آلفــــــــــــــصل آلـــــثـــآنــــي

::

::

فاطمه وهي تمسح دمعتها : من لما قلت الطيب عند ذكره وراحت عنه
حمود بضيج : يالله انا وايد مصختها مع فاطمه هي طيبه وما تستاهل اللي اسويه فيها بس مريم قالت لازم اقسى عليها عسب تتأدب وعقب بجم كلمه حلوه ارجع المياه للمجاريها .. بس آنآ بأسلوبي قاعد اكرهها فيني
وفـــــــــــي غرفة خوله
خوله بتوتر : يالله باقيلي 3 ايام وللحين ما خلصت ولا حجزت اوووف يعني هـ الدكاتره لو اجلوا اختبارات مهووي جم يوم اشو كانوا بيخسرون .. . الله يسامحهم
فاطمه تقاطعها وهي اداري دمعتها : خوالي غناتي بلاج ليش يالس بروحج وتهذرين
خوله وهي تتنهد : فوق ما انا خايفه ما حجزت للحين يعني توتري مخليني مب قادره اركز ومهوي بعدها ما خلصت اختبارات خبريني احينه شو اسوي بنفسي
فاطمه بابتسامه : خوله حبيبتي خليني اساعدج عسب تبدلين ملابسج مهووي توها داقتلي وقالت تجهزوا عسب نروح السوق .. ونختار جم قطعه وفستان حلووو يعني لا تخافين ولا تحاتين مهوي خلصت وبتفضالنا
خوله وهي تتنهد : اوف واخيرا خلصت وبتريحني من صدعة الراس.. يالله عيل خليني اتجهز عسب انروح
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~
فـــــــــــــي آلجآمعه
عفراء : ساروه نسيت اخبرج ترى اخويه خليفه اليوم بيوصل وهالخميس حفلة بنت عمج والاسبوع الياي بأذن الله بنجي صوبكم وبنخطب وبلغي اهلج بهالشي .. هاه وسعيد قالي اوصيج ما راح يأجل اكثر عن جذا ؟؟!!!
ساره وهي تتنهد : تصدقين عفاري انا فهالفتره بالذات محتاجه لسعيد بس مب مشكله نصبر كلها اسبوع ويعدي
عفراء : اممم واخوج هلال متى ناوي بحدد ملكته على مها
ساره بضيج : والله بصراحه ما ادري هلال للحين ما مقرر شي
عفراء : بس تدرين انا الاحظ مها هالموضوع وايد مضايقنها وصايره تتنرفز ووتضايج من اتفهه الاسباب
ساره بضيج : والله ما تنلام يعني هو تقدملها فمن الضروري انه يحدد وقت للملكه
عفراء : هيه .. تبين الصراحه والله كاسره خاطري بس انتي خبرتيني انه يحبها ليش للحين ما اتخذ خطوه لـ جدام
ساره : والله يا عفاري مرمستنه البارح وقال ناقصاتنه شوية فلوس واول ما يجمع مهرها بيسير وبيتقدملها
عفراء : يالله الله يوفق بينهم اشوف مها يايه صوبج اقوم انا احسن .. عسب تاخذون راحتكم في الكلام
ساره بتوتر ممزوج بخووف: لا خليج يالسه
عفراء : ما عليه حبيبتي بس اسوم صارلها ساعه تترياني من رخصتج
ساره : اوكي حياتي سلمي على اسومه وااايد
مها وهي تتنهد وبعصبية : ليش عفراء لما شافتني سارت لا يكون زعلتها وانا ما ادري
ساره بابتسامه : لا حبيبتي بس قبل ما توصلي دقتلها اسوم وقالت تباها ضروري
مها بضيج : حتى ولو ع الاقل كانت تسلم ولا تتحرانا يهووود
ساره : مها اشو فيج ؟؟!! اول مره اشوف اسلوبج جذا ؟؟!!! إنتي مضايجه من شي ؟؟؟!!!!!!
مها وهي تاخذ كتبها وبدون نفس: لا حبيبتي ما فيني الا كل خير عن اذنج
ساره تقاطعها : مها غناتي تعالي هلال مخبرني اوصلج خبر ويقول يبا ردج اليوم
مها اول ما سمعت اسم هلال وقفت :ساره ليش احس انه هلال ما يباني لعنبوه صارلنا اسبوعين من ردينا عليكم ولا رد علينا خبر..وبعدين اذا هو ما يباني وخطبني بس عشان موضوع الرساله خبريه اني مش محتاجه لشفقة من اي احد
ساره وهي متحسفه على حال مها : مهوي غناتي انتي سمعي اللي انا ابا اقوله حقج وعقب اتخذي الخطوه اللي تريحج
مها ودموعها على خدها بدون ما تحس: اشو اسمع ساره انا يوم عن يوم احس اني هلال في احد جابره عسب ياخذني
ساره وهي تمسح دمعتها وتحضنها : كل هذا في قلبج وتميتي ساكته مهوي مش انا ربيعتج وكل اسرارج معااي
مها وهي تصيح من خاطر : انتي اخته ومستحيل توقفين معاي اكيد كل الامور بتروح فصالحه بس خبريني عشان خاطري هلال فيه احد جابره علي .. اذا ما يباني ....................
ساره تقاطعها : لا مهوي عشان خاطري مابا اسمع هالرمسه مره ثانيه .. وتأكدي هو يحبج وميت عليج بس يقول ناقصه مبلغ وتوه متصل فيني وخبرني انه المبلغ اكتمل وقال يباج انتي تحددين متى حابه يكون وقت الملكه
مها وهي مشو مستوعبه : كيف يعني ناقصه مبلغ وعمي معقول ما قدر يساعده .. ساره انتي تخبين علي شي
ساره بابتسامه ممزوجه بحزن : بصراحه اللي ما تعرفيه عن هلال انه نفسه عزيزه ولا عمره خذ بيسه من ابوي عسب جذا لا تلوميه انا حاسه فيج مهووي بس اباج تفكرين بمنطق
مها وهي تتنهد : خلاص ما علينا صدقتج واي وقت تحددوه تاكدوا اني ما راح اعترض .. استأذن الحين
ساره بضيج : وين خليج يالسه معاي شوي
مها بابتسامه ممزوجه بحزن : ما عليه ساره خوله اختي تتنظرني بنروح السوق رباعه وانا وايد تأخرت عليها
ساره : خلاص عيل حبيبتي اللي يريحج انا بعد عندي شغله ولازم اخلصها
مها وهي تبوس خدها : اوكي حبيبتي نتلاقى على خير سلمي على عمي وخالوه وقالت مريم بدون نفس
ساره بضيج : يوصل حبيبتي يالله ديري بالج ع روحج وشدي الهمه ابا خوله تصير نجمة الحفله
مها وهي تتنهد : اوكي حبيبتي وخوله ما شاء الله عليها كل الحلا فيها يالله غناتي باي الحين
ساره بضيج : سامحني ياهلال انته ما قدرت تحسم الموقف بس انا حسمته بطريقتي .. مستحيل اسمحلك تعذب مها بهالشكل وخذت تلفونها ودقت عليه

مريم تقاطعها : بلاه الحلو زعلاااااان وليش متوتره جذا صاير معاج شي
ساره بعصبيه : مريوم الله يخليج اللي فيني مكفيني فاطلعي من راسي وايد احسن مب ناقصه
مريم : حشا انزين خففي شوي طالعي اذونج مدخنات من كثر ما معصبه
ساره بعصبيه : مريم قتلج خليني فحالي وبعدين نكتج ترى وايد بايخه
مريم بضيج : ساروه اوقات احسج تكرهيني
ساره بحزن : اسفه مريم ما كان قصدي اجرحج بس والله مضايجه شوي لا تلوميني .. وبعدين انا عمري ما كرهتج بس تصرفاتج تضايجني اوقاااات احس افكارنا متناقضه
مريم وهي تتنهد: ليش؟!! بالاول كنت افهمج وتفهميني على الطاير بس لاني تقربت من حمود صارت افكارنا متناقضه
ساره بضيج : بالضبط سبب خلافنا حمود .. للاسف انتي هالايام تحكمين عواطفج مش عقلج
مريم بضيج : اقوول لو تكرهيني يكون احسن تكرهيني انتي ولا يكرهني حمود عن اذنج
ساره بضيج : مريوم تعالي وين رايحه خلينا نتناقش بمنطق يمكن نوصل لحل بس مريم طنشتها وما ردت عليها
هلال وهو ياي يركض وينافخ : سااره بلاج حبيبتي خوفتيني اشو صاير
ساره وهي تعطيه التلفون : امسك هالتلفون واتصل بعمي وحدد معاه كتب كتابك على مها ما تحس انه المده طولت وانته للحين ما رديت عليهم ولا كلفت نفسك حتى تشرحلهم ظروفك
هلال وهو يتنهد : ساره ليش مها كلمتج في الموضوع
ساره بعصبيه : لا انا اللي كلمتها وقلت لها انك كنت ادبر مبلغ والحين اكتمل وتباها تحدد موعد بس هي قالت تحدده انت بنفسك يكون احسن .. فخذ التلفون واتصل بعمي
هلال بضيج : لا ما اقدر انا مش مستعد ارتبط الحين قلبي للحين مب قادر ينسى خوله
ساره وهي تشده من ايدينه : حرام عليك البنت يالسه تتعذب .. ليش تخلاها هي تدفع ثمن اخطائك اشو هالانانيه .. مثل ما تفكر بنفسك فكر فيها ولو شوي .. تشوف خالد ميت على اختها ومستعجل على زواجهم وانته حظرتك ولا على بالك ولا مهتم بمشاعرها تخيل شو بيكون شعورها .. تعرف شو سألتني اليوم ؟؟!! قالت هلال احد غاصبه علي؟؟!!!..
هلال بتوتر : معقووله سالتج هالسؤال وانتي اشو قلتيلها
ساره وهي تصيح : اشو تباني اقولها انه كلامج صح كان يبا يخطب اختج بس صار غلط بالموضوع وخطبج انتي
هلال بضيج : سار ه انا ما قصدي ازعلها مني بس ما اقدر اخدعها واخدع نفسي انا قلبي متعلق باختها
ساره بضيج : هلال خوله ملكتها هالخميس لازم تقتنع انها اختارت حياتها خلاص وانته بديت فخطوه فلازم تكملها
هلال وهو يتنهد : خلااص ساره اليوم بخلي ابويه يدق على عمي ويحدوون الملكه والعرس نهاية هالشهر
ساره بضيج : اشو تبا تتزوج بهالسرعه انزين ليش انته امتلك بالاول عسب تقدر تفهمها وتفهمك
هلال وهو يتنهد: هيه ما قالتلج خلي هلال يحدد خلاص دقيلها وخبريها انه هلال متلهف عليج ويبا يسويها ملكه وعرس فليله وحده وبهالطريقه اقدر ارجعلها كرامتها وارضيلها غرورها كانثى..
ساره بضيج : هلال انته مقتنع بالشي اللي يالس تسواه
هلال : هي مقتنع خلاص دقيلها وانا ببلغ ابويه عسب يتفاهم مع عمي وعسى خير
ساره بضيج : هلال بس الشي اللي يبداء بسرعه ينتهي بسرعه
هلال بضيج : ما عليه ساروه فعلا يمكن مها تقدر تشغلني وانسى خوله وامحيها من حياتي
ساره وهي تتنهد : الله يوفقك اخويه ويارب تحب مها شرات ما تحبك
هلال وهو يتنهد : الله يسمع منج اتمنى امحي خوله من كل تفكيري بس شو اسوي حبيتها وصعب انساها بسهوله
ساره بضيج : هلال حبيبي انته حاول وصدقني الله بيكون فعونك والزواج بينسيك خوله وغيرها
هلال : خلاص انتي دقيلها الحين وشوفي رايها وانا بسير ادور على ابويه عسب ابلغه
ساره بابتسامه :: ان شاء الله احينه بدقلها
~ ~ ~ ~ ~ ~ ~ ~ ~ ~~ ~ ~ ~ ~ ~~~ ~~~ ~ ~ ~ ~ ~
فــــــــــي آلســـــوق
مها كانت يالسه تشوف الفساتين عسب تاخذلها واحد
خوله وهي ماسكة فستان جان لونه برونزي يعني يليق على بشرتها : مهووي تعالي قلبي يقولي اشتري هذا
فاطمه : بصراحه وايد حلووو والوانه رهيبه اشو رايج مهوي
مها : اممممم بصراحه ولا اروع شفتي خوالي خبرتج من قبل؟؟!! بالاصرار والعزيمه نوصل للغايه .. لو سمحتي نبا هذا .. ولو ما عليج امر نبا اكسسوارات مناسبه على هاللون ممكن تجيبيها عسب نشوفها
Ok........:
فاطمه : انزين هذي خوله واختارت الفستان واحين يا دوري
مها بابتسامه : لا تحاتين اخترتج بلوزه ولا اروع طالعي هناااك اللي لونه وردي
فاطمه : الله وايد حلووووه تتوقعين من مقاااااسي
مها : انتي شوفي بالاول اذا يناسبج وعقب نفكر في المقاسات هذي مسئلة بسيطة ومحلوله
فاطمه : خلااااص الحين بروح وبشوفه وان شاء الله يكون على مقاسي
خوله : مهوووي انتي للحين ما خذيتي بلوزه صح ..
مها وهي تتنهد : تصدقين خوالي والله مالي نفس
خوله : مها مضايجه على شان هلال للحين ما دق وكلم ابويه عن موضوع زواجكم ؟؟ بعدين هالمواضيع يبالها صبر
مها بضيج : تقدري تقولي جذا بس اليوم ساروه شرحتلي الوضع وقالت عنده ظروف بس انا ما اقتنعت
خوله بابتسامه : وليش هي مالها مصلحه عشان تكذب عليج وتوهمج باشياء ما راح تستفيد منها
مها بتوتر : ما ادري كل شي يثبتلي انه هلال ما يحبني .. خاطري اشوف اللهفه فعيونه شرات اللهفه اللي اشوفها فعيون خالد .. صدقيني مب قادره استوعب اللي قاعد يصير حوالي في شي مخوفني ..
خوله : مهوي حبيبتي هلال عنده ظروفه لا تحكمي عليه يمكن يحبج بس ما يعرف يعبر عن مشاعره .. وبعدين خالد رسام يعني رومنسي لابعد الحدود فسهل انه يعبر عن مشاعره وينتقى ارقى العبارات
مها بحيره : قصدج انه هلال ماله في الرومنسيه

خوله : شوفي حبيبتي فيه بعضهم يموتوا عليج بس ما يقدروا يعبروا عن مشاعرهم اوقات عباراتهم تخونهم
مها : يعني هلال من هالنوووووع
خوله :انا اللي اعرفه انه هلال واحد كتووم وفي حاله على عكس خالد اللي لاف العالم عسب جذا تحسيه جرئ
مها : وهلال من النوع الكتوم صح ؟؟!! مش نفس خالد عسب جذا مب قادر يعبر عن مشاعره اتجاهي
خوله وهي تهز راسها بالايجاب: بالضبط عسب جذا لا تتسرعين عسب ما تظلمينه وعقب تتلومين
مها بضيج : يارب يكون كلامج كله صح ع الاقل مصيبتي بتكون اهون وسمعت تلفونها يرن .. لحظة خوالي
الووووو هلا سااااااااروه
ساره بابتسامه : مها حبيبتي انا مرسوله من طير الغرام ويقولج اشو رايج تملكون وتتزوجون فليله وحده
مها بتوتر : اشووووو فليله وحده ليش ما يمديني اسوي شي
ساره : على حسب ما فهمت يقول ما قادر يصبر يبا يشوفج تترفرفين حواليه
مها بخجل وفخاطرها : فديته والله يحليله صدق اني ظلمته طلع يحبني ومتوله علي بعد
ساره : الووووووو الحلو بشوووو سرحاان
مها بخجل : وبشو بسرح يعني انا فيه احد شاغل بالي غير هلول الله يديمه فوق راسي
ساره بابتسامه : اوووف تتغزلين فاخوي عيني عينك
مها تقاطعها : والله اخوج اللي تتكلمين عنه بيصير ريلي اوووك
ساره : امممم بصراحه هذي قويه خلااااص لا تعليق المهم خبريني انتي موافقه
مها بابتسامه : مووافقه انا مشتاقه للحظة اللي بكون فيها ممعاه بس ما حدد زواجنا فاي شهر بيكون
ساره : يقول على اخر هالشهر .. مستعجل مب قادر يعيش من غيرج ..
مها بخجل : فديته والله المهم قوليله مش هالشهر اللي عقبه عسب يمديني اتجهز الحين يخلينا نملك وعقب شهر
ساره تقاطعها:مهوي انتي ما تفهمين اقولج مستعيل مستعيل..يعني خلصي امورج بسرعه لانج بتتزوجين عقب شهر
مها بتوتر : بصراحه ما عارفه بشو ارد عليج فاجأتيني خلاص خليني افكر وارد عليج خبر بعدين
ساره : اوكي يا حلوه بس لا تتاخرين اخاف اخويه يروح من بين ايدينا بسبتج
مها وهي ميته ضحك : لا ان شاء الله ما بيروح مكان وقوليله انه فقلبي حتى لو ما تشاوفنا
|ساره: اوف يالغراميات خلاااص اعتبر الرساله وصلت يالله احينه بسير اتغدا تامريني على شي
مها : شو تتغدين حرام عليج توها 12 لاحقه
ساره : تعرفيني انا هاليومين اسوي ريجيم يعني غداي بيكون عباره عن سلطه وشي من هذا القبيل
مها بابتسامه : الله يعينج عيل فعلا خفي ايدج شوي هاليومين صايره مربربه
ساره : زين زين احينه بيبداء للمعاير خلاص حبوبه بلغي خوله سلامي اوكي وانتظر ردج
مها بخجل : ان شاء الله الغاليه قبل صلاة المغرب ردي بيكون وصلج زين
ساره : اوكي حبيبتي على خير
مها وهي تركض صوب خوله : خوله واخيرا هلال بيتخذ خطوه المسكين ظلمته طلع يحبني ومتوله علي ويقول يبا العرس والملكه تكون فليله وحده مب قادر يصبر يعيش بلاي وتخيلي يباها نهاية هالشهر
خوله بابتسامه : انا خبرتج بس انتي راكبه راسج المهم خبريني بيمديج تتجهزين فشهر
مها : اكيد يمديني هذا انتي بتمتلكي بالخميس وزواجج بيكون عقبها بشهر فبنجهز مع بعض
خوله بابتسامه : عيل اشو رايج نسويها في ليله وحده عرسي وعرسج .. يعني عن الخساير وربشة المعازيم
فاطمه تقاطعها : انا بعد اقول جذا احسن عسب ما تخسرون وايد
مها بدلع : لا حبايبي انا مابا احد يشاركني في ليلة العمر ابا اكون بروحي متربعه على هـ العرش
خوله : يا شيخه خلاص عرسي بروحج وتربعي على راحتج المهم خلينا نخلص شغلنا الحين حدي يوعانه
مها : خلااااص تعالي بنشووف الاكسسوارات وبنروح
ساره كانت حاطه ايدها على خدها وتفكر : ياربي اللي سويته انا صح .. احس اني ضحكت على رفيجة عمري واوهمتها انه هلال يحبها .. اخاف عقب ما تعرف الحقيقه تكرهني ويمكن تحملني مسؤولية زواجها اذا فشل .. لا لا وبعدين كيف بتعرف محد يعرف هالسالفه غيري انا وهلال فما ضنتي هلال بيخبرها .. فاحسن شي ما اشغل بالي واللي كاتبه الله بيصير .. والله يستر من الياي ..
مريم بدلع : ساااروه عندي لج خبر بيفرحج
ساره وهي تتنهد : بتتزوجين حمود صح
مريم : لا هذا الموضوع خلاص مصكرين عليه بس المفاجأه انه احتمال الاسبوع الياي بنتزوج انا وحمود
ساره وهي منصدمه : اشو تتزوجين لا وبعد اسبوع متى صار كل هذا وعلى كيفج انتي تخططين بلا حسيب ولا رقيب
مريم بضحكة سخريه : لا حبيبتي انا ضمنت اماية خلاااص يعني هي بطريقتها بتقنع ابويه وع فكره انتي اول وحده تعرف بهالخبر .. فحبيتج تشاركيني فرحتي .. وعرسي بيكون بسيط يعني نسوي حفله صغيره في البيت
ساره بضيج : وتسمين هذي فرحه بتبني حياتج على تعاسة اربع اشخاااص .. يلعن الفرحه اذا بدايتها خراب
مريم بعصبيه : حووه انتي ترى وايد مصختيها وانا ما اسمحلج .. وبعدين فاطمه انتهت علاقتها بحمود من زمان وصاروا يعيشوا شرات الغرب .. يعني عايشين مع بعض بس عسب عيالهم ,, وقريب بيطلقها..ونفتك منها مره وحده
ساره : مريم مو على اساس انج شارطه على حمود اذا يباج بالحلال ما يطلق فاطمه اشو اللي تغير الحين
مريم بتوتر : هاه بصراحه انا سويت اللي اقدر عليه وهو راكب راسه الا يطلق وانا بعدني بحاول معاه
ساره : هيه تحاولين وتصرين عليه وتقوليله يا انا يا هي في البيت صح ولا انا غلطانه
مريم بعصبيه : وانتي شو يخصج ليش محتره لا يكون فاطمه تقربلج وانا ما عندي خبر يالله اتحفينا
ساره : لا هي ما تقربلي بس حسستني انه الانسان لازم طول عمره يحس الظن وطالعي هذا جزاتها لانها احسنت الظن فحمود ولا توقعت فيوم انه ممكن يخون الثقه اللي حطتها فيه ويغدر فيها عقب ما سلمته كل شي
مريم : لا لا هالبنت اكيد تخبلت .. ساره حشا بديت احس انج تكرهيني ولا تواطنيني بعيشة الله