مســـــــــــــــــاء الأوركيد
مدري وش اقول ,,مبارك عليك الشهر او عيدك مبارك وتقبل الله او الحمدلله على السلامه
اشتقت لك كثير :)
مشكوووووورة على البارتات كلها ,,,,الله يعينك على ثرثرتي
لان بالتعليق على بارت واحد ياكثر ثرثرتي عاد شلون بتعليق على عدة بارتات
وتعتبر دسمه جدآ ,,,,عشان كذا بختصر.
=================================
انفاس اذا مو غلطانه الاحداث من اخر مره قريت فيها البارت
صايره دقيقه وتحكين عن تفاصيل اليوم كله وماتعدت اسبوع فقط ,,,,هذا معناه ان بعد فتره
بتسرع وتعدين فيها لان تبين توصلين لزواج عاليه بعد 6شهور .
====================================
قلبتي الاحداث وماتوقعت ان طريقة رجعة جوزا وعبدالله بتكون كذا
انا من الناس اللي توقعو ان عبدالله بيستخدم حسن كرت عشان ترجع له جوزاء
لكن بهالطريقه ماتوقعت ,,,واحلى شي ان القارئ يتفاجئ بشي غير متووقع .
مممم
تدرين انفاس بأجتماعهم مره ثانيه والاختلاف الشاسع بينهم بالأحاسيس
يجي سؤالين واحد يسأله متفاءل والثاني يسأله متشائم
س1 لين متى بتستمر جوزاء بتلبسها شعور الكراهيه؟
س2 لين متى بيستمر عبدالله بتلبسه شعور العاشق؟
جوزاء مانخلقت كذا ولاكانت كذا ,,,لكن هي بالضبط مثل ماقال دكتورها عارض نفسي
لكن لو كل اللي حولها جربو يزيلونه مايقدرون ,,,اللي يزيله هو اللي عرضّه لها.
بقايا انثى مجروحه ,,,شخصية عدوانيه ,,,,لكن بالمقابل في نقطه مهمه جدآ
في جانب بشخصيتها عبدالله ماكان له أثر عليها فهذا الجانب قمة بالروعه والمثاليه
هو جانب الأمومه ,,,,جوزاء ام رائعه مثاليه حنونه ,عبدالله لو ذكي بيعرف
ان الجانب المشوه من شخصيتها صح قبيح لكن يقدر يتعالج ويصير قمة بالروعه بالضبط
مثل امومتها .
طبعآ نرفع لك القبعه على وصفك المذهل لمشاعرهم والمذهل اكثر واكثر انك قاعده
توصفين بنفس الموقف مشاعر عكس بعضها وكل احساس نقيض الثاني
ماشــــــــــــــــــاء الله تبارك الله .
ذكرتيني بالبارت اللي تكلمتي فيه عن زواجهم والشهرين اللي كانو مع بعض .
نفس الابداع ,,,ممممم بس انفاس ماتوفقيني الرأي بنقطه صغيرة جدآ جدآ
ممم في موقفين جوزاء قالت رأي صريح لكن مغلف بمشاعر كراهية .
تذكرين يوم شافت عبدالله بالمستشفى رغم اعاصير كارهيتها لكن قالت (ازداد وسامة)!!!
وثاني رأي امس يوم قالت ابتسامته المثيرة!!!!
صح انا معاكي بكل رأي ان مشاعر الكره كانت ملبده لكن ماتوفقيني الرأي ان استحاله اذا
كرهت انسان (من داخـــــــــــــــــــل قلبي وليس فقط بالكلام) اني مااشوف فيه ولا شي حلو
حتى لو كان شي جميل فأنه بعيوني يتحول لقبيح!!<----مجرد رأي خجول :)
يشعر أن أنامله ستزهر من مجرد ملامسة ربيع وجهها..
برافو برافو ,,,,جمله وصفيه اختصرت احساس عاشق واجابة على سؤاله ان مافي احد عاشق مثله
=========================================
تميم وسميرة
تدرين انفاس انا معاك تعديت مرحلة المجاملة ,,,لكن من جد حبكة حلوووه
انتي بحادث تميم وكون انك خليتيه بوضع استقبال وأوقفتي عنده الأرسال والسبب بهذا كله
يرجع لسميرة . طيب خلينى نكون مكانه ونبدء من البداية
هو أصلآ مثل ماقالت امه مو عارف قدر نفسه ,,,,وجات موافقة سميرة بغض النظر عن سببها,
بتحسين ان في شي غلط ,,,مثل لو شفتي فستان من ماركة مشهورة وقالو لك سعر 500ريال
بتطير عيونك وتقولين ليش سعره كذا وهو المفروض يكون فوق العشرة الالاف ,,اكيد فيه عيب
عشان كذا يكون سعره.
طيب ولاننسى ان سميرة كان لها موقف بايخ معاه بدون قصد منها ,,,موضوع صورها بالاب توب
سميرة بيضاء! واراء الكل انها مميزة وهو كان يشوفها وهي صغيرة يوم كان ياخذ اخته من
المدرسه ,,,,يعني لونها كفيل ان يتعرف على هويتها!!,,,ادري بتقولين لي لاتظلمينه هو قفل
الفايل بسرعه بس ياانفاس ماقدر يميز من اللمحه السريعه لونها المميزه وبالتالي تعرف عليها؟؟
واكبر دليل انه عرفها من فتحة نقابها يوم الحادث !,,,وطبعآ الحادث كان عود الثقاب اللي ولع
النار بالديناميت اللي كان موجود براسه منها,,,,وجات المسكينه ترسل له بوكيه الورد
وكانت هذي القشه اللي قصفت ظهر البعير!!!!!
طيب وقفنا لين هنا؟؟ لالا ,,,للأسف الشديد ماوقفنا ,,,انفاس تميم رجال واذا يعاني من اعاقه
لكن يظل رجال,,,,لما رجال تتجبر يدينه الأثنين ,,تدرين وش يترتب عليها ؟؟,,,,
مين يسبحه؟؟ مين يغير ملابسه الشخصيه؟؟ من يلبسه شرابه؟؟ مين يفرش اسنانه؟؟
لو عطس مين ينظف انفه!!!مين يدخل معه الحمام؟؟ انتي متخيلة لكمية القهر والعجز اللي فيه؟؟
وطبعآ مع كل احساسه بالعجز يزيد غضبه على المتسببه بهذا كله اللي تخلت عن حيائها ودخلت بيتهم.
وللأسف ماكان عنده قدرة انه يرسل اشارة وحده ينفس فيها من البركان اللي داخله ,,,
والنتيجه رجل حر مقهور غاضب جدآ ثائر جدآ ,,ينتظر اقل تصرف منها عشان يثور عليها!!
مين يقدر يلومه ,,,,وكمان مانقدر نلوم سميرة .
==============================
كساب وكاسرة
تدرين انفاس في كرة صوف معقدة يبلها فك ,,,,او بمعنى اصح ,,,اذا حكيتي عنهم
فأن المعلومه ماتدخل المخ كأن في عقبه.
كساب اكاد اجزم ان من ابتدئت الروايه وفي كلمة ملاصقه له لازم تكتبينها اذا حكيتي عنه (غموض)
لدرجة اني اتخيل بتصورى عن شخصيته ان اغراضه كلها سوداء ,,,,بدون استثناء
سواء أحذيته او شرباته و ساعاته واقلامه وميداليته اللي اهدتها له مزون وحتى شنطة يده
لدرجة ان شنط اغراضه الشخصية ونظافته مثل فرشة اسنانه وعطوره وادوات حلاقته كلها
لونها اسود من كثر الغموض اللي يلفه من ابتدئت الروايه ,,,,اذا ماخاب توقعي
تنعد على أصابع اليد المرات اللي دار فيها حوار مع نفسه وكشف تفكيره لنا.
والتعقيد اللي ملفت للأنتباه من بعد خطوبته لكاسره,,,
ما سألت نفسها شلون دخل مبنى يحترق بكل مهارة ,,,وافراد الدفاع المدني المدربين اللي لابسين
لبس مضاد للحريق وعليهم كماماتهم ماكانو بأحترافه؟؟
حركته يوم زواجهم يوم فتح الباب بالرغم انها متأكده انها قفلته ,,وهو داري انه مو شي سهل
والدليل قالها عشان اشوف وجهك المذهول !!!,,,طيب نجي لكلامه معاها بالطيارة
بخصوص حادثة القتل ,,,قالت له عشانك ولد زايد ,رد عليها وقالها اعفائي من الحق العام
ماله اي دخل بكون اني ولد زايد!!,,,ومع ذلك ماقالت له ,,أجل ليش اعفوك وش السر,,بس حرام
كانت تعبانه وفيه النوم ومجهدة ,,,,نجي لتسلق الجبال بالليل !!!متى امداه يروح يسجل او يشترك؟
طيب خلينا نقول كانو عارضينه بالفندق ,,,,صارحها بموضوع العرق اللي يوقف وصول الاوكسجين
معقوله ياانفاس ماتسأله سؤال بديهي شلون عرفت او بالأصح شلون تدربت عليه؟؟؟؟؟؟
مو سهل ابدآ اني امد يدي وبسرعه رهيبه و اقدر المس عرق خفي بكل احتراف ,,,هذي يبلها تدريب
مكثف عشان اوصل لكذا ,,,
هو رجل اعمال لا دخل كلية عسكرية مثل منصور وفهد ولا وظيفته تعطيه معلومات!!!
ومب عسكري متخفي لأنه قال لمنصور انت عسكري وبتتحاكم محاكمه عسكرية!!!!
اجل كساب وشو؟؟؟ ,,,,,هو له وظيفه ثانيه وله شهادة ثانيه وبنعرفها بوقتها اكيد.
لكن الملفت ان قاعد يتعامل مع كاسرة بغاية الدهاء لسببين يلفت انتباهها عن ملاحظة عمله
وحياته الخفيه والسبب الثاني قالها ,,,ان كاسرة امرأه اسثنائيه عشان كذا يتعامل معها بااسثنائيه.
واللي ساعده اكثر الحوار اللي ذكرتيه بينه وبين منصور ودامه قبل اسبوعين من زواجهم معناه بعد
موضوع الحريق,,,,هو عرف ان شخصية كاسرة موسهله من ذكرياته ومن عقب مقابلته معها.
لكن عرف ان هي شخصيتها تشابة مزنه وبحسبه بسيطة اكتشف ان شخصية العاشق المتيم
بتفشل مثل مافشل زايد مع مزنه ,,,,فااختار ان يتعامل معها بطريقه غير المتوقع من رجل قدامه
اجمل نساء العالم.
ممممم
موضوع تهديد كساب اذا كان حب زايد ضر وسميه هذي بالذات ان اكيييييييييييييييده ياانفاس
انك بتفاجئينا فيها :) ,,,,,مثل مفاجئتك لنا ان كساب فكر بكاسرة من قبل مازايد فكر فيها له.
====================================
ادري ثرثرت كثير لكن يشفع لي غيابي .
انتظرررررك ثم انتظرك بأذن الله
اشكرك على انضباطك بالمواعيد وتعاملك الراقي وبااااااااااااالك الطويل :)
==========================
30-09-10, 10:35 PM
..
جديد مواضيع قسم القصص المكتمله من وحي قلم الاعضاء
العرض العادي
