تسلم الديات يالغلا ع البارت
ولو ان جرعة الالم كانت زايده فيه
وخصوصا سميرة & تميم
سميرة &
تميم
اللي صار بينهم كان شيء مؤلم الى حد النزف
اللي بناه فخياله وكبر مع شكوكه واوهامه ووصل لحد انه مو قادر يشوف
ان اللي واقفه قدامه لا يمكن تكون بمثل ماتخيلها او صورت له شكوكه
ومع الاسف اللي صار كان له نتيجة سلبيه ممكن تلازم حياتهم لفتره طويله
وطعم المراره والحسره اللي كانت تتكلم فيها
سميره عن تهدم احلامها
اللي ارسمتها قبل الزواج وصدمتها بواقع شكوكه فيها بتخلي حياتهم اصعب
من حياة اي زوجين موجودين بالروايه
لان اساس اي علاقه صحيحه وسليمه اللي هي الثقه مفقوده
ورغم ان
تميم ندم ع تصرفه وع تسرعه لكنه مو قادر يصدق ان فيها عيب هو
اللي اجبرها ع الزواج منه وقبوله ع ماهو عليه رغم انها امنية اي شخص سليم
واتوقع ان بعد انهياراها بهالشكل راح يغير من معاملته معاها مع وجود الشك
اللي بيقطعه باليقين لما يكمل زواجهم ويتأكد بنفسه من انها اطهر من الطهر نفسه
واعتقد انها بعد ماتصحى راح تتعامل معاه ببرود وتجاهل في بعض الاوقات
وبقسوه وتجريح في اوقات ثانيه عشان تفش الغل اللي فيها والقهر اللي حاسه فيه
وممكن انها في اوقات راح تعزل نفسها عنهم وتتجنب انها تتواجد بمكان هو فيه
واحياناً راح تستفزه بكلامها اللي بيخليه يتخذ خطوه يريح فيها عقله من الشكوك
لمتى بيكون غباء وضحى هو السبب في ازدياد سوء الوضع بينهم
وشعور تميم بالنقص هو المغذي لشكوكه واوهامه اللي انبنت ع اسباب عارضه وغير مقصوده من سميره
*
**
كساب &
كاسره
دائما اجي لعندهم واحتار في اللي بكتبه عنهم
كل ماحسيت ان الامور بينهم تتحسن يصير شي يخليهم يبتعدون عن بعض
ويرتفع الحاجز بينهم ويكبر جدار سوء فهم كل طرف للاخر
كأن كل واحد منهم عايش بعالم لحاله ووسائل الاتصال بينهم تكون متردده في الوصل والانقطاع
لكن الامل في ان تكون بينهم قعده مصارحه ومكاشفه توضح الامور بينهم
وتذيب كل الحواجز اللي انحطت حجر ع حجر رغم الفتره البسيطه لزواجهم
هي اللي تخليني اكتب واتوقع ايش اللي ممكن يصير بالجزء الجاي
ودائما الخوف يزورني في كل جزء اشوف فيه ان الكلام البسيط يتحول الى مشاده
وعناد وكلام مبطن بالغضب والحزم في ان ممكن الامور تتصعد ويصير شرخ
في حياتهم لا يمكن جبره ولا اصلاحه
يمكن يكون تشابههم السبب الرئيسي في حدوث التصادم بينهم
برغم وجود مشاعر جميله وشفافه بينهم الا ان العناد ماخذ حيز كبير في علاقاتهم
وتوقعت انه مستحيل يلجأ لها اذا احتاج لحضن يضمه ويخفف عنه
لان مو كساب اللي يكرر اظاهر ضعفه وحاجته للحنان بعد مالقى الصد والرفض
ياخوفي ياكساب ان يجي يوم وتندم بعد فوات الآوان
*
**
عفراء &
منصور
ماادري ليش اصراره ع موضوع الشغل
قبل انه يصغر نفسه ويعتذر لها قدام اخوه وعياله لكن رفض التنازل عن عناده في موضوع شغلها
رغم شوقه اللي متعبه واشتياقه لها واحساسه بالوحشه والفراغ الا ان ماقدر يقبل بفرض رغبتها
واصر ع ان يوصل الموضوع بأنه يقبل بالتنازل عن القليل من كبريائه مقابل انها هي تتنازل عن وترضخ لأمره
واصراره هذا راح يخلي الفجوه تزيد بينهم والبعد يطول
واتوقع انها بسبب الضغط النفسي اللي عايشته وحملها بتتعب وبيكون تعبها جايد
ليش دائما يامنصور تتخذ الامور بحزم صارم وامر واجب تنفيذه من دون اي نقاش
متناسي ان الحياة ماتجي الا بالاخذ والعطاء
حاول انك تروض شخصيتك الغير قابله للنقاش وتخليها تلين شوي عشان ماتندم بعد فوات الاوان
*
**
عبدالله &
جوزاء
حالتها في المكابره غريبه
لما يسمعها كلام حب ويظهر مشاعره ناحيتها ترفض وتتهمه بالكذب
واذا ابتعد عنها وتركها في حالها واتخذ جانب بعيد عنها صورته بالمخادع المدعي
تكابر في رغبتها بانه مايحرمها من مشاعره حتى لو كانت كاذبه مثل ماهي متصوره
تغلفها بالكره والحقد والنفور منه والاشمئزاز من لمسه لها
وهو عارف انه ببعده عنها واتخاذ مظهر البرود واللامبالاة يحرق روحه العاشقه والولهانه لظلها
لكنه قدر يكتشف تناقضها في تصرفاتها وخصوصا لما تظاهر بالنوم وحركاتها لازعاجه عشان يصحى
واتوقع ان في اخذه لحقوقه الزوجيه منها راح يوضح لها الفرق بين عبدالله اللي تركها محطمه و
عبدالله
اللي رجع وكله شوق ووله وهيام لها ولانفاسها
اتوقع انها مابتقصر في تجريحه والقسوه عليه بالكلام لكنها داخلياً راح تحس بنبضات بتحاول تتجاهلها
وتوهم نفسها انها نبضات كره وبغض
وفضولها في معرفت اذا كان عنده زوجه ثانيه وعيال غير
حسن اغرب
انتفاضها وثورتها لمجرد تصورها ان ممكن يكون متزوج تدل ع انها حست بالغيره ولكنها كالعاده تجاهلت هالشعور
ويمكن يكون هذا بداية لشراره بتشتعل فقلبها بتزيد وبتصير نار مشتعله ومتأججه في سفرهم
اللي بيكون سبب في تقربهم من بعض واكتشافها لحاجات اعماها كرهها غضبها عليه من انها تشوفها
متى ياجوزاء بتنزاح هالغشاوه اللي عاميه عينج عن انها تشوف كمية الحب اللي تشع من عيون عبدالله
وعشقه اللي فاض وصار يقطر منه كحبات المطر واللي ماخفى ع احد والكل لاحظه الا انتِ
*
**
مهاب &
عبدالرحمن
اتوقع ان كان بيصير لهم حادث ولكن
مهاب قدر يتدارك هالشي
وتوقعت هالشي لاني ماابي اقول حادث بالفعل وبموت فيه الجد ويتعورون فيه الشباب
وان موت الجد بيقرب من
كساب و
كاسره وبيزيل بعض الحواجز اللي انبنت بينهم
لانها بتكون بحاله حزن شديده بتخلي
كساب يغرقها بحنانه واهتمامه ويحتوي حزنها ع فقد جدها
وطبعا هالشي بيحببها فيه اكثر واكثر وبتشوف جانب من
كساب كان مخفي عليها
معذوره حبوبه ولج الحق في اخذ راحه يالغلا
انتِ ماقصرتي معانا دايما كنتِ منضبطه في مواعيد تنزيل البارت وولا مره اخلفتي في وعدج معانا
والراحه من حقج مع كم الحزن والالم اللي اتوقع انه يستنزف منج الكثير في تصور المواقف المؤلمه
اللي نحس فيها واحنا نقراها وتتعبنا وتألمنا فما بالج بنفوسه اللي تترسم صوره للمواقف تاخذ من اعصابها
ومن مشاعرها الشي الكثير
بإنتظار البارت الجاي ع احر من الجمر
مع احداث اتمنى انها ماتكون مؤلمه وحزينه
تحياتي
19-10-10, 02:16 PM
جديد مواضيع قسم القصص المكتمله من وحي قلم الاعضاء
العرض العادي
