هوووووو وشبلاكم صايلين كلذا عشان مهااب مات طيب واذا مات مهوب اغلا من اهلنا اللي راحو
اقول اهجدن عاد مابه احد معمر ولو انفاس ماموتت احد من الابطال قلنا روايتها خيال ومابه من الواقع شي
وبعدين كذا فزعة للحزب اها عاد لكن مني مايفوز حزب غانم ونزوج مزون فهيدان ولا هزاع الصديع لابارك الله بمناقر الحريم <<<فيس يسكت البنات الصايلات على المديره انفاس
ياللى فكون عاد من حزب زيد وعبيد وخلونا من الحتسي الفاظي وتابعن الروايه


تدرين ام سعود انا حساسه ورومنسيه وحنونه وماحب الموت اللي يصير بالروايات ويجيني حالة اكتاب اذا موتو بطل من الابطال وقعد كم يوم ضايق صدري وتنهد وارفس من كثر الصياح على البطل
بس بتستغربين اذا قلت لتس مع مهاب لا لاني حسيت اني اقراء موقف واقعي ايه نعم رجال وشاب في اسره مثل اي احد من شبابن محتمل يطلع ولاعد يرجع الا بجنازته وياكثره صارت من كثر اقتناعي ام سعود بالموقف والدور مشت موتت مهاب طبيعيه بالبارت
انا مانكر انه ضاق صدري عليه وحزنت الموته بكيت من كلام امه ووصفها فقده
وبكيت من حزن وضحى عليه وحالت كاسره وتعب تميم بغيابه تصدقين ان كل موقف للابطال اللي اتنقل بينهم يقطع قلبي وتدمع عيني ومع ذلك صيغتس الموتت مهاب جد مقنعه اقنعتني وسلمت بالامر وكان اثرها مثل اثر موتت اي شاب في اي عائله ومايجوز الاعتراض على القضاء والقدر مهاب عمره انته


وبعدين ياللي تقولين ماتكلمين الا عن الشيبان وشفيهم الشيبان ولله انهم ملح وسكر القصه واكثر ماستمتع وانا اقراء حوار يكون طرف فيه يازايد او عفراء او منصور والكاتبه الممتازه اللي تقدر تصيغ حوارها عن جميع الشخصيات يعني لازم تكلم عن الشباب بس ولبقيه مهوب لهم دور ومهم في الروايه ولله ان الكاتبه اللي القى ابطالها من فوق السبعه والعشرين على طول اقراء قصتها واللي بزران من ثلاثه وعشرين وتحت اطل عليها وانحاش


ام سعود انا ماحب نكران الجميل والجحود موتي والجاحد لافضال غيره عليه خاصه اذا كان الفضل مهوب اي فضل خذ من عمره قرابة سنه وعاشها معها وعشانها انحرم من الاهل والاصدقاء والعمل لعيونها ويوم استوت وزانت البنت وصارت انثاء وزوجه تنكر
تكفين ياجميله لاتسوينه في خليفه ولله لو تقولين بس كلمه تجرحين فيها خليفه بكرهتس ولا عاد احبتس واصير ضدتس واحرض كل العالم ضدتس وادعي عليتس تردين مثل قبل واردا <<<فيس يقول كنها تدريبتس



هي وشتبي بصدرك ياخي البنت تبي كلمه حلوه تبي معامله وانت يقالك معطيها حقها بخمك لها على ذا الصدر ولله لو انا مكانها ان ادفك لين اول ماياصل الارض راسك
مالت عليك زوجك وام عيالك مستقبل تشوفك قدام عينها تدلل وتخمم وتراعي اختك تطلع معها وتعشاء وتعطيها من الكلام الحلو
لو مكانتس كاسره ماحدني ربي عليه وعلى عيشته وعلى شين فعوله ولله لموت قهر يسوي بخته كذا وانا اتسدح واتبطح في البيت سواليف مع ذا الشايب ماعليه ابوه جايزلي واحب قعدته بس بعد هو زوجي ابي منه اهتمام وكلام وعلاقه حلوه
لاتعذر من موقفها معك يومك بحاجه الحضنها انا لو مكانها ماعطيتك ولا ربع وجه من زين فعولك جاي تبيها تضمك وتخفف عنك ياخي عطها العلم والخبر وتشوف الزوجه المحبه السنعه



بين طيب معدنك ياعبدالله الحين انت تغلى على جوزاء ولله لو تقولها معاد ابيتس يابنت الناس ومليت من مقابل وجهتس وغثتس صدقني بتركض وراك
تصدق مع كثر اللي سويته لها اشوفه الى الحين شوي بحقها ولو سامحتك جوزاء عشان وقفك معها ومع اهلها في ضروفها بيبين انها طيبة اصل والمعروف الطيب ينفع معها واكبر مجازات لك من جوزاء واعظم هديه هي هي تفريحتس له بحملتس



ولله لو ماحالك اللي انت فيها ياتميم ولا كان طالبت بحزب منذا الاحزاب اللي تسوونها يصوتون ضدك ياخي ماتخاف رب العالمين في بنت ذا الاجود كسرت قليبها حتى من الروعه خالها هريدي معاد جابت طاريه
ضرب كفوف وخيانه وشذا الكلام هذي ماقد صارت بزمنا (عروس تضرب وتتهم بشرفها في ليلة زفافها)
اوجعني قلبي على سموره وزاد الطين بله وضيح عما يعمي العدو ماتخافين ربتس في ذا المسكينه تعلمينها الحركات الماصخه اها شوفي نتايج فعلتس وشوت ياكبر جرحتس ياسميره وياطيب قلبتس اللي صابره تشوفين وجهه كل مادخل وطلع
وانت ياتميم ياقوي وجهك ولله انه مغسول بمرق اللي عقب سواياك ماسويت اي خطوه اجابيه معها اقل شي تعذر منها مادي ومعنوي بالكتابه وبالهداياء



منصور وشبتسوي العفاري بتقول معاد لتس مقعاد في بيت زايد
تدرين ام سعود اتوقع منصور كبريائه وحزنه من عفراء ماراح يسمح له يعتذر منها وبيقول العفراء انا باخذتس تحت نظري لين تالدين عشان اطمئن على سلامة ولدي واذا ولدتي جبتس المكان اللي تبين
ولقائه لها بيكون توبيخ وتانيب على اهمال نفسه وولدها
وماراح يبين لها مقدار فقده لها وشوقه وحبها هذا ماتوقعه اذا كنت فاهمه شخصية منصور اللي تقولون مثل كساب مع انه وشجاب الجاب
تدرين ام سعود منصور كان يعامل طليقاته مثل ماكساب يعامل كاسره لا كلام حلو ولا حب ولا رمنسيه مابه الا ذا الصدر مغير مردغن خشتها فيه وغيره مافيه
والكلام الزين والرمنسيه ماسمعه الا عفراء عشان ماحب لاقبلها ولا بعدها
يعني اللي نفهمه منذا ان كساب ماحب كاسره مثل ماحبته
اتوقع بتهور يكساب يوم وبتقط من قطات الذي منها على كاسره وبتعيفها اياك


زايد على كثر اعجابي فيك ماقدرت اكتب فيك ولا كلمه ياخي وشذا كله ماشاءالله عيني عليك بارده يبوكساب لاتاخذ مزنه ولا غيره انت اصبر بس لين اجيب بنت واعطيك اياها ولله انك تسو مليون شاب من شباب ذا اليومين

مشكوره الف مليون شكر ام سعود كفيتي ووفيتي ولله لو اقعد امدح فيتس منذا لين بكره ماجازيتس حقتس وافيه ام سعود جعل ربي يرحم والديتس ويخليلتس كل غالي ويجزاتس الف خير

[SIZE="6"]أبدعتي انفاس في هذا البارت في وصف هذه المشاعر . صراحه موجع ومحزن ومؤلم ومبكي الله يصبرنا عند المصائب .هذا البارت متعب بجد حسيت نفسي وحده من اهل مهاب بكيت من كل اعماقي بكيت من وصف الجد المسكين . احزني ابو عبد الرحمن الله يشفيله عبد الرحمن تقر عينه فيه. ا تمنى لك التوفيق من الله صدق تخلين الواحد يعيش مع الاحداث في القصه . مبدعهههههههه ياانفااااااااس[/SIZE]

صباح الورد يأم الشيخ الغاليه

يعطيك العافيه على البارت القننننبله

وربي جفت دموعي من كثرر البكى لموت مهاب وانتي ما شاء الله عليك نقلتي لنا الصوره كامله بمشاعر الابطال

واحاسيسهم بكينا من فقدنه بالامس وبكينا خوفا على من بعد عمرر طويل من سنفقدهم بالمستقبل وهذا حال الجميع

نسأل الله حسن الخاتمه والعمل الصالح من الدنيا ,تصدقين بغيت ادعي له بصلاتي خخخخخ ..

كساب والغموض اللي يلفه واحتواءه لكاسره كل ليله بحضنه يا اخي زود الكرم عندك وسمعها كلام حلو وبين اهتمامك فيها

بس الله يستر من ان مقولة الذيب ما يهرول عبث ما تنطبق عليك انت عندي احساس ان بيكون بينه وبين كاسره شئ كبير

بس واللي يسلمك ما نبي نهايتهم طلاق يكفي حزن مهاب علينا ..

سميره اصبحت البلسم الشافي بوسط للعائله بالحزن اللي عيشونه لكن الى اي مدى تستطيع الصبر وتمثيل اللامبالاة

من وضعها الذي لا يرضي احد ..

مزنه ووضحى والجد وكاسره والله مشاعرهم وحزنهم دخلت الى قلوبنا وذرفت لها الاعين وايضا الحال لعائلة عبدالرحمن الله

يفرحهم فيه واللي اتوقع يصحى بس يبي له وقت ..

مزنه قربها من زايد هل بيكون له دور لتقاربهم ما اظن بعد هالعمر يفكرون وخصوصا بالحال اللي هي فيه بس

لو فرض صار صحيح او ان زيد ما قدر يتحكم بزمام عاطفته امام عياله وعرف كساب بلوعة امه لما عرفت بحب

ابوه هل بتكون الضربه القاضيه لكاسره من كساب لما ينفذ تهديده اللي سبق ذكره امام عمه ..

جوزاء وعبدالله والهدوء اللي يسبق العاصفه عاصفه من نوع آخر مليئة بحب وسعاده ورضى بينهم ان شاء الله

يعطيك العافيه يا غاليه

بحفظ المولى

لروحكـ جنائن من الياسمين

مرحبا انفاس حبيت اقولك ربي يعطيك العافية على هالبارت اللي كله مناجاة مع الروح والنفس حسيت فعلا اني قاعده معهم واسمعهم شخصيا من دقة الوصف وكمية الاحساس اللي واصلني ...

حبيت اقول اني فعلا حزنت لموت مهاب وانصدمت بس وضحت عندي نقطة لما مات في شخصية مهاب من البداية حسيت شخصية مو قوية ذاك الزود خصوصا مواقفة مع كاسرة على كل الله يرحمه يارب...



مرسي ياقلبو ولا تبطين بالبارت ...... بالانتظـــــــــــــــــــــــــــــــــــــــــــــــــــــ ــــــــــــار

السلام عليكم

أحبارك أنفاس ان شاء الله بخير

تصدقين أنفاس توه زوجي أمس يقولي يام دميعه بس أم دميعه ماقدرت تبكي على مهاب مع انه فتح أجروح كنت أحسبني نسيتها بس الدنيا تداوي وان شاء الله أنها بتداوي أهل مهاب

بس أنفاس حبيت أشكرش أنش جبتي الاحداث بعد ست شهور كان الالم علي أخف

بس حبيت أقول كلمه للبنات اللي أعترضو وبعضهم الله يهداها نالت كلام جرحني وأنا مب الكاتبه شلون بيكون شعور أنفاس لو قرته

أنفاس هذا أول شخص يموت في رواياتها هذا مايشفع لها عندكم وبعدين أكيد في شئ في راس أنفاس ولا ليه مامات الا بعد ماتزوجو كاسره وتميم

اسفه أني طولت وبنتظار البارت