نوف : لا بعدها ما صارت الساعه 12 تو الناس ع الرده
غاده : اوف والله تعبت من ولدج يا اميه احسه بيجتلني ناقصه عمر
ام غاده بضيج: شو تبيني اسوي يا غاده هو بطيشه هذا يتحسب انه بينتقم لابوه
غاده : اميه انتي زرعتي بداخله هالشي وهذا اكبر غلط
ام غاده : انا قتله اكبر وخذ حقنا من عمك بس ما قتله استوى مينون ورابع من هب ودب
غاده وهي تتنهد : اه يا اميه احس عادل وايد بيتعبنا وبيورطنا فمشاكلنحن فغنى عنها .. الله يهديه بس
نوف: انا اقول لو نمنعه انه يطلع من البيت لين ما يتأدب ويصير سنع
غاده : نوف انتي لا تدخلين فهالموضوع انا بحله بطريجتي اهتمي بدراستج وبس .. وودري عنج هالسوالف
نوف : الله يقدرني يا اختيه واقدر اردلج كل اللي يالسه تسويه عشانا
غاده بابتسامه : انا بسير غرفتي ونوف كثر ما سمعت هالرمسه مابا اسمعها
نوف وهي تحضن غاده : الله لا يفرق مبينا وينتقم من عمي ان شاء الله
ام غاده بالم : موكلين الله عليه الله !! والله بياخذلنا حقنا منه وكامل بعد ووما بــ يتهنا بفلس من حلالنا
غاده وهي تبوس راس امها : اميه لا تشغلي بالج ان شاء الله ازمه وتعدي

لم تكتفي غاده بهمومها فجاءت مريم والقت عليها حملها هي الاخرى فشعرت غاده بالانهيار ولكنها اخفت هذا الشعور خوفا من ان تضر من حولها ولكن يبقى الدين دينا في نظر غاده ويجب ان يرد مهما جرح ذلك مشاعرها وهذا ما جعل كل من حولها يحبها فقد كانت تفرض محبتها فرضا كيف لا وقد كانت فتاة يافعه واصبحت بين يوم وليله امراءه ورجل في آن وآحد .. وتناست مشاعرها وأحلامها من أجل ان تسعد غيرها
~ ~ ~ ~ ~ ~ ~ ~ ~ ~ ~ ~ ~ ~ ~
ام هلال: مريم شو بلاج صارلي ساعه ازقرج
مريم وهي متخيسه من الصياح : مافيني شي اميه بس تعبانه
ام هلال وهي حاطه يدها ع قلبها : بسم الله عليج شو بلاج تصيحين
مريم وهي بدا صوتها يعلى : آآآآآآآآآآآآآآآآه يا اميه انتي السبب انتي اللي دمرتي حياتي
ام هلال بتوتر: مريم شو بلاج فديتج انا شو سويت لج
مريم بحزن : لو وافقتي على حمود كنت انا الحين مرتاحه واشوف عيالي وجحل عيني فيهم بس شو اقول يا اميه انتي حطمتي كل بذرة حب فيني طمعج قضى علي دمرني .. وخلاني اخسر اغلى ما املك
ام هلال بضيج: انا لو كنت ادري انه حمود بيصير نفس ابوه وشاطر في التجاره كنت زوجتج
مريم بالم : انتي عمرج ما راح تحسين باللي بداخلنا كل حياتج فلوس في فلوس
ام هلال وهي تحضن بنتها : بس يا ....
تقاطعها مريم : وخري عني اميه كل اللي بتقوليه احينه صار ما يهمني
ام هلال بضيج: يمكن اكون طماعه نفس ما تقولين بس انا ما حبيت اشوفج عند واحد اقل من مستواج
مريم تقاطعها : بس نظرتج المحدوده خلتج تشوفين الامور غلط شوفي حمود وين وصل احينه يقدر يبيع ويشتري فينا .. يعني الواحد ما يدري متى الله يمن عليه ويرزقه وهذا اللي صار مع حمود
ام هلال : كافي يا مريم كافي حرام عليج .. لا تعذبين روحج وتعذبيني معاج

شعرت ام هلال بالانكسار فلأول مره تجراء احدا ووضع حدا لجبروتها وسيطرتها المستمره وتحكمها في اتفه الامور فكيف اذا كانت تلك الصرخه خرجت من مريم تلك التي كانت تشاركها في كل شي فعرفت ساعتها ان ليس كل سعاده يمكن ان تشترا او تباع بالمال

بيــت بو خـــــــــــــوله
فاطمه بضيج: عموه نحن لازم نشوف حل حق خوله لازم تطلع من الالم اللي عايشه فيه
ام حمود: شو تبيني اسوي يافاطمه قلبي معورني عليها
فاطمه: ما ادري شو رايج نمشيها ونخليها تغير جو يعني نحسسها انه مب ناقصنها شي وانها قادره تعطي
ام حمود: بس خوله راسها يابس وما اعتقد بتقتنع ..
فاطمه بابتسامه: لا لما نضغط عليها اكيد بتقتنع شوفي مثلا اليوم من الملل اللي فيها قررت تطلع مع انها ما تحب الاماكن العامه .. وهذي أول مره تطلع بروحها من غير عمي بو حمود .. وهالشي نعتبرة تحسن
ام حمود: بس انا خايفه عليها خايفه تشوف ريال ويغمى عليها وتسيطر عليها حالة الخوف مرة ثانية
فاطمه : عموتي لا تخافين خوالي اقوى من جي صدقيني
ام حمود : ان شاء الله يا بنيتي الله يسمع منج
فاطمه : خلاص فديتج شو رايج انش اسويلج شاي ولا قهوه
ام حمود : زين تسوين يا بنتي
فاطمه وهي تبوس راس ام حمود : طلباتج اوامر يالغاليه

~ ~ ~ ~ ~ ~ ~ ~ ~ ~ ~ ~

...: انتي شو ذكرج فيني احين
: حبي لك هو اللي ذكرني فيك
...: بس انا قلبي صار حق وحده ثانيه غيرج
: شوف لو بتيلس تقنعني لصبح انك حبيت غيري ما بصدقك
....: بس فعلا انا حبيت وحده ثانيه غيرج
:انزين وانا راضيه وما عندي أي اعتراض
...: انتي اكيد تخبلتي
: حبك هو اللي خلاني مينونه افهمني الله يخليك
...: انا اقول لو تبندين التلفون احسن لج قتلج انتي ما عدتي بحياتي انا نسيتج خلاص
: بس انا واثقه يا حمود انك تحبني للحين
حمود وهو يتنهد ويقول فخاطره : انا فعلا ما قدرت انساج يا مريم انتي للحين بعروقي للحين حبج يسري بدمي
مريم : حمود انته وينك ليش سكت
حمود بتوتر : هاه لا ما شي بخليج احينه عندنا عرب
مريم تقاطعه : حبيبي
حمود وقلبه بدا يدق بسرعه : مع السلامه يامريم
مريم : حمود ... الو
مريم بابتسامة مكر : بترجعلي ياحمود وبطلق فاطمه اللي عمرك ما حبيتها
والمكالمه هذي اكبر دليل على انك للحين تحبني .. لانك مب قادر حتى تواجهني

استطاعت مريم بدهائها ان تكسب حمود لصفها فعرفت اين توجه سهمها الذي اخترق قلبه وارجعته الى 6 سنوات للوراء فادرك حمود ان مشاعره لمريم لم تتغير بعد رغم كل الكبرياء الذي جعله يداري هذا الشعور بقدر المستطاع ولكن قلبه خفق امام كل همسه اطلقتها مريم من بين شفتيها
~ ~ ~ ~ ~ ~ ~ ~ ~ ~ ~ ~
في السيـــــاره
خوله بضيج : اوف كل هذا زحمه تعبت متى بنوصل
مها : اختيه انتي احينه ليش يايه هاه اذيتينا طول الوقت متى بنوصل ومتى بنوصل
ساره : ههههه خليها زين انها قررت تطلع صار لها سنين حابسه روحها
خوله بالم : شسوي يا ساره وربي غصب عني صرت اخاف من الناس
مها : لا تخافين حبيبتي ان شاء الله انا وسارونه ما بنخليج وبنتم طول الوقت وياج
ساره وهي تبوس خوله : هيه فديتج لا تخافين كلنا وياج يالغاليه
خوله : لا فديتكن انا ما فيني اللف لف المحل وياكن خلني في مكان ما فيه زحمه وسيرن خلصن اموركن
مها : خلاص فديتج اللي يريحج
ساره وهي تصارخ : خوااااااااااااااااااااااااااااالي
خوله وهي حاطه ايدها ع قلبها : هاه ساروه شو صار زيغتيني
ساره : لا بس وصلنا هع هع
مها : فديتج يا خوله توج تقولين خلوني بروحي وانتي من صوت ساره وتخرعتي
خوله وهي ميته ضحك : شسوي هاي حشا مب صوت اوادم عليها جنه صوت جازورا
ساروه وهي معصبه : اراويج يا خوله صرت انا جازورا
خوله : وحده بوحده والبادي اظلم
مها وهي اطالعهن : اقول بسكن هذره ترانا تأخرنا يالله طوفن جدامي
خوله ":حشا احينه بترفع خشمها علينا
مها بابتسامه : خوالي اقول نزلي لا اردج البيت احينه
ساره وهي ميته ضحك : انا اموت واعرف منو الاكبر انتي ولا خوله .. خوله انتي متاكده انج اكبر منها
خوله : هيه فديتج بس لسانها اطول من لساني هههه
مها : مشكوره فديتج يالله احينه طوفن جدامي .. خوالي هاتي ايدج وأمسكي عصاج

في سيارة خالد ..
محمد وهو معصب ع خالد : خلود انا ما احبك زين
خالد وهو يطالعه : حشا كل هذا لأني جتلك ماشي ملاهي اليوم
محمد: بس إنت وعدتني ليش تخلف وعدك احينه
خالد : شسوي غيرت رائي في اخر لحظه عاده اسمحلي ما بيدي شي
احمد ودمعه نازله ع خده : خلود يعني ما بتودانا الملاهي
روضه اول ما شافت احمد يصيح عصبت ع خالد
روضه بعصبيه : خالد حرام عليك بسك جذب شوف احمد تقطع من الصياح
خالد : حشا عاد هذا دمعته فمخباه
روضه : يعني ياهل قتله بتشله مكان وعقب تغير رايك شو معناها هذي لا يكون تباه يرقص ويغني هاه لازم بيصيح بس انت عمرك ما بتيوز عن سوالفك ..
خالد وهو ميت ضحك :رواضي عدال ع روحج حبيبتي حشا كنت امزح بس ليش عصبتي هالكثر
روضه تقاطعه : خالد انا قايلتلك من قبل كله ولا احمد ومحمد
خالد وهو يطالع احمد : حمود حبيبي لا تصيح عشان خاطرك بس بسحب كلامي وبوديكم تلعبون
محمد وهو يبوس احمد: فديتك احمد كل يوم اباك تصيح
روضه اطالع احمد : لا احمد حياتي ما اباك تصيح الريال الزين ما يصيح لازم تكون اقوى من جي اباك يوم تكبر تكون ريال ينشد فيك الظهر
خالد : رواضي شو بلاج انتي احسج وايد متفاعله مع الموضوع
روضه وهي اطالعه بنص عين : خلودوه انته ما يخصك
خالد بابتسامه : تصدجين عاد شكلي بزوجج لايق عليج هالدور
روضه : بسم الله عليه خلوني اخلص من الثانويه وعقب من الجامعه وبعدين يصير خير..
خالد : حشا ومنو هذا المتفيج اللي بينطرج طول هالوقت
روضه اتقاطعه : تراك قلتها متفيج
احمد يلس يصيح
محمد : احمد شو فيك خلاص خالد بيشلنا الملاهي لا تصيح
روضه : محمد هاته عندي جدام ابا اسولف عنده
خالد : اوه بيحشرنا احينه بصياحه اخاف نغرق بس
روضه وهي تحضن احمد : حمود ما عليك من خلود قولي شو بلاك ليش تصيح شي يعورك
احمد : ما باج تتزوجين وتسيرين عنا
روضه ونزلت دمعه من عينها : فديت روحك حمود خلاص ما بتزوج بيلس عندك اربيك وعقب بربي عيالك
خالد وهو يتطنز : حشا احسن شي تفتحين حضانه من الحين ما يحتاي تكملين دراستج خخخخ
روضه : خلود عن الطنازه الزايده ودورلنا موقف سنع ترى وصلنا يا حلو
خالد : تامرين امر يالشيخه
~ ~ ~ ~~ ~ ~ ~ ~ ~ ~ ~
فـــــي بيـــــت ابـــــو مشعــــــل
ميثا ردت البيت وهي مضايجه وتصيح واول ما شافتها ام مشعل ركضت صوبها
ام مشعل وهي حاطه ايدينها ع قلبها : ميثا شو بلاج يابنيتي شي يعورج
ميثا :..................................
ام مشعل وهي تهز ميثا : ميثا حبيبتي شو بلاج ردي عليه
ميثا وهي تنتنهد اكثر واكثر :......................
ام مشعل وهي تحضنها : بسم الله ع بنيتي لا اكيد فيها شي
ميثا وهي متخيسه من الصياح وبصوت متقطع : اميه خالد
ام مشعل : شو بلاه يا خالد يا ميثا
ميثا : ااميه خالد ما يحبني خالد يعتبرني مجرد وحده عاديه
ام مشعل : احينه هذا اللي قاهرنج فديتج يمكن عقب يحبج ويتغير كل شي
ميثا وهي تهز راسها : لا يا اميه سمعته يقول حق اخته روضه اني انا مهيته وانه ما اصلحله كزوجه
ام مشعل وهي معصبه : وليش ان شاء الله ما تصلحين له كزوجه يحمد ربه يوم انج عطيتيه ويه
ميثا يضيج : ما ادري يا اميه بس كل اللي اعرفه اني خسرت خالد خلاص خسرته
ام مشعل وهي تحضن ميثا : لا حبيبتي خالد بيتزوجج وغصبن عنه
ميثا بنظرة حيره : كيف اميه فهميني شو ناويه عليه
ام مشعل : الايام اللي بتثبتلج كلامي وعقب بتقولين اميه قالت
ميثا : الله يسمع منج اميه والله بموت من غير خالد
ام مشعل : لا تخافين يا بنيتي يالله سيري غيري ملابسج بنسير صوب المطار انييب اخوج الغالي مشعل
ميثا : فديته والله حدي مشتاقتله
ام مشعل : كلنا مشتاقيله يا بنيتي بس شو نسوي اخوج كل حياته سفرات وطلعات ما اقول غير الله يحفظه من عيال الحرام
ميثا وهي ميته ضحك : عيال الحرام اميه انتي ما تعرفين ولد الكلب – اكرمكم الله - اللي يمشي سيده ولدج يخربه ويخليه يمشي اعوج
ام مشعل وهي معصبه ع ميثا : ميثا لا تغلطين على اخوج يالله سيري غيري ملابسج لا اعصب احينه اكثر
ميثا : حاظر اميه اللي تامرني عليه يالغاليه

اعادت ام مشعل الامل في قلب ابنتها رغم الانكسار الذي احدثه خالد في قلبها فتيقنت انها لم تخسره بعد وخسارة جوله قد تؤدي الى ربح كل الجولات والعكس صحيح .. ولكنها تناست اهم قاعده في الحياه وهي انه من السهل أن تحب الناس ولكن من الصعب أن تجبر الناس على حبك
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في المكتبــــــــــــــــــــــــــــــــــــــه
روضه : خالد فديتك انا بسير الصوب الثاني بدور مناك هنيه ما حصلت الكتاب اللي اباه
احمد وهو يمسك عباتها : ابا اسير وياج انا بعد ابا دفتر حقي
محمد : انا بعد بسير وياكم .. مابا اتم عند خالد ..
روضه وهي ميته ضحك : تستاهل اللي ييك شفت خوانك صاروا ما يحبوك بسبة الرمسه اللي عقيتها اليوم
خالد : عادي حبيبتي خذيهم وياااج بس ما نسير المنتزه خلوا روضوه تنفعكم
روضه : انته خلنا نخلص من هنيه وعقب لكل حادث حديث
~ ~ ~ ~ ~ ~ ~ ~ ~ ~ ~ ~
ساره : حشا شو بلاها ها المكتبه صارت حافيه منتفه .. ما حصلت اللي أباه
مها بضيج : صج والله صارلنا نص ساعه اندور وما حصلنا شي
خوله وهي ميته ضحك عليهن : يحليلكن صج تكسرن خاطر الواحد انزينه الا ما خبرتني انتن سرتن كل اقسام المكتبه انا اشوفكن زارعاتنا بس فهالمكان
مها : خوالي فديتج ترى نحن يالسين هنيه عشانج انتي بس لانج ما تحبين الزحمه
خوله:لا فديتكن سيرن بس لا تتاخرن انا بيلس هنيه وان شاء الله ما يصيبني مكروه.. والمكان هادي ما يخوف
ساره بضيج : تتكلمين من صدقج خوله اذا خايفه عادي بنتم وياج
خوله : لا لا تخافون علي لين متى يعني بتم خايفه خلوني اثبت ذاتي
مها : خلاص فديتج اللي يريحج نحن بنسير بس بنتم حذالج ما بنسير مكان بعيد
خوله : مهاوي فديتج سيرن لا تتاخرن وراكن كتابة بحوث بعد
ساره وهي تسحب مها من يدها : صدجها خوالي يالله مانبا نتأخر لا تنسين فيه رمسه فبيتكم اليوم
مها وهي اطالع خوله : انتبهي ع روحج يالغاليه
خوله بابتسامه : فديت روحج يالغاليه ادري انج خايفه عليَه بس انا لازم اكون اقوى من جي عسب ما اخلي كل اللي حوالي عايشين رعب وخوف من انه ايجييني شي لا سمح الله .. انا لازم اثبت ذاتي
خوله بدت تتحس الكتب وتمشي : يالله يارب حرمتني من نعمة البصر بس لا تحرمني من نعمة البصيره
خالد هم بعد جان يتمشى ويطالع الرسومات ويدور رسمه تناسب موضوع الرسمة اللي يبا يشتغل عليها وما كان منتبه باللي حواليه وحصل صورة كان عليها رسمة غريبة تم يتأملها وعقب عجبته وخذها من مكانها
خالد :اممم هاي الرسمه اللي ادور عليها من زمان هاذي هي مصدر الهامي..الوانها غامضة وهذا اللي ميزها
وفجأه بدا يمشي وعيونه على الصورة وخولة كانت تمشي وتتحسس الكتب وما حست الا بجسم غريب ضرب فيها والانفاس كانت قريبة من وجها وسمعت شي ينكسر تحت رجولها وضربها فصبعها
خوله وهي خايفه وبدت ترتعش بس حاولت تكون قويه وصامده عسب ما تحسسه انها عميه ومب قادره ادافع عن نفسها.. مع انه صبعها إنجرحت وكانت تحس بألم فضيع..وكان ودها اتصارخ وتطلع كل الالام اللي بداخلها
وما حست الا بصوت قوي خلاها تتصلب مكانها ..!! خالد وهو معصب أي انتي شو بلاج ما تشوفين جدامج
خوله اول ما سمعت هالرمسه حطت يدينها ع عيونها وتمت تصيح وردت خطوتين للوراء وكانت رجلها تنزف
خالد:شو بلاج ساكته تراني ارمس وياج انتي عميا ولا شو؟ولنفرض انج عمياء !! طرشاء ما فيج لسان تردي
خوله الخوف سيطر عليها اكثر وما قدرت تسوي شي غير انها تعطية الظهر وتتهرب من اسئلتة ..

خالد بعصبية : لا والله تعطيني الظهر بعد .. صدق انه عينج قوية .. ع الأقل إعتذري قولي ما اقصد حقك علي
فجأه مها انتبهت باللي قاعد يصير ويات تركض صوب خوله ولحقتها ساره على طول وكانت خايفه على خوله
مها وهي معصبه : حوه انته شو بلاك يالس تصارخ
خالد وهو شوي وبيطق منه عرق : سئليها لعنبو ما تشوف جدامها زين ما انجرحت بسبتها لا والقهر حتى ما فكرت تعتذر كل اللي قدرت تسويه تعطيني الظهر ..
مها وهي اطالع خالد : انته احينه شو بلاك تصارخ لو انجرحت جان زين بينقص لسانك شوي
خالد بعصبية : وانتي شو يخصج بدال ما تعتذرون مني قاعدين ترفعوا صوتكم علي .. والله حاله
مها وهي متنرفزة من تصرفاته والغرور اللي كان مسيطر عليه : لا والله !! تطول صوتك بعد المهم اذا بيريحك هيه اللي جدامك هذي عميا يا اخ يعني بدال ما طايح سب فيها لو ساعدتها شوف كيف حالتها بسبتك
ومها وهي اطالع رجلها وكانت متخيسة دم : لا والقهر بعد انها هي اللي انجرحت مش انت صدق حالة
خالد وهو مب عارف شو يقول وبتردد: ويوم هي عميا ليش يايه السوق حظرتها لو تامه فالبيت احسن كانت ريحت الناس من اذاها .. وريحت نفسها بعد ..
خوله وهي تخوز ايدينها من وجها ومتخيسه صياح : كافي يا مها الله يخليج خلينا نروح مب قادره اتحمل اكثر حاسه نفسي بموت .........

اللحظة الـــــــثالــــــثة

الفصل الاول

خوله وهي تخوز أيدينها من وجها ومتخيسه صياح : كافي يا مها الله يخليج خلينا نروح مب قادره اتحمل اكثر حاسه نفسي بموت ......... .. انا قتلج لا تيبيني وياج لاني عارفه ما ورايه غير المشاكل . انتوا اللي اصريتوا على هالشي .. قلت لكم ما بقدر اتحمل بس محد طاعني .. انا طول عمري كنت عايشه مع نفسي ومرتاحة .. محد ولا مره تجراء وغلط علي .. كنت عايشه بين اغراضي بس كنت احس معاهم بالامان .. قلت لكم مابا اطلع بس انتو اجبرتوني .. وانتوا مب عارفين انكم بهالطريقة يالسين تقضوا علي .. مها وديني البيت انا خايفة
مها وهي اطالع خالد: ارتحت احينه نحن ما صدقنا على الله متى تطلع وترتاح من عزلتها .. صارلنا سنين نحاول ويوم رضت كل اللي في البيت استانس بهالشي بس موقفك السخيف هذا حطم فلحظة كل اللي ظلينا نبنيه سنين طويلة .. إنزين ليش !! اموت وأعرف ليش سويت جذا !!الموقف ما كان يستاهل استانس احينه
روضه يات صوبهم وهي تركض ومب فاهمه شو صاير !!.. روضه وهي اطالع خالد : خالد شو مستوي
خالد جان منزل راسه ومستحي من الموقف اللي سواه وحاس نفسه بيختنق :.............................
روضه : خالد شفيك الله يخليك طمني عليك شو مستوي
خالد : ...................
مها بعصبيه : اكيد ما بيرد عليج لانه عارف انه اللي سواه شي كبير .. حرام عليك فكر لو انته كنت مكانها وجيت انا وهزأتك بهالشكل .. راح تتحمل .. كل اللي بيدور في بالك عباره وحده ليش ما حطت نفسها مكاني .. كان حست بالعذاب اللي انا عايش فيه .. اللي جدامك صح انها عمياء بس ع الاقل احترمتك وما ردت عليك !! ولا حتى فكرت ونزلت من قيمتك .. وهذا كان جزاتها تسبها وتهينها قدام اللي يسوي واللي ما يسوي
خوله وهي تحاول تمسك يدين مها : مها الله يخليج خلينا نسير .. مالها داعي هالرمسه لا طوليها وهي قصيرة
ساره بضيج : خلاص فديتج حصل خير خلينا نسير .. شوفي حالة خولة كل جسمها ينتفض اخاف اطيح علينا
مها : خليني افهمه الغلط اللي سواه وعقب بنسير .. عشان ما يفكر يغلط عند غيرها مره ثانية
خوله وهي متخيسه صياح :حرام عليج خلينا نسير..انا استاهل زين!!بس الله يخليج رجعيني البيت ابوس ايدج
روضه وهي اطالع مها : يا اختيه فهميني شو صاير وليش اخويه خالد متصلب جذا ومب راضي حتى يرد علي
مها وهي اطالعها من فوق لتحت : سألية بروحج !! انا قلت اللي عندي من رخصتج
وسارن مها وخوله وساره صوب السياره وخولة كانت تمشي بخطوات متثاقلة ومستندة عليهن
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
روضه وهي طالع خالد : خالد الله يخليك قولي شو مستوي وشو هالصريخ اللي سمعته
خالد ونظراته كانت تتبع خوله ويشوف الدم اللي انرسم ع الارض من رجلها :...................................
روضه بضيج : خلود الله يخليك رد عليه شو مستوي وشو بلاها حالتك متبهدله جذا
خالد : آه يا روضه ما ادري .. لأول مرة احد يحسسني أني واحد مغرور يفكر بس فنفسه .. آنا جرحتها
روضه بخوف: جرحت منو يا خالد شو بلاك يالس تهذون ع كيفك ؟! فهمني شو اللي صاير
خالد : خوله يا روضه خوله احس اني جرحتها ما كافي الالم اللي بداخلها سرت انا وزدت الطين بله .. لا والقهر اني طرحت الصورة فوق رجلها وانجرحت مع ذلك حسستها انها هي الغلطانة وهزأتها جدام الناس
روضه بتوتر : حشا ومنو هذي خوله بعد .. خالد تراك دوختني .. أرمس عدل
خالد وهو يأشر عليها : هاذيج يا روضه
روضه بضيج : قصدك العمياء اللي هناك
خالد بالم : الله يخليج يا روضه اذا خلصتي خلينا نسير
روضه : خلاص يا خالد اللي تامرني عليه بسير اشوفهم اذا خلصوا وعقب بلحقك السياره

شعرت خوله بالانكسار وشعر خالد وكأن حملا ثقيلا وضع فوق رأسه من شدته قد يغوص به الى اعماق الارض ولكن حدث ما اراده الله وكل شي بمشيئته فتركته خوله وهي مكسورة الجناحين فقد كانت مثل الطفل الرضيع الذي يريد ان يبوح ولكن صغر سنه يمنعه من هذا فشعرت بانها عادت الى نقطة البداية .. وفقدت الامل في مواجهة هذه الحياه لانها شعرت وكأنها تعيش في وسط غابة .. والكل يجرح فيها ويخدش مشاعرها
~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~
في السياره
مها وهي تحضن خوله : خوله فديتج خلاص انسي الموضوع انتي لازم تكونين اقوى من جي
خوله وهي متخيسه من الصياح : بس انا طلعت ضعيفه يا مها وكنت اضن اني قويه وقادرة أواجه الموقف .. بس أول ما سمعت صوته خفت حسيت نفسي مب قادرة اوقف .. حتى رجولي خانتني واللساني ما قدر ينطق بحرف واحد ويرد عني. الكل خاني يا مها كيف تبيني اصير قوية .. وانا مب قادرة اواجة حتى نفسي علميني؟!
ساره بالم : لا يا خوله الموقف اللي سواه هذاك الريال صراحه غريب ولو كنت انا فموقفج سويت اكثر من جي انتي لا تيلسي تصدعين راسج هذي هي الحياه لازم ما نستسلم لاي موقف يواجهنا .لازم نتعلم ونستفيد منه
خوله بالم : انا عارفه كل هالرمسه اللي يالسين ترمسونها بس لانكم تبون ترفعون معنوياتي بس انا اقتنعت خلاص انه رغم القوه اللي كنت احس انها بداخلي كانت كلها تهيوؤات .. واني رجعت من نقطة البداية
مها : خلاص يا خوله انسي السالفه
خوله : عمري ما توقعت اني بنحط فموقف نفس هذا انا تحسبت اني لما اطلع راح احس الكل يدعمني لكن اللي شفته العكس الكل يلس يتطمش علي ويضحكون ليش يا مها ليش محد غيري عمي يعني ولا بس انا الوحيده اللي شافوها جدامهم انا تعبت يا مها والله تعبت افهميني ما اعتقد اني بقدر اواجه المجتمع .. مستحيل اطلع مره ثانية .. وموضوع الطلعة انسوه خلاص طعتكم مرة .. والمرة الثانية ما بتبع شوركم بتم فحجرتي أأمن لي
ساره : لا يا خوله انا عمري ما شفتج ضعيفه جي اعتبري هالموقف تحدي بالنسبه لج
مها : صجها ساروه لازم تعتبريه تحدي مب فشل
خوله وهي مب قادره تستوعب اللي صاير حواليها ويلست تتذكر الموقف وتصيح
خوله وهي تهذي بداخلها : يارب انته حرمتني من نعمة البصر وصار كل اللي حوالي يعتبروني بالنسبه لهم مجرد وحده عاجزه ما لها معنى فهالوجود او حتى نفس الطاوله والكرسي محد ينتبه لهم الا اذا حد حركهم
يارب اذا حرمتني من هالنعمه لا تحرمني من نعمة البصيرة ابا اثبت للكل واولهم نفسي اني قادرة انجح وقادرة أعطي واني انا مش ضعيفه وقادره اواجه كل المشاكل اللي تواجهني مب شرط بعيوني يكفي انه قلبي وعقلي دليلي !! ودمعت عينها وهي تتخيل الزمن اللي ينتظرها وشو يحمل بين طياته ظلم او فرح او حزن وتتمنى من الله انه يسهل عليها كل خطوه تخطيها وينصرها على كل من ظلمها .. بس الخوف ظل مسيطر عليها

امنت خوله بأنه يمكن للإنسان أن يعيش بلا بصر ولكنه لا يمكن أن يعيش بلا أمل ..و من يعيش على الأمل لا يعرف المستحيل .. فلا تيأس إذا تعثرت أقدامك وسقطت في حفرة واسعه فسوف تخرج منها و أنت أكثر تماسكا وقوة والله مع الصابرين
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

في آلمنتـــــــــــــــــــــــــــــــــــــزهـ

خالد جان سرحان ويالس يفكر فخوله والموقف الصعب اللي حطها فيه وأحرجها جدام الناس
روضه كانت يالسه تلاعب محمد واحمد بس نظراتها وتفكيرها كانوا عند خالد وكانت تراقبه من بعيد
محمد : رواضي ابا العب هذي اللعبه
احمد وهو معصب : لا حمود خلنا نلعب هذيج اللعبه احلى
محمد : احمد انا اخوك العود ولازم تسمع كلامي
احمد : بس انا ابا اللعب هذيج اللعبه هاي مب حلوه
روضه بابتسامه : احمدوه حبيبي العبوا الحين ها اللعبة وعقب بنسير صوب هاذيك وبنلعب شو رايك
احمد وهو يضحك : خلاص انا موافق
محمد وهو مستانس: يالله عيل خلنا نسير نلعب
احمد : يالله\
روضه : محمد دير بالك على اخوك انا بيلس هناك لما تخلصوا تعالوا
محمد واحمد: ان شاء الله رواضي
وسارت روضه صوب خالد
خالد وهو سرحان ويفكر: خوله الله شو الاسم .. لا مب بس الاسم كلها على بعضها حلوه حتى لو كانت عميا جمالها مغطي على هالشي .. آنآ فحياتي ما شفت بنت بهالجمال ما ادري يمكن كنت اصرخ عليها !! بس لما وقفت جدامي وخازت ايدها من على وجها كانت مثل الصورة المنحوتة على ورقة بيضاء واللي ناقصنها بس الابتسامة .. لدرجة اني ما قدرت اخوز عيني عنها .. كانت ملامحها تحمل حزن مع الم وعيونها وضحت لي وخلتني اعرف شكثر مقدار الحزن اللي مخلتنه فقلبها !! ومسيطر على ملامح وجها ومخليها شرات الوردة الذبلانه ومحتاجة لساقي يرويها عشان يرجع لها نظارتها بس انا جرحتها بموقفي السخيف كيف ما انتبهت انها عميا مع اني لاحظت انها قبل ما تاخذ شي تيلس تتحسه آه يا خوله ما ادري لما شفتج تلخبط كياني مب فاهم باللي قاعد يصير حوالي .. احس انه مشاعري متلخبطه مو بس مشاعري انا اول مره اجرح انسان بهالشكل .. ومب عارف ليش سوت جذا .. هي ما ضرتني انا اللي جرحت صبعها وزدتها فوق الجرح جرح
وفجأه قطع حبل افكآره روضــــــــــه
روضه با بتسامه /: حشا يا خالد من الصبح يالسه ارمسك منو ماخذ عقلك