جعلنا الله جميعن ممن تقبل دعوته في يوم عرفه تقبل الله منا ومنكم صيامنا ومبروك علينا العيد كل عام وقراء بين الامس واليوم بخير وعساكم من عواده




ببداء اليوم بكاسره عجبتني كاسره بصراحتها مع الكل اولهم عمها ابو كساب ثم جدها وبعدين مزون واهلها البنت تشوف نفسها ماسوت شي غلط وان اللي سوته عين العقل هي ابد ماشتكت لاحد وحاولت بكل ماتقدر انها تحل اللي بينها وبين كساب حاولت تكسب قلبه هي تحبه بس ماتبي حبها من طرفها هي وبس تبي مشاعر متبادله كساب ايد ماحسسها بذا الشي اخيرن قررت الانفصال وهي مقتنعه ابد ماعيبت عليه وماذكرته الا بكل طيب لاكن اللي تشوف ان الحياة معه مستحيله فليش تحمل نفسها فوق استطاعتها وهي بغنى عنه تنفصل من البدايه قبل لاتعلق فيه اكثر وصارحت الكل بذا الرغبه وانها اخر حلولها والمطلع على حياتها مع كساب عطوها الحق وهذا زايد وعلي يحطون الوم على كساب هم شافو وشلون البنت اكرمته واحترمته كازوج لكن ماشافو منه الا الرده فيها يدخل ويطلع على كيفه يظهر الثقل من صوبه جاااااااااااااااااف ونحط تحت جاااااااف خطين في مشاعره لاتقولين انفاس هو يضمه ويشاركها فراشها ومدري ايش لا الحرمه منا تحتاج حنان حب ولاهم منه التصريح للحبيب بمقدار حبه من كلام وفعل وهذا ماصار من كساب مسفه بابو ابوها والكل لاحض لاكلام ولا مسجات يعني بالعربي موريها انه حمش وثقيل
انا معتس كاسره زين ماسويتي يايتعدل ويصير رجال ويعطيتس حقتس كامل ولا بلاها الزواج وخلنا نشوف وشلون بيقوى على بعدتس كساب هل بتعند وتقوي قلبك وترفض تروح ترد كاسره لانها هي اللي طلعت بروحها وبدون شورك او ماراح تقدر على فراقها وبتروح ترجعها
تدري كساب اتوقع من تجي وتعرف بطلعت كاسره بتروح لها على طول لكن مع نقاشك معها ماراح تطلع بنتيجه ولا انت بترضى تكون غلطان وترضخ الرغبات كاسره ولا هي بتسكت عن وضعكم وتيتي تيتي مثل مارحتي جيتي
او روحت ابو كساب بيكون لها معنى كبير عند كاسره وبتخلي الموضوع بين يدين زايد وتقوله ان رجعتها عشانه واذا مالقت حال كساب متعدل فيذا الحاله ماراح احد يردها عن طلب الطلاق وبقولها زايد انه بيكون بصفها وبيوقف معها بطلبها وهو اللي بياخذ حقها من كساب



وصلت مرحلة العشق اللي ماله طب ياعلي ياحضتس ياشعاع ابو كساب عاشقتس حتى الثماله وازيدتس من الشعر بيت يقولون فيه هرمون اسمه هرمون العشق في الانسان وراح يزيد ويزيد اذا جاء زواجتس اله وصل الى آخر مراحل العشق و الهيام فيتس
لاتقول انك اكبر عاشق يزايد تبي تثبت انك اكبر عاشق هذا لقائك بالحبيبه وصل والميدان يحميدان
ورنا وشلون بيكون القاء
تدرين اتوقع ان زايد ماراح يتمالك نفسه اذا شاف ام مهاب وبيجيب العيد معها ويمكن بدال مايقول كاسره ارجعي لكساب بيقول مزنه ترضين فيني حليل لتس عندي احساس ان لقائهم ماراح يعدي كذا بساهل خاصه من صوب زايد ولا مزنه يمكن كل شي انتها بينها وبينه وهو مجرد خاطب تقدم لها مثله مثل غيره


حلو المصارحه اللي صارت بين عبدالله وجوزاء بتحط النقاط على الحروف وبتخلي كل واحد منهم يعيد النظر في اللي سواه مع الثاني مهما كانت الان ردة فعلكم بارده نصدقني الوضع بيتغير صحيح جوزاء غلطت ياعبدالله يوم طلبت الطلاق خاصه انها شافت وعرفت قدرها وغلاها عندك لكن بعد البنت ماتنلام انت سويت فيها شي ماينتسوى مهوب سهل اللي تعرضت له جوزاء صعب عليها اربع سنين وهي عايشه اللي عاشته متاكده اذا راجعت عمرك عبدالله وراجعت كلام جوزاء ولاهم شوفتك لها قدام عيونك راح يطيح الحطب والمشاعر المتعقده بتفك عقدها عقده عقده الى الان وانا اقول جوزء ماتستاهل
ياخوفي ان كلام عليا يكون صدق وان خالد مهوب ولدك وان تعبك يروح هباء منثور صدقني هذا الحاله الموت الحمر ضاع اربع سنوات من عمرك على تربية ولد حرام صدقني اذا صار الموضوع حالتك النفسيه بتصير اخس من حالة جوزاء بفترة غيابك وهنا يجي دور جوزاء وقوفها معك بيبين معدنها وقدر حبها لك <<فيس يقول صدقت خريط عليا


ياسلام على حب الغيبوبه هذا غير شكل الجهاز هو اللي يناجيتس ياعليا بس تدرين انت ان دحومتس يسمع كل كلمه تقولينها ويمكن اذا غبتي عنه يصح من الغيبوبه يدورتس واحتمال انه مايبي يصحا عشان لقائتس المرتقبه تدرين عليا عبدالرحمن اذا صحى من غيبوبته بيقعد يذل ام امتس ويذكرتس بكل كلمه تقولينها له وهو في الغيبوبه
بس تدرين ام سعود اتوقع ان ابو صالح وام صالح بيقولون العليا تتركه وتشوف نصيبها لان الرجال طول في غيبوبته عليا بتروح العبدالرحمن وتشكيله انهم يبون يفرقونها عنه وانها راضيه فيه حتى لو ماقام من الغيبوبه طول العمر هذا بيخلي ضربات عبدالرحمن تزيد اكثر واكثر ويصحا من اللي هو فيه


ياخوفي من اللي يكون بنجلاء مرض شين بس ان شاءالله بظن الظن الحسن واقدم الخير يمكن نجلا حامل فيه حريم تحمل والدوره تجيها
بعد فيه انواع للحمل فيه خارج الرحم وفيه عنقودي وفيه كاذب يعني بيكون فيها واحد منها
اللي بنجلا هو اللي مسبب لها الاضطرابات النفسيه ماراح نقول عن نجلا اي كلمه ونعاتبها على فعلها بصالح لين نعرف وشعندها هل هو مرض ولا حمل


ام سعود كل عام وانتي ومن تحبين وكل مشرفه وعضوه بليلاس بالف خير وعساكم من عواده

بسمة تعالى سلاما من الله وتحية عطرة ازفةلكى انفاس يابعدى قلبى ارى فيك الطهر ونقى النفس وصفاء الرواح اتمنى لك عيد مبار ك وعاما سعيد وكل وانت الى الله اقراب وبخير وجمع المسلمين - قراى اليلا س اليوم عرفة والدعاء فيه مستجب اتمنى منكم الدعاء للمومنين والمومنت والدعاء لى بذهب همى وغمى وضيقى وكل عام وانتم و وامة محمد بخير الله اكبر الله اكبر لااله الا الله

كيف بتكون مواعيد البارتات الجايه مادري بس اشوف ان المواعيد تلخبطت يَ ليت يَ أنفآس تقولين لنآ موآعيد البآرتآت الجايه ?ني أنلحست

صبــــــــــــــاح الخير كل عام وانتو بخيـــــــــــــر وجعل ايامكم سعيده انفاس ربي يووفقك واستمري ولاتحرمينا من ابدعاتك