الف الف مليار مبروك القاص المميز وتستاهلينه
ماشاءالله عليتس بارت يخبل ولاحداث اللي فيه نار قربنا نعرف طبيعة وشخصية الابطال ولاحلا دخول العائله الجديده عيال المصريه على قولت صويلح <<<< منقهره منه بصراحه


بتكون بدايتي عن الشيخه نجلا واخوانها تصدقين نفوس شخصيتها اعجبتني موت احب انا المره السنعه والرزينه اللي عندها كرامتها فوق كل شي مهما كان حبتس واحترامتس الصالح يانجول ومهما كان حبه لتس الا غلطه على امتس ومعايرتس فيها هذا جريمه
انا ادري فيه رجال عصبيين وهو من بين الرجاجيل يشار لهم بالبنان والكل يحترمهم ويقدرهم بس عليه السان مع اهل بيته الله هما يكافي موس يجرح يوم انها بنت مصريه وتشوف انه عيب تعايرها فيه وشوله خذتها كان خليت بنت المصريه في بيت اهلها ويجيها من يقدرها
اكره المره اللي تسكت عن حقها وتهين كرامتها مجرد انه ابو عيالها ومايقصر عنها وعن عيالها وتحبه وهو يحبها ونست ان الاحترام هو اهم شي اذا فقد الزوجين احترامهم البعض طار الحب
وشفيها المصريه يقهروني اللي يعيرون بنت المصريه ولا الهنديه ولا الشاميه ياخينا هذولي ربو عيال وطلعو دكاتره ومهندسين انت عايره اذا كانت اطباعها شينه ولا ماتخاف ربها ولا صانت بيتها وعيالها لكن تهينها مجرد انها مصريه استح على وجهك
مثل صالح ماينفع فيه الا اللي يوقفه عند حده يعني ياخذ عليه تعهد تحترم اهلي وتحترمني يقاله يمزح معها ماخذه البياض والحمار من خولتس حامض على بوزك ماهبل فيك وسبهبك الا ذا الحمار والبياض اللي تعايرها فيه وترى سبك لها كنك ساب عمك يدلخ
انا معتس نجلا لا ترضين عليه لين تشيب جفونه الهيس
على العموم انا طحت في الرجال هوشه وسب بس مابعد شفنا وجهة نظر صالح وش عنده من علوم وعندي احساس انه رجال والنعم ولا ماكان رضت عليه نجلا المسبه من سميره وهو جارحها
نجي لشعاع بصراحه حبيتها ذا البنت احسها فرفوشه وتدخل القلب تخلي اللي قدامها مهما عصب تبرد اعصابه مجرد ماسمع تعليقها
وهي من النوع اللي ذب علي واذب عليك وبدون زعل
اتمنى لها واحد قوي شخصيه ضحكه قليل صلب عشان عندها يرفه عن نفسه وطلعه من جوه يعني ياكساب او مهاب
غنوم ياترى منهي اللي تكسرت سنونك بسبتها يمكن مزون لان اكيد مهيب كاسره هذي ماتعطي وجه ولا تستاهل من يتكسر اسنونه عندها ونوعها ياخذ حقه بنفسه


نجي البيت فاضل بصراحه تفاجئت بشخصية جوزاء هل زوجها مات بفعل فاعل وعشان كذا هي تغيرت حياتها بسبت الموضوع هذا يمكن بس اللي فهمته انه مات بحادث يعني صار تخريب في الفرامل وعشانه ماقدر يتحكم في سيارته مادري بس اي سبب مايخليها تكون سليطة السان تسب وتتكلم عن الغير واذا حمقت غضبها اطلعه في ضرب اللي قدامها
شخصية شعاع شخصيه محببه للي حولها ومثلها يكون قريب من الكل لانها ماتغار ولا تكره على ان بنات خالها النقيض في الشخصيه الا انها تحترمهم الثنتين ولا ترضى عليهم هل بتكون من نصيب اخو بنات خالها ولا عيال زايد
انا متاكده ان عبدالرحمن لاحب كاسره ولا وضحى يحترمهم كابنات خال وخوات صديق لاكن حب ماضنتي عندي احساس انه راح تكون وضحى من نصيبه وهو شخصيه هاديه وحبوبه وتنفعله وضحى بس عساها تكون عاقل وماتخلي اختها حاجز بينها وبينه


غريبه حالة مزنه وعيالها احس فيهم قوه غريبه مزنه بنتها مصفقه من اخوها وعارفه وشلون هي حساسه ومع ذالك تاركتها طول اليوم ماطلعت طيب خاطرها بكلمتين
حتى كاسره ماكسرها الكف وتصول وتجول في بيتهم ولا هما الموضوع
بس احلا شي ان شكل توقعي بيصير صح وكاسره بتتزوج منصور بس صدق نفوس احسه هو اللي راح يرضي غرورها ومنصور بيشوف فيها اللي ماشافه في حريمه واهم شي الغيره ماراح تكون في قاموس كاسره لان شخصيتها تمنعها من اظهار الاهتمام والغيره
ماعجبني اعتذار مهاب الكاسره كنه ماصدق على ربه انها تراضيه كان ثقلت شوي وخليتها تنزل من برجها العاجي وتعتذر وجه الوجه انتم كذا تنمون الغرور


تصدقين نفوس دمعت عيني على موقف زايد وكساب يوم خبره بسفر علي حسيت بوجع قلبه على ظناه مهوب بسيطه انه بعد الموقف اللي بينهم يسافر وماودعه (ذكرتني غنية محمد عبده سافرو ماودعون سيبون وراحو )
وفوقه كلام كساب اللي مثل السم وبيخلي الفار يلعب في عبه وبدال ماكان في علي صار في علي وجميله
عندي احساس ان خليفه راح يكون قدالمسؤليه وبوجوده راح تتحسن حالة جميله لانه ماراح يقصر معها وخاصه اذا قال ان الجسم المليان يعجبني اكثر اسئليني اذا المره عرفت شي يحبه زوجها فيها تحاول تنميه وتحافظ عليه عشانه خاصه اذا حبته يعني جميله اذا حبت خليفه راح تسوي اللي يطلبه منها وبمعاملة خليفه الجميله الحنونه مع الشده في عدم التنازل عن اي شي من ناحية صحتها بيقربون البعض اكثر


ام سعود بارت اليوم خيال ماشاءالله عليتس قوي فعلن حبيته مادري ليش مادري لاني حسيت فيه اني عرفت كثير عن شخصية الابطال الله يوفقتس يارب ويجازيتس الف خير ومره ثانيه تستاهلين التميز ام سعودي

سلاااااااااااااام
ياهلاا والله ومسهلااا بكاتبتنا الغااليه
ألف ألف مليون مبرووك التميز
وإلى الأماام دوما ودااائما
تعالي تعالي>>>فيس يحضنك بقوة
بااااارت روعه روعه روعه ماشاء الله تبارك الله
تدخل على التعليق
بسم الله
*
*
*
كااسـرهـ
من أول والبنت ذي عاجبتني شخصيتها وكل شي فيها
واليوم زااد إعجاابي وخااصه بعد جلستها مع وضحى
واعتذارها لـ مهاب طريقتها عجبتني ^_^
*
*
*
مهابـ
قلبي تقطع عليـــك اليوم من جد قويه يوم وااحد في الثلااثين ينضرب قداام خوااته اللي يعتبرهم بناات له مو خواات
لكن على قول زوزو((اهم شيء انك حصلت وردة وبطاقة حلوة))
يعني رب ضاارة ناافعه^_^
*
*
*
وضـحى
إيانـي وإيااكِ تواافقي على عبد الرحمن سوااء تبيه كاسرهـ اولأ
خلك على قرارك ترى مهما سويتي رح تبقى اللي في خااطرهـ كااسره مو أنتي..وأمر حلو جلسه المصاارحه مع كاسره يمكن تخف علااقه الحدود بينكم
*
*
*
تميم
اللـــه يعينك من جد شي صعب تجلس بين نااس ماتفهم وش يقولون والمشكله لو نسوو وجوودك تماما>>فيس متأثر حيـــل
لكن أحسن شي تلااقي أحد في البيت يفهمك^_^
*
*
*
كسّابـ
يعني سكت دهرا ونطق كفرا>>فيس مو متأكد من المثل
يعني مااتتكلم مع ابوك إلا بالقطاارهـ ويوم فتحت فمك جبت لأبوك الضيقه..بس بيني وبينك حلااال فيه ولاّ في ابـ يفضل الغريب على القريب>>فيس مقهور من هالموضوع
لكن خف على ابوك شوي ترى اللي فيه مكفيه
*
*
*
علــي
تعااال مع وجهك ذا>>فيس يمسك اذنه
وش اللي خلاااك تهرب مسوي فيها بختلي بنفسي يااشيخ روح
الغلط منك يوم سكت لـ جميلووهـ ولاّ كان طعت شوور كسّاب ووريتها نجوم القاايله..وألحين حضرتك هربت لمتى رح يكون هروبك؟؟؟سؤال ينطح نفسه..اقصد يطرح نفسه^_^
*
*
*
خليفووهـ الشر
(اسمك عندي من اليوم ورااايح)
حلااال فيك على قول السوريين اللي من إيدو الله يزيدو
بس مسوي فيها رجّال وماترضى ترجع في كلمتك بنشوف يوم تقاابل عنااد جميلووهـ وش رح تسوي>>فيس حااقد عليه
*
*
*
جميـــله
شووفي بغض النظر عن كرهي لك وحركة النذاله اللي سويتيها في علي بس قلبي الطيب يتمنى لك الشفا عشاان ترجعين وتندمين على اللحظة اللي رفضتي علي فيها*_*
*
*
*
عفراا
اسمعي كلااام زوزو وخذي منديلها
ماافي دااعي للدموع والكلاام ذا كله يمكن جلستك في الدوحه تخليك تتزوجي منصور>>فيس يتمنى كذا
دااام عرفتي معدن بنتك روحي شوفي حيااتك وارتااحي
*
*
*
عبد الرحمن
ميــــــــــــــــــــــــن البنت اللي تتكلم عنها لا يكون عندك أخت ثالثه وانا ياغافلين لك الله>>فيس مايحب شي يفوته
لااا يكون قصدك شعاع انها مثل اللي مايسمع ولا يتكلم يمكن ليه لأ على العموم لا ترد حركة مهاب مره ثانيه يعني تقول عروسك عندي ترى البنات مو لعبه خل تقولها والله ما يحصل طيب>>فيس يهدد
*
*
*
شعااع
ياقلبي عليك والله الظااهر ان قلبك ملياان هموم وفيه من الضيقاات ماتكفي بلد..لكن نصيحه منّي لاتعطيم جويز(جوزا)وجه والكف بعشره ترى الطيبه ماتنفع مع الأشكاال ذي
*
*
*
جوزا
الظااهر والله أعلم ان البنت فيها شي ومو طبيعيه ولاّفي وحدهـ
تضرب بالشكل هذا عشان كلمتين ماتسوى..وفجأة تعتذر وتهدا
رح نعرف أكثر مع الوقت ان شاء الله
*
*
*
سميرة
ياحبني لها ذي البنت..وهي صاادقه بعد العمر ذا يجون لها اخواان لو متزوجه كان عيالها في سنهم..لكن حلو دووشه البزران تغيير في الروتين اليومي..ومدري ليه حااسه ان لك دوور من يوم تكلمتي مع وضحى وانا حااسه ان لك دوور وقوي بعد الله يستر
*
*
*
غنام
حركاااااااات والله وتكسرت سنون وصاارت علووم من ورى وحدهـ*_^ تعااال تعال علمني من هي والله ما اقول لأحد غير بناات المقلط>>فيس أمين على السر
ولو ماتبي بكيفك البارتات كفيله بكشف المستخبي>>فيس يحرك حوااجبه
*
*
*
نجلااا
شووفي زوجك ذاا معدنه مو معروف لا هو ذهب ولافضه
ولاّ في وااحد عندهـ ذره عقل يحب زوجته ويعايرها بأمها
وبعدين امك مافيه شي يتعااير حرمه والنعم فيها يعني ثااني مرهـ لو فتح فمه ناديني وانا بتصرف معاااهـ
*
*
*
انفااااس تسلم أناااملكـ يالغلااا
وسلااامة رااسك المصدع خذي حبه بندول
وناامي وانا اختك>>فيس حااس بمعاناتها
ننتظر البااارتـ الجديد على أحر من الجمر
وتكووني بألف صحه وعاافيه>>فيس يدعي لها
بالتوفيق الدااائم