كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
مابغيت اخذ النجمه روايتين وهذي الثالثه ارد عليها ولا نجمه المفروض يصير فيه نجوم للعضوه المثاليه صحيح انا منيب تب في التوقعات بس ولله ردودي توسع الصدر ومنتظمه في التنزيل ويجي منها وغير كذا مؤدبه وارد بانتظام المفروض تحطين ام سعود نجمات للعضوه المثاليه واخذها انا <<<فيس شاف نفسه يوم خذ النجمه مشكوره نفوس على النجمه وتدرين تعالي اوشوشلتس في اذنتس ترا العين راحت عني واكتب وانا مبسوطه معاد به حساد طلعت العين تبي نجمه
لبي قلب الامير وسندرلا العرجا ولله طلعت منتب سهل عليان وشذا الرومنسيه اللي عليك سبحان الله يقرلبك كساب بن زايد كنه من اطراف جماعتكم مختلفين بالاطباع
تركض وراها ياعلي عشان تعرف منهي ابشرك البنت حليلك واللي سويته ابد مهوب عيب ولا حرام ارتاح هذا حق من حقوقك ويمكن لو كان مع وحده غير شعاع ماتسوي اللي سويته
اللي خايفه منه علي هو ردة فعل شعاع اذا عرفت انك ياعلي هو اللي قابلته في الاصنصير بتكون جدا محرج وتاخاف انك تاخذ عنها فكره غلط بعد الي سوته بس ياخوفي ردة فعلها تكون عكسيه وماتقد كل عواصف الحب والمشاعر اللي يحملها لها علي
تدري علي اذا شفت شعاع داخله على عبدالرحمن على طول بتعرف انها هي بنت فاضل يعني اكيد ماراح يدخل على عبدالرحمن الا محارمه وعلى طول بينط في بالك شعاع لان جوزاء مريضه ومابه الا الحيله استبشر عليان معاد فيها زعل ولا نفاده البنت اللي دخلت وعشعشت بقلبك هي زوجتك يافرحك يابو كساب ليت جزمة سندرلا طايحه في الاصنصير عشان تكون عذر تحاكيه
اتوقع ان علي بيروح الحيا وبيدخل على عبدالرحمن بس عشان يملى عينه من شعاع ويمكن ابوعبدالرحمن بيطلب منه مايطلع لان شعاع زوجته حتى لو مافتحت النقاب
ماشاءالله عليتس ام سعود روعه وصفتس الحالة تميم وقدرته على التقرب السميره يعني صعب اعرف اوصف ذوي الاحتياجات الخاصه وشلون يكون عشقهم خاصه اذا الشخص مايتكلم
تميم قدر وبكل حبكه يتقرب من سميره اول اجبرها من دون مايضغط عليها ان تتواصل معه بالاشاره ثم شوي شوي بدا يسوي مثل اي زوجين يطلعون مع بعض ماحاول يفرض نفسه عليها كزوج مع ان سميره قالتها بتتقبل الشي هذا لو سواه تميم ماراح تحرمه من حقه
واحلا شي يوم قال عبارته في المسج الاخير تطبخ سميره تميم على نار هاديه بتخبل بالبنت صدقني طريقتك هذي بتحيي حب سميره اللي قمعته
بتوافق مزون على غانم ايه بتوافق لان المره هذي بيعرضه عليها كساب ومهوب كساب الاول كساب الاخ والحبيب ولابو والصديق كساب المره هذي بيقنع مزون بغانم وبياخذ ويعطي معها عشان توافق عليه الامره الاولى ماكان معطيه وجه بسبب الخلاف اللي كان بينهم و الان الوضع يختلف وعندي احساس ان مزون بتوافق حتى لو ماقتنعت بس عشان كساب بتحاول ترد الكساب شي من اللي عطاها وهو انه رضا عليها وموافقتها على غانم لانه يحبه فيها عرفان له وان عشانك ياكساب وحب فيك خذت غانم
ليه يانجلا لاتسوينها تكفين الرجال يتلككون على اي شي وانتي تعرفين زوجتس دايم يتغزل بلون شعرتس تقومين تصبغينه شاوريه زين ولله انا نفرح اذا ازواجنا حبو شي فينا بالعكس مانحرمهم منه لا نحاول بقد مانقدر انا نحافظ عليه ونبرزه اكثر عشانهم الحين بتبان الغيره صح اذا قالتس صالح ان شعرتس ماعجبه بتقولين اني معاد اروقله ولاعاد يحبني وبيدور غيري ويبدا شغل الغيره صح
وبعدين تعالي ابوخالد بزر على الرايحه والراده تسئلينه وين رزانت عقلتس يانجلا استخفيتي ولا معادفيه مشاكل بينكم وقمتي دورين عليه الزله ياختي انتي الحين نازله بيت جديد وعندتس فله وشكبر ياختي التهي بشغلتس في بيتس وتدريس عيالتس ولاهتمام بعلتس
ياخوفي من ردة فعلك يابوخالد تكفى لا تحمق وحط في بالك ان البنت غرضها تغير من شكلها عشانك وعشان تعجب فيها اكثر ترا مايسوا كله الا شعر وصدقني بيطول وبيطلع شعرها الطبيعي
زين ماسويتي ياجوزاء فرحي قلب عبودي تصدقين عاد كان عندي احساس انتس ماراح تروحين البيت اهلتس وراح تردين العبدالله بس ياترا عبدالله مجروح من كلامتس يوم طلبتي الطلاق حسستيه انه ولا شي عنتس ورجعتس له بتكون زي قلتها
ولا فرحته بجيتس وبالمفاجئه اللي بتسوينها بتكون غير شكل وبيعرف من جيتس ان له مكانه عندتس ولله ذا الرجال راحمته من اول الروايه وهو في غثاء مافيه يوم مرتاح ويوم بدت تضحكله الدنيا جاته الحيه اللي قلبت عليه حياته وخربت بيته بس ربي بيرد كيدها بنحرها وبيردون احسن من قبل
بس تكفين نبي مواقف العبدالله وجوزاء مع خالاته عبدالله هدد انه بيوقفهم عند حدهم بس ماصار بردي قلوبنا فيهم ونبيه على يد عبدالله خليه يرد عتبارها وقدامها وهي لا تقول ولا كلمه نبي عبدلله يشرشحهم ويغسل شراعهم
ايه تكفى يبوكساب تدخل بالموضوع ورد جميله الخليفه المشلكله مايبيلها الا رجال سنع مثلك خل جميله تقول اللي عندها وشكانت خايفه منه وليش هي رفضت تروح معه واسبابها ويكون خليفه يسمع وهو بعد يقول اللي بخاطره الجميله وشكثر هو يبيها وليش ماعمره صرح اللي بقلبه وش اسببابه وبعد الصلح عاد انت احلف انك انت اللي بتكفل بالزواج وسو الحفله (شوعليك مليونير والمسكين خليفه مهوب الا حتت مدرس )
بس تدرين احس ذا الخبله جمول ماهمها يزر ولله شافت ذا البيبي والتهت فيه ولله لو السالفه هامتس ماقعتي تضحكين وتنسين همتس
تدرين ام سعود كنت منتظره ردة فعل منصور وعفراء على جيت البيبي وشبيسون وشلون بيكون استقباله وشمن كلام بيقول منصور العفراء ونفس الشي عفراء بس اللي لاحضته ان ماصار ولا شي وين حركات ابو الاربعين ولا ولده مهوب اي ولد هذا زايد بن منصور اول فرحه المنصور
ياقلبي من ذا الاثنين صدق صدق يبون الغثا لانفسهم حب كساب الكاسره غامض مافيه وضوح وحب كاسره الكساب بحدود حاطه عليه بريك بتروي من دون اندفاع وهذا اللي يخلي الاثنين حيرانين من بعض
كساب يبي كاسره تحبه وتتعلق فيه قبل مايوضح لها هو حبه ويحاول بقد الامكان يلف علاقته فيها بالغموض عشان تحتار فيه لاهو اللي نبذها وبين عدم تقبلها عشان تقول الرجال مايبين ومايحبني ولا هو اللي اندلق بحبه لها وعشقه وخلاها تعرف غلاها وتبدا تدلع عليه وهذا اللي مايبيه كساب يحس لو عرفت كاسره بغلاها بتسيطر عليه عشان كذا جاي غامض
كاسره تحبه بس بحدود معاملته بكل احترام وتقدير هي نفسها متفاجئه من معاملتها له كانت قبل تهدد ونها بتوريه النكد اذا تزوجت لكن كل هذا ماصار بالعكس البنت بين اصلها وتربيتها السنعه واحترمت زوجها وعاملته بكل احترام مع انها ماشافت منه الا الجفاسه وتقطيط الحكي كاسره بان انها تحبك وتعشقك ياكساب صحيح ماصرحت كله خوف من ردة فعلك وتقلبك البنت خايفه انك تمقت بحبها انت كل مره تفاجئه بكلامك واكبر صدمه يوم قلت انك ماتصلح تصير ابو وهي ماتصلح تصير ام البنت فعلن تفاجئت
تصدقين كاسره انا مئيده انتس تتركين بيتس وكساب وتروحين لاهلتس خلي ذا الجماد يتحرك ويحس فيتس اتوقع كساب ماراح يتحمل بعدتس عنه وماراح يجيب راسه ويكسر خشمه الا بعدتس عنه بيرجع عشق زايد المزنه في عشق كساب الكاسره
عقبال مانشوف كساب عند شباك كاسره بالحصاء يضرب الشباك والورد القصايد وكلام الحب جعلك تمشي وماعلى السانك الا كاسره
بارت قويييييييييي ام سعود الله يخليلتس يارب سعود ويوفقتس يارب صدق صدق مشكورين من قلب على الالتزام الغير شكل الله يوسع عليتس رزقه يارب ويحفظتس وكل غالي
|
12-11-10, 04:34 AM
جديد مواضيع قسم القصص المكتمله من وحي قلم الاعضاء
العرض العادي
