مـــن آحـــــــدآث آللحــــــــــظـه آلثـــــآمنهـ

:

:


هلال : وحده من بنات عمي .. بس منوه بالضبط اعفيني ما اقدر اخبرج ..
ساره تقاطعه : لا حبيبي ما يحتاي تخبرني بشي .. مدام انها وحده من بنات عمي فاكيد بتكون خوله

.~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~


فاطمه بضيج : ورد !! اوكي سناتا هاتيها انا بعطيها حمود
سناتا : اوكي ماما خذي هذا كرت مال بوكيت..
فاطمه بطلت الكرت ويلست تقراء اللي انكتب فيه: ليس الحب ان تبقى دائما بجانب من تحب ولكن الحب ان تبقى في قلب من تحب .. حمود حياتي اشتقتلك .. للحين مب مصدقه انه البارحه كنا ويا بعض .. بس الايام يايه وان شاء الله انتم مع بعض على طول غصبا عن الحساد ومكتوب بين قوسين ( فـــآطمه ) تحياتي : اسيرة هواك ’m


~ ~ ~ ~ ~ ~ ~ ~ ~ ~~ ~ ~ ~ ~~ ~ ~ ~ ~~ ~ ~~ ~ ~ ~ ~
بو خالد : كيف ما اعرف ياوليدي وانا كنت هناك خوله يابوك دريولهم اعتدي عليها ولانه خاف تخبر عليه تم يهددها ورش لها ماده في عيونها بالغلط وصار اللي صار
خالد وهو يصيح : مستحيييييييييييل ما اصدق ما اصدق
بو خالد : خالد هدي نفسك شوي .. لا تقولي عقب اللي سمعتها بتكنسل كل اللي ناوي عليه .. ترى محد بيلومك

آللحــــظة آلـــــثامنه


ساره : سعود انا من الصبح شو يالسه اقولك .. تتحرى اني يالسه اقص عليك
سعيد : لا حبيبتي انا ما قصدت جي .. لكن من فرحتي مب قادر اصدق اللي قلتيه من شوي
ساره بابتسامه : سعيد الصراحه انا شفت انه ماله داعي نأجل الموضوع اكثر .. عسب كذا تقدر تتقدملي في اي وقت
سعيد : سارونه يعني عقب ايام بقدر اطلع معاج وباخذ راحتي بدون ما اخاف ولا احس اني يالس اخون هلال
ساره بابتسامه : ايام بس لا يمكن الموضوع يطول شوي؟؟!!! وبعدين سعود اثقل ترى عقب بتكبر عليك
سعيد : لايق عليج الغاليه انتي لو تبين روحي انا حاظر كل شي يرخص كرمال عيونج الحلوه
ساره : خلاص سعودي .. بس قبل ما تتقدم ياريت تعطاني خبر عسب اخذ احتياطاتي
سعيد : اونج عاد .. اشو ناوي عليه الحلو
ساره وهي تدلع : ماشي .. بس ابا اتكشخ عشان اصير حلوه .. وعقبها ما تفكر اطالع غيري
سعيد : ههه اتحرى بتقولين جمله مفيده
ساره وهي اونها معصبه وبدون ما تحس ارتفع صوتها : سعيد لو سمحت احترم نفسك
مريم دشت غرفة ساره بدون ما تستأءذن : ساروه بلاج حبيبتي تصارخين صوتج واصل للفريج الثاني
ساره بتوتر : عفاري حياتي اكلمج عقب
سعيد : انزين بصكر بس بشرط تعطيني بوسه
ساره بعصبيه : عفاري قتلج ما وقته باجر بشوفج وبنتفاهم
سعيد وهو يبا يلعب باعصاب ساره :قتلج ما بصكر اول بوسه وعقب بفكر اصكر او لا
ساره وهي معصبه من أسلوب سعيد وبصوت عالي : خلاص لا تبندين انا ببند يالله باي
سعيد بتوتر : ساره حبيبتي زعلتي ترى يالس اسوي سوالف ما قصدي اضايجج
ساره بدون ما تنتبه:سعود قتلك بكلمك عقب ساره انتبهت وحاولت تدارك الموقف فصكرت التلفون وسوت نفسها عادي
مريم بابتسامه ممزوجة بخبث : ساروه منو سعيد هذا
ساره وهي تسوي نفسها عادي ولا مهتمه : اي سعيد ؟؟!! هذي عفاري طفرتبي من الصبح يالسه تتفلسف
مريم : بس انا سمعت سعيد ما سمعت عفاري .. يا الله خبريني إنتي احد فحياتج صح
ساره بتوتر:لا مريم انتي فاهمه السالفه غلط..عفاري هذي عندها اخو اسمه سعيد ويحب يتفلسف ودايما تقلده عسب جي انا قلت لها سعود و ارتاح من فلسفتها الزايده يوم اقولها سعود تعصب انتي خبريني غريبه يايه صوبنا شسالفه
مريم بعصبيه : اوف هذي غاده ادقلها من اسبوع وطول الوقت مطنشتني ولا معبرتني ما ادري شو استوى عليها .. الظاهر نست كل اللي سويتها حقها واحين تبا تخليني فنص المشوار ..
مريم باستغراب : اي مشوار .. مريم انتي شو ناويه عليه .. وبعدين لا تيلسي كل شوي اذكرين غاده بكل اللي سويتيه اكيد في النهايه بتمل منج وبتودرج ما ادري كيف مستحملتنج للحين .. واللي مر على غاده مب شوي .. كانت في بيت مثل القصر تأمر وتنهي على كيفها وفلحظة خسرت كل العز اللي كانت فيه واصعب شي وفاة ابوها ارحميها شوي
مريم بعصبيه : حتى ولو لازم اذكرها عسب ما تفكر انها تطعني في الظهر .. وتنفذ طلباتي غصب عنها مش برضاها
ساره باستغراب اكثر : حشا لهالدرجه .. مريم اعترفي انتي على شو راسمه ؟؟!! اكيد الموضوع يخص حمود
مريم بثقه : لا حبيبتي تطمني حمود صار ما يهمني ... وحطيها في بالج انا شلته من راسي خلاص
ساره : غريبه ومن متى صار هالكلام
مريم بابتسامة انتصار:بصراحه اخر مره شفت فيها حمود .. والموقف اللي سويته في بنته الصغيره خلاني افكر واقرر
ساره : اها وتبين تقنعيني انج بتودريه وبتفكري في شخص غيره
مريم تقاطعها : لا .. اودره هيه .. لكن افكر في غيره مستحيل
ساره بابتسامه : مريم انا عارفه انج راسمه على شي كبير .. ومتأكده انه رمستج هذي بتناقض افعالج !!؟؟ انا اختج واكثر وحده عارفه بشو تفكرين .. والله يستر من الياي ... وما خفي أعظم
مريم بعصبيه : سمعي يا ساره حمود صار ما يهمني .. وتأكدي وحطيها في بالج .. حمود بروحه بي يخطبني بدون ما انا اطلب منه هالشي تدرين ليش ؟؟!!! لأنه يحبني وبيي يوم وبذكرج عن اذنج
ساره وهي تتنهد : الله يهديج مريم انتي صرتي مريضه وحمود هو دواج .. والله يستر من الياي .. والله يكون فعون فاطمه الظاهر انه مريم ما بتسكت وبتم وراء حمود لحد ما تنفذ اللي براسها ها اختي وطول عمرها قويه ..
~ ~ ~ ~ ~ ~ ~~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــــــــت بو حمود
مها بضيج وهي اطالع فاطمه : ما رضت تنزل تاكل
فاطمه : مهووي من متى انتي وخوالي تخبون علي .. أحس فيه سر كبير هو اللي وصل خوله لهـآلحاله..
مها بتوتر :والله شو أقولج فطوم ؟؟َ!! لو اخبرج باللي صار أكيد ما بتصدقين .. كل شي صار فلحظة وتلاشى فلحظة
في حجـــــــــــــــرة فهــــــــــــد
قهد وهو ميت ضحك : نصور حرام عليك بسك ارحم حالك وارحم هالفقيره اللي مستحملتنك للحين
ناصر : اووووووف والله طفشت هاي مش بشكاره .. مجمعه كل غباء العالم فراسها
فهد : انزين استحملها توها يديده ... وعقب خالوه ما بتقصر بتعلمها الاكلات الزينه
ناصر : اخاف اموت قبل ما تتعلم !!! يعني انت لو تاخذها بالعقل كيف شاي تسويله ملح
فهد : هههههههههههااي يحليلك نصووور .. الظاهر تبا تقتلك عسب تريح بنات الاوادم منك ومن شرك
ناصر : لا الله يخليك لا تفاول علي .. بعدين منو بيضحك هدى ومنو بيغني لسهى ومنو بيرمس ندى
فهد وهو ميت ضحك : سهى .. وندى حشا فاتح كابريه انت .. من وين يبتهم هاذولا .. لا يكون بشكاراتكم
ناصر : اتخسي الا انت عاد شسوي انا حليو ورزه ..واي بنت اطالع عيوني تروح فشربة ميه ع قولة اخوانا المصريين
فهد :يا شيخ .. لا تصدق روحك ..و تأكد انه اي بنت تصد صوبك ما عندها سالفه ووحده فاضيه وما عرفت تختار عدل
ناصر بعصبيه : حووووووووووووووووووه انتي الخبله لا بارك الله فيج
فهد : حشا بلاك يالس تدعي علي
ناصر : لا فهود مش انت .. أدعي على هـ البشكارة طلبت منها قلاص ماي .. وطيحته فوقي .. تبا تجتلني هذي
فهد : هههههههههههههههااي والله يا نصور لو اخبر الربع عن الحرب اللي انت عايش فيها احين!! اتوقع انه الكل بيودر اشغاله وبيي على طوول عندك .. صراحه فلم كوميدي وع الجاهز لا وببلاش بدون ما تقص اي تذكرة
ناصر بعصبيه : فهودوه ما وقتك احينه خلني اتفاهم مع هالخبله وبدقلك عقب
فهد وهو متقطع من الضحك : ههههه دعواتي لك بتمام العافيه طمنا عليك عاد
ناصر : خلني اشوفك بس اراويك تطنز علي يالله باي .. وصك التلفون فــ ويهه
فهد :هههههااي حشا بند فويهي .. صج انه ما يستحي .. يحليله ما ينلام عنده حرب بنطوفها حقه هالمره .. اسير اتريق احسن يوعاااان من خاااطر .. الحمدلله الله عطانا بشكارات عاقلات وكل وحده احسن من الثانية
مها وهي تتنهد وبحزن: وهذا كل اللي صار عسب جي خوله مضايجه ومتكدره
فاطمه وهي اداري دمعتها : يا قلبي فديتها ما تنلام .. صعب انج تحبي شخص وعقب تنصدمي فيه بالسرعه هذي
مها باستغراب : فطامي انتي علاقتج ويا حمود الاحظ هالاسبوع صارت متوتره .. اشو مستوي عسى ما شر
فاطمه وهي تغير الموضوع : خلينا فموضوع خوله الحين .. شوفي انتي بديتي هالشي وانتي لازم تنهيه
مها وهي مستغربه: إنزين شو تبيني اسوي وانا جاهزة
فاطمه وهي تفكر شوي وعقبها كملت كلامها : انتي اللي وصلتي لــ خآلد وخبرتيه عن حالة خوله وآنتي ......!!؟؟؟
مها وهي تقاطعها وبخوف : يعني قصدج اني اخذ رقم خالد من تلفون فهد .. لا ما اقدر اخافه يشك فـ شي
فاطمه : لازم تسوي جذا يمكن تفهمي منه اشو اللي صاير وشو نواياه اتجاه خوله واذا فعلا يباها خليه يتقدم لها ويريحها من هالعذاب اللي عايشه فيه .. وبعدين ماله داعي الخوف تحججي بأي شي مثلا قوليله ابا اخذ نغمة
مها وهي اتصاصخ فاطمه : مو مشكله انا بتصرف بطريقتي .. صكري ع الموضوع احينه فهد ياي صوبنا

فهد بابتسامه : صبحكم الله بالخير
فاطمه : صبحك الله بالنور فهد اقرب ... حياك ترى الريوق اليوم ما يتفوت
فهد وهو يطالع مها : وبلاها الحلوه زعلانه وماده بوزها شبرين
مها بدون نفس : اسأل روحك من اسبوع وانا احاول معاك ترسلي نغمه وانته مب راضي من زين تلفونك عاد
فهد بابتسامه : طالع هذي اتحرى عندها شي .. صدق ما عندج سالفه
مها وهي اونها معصبه : ما عليه فهود بتبا مني شي بس انا اراويك يوم لك ويوم عليك
فاطمه : فهد حرام عليك اجبر بخاطرها وعطها التلفون بتاخذ النغمه جدامك وعلى ضمانتي تلفونك ما بيصير له شي
فهد وهو يطالع مها : عشان خاطر ام مايد بعطيج .. ما اقدر اردلها طلب
فاطمه : فيك الخير هذا من طيب اصلك وساسك
مها : اوف يعني لازم اذلني خلاص مابا هونت
فهد : على راحتج انتي الخسرانه
مها وهي تروح صوبه : فهود انا اسفه بس الله يخليك عطني النغمه صارلي شهر ادورها
فهد وهو يطالعها بنص عين : بوسي راسي وعقب بعطيج
مها وهي تبوس راسه : يالله عطني عاد ذليت عاري .. لازم يعني قبل ما ناخذ الشي إنذل نفسنا عشانه
فهد وهو يطالعها بنص عين : اذا ما تبين عادي
مها وهي تاخذ التلفون : اشو تتحرى انك بتقص عليه عقب ما حبيت راسك تبا تغير رايك .. لا يا بابا مش علي انا
فاطمه وهي اطالعها وتغمزلها بعينها : مها خلاص تراج خذيتي التلفون ارسلي النغمه ورجعيله التلفون
مها بدون نفس : ان شاء الله ......... سجلت رقم خالد فتلفونها .. وعقب ورسلت النغمة اللي كانت تباها
فهد وهو يبا يرفع ضغط مها : هاه خلصتي انسه سيلانيه
مها بعصبيه : ياربي منك فهوووود انته بتجتلني ناقصه عمر .. هاك يود مابا شي خلاص وسارت صوب حجرتها
فاطمه : فهد الله يهداك خف عليها شوي .. اخاف تتخبل والسبه انت
فهد : لا تحاتين مها دلوعه .. وعاد انا ادلعها بطريقتي الخاصه
فاطمه : انزين عن اذنك احينه بسير اشوفها .. اخاف تكون خذت فــ خاطرها
فهد : اللي يريحج ام مايد الا وين امايه
فاطمه وهي تأشرله على المطبخ : في المطبخ
فهد بابتسامة : عيل بسير اخرب عليها شغلها .. وانتي سيري شوفي دلوعة الماما ( مس سيلانية )
فاطمة بابتسامة : انته ما تيوز عن سوالفك .. يالله من رخصتك
مها وهي تتريا فاطمه : وليه هذي بلاها تاخرت كل ها سوالف مع فهود الدوب .. ابو دم ثقيل
فاطمه وهي ميته ضحك : حشا بلاج تتحلطمين
مها : ولليييييييييييه فطامي وايد تأخرتي تحريتج رقدتي
فاطمه : وين رقدت هذي حزة ارقاد تعرفين فهود من يبداء يسولف ما يسكت.. هاه بشري دقيتي على خالد
مها بخوووووف : لاآآآآآآآآآآ انا اخاف دقي انتي
فاطمه بعصبيه : اونج عاد .. مهوي يالله آتصلي فكري بـ خولة وفــ حالتها وبتستوي قويه
مها : اووووف كله انا خلاص بدق امري لله

في بيـــــــت بو خــــآلد
روضه وهي اتصا رخ : حياه .. حياه .. وينج
حياه : هاه ماماه شو يريد
روضه : حياة الله يخليج ياريت لو تيبين بلوزتي
حياه : خلاص ماما انا الحين يجيب مافي مشكله
روضه بابتسامه : مشكووره .. بس ياريت لو ما تتاخرين ويبيها حقي فوق اوكي
حياه : اوكي ماما
خالد وهو مغطي عيون روضه : حزر فزر منو انا
روضه وهي طايره من الفرح : خلوووووووووووووووووووووووووووودي
خالد وهو يحضنها : اشتقتلج رواضي شحالج حبيبتي
روضه : اشتقتلك حشا لا اتصال لا سلام لا رسايل جني مب اختك
خالد بابتسامه : اه رواضي لو تعرفين اشو استوى علي اطلع من مصيبه واطيح فمصيبه اشو درانيي انا فعالم التجاره
روضه وهي اونها معصبه : لعنبوك انزين لو طمنتنا عليك .. حتى سافرت وما خبرتني
خالد بضيج : اذا انتي حالتج جذا عيل خوالي كيف بتكون حالتها
روضه: يا سلام وانا شو يخصني فخوله اللهم نفسي
خالد : افا خوالي من متى استويتي انانيه
روضه بعصبيه : خلوووووود انا روضه مش خوله لهالدرجه لاحسه مخك
خالد بابتسامه : انتي لو تكلمينها او تيسلين معها بتعرفين ليش انا حبيتها وتكفيني عفويتها
روضه : وانته ليش ما خبرتها ..
خالد بضيج : وابوج عطاني وقت .. كلمته يمكن 5 دقايق وعقب ما دريت الا وانا راكب الطياره
روضه : يا سلام .. بس تصدق ابويه جان وايد فرحان .. وخبرني انه ارتاح عقب الموقف اللي سويته .. تم يقولي انه الحين صار متأكد انه يقدر يعتمد عليك لو صارله شي – اسم الله عليه –
خالد بضيج : لما ابويه كلمني في الموضوع حسيت انه هالصفقه وايد تهمه وانها بتوصله لفوق .. عسب كذا ما قدرت اكسر كلمته .. فقررت اكسر قلبي .. ولا اكسر كلمة ابويه .. افضاله وايد علينا
روضه وهي منزله راسها : انزين انا سويت شي بدون ما اقصد وانته عاد لا تعصب عليه .. بس والله ما جان قصدي
خالد بخوف : رواضي اشو صار خوفتيني
روضه وهي ترفع حياتها : طريت اسم خوله جدام ابويه واصر يعرف منو هذي واشو يخصها فيك .. بس والله خلود ما قتله شي هو حاول معاي .. بس انا ما فضحتك والله
خالد : وفرحانه ما شاء الله .. ياربي الحين كيف بتصرف ابويه اذا عرف انها عميا من سابع المستحيلات انه يوافق
روضه : خالد انته لازم تواجه قدرك .. وابويه مصيره يعرف اليوم باجر بيعرف يعني بيعرف
خالد : رواضي تاخرتي على مدرستج وراج امتحان شدي حيلج وتفلسفي على ورقة الاختبار مش عليه انا
روضه اونها معصبه : اراويك خلود .. بتبا مني شي بس والله حامض على بوزك
خالد وهو يصد عنها : هذا يوم افكر اطلب منج شي ياحلو
روضه بقهر : يعني شو افهم من رمستك
خالد شاف تلفونه يرن واشر لروضه : بعدين نتفاهم عندي مكالمه
روضه : ما عليه خلود لو ما فضحتك عند باباتي ما اكون روضه تتحراني طيبه وتقص عليه بجمن كلمه بس الايام بينا
خالد ابتسملها وطرشلها بوسه في الهواء: السلام عليكم
مها بعصبيه : اهلين استاذ خالد
خالد وهو ما عارف الصوت : امري اختيه بغيتي شي
مها وهي تصاصخ فاطمه : اوف منه يا مبرد اعصابه .. تصدقين خاطري اقطعه قطعه قطعه .. واحد سخيف
خالد وهو عاقد حواجبة : عفوا اشو قلتي
مها بتوتر : وليه فطوووم سمعني وانا احش فيه
فاطمه وهي تضربها ع كتفها : بسج هذره دشي في الموضوع على طول خليج جاده شوي
خالد : اقووول يوم تخلصي سوالف دقي وفهميني اشو تبين مني .. انا تعبان وابا اريح راسي
مها وهي ضغطها مرتفع : اها خلاص عيل خلنا في الجد.. حاظرين يطولي بعمرك
خالد يقاطعها : اسمعج وياريت تختصري لأني انسان مب فاضي حق مواضيع تافهه
مها وهي معصبه : تافهه !!!؟؟ شوف خالد خوله مش لعبه عندك عسب تتلاعب فيها على كيفك .. يوم انت ما قد وعودك ليش توعدها انك بتكون قربها في اي وقت تحتاجلك فيه وهذا انت ما كملت اسبوع على بعضه وخليتها
خالد قاطعها بعد ما عرف انه صوت مها : انتي ما فاهمه شي .. خليني ابررلج موقفي
مها تقاطعه : لا خالد انا فاهمه كل شي وحركاتك هذي ماره علي وايد .. فياريت لو تنسى كل اللي بينك وبين خوله وتعيش حياتك وتخلها هي بعد تعيش حياتها .. ولا تهددني انك بتفضحني عند فهد تراني ما خايفه من شي تفهم

خالد بعصبيه : مها قتلج انتي فاهمه غلط .. ع الاقل خليني ابرر موقفي .. من الصبح يالسه تغلطين عليه وانا ساكت ..
مها وهي تتنهد : يالله اشوف عطني سبب مقنع يخليك ما ادقلها .. ولا اطمنها عليك .. وتجرحها بهالشكل
فاطمه انتبهت انه خوله كانت واقفه وراهم وسمعت كل شي وركضت صوبها
فاطمه بخووووف : خوالي من متى انتي هنيه
مها وهي ما قادره توقف على ريولها يوم صدت وحصلت خوله واقفه عند الباب: خوااااااااالي ؟؟!!!!!!!!
خالد يقاطع مها : مها الله يخليج خليني اكلمها واشرح لها ظروفي .. والله كل اللي صار غصبا علي .. ساعديني دخيلج
خوله وادموعها اربع اربع : مها اذا تلفونج شغال ياليت تصكريه ..
مها بتوتر : بس هو يبا يكلمج ويفهمج اشو اللي صار
خالد : مها حطي السماعه فاذنها وانا بفهمها كل شي
مها بضيج وهي اطالع خوله : ان شاء الله
مها : خوالي يقول يبا يكلمج
خوله بعصبيه : انا مابا اكلمه ولا خاطري اسمع صوته .. واذا مشاعره اتجاهي شفقه فقوليله مب محتاجه شفقه من اي حد لي الله .. وهو اللي عالم بحالتي .. ومثل ما خلاني احبه راح يشغلني عنه وانساه
خالد بضيج : مها قتلج حطي السماعه فاذونها غصب عنها مش بكيفها .. انا من حقي ادافع عن نفسي عطوني فرصه
فاطمه وهي تهدي فخوله : خوالي حبيبتي كلميه وخليه يفهمج شو اللي صار.. يمكن صارله شي فما قدر يطمنج عليه
خوله وهي منهاره: مابا اكلمه ابا انساه .. خالد خلاص ما صار يعنيلي اي شي .. فصكري التلفون دخيلج
فاطمه : انزين حبيبتي ولو اسمعي شو عنده .. وعقب سوي اللي يريحج
مها تقاطعها : كلام فطامي صح شوفيه اشو عنده .. وعقب قرري
خالد : هاه مها اقتنعت
مها : هيه اقتنعت بس ان شاء الله اسبابك تقدر تقنعها .. وتلين راسها.. خوالي كلمي خالد
خوله :..............................
خالد بدا يشل لها شله وتقول :
منساك دامني في قضا ربي
"آمنت"..
حتى لو عنك الظروف أبعدتني..
العفو كاني في حقوقك
"تهاونت"..
أرجوك لاتشك في حسن ظني..
يفـــــــــــــــــــــــــــــداك
قلب من صميمه تمكنت..
وعيوني اللي من غلاتك اسهرتني
خوله : ..........................
خالد وهو يشللها شله ثانيه :
تدري بعد ماغبت وش كنت اسوي
كنت وخيالك مثل جفن على عين
كنت انتظر والوقت كنه عدوي
لا طال ، ، ، زاد الشوق فيني بضعتين
حتى قبل ملقاك والحين توه
سافرت افكربك ولا ادري على وين ، ،..
خوله بندت التلفون في ويهه بدون ما تخليه يشرح لها اللي صار
خوله بعصبيه : مها الله يخليج كثر ما دقيتي لخالد لا ادقيله انا قررت امحيه من حياتي فلا تعبين روحج ع الفاضي
فاطمه بضيج : خوالي حياتي ترى الكلام اسهل بوايد من التطبيق ويمكن الريال يحبج وشااريج
مها : خوالي هو اشو قالج بالضبط
خوله بدون نفس : واشو بيقول يعني بس يالس يتغزل وخلاص .. هو عنده شغله غير يضحك علي بلسانه الحلو
مها بضيج : بس انا حسيت انه صادق .. وفيه سبب وراء كل اللي قاعد يصير
فاطمه وهي تأشر لمها انها تسكت : خوالي فديتج اذا انتي مقتنعه بالقرار اللي اتخذتيه خلاص توكلي على الله
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
روضه كانت سايره المدرسه ولمحت خالد مضايج وسارت صوبه : خلود حبيبي اشو بلاك ليش مضايج
خالد بضيج : الله يخليج رواضي خليني في حالي .. اللي فيني مكفيني
روضه : كلمت خوله صح
خالد وهو يطالعها : كلمتها بس صكرت التلفون في ويهي .. هي تعتقد اني انا غدرت فيها .. ما ادري شو اسوي يا روضه لاول مره احس اني عاجز
روضه بابتسامه : خلود حبيبي احسن شي تكلم ابويه وتفاتحه بموضوع خوله وتسير تتخطبها رسمي ما في حل افظل عن كذا .. وانته عاد بكيفك .. يالله انا تأخرت ورايه امتحان .. وهذي بوسه على خشمك آموووواح
خالد بابستامه : يحليلج رواضي الله يعطيج على قد نيتج .. وبعدين كلامها صح ليش ما اكلم ابويه فموضوع خوله .. ليش ما اتخلص من الخوف اللي زرعته بداخلي انه يمكن ابويه يرفضها .. انا اذا ما اتصرفت احينه صدق بخسرها
~ ~ ~ ~ ~ ~ ~ ~ ~ ~ ~~ ~ ~ ~
ميثا : صباح الخير مشعل
مشعل بدون نفس : صباح النور
ميثا : حشا ليش ماد بوزك شبرين من صباح الله تونا ناشيين الله يعدي هالليوم على خير
مشعل : ميثوه انتي ما قلتيلي بتعزمين روضه بالاربعاء تي عندنا .. ليش ما يات
ميثا : ههههااي يحليلك مشعل .. شو انسوي صارت ظروف بعدين لا تنسى امتحاناتها اليوم بدت وكلها كمن اسبوع وبتخلص وعقبها بتشوفها كل يوم طابه عندي .. وبتمل من كثر ما بتشوفها
مشعل : بس انا مش مستحمل ابا اشوفها .. وكل ماذكر سالفة امي انها تبا تخطبها حقي اضايج
ميثا : وليش تضايج .. وين بتحصل وحده سنعه وطيبه شرات رواضي !!؟؟
مشعل : حبيبتي انا البنت بالنسبه لي مش حق زواج اتسلى فيها كمن يوم وعقب افرها
ميثا : مشعل حرام عليك .. لا تعلب فبنات الناس يمكن الله يسلط عليك احد يتلاعب بشرف بيتك
مشعل بعصبيه : ميثوه لا يكون تطلعين مع خالد من ورايه .. اعترفي كم مره شفتيه واشو صار امبينكم
ميثا : مشعل لو سمحت لا تيلس اتصارخ في ويهي .. ولو خالد قال انه يحبني وانه مستعد يحقق كل اللي انا احلم فيه تأكد اني بطلع معاه مش عشان العب .. بس لآني احبه ومستعده اعطيه روحي
مشعل : اه يالخايسه وتتجرأين وتعترفين جدامي انج بتطلعين معاه .. انا اراويج يالخايسه
ام مشعل بخوف : مشعل اشو يالس تسوى خوز عنها بتقتلها
ميثا وهي اتصيح : امايه الحقيني .. بيحتلني هالمجرم .. هذا مش انسان
مشعل وهو ماسك شعر ميثا : امايه لا تدخلين خليني اربيها .. بنتج هذي تطلع مع خالد وامثله علينا انه ما يحبها ولا معبرنها بس كل هذا سوته عسب يمشي الماي من تحت ريولنا ونحن مب حاسيين عليه .. لكن أنا بأدبها
ميثا : مشعل بطل شعري .. قتلك انا ما طلعت مع خالد .. ويعدين خالد متربي احسن تربيه وما بيتجرأء يطلب مني اني اسوي هالشي .. بس انت لانك تسوى سوايا في بنات الناس قمت اتشك فاقرب الناس لك .. اختك يامشعل اختك
ام مشعل : ميثا وضحي كلامج
ميثا وهي اتصارخ: اميه ولدج هذا مش انسان مش انسان .. وسارت تركض صوب حجرتها
ام مشعل : مشعل اللي قالته ميثا صح .. قول انها اتقص عليه تكلم
مشعل : وليييييييييييييه امايه انا طالع عن اذنج
ام مشعل : وا حسرتي على عيالي .. كله من دعاويج يا مهروه .. صاروا عيالي يتناقرون وكل واحد يطعن فشرف الثاني بس انا براويج .. صبرج علي يالخايسه .. بشوف اذا مطور بيتم شاريج طول عمره

الفــــــصل الثاني


بو مشعل بخوف : ام مشعل اشو مستوي
ام مشعل : مشعل ضرب ميثا .. يقول انها تطلع مع خالد من ورانا
بو مشعل بعصبيه : اشوووو تطلع مع خالد من ورانا .. ومشعل اشو دخله فاخته .. ليش يبا يدخل نفسه في كل شي .. ما دام انه راسي يشم الهواء ماله شغل فاخته وميثا هسواة ما تسويها .. هذي تربيتي .. ربيتها وكبرتها ع المبادئ
ام مشعل : بو مشعل الله يخليك انته هدي نفسك اشوي هذا كله من دعاوي مهروه الخايسه هي اللي تدعي علينا انه الله ما يوفقنا .. والله ينتقم منا عن طريق ميثا ومشعل .. وشوف شو اخرتها صرنا متشتتين
بو مشعل : لا ام مشعل مهره خلاص صارت شي من الماضي .. بس اللي مخوفني احينه ولدج مشعل ما ادري اشو تحت راسه .. وليش يبا يمسك الشركه .. اكيد فيه شي مشعل من رد من امريكا وهو تصرفاته غريبه
ام مشعل : بو مشعل لا تشك في مشعل وهو شاطر في التجاره عشان جي يبا يمسك الشركه
بو مشعل : بتشوفين انه تحت راسه شي .. ويا خبر اليوم بفلوس باجر بلاش وبذكرج عن اذنج
ام مشعل : يحفظك الله يالغالي .. احسن شي اسير صوب ميثا واشوفها اشو تحت راسها
ميثا بضيج : حسافه بس يا مشعل .. وصلت فيك لدرجة انك تشك فيني .. الله يسامحك
ام مشعل : ميثاني حياتي ليش اتصيحين
ميثا : امايه الله يخليج خليني في حالي .. ادري فيج ولدج مشعل فعيونج الملاك الطاهر .. اللي ما يقول كلمه الا وهو حاسب لها الف حساب ومتأكد من كلامه .. وانا لو بيلس افهم لباجر ما بتصدقيني
ام مشعل :" ميثاني بس تصدقين انا استانست لما عرفت انج تطلعين مع خالد ب.. بهالطريقه سهلتي علينا طريج طويل
ميثا بعصبيه : امايه الله يهداج انتي اشو يالسه تقولين .. من صدقج يالسه تتكلمين
ام مشعل : مشعل ما بيقول هالرمسه الا وهو متأكد منها .. انا واثقه فوليدي
ميثا : لا حول ولاقوة الا بالله امايه تطمني لا طلعت عند خالد ولا مع غيره .. واذا على موضوع ولدج ع فكره ترى يقول جي لانه ضيع شرف اكثر من بنت يعني ضميره مش مستحمل معاصيه ..
ام مشعل : لا مشعل مستحيل يسوي جذي وانتي تقولين هالرمسه بس عسب اتبررين موقفج
ميثا تاكدت انه ما بتوصل لحل مع امها فقررت انها تطنش
ام مشعل بعصبيه : ليش سكتي
ميثا : امايه الله يخليج خليني فحالي.. اذا انتي متأكده اني انا سويت هالشي مايحتاي تسأليني لانه الجواب عندج خلاص
في آلمستــــــــــــــــــــشفى
غاده بضيج وتردد في خاطرها وتمسح على راس عادل : سامحني يا عادل ما قدرت احميك .. هذا انت ضاع مستقبلك وجزء مهم من جسمك .. الله يكون في عونك ويسهلها عليك .. صعب على واحد في عمرك انه يتقبل هالشي بسهوله .. لكن اوعدك حبيبي اني بشتغل ليل مع نهار عسب اقدر اجمعلك مبلغ واسفرك ونزلت دمعه من عينها
عادل انتبه لغاده ومسح دمعتها : غاده ليش اتصيحين .. انتي مالج ذنب .. انا السبب في كل اللي استوى علي
غاده وهي تصطنع الابتسامه : عادل حبيبي ليش تقول جذا كلها كمن يوم وان شاء الله تصير احسن
عادل ودمعه ارتسمت على خده والخوف مسيطر عليه : غاده بس انا مش حاس في ريولي
غاده بضيج : هذا كله من تأثير المخدر .. احمد ربك انك طلعت من الحادث بخير
عادل وهو يصيح بحرقة ويشوف رجوله: انا كنت حاس انه شي بيصير بس ربيعي محمد اصر اني اركب معاه عند اخوه وفي النهايه اقتنعت وصار اللي صار .. وشوفي في النهايه خسرت اثنين من ربعي ورجولي فوقت واحد
غاده بتوتر : عدول حبيبي اشو يالس تقول .. انته ما خسرت شي قتلك هذا بس من تأثير المخدر
عادل ودمعه نازله على خده وبصوت مبحوح : لا غاده انا سمعتج البارحه وانتي يالسه اتكلمين الدكتور وسمعته يوم يقولج عشان يمشي لازم اتسفرونه وتعالجوه برع .. انا يمكن كنت مصكر عيوني بس لاني كنت خايف لكني سمعتكم
غاده وهي تبوس راسه : عادل اوعدك اني ما بتخلى عنك .. وبشتغل ليل مع نهار وبوفر لك المبلغ وبسفرك .. وبترجع تمشي على ريولك .. ازمه وبتعدي ان شاء الله
عادل بضيج : غاده سامحيني انا غلط عليج وايد .. ورفعت صوتي في ويهج .. لكن انتي طول الوقتي اتمين ساكته ولا تغلطين علي .. تخليني اسوي اللي يريحني لكن الله عاقبني لانج انتي ماعاقبتيني قالها وهو يصيح بحرقه
غاده ع طول راحت وحضنته: عدول حبيبي الله يخليك لا تقووول جذا..هذا مش عقاب هذا ابتلاء من ربك .. تدري ليش
عادل وهو منزل راسه والحزن يملي وجهه : ليش!!!!!!!!!؟؟؟؟؟
غاده بابتسامه : لانه الله يحبك .. وما هنت عليه يشوفك تمشى في الطريج الغلط .. فالحادث اللي صار لك سبب عشان ترجع اتحس وتعرف انه فيه ناس تحبك .. ومش تكرهك نفس ما كنت تعتقد ومتصور بالاول
عادل وهو يحضن غاده : غاده الله يخليج لا تخليني انا كنت طول عمري احبج .. بس انتي يوم تصرفين ع البيت حسستيني اني مش ريال تمنيت ساعتها لو احصل عمي وادفعه ثمن كل اللي سواه فينا
غاده : عادل حبيبي اللي صار صار والله ع الظالم .. انته لا شغل بالك الله بياخذ حقنا منه .. نحن بشر ومحاسبة الناس على افعالهم مش بيدينا بيدين الله وبس .. فلا تشغل بالك على افكار تافهه ... اكيد عمي مش مرتاح لانه عايش على فلوس حرام وكل مال يتامى .. اللي اباه منك احين تفكر فنفسك ومستقبلك بس .. وموضوع عمي خلاه للزمن
وعند باااااب الغرفه كان هناك شخص ويراقب الحوار الذي دار بين غاده وعادل
الدكتور بابتسامه : عفوا اخويه ليش واقف هنيه ليش ما تدخل اكيد انته من معارفهم
....: لا بس انا عرفت بالصدفه باللي صار .. وقلت اساعد باللي اقدر عليه
الدكتور : عفوا بعدني ما فهمت عليك
....: ممكن نتكلم فمكان ثاني .. وجودي فهالمكان مش مريحني
الدكتور : على راحتك خلنا انسير صوب مكتبي وافهم منك كل السالفه
....: شور زين تفظل
غاده بابتسامه : عدول حبيبي امايه الحين بتي عشان خاطري لا تبين لها انك مضايج اللي فيها مكفيها
عادل : ان شاء الله واوعدج انه من اليوم بتصير طلباتج اوامر ونوف ما بتي
غاده : نوف الله يعينها اليوم عندها اول امتحان عسى الله يوفقها بس الظروف اللي انحطت فيها خلتها ما قادره تركز
عادل : لا تخافين عليها نوف ما شاء الله عليها اشطر عني وقدها
غاده : عادل حبيبي الحمدلله انك امتحنت ولا كانت هالسنه بتروح عليك
عادل : لانه الله يحبني خلا امتحانتي تخلص وعقب صارلي الحادث
غاده وهي تضحك : فديت هالضحكه والله اللي ترد الروح .. اباك دوم جذي تضحك ومستانس
عادل : طالعي هذي امايه يات
ام غاده استانست يوم شافت عادل يضحك لانه كان طول الاسبوع الماضي يتذكر اللي صار ويجلس ايصيح
غاده : هلا امايه تو ما نور المكان ..طالعي عادل يوم شافج استانس
ام غاده وهي تبوس راسه : فديتك عدول .. والله البيت من غيرك مظلم ع الاخر ..
عادل : منور باهله يالغاليه .. نوف متى بتي حدي مشتاقلها
غاده بابتسامه : كلها ثلاث ساعات وتخلص امتحانها وبتشوفها واقفه جدامك
عادل : الله يوفقها ان شاء الله ..
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيـــــت مطر زوج مهره ..
قيس بابتسامه : ماماتي اابا سندويج بيض مش جبن
قصي : ماما انا بعد ابا نفس قيس
مهره وهي في عالم ثاني : ......................
غصن : ماما خلينا انروح بيت يدوتي من زمان ما شفناهم مشتاقه حق عماتي
مهره وهي تنتبه حق غصن : اشو قلتي غصن
قيس بعصبيه : ماما ابا سندويج بيض
مهره بابتسامه : انزين خلاص سمعتك .. ليش يالس تصارخ