابا اتم معاج اكثر وقت ممكن
خوله بخجل : خلااااص حبيبي بس خلها العصر شو من الصبح تبا تفضحنا
خالد وهو يضحك من خاطر : عادي انتي زوجتي وانا حر .. وايي معاج بالوقت اللي يناسبني
خوله وهي تضحك : خلاااص حبي شوف الوقت اللي يناسبك وانا بنتظرك ..
وتمت خوله تسولف مع خالد لحد الساعه 3 وعقب صكرت عنه ورقدت ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~
فـــــــــــــي صبـــــآح آليوم آلتــــــآلي وتحديدا يوم اليمعه الساعة 10 صباحا ..
فــــــــــي بيــــــت مهـــــــــره بنت بو مشعل
مهره بضيج : هاه مطر طمني ما فيه اخبار عن عادل وغاده
مطر بابتسامه : لا فديتج بعدهم للحين يسوون اللي يقدرون عليه والدكتور يقول فيه امل
مهره : ان شاء الله يتشافى ويرجع سالم غانم ويقر عين امه وخواته بشوفته بخير ومرتاااح
مطر : الله يسمع منج حبيبتي .. الظروف اللي مروا فيها وايد صعبه .. ومحد يقدر يستحملها
مهره وهي تتنهد : ملزومين بالصبر .. وانته شو نويت في الموضوع اللي خبرتك عليه
مطر : مهره انتي من صدقج تبيني اسوي هالشي .. اخاف تندمين عقب
مهره بضيج : مطر انا خسرت اشياء وايد .. والحين مدام اني على حق مش خايفه لاني عارفه انه الله راضي علي
مطر : خلااااص عيل انا اليوم اتصل بالسكرتيره واتفق معاها على كل شي
مهره بتوتر : بس انت واثق من هالبنت .. لا تنسى انها .....................
مطر يقاطعها : لا تخافين انا عارف شو اسوي .. وبخصوص هالبنت هي بتسوي اللي تقدر عليه
مهره : بس انته مش مستغرب انها ما طلبت شي مقابل خدماتها
مطر بابتسامه :انتي لا تشغلين بالج .. وموضوع طلباتها لاحقين عليه .. خلينا نبداء باول خطوه وربج كريم
مهره بتوتر : بس انا وايد خايفه .. هذي فرصتي الوحيده عسب ارد الحقوق لاصحابها ..
مطر وهو يبوس راسها : مهره قتلج لا تشغلين بالج وانا لو ما واثق ومتأكد من هالبنت كنت ما مشيت في الموضوع

من اساسه عسب جذا لا تفكرين ولا تحاتين .. قطي همج كله على ظهري زين
مهره : الله يديمك فوق راسي ولا يحرمني من طيبة قلبك .. وعسى الله يسهل عليك كل خطوووه
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فــــــــــــــي بيـــــــــــــــــت بو مشعل
ميثا كانت يالسه في الصاله وتشرب شااي والبقيه كانوا يالسين يتريقون
بو مشعل وهو يتنهد : بلاها ميثا يالسه بروحها
ام مشعل بتوتر : بعد اشو فيها من يوم ما ملك خالد وهي هذي حالتها .. كلها كم يوم وتتأقلم
بو مشعل : لو اني حاااس انه وراء هالموضوع شي .. بس مب مشكله بصدقج هالمره
مشعل جان يالس ياكل ومطنش ابوه لانه عارف انه الكلام جان موجهه له هو شخصيا
بو مشعل : مشعل بلاك ساكت غريبه مش من عوايدك
مشعل بدون نفس : لا تكلمنا ما عيبكم واذا سكتنا هم بعد ما عجبكم احترنا فامركم
بو مشعل : ان شاء الله اتم دوم جذا عااقل وفاهم وتعرف متى تتكلم وتبدي رايك
ام مشعل : بو مشعل الله يهداك خلنا نتريق ماله داعي هالكلام
مشعل : لا اميه خليه على راحته .. وبعدين كلامه صح .. وحد يزعل من الحق
بو مشعل : سبحان مغير الاحوال وعقبها رن تلفووووونه
هناادي : الوووو هلا بو مشعل
بو مشعل : من رخصتكم عندي مكالمه مهمه .. اتصال من الخارج
مشعل وهو يطالع امه بنظرات خبث : اميه ما تلاحظين مكالمات ابوي باديه تكثر فالكم يوم
ام مشعل بعصبيه : مشعل جم مره قتلك ابوك مش راعي هـ السوالف فلو تصكر هـ الموضوع يكون وايد احسن ..
مشعل : اميه انا بغيت بس امشيج على نور.. وانتي عاد بكيفج من رخصتج الحين
بو مشعل بصوت واطئ : هنادي جم مره قتلج لا ادقين وانا يالس في البيت
هنادي بضيج : اشو اسوي ما حبيت اتريا عندي لك خبر بيفرحك
بو مشعل " انزين جان ترييتي لحد باجر .. بلاج مستعيله
هنادي : بس هـ الخبر انته صارلك سنين تترياه ..
بو مشعل وابتسامه انرسمت على شفايفه : اشو حبيبتي بشريني لا يكون حااامل
هنادي وهي تتنهد : لا عمري فهمت غلط انا مش حاامل .. بس انته مره قتلي انك تباني اسافر معاك بروحي وانا كنت اعارض عسب ما اخلي امي بروحها بس الحين انا موافقه وامي قالت بتتحمل وبتيلس في بيت اخوووي
بو مشعل وهو يتنهد : خلاااص عيل يمكن امر عليج بعدين ونتفق على كل شي
ام مشعل بعصبيه : بو مشعل منو هذي اللي بتروحلها بعدين وبتتفق معاها على كل شي
بو مشعل بخووف : ام مشعل من متى انتي هنيه
ام مشعل : بو مشعل انته تخووني صح .. عقب هـ العشره تخوني يا سيف تخوووووني
بو مشعل بعصبيه : ام مشعل بلاج انتي تخبلتي .. طالعي شيبتي تتوقعين فيه بنت بتصد صوبي وبطالعني
ام مشعل باقتناع : انا بعد قلت جذا .. انته شايب ومحد بيصد صوبك .. الله يسامحك يا مشعل خليتني اشك فابوك
بو مشعل بعصبيه : انا داري انه مشعل هو اللي يزرع هـ الافكار السوداء براسج .. بس لو تكبرين عقلج شوي وما تسمعين كلام اليهالوه يكون وايد احسن .. ترى كلامهم ما وراه غير المصايب .. من رخصتج
ام مشعل بتوتر : بو مشعل وين ساير
بو مشعل بعصبيه : ساير جهنم ..
ام مشعل بتوتر : الله يسامحك يا مشعل .. زين الحين خليتني اظلم أبوك .. لا وطلع من البيت معصب يا ربي
انا شسويت .. احسن شي ادقله وأحاول اهديه .. أخاف يسوي بنفسه شي
مشعل بابتسامه: هاه منوووله اشو سويتي بخصوص الكميه الموعد قرب وانتي كل يوم تتعذرين
منال بدلع : اسفه شعولتي والله شسوي ابوي كل يوم مودني مكان فما لحقت بس اوعدك نهاية هالاسبوع تكون عندك
مشعل بضيج : بعدني بتريا اسبوع حرام عليج منوله والله وايد
منال بابتسامه : ما عليه عشان خاطر منولتك اصبر وكلها كم يوم وبتعدي بدون ما تحس ..
مشعل بضيج : بـــــ ....... ـــــــــــ...... ــــس
منال تقاطعه وبدلع : اقولك عشان خاطري وانته يالس تتبسبسلي
مشعل وهو يتنهد : خلاص منوله صار بس توعديني أخر الأسبوع الكميه تكون عندي
منال : بس مشعل اشو تبا بهالكميه للكبيرة لا يكون تبا تسوي تجاره من ورانا
مشعل وهو يضحك : لا انتوا الاصل ومحد يتجراء عليكم .. وبعدين عندي شله فاسده وابي اسليهم شوي
مناال بابتسامه : اها تسليهم .. ما شاء الله ومن متى تفكر بغيرك طول عمرك اللهم نفسي .. سبحان مغير الاحوال
مشعل " والله كل واحد يسوي الشي اللي يشوفه في مصلحته ..
منال بابتسامه : هاه خبرني اكيد في بنات يحلون السهره
مشعل بابتسامه : هي بنت وحده راح تكون الطعم وتجيبلي الزباين واحد وراء الثاني ولا تحاتين شي اكيد بعرفج عليها
منال فخاطرها : الله يلعن بليسك ما توقعت انك نسخه طبق الاصل عن ابوي .. بس وربي لانتقم منكم كلكم
مشعل : هاه منولتي اشوفج ساكته
منال بتوتر : لا ما شي اكلمك عقب الحين بخليك ابوي يزقرني يالله واكيد بيكون بينا اتصال ..
فــــــي بيــــــت هنـــــآدي
ام هنادي بعصبيه : الحين ليش ما بلغتيه انج حامل
هنادي بضيج : امايه الله يخليج افهميني كل شوي فوقته حلو ..

ام هنادي : يا سلام ومتى بيصير الوقت اللي بيناسب حضرة جنابج
هنادي وهي تتنهد: امايه الله يخليج هاه مشكلتي وخليني احلها بطريقتي ..
ام هنادي : اموت واعرف الحين صار حملج من بومشعل مشكله مو على اساس تراجعون اطباء عسب تحملين
هنادي: امايه اصلا انا كنت اخذ موانع حمل .. ما كنت ابا اورط نفسي بولد .. وانا للحين ما عارفه وضعي عند بومشعل
ام هنادي بعصبيه : اشو تاخذين حبوب منع حمل .. هذا جزات الريال اللي لمج من الشارع
هنادي : هيه امايه انا ما نسيت انه خلصني من الذل والعار .. بس انا ابا اعرف وضعي بالاول وعقب يصير خير
ام هنادي وهي تتنهد : هنادي لا يكون ناويه تتخلصين من اللي فبطنج
هنادي بضيج : جان زين امايه لو اقدر اتخلص منه .. هاللي فبطني هو سبب كل همومي
ام هنادي تقاطعها : يا بنتي فكري عدل اللي فبطنج بيكون سبب سعادتنا كافي فقر ملينا وتعبنا ..
هنادي : امايه حرام عليج حسي فيني ولو شوي .. انا ما اكره بومشعل بس اللي فبطني
ام هنادي بتوتر : بلاه اللي فبطنج .. خبريني اشو قالتلج الدكتوره لا يكون فيه شي لا سمح الله
هنادي فخاطرها: اها لو اقولها انه معوق وارتاح من هـ الحنة .. يمكن تساعدني واحصل حل لهالمصيبه
ام هنادي بخوووف : هنادي تكلمي بلاج ساكته الياهل فيه شي
هنادي بحزن : امايه بصراحـ ....................ــــه وقاطعها جرس الباب
ام هنادي: انتي تنتظرين احد
هنادي : لا امايه .. بعدين انا ما اعرف احد .. عايشه في حالي
ام هنادي : يا ترى منو هذا .. احسن شي اسير واشوف منو عند الباب وبطلته وحصلته بو مشعل وجان تعبان
ام هنادي بخوف : بو مشعل اشو صاير عليك بلاها حالتك متبهدله جذا ..
هنادي وهي تركض صوبه : بو مشعل اشو صاير عليك
بو مشعل وهو يبطل ازرار كندورته .: انا تعبان هنادي تعبان وايد .. وقبل لا يخلص كلامه طاااح وغاب عن الوعي
هنادي بخوف : بو مشعل قووووم اشو صاير عليك
ام هنادي بخوف : هناادي سيري اتصلي بالدكتور وخليه يجي بسرعه .. عجلي يا بنيتي
هنادي بخوف : ان شاء الله امايه ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
مر الوقت بسرعه وغابت الشمس وكست الظلمه ضواحي المنطقه في بيت بو هلااااال
ساره كانت سايره صوب غرفة هلال وسمعت مريم تضحك بصوت عالي وراحت صوبها ..
مريم : شو اقولج شويخ والله لاوريها النجوم فعز الظهر .. انا بوقفها عند حدها
شيخه : انزين ومتى بتتزوجون
مريم وهي اطالع ساعتها : شوفي الحين الساعه 8 بالليل يعني باقي 5 ايام و16 ساعه وبكون مع حمود
شيخه : تستاهلين كل خير مريوم وعاد ما اوصيج لا تخلي وحده شرات فطوم تاخذ منج الحل والحلال
مريم وهي تضحك : لا فطوم بالنسبه لي سهل اتخلص منها .. بس اللي بيكون شرات العظم فحلجي عمي بو حمود
شيخه بابتسامه : لا انتي مريوم واكيد بتكوني قدها .. ونفس ما مشيتي حمود على كيفج اكيد بتمشين ابوه
مريم وهي تضحك بصوت عالي : وانتي صادقه نفس ما مشيت حمود بمشي ابوه وامه بعد .. هذا اللي ناقص اخلي واحد شايب شرات عمي بو حمود يمشي رايه علي .. لا انا مريم اذا محد سمع كلمتي ادوسه بريلي
ساره وادموعها اربع اربع : لا مستحيل هذي مش مريم .. هذي وحده بلا مشاعر ..كيف تتجرءا وتغلط على عمها
مريم : تصدقين عاد بخلي حمود يسجلي البيت باسمي وعقب بقنعه يخليني اسكن عند عمي .. وانا بأجر البيت ومن هنيه استفيد ومن الناحيه الثانيه اخلي فاطمه وحمود تحت عيني ..
شيخه بخبث : وعمج اشو ناويه تسوي فيه
مريم بسخريه : من جهة عمي سهله بسايره وعقب بدبر شي واوقفه عند حده هـ الشايب
ساره وهي تبطل الباب بقو وتروح صوب مريم وتصكها بكف : لحد هنيه وبس .. انتي شو .. لعنبوج ما تخافين الله
مريم بعصبيه : حوه انتي من اللي سمحلي تمدين ايدج علي
ساره وهي تصيح ومعصبه : امد ايدي واكسر راسج بعد
مريم وهي تحط ايديها على خصرها : يا سلام وبصفتج شو ان شاء الله ممكن تفهميني
ساره : حشا كيف ياتج الجرأءه تسبين عمج واللي بيصير ريلج جدام وحده ما تسوى
مريم بعصبيه : سااارووووه انتي يالسه تتنصتين علي صح
ساره : بس هذا اللي هامج ومش ندمانه على كلامج السم .. وطعنج فكرامة حمود وابوه بهالشكل
مريم : انتي شو فيج انا ما سبيت احد ولا طعنت احد كل اللي سويته عبرت عن مشاعري وقهر مكبوت بداخلي
ساره بضيج : وليش مقهورة من عمي هـ الكثر .. هو شو سوى فيج .. هذي جزاته انه نسى اهانات امي .. وكيف قللت من مستوى ولده وبيخليج الحين تصيري زوجه لحمود مع انه فاطمه كل حياته وامانه عنده
مريم وهي تتنهد : هيه مقهوره ليش يحب فاطمه اكثر مني .. ليش يباها تكون قربه ويباني انا اكون بعيده عنهم .. انا بنت اخوه مش وحده مش معروف اصلها وفصلها
ساره تقاطعها : كافي انانيه طول عمرج تفكرين بنفسج وناسيه الالم اللي تسببيه بالناس اللي يالسه ادوسيهم خافي الله
مريم وهي منهاره : سمعيني انا بتم وراء عمي لحد ما اكرهه بفاطمه وبعيالها وساعتها كل شي بيكون لصالحي
ساره بخوف : مريم يوم عن يوم تثبتيلي انج وحده مريضه ولازم تتعالج ..
مريم وهي تمسكها من ايدينها وتهزها : انا مش مريضه هذا حق من حقوقي فاهمه هذا حقي ولازم اخذه
ساره بخوف : مريم كافي الله يخليج عورتي ايدي .. اشو صار عليج
مريم بعصبيه : طلعي برع مابا اشوفج انتي مش اختي انتي ما تحبيني طلعي برع..
ساره بخوف : مريم انتي شو صار عليج .. ليش قمتي تتصرفي بهالشكل

هلال بضيج : تاكدي انه الله فوق ومدام انها قاعدة تظلم غيرها !!!!! بتاخذ جزاها انتي ليش تحرين نفسج
ساره وهي تتنهد : انا ابا انصحها قبل لا يطيح الفاس بالراس ساعتها ...
هلال يقاطعها : كافي ساروه استحملي مريم وحاولي تتجنبيها كلها جم يوم وبتروح بيت ريلها
ساره بضيج : عسى زواجها من حمود يخليها عاقله وتقنع باللي خذته وما تطمع فحق غيرها
هلال : ولو اني مب فاهم عليج بس مب مشكله بسايرج اهم شي الحين حاولي تكوني هاديه ولا تناقشي مريم فاي شي
ساره وهي تحضن هلال : الله لا يحرمني منك هلال محد فاهمني في هالبيت غيرك
بوهلال يقاطعها : حتى ابوج فاهمج وعارف ما تقولين شي الا اذا فيه مصلحة الشخص
ساره وهي اطالع ابوها ومريم نزلت راسها ودمعت عينها
بوهلال : ساروه غناتي ارفعي راسج وتعالي سلمي على اختج .. ومريم وعدتني اللي صار اليوم ما بيتكرر
سارة قامت وراحت صوب ابوها وباسته على راسه : فيك الخير ابوي عسى الله يديمك فوق راسي ولا يحرمني منك
بوهلال : والحين اشو رايج تكملين جميلج وتبوسين مريم وتتصالحون
ساره وهي تبوس مريم على خدها : انا اسفه مريم والله ما جان قصدي ازعلج او اخليج تتضايجي وتاكدي اني احبج
مريم وهي تبوسها وبدون نفس : ما عليه ساره صار خير انتي بعد سامحيني يمكن تماديت بأسلوبي معااج
ساره بضيج : انسي الموضوع ولا تشغلين بالج .. اللي يهمني الحين انج بخير وما فيج الا العافيه
ام هلال بابتسامه : الله يخليكم حق بعض ويبعد عيون الحساد عنكم ..
هلال بابتسامه : مدام انه القلوب تصافت اشو رايكم نروح ونتعشى برع نغير جو ..
بو هلال : لا انا ابا اريح باجر وراي دوام اذا انتوا حبيتوا تطلعون بكيفكم
ام هلال : بو هلال يالله عاد خلنا نروح نتعشى واكيد ما بنتاخر مش كل يوم بنحصل عزيمه ع الجاهز من هلال
هلال بابتسامه : الله يسامحج امايه الحين انا طلعت بخيل هاه
ام هلال : انا ما قلت جذا .. واذا بتفهمها بهالشكل هالشي يرجعلك بروحك
هلال : ما عليه امايه هالمره بطوفها حقج .. ابوي اشووو قلت .. بتروح معانا
بوهلال بضيج : لا هلال اعذروني روحوا انتوا واتعشووا وانا بسير ارقد
ام هلال : خلاص عيل انتوا روحوا تعشوا وانا بتم مع ابوكم
بوهلال يقاطعها : لا ياالغاليه احلف عليج تروحين معاهم وتستانسين .. انتي من زمان ما غيرتي جو
ام هلال بابتسامه : خلاااص دامك اصريت بروح وامري لله
هلال : خلااص عيل صارر يالله تجهزوا وانتظركم في السياره
~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~~ ~ ~ ~ ~~ ~ ~ ~
فــــــــــتي بيـــــــــــــت بو خليفه
سعيد جان راجع من برع وشاف خليفه سرحان ومتكدر وراح على طول صوبه
سعيد : بلاه الحلو من يوم ما رد من السفر مضايج ومتكدر
خليفه بضيج : كله هذا بسبة دعووااااتك
سعيد : افا معقوله انا ادعي عليك بالشين
خليفه وهو يتنهد : اه سعود طحت ولا حد سمى علي ..
سعيد باستغراب : خلوووف لا تقول انك حبيت وحده اجنبيه من برع
خليفه بضيج : لا رحت بعيد .. حبيت وحده عمانيه اصل وفصل .. بس مالي نصيب فيها
سعيد وهو يتنهد : الله يكون فعونك .. خبرني كيف حبيتها ومتى ووين شفتها
خليفه : آه يا سعيد هاه قصه طويله من اول ما شفتها سيطرت على كل تفكيري
سعيد : انزين انته خبرني يمكن اقدر اساعدك
خليفه بضيج : حتى لو خبرتك .. انا ما اعرف عنها ولا شي غير اسمها واسم اخوها
سعيد : يعني انته كابتن معقوله ما عطوك اسمها بالكامل
خليفه وهو يتنهد : هيه عطوني اسمها بالكامل بس انا ما انتبهت وضيعت الورقه .. وبعدين هي شايله فكرة الزواج من راسها .. يعني مهمها سويت ما شي فايده .. حاطة كل تفكيرها فاهلها ومتناسية مستقبلها
سعيد باستغراب : وانته شو دراك يا اخي اذا تحبها وتحبك لازم تتعب شوي وتسوى المستحيل وتقنعها تتزوجك
خليفه بضيج : شوف يا سعيد انا من يوم ما طلعت على هالدنيا وانا عارف مالي نصيب في الحب والزواج
سعيد بضيج : انته شو تقوووول وعلى اي اساس حكمت على نفسك
خليفه يقاطعه : نسيت لما حبيت بنت عمي غاليه .. ضنيت انها تحبني وتبادلني نفس المشاعر ويوم صارحتها قالت انا ما افكر فيك ولا يمكن احبك ان اعتبرك واحد من اخواني
سعيد وهو يتنهد : حرام عليك خليفه انت فذاك الوقت كنت توك فالعشرين وغاليه كانت صغيره ..
خليفه يقاطعه وبضيج : الحب ما يعرف صغير وكبير .. اااه خلني بهمي
سعيد : خليفه بصراحه ما ادري شو اقولك بس انته لازم ادور عليها لازم تتعب عسب توصل للي فبالك
خليفه : انزين ولو انا وصلت وعرفت مكانها وين ؟؟؟؟؟؟ تتوقع هي ترضى تتزوجني .. غادة عنيده !!!
سعيد بضيج : انزين الحين شو ناوي عليه
خليفه بضيج : ولا شي بروح احط راسي واريح .. تصبح على خير
سعيد يقاطعه : خليفه تعال وين بتسير بعدنا ما خلصنا كلامنا
خليفه وهو يتنهد : شوف يا سعيد فيه شي اسمه صدف واذا الله كاتب لي نصيب فيها اكيد بشوفها وساعتها ما بخليها
سعيد باقتناع : خلاص اللي يريحك .. نوم العوااااافي .. ولو انه بدري على النوم
خليفه : ما عليه انا محتاج ايلس مع نفسي شووي .. من رخصتك