السلام عليكم ورحمة الله وبركاته

والله جد البارتات جنان
ودي اتوقع مثلكم لاكن المخ لاهي وملخبط بين الاحداث
اعتذر انفاس كان ودي من يوم مادريت بالروايه اقرا
بارت بارت واعلق لاكن هالاسبوع لتس عليه مره متعب كان علي
والحمد الله ازمه وعدت والله لايعيدها

سلمتي

يويل قلبي نفوس اجعتيني حيل من موقف علي وابوه حب وتعلق بينهم مع عتاب من طرف وتانيب ضمير من طرف ثاني
رومنسية صالح يخرب بيت عدوتس شي يخبل بصراحه
خفة دم سميره مالها الا ثقالت دم كساب
بالعربي بارت ماعليه كلام


تدرين ام سعود رحلة مزون بتكون هي بداية الخيط اللي بيربط زايد ومزنه قولي ليش
بيصير مواجهه بين مهاب ومزون وبيحاول مهاب فيها يتعرض المزون ويمكن يكون هو السبب في تعطيل الرحله من القهر اللي فيه خاصه ان معها طاقم على كيفها كله حريم بتنهار مزون وبيعرف ابوها وبتكون المواجهه بينه وبين زايد وماراح يرحم زايد مهاب اللي مارحم عياله عشان خاطر مزون بيرحم مهاب
لكن متى بيتوقف زايد اذا تدخلت مزنه في الموضوع وراح تكون المواجهه بين مزنه وزايد ياترا بيتحمل زايد ويواجهها وياقف في طريق ولدها ولا راح يحن للايام الخوالي ويتقرب المزنه عن طريق مهاب
او بتعتبر مزنه هذا تدخل من زايد في حياتها قبل ثم حياة عيالها عقب وتاقف له بالمرصاد <<<<<فيس يتوقع ويشوف توقعه يصيب



يوجع كلامك ياعلي بصراحه تاثرت انا وشلون زايد حاسه شكثرانت متالم وبعد حاسه باللي في قلب زايد من ناحيتك
بس احس انك منتب مثل كساب ماراح تشيل بقلبك على ابوك لانه راح يخطب لك ست ست جميله ويمكن تكون شعاع او وضحى اذا رفضت عبدالرحمن مع اني اشوفه انسب شخص الوضحى


لبي قلب خفيفة الدم والمشاهد الدراميه ماشاءالله عليها مخليه البيتهم جو خطير مخففه عن ام خالد الحاله اللي هي فيها
اتوقع اقرب شخص السميره كساب او فهد ولد عمها مع اني استبعد فهد واتمنى كساب لانه ثقيل طينه وغثيث واتوقع راح يكون لهادور في كسب قلب كساب وراح تكون الوسيط اللي بيقرب بين كساب ومزون بكثر الزن على كساب



جوزاء لامريضه نفسين ولا شي البنت عاشت سنه كامله كلها قهر اول شهرين كانت عايشه مع شخص ماعبرها ولا يشوفها بحياته شي ومهوب السبب الجمال اول شي ان جوزاء تتميز بجسم خيال وهذ شي يفضله ويمت عليه الرجال وسئلو كل متزوجه ثاني شي الرجال اذا حب زوجته ولله لو انها تشبه ام الدواهي فعينه قمر وغير كذا هي عندها مقومات كثيره منها الجسم والجاذبيه واللي تعجب الحريم اكيد بتعجب عبدالله وهذا مهوب حاجز ابد بينهم عندي احساس ان عبدالله عنده سبب ثاني يخليه بعيد عن جوزاء ابد مهوب فرق الجمال بينهم معقوله عبدالله وجوزاء ماصار بينهم مصارحه معقوله جوزاء ماتنفجر في وجهه وتقوله ليش هو معها كذا
انا متاكده ان عبدالله ماقرب من جوزاء الا مرتين لان خايف انها تحمل وهو عارف انه راح يموت لسبب ما وماحب يتعلق فيها او يعلقها فيه
وان تقربه منها في المرتين اللي ذكرتها جوزاء ان عبدالله ماقدر يتحمل قربها وصار وهو مايبي عشان ماييتم ولده او بنته
لكن السؤال هنا وشسبب خوف عبالله من قرب جوزاء وهل مثل ماقالو البنات انه عايش الى الان ماظن اكيد انه مات ولا مو معقول اكيد اهله بيشوفونه وبيصلون عليه يعني هم ماقالو الشي هذا لكن ام سعود قالت فيه غموض في موته
اتوقع جوزاء تخير بين ان اهل عبدالله ياخذون حسن او انها تتزوج واحد من عيالهم وطبعن الاختيار بيطيح على فهد لانه ماتفرق عنده هو رافض الزواج قال مرة اخوي ولا غيرها وراح تاخذ فهد بس بتنقلب الايه فهد بيحب جوزاء لانها تتميز بصفات جذابه وغير كذا بتدخل قلبه وبيتعلق في ولد اخوه لكن جوزاء بسبب اللي صارلها من عبدالله ماراح تتقبل اي رجل ثاني الا اذا شافت الحنان والحب من فهد وزود عليه معاملته الولد اخوه


لاتلموني في حبها ياعرب وعلى زود سناعتها وعقلها بعد تستحي يازين منطوقتس يام خالد ماجرحته في اكلام وردت عليه بكل ادب واحترام بس ابو خالد وجه مغسول بمرق مع ذالك ياملحك وياملح وجهك ولله حبيتهم وحبيت عشقهم حتى صالح قال واعترف انه غلطان وقالها بس لا تلومينه يام خالد يمكن انه مايتحكم في اعصابه وانتي ارجعي معه وسامحيه ذا المره واذا سواه مره ثانيه حنا اللي بناقف في وجهه مع اني متاكده انه ماراح يعيدها تسع شهور بتعلمه درس ماراح ينساه
بس اللي مافهمته ليش تكذبين كلامه وحبه لتس يانجلا هل معاملت صالح لتس وانتي عنده في بيته سيئه الدرجة انتس تكذبين مشاعره اللي حسينها حنا وشلون انتي ولا صالح من النوع اللي مايحب يبين مشاعره قدام نجلا ماظنيت هذا واحد شكله مايتحكم في عمره قدام محبوبه

مبدعه ام سعود على كثر ماتعطينا في البارت الا انا ننتظر البارت اللي بعده على احر من جمر الله يوفقتس ويسعدتس يارب ويخلي سعودي لتس وكل من تحبين يارب