فهد بابتسامه : على امرك ابويه وبكون معاهم وشرات ظلهم بعد يالله بسير ابلغه
خالد وهو يشوف نظرات بو حمود اللي كان يكسوها توتر : وليه اكيد بيرفض .. صدق مش حلوه اشوفها وبعده ما صار شي بينا .. يا ربي انا شو سويت الحينه لو قال لا وما خلاني ؟؟!! انا شو بسوي بطلع صغير فنظره وفنظر ابوي
بو خالد : بلاه فهد تتامرون علينا
بوحمود بابتسامه : لا بس ولدك خالد يبا يشوف خوله يقول يباها فشغله مهمه فقلت حق فهد خله يشوفها وخلك معاهم
بو خالد بابتسامه : هيه هيه الحين الواحد فهالزمن ما ياخذ الوحده الا لما يتأكد انه هذي البنت اللي رسمها في باله مب شراتنا اول نتزوج الوحده وما نشوفها غير فليلة العرس
بو حمود : شو نسوي يا بو خالد ملزومين نستحمل عيال هـ الزمن والله يستر من الياي
فهد وهو ياي صوووبه : هاه خالد بلاك متوتر .. كنت متوقع انه ابويه بيرفض صح
خالد بخوف : ليش هو ما رضى اني اشوفها ؟؟!!!.. يا الله الحينه اكيد بستوي صغير في عينه
فهد وهو منفجر ضحك : ما عليه خلوود مالك نصيب بتشوفها بعد اسبوعين ان شاء الله اصبر .. والصبر مفتاح الفرج خلنا الحين نروح صوب برع ابا اشم هواء حدي متملل بس لحظة بدق عالبيت ابا اوصي امي بشغله مهمه
خالد بضيج : اللي يريحك انا بنتظرك برع اوك
فهد وهو يهز راسه بالايجاب : زين اللي يريحك ودق على مهاااا
مها بابتسامه : روضه انتي شدي حيلج وصدقيني كل شي بيتسهل وعقبال ما اشوفج مهندسه شراتي والا شو رايج
روضه بابتسامه : الله يسهل علينا بس وتعدي هـ الامتحانات على خير وعقب ربج يهونها
مها بابتسامه : الله يوفقج حبيبي وشافت رقم فهد .. لحظة برد على فهد بشوف اشو يبا
روضه فخاطرها ومرتبكه : يالله انا شو طاري علي كل ما اسمع اسمه احس قلبي يدق وارتبك الله يعدي الليله ع خير
مها : هاااااااي فهووودي هو ار يو
فهد: مهوووي مب وقت مصخرتج احينه .. خلي خوالي تطلع اباها فشغله
مها وهي اونها معصبه : حشا شوي شوي كليتني بقشوري الحين بخليها تطلع بس عادي انا اكون عندها
فهد يقاطعها : بس خوله فاهمه وودري هـ اللقافه لاحقه
مها : اووف انزين لا تعصب احينه بخليها تطلع بااااااي
فهد وهو يضحك : بلاها هذي شكلها عصبت لا وصكت التلفون في ويهي بعد.. والله هـ البنت حفله يا بخت اللي بياخذها
فاطمه بابتسامه : هاه مهوووي بلاه فهد اشو يبا
مها : يبا خوله يقول اونه بينهم كلمة رراس يترياج في الحوش
خوله بابتسامه : انزين مهوي انتي بلاج معصبه يمكن يبا يشور علي فشغله هدي نفسج من رخصتكم احينه
مها وهي تتنهد : ليش يعني يبا خوله ليش ما يباني انا ولا .. لانها بتعرس خلاص
خوله وقفت عند الباب وشمت ريحة خالد : ياربي هذي ريحة خالد معقوله فهد وخالد متفقين على هالحركه
قاطعها فهد : امممم بلاه الحلو يالس يتحرطم
خوله بخوف : بسم الله فهود من وين طلعت انته
فهد بابتسامه : من وين يعني بطلع من بيتنا.. المهم خالد مضاايج يبا يشوفج وانا قتله ما فيه بس عقب كسر خاطري واحينه حبيت اسويله مفاجأه عسب ما ييلس يدعي علي بعدين
خوله بابتسامه : ريلي ما يسوي جذا ومستحيل يدعي عليك قلبه طيب.. ما دام انا واقفه جدامك لازم تحترمه
فهد يقاطعها : تزوجوا بالاول وعقب خليه يستوي ريلج احينه ما بينكم شي يالله تعالي بوديج عنده
خوله بخجل : هو وينه الحين
فهد : يالس عند المريحانه ودي اعرف السر وراء هـ الشي متعلق بالمريحانه بشكل فظيع ما وده يفارقها
خوله بابتسامه : اممم هذا سر نخبرك فيه بعدين يا الله خلنا نروح الحينه اخاف نتأخر عليه
خالد وهو يتنهد : وينه فهد بلاه تاخر جذا .. على اساس مضايج ويبا يشم هوااء
فهد بابتسامه : بلاه الحلو زعلان
خالد وهو معصب : انته وينك مو على اساس مضايج وتبا تشم هواء صارلي ساعه وانا انتظرك
فهد : انزين بلاك معصب جذا .. كله عشان ما بتشوف خوله .. ولا تبالغ كلها خمس دقايق
خالد وهو يتنهد : والله خاطري اشوفها .. اذا ما شفتها بتخبل .. بس يالله لازم اصبر ونزل راسه الارض وقعد سرحان ويفكر ..وصد صوب فهد وبضيج قاله اسبوعين وايد صح ؟؟؟ انا شو بيصبرني لحد ذاك اليوم .. اوف قهر
فهد وهو ميت ضحك : صراحه من جهة وايد وايد
خالد وهو منقهر : وبلاك مستانس جذا ويالس تضحك من خاطر
فهد : خالد تقدم خطوتين وعقب سير يمين وبتفهم اللي انا اقصده
خالد بضيج : الله يخليك فهود مب وقت مصخرتك احينه ..
فهد بابتسامه : انته طعيني والله ما بتندم
خوله وهي تضحك : يحليلك خالد ما كنت ادري انك تحبني هـ الكثر
خالد وهو يالس يمشي : بطيعك بس يا ويلك .............؟؟؟؟؟؟!!!! واول ما شاف خوله سكت
فهد : هاه بلاك سكت كمل شو كنت تبا تسوي فيني
خالد وهو يتقرب من خوله : خوالي معقوله .. والله مب مصدق اني شفتج تحريت ما بشوفج الا حزة الملكه
خوله بخجل : انزين اصبر كلها اسبوعين وبتشوفني كل يوم
خالد : وانتي تتحرين اسبوعين شوي .. انا اليوم عندي بسنه فكيف بقدر اصبر اسبوعين
خوله بخجل : ملزومين نصبر .. والايام بتمر بسرعه .. والله يجمعنا على خير
خالد : خوله تدرين اني احبج .. ومشتاق للحظة اللي بكون فيها معاج بروحي .. بس انا وانتي
خوله ولون ويها صار احمر : ...............................
خالد : فديت اللي يستحي خوله تحبيني

خوله بخجل وبصوت واطئ : احبك واموت عليك ..
خالد وهو مستانس : الله يخليج ابا اسمعها مره ثانيه
خوله تقاطعه : خالد بس عاد يالله ما اقدر اتاخر بروح
خالد وهو يمسكها من ايدها : على كيفج تروحين انا ما صدقت على الله انج معاي واحينه تبي تودريني
خوله تقاطعه : ما عليه خالد بس الوقت متأخر واكيد ابوك احينه يبا يروح صارت الساعه 10
خالد : فديت اللي يفكر انا .. خلاص عمري اللي يريحج .. بس بشتاقلج وايد
خوله : انا بعد بشتاقلك
خالد وهو يمسكلها يدها وشاف ورده قطفها وقعد يشمها وعقب حط الوده فصدره ويوم خلص حطها فيد خوله : خوله هذي حقج وفيها ريحتي .. اباج تتذكرين اني معاج وبتم دوم وياج
خوله وهي تحصن الورده : مشكوور حبيبي ما تقصر .. وانا عارفه انك معاي لانك ساكن فقلبي وقلبي بيتم معاي لحد ما اموت وساعتها انته تاخذ قلبي وانا يكفيني حبك وانا فاحضان قبري
خالد بتوتر : خوله اشو سالفتج مع الموت .. يومي قبل يومج .. لا تقولين جذا حبيبتي مابا اسمع هالرمسه مره ثانيه
خوله بابتسامه : خالد انا ما قلت جذا عسب تتضايج .. والموت حق .. والواحد ما يعرف جم باقيله .. وانا قصدت من هالموضوع انك تعرف حتى لو مت بتظل حبي الوحيد وبيتم حبك رفيقي حتى في ظلمة قبري
خالد وهو يتنهد : الله لا يوريني فيج يوم .. انا من غيرج ما بقدر اعيش .. الله لا يحرمني منج غناتي احبج
خوله بخجل ومنزله راسها : انا بعد احبك يالله الوقت تاخر خلنا نروح لازم ترقد بدري باجر وراك دوام
فهد وهو يراقب من بعيد وطاحت دمعه من عينه : اه يا ساره ليتني اشوفج واقدر اصارحج بحبي لج .. واكون انا من نصيبج مش واحد ثاني .. بس شو اسوي مكتوب علي انكوي بنار حبج..آلله يصبرني بس .. ويعدي هالليالي على خير
~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~~ ~ ~ ~ ~ ~ ~ ~~ ~ ~ ~ ~ ~ ~ ~ ~ ~
فـــي صبــآح آليوم آلتالي الساعه 8 الصبح وتحديدا في المستشفى ..
غاده وهي تتنهد : اوف واخيرا خلصنا .. وكل الاغراض صارت جاهزه
الدكتور بابتسامه : صباح الخير اخت غاده .. امم الظاهر انكم جاهزين ومرتبين اموركم خلااااص
غاده : تعرف دكتور ما باقي الا جم ساعه ونسافر فقلت اجهز الاغراض من الحين عسب ما انسى شي
الدكتور : على خير ان شاء الله تروحوا وترجعوا بالسلامه وصد صوب عادل .. ما اوصيك عادل لا تتعب اختك .. وتفائل وتابع العلاج اول باول ولا تيأس وان شاء الله تفرحنا برجعتك سالم
غاده بخجل : دكتور مشكور بصراحه جمايلك على راسي من فوق ونحن ما راح ننسى هالشي
الدكتور : اول ما ترجعين من السفر بخليج تتشكري الشخص اللي يستاهل انج تشكريه
غاده باستغراب ": دكتوور اشو قصدك ما فهمت عليك .. يعني فيه احد غيرك وراء هالموضوع
الدكتور : اممم ما اقدر اقولج شي بس اول ما ترجعون من السفر بتعرفين كل شي
غاده : خلاص نصبر ونشوووف
الدكتور : يالله من رخصتكم الحين عندي شغل
غاده بابتسامه : تفضل دكتور اذنك معاااك
عادل بصوت واطئ : غاده تعالي ابا اقولج شي
غاده بابتسامه : هاه حبيبي اششو فخاطرك وليش تتكلم بشويش
عادل بابتسامه : غادوه احس هالدكتور وايد متعلق فيج والظاهر انه بيخطبج ..
غاده وهي تضحك : هههه الله يخليك لا تقولها شكله اكبر مني بوايد .. وبعدين انا مستحيل اتزوج واخليكم
عادل وهو يحضنها : الله لا يحرمنا منج غاده .. انتي وايد طيبه
غاده وهي تبوسه : لاجل عين تكرم مدينه .. وانا مستحيل ابني سعادتي على تعاستكم تذكر هالشي اوك .. فديتك والله
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
فـــــي شركة بو مشعــــــل
هنادي كانت يالسه تتكلم في التلفون : تصدقين والله حدي مشتاقتلج من متى انتي هنيه
...........: والله من يومين بس تعرفين ابويه ما مخلني في حالي من مكان لمكان دوخ راسي
هنادي : سبحان الله ناس فنعمه ومب حاسين بهالشي .. ويالسين يتحلطمون
.... بحزن : اي نعمه هنود والله اني عايشه فهم وحزن
هنادي وهي تتنهد : تصدقين منوله خاطري اشوفج واسولف معاااج حدي مشتاقتلج
منال بضحكة سخريه : بشرط ما تقوليلي انج تبين حبة مخدر زين
هنادي : لا الله يخليج خلينا بعيد عن المخدرات انا ما صدقت اني اتعاالج تبيني ارجع لهالطريج مره ثانيه
منال بابتسامه : بس علاجج كان وايد صعب وكلفني وايد ..
هناادي : الله يسامح اللي جان السبب منوله انتي ليش ساعدتيني
منال بضيج : شوفي يقولوا محد يحس بالالم الا اللي عاش فيه .. وانا بسبة هالمخدرات خسرت اغلى ما املك
هنادي : داريه فيج حبيبتي انتي كنتي ربيعتي وكنتي وايد طيبه بس ما ادري ليش تغيريتي وصرتي مسترجله ..
منال وهي تضحك بصوت عالي : مسترجله كثري منها وايد عيبتني .. بس الظروف اللي انحطيت فيها خلتني اصير نفس ما تقولين ولو تميت هاديه وحساسه صدقيني الكل بيغلط علي وبيدوسون على مشاعري ولا بيهتمون
هنادي : داريه فيج منوله .. المهم طمنيني اشو صار فموضوعنا
منال : شوفي حبيبتي اول ما اتصلتي فيني وخبرتيني اشو سوا فيج هالخايس مشعل قلت لازم اخليه يدفع الثمن ومحد يعرف دواء مشعل غيري .. راح اعلمه كيف يتجراء ويغلط على بنات خلق الله
هنادي وهي تتنهد : انزين مسألة مشعل محلوله واللي في بطني اشو اسوي فيه
منال وهي تتنهد : شوفي حبيبتي خليه وخبري بو مشعل انه ولده وزوجج ينتظر هاللحظة من زمان ففرحيه وكل الامور بتنحل .. بس اهم شي لا تبلغيه باللي صار بينج وبين مشعل .. ونفس ما وصيتج انا لا اعرفج ولا انتي تعرفيني زين
هنادي بابتسامه : اه منوله محد غيرج فاهمني عسى الله يوفقج ويسهل عليج كل امورج

منال وهي تتنهد : ما ادري جم يوم باقيلي .. يمكن الليله تكون اخر ليله فحياااتي
هنادي بخوف : منوله الله يخليج لا تقولين جذا .. انتي مريضه فيج شي
منال بضيج: لا تشغلين بالج حبيبتي .. الاعمار بايد الله
هنادي بخوف : منال صارحيني اشو فيج ..انتي العام الماضي خبرتيني انه في فحوصات بس ما خبرتيني ليش سويتيها
منال بضحكة سخريه : ههههههههههههااي تصدقين صارلي ثلاث سنين اسوي هالفحوصات بس للاسف النتيجه سلبيه
هنادي بتوتر : اشو قصدج ونتيجة شو .. منال يمكن انتي اخطائج وايد بس اللي يالسه تسويه له اجر انتي يالسه تخلصين بنات من وحل الادمان وصدقيني الله بيشافيج ..
منال بتوتر : الله يخليج هنااادي صكري على هالموضوع .. انا يوم اساعدج واساعد غيرج بس لسبب واحد لاني ما ودي اشوفكم فيوم تعيشون اللي انا عشته لانه الادمان بيجركم لوحل الرذيله
هنادي بحيره : بس انتي يالسه تساعدين ابوج باللي يالس يسويه مع انج عارفه انه هذا حرام
منال : اذا ما ساعدت ابوي صدقيني انا الخسرانه خليني ساكته احسن هذا ابو بالله عليج اتفوووو عليه بس دواه عندي
هنادي بتوتر : المهم انتي لو تبعدين عن هالطريج يكون احسن واكيد الله بيساعدج وبتتخلصين من هالمرض
منال : ما عليه هنادي خلينا من مرضي الحين كل اللي يهمنا الحين مشعل وبس .. وانا انتظر اقرب فرصه وبنتقملج
هنادي : الله يخليج لي منوووله وعسى الله يشافيج .. خاطري اشوف هالخايس يصيح بدل دموعه دم واتشمت عليه
منال : اهم شي تكوني هاديه وطبيعيه .. واذا شفتي مشعل خليج قويه وحسسيه بانج مب خايفه عسب هو يخاف
هنادي : ان شاء الله حبيبتي .. بسوي اللي تامريني عليه .. اهم شي انتقم واطفي النار اللي بصدري
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~~ ~
في حزة المغرب غاده كانت يالسه تسلم على امها ونوف لانهم بيسافرون خلاص
نوف وهي تحضن اختها وتصيح : غاده والله بشتاقلج .. ما تخيل البيت من غيرج
غاده وهي تبوسها على راسها : نوف حبيبتي حتى انا بشتاقلج بس ان شاء الله ما نطول شهر بالكثير وعسى يكون اقل
نوف بحزن : وانا شو يصبرني شهر هاه علميني
غاده : بتلتهين بامتحاناتج وجهي افكارج لدروسج وبس .. انتي لازم تنجحين وترفعين راسنا
نوف : ان شاء الله حبيبتي اوعدج اني اكون قد هالحمل
ام غاده وهي تبوس عادل : عدول حبيبي اسمع كلام اختك ولا تعذبها زين
عادل : ان شاء الله امايه بس انتي دعيلي .. المدرس جان يقولي دعوات الام مستجابه ..
ام غاده ودمعه ارتسمت على خدها : ان شاء الله بدعيلك واكيد اني ما بقصر بس اهم شي انته بعد تشد حيلك شوي
عادل وهو يمسح دمعتها : امايه عشان خاطري لا تصيحين كافي الدموع اللي ذرفتيها قبل عشاني احينه لازم تدعيلي
ام غاده : الله يشافيك حبيبي وخلاص اوعدك عيني ما راح تدمع بس اوعدني تشد حيلك وترجعلي تمشي
عادل وهو يبوس راسها : ان شاء الله امايه .. انتي لا تشغلين بالج ولا تحاتين فكري في صحتج
غاده وهي تبوس راس امها : امايه ديروا بالكم على نفسكم .. ابا ارد واحصلكم بخير واكيد بتصل فيكم بين فتره وفتره
ام غاده وهي تحضنها : الله يردج سالمه غانمه حياتي لا تخافين علينا الله معانا واكيد بيحفظنا
غاده وهي تتنهد : الله كريم امايه صدق بشتاقلكم ديروا بالكم على نفسكم
الدكتور بابتسامه : غاده السيارة تنتظر برع ما باقي شي على الطياره
غاده : ان شاء الله دكتور احينه بنطلع .. بس اودع الاهل
الدكتور : اكيد بتشتاقيلهم وبيشتاقولج
غاده : شي اكيد دكتور ونفس ما وعدتني اول ما ارجع بيني وبينك حديث طوويل .. فخلك عند وعدك
الدكتور : وانا عند وعدي يالله من رخصتكم
نوف : غادوه خبريني اشو اللي بينج وبين الدكتور .. لا يكون عينه عليج
غاده وهي تتنهد : لا تشغلين بالج .. الشغله مالها خص فالزواج او الارتباط السالفه تخص سفرتنا
نوف : ليش يعني تبين تفهميني انه مسفرنكم على حسابه ولا يقصد شي ثاني .. ما فهمت شي
غاده بضيج : ولا انا فاهمه .. يوم ارجع بنفهم كل السالفه اهم شي الحين سلامة عادل .. الله يخليج نوف ديري بالج على امايه ولا تخليها محتاجه لشي ولا تنسين دواها عطيها اياه اول باول
نوف وهي تحضنها : لا تشغلين بالج بحطها في عيوني .. انتي بعد ديري بالج على عادل
غاده وهي تأشر على عيونها : من عيوني حبيبتي يالله خلينا نروح صوب برع الاسعاف تتريانا ما نبا نتاخر عليهم اكثر
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~~ ~ ~ ~
فــــــــــي بيت سعيــــــــــــــــــد
ام خليفه وهي يالسه تصيح : خليفه ليش يخلوك انته يعني ما في احد غيرك
خليفه بابتسامه : امايه انا بروحي طلبت هالشي .. ابا اغير جو وروحتي صوب لندن فرصه عسب اشم هواء
ام خليفه : بس اسبووعين والله وايد .. يعني ما يصير تشم هواء هنيه
عفاري : امايه الله يهداج يقولج سفرياته بتكون كلها صوب لندن ذهابا وإيابا يعني خليه يستانس مدامه هناك
بو خليفه : صادقه عفااري خلاص يالغاليه خليه يسافر وهذي مش اول مره وانتي متعوده على سفرياته
ام خليفه : والله لو جان متزوج وزوجته معاه كنت ما خفت عليه في بلاد الغرب بس هو راكب راسه
خليفه بابتسامه : اها امايه احينه فهمت اشو وراء هالدموع تبيني اعرس صح
ام خليفه : واشو فيها يعني لو عرست هذا اخوك سعيد اصغر عنك ومعزم يعرس خبرني اشو ناقصك
خليفه : امايه صدقيني لو تزوجت بطلقها .. انا مب فاضي حق نفسي فكيف بفضى حق حرمه وعيال شغلتي صعبه
ام خليفه : خبرني اشو الصعب فيها ترى الطياره شرات السياره ودومك طاير في الهواء ولا حاس باحد
خليفه :امايه خلاص اوعدج اول ما ارجع بنتناقش فموضوع الزواج وبخليج تروحين وتخطبيلي اهم شي تكوني راضيه
ام خليفه : هيه قص عليه بهالكم كلمه تتحراني بصدق بس ما عليه ارجع وبيستوي حكي ثاني معاك

سعيد وهو يصاصخه : الظاهر الغاليه ناويه عليك .. الله يكون فعونك .. الظاهر بنعرس رباعه
خليفه : فال الله ولا فالك .. اصلا انا شايل فكرة الزواج من راسي .. واذا ما سايرت امايه ما بتخليني اطلع من هالبيت
سعيد : اها يعني تسايرها والله لا افضحك .. امايه
خليفه وهو يسكته : سعوود خلاص خلا هاليوم يعدي على خير .. يالله امايه انا اترخص وايد تأخرت
ام خليفه : اشو صاير امبينكم .. خليفه اوول ما ترجع والله لا اخطبلك بنت عمك سلامه ويا ويلك وترفض
خليفه بضيج : بــ ..... ــــس آمـ .........ـآيه
عفراء تقاطعه ؟: قول ان شاء الله وعقب ما ترجع انا اخبرها انه سلامه مخطوبه بس سايرها الحين
ام خليفه : هاه خليفه اشو عندك معترض على كلامي ولا شو بالضبط فهمني
خليفه : لا امايه لا معترض ولا شياته .. سلامه بنوته حلوه وطيبه وتصلحلي كزوجه بس يوم ارجع بنتفاهم ع كل شي فلا تسوين شي من راسج وتروحين تخطبيها حقي زين ترى اغير رائي
ام خليفه وهي تزغرد:لا ان شاءالله ما بيصير الا اللي فخاطرك انته روح احينه ويوم ترجع بنتفاهم وبنتفق على كل شي
خليفه بابتسامه : مشكووره عفاري ما بنسى لج اللي تسويه حقي انا بلاج ما اسوى شي
عفراء بابتسامه : ادري بس اللي يهمني احينه كثرلي من الهدايا عسب اضبط امورك مع امايه
خليفه : ان شاء الله ما بقصر .. شمووه غناتي ما خبرتيني اشو فخاطرج
شما بدلع : بصراحه ابا لابتوب كمبيوتري تعبان ويشكل
عفراء : شموه انتي توج صغيره ولاحقه ع الاب وترى استعماله خطر .. خليفه ما انصحك تاخذلها واحد
شما بدلع : عفاري انتي بتساعديني وبتفهميني وعقب بقدر اتصرف فيه عشان خاطري خليفه خذلي واحد
عفراء : شموه حبيبتي خليج على كمبيوترج وبطلي دلع اخاف تندمين بعدين
خليفه بابتسامه : عفاري الله يهداج بلاج مكبره الموضوع خلينا ناخذلها واحد وانتي فهميها زينه من شينه
شما وهي طايره من الفرح : يااااااااااااااااااااااااااااي ونااااسه فديتك خلوفي الله لا يحرمني منك
عفراء : والله انا نصحتكم وانتوا عاد بكيفكم ومن جهتي ما بقصر بشرحلها كيف طريقة استخدامه ومخاوفي اتجاهه
سعيد وهو يطالع ساعته : خليفه يالله تأخرت وايد توكل على الله ترى طلبات الحريم ما يخلصن
خليفه وهو يطالع ساعته : هيه والله صدقك .. يالله اشوفكم على خير دعواتكم
الجميع : الله يوفقك ان شاءالله .. ويردك سالم غانم يارب

مــــن آحـــــدآثـ آللحــــظة آلســـــآدســـــة عشــــــرة ..






غاده وهي توقف جدامه وبعصبيه : خلاص يعني رفعنا صوتنا عليك صرت ما تبا تعطانا ويه .. المهم انا حبيت اعتذر ما توقعت انك ياي تطمن على اخويه عادل .. اسمحلي عن جد ما كان قصدي .. لا تحط فخاطرك
خليفه وهو مب مستوعب اللي قاعد يصير حواليه : ..........................................



مها اول ما سمعت اسم هلال وقفت :ساره ليش احس انه هلال ما يباني لعنبوه صارلنا اسبوعين من ردينا عليكم ولا رد علينا خبر..وبعدين اذا هو ما يباني وخطبني بس عشان موضوع الرساله خبريه اني مش محتاجه لشفقة من اي احد


بو حمود : لا يكون تبا تتزوج على فاطمه وتاخذ بنت عمك مريم
حمود بتوتر وهو منزل راسه : .................................
بو حمود بضيج : يعني نفس ما توقعت ..حمود انا مستحيل اوافق كيف تباني اسمحلك تبنا سعادتك على تعاسة زوجتك فاطمه


