ام سعود ولله مالتس علي حلفان يمكن تقولين تبالغ ثلاث مرات ادخل اكتب رد ومايمدي اكتب سطر سطرين الا صاير شي واتركه ماكملته حتى اني شكيت فيني عين عند بين الامس واليوم خاصه اسى الهجران مافيه بارت عدا مارديت عليه وبين الامس بس كم رد مابرد خاطري <<<فيس يقول مصقد عمرها مهمه
بس تدرين اوريتس في عمري بجبرها بالقوه لو الشياطين يناقزون فوق راسي بقواهم لين ارد على الاقل ردين بالاسبوع
تدرين اليوم كتبت سطرين وقام الشيخ الصغير بالصياح لين طفشت وتركت الجهاز المره الثانيه بديت اكتب وجا زوجي قال تبين السوق قومي انا فاضي الحين اضطريت اروح لو قلت بعدين قال انتي اللي مابغيتي ومتى عاد تجي المره الثانيه
ثالث مره وانا باديه الكتابه قال عندي رجال سوي القهوه والشاهي وعشاء خفيف وقفت بس قلت لا تملين اكتبي لو ان شاءالله للمره العاشره بس المره الرابعه صرت ذكيه يوم نام هو وولده طبعن الكبير اسمه ولده والصغير ولدي نام هو والكبير بديت اكتب عشان مايقطع علي احد خاصه وانا اكتب الانفاس احب اعيش جو لين كتبت ماحب اكتب اي رد ابيه يليق بصابحت الروايه فديت قلب ام سعودي
اي على فكره سورة البقره شغاله من بديت اكتب عن عيون الحاسدين <<فيس يقول ايه مصدقه وبقوه



هل غيرة كساب على كاسره هي شعرت معاويه اللي بيقطعها كساب وبينهي كل شي بينه وبين كاسره تصدقين انفاس مادري احس ان كساب مهوب مرتاح لين يضرب كاسره الضربه القاضيه اللي بتخليها ترفض ترجع له لو حفا يومين يرجي ودها وقربها
صدقني كساب ماراح يكسر ذا القوه اللي فبك وشوفت النفس الا كاسره مع ان ابوك واختك وخالتك وعمك واخوك عجزو يرجعونك عن قرارك وموقفك من مزون لكن كاسره راح ترضخ وتنزل عمرك وتراضيها لان عندي احساس ان العيبه مهيب جايه من كاسره انت اللي بتغلط وغلط كبير وراح تطلب من ابوك يتدخل ويرضي كاسره خاصه انك تعرف وشكثر له مكانه عندها بس تدري وش بيصدمك ابوك اللي ماراح يوافق يتوسط لك وبياقف مع كاسره ضدق مهوب لانه دايم ضدق لا لانه عارفك وعارف طبعك وانت اللي بتغلط
عندي احساس ان خلاف كساب وكاسره هو اللي بيقرب مزنه من زايد وبيكون تواصل الاثنين مع بعض عشان يحلون مشكلة عيالهم وبيقربون من بعض وهم مهوب حاسين
حب كاسره الكساب شفاف وواضح تعاملها وصبرها عليه دليل الحب حتى لو ماقالت وكاسره ماقالت مهوب ثقل عليه اتوقع لا هي تخاف من الرد السيء اللي بيقابلها فيه كساب وتنصد فيه وتكرهه على كثر ماحبته عشان كذا فعلها ترجم حبها خوف كاسره من ردة فعل كساب اذا واضح
اما كساب اللي اتوقع انه يموت بالارض اللي تمشي عليها كاسره بس مايبغ يبين لها حبه يبي هي تعترف بحبها له وهذا اللي دايم يحاول فيه كساب مع كاسره يبيها تقولها هل تحدي كساب انك بتجيب راسها ولا خوف انك تطيح بشباكها ويبين عليك ولا تقدر تصد حبها
اعجبتني حركت كساب وروحته للدكتوره ترا مهمه جدا حضور الزوج مع زوجته خاصه اذا الموضوع يتعلق بالحمل والبيبي اللي يجمعهم راااااااااقي جدا كساب مهما قالت كاسره صدقني داخلها ميت فرح على وجودك خوف كساب على كاسره وضح من فعله وكلامه ونظرت عيونه <<<فيس يقول ياكذابه وانتي شفتي عيونه



ياقلبي على عبودي كل ماقال زانت جد علم جديد ولله قطع قلبي ذا الرجال خمس اسنين من عمره راحت مارتاح فيها اول زواجه بذا الزفته اللي عذبته عذاب ثم زواجه من جوزاء وحبه وعشقه لها بس مايقدر يقرب لها كله من المجرمه ثم تعذيبها له والطفله نحرته وذبحته الله ينتقم منها وبعده رجع لتس ياجوزاء وعلى كثر ماسوى لتس مابين بعينتس الا بوسه كلفتي بس على عمرتس الرجال داراتس وسكت عن هبالتس ويوم احتجتيه انتي واهلتس وقف معكم وقفت رجال والنعم ماياقفها احد قام في بيت اهلتس بغياب ابوتس واخوتس
ليه ياجوزاء ماخذت وعطيتي مع عبدالله سمعتيه فهمتيه اني خلاص ماتقدرين تتركينه اول شي حبتس له وثاني شي عيالتس اللي مابيفترقون عن ابوهم
مادري عندي احساس ان انهيار جوزاء الاخير تبي فيه عبدالله الحاله الهستيريه اللي صابتها تخاف تفقده وجيت المجرمه بتكون الضاره اللي نفعت


اكره ضعف العربي شوفي المجرمه وشسوت فيه بديرتها ذبحت ولده وهو ولا كلمه قالها
حرمته من اهله خلته ينفي نفسه من الوجد ويترك اهله وديرته وفوق هذا مانالت عقاب على اللي سوته ماعليه قلنا في بلدهم
بس ليش يوم جت لنا بديرتنا برجليها ماخذنا حقنا منها بشرع رب العالمين هي عليها تهم جايه وفديرته وبكل ثقه تهدده في عقر داره يابجاحتها ولله وفوق هذا المسكين ماقدر حتى ينطق بكلمه خايف لا يغلط عليها وماسوى شي الا بحضرت ابوه واخوه وسفارتها شفتو مذله اكثر من كذا الله ينسفهم يارب المجرمين كبيرهم وصغيرهم الله يشل اطرافهم ومايبقى منهم احد سالفة عبدالله قلبت علي الموجع وذكرتني بتركي الحميدان الله يفك اسره يارب ويفرج عنه وكل مسلم من عيالنا في غونتنامو الى متى ياناس بنسكت على الذل والمهانه الى متى حقوقنا تروح وحن ساكتين نبي خالد بن الوليد وعمروبن العاص نبي ابو عبيده وسعد بن ابي وقاص نبي عقبه بن نافع وقتيبه بن مسلم نبي محمد القاسم ومحمد الفاتح نبي صلاح الدين وهارون الرشيد ماحد نسى منى رد هارون الرشيد على نقفور ملك الروم يوم طالبه يرجع الجزيه اللي تدفعه ايرين الامبرطوره السابقه نعته بكلب الروم اعزكم الله وتوجه له بجيشه لين ادبه اااااااااااااه بس الله يرد عهد الصحابه والفاتحين
نبي الامام محمد بن سعود والشيخ محمد بن عبوالوهاب اصحاب دعوة الاصلاح في الجزيره نبي الملك عبدالعزيز والملك فيصل اللي ابهر اليهود وامريكا الله ينصر الاسلام والمسلمين <<<جراح العرب



تدري انك بديت تستخدم ذكائك ياتميم مع سميره البنت خلاص تاقلمت مع حياتها الجديده في بيت اهلك حبت البيت كله بستثناء انت وفوق هذا تبي تعيش حياتها معه باقل الخساير خوف من الشماته الكل نصحها بس هي عاندت وتبي تحمل نتيجة اختيارها
ليش تميم ماتعذر من سميره وتاسف منها على اللي سواه فيها بعد البنت الى الان ماتدري ان متندم على اللي سواه ليت تميم يتفاهم يتعذر منها ويطلب السماح ويعترف بغلطه قبل مايتفاهم معها
الا وش الفرق بين الكتابه ولاشاره كلها تادي الغرض بتواصل بين تميم وسميره



وضحى او شعاع الثنتين مناسبين العلي كل الثنتين هاديات وعقلات ويصلحون العلي يمكن علي يفضل شعاع على وضحى كتغيير للعائله يعني يبي نسباه غير نسبى اخوه لو ماتوفق كساب ماياثر على علي ولو ماتوفق علي ماياثر على حياة كساب خاصه ان الابو بياخذ الام يعني مهوب الذدرجه شربك
ولا ياخوفي انتس موتي مهاب عشان ماياخذ مزون وتصير عاد صدق تداخل ماصخ



الله يعينك ياصالح على نكد نجلاء مرمرتي بالرجال لين رديتي له والحين ممرضته بالغيره اللي مال لامها داعي تلحقينه كنه بزر مراهق
الرجال بتطخ براسه المره الثانيه والسبه انتي يعني هو محروم من العيال الحمدالله اثنين يكفون لو ماجبتي غيرهم وشوله كثر البزران انتي مهوب عقيم وماشفتي الظنى ولا فرحتي قلب صالح اركدي الرجال يموت فيتس ولا يملا عينه اي حرمه نجلا وبس والباقي خس <<<قديمه صح
الحق على عيالك يبوصالح الحريم هبلو فيهم ونكدو عليهم حياتهم الله يلوم من لام فهد اللي بيشوف حالة اخوانه ماراح يتزوج ابد


ياحياتي ياجمول ثاني مره يخونه حسن التصرف المره الاوله يوم رما عليها كساب كلمته وبسبتها بغت تموت البنت وتقضي على عمرها كرهت الاكل وصامت عشان تبعد عنها كلمت دب بينت انها طفله عنيده ماتقدر تصرف صح بغت تقضي على عمرها والسبه كلمه
تربيتها وحياها وضروفها الصحيه حرمها من التقرب من خليفه كزوج ماعليه في البدايه ياخليفه البنت مريضه لكن بعدين ليش ماحاولت لا تقول حاولت وصدتني ماعليه مهوب مره ولا مرتين انت ماخذ بنت عذراء حيويه ليش ماعاملتها من البدايه مثل اي زوج يعامل زوجته اسمحلي احملك جزء كبير من الخطاء البنت وشلون بتفهم نيتك اللي بقلبك هل قلت لها اذا رحنا الدوحه بنعيش مع بعض ولا بسويلتس حفله الكل يتكلم عنها ولا حكيت لها عن بيت المستقبل اللي بتعيشون فيه انت عندها مرافق مثلك مثل اي مرافق وشكلك بتتركها بعد ماتنتهي مهمتك الله يلوم اللي يلوم البنت ماتبي تهين كرامتها وهي عارفه انك انتهيت من حياتها وهذا اللي ماتبيه ولله قطعت قلبي وهي ترد عليك بعكس اللي بقلبها ودموعها تسبقها خانها التعبير مثل ماخانها التصرف قبل
عفراء بنتس يبيلها تاهيل من اول وجديد البنت تزوجت وبتعيش حياة ثانيه مع حموله وزوج تحسب الكل بيدلعها وبيناظر خاطرها لازم تعرف وشلون تصرف وشلون تتحكم بلسانها حياتها عند اهلهاغييييييييير
اتوقع ابو خليفه ماراح يرضى على اللي صار وبيطلب من خليفه يرجع يجيب زوجته وهو معه خاصه انها بنت اخوه ويمكن خليفه ماراح يبين السبب لابوه اللي خلاه يطلق عشان بيفضح بنت عمه
مع اني اشوف ان الولد تسرع بالطلاق صحيح ردها يقهر وبينت له أن دور انتها بس ولو ليش الله سبحانه جعل العصمه بيد الرجال لانه عارف انه اكثر حكمه وتروي كان تركها عطاها كلمتين قويه بس طلاق نووي


ام سعود ننتظر بارت اليوم على نار احسه بيكون ضارب البارت اللي راح علق فيه شي واجد مرض عبدالرحمن ووضع عبدالله وصالح وخليفه وعشا تميم شكل فيها قنابل موقوته
مشكوره انفاس الله يمتتعتس بالصحه يارب ويوفقتس انتي ماتدرين وشكثر انتي تسعدنا الله يسعتس اليوم اللي فيه بارت بقراه فيني سعة خاطر ماتتصورين كل ماذكرت البارت الله يوسع خاطرتس يارب
ام سعود لتس كل حبي وتقدير واحترامي ياذوق انتي ياملكة الانظباط

آلسسلآآمـ عليكمـ ,,
كيفكم بنــآآت ’’ أنفـآآسس عسسـآآج بخـير,,





بنــآآت ألي يقوولوون مزنه تاخذ زآيد مــآآ أتووقع خصوص اذا علي أخذ وضحى يعني باللهي الاولاد ياخذوون البناات الاب ياخـذ الام ،،


فكــروآ فيهـ من نــآآحيه العـآطيه بـآلعكسس القصـه بتــكووون أحلـى بدوون زوأج مزنه وزايد,,

السـلامـ عليكمـ
صباحكـمـ / مسائكـمـ رضا ورضوان
كل عامـ وانتمـ بخير قبل الزحمة :)
اتوقع علي يتزوج شعاع << مااحبذ ياخذ وضحى مع اني اثق براي انفاس ومعالجتها للاختيار

صباااح الخييير

والله قااعده في غرفه الملاحظه مع بنت أختي وانتظرر الباارت بلييز آنفااس نزليه بسررعه هذا المستشفي ملل
وأتمنى كسااااب مآآات بدأل مهاااب الشخصيه الكررريهه في القصه بس شياطين أعمارهاا طووويله

السلام عليكم ورحمة الله وبركاته
اهنيك اختي انفاس على الروايه الأكثر من رائعه ,,,,,
قاهرتني جميله المفروض تحس بخليفه لو شوي ,,,
متحمسه جدا جدا للأحداث القادمة مع سميره وتميم ,,,,
الله يعين عبدالله على ما بلاه ,,,يا زين هالأسم ويا زين راعيه ,,,,,
والله يجزاك خير على هالأبداع