كاتب الموضوع :
#أنفاس_قطر#
المنتدى :
القصص المكتمله من وحي قلم الاعضاء
الله يرحم شيخنا العلامه عبدالعزيز بن باز ويعوضه على الامه الاسلاميه بمن مثله في علمه ومابعد كلام بن باز كلام
نفوس شوفي ولله وثم ولله وبعد ولله لو اقعد امدح ابداعتس ماخلصت ينصر دينك ياشيخه مواقف رومنسيه قوييييييييييييييه وبادب واحترام حوار راااااايق كل مقطع استمتع بحواره اكثر من اللي قبله
اسلطن وانا اقراء المواقف اللي بين كساب وكاسره
اخق لين قريت عن عشق عبدالله الجوزاء
اذوب لين قريت تغزل منصور وعفراء
ولله انتس مبدعه يابنت ام سعود تكفين وتكفين تهز رجال لاتقطعين من رواياتس الله لايقطعتس من الجنه ومن تحبين يارب وانتي خذي راحه من الكتابه وبعدين ردي
شوفي اول شي بابدا بعفراء العجوز اكبرت وانهبلت الحين بتغارين من تغزل منصور بحريمه ايه اكيد بيتغزل فيهن ولا انشاءالله ماخذهن يلعب هوياهم خبصه ريحي قلبتس يامره ولا تاخذتس الغيره من حريمه مهما كان الرجال لو مايحب زوجته بيتغزل فيها لين ياخذ غرضه منها
اما الوظيفه استريحي وريحي عمرتس عفاري وشتبين بالوظيفه بتاخذين زمانتس وزمن غيرتس ياختي تقاعدي وافتحي المجال الغيرتس البيوت مليانه بنيات ذبحهم الفراغ مالقو وظيفه وانتم الوحده منكم شبعانه ومتمسكه بوظيفتها
ياخيه اتركيها وريحي عمرتس وريحي قليب المسكين اللي خايف عليتس وشتبين فيها خاصه انتس منتيب فاضيه وراتس طفل تربينه ويبي
روعه رسمتس للحوار اللي يدور بين كاسره وكساب تحسسين الواحد انه معههم في حوارهم ولله نفوس حسستيني انتس عايشه الاحداث هذي وانها ياحياتس ولا حياة احد خواتس من دق ماوصفتي ماشاءالله
اعجبتني كاسره ماشاءالله على ذا الانسانه احسها معطيته على قد عقله ماتفاصله كثير ترد عليه بكلمتين بكل احترام تحاول بقدر الامكان تمتص غضبه في المقابل هو يحاول يستفزها ويثير اعصابه بس هي ياجبل مايهزك ريح تحاول تحسسه دايم انها زوجته واجب منه الاحترام كرهت تصلطه تصدقين حسسني انه بزر مدلل ولا كلامه انه بينهي الروحه ويرد الدوحه كلام رجال يعني يمن عليها بشهر العسل لكن البنت طلعت احسن عنه وحاولت تنازل كثير عشان المنقود الاكيد ياكساب راية كاسره معك بيضاء ورايك انت بنفسجيه بس ياكساب ترا لصبر حدود والبنت ماراح تصبر على ذا الملاغه يانت رجال بتعدل وتعطيها حقها اللي تطمح له ولا تطلع مثل مادخلت وذي كاسره ماراح تبور بتاخذ سيد سيدك وانت بتقعد تبكي على الاطلال وتقول ليت اللي جرا ماكان
وشذا كله ياجوزاء تهديد يخوف العبدالله ولله اني انا اللي خفت من هول تهديتس وقلت يبنت ارسلي للرجال مسج ترا تهديدها يخوف لا تذبحه وتوثم بعمرها وتيتم ولدها من امه وابوه بغيت انحاش من قراية الروايه لا ينولني شضلي من الحرب اقول اها عاد اهجدي بس ولله ان ابوحسن عرفلتس وانتي ماعندتس اللا الخرطي اقصى ماسويتي حركة البزرانا انتس تحرقين ثيابه مالت على تفكيرتس ليت كاسره عندتس تعطيتس ادروس بسناعه وحسن التعامل مع الخصم انا ماقول اندلقي عليه وعطيه حبتس لا بس تمنيت طريقتس تكون اكثر رقي في تاديبه والفاظتس احسن كله دعاوي عليه ولا اكرهك اكرهك ويرد هو عليتس بكل برود احبتس تسبين وتلعنين ويعطيتس من سعه الرجال واثق من عمره وانه بيطيحتس بشباكه وانتي تكررين عليه اكرهك واكرهك ومهيب كلمه عابره لا كل تعابير وجهتس تقول معناها
لله درك ابو حسن ماسويت مثل غيرك وقلت باخليها لين تقبلني وتطلبني بنفسها ومدري ايش انت سويت الواقع اللي كل رجال يسويه تاخذ حقكك منها بما فرضه الله والحلو انك بينت ان غضب الله عليها لو مانفذت تجاوب معك ماتجاوب ترضى ماترضى سويت مثل اي رجل شرقي يبي حقه من زوجته حتى لو مهوب برضاها خير ان شاءالله ماخذها يتفرعليها
تميم بلا عاد ملاغه وتخيلات لا تودي ولا تجيب حب يدك مقلوبه ولا انت تطول بنت اخت هريدي جمال وبياض وخفت دمها زودتها حلاوه بس فعلن انا افكر مثل مانجلا تفكر هل سميره بتصبر انها تاخذ واحد مايتكلم ولله ماظنيت البنت بتطق منه لا يهوش ولا يمدح ولا يسولف بتطق من ثيابه الا اذا كانت 24ساعه بتكون عند وضحى وامها وهو ماتشوفه الا وقت النوم بتفرغ كل اللي فيها عندهم قبل ترد الغرفتها
ودي بصراحه يتفركش زواجهم وتاخذ سميره واحد من عيال عمها فهد ولا هزاع وتخلي تميم ياخذ من جنسه ماراح تصبر على وضعها
مشكوووووووووره ام سعود على البارت الهديه ولله انتس بنت ارجال ومره والنعم الله يفرح قلبتس قدر ماتفرحينا بنزول الاجزاء
|
01-10-10, 11:38 PM
جديد مواضيع قسم القصص المكتمله من وحي قلم الاعضاء
العرض العادي
