كاتب الموضوع :
cocubasha
المنتدى :
الارشيف
سلااااااااااام لأحلى روامنسيات ؛ ازيكم جميعا يابنات يارب تكونوا بخير
هبهوبه وكوكو ؛ خبطيتين فى الراس توجع , ليه انتم الاتنينن انسحبتوا فى وقت واحد , على العموم ربنا يوفقكم وكفاية انكم موجودين ومنورين وربنا ما يحرمنا منكم .
جوجو : ربنا يتمم على خير ؛ بس مش حساأل زى البنات ماساله عرفتي خطيبك ازاى والملام ده ؛ اهم شؤال هو حماتك عمله فيك ايه , الصراحة بسمع كلام من اصحابى عن اللى عملته حمواتهم فيهم , يعنى مثلا شدتك من شعرك عشان تشوف شعرك حلو , ولا كسرتى بندق ولوز ومكسرات , انا تعقدت من الحموات من حكايات اصحابى ونفسى اعمل كتاب اسميه ( مغامراتى مع حماتى ) فياريت اللى عنده حكاية يقولها .
حلال عليك الطيارة , انا اخوى طيار ولو مكنش فرحه فى نفس الشهر اللى فيه فرحك كنت خلته يفسحك بيها , بس على حسابك 
أمينة : يارب ابن عمتك يكون بخير ويارب يشفيه ويعفيه ويكون فى ميزان حسناته .
دراجون : والله كلامك درر ورزين ياريت لو كنتى بجد فى القمة العربية الأخيرة يمكن كنت تقدرى تعملى حاجة معاهم , بجد كلامك عجبنى كتيير
ديو : سياراتك جميلة كتيير بس نسيتى اهم حاجة : التوك توك , كفاية انه حجمه صغير وتقدرى تركينيه فى اى مكان يعنى مش بيكلف حاجه
حسناء : دراستى مشابهه ليكى بس انا تخصصى ( كيمياء حيوية ) بس ليه مش بتدرسوا عملى حاليا لازم سنتين , بالنسبة للماجستير ربنا يقويك لانى بعمله بقالى فترة فى الجينات برده والمفروض انى اناقشه السنة دى بس مش هاين عليا اضحى بالفئران اللى بقاللى فترة باكلهم واشربهم وواخده بالى منهم , العشرة اللى بيننا مش مطوعانى اشرحهم بس ربنا يسهل .
وردة : ربنا يعينك فى مهنة التدريس دى , بحس انها اصعب مهنة وعايزة طووووووووووولة بال الله يقويكى عليها
ريمووووووو: وحشتينى ريمو وكلامك عن الروايات جى ع الجرح لانى بقالى فترة شغلنى الموضوع ده , بس من ناحية التأثر فالصراحة انا اتاثرت بروايات احلام بس من فترة وانا فى ثانوى , حصل موقف غريب بصى ياستى جرس الباب ضرب وانا مش من عادتى انى افتح الباب بس المرة دى قلت ايطل ارخم على خواتى وقلت افتحه وياريتنى مافتحته , المهم لقيت واحد هو مش وسيم خااااااالص , مش فتى احلامى نهائى ولااحلام اى بنت كفاية بس شنبه مش نسياه لحد دلوقتى , بس كان مبتسم جدا وماسك فى ايده بوكيه ورد وشوكولاته , مصدقتش نفسى قلت بس عريس اكيد شفنى فى مكان وحب من اول نظرة وكلام من ده , فوقفت زى الهبله فتحة بقى ومخى سارح وقلت حاروح اغيظ اصحابى فى المدرسة , المهم انا عدت لارض الواقع وركزت فى كلامه لقيت بيسال على اسم بنت بكل اســـــــف مش اسمى , طبعا تعابير وشى تغيرت لدرجة انه بجد خاف لايكون عامل حاجة وكان حيجرى , قلت فى نفسى اه كذبة بيضاء زى بطلات روايات احلام فقلت اه انا , راح ضاحك وانا من جواية مولعه منه فقال بطلى هزار يابنتى اكيد العروسة اختك , كنت لسه جايه ارد لقيت ماما جات وقليتله مفيش حد هنا بالاسم ده , قلتله طيب سيبى الورد والشوكولاته حاعينهم عقبال متدور ع البيت اللى انت عايزة و بس كانى بكلم الهوا , ومن ساعتها ياختى وانا عندى عقدة من الورد والشكولاته وجرس الباب
طولبت عليك سلاامى للجميع
|
28-03-10, 08:50 PM
جديد مواضيع قسم الارشيف
العرض العادي
