كاتب الموضوع :
راعية الفزعة
المنتدى :
القصص المكتمله
خليفه يقاطعها : لا عقلج يقول شي بس قلبج ونظراتج تقولي شي ثاني
غاده بضيج : خليفه الله يخليك حاول تفهمني ووخر عن طريجي انته عيش حياتك وانساني
خليفه بضيج : سهله عندج كلمة انساني .. اقولج انا احبج وانتي كل شوي انساني .. إنساني ..
غادة طنشته وراحت تركض صوب حجرة عادل ودموعها اربع اربع خليفه ما قدر يسوي شي غير انه يحترم قرارها
خليفه بالم : آآآآآآه يآ غآآده فتحتيلي باب الامل وعقب صكرتيه في ويهي الله يسامحج .. ما ادري يمكن تكون هذي اخر مره اشوفج فيها بس ان شاء الله التذكار اللي خليته لج يعجبج ويمكن نتلاقى في يوم .. واذا من نصيبي باخذج
غاده وهي اتصيح : ليش يا خليفه ليش دخلت حياتي بهالشكل ولعوزتها ليش خليتني احبك .. علمتني كيف احبك واحينه بتروح ولا بتقدر تعلمني كيف انساااك .. بس ما ضنتي بقدر انسااااك ولمحت شي على الطاوله وجانت رساله بطلتها ويسلت تقراء .. بسم الله الرحيم الرحيم .. من اول لحظة احتضنت عيناكي عيناي ايقنت ساعتها بانكِ قدري وبانكِ الوحيده التي استطاعت جعل قلبي ينبض رغم كل الوجوه الكثر التي شاهدتها وانا في سفري وتجووالي
حبيبتي غاده .. لا اعرف ما هي مشاعرك اتجاهي ولكن تصرفاتك في الاونه الاخيره وتهربك اثبتت لي باني اصبحت مغروس في صدرك ودقات قلبك اصبحت تنبض باسمي قدت تستغربين من تحليلي ولكن هذا ما شعرت به حين احببتك فلا بد ان يكون شعورك تماما كشعوري .. لا اعرف كيف ستكون ايامي القادمه من دون ان المح تلك العينين المليئتين بالاحزان .. والتي لا اعرف منها الا سبب واحد وهو انك تحملت مسؤولية عائلتك ولكن هل هذا يمكن ان يكون عائق من اجل ان تكوني معي .. لن اطيل عليكِ اردت اخبارك فقط امرا واحدا .. ان لم تكوني انتي زوجتي وحبيبتي فتأكدي لن تكون امرأءه سواكي..وتقبلي هديتي المتواضعة لكي ابقى دائما وابدا رفيقك الذي يرافقك في كل لحظات حياتك.احبك
غاده ووهي تحضن الرساله ودموعها اربع اربع : ليش !!!! ليش !!! ليش !!!! آآآآه يارب ساعدني وركضت صوب برع تدور على خليفه بس ما حصلته ورجعت وهي مكسوووره وسارت صوب الطاوله ولمحت اسوره وخذتها وحصلت منحوت فيها حرف خليفه وحرفها ومكتوب عليها عبارة .. (( Love for ever))
غاده على طول خذتها ولبستها : اه يا خليفه انا اللي صكرت قلبي سنين جيت انته وخلال اسبوعين فتحته وسكنت فيه صدق الدنيا غريبه .. وكلها مفاجئات حتى لو سعادتنا بيدينا نحن اللي نتهرب منها .. الله يصبرني على بعدك خليفه
ملزومين نصبر نحن قدرنا ما كتب انه نكون مع بعض بس تأكد اني احبك احبك .. وراح تكون احلى حدث صار بحياتي
خليفه وهو يتنهد : كنت متأكد انج تحبيني .. بس اذا الله كاتبلي نصيب معاج اكيد الامور بتتسهل .. احينه اقدر اسافر وانا مرتاح هـ الكلمه اللي سمعتها منج تكفيني اعيش خمسين سنه لقدام .. احبج قالها بصوت يخلي غاده تسمعه
غاده وهي تتلفت يمين ويسار : عادل سمعت شي
عادل كان راقد ولا داري بالدنيا غاده اول ما شافته راقد باسته وطلعت برع عسب تتأكد من الصوت ولمحت خليفه وجان مكسووور مسحت دموووووعها وقرررت تنسى وتدفن هــ الحب .. وتحاول تخلي كل اهمتما بس لاهلها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~~ ~
فــــي آلمدرسه كان اخر يوم اختبارات .. والبنات مستانسات
نوف وهي تزقر على روضه : رواااااااضي وقفي شوي
روضه بخوف : الله يغربلج خرعتيني هاه طمنيني عسى ختامها مسك
نوف بابتسامه : هيه الحمدلله الامتحان جان وايد سهل
روضه تقاطعها : بس سمعت من البنات يقولون انه صعب
نوف : لا بالنسبه لي انا جان وايد سهل يمكن لاني من البارح يالسه اقطع فـ للكتاب ولا رقدت الا ساعتين
روضه : يالله حبيبتي ربج بيعوضج على هالتعب .. كلنا تعبنا وصبرنا وباقي بس نحصد هـ الشي
نوف : المهم انتي بشريني اشو سويتي
روضه بابتسامه : الحمدلله جان صعب شوي بس قدرنا نتخطى هـ الشي
نوف بابتسامه : الحمدلله على كل حال .. اممم اشو رايج اعزمج على ساندويجات
روضه:سندويجات؟؟!!الله يسامحج!!وفرحانه ما شاء الله لا ياماما انا احينه بروح الف السوق ابا اخذلي فستان عسب ملكة اخويه تعرفين الحفله هالخميس واليوم الاثنين يعني ما يمديني اسوي شي انتي طمنيني ماشي اخبار عن اخوج
نوف : هيه فيه اخبار امس غاده دقت وطمنتنا عليه وقالت العلاج ياب نتيجه يعني احينه يسووله تمارين وربج كريم
روضه : اهم شي كثروا دعواتكم واكيد الله بيفرجها عليكم
نوف : والله امي ما مقصره تكسر الخاطر .. ملزومين نصبر وانتي بعد لا تنسينا من دعواتج الطيبه
روضه : ان شاء الله حبيبتي تاكدي اني ما بقصرعقبال ما تفرحون بشوفته واهو بخير
نوف :امين الله يسمع منج.. المهم الباص يترياني خلينا نشوفج عااد ما تقولين خلصت الدراسه يعني افتكينا وننسى المدرسه باللي فيها .. خلينا دوم في بالج بااااي حبوبه
روضه : ان شاء الله غناتي واذا احتجي لاي شي رقمي عندج اوكي
نوف وهي اتصارخ من بعيد : اوووووكي باااااااااااااااااااااااااي
روضه وهي تتنهد واطالع المدرسه : كل شي يبدي فلحظة وينتهي فلحظة .. يمكن رغم كل الصعوبات اللي واجهناها بين هالجدارن الا انها علمتنا كيف ننوصل للي نباه تاكدن يا رفيجاتي ويا معلماتي وانتي يا مدرستي ذكرياتج بتم محفوره فصدر ومستحيل انسى كل زاويه عشت فيها احلى لحظات عمري الله يديمج عامره ..
فــــــي بيـــــت بو مشعل
ميثا كانت يالسه تطالع التلفزيون وعندها امها
ام مشعل : اقول ميثا وين روضه صارلها زمان ما طبيت بيتنا
ميثا : امايه ليش حاره نفسج هي كل يوم تتعذر بالاختبارات واحينه خلصت بنشوف اذا بتتنزل وبتجي صوب بيتنا
ام مشعل : وانتي بلاج معصبه كل هذا عسب خالد بيتزوج هالخميس
ميثا بعصبيه : وانا شو يخصني يصطفل هو الخسران وين بيحصل وحده شراتي
ام مشعل : معقوله استسلمتي بكل سهوله
ميثا تقاطعها : لا يا ماما انا بخليه يعيش فالعسل جم يوم وعقب بدور حل لهالمصيبه اللي طاحت على راسي
ام مشعل : ما عليه مدام انتي خسرتي خالد خلينا نرسم ونخطط لـ مشعل ونقنعه ياخذ روضه
ميثا تقاطعها وبعصبيه: يا سلام انتي كل اللي هامج ولدج مشعل وبس..وانا عادي انقهر اموت ما تفرق معاج كله واحد
ام مشعل : لا ميثا لا تفهمين غلط .. بس اذا وصل مشعل لروضه يمكن انتي بعد بتقدرين توصلين لخالد وبتعلبينها صح
ميثا وهي تفكر:فعلا كلام امي صح كل اللي علي اسويه احين اقرب مشعل من روضه وعقب بقدر اخلي خالد يموت علي
ام مشعل : هاه ميثا اشو قلتي
|
17-03-10, 08:29 AM
جديد مواضيع قسم القصص المكتمله
العرض العادي
