مســـــــــــــاء الأوركيد
مشكوووورة على البارت وتسلم الأيادي ممم بارت اليوم بارت الأنفجار
انفاس حسيت انك نزلتي البارت
وقفلتي اللاب توب وقلتي باب غرفتك وقعدتي تصيحين من عقب هالبارت
واللي زاد ان ياحساسه هانم تأخرتي علينا ساعة ونص 
ترى عندي مناعه لان قد انتظرت بارت سنه ونص
,,,,فتخيلي تجين تدلعينى وتقولين
موال اعتذار عشان ساعه ونص!!!
تراني احكي جد,,,بالفعل كان واضح انك خانقتك العبرة وانتي تكتبين المقدمه :)
==================================
ابتدء البارت بعبدالله وسالفته من جوزاء
اجل حتى انا ابدء فيهم ,,,,,
جوزاء بغض النظر وش خلاها تسوي كذا ,,,,,بنلاحظ انها وصلة لمرحلة معينه
مافي بقلبها خوف من عبدالله !!لان عقب ماحلقت له ماكانت خايفه كانت تنتظر طلاقها,
وكمان مطمنه ان وراها ابوها مهدد زوجها بالقتل لو زعلها ,,,
وكمان هي دارية ان مهما غلطت عبدالله ماراح يطلع شي خارج جدران جناحهم,,,,,
نتيجة هذا كله انها صارت ((مالها كبير))وبالتالي ((أمنت العقاب))
وانتي عارفه نتيجة من امن العقاب ,,,,,ربي رحمها ان ابو صالح دخل بالسالفه,,,
وكلامه معها بصراحه عين العقل كلام مربي وليس كلام معاقب.
قالها لو هو غلط عليك وماراضاك تعالي وانا اعلقه من رجلينه ,,,يعني
هو مستعد ياخذ حقها بالكامل لكن اذا جاته ,,,مب تتصرف بطريقة غلط عشان تاخذ
حقها ,,,
وبالتالي السبب الثاني لقوتها راح بسبب تصرفها وهو تهديد ابوها لعبدالله
يعني حتى لو وصلت مشاكلهم لاهلها ماحد بيوقف معها ومثل ماقالت فقدت الامان
وطبعآ السبب الثالث راح وهو انه مشاكلهم ماراح تطلع بره وهذي هي وصلت
للكبير ابو صالح ,,,,ومع كلامه الجارح لعبدالله ,,,شايلة هم وخايفه من ردة فعلة ,,,
طيب نجي للموقف اللي كانت تصيح ,,,في شي غريب صار ,,,جوزاء من رجعت
لعبدالله كان ملازم لها الغضب والتمرد ,,,لكن اليوم مافي غضب في حزن وانكسار ,,,
من رأي الشخصي بهذا الموقف الكرة بملعب عبدالله فقط لاغيررررر.
===============================
زايـــــــــــد
واضح ان الموضوع زايد مرتب له بكل شطارة ومن رأي الشخصي
اكثر واحد فاهم وعارف كساب هو زايد وساعات احسه يحركة بخيوط
مثل عروسة الخشب,,,,,بس السؤال ,,هل يوم خطط لهذا الموقف
درس مضبوط ردة فعل كساب وبالتالي ردة فعل مزون ؟؟
ولا الخطة اخذت مجرى خطير ماتوقعه؟؟!!!
=================================
كساب وكاسرة
بالنسبة لكاسرة مافي شي جديد ,,,هذا الانسان غموضه بيذبحها
يدخل عليها وهو مجروح ويخيط يده!! ويتمتم بطلاسم مو فاهمه منها شي
ومسك الختام يتخلى عن غموضه عشان يفجر لها قنبلة تزيد قهرها حسرة ومرارة
انه يدخن!!!,,,من وجهة نظرها وش باقي مصايب بعرفها بالمستقبل؟؟!!
وعشان يزيد من رصيده عندها بتصرفاته الغريبة الغير طبيعيه يرجع لها
أخرالليل (لانه صلى قيامه) ويقولها تعالي احضنيني!!!!!!
مين محتاج حضن ؟؟مين محتاج يوقف على ارض صلبه ؟؟ مين محتاج يعرف مين
الانسان اللي انا عايشه معه ؟؟ مين محتاج يطلب تبرير لتصرفاتك المجنونه؟؟
صدقيني انفاس لو كان واضح ومنطقي معها من تزوجو وطلب منها تحضنه
اكيد كانت طارت له ,,,لكن طلبه هي شافته تصرف غريب من ضمن تصرفاته
اللي تشوفها منه ليل ونهار.
والحمدلله انها ماضمته وصدته لان بصدها له ,خلاه يروح عشان يروي عطش
صدره لضمة مزون .
====================================
كساب ومزون
كم مره شفناها ((تذوب وتذوب))؟؟ ,,,,كم مره وصفتي انها ((تبهت من الحزن))
كم مرة قلتي انها ((تذبل وتذبل))؟؟ ,,,,,,,,,,,,كثير كثير
هذي هي محصلة احساسها وشعورها ,,,,ويمكن عقب ماصار لها انها تنقلب الادوار
المتشفق يصير عايف والعايف يصير متشقق ,,,
روعة كتابتك للموقف مااقدر اوصفه او اعلق عليه مثل ماعجزت اعلق على
لقاء زايد ومزنه ,,,ومثل مشكلة عفراء ومنصور ,,,ومثل احساس جوزاء .
=================================
كساب
اذا ماخانتني الذاكرة ,,,حوار كساب مع نفسه ووتذكره للماضي ,,,هذا الثالث!!
اول مرة يوم عفراء بكت يوم سافرت جميلة ,,,كشفتي عن تفكيرة ومشاعره
وثاني مرة عقب مااهدته مزون الميدالية عشان زواجه ,,,,واليوم الثالث.
والغريب عق كل مرة اتعاطف بشدة معاه وانسى كل تصرف قاسي منه,,,
داخل هالانسان نقطة حنان لكنها مركزة جدآ جدآ تكفي انها تتوزع
على اهل الارض وتزيد ,,,لكن عنده قدرة رهيبه انها يخفي هالنقطة
بمكان استحالة ان احد يشوفها بتصرفاتها .
=====================================
ناظري بقولك شي ادري انه تافه جدآ
لكن ربي بلاك بقارئه تقراء الروايه بصورة كاملة وليس بموقف منفصل ,,,,
كساب وهو يناقش مزون وهمن انفجرت ,,,ليش مااحد جاهم ؟؟
مع انها صرخت بهستيريه ,,,طيب هو عقب ماطلع راح لكاسرة بس ماطول
عندها مجرد حوارهم وطلع,,,لكن قعد يدور بالبيت يعني ماطلع برة البيت ,,,
غريبة ماانتبه لهم وهم مطلعينها !!,,,,
يعني هم ماجو لهم عقب صراخ مزون,,,طيب شلون عرفو عنها عقب؟ اذا صراخ
ماسمعوه اجل عفراء وعلي وش وداهم لها ؟؟لان معناه ودوها يوم دخل كساب بغرفته
ونظرآ لكبر جناحه ماسمعهم وهم ياخذوها,,,معناه هم كانو عارفين انه عندها
ويوم طلع راحو لمها واخذوها !!!,,,,يعني هل هم برئاسة زايد قاصدين ردة فعل مزون؟
لان علي وزايد غرفهم تحت ماتوقع يوصلهم الصوت .
انفاس ادري اني غثيتك بس هنا شي مب قادرة افهمه.
============================
انتظرك لاتتأخرين ,,,,وتراني انتبهت لقفلاتك المؤلمة بس عشان حساسيتك
عديتها بس الجيات اكثر من الريحات
اشكرك على انضباطك بالمواعيد ياحساسه وتعاملك الراقي وبالك الطويل
13-10-10, 07:12 PM
جديد مواضيع قسم القصص المكتمله من وحي قلم الاعضاء
العرض العادي
