أللحـــــــــــــــــظة آلســــآدسهـ

آلفصـــــــــــــــــلـ آلثــــــــــــــــــــآنيـ

خوله شدت على ايده : لا تروح وتخلاني ما مستعده اعيش كل ثانيه من عمري وانا بعيده عنك انا متحسفه على
عشرين سنه من عمري لاني ما عشتها قربك اذا خليتني احينه بموت وراح اضعف .,. واذا تباني اصير قوية قربك
هو اللي بيقويني وبيشد من عزيمتي بس اذا خليتني لا تطالبني اصير قوية لانك راح تكون إنت سبب ضعفي
خالد بحب : لهــ الدرجه تحبيني خوالي
خوله : واكثر فوق ما تتخيل
خالد وهو يبتسملها : عيل يا البخيله ليش مش راضيه تقوليلي احبك ولا ثقيله ع لسانج
خوله صارت خدودها حمر وما عرفت ترد على خالد
خالد بابتسامة: بلاه الحلو مستحي
عقبها رن تلفون خالد وضحك لما شاف الرقم
خالد وهو يضحك خوالي تعرفين منو داق
خوله وهي تهز راسها بابتسامه : لا ..
خالد حب يخوفها شوي : هذا رقم اخوج فهد
خوله ع طول خوزت يدها من يد خالد : صدق خالد !!!!!!!!!1 فهد داق عليك ؟؟؟!!!!
خالد مسك ايدها : حشا بلاج خفتي .. هو صح رقم فهد بس مها اللي داقه تحاتيج
خوله باستغراب : انزين تلفون فهد شو يابه عند مهاوي
خالد بابتسامه : ها قصه طويله اذا تبيني اخبرج عنها لازم تستحملي تيلسين عندي ساعه زياده
خوله : خالد الله يهداك اجلس حتى ساعتين بس خبرني عن السالفه .. ترى قلبي شوي وبيوقف
مها دخلت لما شافت خالد ما يرد عليها
مها بعصبيه : اخ خالد الظاهر عجبتك الجلسة هنيه ونسيت نفسك تقدر تروح احينه .. نحن في غنى عن خدماتك
خوله بابتسامه : مهاوي حبيبتي لا تعصبين انا قتله يتم معاي شوي
مها وهي طايره من الفرح ومب مصدقه انه خوله نشت وركضت صوبها ويلست تباوسها
خالد : مها لو سمحتي خوزي عنها بتخنقين زوجتي
مها وهي حاطه ايديها ع خصرها : لا والله ومتى استوت
خالد : قريب ان شاء الله باخذها عنج وبحطها عندي
مها وهي اطالع خوله : خوالي حياتي انتي لو خيروج بيني وبينه منو تختارين
خوله بابتسامه : ولا واحد فيكم ..
خالد : افا خوالي خلاص عيل ما عاد لي لزمه ايلس هنيه عن اذنكم
خوله : خالد الله يهداك تعال وين ساير
خالد : توج تقولين ما تبيني
خوله : خلود بسك دلع وقر مكانك كنت اسولف
خالد : فديت هالكلمه والله .. خوالي عشان خاطري عيديها مره ثانيه
مها وهي اطالعه بنص عين : خالد ما كنك نسيت نفسك صارت الساعه 3 الفجر وراك باجر دوام
خالد : مها انا ما اشتكيتلج وصراحه انا مرتاح فــ القعدة هنيه وباجر بخذها اجازه
وما كمل خالد كلامه الا وروضه داقه
خالد : طوفنا مها وطلعتلنا روضه .. عن أذنكم شوي وبرجع
خوله : خالد منو روضه
خالد ابتسملها وسار عنها ..
مها وهي تصاصخ خوله : اتوقع انه يخونج .. هذيلا الرجال ما منهم امان ابد ..
خالد : هلا رواضي
روضه بعصبيه : خالد حرام عليك وين انته
خالد : روضه حياتي قتلج رقدي ولا تشغلي بالج
روضه تقاطعه : خلود كيف بيجيني الرقاد وانت برع
خالد : روضه الله يهداج انا مب صغير تشغلين بالج علي
روضه بعصبيه : انزين اسمحلنا اخويه خالد انا الغلطانه
خالد يقاطعها : تعالي تعرفين انا وين
روضه وهي اعصابها تالفه : خلود ما وقت فلسفتك احينه قولي وخلصني انته وين
خالد : فالمستشفى
روضه وهي تصارخ : خالد شفيك وليش انته بالمستشفى
خالد يقاطعها : روضه هدي احينه ابويه بيسمع صراخج وبيقوم متخرع انا صح فالمستشفى بس تعرفين ويا منوه
روضه : اكيد عند واحد من ربعك
خالد : لا انا عند خوله
روضه : خوله !!!!!!!!!!!!!!!!!!!!!!!!!!!
خالد وهو طاير من الفرحه : هيه خوله يا روضه خوله انتي رقدي وباجر اول ما تردين من المدرسه بفهمج
روضه تقاطعه : خالد الله يخليك ما فيني صبر لين باجر خبرني احينه
خالد بابتسامه : انتي ما تيوزين عن سوالفج قتلج باجر بخبرج بالسالفه كلها
روضه با قتناع : خلاص خلودي اللي يريحك بااااي

خالد : يالله انا اترخص احينه
مها وهي اطالعه بنص عين : هيه والله تراك وايد تأخرت فلو تسير تريح لك كمن ساعه في البيت أفضل
خالد وهو يطالع خوله وكانت عاطنه الظهر : بروح بس بشرط اذا سمعتها من خوالي
خوله طنشته وما ردت عليه
خالد وهو يطالع مها : اشو مستوي
مها :؛ سالها اروحك انا شو يخصني
خالد : انزين مها ممكن تخلينا اشوي بس خمس دقايق وعقبا بروح
مها تقاطعه وبحزم : توعدني انها بس خمس دقايق وعقبها بترد البيت
خالد : اوعدج بس يالله لا تعطلينا اكثر
خوله : مها لا تطلعين تمي هنيه ما بيني وبينه كلام ..
خالد وهو ياشر حق مها انها تروح وهو بيتفاهم معها
خالد مسك ايد خوله وعلى طول سحبتها : افا الظاهر الحلو زعلان علينا
خوله بعصبيه: وليش ازعل ان شاء الله بيني وبينك شي
خالد باستغراب : خوله شو بلاج من شوي كنا حلوين
خوله وهي تصيح وبعدها عاطنه الظهر: خالد الله يخليك خلني بروحي
خالد سارلها من الصوب الثاني وحصلها يالسه تصيح : افا خوالي ليشه هالدموع حبيبتي
خوله وهي تمسح دموعها : ما يخصك قتلك اطلع مابا اسمع صوتك
خالد بضيج : ما بطلع الا لما تخبريني اشو سالفتج وليش يالسه تصيحين
خوله : اسأل روضه اللي كنت اتكلمها من شوي
خالد بالرغم انه كان مضايج بس ما قدر يستحمل وضحك من خاطره
خوله : اشو بلاك تضحك قلت شي يضحك انا
خالد : لا حبيبتي مش بس يضحك الا يموت من الضحك
خوله تقاطعه : انزين ضحكنا معاك
خالد : خوالي حبيبتي رواضي هاي اختي اللي الله ما رزقني غيرها
خوله وهي قافطه : اختك
خالد رجع يمسك ايدها مره ثانيه : هيه اختي ومع الايام بخبرج قصة حياتي كلها بس احين لازم اروح وعدت مها بس
خمس دقايق وعقبها اطلع على طول ..
خوله بنظرة حزن : خلاص خالد اللي يريحك حياتي
خالد وهو يبوس يدها : خوالي تحبيني ..
خوله : .............................
خالد : خلاص عيل ما بضغط عليج يالله احينه تصبحين ع خير
خالد جان ساير صوب الباب ويردد في خاطره : قوليها خوالي الله يخليج خليني ارقد وانا مرتاح
خوله بخجل : خالد احبك
خالد ما جان مصدق اللي سمعه ورجع يسأل خوله : خوله اشو قلتي من شوي
خوله :...........................
خالد: خوالي يالله قولي قبل ما ادش مها
خوله : احبك احبك احبك
خالد وهو حاس نفسه انه يطير : خوالي تصدقين انا اليوم اسعد انسان في هالكون وما اعتقد حد فرحان كثري انتي فيوم خليتي حياتي تتغير 180 درجه احبج يا روحي احبج احبج وخذيها وعد يا خوله عطيني مهله وعقبها تحصليني قدام باب بيتكم اطلب ايدج لاني ما قادرر اعيش لحظة وانتي بعيده عني
خوله بخوف ودمعه نازله : خالد انته مقتنع فيني ومتاكد انك تباني
خالد يقاطعها : بس خوالي اذا تعقتدين انه كونج عميا وما من حقج تعيشي فانتي غلطانه وانا من باجر بلف على كل المستشفيات وبعرض عليهم حالتج وخذيها وعد مني اني ما بخليج الا لما اشوف هالعيون الحلوه حاطه عينها بعيني وتغرقني بنظرات الحب
خوله بضيج : بس ابويه سواها قبلك وعرضني ع أطباء وايد بس ما شي نتيجه
خالد يقاطعها : خوالي اللي اباه منج شي واحد بس توثقين فيني اوكي
خوله : خالد مدام انته قربي اوعدك اني بسوي كل اللي تامرني عليه حتى لو قتلي قطي نفسج فماي صاخن
خالد وهو يمسح ع راسها : خوله انتي اغلى ما املك وصدقيني ما برتا ح الا لما اشوفج معتمده على نفسج
خوله : الله لا يحرمني منك يالغالي
خالد باسها فراسها : تصبحين ع خير حياتي ارقدي عدل اوك
خوله : اوكي حياتي وانته من اهله

واخيرا اتفق قلب خالد مع عقله فمن تتحد نبضات قلبه مع ذبذبات عقله في اتجاه واحد وفي زمن واحد ولشخص واحد فهو بذلك يحقق قمة الانسانية وشفافية العاطفة وإكتمال الحب وجمالية الرضى .. فلا يوجد اي اختلاف يذكر بين الخيال والحقيقة والعاطفة والمنطق والقلب والعقل ..
وشعرت خوله بأن بصيص الامل والسعاده باتوا يدقوا بابها فايقنت ان الانسان لا يمكن ان يعيش بدون امل

في صبــــــــــــــــآح آليوم التــــــــــــــآلي الساعه الســأبعه صبآحآ ..
اتجهت ام حمود باتجاه غرفة خوله فلم تجد احدا ثم توجهت الى غرفة مها ولم تجدها ايضا .. فبدأ الخوف يتغلغل الى داخلها فاتجهت مباشرة الى ابو حمود
ام حمود بخوف : بو حمود تعرف خوله ومها وين ساروا
بو حمود بتوتر : ما ادري ليش اشو مستوي
ام حمود: ما ادري بس دشيت غرفهم وما حصلت احد
بو حمود : كيف ما حصلتيهم وين سارن سيري دوريهن من برع او يمكن فميلس الرياييل انا بسير اشوف فهد
ام حمود : ان شاء الله على امرك يالله يارب تستر
بو حمود سار ع طول صوب حجرة فهد
بو حمود بخوف : فهد قوم اقولك قوم وبسك رقاد
فهد بخوف : هاه ابويه اشو بلاك عسى ما صاير شي في خوله
بو حمود بتوتر : اشو تقصد من رمستك يا فهد خوله صاير فيها شي تكلم
فهد وهو منزل راسه: ابويه خوله امس تعبت علينا ووديناها الدختر
بو حمود بعصبيه : وديتها الدختر وليش حضرتك ما وعيتني ولا انا استويت سمنديجا فهالبيت تخططون على كيفكم
فهد : لا ابويه محشوم بس الدكتور قال شوية ارهاق فقلنا ما يحتاج نشغل بالكم ع الفاضي
بو حمود : انزين خبرني هي بأي مستشفى وحسابكم عندي بعدين
ام حمود وهي خايفه : بو حمود محد في الحوش وسألت الدريول قالي محد طلع اليوم
بو حمود :هاتي عباتج واترياج تحت بنسير المستشفى
ام حمود وهي ميته خوف : المستشفى ؟؟!!!!!!!!!!!
بو حمود : رايه لا تعطلينا اكثر هاتي عباتج والحقيني انا اترياج تحت
ام حمود : بو حمود الله يخليك فهمني السالفه بناتي صاير فيهن شي
بو حمود من الضيجه نزل صوب تحت وما علق على كلام ام حمود لانة فكره كان مشغول بخوله
فهد وهو يبوس راس امه : اميه سيري هاتي عباتج ولحقي ابويه خوله تعبت علينا امس ووديناها المستشفى
ام حمود بخوف : فهد انته شو يالس تقول
فهد : اميه لحقي ابويه تراه معصب من خاطر ويمكن يسير عنج
ام حمود : يالله يارب تمن علينا برحمتك وتهونها علينا
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيــــــت غاده
نوف وهي تصارخ : غاده يالله فديتج بتأخر ع المدرسة
غاده : اوف منج يا نوف بلاج محتشرة جذا
نوف : غوغو الا وين عدول صارت سبع معقوله للحين راقد
غاده وهي تطالعها بنص عين : من غوغو لا يكون شايفتني بغبغاغ قدامج
نوف بابتسامه : ياربي غادوه صج ما تنعطين ويه احينه انا يالسه ادلعج وعقب تشبهين نفسج بالبغبغاغ
غاده : محد قالج ادلعيني شوفي انتظريني برع بسير اشوف عدول تعبت وانا ادق دق عليه الباب ومب راضي يقوم
عادل قاطعها : انا جاهز وما يحتاج اتعبين روحج لانه ربيعي بيمر علي وبسير معاه
غاده : عادل اي ربيع هذا اللي بيوصلك .. الله يهداك شوف محد غيري بيوديك المدرسة
عادل بعصبيه : يا سلام تبين ربعي يعايروني ويقولوا اختك جايبتنك لا بالله انفضحت
غاده بعصبيه : عدول محد غيري بيوصلك واعتقد ها مش اول مره اوصلك ... اشو اللتي تغير يعني
عادل يقاطعها : اللي تغير اني صرت رجال بس انتي ما راضيه تقتنعين
نوف : لا رجال وانا اشهد عسب جذا مودر دراستك ويالس تكد علينا
عادل : افهم من كلامج يالسه تعايريني بهالكم فلس اللي تجيبيهم غادوه
غاده بعصبيه : نوف خلاص صكري ع الموضوع مابا اميه تحس بشي وانته يا عادل اذا تبا تسير ويايه سيارتي برع واذا لا انا ما بمنعك سوا اللي يريحك واللي يمليه عليك ضميرك
نوف بعصبية : عادل
قاطعتها غاده قبل لا تكمل كلامها : نوف حبيبتي صكري على هالموضوع انطرج برع لا تتاخرين
نوف بحزن : ان شاء الله اختيه اجيب شنطتي واغراضي وبلحقج
عادل : اوف ما بغينا يا اخي الواحد غصب يركب وياج من زين سيارتج عاد موديل 20
نوف بضيج : عادل انته ليش تتصرف جي غاده عمرها ما قصرت معاك انته بالذات نص راتبها حقك يا اخي حس فيها
عادل : محد قالها تعطيني انا مب محتاي لفلوسها
نوف : خلاص عيل بخبرها واقولها يقولج عدول اونه خلاص ما يبا مصروف صار ريال ويعتمد على نفسه
عادل بخوف : نوف من صدقج بتخبرينها
نوف بابتسامه : يالله انا تأخرت بااااااااااااااااااي عدوووووووووول
عادل وهو يصارخ : نوف تعالي ياربي اخاف تسويها انا من غير فلوس غاده ما اسوى شي
ام غاده بحزن : عادل
عادل وهو مبطل عيونه : اميه من متى انتي هنيه
ام غاده : لا تفكر يا عادل انه كوني مشلوله يعني مب حاسه بكل اللي يالس يستوي في هالبيت انا شايفه وعارفه بس ما قادره اتكلم تعرف ليش يا عادل
عادل بطفش : اميه احينه ما وقت محاظراتج انا تاخرت ع المدرسة ولازم اروح عن اذنج
ام غاده كملت كلامها ولا اهتمت لعادل : انا ساكته لاني عارفه اني انا السبب في كل اللي قاعد يصير انا اللي زرعت الحقد بقلبك بدون ما حس كنت اكلمك باللي سواه عمك فينا والبهدله اللي عشناها بسبته وانته كنت صغير وما فاهم اللي يالس يصير حواليك كان لازم ازرع فقلبك التسامح بس انا فلحظة غضب حولتك من طفل صغير لريال لازم يرجع حق اهله انا اللي دمرتك يا عادل

شعر عادل ان كل كلمة اطلقتها والدته مشابهه تماما للافكار التي غرسها في عقله وبالصرخات التي حبسها في قلبه فاسترسل بدمعه لطخت خده فلملم ما بقي من نفسه واخذ يخطو بخطوات ثابته للامام دون ان يعير ام غاده اي اهتمام ..

في بيت بــــــــــو مشعل
مشعل بطفش : مونيكا سيري زقري ميثا
مونيكا بخوف : بابا ماما ميثا فيه نوم بعدين انا يصحي يصير مشكله كبير
مشعل بعصبيه : اذا ما سرتي احينه تزقريها انا اللي ببهدلج مب ماما ميثا
مونيكا بخوف : ان شاء الله بابا الهين في روح
مشعل : سيري الله لا ردج الناس يتصبحون على ويوه سنعه وانا ما حصلت غير ويهج اتصبح عليه
مونيكا وهي خايفه : ماما ميثا بابا مشعل يريد
ميثا بعصبيه : حشا وبلاج تهتزين جي لا يكون شايفه يني قدامج
مونيكا بخوف :......................................
ميثا نشت ودزت مونيكا وطرحتها ع الارض : لا بارك الله فيج ما ادري ابويه شو حاب فيج عيوز وما نافعه حق شي
مونيكا نزلت راسها ويلست تصيح ميثا ما عطتها اي اهتمام ونزلت تحت
مشعل بابتسامه : هلا والله بالغاليه هلا بميثوتي هلا
ميثا بدلع : حشا كل هالكلام حقي لا ما اصدق اول مره اعرف اني صايره شخصيه مهمه في هالبيت
مشعل : حبيبتي انتي الكل في الكل واللي يقول غير جي احش ريوله حش
ميثا بالم : ليت خالد يحس بقيمتي بس وين بيحصل وحده سنعه شراتي
مشعل : ميثوتي واحد نفس هذا لا تفكرين فيه انتي يبالج واحد ريال مب خالد دلوع البابا
ميثا : امم ممكن اعرف كيف حكمت عليه انه دلوع البابا
مشعل : السالفه وما فيها لما كان خالد ويانا في المدرسة محد كان يغلط عليه واذا احد غلط عليه ما ياخذ حقه بايده يتصل بالبابا ويقوله بابا فيه واحد ضربني
ميثا بحماس : من صدقك انته مشعل
مشعل : والله واذا ما مصدقتني اسألي اي واحد من ربعه وبيقولج اصلا كل اللي في المدرسة ملقبينة دلوع البابا
ميثا : لكن انا اللي اشوفه يختلف تماما عن اللي يالس تقوله يعني شوف مثلا خالد لو دلوع البابا شرات ما تقول ليش ما رضى يشتغل عند ابوه وليش قرر انه يعتمد على نفسه ويكون حياته بروحه
مشعل يقاطعها بضحكة سخرية : حبيبتي هو كل شي يباه ع الجاهز وشغلته اسهل بوايد عن شغله ويا ابوه يعني انا لو فمكانه كنت وقفت مع ابويه ولا خليته يدير شركة كبيره نفس هذي بروحه.. بس خالد بيتم طول عمره فاشل
ميثا بضيج : بس انا حبيته .. وصدقني حتى لو كان دلو ع امه ابوه بيتم حبه محفور فقلبي
مشعل : ما عليه اختيه اذا تبين تحصلين على شي تحسين انه ملكج لازم تشغلين عقلج وعقبها كل شي بيتسهل
ميثا : لا تخاف صدقني عارفه ادبر اموري بروحي والايام بتثبتلك انه خالد حقي بروحي وكل اللي يملكه بخليه يكتبه باسم ابويه وعقبها بخلي مهروه تندم لانها فضلت مطور علينا
مشعل باستغراب : ما توقعت انج قويه وبعدين شو دخل مهره في السالفه هي كافيه خيرها وشرها
ميثا : لا يا حبيبي اختك المصون داقتلي امس باخر الليل ويلست تسب ف امي وابويه
ام مشعل سمعت رمست ميثا وعصبت : منو اللي يالس يسبني
ميثا بتوتر : اميه من متى انتي هنيه
ام مشعل : ميثوه لا تغيرين الموضوع منو الي تجرأء وغلط عليه
ميثا : اميه مهره امس دقتلي ويلست تذكرني بالماضي وكيف انج انتي رضيتي تاكلي مال حرام وانه كل اللي سواه ابويه من تحت راسج
ام مشعل بعصبيه : مهروه هالخايسه عمرها ما بتسنع وبتستوي حرمه شرات الحريم وكل كلمه قالتها بتدفع ثمنها غالي انا اراويها هالخايسه
مشعل : اميه الله يهداج هدي ما صار شي ومهره كافيه خيرها شرها عنا ومدام انها بعيده محد بيعرف باللي استوى بين عمي وابويه
ميثا بضيج: اميه يعني كلام مهره صح
ام مشعل : ميثا انتي كنتي صغيره لما استوت السالفه فاطلعي منها
ميثا : بس اميه اعتقد انه من حقي اعرف
مشعل : هيه يا ميثا ابويه اخذ بس حقه لكن عياله فهموا غلط وهو كان موقعله مستندات يثبت انه كل شي باسم ابويه
ميثا تقاطعه: يعني نحن ما يالسين ناكل فلوس حرام
مشعل : ميثا اشو هالرمسه بطلي هالخرابيط هذا كله كلام فاضي
ميثا : الله يسامحج يا مهره ليش تبين تسودين ويه ابويه جدامي
ام مشعل : ميثوه مابا هالرمسه توصل لابوج اللي فيه مكفيه واذا دقت مهره مره ثانيه عطيني رقمها وانا بتصرف
ميثا وهي تبوس راس امها : لا تخافين الغاليه الرمسه بتم امبينا نحن الثلاثه
~ ~ ~ ~ ~ ~ ~ ~ ~ ~ ~ ~ ~ ~ ~~ ~ ~ ~ ~ ~ ~ ~~
فـــــــي غرفة ســــــــــآره
ساره كانت راقده وسمعت تلفونها يرن
ساره وهي مبطله عين ومصكره الثانيه : آلو

سعيد : هلا بالغاليه هلا بروحي هلا بنبضي هلا بحياتي كلها
ساره وهي تغطي ويها بالمخده : سعود بس خلاص استحي
سعيد : فديت اللي يستحون شحالج حبو
ساره : اكيد بصير بخير دام اني سمعت صوتك انته شحالك
سعيد : بخير حياتي المهم انا ورايه دوام بس قلت اصحيج عسب تسيرين الجامعه
ساره : خلاص حبيبي الحين بنش
سعيد :اوكي حياتي اول ما توصلين الجامعه دقيلي
ساره : من عيوني ما طلبت شي وانته بعد دير بالك ع روحك يا نبضي
سعيد : انزين ما شي كلمه حلووه قبل لا اصكر
ساره بخجل : احبـــــــــــــــك حيـــــــــل
سعيد : ساره الصوت يقطع ما اسمعج
ساره بعصبيه : سعود عن الدلع
سعيد وهو ميت ضحك : فديت العصبي فديته
ساره انتبهت انه في خط ثاني
ساره : سعيد حبيبي مهاو ادق برمسك عقب
سعيد : اوكي الغاليه عيل بخليج
ساره بدلع : الو مهاووووو شحالج غناتي
مها بابتسامه : منو قاص عليج وقايلج صوتج حلو وبعدين منو تغازلين من صباح الله خير
ساره بتوتر : هاه .. هذي عفاري داقه تسألني عن شغله
مها : يحليلها عفاري من زمان عنها شحالها
ساره : من قدج يا ماما استويتي مهندسه وصرتي تتكبرين علينا
مها بدلع : لا فديتج بعدني ما استويت ويوم استوي ساعتها بتشوفيني تغيرت 180 درجه
ساره : حشا يعني ناويه تتكبرين علينا
مها تقاطعها : شوي بس ما وايد
ساره : الله يكافينا شرج يا شيخه
مها وهي اطق راسها : من كثر هالهذره اللي تهذرينها نسيت اخبرج انه خوالي بالمستشفى
ساره بخوف : خوله !! اشو بلاها امس كانت بصحه وعافيه
مها : سالفه طويله فديتج اول ما اشوفج بخبرج
ساره : انزين طمنيني هي شخبارها احينه
مها بابتسامه : لا الحمدلله صارت بخير نتريا الدكتور احتمال يرخصها
ساره : انزين عطيني اطفربها اشوي
مها : اوكيك بس شوي شوي على اختي اللي فيها مكفيها
ساره : خاطري مره وحده تحسنين الضن دومه قلبج اسود
مها : ساروه خليني اشوفج وعقب بنتفاهم وبتنصدمين لما تشوفي مش بس قلبي اسود فيه شي ثاني بعد
ساره : اونج خوفتيني تراج اكبر مني الا بشهرين مش سنتين
مها : ما عليه نتفاهم عقب خوله بتكلمج احينه
خوله : هلا سوسو شحالج
ساره : بخير غناتي انتي شحالج شو استوي عليج امس كنتي شرات الخيل
خوله : شو انسوي سوسو لكل جواد كبوه
ساره : وعسى هالكبوه ما كايده خوفتينا عليج يا شيخه
خوله :لا تخافين حبيبتي كلها شوية ارق وان شاء الله اي الدكتور احينه ويرخصني
ساره : ان شاء الله الغاليه خلاص انا بخبر الاهل وبنزوركم في البيت
خوله : اوكي فديتج اللي يريحج بس ما يحتاي تخوفيهم ع الفاضي انا ما فيني الا كل خير
ساره : لا تحاتين الغاليه نحن كم خوله عندنا
خوله : تسلمين حبيبتي فيج الخير
ساره : يالله عيل احينه بخليج بنش اغير ملابسي ورايه جامعه
خوله : اوكي فديتج سلمي ع الاهل ...
ام هلال دشت ع ساره وكانت معصبه : ساروه للحين ما غيرتي ملابسج
ساره بطفش : وليه اميه محاظراتي تبداء الساعه 9 يعني عندي وقت
ام هلال : انزين نحن نترياج تحت عسب تتريقين لا تتأخري
ساره : اميه خلاص بنزل وياج عسب تتأكدين اني ما برقد مره ثانيه
ام هلال : شور زين يالله طوفي جدامي
ساره : اميه نسيت اقولج خوالي تعبت امس اودوها الدختر
ام هلال : عسى ما شر
ساره بابتسامه : لا تخافين اماية كله شوية ارق وبيرخصوها
ام هلال : الله يعينها هالبنيه .. كل بلاوي الدنيا ع راسها
ساره : الله يسهل عليها اميه .. وان شاء الله كل امورها تتسهل وترجع تشوف مره ثانيه
ام هلال : الله يعطيها ع قد نياتها
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
في بيــــــت بو خـآلد
بو خالد وهو يزاقر على الخادمه : سوزي سيري زقري خالد وروضه خليهم يحدروا عسب يتريقوا
سوزي بابتسامه : ان شاء الله باباه
محمد : بابا ابا فلوس ما عندي احتمال يسيرون رحله وابا اشتري كمن غرض
بو خالد : والله وكبرت يا محمد وصرت اطالبني بمصروف
احمد يقاطعه : باباتي حتى انا بعد كبرت وابا فلوس بسير عنده
بو خالد : عاد انته غير انته دلوع البابا ولو تبا عيوني انا حاظر
محمد : بابا يعني انا لاني استويت كبير صرت ما تحبني
بو خالد بابتسامه : ومنو قال ما احبك لكن احمد اخر العنقود عسب جي لازم اندلعه هو صغير العايله
ام محمد : محمد لا تيلس اتعب ابوك بكثر هالأسئله تريق وخل ابوك يتريق بعد
بو خالد : ام محمد خليه ياخذ راحته انا من لي غيرهم الله يحفظكم لي ان شاء الله
روضه وهي نازله وتضحك : يا سلام باباتي اشوفك مستانس اليوم اشو الطاري
بو خالد : هلا والله بريحة الغاليه هلا برواضي
ام محمد فخاطرها : حشا كل شوي ويايب سيرة ام خالد انا احلى عنها ما ادري شو حاب فيها هذي لو ما ميته اشو بيسوي لا بالله اشهد انه بيطلقني وبييلس مقابل خشتها ليل ونهار
رواضي وهي تقطع حبل افكارها وتبوسها ع راسها : صبحج الله بالخير خالتيه
ام محمد في خاطرها : الله لا يصبحج الا بكل شين .. انتبهت انه بو خالد يطالعها فردت على روضه .. هلا رواضي هلا بالغاليه قربي فديتج واكليلج لقمه وراج مدرسه عسب ما تتأخرين
روضه : لا خالتيه اليوم باخذها اجازه تعرفين الامتحانات قربت فبيلس اذاكرلي كمن كلمه
بو خالد : الله يوفقج يا بينتي ويسهل عليج كل خطوه تخطيها واشوفج دكتوره
روضه بابتسامه : لا باباتي مابا ادرس طب مافيني اتم 7 سنين وانا انتف فهالكتب